အေမတင္ စိတ္ျပတ္ျပီလား

 

အေမတင္ တိုု႕မွာ သားသမီး ငါးေယာက္ရွိသည္။ သားၾကီး၊ သားလတ္ ႏွင့္ သမီးငယ္ သံုုးေယာက္တိုု႕ ျဖစ္သည္။ သားၾကီးနွင့္ သားလတ္က သံုုးႏွစ္ ကြာသည္။ သားလတ္ ႏွင့္ သမီးၾကီးက တစ္ႏွစ္ပဲ ကြာျပီး သမီးၾကီးႏွင့္ အလတ္မက ႏွစ္ႏွစ္၊ အလတ္မ ႏွင့္ အငယ္မက ေလးႏွစ္ကြာသည္။ သားၾကီးက ဘြဲ႕တစ္ခုု ရေသာ္လည္း အစိုုးရအလုုပ္ ဝင္မလုုပ္ပဲ သူ႕အေဖႏွင့္ အတူ ဥယ်ာဥ္ျခံေတြကိုု ဦးစီး လုုပ္ခဲ့သည္။ သားလတ္ကေတာ့ ဘြဲ႕ရျပီးေနာက္ သစ္ေတာ့ဘက္မွာ အလုုပ္ဝင္လိုုက္သည္။ သမီး သံုုးေယာက္ကေတာ့ ပညာပါရမီ မပါရွာ။ သမီးၾကီးက ဆယ္တန္းကိုု B ႏွင့္ ေအာင္ျပီးေနာက္ ဆက္မေျဖျဖစ္ေတာ့။ အမ်ိဳးနီးစပ္ေတာ္ေသာ ဦးေလး တစ္ေယာက္က ရွမ္းျပည္နယ္ဘက္မွာ ပညာေရးဝန္ထမ္း ဝင္လုုပ္ဖိုု႕ ေျပာေသာ္လည္း အေမတင္က အၾကီးမကိုု စိတ္မခ်သျဖင့္ မလႊတ္ခ်င္။ အၾကီးမကလည္း ကိုုယ္တိုုင္ ပိုုင္ပိုုင္ႏိုုင္ႏိုုင္ မဆံုုးျဖတ္နိုုင္သျဖင့္ အေမတင္ သေဘာအတိုုင္း ဆရာမ ဝင္မေလွ်ာက္ျဖစ္ခဲ့။ အဲဒီေခတ္က B ႏွင့္ ေအာင္သူမ်ားလည္း မူလတန္းျပ ဆရာဝင္လုုပ္ရင္း ဆယ္တန္းျပန္ေျဖရာမွ ဘြဲ႕ရျပီး ရာထူးအဆင့္ဆင့္ တက္သြားၾကသူေတြလည္း ရွိသည္။ အၾကီးမကေတာ့ အစိုုးရဝန္ထမ္း ဇာတာ မပါတာ ျဖစ္ႏိုုင္သည္။ အလတ္မက ဥာဏ္ေကာင္းေသာ္လည္း ဆယ္တန္းႏွစ္မွာ က်န္းမာေရး အၾကီးအက်ယ္ မေကာင္းသျဖင့္ မေအာင္ခဲ့ျပန္ပါ။ အငယ္မကေတာ့ ပံုုမွန္ တစ္ႏွစ္တစ္တန္း ေအာင္ခဲ့သလိုု ဆယ္တန္းလည္း ႏွစ္ခ်င္းေပါက္ ေအာင္ခဲ့ျပီး အေဝးသင္တကၠသိုုလ္ပဲ တက္ေနရာ ခုုေတာ့ ဒုုတိယႏွစ္ ရွိျပီ။

***

သားလတ္ အိမ္ေထာင္ျပဳျပီးေတာ့ သားသမီးေတြလည္း အရြယ္ေရာက္ျပီ၊ စိတ္ခ်လက္ခ် ရွိျပီ ဆိုျပီး ဆံုးျဖတ္ခ်က္ ခိုင္မာသြားသည္ထင့္ ၊ အေမတင့္ အိမ္ေထာင္ဖက္က ဘုုန္းၾကီးဝတ္ဖိုု႕ ခြင့္ေတာင္းလာသည္။ သားၾကီးကလည္း ဥယ်ာဥ္ျခံ အလုပ္မ်ားကို ဦးစီး လုပ္နိုုင္ေနေလျပီ။ သားၾကီးက အိမ္ေထာင္ျပဳဖိုု႕လည္း စိတ္ကူးရွိပံုုမရပါ။ အေမတင္တို႕ လင္မယား နွစ္ေယာက္က အားလပ္ခ်ိန္မ်ားမွာ ျမိဳ႕ထဲက မိုးကုတ္ရိပ္သာမွာ ဝါတြင္းတိုုင္း လုုပ္ေနၾက တရားပြဲမ်ားကို ညေနတိုင္း သြားေရာက္ နာေနၾက ျဖစ္သည္။ သူက ေလာကီကို အျပီးျဖတ္ခ်င္ျပီ ဆိုုေတာ့လည္း အေမတင္က သာဓုေခၚျပီး ခြင့္ျပဳေပးလိုက္ရသည္။ သူကသာ သံေယာဇဥ္ အျပီးျဖတ္ျပီး သာသနာ့ေဘာင္ ဝင္ဖို႕ ဆံုးျဖတ္နိုုင္ ေသာ္လည္း အေမတင္ကေတာ့ သမီးမ်ားကိုု စိတ္မခ်ေသာစိတ္နွင့္ သာသနာ့ေဘာင္ အျပီးဝင္ဖို႕ စိတ္ကူးကိုု မရွိနိုုင္ပါ။ တရားကို သိသင့္သေလာက္ သိေသာ္လည္း အေမတင့္မွာ သံေယာဇဥ္မ်ားကို မျဖတ္နိုုင္ေသးပါ။ တစ္နွစ္မွာ (၇) ရက္ ရိပ္သာေလာက္ ဝင္ဖို႕ကိုပင္ မွာရ ၾကားရနွင့္ စိတ္မ်ားတတ္ေသာ အေမတင္ပါ။

အိမ္ေထာင္ဖက္က သူမ်ားေတြလိုု သစၥာေဖာက္ျပီး ထားသြားတာလည္း မဟုုတ္သျဖင့္ အေမတင့္မွာ ဘာမွေတာ့ စိတ္ဆင္းရဲစရာ မရွိပါ။ ဘုန္းဘုန္း ေက်ာင္းထိုင္ေသာ ေက်ာင္းကိုု တစ္ခါတရံ သြားျပီး ဆြမ္းခ်ိဳင့္ေတာ့ ပိုု႕ျဖစ္သည္။ သားၾကီး ႏွင့္ သမီး သံုုးေယာက္ကလည္း ခုုထိ အိမ္ေထာင္ျပဳဖိုု႕ စိတ္ဝင္စားသူမ်ား မဟုုတ္ပဲ ဒိုုးတူေဘာင္ဖက္ လုုပ္ကိုုင္ စားေသာက္ ေနၾကရသျဖင့္ အေမတင္ စိတ္ခ်မ္းသာ ရသည္။ သားလတ္ တစ္ေယာက္သာ နည္းနည္း ဆိုးခ်င္သည္။ အေမဆီက မရွိရွိတာကိုု ေတာင္းခ်င္သည္။ သူ႕ မဂၤလာေဆာင္ကိုုလည္း အေမတင္ တိုု႕မွာ မရွိရွိတာႏွင့္ တတ္နိုုင္သမွ် တင့္ေတာင့္ တင့္တယ္ ျဖစ္ေအာင္ လုုပ္ေပးခဲ့ရျပီးျပီ။ သူ႕စိတ္က တကိုယ္ေကာင္းဆန္သည္။ သူတစ္ေယာက္ ေကာင္းစားရင္ျပီးေရာ ေမာင္ႏွမ ေတြ အေပၚလည္း သံေယာဇဥ္ မရွိပဲ အနိုုင္က်င့္ခ်င္သည္။ သားၾကီးကေတာ့ အဲလို မဟုုတ္ ညီ နွင့္ ညီမ မ်ားကို ညွာတာ ရွာသည္။ ဒီအေမ နွင့္ ညီမမ်ားကို ေကာင္းေကာင္းမြန္မြန္ ထားခ်င္သျဖင့္ အလုပ္လည္း ၾကိဳးစားရွာသည္။ အဲဒါေၾကာင့္လည္း အေမတင္က အေမတုိ႕ ထံုးစံအတိုင္း သားၾကီးကိုု ပိုုခ်စ္ရသည္။ အလတ္မကဆို အေမတင္က သူ႕သားကိုပဲ ဦးစားေပးသည္၊ ဂရုုစိုက္သည္ ဆိုုျပီး အျမဲ စကားနာထိုုးသည္။

အေမတင္ အခ်စ္ဆံုး သားၾကီးက ရုုတ္တရက္ အခ်ိန္မတိုင္ခင္ ဆံုးသြားေတာ့ အေမတင္မွာ ေျဖဆည္ရာမရ ျဖစ္ရသည္။ ဘယ္သူမွလည္း ထင္မထားခဲ့ဘူးေလ။ ေရာဂါ တစ္စံုတရာေတာင္ ရွိခဲ့တာလည္း မဟုတ္။ ရုုတ္တရက္ၾကီး အပူရွပ္၊ အပ်င္းဖ်ားျပီး ဆံုးသြားခဲ့ျခင္း ျဖစ္သည္။ ေရာဂါစံုျပီး အလတ္မကလည္း သူေတာင္ ဘာမွ မျဖစ္ပဲ က်န္းက်န္းမာမာ အစ္ကိုုၾကီးက ျဖစ္ရသျဖင့္ ေတာ္ေတာ္ စိတ္မေကာင္း ျဖစ္ရွာသည္။ အေမတင္ အတြက္ေတာ့ တရားသေဘာကို သိေသာ္လည္း မေျဖနိုုင္ကေတာ့ မေျဖနိုုင္တာပင္။ ေနပူထဲမွာ ျခံအလုပ္ေတြ လုပ္ျပီး ျပန္လာ ေရခ်ိဳးျခင္း ျဖစ္ေသာေၾကာင့္လည္း အေမတင္မွာ စိတ္မေကာင္းျခင္း ၾကီးစြာ ျဖစ္ရသည္။ ဘုုန္းဘုုန္းကေတာ့ သူ႕တရားနဲ႕ သူမိုု႕ မ်က္ႏွာ သိပ္မပ်က္ေပမယ့္ အေမတင္ မွာေတာ့ ေလာကီသားမို႕ ဘုန္းဘုန္း ေရွ႕ေတာင္ ငိုမိေသးသည္။

***

သားၾကီး မရွိသည့္ေနာက္မွာ ျခံအလုပ္ေတြ ဦးစီး လုပ္ဖို႕ လူလိုုလာသည္။ သားလတ္ကေတာ့ အစကတည္းက ဒီအလုုပ္ေတြ ဝါသနာမပါပါ ဆိုုျပီး လခစားအလုုပ္ သြားလုပ္ေနသူမိုု႕ ဘယ္လိုုမွ ျပန္လာလုုပ္ခိုုင္းလိုု႕ ရမွာမဟုတ္ပါ။ ပထမပိုုင္းေတာ့ အေမတင္ႏွင့္ အၾကီးမ နွစ္ေယာက္သား ျခံထဲ ဆင္းၾကသည္။ အလတ္မကေတာ့ က်န္းမာေရး မေကာင္းသူမိုု႕ ျခံထဲ ေခၚလိုု႕မျဖစ္ပါ။ အငယ္မက အထည္ေတြ ယူေရာင္းေသာ အလုုပ္နွင့္ သူ႕ဟာသူ အဆင္ေျပေနသူမိုု႕ ေခၚလိုု႕ မျဖစ္နိုုင္။ ေနာက္ဆံုးေတာ့ ျခံသံုုးျခံ ရွိသည့္ အနက္ တစ္ျခံေတာ့ ေရာင္းပစ္ဖို႕ ဆံုုးျဖတ္ျပီး ေရာင္းလိုုက္ရသည္။ ကိုယ္လည္း မလုုပ္နိုုင္သည့္ အတူတူ ေရာင္းျပီး အတိုုးေလး ဘာေလး ေပးစားတာက စားဝတ္ေနေရး ပိုအဆင္ေျပနိုုင္သည္ မဟုုတ္ပါလား။

ဒီၾကားထဲ အလတ္မက ေတာ္ေတာ္ ၾကီးၾကီးက်ယ္က်ယ္ ေနမေကာင္းျဖစ္သျဖင့္ ေဆးဖိုုးလည္း အေတာ္ ကုန္သြားခဲ့သည္။ ဒီၾကားထဲ ဒီအေမအိုရဲ႕ လုုပ္စာကို သူပါ ဝင္မစားရရင္ မေနထိုုင္တဲ့ သားလတ္ကလည္း ဟိုုအေၾကာင္း ဒီအေၾကာင္း ျပျပီး လာလာ ေတာင္းတာက ရွိေသးသည္။ သူတိုု႕ လင္မယားကလည္း သိပ္အဆင္မေျပၾက။ ဘယ္ေျပပါ့မလဲ သူ႕ မိန္းမ ဆိုုတာကလည္း ေငြမက္မက္ ႏွင့္ ေယာက်္ားလုုပ္စာ ထိုုင္စားေနသူ ျဖစ္ျပီး ေယာက်္ားက အသံုုးမက်သည့္အခါ တက်က္တက်က္ ျဖစ္ၾကတာကေတာ့ မဆန္းပါ။ အေမတင္ကေတာ့ ကိုုယ့္ေျမးမေလးကိုု သနားမိတာႏွင့္ တတ္နိုုင္သေလာက္ေတာ့ ေတာင္းလွ်င္ ေပးလိုုက္တာ ခ်ည္းပါ။ ဒီ သားလတ္က ခုုေနာက္ပိုုင္း အရက္ကေလးကလည္း ေသာက္ခ်င္သည္။ အိမ္လာလည္လွ်င္လည္း သမီးေတြႏွင့္ ေျပလည္သည္ မရွိပဲ သူကပဲ ျပႆနာ ရွာခ်င္ေသးသည္။

အလတ္မက ေဆးရံုုကဆင္းျပီး က်န္းမာေရး နည္းနည္း ေကာင္းသြားေတာ့ သီလရွင္ အျပီး ဝတ္ခ်င္သည္ ဟုဆိုလာျပန္သည္။ အဲဒါမ်ိဳးကိုေတာ့ အေမတင္က စိတ္မခ် မျဖစ္ပါ။ ေကာင္းရာ ေကာင္းေၾကာင္း အလုပ္ကိုေတာ့ အေမတင္က အားေပးပါသည္။ သူ႕ဦးၾကီး ဦးေလး၊ အစ္ကို၊ အစ္မ ေတြကေတာ့ သိပ္သေဘာမတူခ်င္ၾကပါ။ အေမတင္ကေတာ့ ဘာမွ တားမေနပါ။ အလတ္မကို ရိပ္သာ ေက်ာင္းတစ္ခုမွာ အပ္ေပးထားျပီး သူ ေပ်ာ္သေလာက္ ဝတ္ေစလိုက္သည္။ အလတ္မက တကယ္ကို ျပန္မထြက္ေတာ့ပဲ ေနေတာ့ ပထမ ဝတ္သည့္ ေက်ာင္းကေန အေမတင္တို႕နွင့္ နီးေသာ မိုုးကုုတ္ေက်ာင္းကိုု ေျပာင္းေနေစလိုက္သည္။ အဲဒီေက်ာင္းမွာေတာ့ တရားစခန္း ရွိသည့္ အခ်ိန္သာ ေက်ာင္းက ဆြမ္းေကၽြးျပီး က်န္သည့္ အခ်ိန္မ်ားမွာ အျမဲေန ေယာဂီ ႏွင့္ သီလရွင္မ်ားက ကိုုယ့္ဘာသာကိုုယ္ ခ်က္ျပဳတ္ စားေသာက္ၾကရသည္။ အလတ္မ ဆိုုတာက လူ ဘဝကပင္ ေယာက်္ားဆန္ျပီး ထမင္း၊ ဟင္း ေကာင္းေကာင္း ခ်က္တတ္သူ မဟုုတ္ေသာေၾကာင့္ တစ္ပါးတည္း ေက်ာင္းမွာ ခ်က္ျပဳတ္စားေသာက္ ရမွာ အေမတင္က စိတ္မခ်နိုုင္ျပန္ပါ။ အၾကီးမက နား နည္းနည္းေလး ေသာေၾကာင့္ အျပင္မွာ အလုပ္လုပ္လွ်င္သာ စိတ္မခ် ခ်င္စရာ ျဖစ္ေသာ္လည္း အိမ္မွာေတာ့ ခ်က္တတ္၊ ျပဳတ္တတ္မို႕ အိမ္မွာ က်န္ေသာ ညီအစ္မ နွစ္ေယာက္ စားေသာက္ဖိုု႕က စိတ္ပူစရာမရွိပါ။ ဆရာေလး အတြက္သာ စားဖို႕ ေသာက္ဖိုု႕ စိတ္မခ်တာမို႕ အေမတင္က မ်ားေသာအားျဖင့္ ဆရာေလး ေက်ာင္းမွာ အိပ္ျပီး မနက္မိုးလင္း ဘုုရားဝတ္တက္ျပီးတာနွင့္ အရုုဏ္နွင့္ ေန႕လည္စာအတြက္ ခ်က္ျပဳတ္၊ ဆရာေလး ဆြမ္းသံုုးေတာ့ အတူစားေသာက္ျပီးမွ အိမ္ကို ျပန္ျပီး လုုပ္စရာ ရွိတာလုပ္သည္။ ညေန တရားပြဲ ရွိသည့္ေန႕ဆိုု ျပန္လာသည္။ တစ္ခါတေလ ေတာ့လည္း တစ္ေန႕လံုုး ဆရာေလး ေက်ာင္းမွပဲ ေနျပီး တရားတက္ခ်ိန္တိုုင္း လုိက္တက္သည္။

တကယ္ေတာ့ အေမတင္ ဒီတရားကို လုပ္လာတာ နွစ္ေပါင္း အေတာ္ၾကာျပီ ဆိုုရမည္။ သိုု႕ေပမယ့္ သံေယာဇဥ္ေတြ မျဖတ္နိုုင္ေသးသျဖင့္ သူမ်ားလိုု အရမ္းၾကီး တိုုးတက္လာတယ္ ရယ္လိုု႕ေတာ့ ကိုုယ့္ဟာကိုုယ္ မေျပာရဲပါ။ ဆရာေလးကိုု ခ်က္ျပဳတ္ေကၽြးေမြး ေနသည့္အျပင္ ဆရာေလး ခမည္းေတာ္ ဘုုန္းဘုုန္းကိုုလည္း တစ္ပတ္ နွစ္ရက္ေလာက္ေတာ့ ဆြမ္းခ်ိဳင့္ပို႕လိုုက္ ေသးသည္။ ဆရာေလး ေနေသာ ေက်ာင္းမွာလည္း တူ ဝမ္းကြဲ ဘုုန္းဘုုန္းပါ ရွိေသာေၾကာင့္ တစ္ပတ္ သံုးရက္ေလာက္ ဆြမ္းဟင္းခ်က္ျပီး ပိုု႕တာမ်ိဳးလည္း လုပ္တတ္ေသးသည္။ တူ ဘုုန္းဘုုန္း ကလည္း ဆြမ္းခ်ိဳင့္ ပိုုလွ်င္ အေမတင္ နွင့္ ဆရာေလး အတြက္ လာပို႕တတ္ေသးသည္။ အေမတင္ကလည္း ေန႕စဥ္ ဆိုသလို ေက်ာင္းမွာ တစ္ေနကုုန္ တရားထိုုင္ရမွာလည္း စိတ္မေျဖာင့္ျပန္ပဲ ေန႕ခင္းဘက္ ျခံထဲျပန္ျပီး လုုပ္စရာေလးေတြလည္း ေျပးလုုပ္လိုုက္ေသးသည္။ အေမတင္ကေတာ့ အသက္ ၆၅ ရွိေနေပမယ့္ စိတ္သြားတိုုင္း ကိုုယ္ပါနိင္ေသးသည္ဟုု ဆိုုရမည္။

***

အေမတင္တို႕ သားအမိမ်ားက ကိုယ့္ဟာနဲ႕ကိုုယ္ ေအးခ်မ္းေနေသာ္လည္း မေအးခ်မ္းနိုုင္သူက သားလတ္ ျဖစ္သည္။ အလုပ္ထဲ ဘာအဆင္မေျပသလဲ အေမတင္လည္း ေသခ်ာမသိေသာ္လည္း အစိုုးရအလုုပ္က ထြက္လာခဲ့သည္။ မိန္းမကလည္း အလုပ္မရွိသျဖင့္ သူ႕မိဘအိမ္ ျပန္သြားသည္ ဆိုု၏။ ျခံအလုုပ္ပဲ လုုပ္ေတာ့မည္ ဆိုုေတာ့ အေမတင္လည္း ဝမ္းသာအားရနွင့္ ျခံတစ္ျခံ ေပးလုုပ္ထားလိုက္သည္။ အစပိုင္းေတာ့ အလုုပ္ၾကိဳးစား သေယာင္ေယာင္နွင့္ တျဖည္းျဖည္း ပ်က္လာသည္။ အလုုပ္ကိုု ေကာင္းေကာင္းမလုုပ္သျဖင့္ ဘာအသီးအႏွံမွ မျဖစ္ထြန္း။ အေမတင္တိုု႕ သားအမိနွစ္ေယာက္ လုုပ္ေနေသာ ျခံေလာက္ပင္ သူ႕ျခံက အလုုပ္မျဖစ္။ ဘယ္ျဖစ္ပါ့မလဲ။ တစ္ေန႕မွာ အလုုပ္လုုပ္သည့္ အခ်ိန္ထက္ အရက္ေသာက္ေနသည့္ အခ်ိန္က မ်ားေနသည္ကိုုး။

သူ႕ဟာသူ အလုပ္မလုုပ္သျဖင့္ စီးပြားမျဖစ္တာကိုပင္ မေက်မနပ္ ျဖစ္ျပီး အေမတင္တိုု႕ အိမ္ကိုု လာလာ ရစ္ေသးသည္။ သူ႕ကိုု တစ္ျခံလံုုး ဦးစီး လုုပ္ခြင့္ ေပးျပီးသားမို႕ အေမတင္တို႕က သူ႕ကိုု တစ္ျခား အသံုုးစားရိတ္ေတာ့ မေပးနိုုင္ေတာ့ ဟုု ဆံုုးျဖတ္ထားၾကသည္။ အငယ္မကလည္း သူ႕အလုပ္နွင့္သူ စုုထား ေဆာင္းထား တာေလးေတြ ရွိသည္။ အဲဒါကိုသိေတာ့ အလတ္ေကာင္က ေတာင္းသည္။ အငယ္မကလည္း မေပးနိုုင္။ မေပးဘူး ဆိုုေတာ့ အရက္သမား ပီပီ ရိုုက္တာ ႏွက္တာ လုုပ္လာေတာ့ အေမတင္က စိတ္ဆိုုးသည္။ အေမတင္ ကိုုယ္တိုုင္ပင္ ဘယ္သားသမီးကိုုမွ နာက်င္ေအာင္ ငယ္ငယ္ကတည္းက မရိုုက္ႏွက္ခဲ့ဖူးေသာေၾကာင့္ ဒီလိုု ေမာင္နွမ အခ်င္းခ်င္း ေယာက္်ားသား အၾကီးက မညွာသည့္အျပင္ ရိုုက္ႏွက္လာေတာ့ အရမ္း စိတ္ဆိုုးသြားျပီး သားလတ္ကိုု အိမ္ကိုု ေနာက္တစ္ခါ မလာဖို႕ ႏွင္ခ်လုိက္သည္။ သားလတ္ မိသားစုု တစ္ျခားျမိဳ႕မွာ ေနေသာအခ်ိန္က ျပႆနာမရွိခဲ့ေသာ္လည္း ခုလိုု တစ္ျမိဳ႕တည္း လာေနခ်ိန္မွာ ျပႆနာ တက္ေနရျခင္း ျဖစ္သည္။

အရင္က အေမတင္ ကိုယ့္သားကိုယ္ ဒီေလာက္ ဆိုးသည္လို႕ မထင္ထားခဲ့မိေသာ္လည္း ယခုေတာ့ တျဖည္းျဖည္း သားဆိုး ျဖစ္တာ ထင္ရွားေအာင္ ျပေနသည္။ သူ႕ဟာသူ ႏွစ္လံုး ထိုးသလား၊ သံုးလံုး ထိုးသလား မသိ။ အေၾကြးေတြ အမ်ားၾကီး တင္ေတာ့မွ အေမတင့္ ဆီက ေၾကြးဆပ္ဖို႕ ပိုက္ဆံ လာေတာင္းေတာ့ အေမတင္က မေပးနိုင္ေၾကာင္း အျပတ္ေျပာသည္။ တကယ္လည္း သူလိုသေလာက္ ေပးဖို႕ အေမတင့္မွာ ပိုက္ဆံ ရွိသည္ မဟုတ္။ အေမတင္က မေပးဘူး ဆိုျပီး အိမ္က ႏွင္ခ်လည္း မရပဲ သူ႕ကို မလာေစခ်င္လွ်င္ တစ္ခါတည္း အေမြခြဲေပးဖို႕ ေတာင္းျပန္သည္။ အေမတင္ ဆရာေလး ေက်ာင္း သြားေနျပီး အိမ္မွာ မရွိသည့္ အခိုက္မွာ အငယ္မကို ရိုက္ႏွက္ျပီး ပိုက္ဆံေတာင္းသည္။ အေမတင္ ရွိသည့္ အခ်ိန္ေတြမွာလည္း မူးလာျပီး ရစ္သည္။ ၾကာေတာ့ မခံနိုင္ၾကေတာ့။ ေနာက္ဆံုး မွာေတာ့ သားလတ္ကို အေမြေပးျပီး ေသခန္းျဖတ္လိုက္ၾကဖို႕ သားအမိေတြ ဆံုးျဖတ္လိုက္ၾကသည္။ လမ္းေတြ႕ေတာင္ အေမ လို႕ မေခၚနဲ႕ လို႕ သူ႕ကို အေမတင္ အျပတ္ ေျပာခဲ့သည္။

သားလတ္ လုပ္ေနေသာ ျခံကို သူ႕ကိုပဲ စာခ်ဳပ္စာတမ္းႏွင့္ အပိုင္ေပးလိုက္ျပီး သတင္းစာထဲကေန သားအျဖစ္မွ စြန္႕လႊတ္ေၾကာင္း ေၾကျငာလုိက္သည္။ အသိမိတ္ေဆြ အားလံုးကိုလည္း သူ႕အေၾကာင္း လာမေျပာဖို႕ ေၾကျငာထားသည္။ အေမတင္ ကိုယ္တိုင္လည္း မပတ္သက္ဖို႕ ကိုယ့္ကိုယ္ကို ကတိေပးျပီး သမီးေတြ အားလံုးကိုလည္း မပတ္သက္ဖို႕ ေျပာထားသည္။ သမီးမ်ားက သူတို႕ အစ္ကိုကို ပိုေတာင္ စိတ္နာေသးသည္။ လံုး၀ အေခၚအေျပာ မလုပ္ၾကေတာ့။ ရွင္းရွင္း ျပတ္ျပတ္ ေနလိုက္ၾကသည္။ သို႕ေပမယ့္ လူသတင္း လူခ်င္းေဆာင္ ဆိုသလို သူ႕သတင္းကေတာ့ ၾကားေနရေသးသည္။ အေမတင့္ ဆီက အေမြ ရျပီးေနာက္ သူ႕မိန္းမ ႏွင့္ ျပန္ေပါင္း ေနသည္ဟု ၾကားေတာ့ ေျမးမေလး အတြက္ ၀မ္းသာရျပန္သည္။ ေျမးမေလး ကို ခ်စ္ေပမယ့္ မပတ္သက္မိေအာင္ အေမတင္ ၾကိဳးစားပါသည္။ တစ္ခါတေလ သားလတ္ မရွိတုန္း မုန္႕ေလး ပဲေလး ေျမးမေလး ဖို႕ သြားပို႕ခ်င္ေၾကာင္း ေျပာမိေတာ့ သမီးသံုးေယာက္က အေမတင္ကို အမွတ္မရွိ သြားမပတ္သက္နဲ႕ ဟု ခဏ ခဏ သတိေပးရသည္။

ေနာက္ေတာ့ ျခံကို ေရာင္းဖို႕ ေၾကျငာထားတာ အေမတင္တို႕ သိသည္။ ခဏၾကာေတာ့ မေအာင့္နိုင္ မအည္းနိုင္ ေလွ်ာ့ေစ်းႏွင့္ ေရာင္းပစ္လိုက္သည္ ကိုလည္း ၾကားသည္။ မတတ္နိုင္။ ဒီျခံကို သူ႕အပိုင္ ေပးျပီးသားမို႕ သူ႕ထိုက္နဲ႕ သူ႕ကံသာ။ ဘာမွ အတြက္အခ်က္ မရွိ၊ ေရွ႕ေနာက္ မစဥ္းစားသူမို႕ အေၾကြးျမန္ျမန္ ဆပ္ရဖို႕ လုပ္လိုက္သည္ ထင္သည္။  ဘာပဲျဖစ္ျဖစ္ သူလည္း အေမတင့္ သားပဲမို႕ ျခံကို ေပါက္ေစ်းထက္ ေလးပံုတစ္ပံု ေတာင္ မရွိေသာ ေစ်းႏွင့္ ေရာင္းပစ္လိုက္တာကို ၾကားေတာ့ သူ႕အတြက္ စိတ္မေကာင္းျဖစ္မိေသးသည္။ အရင္က ကိုယ့္အိမ္ေထာင္ဖက္ ႏွင့္ ကိုယ့္သားၾကီး ဒိုးတူေဘာင္ဘက္ ပင္ပင္ပန္းပန္း လုပ္ကိုင္လာခဲ့သည့္ ျခံတစ္ျခံ သူမ်ား လက္ကို မတန္မရာ ေစ်းႏွင့္ ထိုးအပ္ လိုက္ရသလို ျဖစ္တာကို အေမတင္ စိတ္ထဲ မေကာင္း ျဖစ္တာက ပိုသည္။ အေမတင့္မွာ သမီး သံုးေယာက္ပဲ ရွိသည္လို႕ ကိုယ့္စိတ္ကိုယ္ ပိုင္းျဖတ္ထားလိုက္သည္။

***

အေမတင့္မွာ က်န္ေသာ အိမ္နွင့္ ကပ္လွ်က္ ျခံကြက္ကေလး တစ္ကြက္ကို စီးပြားျဖစ္ မစိုက္ပဲ တစ္နိုင္ စားဖို႕ ေလာက္ပဲ စိုက္ေတာ့ ဘာမွ ေနာက္ဆံ တင္းစရာလည္း မရွိ။ အၾကီးမ ႏွင့္ အငယ္မကလည္း သူ႕အလုပ္ကေလးေတြ ႏွင့္ သူ အိမ္ စားဖို႕ ေသာက္ဖို႕ ရွာနိုင္ေနေတာ့ အေမတင္လည္း ဆရာေလး ေက်ာင္းမွာ အခ်ိန္ၾကာၾကာ ေနနိုင္လာသည္။ အိမ္ကို ေန႕တိုင္း မျပန္ျဖစ္ေတာ့ပဲ တစ္ပတ္ ႏွစ္ရက္ေလာက္ပဲ ျပန္ျပီး ေက်ာင္းမွာ အျမဲေန ေယာဂီေတြလို အခ်ိန္မွန္ တရား တက္ျဖစ္သည္။

တစ္ေန႕ေတာ့ ေက်ာင္းရွိ တူ ဘုန္းဘုန္းဆီကို သားလတ္က ဖုန္းဆက္သည္ ဆို၏။ ဘုန္းဘုန္းက ျပန္ေျပာသျဖင့္ သားက `ေဒၚတင္ ေနေကာင္းရဲ႕လား´ ေမးသည္ဟု သိရသည္။ သားလတ္ဆီက သတင္းစကား ၾကားရ ေတာ့လည္း အေမတင္ စိတ္က သားလတ္တို႕ မိသားစုဆီ ေရာက္သြားျပန္သည္။ သားလတ္ တစ္ေယာက္ မိန္းမ ႏွင့္မွ အဆင္ေျပရဲ႕လား မသိပါ။ ေျမးမေလးကို မေတြ႕ရတာလည္း ၾကာလွေလျပီ။ ျခံေရာင္းထားေသာ ပိုက္ဆံေရာ ဘယ္ေလာက္ က်န္ေသးလဲ မသိ။ ရွိတာေလး နွင့္ ၾကိဳးၾကိဳးစားစား လုပ္ကိုင္ စားဖို႕ ေကာင္းသည္။ ကိုယ့္မွာလည္း သမီးေလး တစ္ေယာက္ ရွိတာ ေနာင္ ၾကီးျပင္းေအာင္ ေမြးဖို႕ အမ်ားၾကီးလိုေသးသည္။ ဒါေၾကာင့္လည္း ဆရာေလးက ေျပာေလတာ..။ အေမတင္ ဟာ သူ႕သားကို စိတ္ကို မျပတ္နိုင္ဘူးတဲ့ေလ။ သူ႕သားက သူ႕ကို အေမေတာင္ မေခၚပဲ ေဒၚတင္ ေနေကာင္းလား ေမးရံုနဲ႕တင္ စိတ္က ပါေနျပီ တဲ့။ အဲသလိုေတာ့လည္း မဟုတ္ေလပါ။ အေမတင္ စိတ္ျပတ္ပါသည္။ သား တင္မဟုတ္၊ သမီးေတြကိုလည္း စိတ္ျဖတ္ျပီး ေလာကုတၱရာ အလုပ္ပဲ ၾကိဳးစား လုပ္ေတာ့မွာပါ။

အဲသလို ေတြးတုန္းပဲ အၾကီးမက အူးယားဖားယား ေက်ာင္းကို ေရာက္လာသည္။ အငယ္မက စက္ဘီးနွင့္ လမ္းေဘးမွာ ရပ္ေနတုန္း ဆိုင္ကယ္က ၀င္တိုက္သြားလို႕ ေဆးခန္း ေရာက္ေနသတဲ့။ သိပ္အမ်ားၾကီးေတာ့ မဟုတ္ေပမယ့္ ခါးရိုး နည္းနည္း ထိသြားသတဲ့။ တိုက္သည့္ ဆိုင္ကယ္ကလည္း တာ၀န္ မယူပဲ ေျပးသြား သတဲ့။ အဲဒါနဲ႕ပဲ အေမတင္နဲ႕ ဆရာေလးလည္း လိုက္သြားရျပန္ပါေတာ့သည္။

သိဂၤါေက်ာ္

ကောင်မလေး အတွက် ၆

ကောင်မလေးရေ..

သတိရတယ် 

ပြောပြခွင့်မသာခဲ့တာပါ၊

မေ့နေပြီလို့တော့ မထင်စေချင်ဘူး။

ကတိတွေ မတည်နိုင်သေးလို့

မင်းအနား လာချင်ရဲ့ မလာနိုင်ခဲ့တာ၊

တစ်ယောက်တည်းပဲ ရူးရူးသွပ်သွပ်နဲ့

ပန်းနုရောင် တိမ်တွေဆီ ပျံချင်လျှက်

မပျံနိုင်ခဲ့တဲ့ ငှက်တစ်ကောင်လို...

ဆက်သွယ်မှု ဧရိယာ ပြင်ပမှာ

တစ်ယောက်တည်း အထီးကျန်ဆဲပေါ့။

ကောင်မလေးရေ..

မင်းက မချစ်တတ်သူလို့ ဆိုခဲ့တာကို

ခုထိ မယုံချင်သေးပါဘူး၊

လွမ်းဆွတ်ခြင်းတွေ ထပ်တူညီမယ်လို့

နှလုံးသားက နားလည်နေချင်တယ်။

မင်းက မချစ်ဘူး ပြောပေမယ့်

ကိုယ့်အတွက် ချစ်သူဟာ

မင်းတစ်ယောက်လို့ သတ်မှတ်ပြီးဖြစ်နေခဲ့တယ်။

ကောင်မလေးရေ..

မင်းဘက်က ကတိတွေ မပေးခဲ့ပေမယ့်

မင်း စောင့်နေမယ်လို့ ယုံကြည်နေရင်း

မင်းချစ်ခြင်းတွေဆီ အရောက်

ပျံသန်းဖို့ ကြိုးစားနေတဲ့ ငှက်တစ်ကောင်ဟာ ကိုယ်ပါ။

ကောင်မလေးရေ..

မင်းက လွတ်လပ်စွာ ပျံသန်းနေတဲ့

ပျော်ရွှင်ခြင်း ငှက်ငယ်တစ်ကောင်ပါ၊

ကောင်းကင် တစ်ခုတည်း အောက်မှာ

အတူရှိရခြင်းကိုသာ နှစ်သိမ့်လျှက်

မင်းနဲ့ အတူပျံသန်းနိုင်မယ့်

ချစ်ခြင်းရဲ့ ဆုံမှတ်ဆီ ဦးတည်လို့

လောကဓံများကို အံတုဆဲ

မျှော်လင့်ခြင်း ငှက်တစ်ကောင်ဟာ

ကိုယ်ပါ...။

သိင်္ဂါကျော်

ဓႏုုရာသီဖြား

ကဗ်ာထဲ ထည့္ေရးစရာ

ဘယ္နာမည္ၾကီးရဲ႕ အဂၤလိပ္နာမည္ကိုုမွ

ေရေရရာရာ မသိသူ တစ္ေယာက္က ကဗ်ာဆရာ ျဖစ္နိုုင္ရဲ႕လား။

စကားလံုုးေတြ ၾကီးၾကီးက်ယ္က်ယ္ ခ်ျပစရာ မရွိဘူး

ခံစားမႈေတြပဲ နင့္ေနေအာင္ ရွိ႐ံုုနဲ႕

ကဗ်ာဆရာ ျဖစ္နိုုင္ရဲ႕လား။

ေရွးနည္း ထံုုးတမ္း ကာရံ ေတြ သိသလားဆိုု မသိဘူး

လူနားမလည္ေအာင္ ေရးတတ္လား ဆိုု ေရးမျပတတ္ဘူး

ဒါနဲ႕မ်ား ကဗ်ာဆရာ ျဖစ္ခ်င္ေနေသးသတဲ့ေလ။

အဲဒီ ဓနုုရာသီဖြားေပါ့..

ဘာမွ ေရေရရာရာ မရွိခ်က္ကေတာ့…။

ေဗဒင္စာအုုပ္ထဲက အေကာင္းေတြပဲ

အျမဲ ရွာရွာဖတ္ျပီး

ကိုုယ့္ကိုုယ္ကိုု အထင္မေသးမိေအာင္ ၾကံဖန္ေနေနရတယ္

ဇုုနတ္မင္း နဲ႕ သူနဲ႕ေတာ့ ဘာမွ မဆိုုင္တာ အသိသားပါ။

ကမၻာေက်ာ္ေတြေတာ့ အားက်တတ္ပါတယ္.

သူတိုု႕အေၾကာင္း ဖတ္ေနတုုန္း ခဏေပါ့

ဘယ္ ပန္းတိုုင္ ကိုုမ်ား

ကိုုယ္တိုုင္ သတ္သတ္မွတ္မွတ္ ထားခဲ့ဖူး ပါသလဲ၊

သာမန္ကာ လွွ်ံကာေတြနဲ႕ ျပီးေနတဲ့ ဘဝထဲ

ဘယ္အရာမွာမွ သူတပါးထက္ မသာခဲ့ဖူးသူ တစ္ေယာက္သာျဖစ္ရဲ႕။

ဓနုုရာသီဖြားေရ

ၾကီးက်ယ္ေသာ ဘဝကိုုပဲ အိပ္မက္မေနပါနဲ႕

သားသမီး ဝတၱရားေလာက္ေတာင္မွ

ေကာင္းေကာင္းေက်သူ ျဖစ္ရဲ႕လားပဲ စဥ္းစားပါဦး။

ဘဝက ဘာျဖစ္ ညာျဖစ္ ေတာ့ ေကာင္းေကာင္း ညည္းျပတတ္သူေပါ့

ေခတ္က ဘာျဖစ္ ညာျဖစ္ ဆိုုျပီးလည္း ေျပာတတ္ေသး။

မင္း အရည္အခ်င္း တိုုးတက္ဖိုု႕ကိုု

စြမ္းနိုုင္သေလာက္ အျပည့္အဝေတာင္ မင္းလုုပ္ဖူးရဲ႕လား..။

အိပ္မက္ျပႆာဒ္ေတြပဲ အထပ္ထပ္ စိတ္ကူးတတ္ရံုုနဲ႕

ဘဝက ဘယ္ေတာ့မွ ေျပာင္းလဲမွာ မဟုုတ္ဘူး။

ဓနုုရာသီဖြားေရ..

တစ္ခုုခုုကိုု မစြန္႕စားပဲနဲ႕ေတာ့

အနည္ထိုုင္မႈက အလိုုလိုု ေရြ႕လ်ား ေျပာင္းလဲမယ္ထင္ရင္

မင္း အေတြးမွားျပီ။

ဓနုုရာသီဖြားက အခ်စ္မ်ားတတ္တယ္ဆိုုတာ

သူနဲ႕ မဆိုုင္သလိုု အျမဲ ေနေနရာကေန

အခ်စ္မရွိ အမုုန္းမရွိ ျငိမ္းခ်မ္းေနရတာ

တစ္ရံတစ္ခါေတာ့ ျငီးေငြ႕လာတယ္လိုု႕လည္း ဆိုုျပန္ေသးရဲ႕။

ဓနုုရာသီဖြားေရ

အတုုအေယာင္မ်ားတဲ့ ေလာကထဲက

မစစ္မွန္တာ မင္းကိုုယ္တိုုင္ နားလည္ျပီးသား အခ်စ္ေတြက

မင္းကိုု ေပ်ာ္ရႊင္ ရင္ခုုန္ေစနိုုင္မယ္ ထင္ရင္

မင္း အေတြးမွားျပီ။

 

ဘာပဲျဖစ္ျဖစ္ပါ

ဓနုုရာသီဖြားက

အေကာင္းျမင္တတ္သူေပါ့..

သူ႕ဘဝကိုု နွစ္သိမ့္နိုုင္ဖိုု႕ အျမဲၾကိဳးစားတယ္

သာမန္ေတြထဲမွာ အသားတက် ေပ်ာ္ေပ်ာ္မေနနိုုင္ရင္

အျမဲတမ္း စိတ္ညစ္ေနရမယ္ ဆိုုတာ သူေကာင္းေကာင္း နားလည္တယ္။

ေမွ်ာ္လင့္ခ်က္ၾကီးျပီး ရင္ေမာေနရမွာထက္ စာရင္

ေလာဘၾကီးျပီး စက္ရုုပ္တစ္ရုုပ္ ျဖစ္ရမွာထက္ စာရင္

ပစၥဳပၺန္ေတြကိုုပဲ ေက်ေက်နပ္နပ္ ယူေဆာင္တာ အေကာင္းဆံုုးဆိုုတာ

နားလည္တတ္သူပါ။

ဓနုုရာသီဖြားက

အခ်စ္မရွိ အမုုန္းမရွိတဲ့

အေကာင္းျမင္သမား ျဖစ္ဖိုု႕ကိုုသာ

အျမဲ ေတာင့္တသူပါ။

သိဂၤါေက်ာ္

ဒေလီယာရေ..

ဒေလီယာရေ..

မိုးတွေ သည်းသည်းရွာတဲ့အခါ

မင်းရဲ့ တန်ဖိုးကြီးကားလေး ရွံ့ပေမှာ စိုးနေတဲ့အချိန်

တစ်ချို့နေရာတွေမှာ

နေစရာ၊ စားစရာ မရှိလောက်အောင်

ရေလွှမ်းမိုးတဲ့ အဖြစ်တွေ ရှိနေတယ်ဆိုတာ

မင်းကတော့ သတိထားမိချင်မှ သတိထားမိမယ်ပေါ့။

ဒေလီယာရေ..

မင်းရဲ့ တောက်ပတဲ့ မနက်ခင်းတွေမှာ

လှပတဲ့ ဖက်ရှင်အသစ် အသစ်တွေ ဝတ်ဖို့ စိတ်ကူးနေတဲ့အချိန်

တစ်ချို့နေရာတွေမှာ

အခွင့်အရေးဆုံးရှုံးနေတဲ့ အဖိနှိပ်ခံ မိန်းမတွေ ရှိနေဆဲ ဆိုတာ

မင်းကတော့ သိချင်မှ သိနိုင်မယ်ပေါ့။

ဒေလီယာရေ..

မင်းကို ချစ်သောစိတ်နဲ့

မျက်ခြေမပြတ် ချုပ်ချယ်တတ်တဲ့ မိဘနှစ်ပါးကို

တစ်ခါတစ်လေ ငြီးငွေ့ကောင်း ငြီးငွေ့မိမယ်။

တစ်ချို့တလေမှာတော့

စွန့်ပစ်ခံမှုနဲ့ အကြင်နာကင်းမှုအောက်မှာ

ဘဝတွေ ပျက်လို့…

ဂရုစိုက်မယ့် အမိအဘကို တောင်းတသော်လည်း

မရနိုင်တော့တာမျိုးနဲ့။

ဒေလီယာရေ..

ဘဝတစ်ခု မရပ်တည်နိုင်အောင် မလောက်မငရှိတယ်လို့

မင်းအလုပ်အပေါ် မနှစ်သိမ့်နိုင်ဖြစ်နေတဲ့ အချိန်မှာ

တစ်ချို့တလေက

အလုပ်လက်မဲ့လို့ ငတ်လု ပြတ်လု ဖြစ်နေကြတာ

မင်းကတော့ သိချင်မှ သိနိုင်မယ်ပေါ့။

ဒေလီယာရေ..

မင်းတို့သူငယ်ချင်းတသိုက်

touch screen phone တို့ laptop တို့

အပြန်အလှန် လက်ဆောင် ပေးနေတဲ့ အချိန်

တစ်ချို့တလေမှာတော့

ဘောလ်ပင်တစ်ချောင်း၊ ဗလာစာအုပ် တစ်အုပ် အတွက်တောင်

ကြိုးစားပမ်းစား ရှာဖွေနေရတယ် ဆိုတာ

မင်း တွေးကြည့်ဖူးမယ် မထင်ပါဘူးနော်။

ဒေလီယာရေ..

မင်းက iphone 5 ကို မျှော်တယ်

internet connection မြန်လာဖို့ မျှော်တယ်

နိုင်ငံရပ်ခြား အလည်အပတ် သွားရဖို့ မျှော်တယ်

တိုက်အသစ်တစ်လုံး မွေးနေ့လက်ဆောင်ရဖို့ မျှော်တယ်

တစ်ချို့တလေကတော့

အကြွေးမြန်မြန် ကင်းဖို့ မျှော်တယ်

တစ်လတစ်လ အလျှင်မီအောင် မိသားစုကို ကျွေးမွေးနိုင်ဖို့ မျှော်တယ်

ဖုန်းကဒ်တစ်ခု အလကားနီးပါး ရဖို့ မျှော်တယ်

တိုက်ခန်း စုတ်စုတ်တစ်ခု ဝယ်နိုင်လေမလားလို့ မျှော်တယ်

စသဖြင့်.. စသဖြင့်ပေါ့။

ဒေလီယာရေ..

မင်းက ဈေးကြီးကြီး စားသောက်ဆိုင် တွေမှာ

menu အသစ် အသစ်တွေ မြည်းစမ်းနေတုန်း

ဈေးကြီးကြီး ကော်ဖီတစ်ခွက် သောက်ရင်း

ဖုန်းထဲက wifi ကို စမ်းနေတုန်း

တစ်ချို့နေရာတွေမှာ

နံရိုးပိန် ကလေးလေးတွေကစလို့  အိုကြီးအိုမအဆုံး

နပ်မမှန်တာကြာလို့ ချိနဲ့နေကြပြီဆိုတာ

မင်း စဉ်းစားဖို့ အကြောင်းတော့ မဟုတ်ပါဘူးလေ။

ဒေလီယာရေ..

မင်းက aircon လေး အေးအေးနဲ့ TV channel ပြောင်းကြည့်နေတုန်း

ခပ်မွှေးမွှေး အခန်းလေးထဲ ကွေးလို့ကောင်းနေတုန်း

တစ်ချို့နေရာတွေမှာတော့

ကျည်ဆံသံတွေ မိုးမွှန်နေတုန်း..

ကျီးလန့်စာစား နဲ့ အိပ်ကောင်းခြင်း မအိပ်ရတဲ့ သူတွေ ရှိနေတုန်း

နိုင်ငံကို ကာကွယ်ရင်း ကျဆုံးရသူတွေ ရှိနေတုန်း။

ဒေလီယာရေ..

လောကကြီး ကို ညီမျှအောင်

မင်းလည်း မလုပ်နိုင်သလို ငါလည်း မလုပ်နိုင်ပါဘူးလေ။

ငါက ဘာသာမဲ့တစ်ယောက်ပဲ ဆိုပါတော့

ကြားဖူးနားဝနဲ့ တစ်ခုတော့ မေးချင်သေးတယ်

ထာဝရဘုရားသခင်က လူသားတွေကို ဖန်ဆင်းတယ်ဆို

ဘာကြောင့်များ

သာတူညီမျှ ဘဝတွေ ဖန်ဆင်း မပေးခဲ့လဲ ဆိုတာပါ။

သိင်္ဂါကျော်

မရွိတာထက္..

 

သူတိုု႕ သားအမိေတြက ကၽြန္ေတာ္တိုု႕ အိမ္ေရွ႕က ေတာတန္းေစ်းမွာ ေစ်းေရာင္းၾကေတာ့ မ်က္မွန္းတမ္းမိေနတယ္ေလ။ ေယာက်္ားက ကၽြန္ေတာ္တိုု႕ ငွားထားတဲ့ ေဘးခန္းက ပြဲ႐ံုုမွာလည္း အလုုပ္သမားလည္း လုုပ္တယ္။ မိန္းမကေတာ့ ပ်ံက်ေစ်းမွာ ၾကက္သြန္တိုု႕ င႐ုုတ္သီးေတာ့ ေရာင္းတယ္။ ေယာက်္ားနာမည္က ကိုုခ်ိဳတဲ့။ မိန္းမ နာမည္ေတာ့ မသိေတာ့ဘူး။ သူတိုု႕လင္မယားကိုု စေတြ႕ေတာ့ ရကာစ လိုု႕ သိရတယ္။ ကိုုခ်ိဳက ရိုုးသားတယ္၊ အလုုပ္ၾကိဳးစားတယ္။ တစ္ျခား အလုုပ္သမား အမ်ားစုုလိုု အလုုပ္ျပီးတာနဲ႕ အရက္ေသာက္တာမ်ိဳး မရွိဘူး။ တစ္ျခား အလုုပ္သမားေတြက ကၽြန္ေတာ္တိုု႕ ေမာင္နွမဟာ စီးပြားေရး မည္မည္ရရ မရွိပဲ တိုုက္ၾကီးမွာ ေနတယ္ဆိုုျပီး မေလးစားခ်င္ၾကဘူး။ အေၾကာင္းမဲ့ အျမင္ကပ္ျပီး မထီမဲ့ျမင္ လုုပ္ခ်င္ၾကတယ္။ ကၽြန္ေတာ္ အိမ္ထဲမွာ ထိုုင္ျပီး စာေရးတာကိုု ဘယ္သူမွ မသိၾကပဲ အလုုပ္မရွိပဲ ဘာနဲ႕ စားေနသလဲလိုု႕ ထင္ၾကတယ္ေပါ့ဗ်ာ။ ကၽြန္ေတာ့္ အစ္မ အလယ္တန္းျပ ဆရာမ အပ်ိဳၾကီး က်ေတာ့လည္း စရ ေနာက္ရမယ့္ ငယ္ငယ္ ရြယ္ရြယ္ မဟုုတ္ေတာ့ေပမယ့္လိုု႕ အပ်ိဳၾကီး ဆိုုျပီး မေလးမစား ေျပာခ်င္ ဆိုုခ်င္ ၾကတယ္။ (ကၽြန္ေတာ္တိုု႕ မိဘမ်ားကေတာ့ လြန္ခဲ့တဲ့ နွစ္ေတြကပဲ လူၾကီး ေရာဂါေတြနဲ႕ ဆံုုးသြားၾကျပီေလ။)

ကိုုခ်ိဳကေတာ့ အဲလိုုလူေတြထဲမွာ မပါပါဘူး။ သူက ကၽြန္ေတာ္တိုု႕ ေမာင္ႏွမကိုုလည္း ခင္တယ္။ ကၽြန္ေတာ္တိုု႕ကလည္း သူ႕မိန္းမ ေရာင္းတဲ့ ၾကက္သြန္ေတြ ငရုုတ္သီးေတြ အျမဲ အားေပးပါတယ္။ သူ႕မိန္းမကလည္း ေစ်းသည္ပီပီ နည္းနည္း နႈတ္ၾကမ္း လွ်ာၾကမ္းေတာ့ ရွိေပမယ့္ ရိုုင္းရိုုင္းစိုုင္းစိုုင္း မဟုုတ္ရွာပါဘူး။ ကၽြန္ေတာ္တိုု႕ကိုုဆိုု ေကာင္းေကာင္းမြန္မြန္ ဆက္ဆံျပီး အျမဲတမ္း သူေရာင္းတဲ့ ပစၥည္းေတြ ဘာေတြလည္း ပိုုေပးေလ့ရွိပါတယ္။

အဲလိုုနဲ႕ မ်က္စိေအာက္မွာပဲ ကိုုခ်ိဳ႕ မိန္းမ ကိုုယ္ဝန္ရွိလာတယ္။ သမီးေလး တစ္ေယာက္ေမြးတယ္။ ကိုုခ်ိဳကေတာ့ သူ႕အဆင့္အတန္းထဲမွာ ရုုပ္သန္႕တဲ့ အထဲပါေပမယ့္ အသားကေတာ့ ေနေလာင္လိုု႕ မည္းတဲ့ဘက္ပါတယ္။ သူ႕မိန္းမကေတာ့ ရုုပ္အဆိုုးၾကီး မဟုုတ္ေပမယ့္လိုု႕ အသားနည္းနည္း မည္းတယ္။ ဒီေတာ့ သူတိုု႕ သမီးေလးလည္း ဘယ္ျဖဴနိုုင္ပါ့မလဲ။ မည္းမည္းေလး ပဲေပါ့။ ဒါေပမယ့္ ရုုပ္ကေလးက ခ်စ္စရာနဲ႕ ဝဝကစ္ကစ္ေလးပါ။ ကၽြန္ေတာ္တိုု႕ ေမာင္နွမလည္း ခ်စ္လိုု႕ အိမ္ထဲကေန လွမ္းလွမ္း ၾကည့္ျဖစ္တယ္။ သူတိုု႕က ဆိုုင္ကိုု ျဖစ္သလိုု မိုုးျပီး တေနကုုန္ ထြက္ေလ့ရွိတာကိုုး။ ကၽြန္ေတာ္တိုု႕အိမ္ထဲက လွမ္းၾကည့္ရင္ ျမင္ေနရတယ္ေလ။ ကၽြန္ေတာ္တိုု႕ အိမ္ေရွ႕ တစ္ေလွ်ာက္မွာက ေတာတန္းေစ်းကိုုး။

ၾကည့္ရင္းၾကည့္ရင္းနဲ႕ ကေလးက တျဖည္းျဖည္းၾကီးလာျပီး ေတာက္ေတာက္ အရြယ္ေရာက္လာတယ္။ ကိုုခ်ိဳတိုု႕ လင္မယားကလည္း သူတိုု႕ သမီးေလးကိုု ခ်စ္လိုုက္တာ တုုန္လိုု႕။ အစားဆိုုလည္း ဘာစားခ်င္လည္း ခ်က္ခ်င္း။ အဝတ္ဆိုုလည္း သူတိုု႕ သမီးကိုု ဂါဝန္ လွလွပပ ေလးေတြ ဆင္ရွာတယ္။ လမ္းေဘးက လူေတြ ဆိုုေပမယ့္ ကိုုခ်ိဳကလည္း အေသာက္အစားကင္း၊ သူ႕မိန္းမကလည္း ေရာင္းတတ္ ဝယ္တတ္ေတာ့ သူတိုု႕က သူမ်ားထက္ အဆင္ေျပၾကပါတယ္။ စုုမိ ေဆာင္းမိလည္း ရွိၾကပံုု ရတယ္။ အလိုုလိုုက္ထားေတာ့ ကေလးက နည္းနည္းေတာ့ ဆိုုးပံုုရတယ္။ အလိုုလိုုက္ခံရတဲ့ ကေလးတိုုင္း ဒီလိုု အနည္းအမ်ားေတာ့ ဆိုုးတာပဲ မဟုုတ္လားဗ်။

ကိုုခ်ိဳတိုု႕ လင္မယားကလည္း တစ္ျခား သူတိုု႕ အဆင့္အတန္းကလူေတြလိုု ကေလးေတြ တျပြတ္ျပြတ္ ေမြးမေနဘူးဗ်။ ဒီကေလးမေလး ေက်ာင္းေနရတဲ့ အရြယ္ေလာက္ ေရာက္တဲ့အထိ ေနာက္တစ္ေယာက္ မရွိေသးဘူး။ ဒီကေလးမ ကံေကာင္းတာေပါ့ဗ်ာ။ အေဖ အေမက တစ္ေယာက္တည္း ဆိုုျပီး မ်က္ႏွာ မညိဳေအာင္ ထားထားတာကိုုး။ တစ္ခါမွလည္း ရိုုက္တာ မေတြ႕ဖူးဘူး။ တစ္ခ်ိဳ႕ ဒီလိုု အဆင့္အတန္းက ကေလးေတြ ဆိုုတာ စိတ္ထား ၾကမ္းၾကမ္း မိဘေတြက ရိုုက္တာ နွက္တာ ခံရတတ္တယ္ မဟုုတ္လား။ ဒီကေလးမကိုုေတာ့ သူ႕အေဖ အေမက အငိုုကိုု မခံတာ။ သူတိုု႕ တတ္နိုုင္သေလာက္ ျဖည့္ဆည္းေပးၾကတာပဲ။

ေက်ာင္းစတက္ရမယ့္ အရြယ္ေရာက္ေတာ့ သူတိုု႕ ၾကည့္ရတာ ေက်ာင္းထားဖိုု႕ ျပင္ဆင္ပံုု မရေသးတာနဲ႕ ကၽြန္ေတာ္လည္း မေနနိုုင္ မထိုုင္နိုုင္ သြားသတိေပးရတာေပါ့ဗ်ာ။ ဘယ္နွယ့္ သူတိုု႕ ေက်ာင္းမထားနိုုင္တာမွ မဟုုတ္ပဲ။ လမ္းေဘး ေစ်းသည္နဲ႕ အလုုပ္သမားေပမယ့္ ဒီကေလးတစ္ေယာက္ ေက်ာင္းစားရိတ္ေလာက္ေတာ့ သူတိုု႕ တတ္နိုုင္ပါတယ္။ ဒါနဲ႕ ေျပာေတာ့ ကိုုခ်ိဳက ထားမွာပါတဲ့။ ကေလးက ပ်င္းလိုု႕ ေက်ာင္းမတက္ခ်င္ဘူး ဆိုုတာနဲ႕ ေခ်ာ့ေျပာေနတာပါလိုု႕ ဆိုုတယ္။

ေက်ာင္းဖြင့္ျပီး ခဏၾကာေတာ့ ကေလးမကိုု အျဖဴအစိမ္း ဂါဝန္ေလးနဲ႕ လြယ္အိတ္ေလးနဲ႕ ျမင္ေတာ့ ကၽြန္ေတာ္လည္း ဘဝင္က်သြားတယ္။ သူ႕အေဖကိုု ေမးၾကည့္ေတာ့ ေန႕တိုုင္းလိုုပဲ ေက်ာင္းမသြားခ်င္လိုု႕ ေခ်ာ့ေမာ့ျပီး ပိုု႕ေနရတယ္လိုု႕ ေျပာတယ္။ ဒါေတာ့ ကေလးတိုုင္း အစမွာ ဒီလိုုပါပဲေလ။ ေနာက္ေတာ့လည္း ေက်ာင္းမွာ ေပ်ာ္သြားၾကတာပဲ မဟုုတ္လား။ ေနာက္ပိုုင္း ေက်ာင္းမွန္မွန္ သြားေနတာ ျမင္ေနရေတာ့ ကၽြန္ေတာ္လည္း သေဘာေတြ က်လိုု႕ေပါ့။

အဲဒီေနာက္ေတာ့ ကၽြန္ေတာ့္အစ္မက ရန္ကုုန္မွာ ဘီအီးဒီ သင္တန္း သြားတက္ေတာ့ အိမ္မွာ ကၽြန္ေတာ္တစ္ေယာက္တည္း ေနရမွာလည္း ပ်င္းတာနဲ႕ ရန္ကုုန္က သူငယ္ခ်င္းတစ္ေယာက္ ေနတဲ့ အေဆာင္မွာ  လံုုးခ်င္းတစ္ပုုဒ္ ျပီးေအာင္ ေရးမယ္ စိတ္ကူးနဲ႕ သြားေနျဖစ္တယ္။ ျပည္က တိုုက္ကိုုေတာ့ ေသာ့ခတ္ ပိတ္ခဲ့တယ္ေပါ့ဗ်ာ။ ကၽြန္ေတာ္တိုု႕ ေမာင္နွမ ေနတာက နွစ္ခန္းတြဲ တစ္ခန္းပဲ က်န္ေတာ့တာေလ။ က်န္တဲ့ နွစ္ခန္းတြဲ နွစ္ခန္းကိုုေတာ့ တစ္ျခားလူကိုု ေရာင္းထားလိုုက္ျပီးျပီ။ အဲဒီေရာင္းရတာေလးကိုု အတိုုးေလး ေပးျပီး ေမာင္နွမ ႏွစ္ေယာက္ စားစားရိတ္ ျဖည့္ေနရတာကိုုး။ က်ဴရွင္မျပတဲ့ အလယ္တန္းျပ လခက ဘယ္ေလာက္မ်ား ရလိုု႕လဲ။ ကၽြန္ေတာ္ကလည္း နာမည္ေက်ာ္ စာေရးဆရာ မဟုုတ္ေသးေတာ့ စာမူခ ဆိုုတာ ဘယ္မွာ မည္မည္ရရ ရွိလိုု႕လဲ။ အဲဒါေတြေၾကာင့္လည္း ကၽြန္ေတာ္တိုု႕ ႏွစ္ေယာက္လံုုးက အပ်ိဳၾကီး၊ လူပ်ိဳၾကီး လုုပ္ျဖစ္ေနတာ ထင္ပါရဲ႕။ ထားပါေတာ့ေလ။ ေျပာခ်င္တာက ျပည္အိမ္ကိုု ခဏတျဖဳတ္ ျပန္ၾကည့္ျဖစ္ေပမယ့္ ပတ္ဝန္းက်င္လည္း မစပ္စုုျဖစ္ပဲ ရန္ကုုန္မွာပဲ ေနေနတာ တစ္နွစ္ေက်ာ္ေလာက္ ၾကာသြားတယ္ ဆိုုပါေတာ့။

ေမာင္နွမ နွစ္ေယာက္ အိမ္မွာ ျပန္ေနျဖစ္တဲ့ အခ်ိန္က်ေတာ့ ထံုုးစံအတိုုင္း အိမ္ေရွ႕ကိုု စပ္စုုလိုုက္ေတာ့ ေတာ္ေတာ္ၾကီး ေျပာင္းလဲေနတာကိုုးဗ်။ ခါတိုုင္းေတာ့ ျဖစ္သလိုု မိုုးထားတဲ့ အမိုုးေလးေတြနဲ႕ ဆိုုင္ေလးေတြ ကမ္းနားမွာ ရွိေပမယ့္ သူတိုု႕ သိမ္းသြားတဲ့ အခါက်ရင္ေတာ့ ဟိုုဘက္ကမ္းက ေရႊဘံုုသာ ဘုုရားကိုု လွမ္းျမင္ရေသးတယ္ဗ်။ ျမစ္နဲ႕ ေတာင္တန္းနဲ႕ ဆည္းဆာေလး ဘာေလးလည္း ခံစားလိုု႕ ရေသးတယ္။ ခုုေတာ့ဗ်ာ။ ကမ္းနားဘက္ျခမ္းမွာ တိုုက္ေဆာက္တဲ့ လူကေဆာက္၊ ဆိုုင္ေဆာက္တဲ့ လူက ေဆာက္နဲ႕ ျဖစ္ေနပါေရာ။ ေရႊဘံုုသာ ဘုုရား မေျပာနဲ႕ ျမစ္နဲ႕ ေတာင္တန္းကိုုေတာင္ အိမ္ေရွ႕ကေန မျမင္နိုုင္ေတာ့ဘူးဗ်။ ကိုုခ်ိဳတိုု႕ လင္မယားလည္း ဆိုုင္ေနရာ ေျပာင္းသြားတာရေပါ့ဗ်ာ။ ကိုုခ်ိဳကလည္း တစ္ျခားပြဲရံုုမွာ အလုုပ္သမား ေခါင္းေဆာင္လိုု ေနရာမ်ိဳး လုုပ္ေနတယ္။ သူ႕မိန္းမကလည္း ဆိုုင္ကိုု နည္းနည္းပါးပါး စံုုစံုုလင္လင္ ျဖစ္ေအာင္ တင္ျပီး ေရာင္းေနတယ္။ သူတိုု႕ ဆိုုင္က ကၽြန္ေတာ္တိုု႕ အိမ္ေရွ႕ဘက္မွာ မဟုုတ္ေတာ့ပဲ တစ္ျခားေနရာ ေရာက္သြားလိုု႕ အိမ္က လွမ္းၾကည့္ရင္ေတာ့ မျမင္ရေတာ့ဘူးေပါ့။

သူ႕သမီးေလး ကလည္း ေတာ္ေတာ္ ထြားေနျပီဗ်။  ဒီႏွစ္ဆိုု တစ္တန္း တက္ေနျပီ ထင္လိုု႕ ကၽြန္ေတာ္လည္း ေမးၾကည့္တာေပါ့။ ဒီေတာ့ ကိုုခ်ိဳတိုု႕ လင္မယားက ဘာေျပာတယ္ မွတ္တုုန္းဗ်။ ကေလးကိုု ေက်ာင္းထုုတ္လိုုက္ျပီ တဲ့။ ဟာ ဘာလိုု႕တုုန္း ဆိုုေတာ့ ေက်ာင္းက ဆရာမက ခဏ ခဏ ရိုုက္လိုု႕ ကေလးမွာ အ႐ိႈးရာေတြနဲ႕ ျပန္ျပန္ လာရသတဲ့။ ဘာျဖစ္လိုု႕ ရိုုက္တာလဲ ဆိုုေတာ့ စာမရလိုု႕ တဲ့။ ဒါနဲ႕ ကၽြန္ေတာ္လည္း ကေလးကိုု နည္းနည္း စာၾကည့္ဖိုု႕ တိုုက္တြန္းေပါ့၊ စာရရင္ ေနာက္တစ္ခါ အရိုုက္ခံရမွာ မဟုုတ္ေတာ့ဘူး.. စသျဖင့္ ေျပာၾကည့္ပါေသးတယ္။ သူတိုု႕ ျပန္ေျပာတာ ၾကားရေတာ့ ဘာဆက္ေျပာရမွန္းမသိ ျဖစ္သြားတယ္။ ဆရာမက စာကိုု ေသခ်ာမသင္ရေသးပဲနဲ႕ ျပန္ေမးျပီး မရေတာ့ ရိုုက္သတဲ့။ တစ္ျခားကေလးေတြကေတာ့ အဲလိုု ေမးလည္း ရၾကသတဲ့။ ဟုုတ္မဟုုတ္ေတာ့ ကၽြန္ေတာ္လည္း ေသခ်ာမသိဘူးေပါ့ဗ်ာ။ သူတိုု႕ ေျပာတာပဲ။ စာ မရတာတင္ မဟုုတ္ပဲ တစ္ျခား အေၾကာင္းျပခ်က္ေတြ အေတာ္မ်ားမ်ားနဲ႕လည္း ကေလးကိုု ရိုုက္ေသး သတဲ့။

ကေလးကလည္း ေက်ာင္းဆိုု လံုုးဝကိုု မသြားခ်င္ေတာ့ဘူး ဆိုုေတာ့ သူတိုု႕ လင္မယားလည္း တစ္သက္လံုုး လက္ဖ်ားနဲ႕ေတာင္ မရြယ္ခဲ့တဲ့ သူတိုု႕ သမီးေလး ဒီေလာက္ အရိုုက္ခံရေနတာ မၾကည့္ရက္လို႕ ေက်ာင္းမပိုု႕ေတာ့ဘူး တဲ့ဗ်ာ။ စာမတတ္ခ်င္လည္း ေနပါေစေတာ့ တဲ့။ သူတိုု႕လည္း စာမတတ္ေပမယ့္ ဒီလိုုပဲ လုုပ္ကိုုင္ စားေသာက္လိုု႕ ရတာပဲ တဲ့။ ကၽြန္ေတာ့္ ရင္ထဲ တစ္မ်ိဳးၾကီး ျဖစ္သြားတယ္။ ဘယ္နွယ့္.. မျဖစ္သင့္တာဗ်ာ။ ခုုမွ ကေလးက ပထမတန္းပဲ ရွိေသးတာကိုု ေက်ာင္းဆက္မထားေတာ့ဘူး ဆိုုေတာ့ ဘယ္လိုု ျဖစ္သြားမလဲ။ သူ႕မိန္းမမွာလည္း ခုုထိ ေနာက္ထပ္ ကေလးမရေတာ့ ဒီသမီး တစ္ေယာက္ပဲ သူတိုု႕မွာ ေကၽြးေမြးဖိုု႕ ရွိတာေလ။ ေက်ာင္းလည္း ေကာင္းေကာင္း ထားနိုုင္ရဲ႕သားနဲ႕ မျဖစ္သင့္တာ။

“အဲဒီေက်ာင္းမွာ မထားခ်င္ေတာ့ရင္လည္း တစ္ျခားေက်ာင္းမွာ ထားပါလား” ဆိုုေတာ့ ကိုုခ်ိဳက ျပန္ေျပာတယ္။

“ဒီေက်ာင္းတစ္ခုုပဲ အနီးအနားမွာ ရွိတာ အစ္ကိုုရာ၊ ဟိုု နာမည္ၾကီး မူလတန္း ေက်ာင္းမွာလည္း မထားနိုုင္ဘူးဗ်၊ ေက်ာင္းဝင္ခြင့္ ရဖိုု႕ ေတာ္ေတာ္ ေပးရေသးတာလိုု႕ ၾကားတယ္၊ တစ္ျခား ေက်ာင္းေတြက်ျပန္ေတာ့ အေဝးၾကီးေတြမွာေလ၊ ကၽြန္ေတာ္လည္း ေန႕တိုုင္း အသြားအျပန္ အပိုု႕အၾကိဳ ဘယ္လိုု လုုပ္ေပးနိုုင္မွာလဲ၊ ေတာ္ပါျပီ အစ္ကိုုရာ၊ တစ္ျခားေက်ာင္းေတြမွာလည္း ကၽြန္ေတာ္ သမီးေလး အရိုုက္မခံရဘူးလိုု႕ မေသခ်ာပါဘူး၊ ဆရာ၊ ဆရာမေတြက ကၽြန္ေတာ္တိုု႕လိုု အဆင့္အတန္းမ်ိဳးကိုု အရိုုင္းအစိုုင္း ေအာက္တန္းစားေတြလိုု႕ သတ္မွတ္ခ်င္ၾကတာဗ်”

ကေလးကိုု ေက်ာင္းဆက္ထားဖိုု႕ ကၽြန္ေတာ္ ဘယ္လိုု ဆက္တိုုက္တြန္းရမလဲ ဗ်ာ။ ကၽြန္ေတာ္က သူတိုု႕ လင္မယားနဲ႕လည္း အမ်ိဳးမေတာ္၊ သူတိုု႕ အေပၚ ၾသဇာေညာင္းတဲ့ အလုုပ္ရွင္လည္း မဟုုတ္။ တကယ္လိုု႕ သူ႕ေက်ာင္းက ဆရာမကသာ ေက်ာင္းမတက္လိုု႕ လိုုက္လာျပီး နားခ် ေျပာျပရင္ ရေကာင္း ရမလား စဥ္းစားမိေသးတယ္။ ကၽြန္ေတာ္က စာေရးဆရာပီပီ စိတ္ကူးယဥ္တာ မ်ားသြားျပီ ထင္တယ္။ တစ္ခ်ိဳ႕ ဝတၱဳေတြ ထဲမွာေတာ့ ဆင္းရဲတဲ့ ကေလးေတြ ေက်ာင္းမလာတာ ၾကာရင္ ဘာမ်ားျဖစ္ေနပါလိမ့္ ဆိုုျပီး အတန္းပိုုင္ ဆရာ (သိုု႕) ဆရာမ က လိုုက္လာျပီး ၾကည့္ေလ့ရွိတယ္ မဟုုတ္လား။ ဒါနဲ႕ ကေလး ေက်ာင္းမသြားတာ ဘယ္နွရက္ ရွိျပီလဲ ေမးၾကည့္ေတာ့ တစ္လနီးပါးေတာင္ ရွိေတာ့မယ္ တဲ့။ ေက်ာင္းက ဘယ္သူမွ လိုုက္လာ မေမးဘူးလား ဆိုုေတာ့ မေမးပါဘူးတဲ့။ ကေလး တစ္ေယာက္ ခြင့္မတိုုင္ပဲ အၾကာၾကီး ေပ်ာက္ေနတာ ဘာေၾကာင့္လဲ လိုု႕ ဘယ္ဆရာ မွလည္း စိတ္ဝင္စားၾကပံုု မရဘူး ထင္ပါရဲ႕။ ၾကည့္ရတာေတာ့ ဒီလိုု အဆင့္အတန္းက ကေလးေတြ ေက်ာင္း တစ္ဝက္ တပ်က္နဲ႕ ထြက္ၾကတာ ဘာမွ မထူးဆန္းဘူးလိုု႕ ေက်ာင္းက ထင္ပံုုပဲဗ်။ ကၽြန္ေတာ္ ဘာမ်ား တတ္နိုုင္မွာလဲ။

အိမ္မွာ အစ္မကိုု ျပန္ေျပာေတာ့ “ဒီလိုု ဆရာမ မ်ိဳးလည္း ရွိေသးသလိုု၊ ဒီလိုု မိဘမ်ိဳးလဲ ရွိေသးသကိုုး” လိုု႕ အစ္မက အံၾသ ေနေလရဲ႕။

“ငါကေတာ့ ဆရာမ တစ္သက္မွာ တစ္ခါမွ ကေလးေတြကိုု နာေအာင္ မရိုုက္ဘူးပါဘူး ဟယ္၊ တစ္ခါတေလ ေတာ္ေတာ္ ဆိုုးဆိုုးဝါးဝါး စာမရရင္ေတာင္ သစ္သား ေပတံေလးနဲ႕ လက္ျဖန္႕ခိုုင္းျပီး နာမွာစိုုးလိုု႕ ေျဖးေျဖးေလး ရိုုက္တာ၊ ဒင္းတိုု႕က ပန္းနဲ႕ ေပါက္သေလာက္ပဲ ထင္ၾကပါတယ္” လိုု႕ အစ္မက ေျပာေသးတယ္။

“ငါ့ေက်ာင္းမွာ လာထားပါလား လိုု႕လည္း ေျပာလိုု႕ မျဖစ္ဘူး၊ ငါ့ေက်ာင္းကလည္း ကားနွစ္ဆင့္ စီးျပီး သြားရတာ အေဝးၾကီးပဲေလ”

အစ္မက မၾကာေသးခင္ေလးကပဲ အထက္တန္းျပ ျဖစ္သြားေတာ့ ခပ္ေဝးေဝး ျမိဳ႕နယ္က အထက္ေက်ာင္းကို ေျပာင္းခဲ့ရတယ္ေလ။

ဒီလိုုနဲ႕ပဲ ေက်ာင္းလခ မတတ္နိုုင္လိုု႕ မဟုုတ္ပဲ မူလတန္း ကေလးတစ္ေယာက္ ေက်ာင္းထြက္ သြားတာကိုု ကၽြန္ေတာ္တိုု႕ ဒီတိုုင္းပဲ ၾကည့္ေနခဲ့ရပါေတာ့တယ္။ ကေလး မိဘေတြမွာသာ နည္းနည္းေလာက္ အသိဥာဏ္ေလး ပိုုရွိခဲ့မယ္ ဆိုုရင္.. ကေလး ရိုုက္ခံရတာကိုု အက်ယ္ခ်ဲ႕မေနပဲ ကေလးကိုု ေခ်ာ့ေမာ့လိုု႕ ေက်ာင္းဆက္ ထားခဲ့မယ္ ဆိုုရင္… ကေလးရဲ႕ ေက်ာင္းက ဆရာမ ကသာ ကေလးရဲ႕ ခံစားခ်က္ကိုု နည္းနည္းေလာက္ စာနာ နားလည္မႈနဲ႕ ၾကည့္႐ႈ ေပးခဲ့မယ္ ဆိုုရင္… စာမတတ္တဲ့ ကေလး တစ္ေယာက္ တိုုးလာမွာ မဟုုတ္ေလာက္ဘူး။ ခုုေတာ့.. ဒီ ကေလးမလည္း ဒီ အသိုုင္းအဝိုုင္းမွာ တစ္ျခား စာမတတ္တဲ့ ကေလးေတြလိုုပဲ ၾကီးျပင္းလာရေတာ့မယ္။ အရြယ္ ေရာက္ေတာ့လည္း ဒီအဆင့္အတန္းက တစ္ေယာက္ေယာက္ နဲ႕ပဲ အိမ္ေထာင္ျပဳ၊ ကေလးေမြး။ ဒီ အေျခအေန၊ ဒီအသိဥာဏ္ ေလာက္ကေန တိုုးတက္လာဖိုု႕ ထြက္ေပါက္ မရွိနိုုင္ေလာက္ေတာ့ဘူး..။ ဒီအတြက္ ဘယ္သူ႕ကိုု တကယ္တမ္း အျပစ္တင္ရမလဲ ကၽြန္ေတာ္လည္း မသိေတာ့ပါဘူး။ ဘာမွ ေျပာင္းလဲေအာင္ လုုပ္မေပးနိုုင္တဲ့ ကၽြန္ေတာ့္မွာ ေတာင္မွ အျပစ္ရွိေနနိုုင္ပါတယ္။

သိဂၤါေက်ာ္

ေမွာ္ဝင္ ပန္းခ်ီကား

ခပ္ေဝးေဝး­က လွမ္းၾကည့္တဲ့ အခါ

အစစ္အမွန္လိုု ႐ုုပ္လံုုးၾကြလိုု႕...

အနီးကပ္လာေတာ့မွ

Velazquez ရဲ႕ 3D ပန္းခ်ီကား တစ္ခ်ပ္ျဖစ္ေနပါေရာ။

ဘာပဲျဖစ္ျဖစ္

စိတ္ကူးယဥ္ မဟုုတ္ေၾကာင္း သက္ေသျပဖိုု႕

ပန္းခ်ီကားထဲမွာ ပန္းခ်ီဆရာ ကိုုယ္တိုုင္ ပါဝင္တယ္။

အခုုေတာ့ ဘယ္ႏွယ့္

ကိုုယ္တိုုင္ မပါဝင္ရတဲ့ အျဖစ္အပ်က္ေတြထဲ

ေဝေဝဝါးဝါး လွမ္းျမင္႐ံုုနဲ႕

ေဝဖန္ခ်က္ေတြ ေပးလိုု႕

ၾကိဳက္ေတာ့လည္း စြတ္ေကာင္းၾက

မၾကိဳက္ေတာ့လည္း ရက္ရက္စက္စက္ ခ်ိဳးဖဲ့ၾက

မုုသားနဲ႕ အတုုအေယာင္ေတြထဲ

ခ်ာခ်ာလည္တဲ့အခါ လည္လိုု႕

အကုုသိုုလ္ေတြမ်ား ပြားမ်ားေနလိုုက္ၾကတာ။ 

သာမန္ လူတစ္ေယာက္ကေတာ့

အနိဌာ႐ံုု ပန္းခ်ီကားေတြကိုု

ၾကည့္ခ်င္လွခ်ည္ရဲ႕ ျဖစ္မွာ မဟုုတ္ဘူး။

ဒါေပမယ့္ေပါ့ေလ

ျဖစ္ရပ္မွန္တိုုင္းကိုု မွတ္တမ္းတင္ခ်င္တယ္ဆိုု

ပန္းခ်ီကားတိုုင္းဟာ

ျမက္ခင္းစိမ္းနဲ႕ ေကာင္းကင္ျပာခ်ည္းေတာ့ မျဖစ္ႏိုုင္ဘူး။

တစ္ခ်ိဳ႕တေလေတာ့ ေသြးေရာင္လႊမ္းေနမွာ ဓမၼတာပဲ။

ကမၻာၾကီးက ပန္းခ်ီကား တစ္ခ်ပ္ဆိုု

အဲဒီအထဲမွာ ငါတို႕လည္း ပါတယ္ေပါ့ေလ။

အခ်ိန္မတန္တဲ့ ေသျခင္းတရားေတြကိုု မ်ားမ်ားေတာ့ မျပပါနဲ႕

ငါ ပန္းခ်ီကားေတြကိုု ခ်စ္တတ္ပါတယ္။

အရာရာတိုုင္းက ျဖစ္ပ်က္ေနတဲ့ မျမဲ တရားေတြတဲ့

ခုုထိ ႏွလံုုးမသြင္းတတ္ေသးတဲ့ လူဗာလေလးဟာ ငါပါပဲ

ဘယ္ႏွနွစ္ေတာင္ ျဖတ္သန္းခဲ့ျပီးျပီလဲ

အဲဒီ ပန္းခ်ီကားထဲမွာ ၾကာရွည္မရွိနိုုင္ေတာ့မွာကိုု ေမ့ေလ်ာ့လိုု႕

ေပ်ာ္မ်ားေတာင္ေနေသးရဲ႕။

 

သိဂၤါေက်ာ္

ေရာက္ခဲ့သမွ် ရိုုက္ခဲ့သမွ် ၆

ေန႕လည္ ၂ နာရီ ရထားနဲ႕ Koln ျမိဳ႕က လာလိုုက္တာ Luxembourg ကိုု ညေန ၅ နာရီ ေလာက္ ေရာက္ခဲ့ပါတယ္။ ညအိပ္မယ့္ ဟိုုတယ္မွာ ေက်ာပိုုးအိတ္ကိုုခ် ကင္မရာ တစ္လံုုးယူျပီး ျမိဳ႕ထဲကိုု လမ္းေလွ်ာက္ထြက္ခဲ့ပါတယ္။ ဒီမွာက ည ၉ နာရီ ၁၀ နာရီ ေလာက္မွ ေမွာင္တာ ဆိုုေတာ့ ျမိဳ႕ထဲ ပတ္ဖိုု႕ အခ်ိန္ ရွိပါေသးတယ္။ ၉ နာရီ ေလာက္အထိ ေလွ်ာက္သြား ဓါတ္ပံုုရိုုက္ျပီး ညစာ စားျပီးမွ ဟိုုတယ္ ျပန္လာၾကပါတယ္။ ဟိုုတယ္ကလည္း ဘူတာရံုုနဲ႕ နီးနီးနားနားပါပဲ။ ဟိုုတယ္ခန္းထဲမွာ wifi ရတာမိုု႕ ဖုုန္းေလးဖြင့္ facebook ေလး တစ္ခ်က္စစ္၊ ေတြ႕တာ အနည္းအပါး like ေလး ဘာေလး လုုပ္ျပီး မနက္က်ရင္ ၆ နာရီ ၂၀ ရထားနဲ႕ သြားမွာမိုု႕ခပ္ေစာေစာပဲ အိပ္လိုုက္ၾကပါတယ္။ 

 Luxembourg ျမိဳ႕မွာ ရိုုက္ခဲ့တဲ့ ပံုုေလးေတြပါ။ ခုုတေလာ စာမေရးျဖစ္ေသးလိုု႕ ပံုုေလးေတြပဲ ဆက္တင္ ေနတာပါ.. :D

သိဂၤါေက်ာ္