စားပြဲထိုးဘဝမွ ရုပ္ရွင္မင္းသမီး ႏွင့္ လူ႕စြမ္းအားအရင္းအျမစ္ ဝန္ၾကီး ျဖစ္လာသူ အမ်ိဳးသမီး စြမ္းေဆာင္ရွင္

Smriti Irani ကို ၁၉၇၆ မတ္လတြင္ ေဒလီျမိဳ႕၌ ပန္ဂ်ပ္ဖခင္ႏွင့္ ဘင္ဂၤလီမိခင္ တို႕မွ ေမြးဖြားခဲ့ပါသည္။ သူမသည္ ညီအစ္မ သံုးေယာက္တြင္ အၾကီးဆံုး ျဖစ္ေသာေၾကာင့္ ၁၂ တန္းအထိသာ တက္ခဲ့ျပီးေနာက္ ေက်ာင္းထြက္ကာ အလွကုန္ပစၥည္း အေရာင္းျမွင့္တင္ေရး ဝန္ထမ္းအျဖစ္ လုပ္ကိုင္ခဲ့ရသည္။ စတိုးဆိုင္တြင္ လုပ္ကိုင္ေနရေသာ္လည္း သူမ၏ ရည္မွန္းခ်က္ကေတာ့ တစ္မ်ိဳးတစ္ဖံုျဖစ္သည္။ မက္ေမာဖြယ္ ကမၻာၾကီး၏ ဆြဲေဆာင္မႈျဖင့္ သူမသည္ လူလတ္တန္းစား ဘဝမွ ထိုးေဖာက္ထြက္ဖို႕ ဆံုးျဖတ္ခဲ့သည္။ ၁၉၉၈ တြင္ Miss India ျပိဳင္ပြဲကို ဝင္ျပိဳင္ခဲ့ေသာ္လည္း ေနာက္ဆံုး အဆင့္အထိ မေရာက္ရွိခဲ့ပါ။

ေနာက္ဆံုးတြင္ သူမသည္ သူမ၏ ကံကို စမ္းသပ္ရန္ မြန္ဘိုင္းျမိဳ႕သို႕ ေျပာင္းေရႊ႕ခဲ့သည္။ အသက္ေမြးဝမ္းေၾကာင္းမႈ အေနႏွင့္ သူမသည္ McDonald ဆိုင္တြင္ စားပြဲထိုး လုပ္ခဲ့ရသည္။ ၁၉၉၈တြင္ သူမသည္ Mika Singh သီခ်င္းအယ္လ္ဘဏ္ တစ္ခု တြင္ သီခ်င္းတစ္ပုဒ္ ဆိုခဲ့ဖူးသည္။

၂၀၀၁ ခုႏွစ္တြင္ Zubin Irani ႏွင့္ လက္ထပ္ခဲ့ျပီး သားႏွစ္ေယာက္ ေမြးဖြားခဲ့သည္။

Smriti သည္ အခက္အခဲမ်ားစြာ ရင္ဆိုင္ခဲ့ရျပီးေနာက္ ကံေကာင္းေထာက္မစြာႏွင့္ ‘Ooh La La La’ ဇာတ္လမ္းတြဲ တြင္ ပါဝင္ခြင့္ ရရွိခဲ့ျပီး နာမည္ၾကီး မင္းသမီး ေနရာတြင္ အစားထိုး သရုပ္ေဆာင္ခြင့္ ရခဲ့သည္။ ထုတ္လုပ္ေရး မ်ားစြာက သူမကို မလိုခ်င္ခဲ့ေသာ္လည္း တစ္ေယာက္ေသာ ထုတ္လုပ္သူ၏ ယံုၾကည္မႈျဖင့္ သူမသည္ ‘Kyunki Saas Bhi Kabhi Bahu Thi’ တီဗြီ ဇာတ္လမ္းတြဲတြင္ Tulsi ဆိုေသာ အဓိက ဇာတ္ေကာင္ ေနရာတြင္ လုပ္ေဆာင္ခြင့္ ရခဲ့ျပီး ေအာင္ျမင္မႈ ရရွိခဲ့သည္။ Tulsi ဇာတ္ရုပ္ျဖင့္ အခ်ိန္အေတာ္ၾကာ သရုပ္ေဆာင္ခဲ့ျပီး သရုပ္ေဆာင္ ဆုမ်ားစြာလည္း ရရွိခဲ့သည္။ ထို ဇာတ္လမ္းတြဲသည္ ၂၀၀၀ မွ ၂၀၀၈ ခုႏွစ္အထိ ရွည္ၾကာခဲ့သည္။ သူမသည္ ၂၀၀ရ တြင္ ထို ဇာတ္လမ္းမွ ထြက္ခဲ့ျပီး ၂၀၀၈တြင္ ျပန္ဝင္လာခဲ့သည္။ Irani သည္ သူမ ကိုယ္ပိုင္ ထုတ္လုပ္ေရး ကုမၸဏီ Ugraya Entertainment ကို တည္ေထာင္၍ ဇာတ္လမ္းမ်ား ထုတ္လုပ္ခဲ့သည္။

သူမသည္ ‘Maniben.com’ တီဗြီ ဇာတ္လမ္းတြင္ ဟာသ သရုပ္ေဆာင္ အေနႏွင့္ သူမ၏ သရုပ္ေဆာင္ စြမ္းရည္ကို ျပသခဲ့သည္။ ဘဂၤလီေသြးပါေသာ သူမသည္ ဘဂၤလီ ရုပ္ရွင္မ်ားတြင္လည္း သရုပ္ေဆာင္ခဲ့သည္။ ‘All is Well’ ရုပ္ရွင္ျဖင့္ ေဘာလီဝုဒ္တြင္ ေနရာတစ္ေနရာ ရခဲ့သည္။ သူမသည္ Indian Television Academy Awards for Best Actress (Popular) ဆုကို ငါးႏွစ္ဆက္တိုက္, Indian Telly Awards ဆို ေလးခု, Star Parivaar Awards ရွစ္ခု စသည့္ ရုပ္ရွင္ ထူးခြ်န္ဆု မ်ားစြာ ရရွိခဲ့သည္။ ထို႕ေနာက္ သူမသည္ ႏိုင္ငံေရး ေလာကတြင္ ေအာင္ျမင္ေအာင္ ၾကိဳးစားရန္ ဆံုးျဖတ္ခဲ့သည္။

သူမ၏ ႏိုင္ငံေရး ေလာကမွ ခရီးရွည္သည္လည္း စိတ္လႈပ္ရွားဖြယ္ရာ ျဖစ္သည္။ သူမသည္ ၂၀၀၃ ခုႏွစ္ကတည္းက Bharatiya Janata Party (BJP) ပါတီဝင္ ျဖစ္ခဲ့သည္။ ၂၀၀၄ ခုႏွစ္တြင္ Maharashtra Youth Wing ၏ ဒုဥကၠဌ ျဖစ္ခဲ့သည္။ သူမ ကိုယ္ပိုင္ ထူေထာင္ေသာ People For Change ပရဟိတ လုပ္ငန္းသည္ ေက်းရြာမ်ား ေသာက္ေရသန္႕ ရရွိေရးအတြက္ ေဆာင္ရြက္ေပးခဲ့သည္။ သူမသည္ ဆင္းရဲေသာ ကေလး ၁၅ ေယာက္ကို ေမြးစား၍ ပညာေရး အေထာက္အပံ့မ်ား ေပးခဲ့သည္။

၂၀၁၀ တြင္ သူမသည္ ပါတီ၏ ႏိုင္ငံလံုးဆိုင္ရာ အတြင္းေရးမွဴး ျဖစ္လာခဲ့သည္။ ၂၀၁၁ ခုႏွစ္တြင္ Rajya Sabha ပါလီမန္ အမတ္ ျဖစ္လာခဲ့သည္။ ၂၀၁၂ ခုႏွစ္တြင္ BJP ပါတီ၏ ဒုဥကၠဌ ျဖစ္လာခဲ့သည္။ Smriti သည္ လူမႈေရးႏွင့္  ပတ္သက္ေသာ ဖြံ႕ျဖိဳးတိုးတက္မႈ လုပ္ငန္းမ်ားတြင္ တက္ၾကြစြာ ပါဝင္ခဲ့သည္။ အမ်ိဳးသမီးမ်ား လံုျခံဳမႈ ႏွင့္ ပတ္သက္၍ အေလးထားေဆာင္ရြက္ခဲ့သည္။ အဓမၼ က်င့္သူူမ်ားကို ျပင္းထန္ေသာ ျပစ္ဒဏ္ ခ်မွတ္ေရးအတြက္ အၾကံျပဳခဲ့သည္။

BJP ပါတီသည္ ၂၀၁၄ ေရြးေကာက္ပြဲတြင္ Smriti ကို Amethi ျပည္နယ္ ကိုယ္စားျပဳ အျဖစ္ Rahul Gandhi ႏွင့္ ယွဥ္ျပိဳင္၍ အေရြးခံရန္ စာရင္းသြင္းခဲ့သည္။ သူမသည္ Rahul Gandhi ကို မဲအနည္းငယ္ျဖင့္ ရႈံးနိမ့္ခဲ့ရသည္။ သူမ၏ ေခါင္းေဆာင္မႈ အရည္အေသြးေၾကာင့္ Smriti သည္ ၂၀၁၄ ေမလက လူ႕စြမ္းအားအရင္းအျမစ္ ဖြံ႕ျဖိဳးတိုးတက္ေရး  ဝန္ၾကီးဌာန ဝန္ၾကီး အျဖစ္ ခန္႕အပ္ ခံခဲ့ရသည္။ သူမသည္ ကက္ဘိနက္တြင္ အသက္အငယ္ဆံုး အဖြဲ႕ ဝင္ျဖစ္သည္။

မွီျငမ္း:

http://www.elections.in/political-leaders/smriti-irani.html

http://www.filmyfolks.com/celebrity/tellywood/smriti-irani.php

http://en.wikipedia.org/wiki/Smriti_Irani

http://www.firstpost.com/politics/smriti-irani-from-model-to-tvs-favourite-bahu-to-cabinet-minister-1542563.html

ကျေးလက်နေ အမျိုးသမီးတစ်ယောက်ဘဝမှ Keys Software Solutions ကုမ္ပဏီ CEO တစ်ယောက် ဘဝသို့ အရောက်လှမ်းနိုင်ခဲ့သူ

“အောင်မြင်တဲ့ ဇာတ်လမ်းတိုင်းမှာ နာကျင်စရာနဲ့ အစပြုခဲ့ရပြီး နာကျင်ပင်ပန်းတဲ့ အစပြုမှုတိုင်းမှာလည်း အောင်မြင်တဲ့ အဆုံးသတ်တစ်ခုတော့ ရှိပါတယ်။” (Dr. APJ Abdul Kalam)

 “သင့်က ဆင်းဆင်းရဲရဲ မွေးဖွားလာတယ် ဆိုရင် အဲဒါ သင့် အမှား မဟုတ်ပါဘူး၊ ဒါပေမယ့် သင် ဆင်းဆင်းရဲရဲ နဲ့ပဲ သေဆုံးသွားမယ် ဆိုရင်တော့ အဲဒါ သင့်အမှားပါ” (Bill Gates)

သာမာန် ရွာသူ အမျိုးသမီး တစ်ယောက်ဘဝကနေ Keys Software Solutions ကုမ္ပဏီ CEO တစ်ယောက် အဖြစ်သို့  အရောက်လှမ်းနိုင်ခဲ့သူကတော့ အိန္ဒိယအမျိုးသမီး Mrs. D. Anil Jyothi Reddy (ဒီ အနေးလ် ဂျော့သီ ရက်ဒ်ဒီ) ဖြစ်ပါသည်။

Anil Jyothi Reddy ကို ၁၉၇၀ ခုနှစ်တွင် အိန္ဒိယနိုင်ငံ ဆင်းရဲသား မိသားစုတစ်စုမှ မွေးဖွားခဲ့ပြီး မွေးချင်း လေးယောက် ရှိခဲ့သည်။ သူမ ငယ်စဉ်မှာပင် မိခင် ဆုံးပါးသွားခဲ့ပြီးနောက် ဖခင်က အလုပ်အကိုင်မဲ့ကာ စစ်တပ်သို့ ဝင်ခဲ့သည်။ ဆက်လက် မစောင့်ရှောက်နိုင်တော့သည့်အတွက် သူမကို အစိုးရ မိဘမဲ့ကျောင်းကို ပို့ခဲ့သည်။ Jyothi Reddy သည် ၅ တန်းမှ ၁၀ တန်းအထိ မိဘမဲ့ ကျောင်းတွင် ချို့တဲ့စွာ နေထိုင်ရင်း တက်ရောက်ခဲ့သည်။ နွေကျောင်းပိတ်ရက်များမှာပင် သူမသည် အိမ်သို့ မပြန်ရပဲ အုပ်ချုပ်ရေးမှူး၏ အိမ်တွင် နေထိုင်ရင်း အိမ်အလုပ်များကို ကူလုပ်ပေးခဲ့ရသည်။ သူမ၏ ခါးသီးစရာ ကိုယ်ပိုင် ခံစားချက်များကြောင့် ယခုအခါတွင် မိဘမဲ့ ကလေးများ၏ လိုအပ်ချက်များကို တတ်နိုင်သလောက် ထောက်ပံ့ပေးနေခဲ့ခြင်း ဖြစ်သည်။

Jyothi Reddy သည် ဆယ်တန်းကို အမှတ်ကောင်းကောင်းဖြင့် အောင်မြင်ခဲ့ပြီး ရှေ့ဆက်ရန် အိပ်မက်များ ရှိခဲ့သော်လည်း မဆက်နိုင်ခဲ့ပါ။ သူမ၏ မိဘများ အတင်းအကျပ် တိုက်တွန်းမှုဖြင့် အသက် ၁၆ နှစ် အရွယ်မှာပင် Mr. SangiReddy နှင့် လက်ထပ်ခဲ့ရသည်။ အိန္ဒိယ ကျေးလက်များမှာ မိန်းကလေးငယ်များ၏ မိဘများက တတ်နိုင်သမျှ မြန်မြန် သမီးများကို စွန့်လွှတ်ချင်နေသောကြောင့် ငယ်ငယ်ရွယ်ရွယ်မှာပင် အိမ်ထောင်ချပေးလေ့ ရှိကြပါသည်။ သူမသည် အိမ်ထောင်ရေးနှင့် ပတ်သက်ပြီး ဘာမှ မသိနားမလည်သေးသော အရွယ် ဖြစ်သော်လည်း နောက် ၂ နှစ်အကြာ၌ ကလေးနှစ်ယောက်၏ မိခင် ဖြစ်ခဲ့ရသည်။ သူမ၏ ကလေးများကို ကျွေးမွေးပြုစုရန်၊ ကြည့်ရှုစောင့်ရှောက်ရန် အခြေခံလိုအပ်ချက်များ ပြည့်စုံဖို့ရန် ခက်ခဲသော ဘဝ ဖြစ်ခဲ့ရသည်။

သူမသည် ပိုက်ဆံရရန်အတွက် ယောက္ခမနှင့် အမျိုးသား ကို ခွင့်တောင်းကာ လယ်ထဲဆင်း၍ တစ်ရက်လျှင် ၅ ရူပီးမျှ ရသော အလုပ်ကို လုပ်ခဲ့ရသည်။ သူမသည် ၁၉၈၆ မှ ၈၉  ခုနှစ်အထိ ထိုအလုပ်ကို လုပ်ခဲ့ပြီးနောက် ၁၉၈၉  ခုနှစ်တွင် သူမအတွက် အလှည့်အပြောင်းတစ်ခု ကြုံခဲ့သည်။ ရွာတွင် အသက်ကြီးသူများအတွက် မူလတန်းပညာသင်ပေးရန် ညကျောင်း တစ်ခု ဖွင့်ရာ ထိုကျောင်းတွင် တစ်လလျှင် ရူပီး ၁၂၀ နှင့် အလုပ်ရခဲ့သည်။ အဆင့်မြင့်ပညာ မပြီးလျှင် နောက်ထပ် ရာထူးတက်ရန်မှာ မဖြစ်နိုင်သည့်အတွက် သူမသည် အဝေးသင်ဖြင့် ဘွဲ့ရအောင် ယူခဲ့သည်။ သူမသည် အန်နာ တက္ကသိုလ်မှ B.Ed ဘွဲ့ ရပြီး နောက် အစိုးရဝန်ထမ်း Volunteer ဆရာမ တစ်ယောက် ဖြစ်လာပြီး တစ်လလျှင် ရူပီး ၂၀၀ ရခဲ့သည်။

သူမ၏ အမျိုးသားကလည်း မကန့်ကွက်သည့်အတွက် သူတို့မိသားစုသည် ရွာမှ သူမ အလုပ်ရှိရာ မြို့သို့ ပြောင်းလာခဲ့ကြသည်။ မြို့ရောက်သော အခါ၌လည်း မိသားစုနှင့် အလုပ်ကို ညှိယူရခြင်း၊ ပိုက်ဆံရှာရန် အစွမ်းကုန် ကြိုးစားသော်လည်း လစာ မလုံလောက်ခြင်း စသည့် ကျေးလက်နေ အိန္ဒိယအမျိုးသမီးများထက် ပိုများသော ပြဿနာများနှင့် တွေ့ကြုံကြရပြန်သည်။ သူမသည် အလုပ်အမျိုးမျိုး လုပ်ခဲ့သည်။ ၁၉၉၂ တွင် သူမ နေသော နေရာနှင့် ၇၀ ကီလိုမီတာ ဝေးသော ကျောင်းတွင် ဆရာမ အလုပ်ရသည်။ ခရီးစားရိတ် ရရန်အတွက် သူမသည် ရထားပေါ်မှာ ဆာရီများ ရောင်းခဲ့ရသည်။ နောက်ဆုံး ၁၉၉၄ ခုနှစ်တွင် တစ်လလျှင် ရူပီး ၂၇၅၀ ရသော ပုံမှန် အလုပ်တစ်ခု ရခဲ့သည်။ အမျိုးသမီးငယ်များ ဖွံဖြိုးတိုးတက်ရေး အရာရှိအနေနှင့် ကျောင်းများကို စစ်ဆေးရသော အလုပ်ဖြစ်သည်။

ရည်မှန်းချက်ကြီးသော အမျိုးသမီး တစ်ယောက် အနေနှင့် သူမ၏ ကလေးနှစ်ယောက်ကို လုံလောက်ရုံမျှသာ ကျွေးမွေးနိုင်သည်ကို မကျေနပ်နိုင်သေးပါ။ ၁၉၉၈ တွင် အမေရိကန်နိုင်ငံတွင် အခြေချနေထိုင်ရာမှ အလည်လာသော သူမ၏ ဝမ်းကွဲဆွေမျိုး တစ်ယောက်နှင့် တွေ့ ခဲ့သည်။ သူမတို့နှင့် ကွာခြားလှသော ထိုဆွေမျိုး၏ ပိုက်ဆံ သုံးနိုင်မှု၊ ဘဝအဆင့်အတန်းနှင့် ပတ်သက်ပြီး အားကျခဲ့သည်။ သူမ၏ ဝမ်းကွဲအစ်ကို ကဲ့သို့  computer software နှင့်ပတ်သက်ပြီး သင်ယူချင်စိတ် ဖြစ်လာခဲ့သည်။ သူမသည် အမေရိကား သွားရန် စိတ်ပိုင်းဖြတ်ပြီး computer သင်တန်းတက်ကာ ပတ်စ်ပို့ နှင့် ဗီဇာအတွက် ပိုက်ဆံစုခဲ့သည်။ ထို့နောက် သူမ၏ အိပ်မက်များကို အကောင်အထည်ဖော်ရန် သမီးနှစ်ယောက်ကို အဆောင်တွင် အပ်ထားခဲ့ပြီး အမေရိကန်နိုင်ငံသို့ ထွက်ခွာခဲ့သည်။

Jyothi Reddy သည် အမေရိကန်နိုင်ငံသို့ ရောက်ကာစတွင် ထိုနိုင်ငံတွင် အခြေချ နေထိုင်ရန်မှာ လွယ်ကူသော ကိစ္စ မဟုတ်မှန်း သိလာရသည်။ စစချင်း လစာနည်းသော အရောင်းစာရေး အလုပ်များ လုပ်ခဲ့ရပြီး သူများအိမ်တွင် ကပ်နေခဲ့ရသည်။ အတော်ကြာမှ ကုမ္ပဏီတစ်ခုတွင် လစာကောင်းကောင်း အလုပ်ရခဲ့သည်။ သို့သော်လည်း မကြာခင် သူမ၏ ဗီဇာ ပြဿနာကြောင့် အလုပ်မှ ထွက်ခဲ့ရပြီး ဗီဇာ မရခင် ကာလအတွင်း ရရာ အလုပ်များကို ပြန်လုပ်ခဲ့ရပြန်သည်။ ဗီဇာအတွက် မက္ကစီကို သို့ သွားရင်း ဗီဇာရရန် လုပ်ဆောင်ရသည့် ခက်ခဲမှုများအတွက် အကြံပေးကုမ္ပဏီတစ်ခု ထောင်ရန် စဉ်းစားခဲ့မိသည်။ ထို့ကြောင့် Keys software solutions ကို စတင်ခဲ့သည်။ ထို့နောက် software များ ရေးသားခြင်းနှင့် အခြားအလုပ်အကိုင် ရှာဖွေခြင်း လုပ်ငန်းများကို ချဲ့ထွင် လုပ်ကိုင်ခဲ့သည်။ Jyothi Reddy သည် ၂၀၀၀ ခုနှစ် တွင် အမေရိကန်နိုင်ငံသို့ ရောက်ရှိခဲ့ပြီး ၂၀၀၁ ခုနှစ်တွင် စီးပွားရေး လုပ်ငန်းရှင် တစ်ယောက် ဖြစ်လာခဲ့သည်။ သူမ၏ အစ်ကို ဝမ်းကွဲကိုပါ အလုပ်အတူတွဲလုပ်ရန် ခေါ်ခဲ့ပြီး လုပ်ငန်းများကို ထပ်ချဲ့ခဲ့သည်။ သူမ၏ သမီးများကို ခေါ်ယူပြီး အမေရိကန်တွင် ကျောင်းဆက်တက်စေသည်။

သူမ၏ ကြိုးစားအားထုတ်မှု၊ ရည်မှန်းချက် ချမှတ် လုပ်ဆောင်နိုင်မှုတို့ကြောင့်  သူမ၏ အိပ်မက်များကို အောင်မြင်စွာ အကောင်အထည် ဖော်နိုင်ခဲ့သည်။ သူမ၏ သမီးများကို အဆင့်အတန်းမြင့်မြင့် နေစေချင်သော သူမ၏ အိပ်မက်အတိုင်း ဖြစ်အောင် လုပ်နိုင်ခဲ့သည်။ သူမ၏ ဆွေမျိုးနီးစပ်များကို ကောင်းကောင်း ထောက်ပံ့နိုင်ခဲ့သည်။ သူမ၏ သမီးများသည် ယခုအခါ အင်ဂျင်နီယာ ဘွဲ့များရကာ လက်ထပ်ပြီး US မှာပင် အခြေချ နေကြပြီ ဖြစ်သည်။

Jyothi Reddy သည် သူမကို အစစအရာရာ ကူညီ ထောက်ပံ့ ပေးခဲ့သူများကို အမြဲတမ်း ကျေးဇူးတင်လျက်ရှိသည်။ သူမသည် သူမ နာကျင်ခဲ့ရသော ကျပ်တည်းသော ဘဝကိုလည်း ဘယ်တော့မှ မမေ့ခဲ့ပဲ အကူအညီ လိုအပ်သူများကို ကူညီထောက်ပံ့ရန် ဆုံးဖြတ်ခဲ့သည်။ မပြည့်စုံမှုများ၏ ရိုက်ခတ်ခြင်းကို ခံခဲ့ကြရသော မိဘမဲ့ ကလေးများ၏ မျက်ရည်ကို သုတ်ပေးချင်ခဲ့သည်။ သူမသည် အများအကျိုးဆောင် စီမံကိန်းများစွာ လုပ်ဆောင်ခဲ့သည်။ အမေရိကန်နိုင်ငံသို့ လာရောက် အခြေချချင်သော အိန္ဒိယလူမျိုးများကို အကူအညီများ ပေးခဲ့သည်။

“ကျွန်မ ဒီထက်ပိုပြီး အများကြီး လုပ်ချင်ပါသေးတယ်။ အလုပ်ကြိုးစားပြီး ဉာဏ်ထက်မြက်တဲ့ အမျိုးသမီးတွေက အမျိုးသားတွေထက် ပိုပြီး စီးပွားရေးသမားကောင်းတွေ ဖြစ်နိုင်ပါတယ်” လို့ သူမက ပြောခဲ့သည်။

“ကျွန်မက အမျိုးသမီးတွေကို အရွယ်အလိုက်ပေါ့ သူတို့ရဲ့  အဖေတွေ၊ အမျိုးသားတွေ၊ သားတွေ အပေါ် မမှီခိုပဲ အလွတ်လွတ်လပ်လပ် စီးပွားရေး လုပ်စေချင်ပါတယ်၊ ပညာရေးမှာလည်း ဘွဲ့တွေ ဒီပလိုမာတွေ ရတဲ့အထိ ဆက်သင်စေချင်ပါတယ်။ လက်ထပ်ပြီးနောက်ပိုင်း အလုပ်မလုပ်တော့တာ မျိုးတွေလည်း မဖြစ်စေချင်ပါဘူး။ ကိုယ့်ဘဝကို ကိုယ်တိုင် တည်ဆောက်ပါ။ သားသမီးတွေကို ဂရုစိုက်တာဟာ ဘဝရဲ့ တစ်စိတ်တစ်ပိုင်း ဖြစ်ပေမယ့်လို့  အဲဒါနဲ့ ချည်းပဲ တစ်ဘဝလုံး မကုန်ဆုံးသင့်ပါဘူး” လို့ သူမက ပြောခဲ့ပါသည်။

ဘဝရဲ့ အခက်အခဲ အကျပ်အတည်းများက လူတွေရဲ့ စွမ်းဆောင်ရည် မြင့်တက်ဖို့ တွန်းအားပေးပါသည်။ သူမ ပြင်းပြစွာ ခံစားမိတာကတော့ လူတိုင်းလူတိုင်း ပတ်ဝန်းကျင်ကို အပြစ်တင်တာတွေ ရပ်ပြီး ကိုယ့်ကိုယ့်ကိုယ် ကူညီဖို့ စတင်သင့်တယ် ဆိုတာပါပဲ။ ကျွန်မတို့ဟာ နောက်ပြန်လှည့်မကြည့်ပဲ ကျွန်မတို့ရဲ့ ဘဝ တိုးတက်မြင့်မားဖို့ ကျွန်မတို့မှာပဲ တာဝန်ရှိတယ် ဆိုတာကို ရှင်းရှင်းလင်းလင်း နားလည် သဘောပေါက်သင့်ပါသည်။

မှီငြမ်း

http://www.jyothireddy.com/story.php

http://www.indiaonrent.com/view/f/from-a-labour-to-ceo-jyothi-reddy-great-inspiration.html

http://timesofindia.indiatimes.com/city/visakhapatnam/D-Anila-Jyothi-Reddy-A-journey-from-farm-labourer-to-IT-firms-CEO/articleshow/18857681.cms

(တစ်ခြားမှာ ပြန်ဆိုထားတာ၊ ရှိချင်လည်း ရှိမှာပါ။ ကိုယ်တိုင် ဖတ်ဖို့  ကိုယ်တိုင် စိတ်ခွန်အားတိုးဖို့ အတွက် လေးစားအားကျဖွယ်ရာ အမျိုးသမီးတစ်ယောက် အကြောင်းကို ရေးဖြစ်တာပါ။)

သိင်္ဂါကျော်

ဖက္တစ္ရြက္ ပံုျပင္

ေဆာင္းဦးက ျမျမ ေအးစ ျပဳေနေလျပီ။ ေျမာက္ေလက ျပတင္းေပါက္ၾကားက တစ္ေၾကာ့ တစ္ေၾကာ့ တိုးဝင္ လာတတ္ေသးသည္။ အိမ္မွာ တုန္းကေတာ့ ေဆာင္းဝင္စ ျပဳတာကပဲ မသိသာလွ။ အေႏြးထည္လည္း မဝတ္ခဲ့ရေသး။ Final စာေမးပြဲၾကီးျပီး၍ တစ္လေက်ာ္ ေက်ာင္းပိတ္ထားရာမွ ခက္ တို႕ ေက်ာင္းၾကီးလည္း ျပန္ဖြင့္ေနျပီ ျဖစ္ရာ ခက္တစ္ေယာက္ အေဆာင္ ျပန္ေရာက္ေနေလျပီ။ အိမ္မွာ ေနတာ ၾကာလာေတာ့လည္း မလြတ္မလပ္ ခံစားရျပီမို႕ အေဆာင္ျပန္ခ်င္လွျပီ ျဖစ္ရာ ေက်ာင္းစ ဖြင့္ေသာ အပတ္မွာပင္ ခက္ကေတာ့ ေက်ာင္းကို ေရာက္ေနခဲ့ျပီ။ ေက်ာင္းဖြင့္မွပင္ ခ်စ္သူ ႏွင့္လည္း ေတြ႕ရမည္ မဟုတ္လား။ အိမ္မွာ ေနရေသာ တစ္လ ေက်ာ္ေက်ာ္မွာ အိမ္က မသိေအာင္ ခိုးဝွက္ ေျပာရေသာေၾကာင့္ သူ႕ကို မဆက္ခိုင္းပဲ ခက္ကခ်ည္းပဲ ဆက္ရသည္ ျဖစ္ရာ ဖုန္းဖိုးကလည္း ကုန္လွျပီ။ ေက်ာင္းမွာလို အေဆာင္မွာလို wifi free မရသျဖင့္ အိမ္မွာ ေနသမွ် ဖုန္း ေဘလ္ထဲကပဲ အင္တာနက္ သံုးေနေသာေၾကာင့္ ဖုန္းတစ္ကဒ္က သိပ္ၾကာၾကာ မခံခ်င္သလိုပင္။ ေက်ာင္းမွာ စာ မ်ားမ်ား မသင္ေသးေသာ အပတ္မို႕  ခ်စ္သူႏွင့္ သာသာယာယာ ေတြ႕ေနရေသာေၾကာင့္ စိတ္ခ်မ္းသာသည္။ တစ္ခုပဲ ေျပာစရာရွိသည္။ ယခုစာသင္ႏွစ္မွာ တစ္ခန္းထဲေန သူငယ္ခ်င္းမ ျဖဴ ကေတာ့ ျပန္မလာခဲ့ပါ။ ေမဂ်ာမတူေသာ္လည္း ၃ ႏွစ္တာ အတူေန အခန္းေဖာ္မို႕ ခင္မင္ေနရာ သူမ မလာေသာအခါ တစ္ခုခု လိုေနသလိုလိုပင္။ ျဖဴ ဘာေၾကာင့္ ဒီတစ္ႏွစ္ ျပန္မလာေသးသလဲ ဆိုတာ ခက္ သိပါသည္။ အိမ္မွာတုန္းက သူမ ႏွင့္ စကားေျပာျဖစ္ခဲ့ေသးသည္။

#######

ခက္တို႕ ပါေမာကၡ ေခ်ာေခ်ာလွလွ စကားေျပာေကာင္းေကာင္း ကို အားက်ျပီး စာမွ စာ တစ္စာစာ လုပ္ေနသူမ်ားထဲတြင္ ခက္မပါပါ။ ပါေမာကၡကို ေစာ္ကားလိုသည္ မဟုတ္ေသာ္လည္း သူမသည္ ခက္သိခ်င္ေသာ ပညာရပ္ပိုင္း ဆိုင္ရာမ်ားထက္ သူမ ႏိုင္ငံျခားမွာ ေဒါက္တာ ဘြဲ႕ရခဲ့သည့္ အေၾကာင္းမ်ားကိုသာ အက်ယ္ခ်ဲ႕ ၾကြားလြန္းသည္ဟု ခက္က ျမင္သည္။ သူမ စာသင္သည္က နည္းနည္းေလး မွ်သာ။ ခက္သည္ ငယ္စဥ္ကတည္းက စာသင္သည္ထက္ အပိုစကား မ်ားမ်ား ေျပာတတ္ေသာ ျမန္မာစာ၊ သမိုင္း ဆရာ၊ ဆရာမမ်ားကို သိပ္မေဘာမေတြ႕တတ္ခဲ့သူ ျဖစ္သည္။ သို႕အတြက္ ခက္သည္ ခက္တို႕ ေမဂ်ာမွာ အေတာ္ဆံုးေတြထဲ မပါသလို အညံဆံုးေတြ ထဲမွာလည္း မပါပါ။ ဒုတိယတန္းစား စာလုပ္သူေတြထဲေတာ့ ပါေလာက္သည္။

ဒုတိယႏွစ္မွာေတာ့ ခက္သည္ အစီအစဥ္ မရွိပဲ ရည္းစား ရျဖစ္ခဲ့သည္။ ျဖဴကေတာ့ ပထမႏွစ္ ကုန္ကာနီးကတည္းက ရည္းစားရခဲ့သည္။ သန္႕စင္ထက္ကို ျဖဴကေတာ့ ေယာက်္ား မပီသသည့္ ေဂါက္ေတာက္ေတာက္ေကာင္ ဟု ပစ္ပစ္ခါခါ ေျပာဖူးသည္။ ခက္ကေတာ့ ကိုယ့္ခ်စ္သူမို႕ ေျပာတာမဟုတ္။ သန္႕စင္ထက္က ရိုးသားျဖဴစင္သည္ ဟုျမင္သည္။ သူက စိတ္အားငယ္ တတ္သည္။ သူက ပထမႏွစ္ကတည္းက ခက္ကို လိုက္ခဲ့ေသာ္လည္း ခက္က ျငင္းခဲ့သည္။ ခက္ေၾကာင့္ခ်ည္းပဲ မဟုတ္ေသာ္လည္း ပထမႏွစ္မွာ သူ ေျခေခ်ာ္ လက္ေခ်ာ္ ျဖစ္ျပီး စာေမးပြဲ က်သည္။ နဂိုကတည္းက စိတ္အားငယ္တတ္သူ ျဖစ္ေသာ္ေၾကာင့္ ပထမႏွစ္ ျပန္တက္စဥ္ သူ ေတာ္ေတာ္ စိတ္ဓါတ္က်ျပီး တစ္မ်ိဳး ျဖစ္သြားေသးသည္။ အဲဒီမွာ ကယ္တင္ရွင္ ခက္က သူ႕ကို အေျဖ ျပန္ေပးမိခဲ့ျခင္း ျဖစ္သည္။

ျဖဴက ခက္ လူကို ၾကည့္မရသလို ခက္ကလည္း ျဖဴ႕ လူကို သိပ္ၾကည့္ရလွသည္ေတာ့ မဟုတ္ပါ။ ျဖဴ႕ လူ ေဇာ္ေလးက မ်က္စိေလး တစ္ဖက္ အားနည္းခ်က္ ရွိေသာေၾကာင့္ မိဘမ်ားက အစစ အလိုလိုက္ထားသူ ျဖစ္သည္။ ဆိုးလွသူ မဟုတ္ဟု ဆိုႏိုင္ေသာ္လည္း ေက်ာင္းေျပး စာမၾကည့္ ေနခ်င္သလို ေနသူ တစ္ေယာက္ျဖစ္ေသာေၾကာင့္ ပထမႏွစ္က က်ခဲ့သည္။ ထို႕ေၾကာင့္ ေယာက်္ားေလး ႏွစ္ေယာက္က ခက္တို႕ ႏွစ္ေယာက္ ထက္ တစ္တန္း ေနာက္က်ေနသည္။ ေနာက္တစ္ႏွစ္မွာေတာ့ သန္႕စင္ထက္ကလည္း ခက္၏ အားေပးမႈႏွင့္ ေအာင္လာသလို ေဇာ္ေလးကလည္း စာေမးပြဲ နီးမွ မိဘ ႏွစ္ပါးက ဆရာမေတြဆီ လိုက္လံ အပ္ကာ စာေမးျခင္း စသည္ျဖင့္ အတင္းအက်ပ္ ၾကိဳးစားခိုင္းျခင္းျဖင့္ စာေမးပြဲ ေအာင္လာခဲ့သည္။

ေဇာ္ေလး မိဘမ်ားက ျပည့္စံုသူမ်ားမို႕ ေဇာ္ေလးကလည္း အသံုးအစြဲ ၾကီးသူ ျဖစ္ရာ ျဖဴ႕ကိုလည္း ေဇာ္ေလးက အေတာ္ေလး ေထာက္ပံ့သည္။ ျဖဴ႕ မိဘမ်ား၊ ခက္မိဘမ်ားကေတာ့ ဝန္ထမ္းမ်ား၊ လူလတ္တန္းစားမ်ား ျဖစ္ၾကသည္။ ျဖဴသည္ ေဇာ္ေလးထံက တန္ဖိုးၾကီး လက္ေဆာင္မ်ားလည္း မၾကာခဏ ရေလ့ရွိသည္။ ခက္ ခ်စ္သူ သန္႕စင္ထက္ မိဘမ်ားကလည္း ျပည့္စံုသူမ်ားမို႕  သူလည္း စိတ္တိုင္းက် သံုးလိုက သံုးႏိုင္ေသာ္လည္း သူက စိစစ္သူ ျဖစ္သည္။ ျဖဴကေတာ့ ကပ္ေစးနဲသူဟု ေျပာသည္။ သန္႕စင္ထက္ ဆီက ခက္ေမြးေန႕ အတြက္ လက္ေဆာင္ အရုပ္ကေလး တစ္ရုပ္မွလြဲ၍ တန္ဖိုးၾကီး လက္ေဆာင္ တစ္ခုမွ ခက္ မရဖူးပါ။ ေပးဖို႕ရန္လည္း ခက္က တစ္ခါမွ မေတာင္းဆိုဖူးပါ။ ခက္အတြက္ ခ်စ္သူထားျခင္းသည္ သူတကာအတြဲမ်ားကို အားက် ျပိဳင္ဆိုင္လို၍လည္း မဟုတ္၊ ဆႏၵတစ္စံုတစ္ရာ အတြက္လည္း မဟုတ္၊ သူငယ္ခ်င္းေကာင္းထက္ အနည္းငယ္ ပိုျခင္းမွ်သာတည္း။

ခက္သည္ ဘဝမွာ ဘာျဖစ္ခ်င္သည္ရယ္လို႕ တိတိက်က် မရွိခဲ့စဖူးပါ။ ဤေက်ာင္းကို တက္ျဖစ္ခဲ့ျခင္းသည္လည္း အမွတ္မီတာရယ္၊ မိဘေတြ တိုက္တြန္းတာရယ္ေၾကာင့္သာ တက္ျဖစ္ခဲ့ျခင္း ျဖစ္သည္။ အမွတ္အျမင့္ဆံုး ဘာသာကို မရခဲ့ပဲ တတိယ ဦးစားေပးကိုသာ ရခဲ့ေသာ္လည္း စိတ္ပ်က္သြားသည္၊ စိတ္မဝင္စားေတာ့ဘူး ရယ္လည္း မဟုတ္ပါ။ ခက္သည္ အတန္းတစ္ခုကို တက္၍ ႏွစ္ကုန္လွ်င္ ေအာင္ရမည္ပဲ စိတ္ထဲ စြဲထားသည္။ က်သည္ ဆိုတာ ခက္ရဲ႕  ဘဝမွာ တစ္ခါမွ မရွိခဲ့။ လုပ္သင့္သည့္ အလုပ္တစ္ခုကို လုပ္ရမည္ဆိုတာ ခက္အတြက္ ဘာမွ ခက္ခက္ခဲခဲ စဥ္းစားစရာ မလိုသည့္ ကိစၥသာ ျဖစ္သည္။ ခက္မွာ ျပင္းျပေသာ ဆႏၵမ်ား မရွိဟု ေျပာမိေသာအခါ ျဖဴက ခက္သည္ ေရစုန္ထဲတြင္ အလြယ္ေမ်ာလိုသူ ဟု ေဝဖန္ဖူးသည္။ ခက္ကေတာ့ ေရစုန္မွာ ေမ်ာသည္ပဲ ျဖစ္ေစ ပံုမွန္ စီးေမ်ာျခင္းျဖင့္ ခရီးတစ္ခုခု ေရာက္သည္ဆိုလွ်င္ ဘဝသည္ အဓိပၸါယ္မမဲ့ေတာ့ ဟု ထင္သည္။

#######

ခက္သည္ အမ်ားသတ္မွတ္ထားေသာ စည္းကမ္းခ်က္ တစ္ခုခုကို ခ်ိဳးေဖာက္လိုေသာ ဆႏၵတစ္စံုတစ္ရာ မေပၚေပါက္ဖူးသူ ျဖစ္သည္။ ခက္အတြက္ ပ်င္းရိစရာ ေကာင္းေသာ၊ အိပ္ငိုက္တတ္ေသာ ဘာသာရပ္ သင္ခ်ိန္မ်ား ရွိေသာ္လည္း ေနမေကာင္းခ်ိန္မွ လြဲ၍ ေက်ာင္းေျပးျခင္းသည္ မလုပ္သင့္ေသာ အလုပ္ျဖစ္သည္ဟု အလြယ္တကူ လက္ခံႏိုင္သူ ျဖစ္ေသာေၾကာင့္ ခက္၏ ေက်ာင္းေခၚခ်ိန္မ်ားသည္ အျမဲတမ္း ၈၀ ေက်ာ္ေနေလ့ ရွိသည္။ သန္႕စင္ထက္ကိုလည္း ခက္က ေက်ာင္းမေျပးဖို႕ ရန္ ဆြဲေဆာင္ စည္းရံုး ႏိုင္ခဲ့ေသာ္လည္း ျဖဴ႕ကိုေတာ့မူ ေျပာမရခဲ့ပါ။ ျဖဴက ေက်ာင္းေျပးတတ္ေသာ္လည္း ၇၅ ရာခိုင္နႈန္း မျပည့္သည္ အထိေတာ့ မျဖစ္ခဲ့၍ ေတာ္ေသးသည္ ဆိုရမည္။

ျဖဴ ႏွင့္ ေဇာ္ေလးကေတာ့ လူတကာသိေအာင္ အတြဲမ်ားေသာ အတြဲတစ္တြဲ အျဖစ္ ေက်ာင္းမွာ နာမည္ၾကီးပါသည္။ သန္႕စင္ထက္ႏွင့္ ခက္တို႕ကိုလည္း ပတ္ဝန္းက်င္က ေတာ္ေတာ္မ်ားမ်ားက စံုတြဲအျဖစ္ သိၾကပါသည္။ ခက္တို႕ ေန႕တိုင္းလို ေတြ႕ ၾကသည္။ မနက္ ေက်ာင္းမတက္ခင္ သို႕မဟုတ္ ေန႕လည္ ထမင္းစားဆင္းခ်ိန္တြင္ ကင္တင္းတြင္ အတူတူ စားေလ့ရွိပါသည္။ ေက်ာင္းဆင္းခ်ိန္ၾကလွ်င္ေတာ့ မ်ားေသာအားျဖင့္ ႏွစ္ေယာက္သားက အိမ္ျပန္ခ်င္စိတ္ မ်ားေနေသာေၾကာင့္ မျပန္ခင္ မေတြ႕ျဖစ္တာ မ်ားပါသည္။ ခက္က ေက်ာင္းကားႏွင့္ ျပန္ျပီး သူကေတာ့ ဆိုင္ကယ္ႏွင့္ ျပန္သူ ျဖစ္သည္။ တစ္ခါတစ္ရံ ဘာမဟုတ္ေသာ ကိစၥေလးမ်ားႏွင့္ ခက္တို႕ ရန္ျဖစ္ေလ့ ရွိပါသည္။ ေက်ာင္းေဆာင္ ေရွ႕ နားမွာ ျဖစ္ေစ၊ ကင္တင္းက အတက္လမ္းမွာ ျဖစ္ေစ ေနရာမေရြးလည္း ျဖစ္ေလ့ ရွိပါသည္။ သန္႕စင္ထက္ေရာ ခက္ေရာ က ဟန္မေဆာင္တတ္သူမ်ား၊ ပြင့္ပြင့္လင္းလင္း ေျပာတတ္သူမ်ား ျဖစ္ေသာေၾကာင့္ ႏွစ္ေယာက္သား မတူညီေသာ အျမင္မ်ားကို ျငင္းရင္း ခုန္ရင္း ရန္ျဖစ္ၾကပါသည္။ တစ္ခါတစ္ေလလည္း ခက္က စိတ္ဆိုးျပီး ၂ ရက္ သံုးရက္ စကားမေျပာတာမ်ိဳးလည္း ရွိသည္။ မ်ားေသာအားျဖင့္ ခက္ စိတ္ဆိုးလွ်င္ မေနတတ္ မထိုင္တတ္ ျဖစ္တတ္ေသာ သန္႕စင္ထက္က ျပန္ေခ်ာ့ျခင္းျဖင့္ ေျပလည္ေလ့ ရွိျပီး သူပါ စိတ္ဆိုးသြားလွ်င္ေတာ့ ခက္ကပဲ message ပို႕ျခင္းျဖင့္ မသိမသာ ျပန္ေခၚေလ့ ရွိသည္။

ေက်ာင္းပိတ္ရက္ ႏွစ္ရက္မွာလည္း တစ္ခါေလာက္ေတာ့ အနည္းဆံုး ေတြ႕ေလ့ရွိပါသည္။ ခက္တို႕ အေဆာင္ကို သူက ဆိုင္ကယ္ႏွင့္ လာေခၚျပီး အနီးအနားက မုန္႕ဆိုင္မွာ မုန္႕စားရင္း စကားေျပာၾကသည္။ နင္တို႕ ဘယ္သြားၾကလဲ ဟု ျဖဴ ေမးလာလွ်င္ ခက္ကလည္း အမွန္အတိုင္းပင္ ေျဖေလ့ ရွိရာ ျဖဴက “နင္တို႕ အတြဲက ပ်င္းစရာ ေကာင္းတယ္” ဟု ဆိုေလ့ ရွိသည္။ သူတို႕ အတြဲ ဘာေတြ လုပ္ၾကသည္ကိုေတာ့ ခက္က ေမးခ်င္စိတ္မရွိ၍ မေမးျဖစ္ပါ။ သူတို႕ ေက်ာင္းေျပးျပီး ျမိဳ႕ထဲက တည္းခိုခန္းမွာ ခ်ိန္းေတြ႕ၾကသည္ကို သူမ်ားေျပာ၍ ခက္ ၾကားဖူးပါသည္။ ခက္သည္ ျဖဴ အစ္မလည္း မဟုတ္၊ အေမ လည္း မဟုတ္သျဖင့္ ျဖဴ႕ကို တားျမစ္ရန္လည္း မျဖစ္ႏိုင္ပါ။ ျဖဴသည္ မ်က္ႏွာမ်ားျခင္း မဟုတ္ပဲ သူ႕ရည္းစားႏွင့္သူ တြဲျခင္းသာ ျဖစ္ရာ ျဖဴ႕ကို မေကာင္းပါ ဟု ေျပာဖို႕လည္း ခက္လွသည္။ ေဇာ္ေလးကလည္း ဆိုးသြမ္းလွသူ မဟုတ္သျဖင့္ ခက္သည္ သူတို႕ႏွစ္ေယာက္ကိစၥကို တတ္ႏိုင္သမွ် မျမင္ေယာင္၊ မၾကားေယာင္သာ ေဆာင္ေလ့ရွိခဲ့သည္။ သို႕ေသာ္ ေက်ာင္းပိတ္ရက္ ဆက္သျဖင့္ ခက္ အိမ္ခဏ ျပန္ခိုက္ ေဇာ္ေလးက မိန္းကေလး ေယာင္ေဆာင္ျပီး ျဖဴ႕အခန္းကို ခိုးဝင္သျဖင့္ အေဆာင္မွဴး မိသြားသည့္ သတင္းကို ၾကားေသာအခါ မွာေတာ့ သူတို႕ႏွစ္ေယာက္ကို ေတာ္ေတာ္ေလး စိတ္ပ်က္မိျပန္သည္။ ခက္တို႕အေဆာင္သည္ စည္းကမ္းၾကီးေသာ မိန္းကေလး အေဆာင္ ျဖစ္ရာ အတြင္းဘက္သို႕ ေယာက်္ားေလး ဝင္ခြင့္မရွိပါ။ ထိုကိစၥအတြက္ အေဆာင္က ႏွင္ထုတ္မခံရဖို႕ ျဖဴ ေတာ္ေတာ္ေလး ေတာင္းပန္လိုက္ရသည္။

ခ်စ္သူတိုင္း လက္ထပ္လိုၾကသည္ကေတာ့ သဘာဝ ျဖစ္ေသာ္လည္း ခက္တို႕ အရြယ္ကေတာ့ အိမ္ေထာင္ျပဳရန္ အဆင္သင့္ မျဖစ္ေသးသည့္ အရြယ္ဟု ခက္က ထင္သည္။ သို႕ေသာ္လည္း ခ်စ္သူငယ္ခ်င္းမ ျဖဴႏွင့္ ေဇာ္ေလးတို႕  ႏွစ္ဦးသေဘာတူ လက္ထပ္စာခ်ဳပ္ လက္မွတ္ထိုးေတာ့ ခက္လည္း မတတ္သာပဲ အသိသက္ေသ လက္မွတ္ ထိုးေပးခဲ့ရေသးသည္။ သူတို႕က လက္မွတ္ထိုးျပီးလွ်င္ မိဘေတြကိုပါ အသိေပးေတာ့မည္ဟု ဆိုသျဖင့္ သူငယ္ခ်င္းမ်ားကလည္း သူတို႕ ေကၽြးသည့္ အထိမ္းအမွတ္ပြဲမွာ သူတို႕ အခ်စ္ကို ဂုဏ္ျပဳခဲ့ၾကရသည္။ ခက္လည္း အပါအဝင္ေပါ့…။

သန္႕စင္ထက္ကလည္း ထိုအေၾကာင္းကို သိေတာ့ အားက်သည္။ တစ္ခါတုန္းကေတာ့ သူလည္း ခက္ကို ၾကံစည္ဖို႕ ၾကိဳးစားဖူးေသးသည္။ ကပ္ေစးနဲေသာ သန္႕စင္ထက္က ဟိုတယ္ခန္း ငွားဖို႕ေတာ့ စဥ္းစားတာေတာ့ မဟုတ္ပါ။ လူရွင္းေသာ လမ္းတစ္ေနရာကို ေခၚသြားျခင္းသာ ျဖစ္သည္။ ခက္တို႕ ေက်ာင္းႏွင့္ အေဆာင္မ်ား အနီးမွာ စက္ရံုမ်ားႏွင့္ လူမေနေသာ အိမ္ရာမ်ား ေဆာက္ေနေသာ ကြန္ကရစ္လမ္းခင္းသည့္ ဝင္းၾကီး တစ္ခု ရွိသည္ မဟုတ္လား။ ထိုဝင္းၾကီး ထဲမွ လူရွင္းေသာ ေတာခ်ံဳၾကား မ်ားသည္ ခက္တို႕ ေက်ာင္းမွ အတြဲ ေတာ္ေတာ္မ်ားမ်ား၏ ခိုနားရာမ်ား ျဖစ္ၾကသည္။

ခက္သည္ စည္းကမ္းၾကီးေသာ ဘိုးဘြားမိဘမ်ား လက္ထဲမွာ ၾကီးျပင္းလာခဲ့ရသူ ျဖစ္သည္။ ခက္အတြက္ လူတိုင္း လိုက္နာႏိုင္ေသာ စည္းကမ္း ဟူသည္ အခ်ဳပ္အေႏွာင္ အက်ဥ္းအက်ပ္ မလြတ္လပ္ျခင္းရယ္လို႕ ဘယ္တုန္းကမွ မျမင္တတ္ခဲ့ပါ။ ခက္သည္ သိကၡာကို တန္ဖိုးထားေသာ မိန္းကေလး ျဖစ္သည္။ မလိမ္မိုး မလိမၼာ အရြယ္ဟု ကင္ပြန္းတပ္ၾကမည့္ အရြယ္ပင္ ျဖစ္ေသာ္လည္း ခက္ ဖတ္ဖူးေသာ စာမ်ား၏ အသိ၊ လူၾကီးသူမမ်ားထံမွ ၾကားဖူးနားဝ အသိတရားမ်ားျဖင့္ မလုပ္သင့္သည္ကို ေကာင္းေကာင္း သိသူ ျဖစ္သည္။

ခက္ သန္႕စင္ထက္ကို ခ်စ္ပါသည္။ သို႕ေသာ္ သူ႕သူငယ္ခ်င္းမ်ား ေျမွာက္ေပးမႈျဖင့္ ၾကံစည္ခဲ့ေသာအရာကို ခက္ မလိုက္ေလ်ာႏိုင္ခဲ့ပါ။ သူ႕ကို တစ္ပတ္တိတိ မေခၚပဲ ေနခဲ့သည္။ သူကလည္း ခက္ကို စိတ္ခုသြားပံုရသည္။ သံုးရက္ေလာက္ေနမွ လာေခ်ာ့သည္။ ေနာက္ထပ္ သူ ဘယ္ေတာ့မွ ခက္ကို ထိုကိစၥမ်ိဳး မေတာင္းဆိုရဲေတာ့ပါ။ သန္႕စင္ထက္သည္လည္း စည္းစနစ္က်ေသာ မိသားစု၏ စည္းကမ္းတက် ခ်စ္ခင္ျခင္းျဖင့္ ၾကီးျပင္းလာရေသာ ေယာက်္ားေလး တစ္ေယာက္ ျဖစ္သည္။ သူ႕ကို နားလည္ေအာင္ ေျပာေတာ့ သူ႕အမွားကို ေတာင္းပန္ျပီး ခက္တို႕ အရင္လို သန္႕စင္ေသာ ခ်စ္ျခင္းျဖင့္ ျပန္ခ်စ္ၾကသည္။ ခက္တို႕ အခ်စ္စစ္ခဲ့လွ်င္ ဘြဲ႕တစ္ခုရ အလုပ္တစ္ခုရျပီးမွ ႏွစ္ဦးအတူ ဘဝကို ထူေထာင္ျခင္းကသာ မွန္ကန္သင့္ျမတ္ေသာ လမ္းျဖစ္သည္ကို သူေရာ ခက္ေရာ နားလည္ထားသည္။

#####

အလိုဆႏၵၾကီးေသာ ခ်စ္ျခင္းတစ္ခုကို မက္ေမာၾကေသာ ျဖဴႏွင့္ ေဇာ္ေလးကေတာ့ ထံုးစံအတိုင္း တစ္တြဲတြဲ။ သူတို႕ ႏွင့္ အေတာ္ေလး ခင္မင္ေသာ ဆရာ၊ ဆရာမမ်ားလည္း သူတို႕ အေၾကာင္းကို သိၾကသည္။ သူငယ္ခ်င္း အသိုင္းအဝန္းမွာေတာ့ ျဖဴႏွင့္ ေဇာ္ေလးက လက္ထပ္ျပီးသား ျဖစ္သျဖင့္ တရားဝင္ အတူမေနတာက လြဲလွ်င္ တည္းခိုခန္း မၾကာခဏသြားတာကိုေတာ့ ခက္တို႕က အျပစ္ရွိေသာ ကိစၥတစ္ခုအေနႏွင့္ ယူဆမေနေတာ့ပါေပ။ မျဖစ္သင့္ေသးတာ မျဖစ္ရေအာင္ ဆင္ျခင္သင့္တာကိုေတာ့ သူတို႕ ဆင္ျခင္ၾကလိမ့္မည္ဟု ခက္က ထင္ခဲ့သည္။ ထိန္းခ်ဳပ္သင့္သည္ကို မထိန္းခ်ဳပ္ႏိုင္ခဲ့လွ်င္ မလိုလားအပ္ေသာ တစ္စံုတစ္ရာ ျဖစ္လာလွ်င္လည္း တာဝန္ယူရေတာ့မည္သာ။

ျဖဴသည္ ငယ္ရြယ္က်န္းမာေသာ မိန္းကေလး တစ္ေယာက္ ျဖစ္ေသာေၾကာင့္ အေျခအေန ေျပာင္းလာျခင္းျဖင့္ ထူးျခားမႈ တစ္စံုတစ္ရာ မျဖစ္ခဲ့ေပ။ အတူတူေနေသာ ခက္ပင္ အေတာ္ၾကာၾကာ မသိခဲ့ပါ။ ႏွစ္ဖက္မိဘမ်ားကို အသိမေပး မျဖစ္ေတာ့သျဖင့္ အသိေပးျပီး တရားဝင္ ခြင့္ျပဳေပးလိုက္ၾကျပီ ျဖစ္ေၾကာင္း ျဖဴက ခက္ကို ေျပာျပသျဖင့္ ဘာပဲ ျဖစ္ျဖစ္ ဝမ္းသာခဲ့ရသည္။ မႏွစ္က စာေမးပြဲ ေျဖခ်ိန္မွာ ျဖဴ႕ ကိုယ္ဝန္က ငါးလခန္႕ ရွိေနခဲ့ျပီ။ သို႕ေသာ္ ခက္အပါအဝင္ ဘယ္သူကမွေတာ့ မသိခဲ့ၾကပါ။ Final စာေမးပြဲကို ခက္ေရာ ျဖဴပါ ေကာင္းေကာင္း ေျဖႏိုင္ခဲ့ၾကသလို ေအာင္စာရင္း ထြက္ေတာ့လည္း ႏွစ္ေယာက္လံုး ေအာင္ခဲ့ၾကသည္။ ေဇာ္ေလးႏွင့္ သန္႕စင္ထက္လည္း စာေမးပြဲ ေအာင္ခဲ့သည္။ သူတို႕ ႏွစ္ေယာက္ကေတာ့ ပထမႏွစ္က က်ခဲ့ၾကေသာေၾကာင့္ ခက္တို႕ထက္ တစ္တန္းငယ္သည္။

ယခုႏွစ္ ေက်ာင္းအဖြင့္မွာ ျဖဴ ျပန္မလာႏိုင္ပါ။ ေက်ာင္းတစ္ႏွစ္ နားလိုက္ရသည္။ ေဇာ္ေလး၏ ရင္ေသြးကို ေမြးဖြားေနရေသာေၾကာင့္ ျဖစ္သည္။ ထိုအျပင္ သူတို႕ ႏွစ္ေယာက္ အရင္လို အဆင္မေျပၾကေၾကာင္း ခက္ဖုန္းဆက္တုန္းက ေျပာသည္။ ဘာအေၾကာင္းေၾကာင့္ရယ္ေတာ့ ခက္လည္း ေရေရရာရာ မသိပါ။ တကယ္ေတာ့ ျဖဴ႕ မိဘမ်ားဘက္က ေဇာ္ေလးကို သေဘာမက်သလို၊ ေဇာ္ေလး မိဘမ်ားကလည္း သားဆႏၵမို႕သာ လိုက္ေလ်ာခဲ့ရေသာ္လည္း ျဖဴ႕ မိဘမ်ား အေျခအေနကို သိပ္သေဘာ မက်ၾကပါ။ ျဖဴက မိဘမ်ား သေဘာအတိုင္း ေဇာ္ေလးကို ျဖတ္မည္ဟု ေျပာသည္လား မသိပါ။ ေဇာ္ေလး ဘက္က မျဖတ္ႏိုင္ ဆိုျပီး ေျပာၾက ဆိုၾကရာတြင္ ေဇာ္ေလးကလည္း ဖုန္းထဲမွာ ေကာင္းေကာင္းမြန္မြန္ မေျပာပဲ မိုက္မိုက္ရိုင္းရိုင္းေတြ ေျပာသည္ ဆို၏။ ဖုန္းလက္ခံ မေျပာေသာအခါ မိုက္မိုက္ရိုင္းရိုင္း message ေတြ ပို႕သည္ ဆို၏။ ေက်ာင္းအုပ္ၾကီး ကိုယ္တိုင္ ဌာနမွဴးႏွင့္ အတူ ေဇာ္ေလး မိဘမ်ားကို ေခၚျပီး သတိေပးရသည္ အထိ ျဖစ္သြားသည္။ သူတို႕ ႏွစ္ေယာက္ ဘာျဖစ္သြားၾကသည္ကို ခက္လည္း ေသခ်ာေတာ့ နားမလည္ႏိုင္ပါ။ လက္ထပ္ျခင္းသည္ ခ်စ္ျခင္း၏ အဆံုးသတ္ရာ ဟု တစ္ခ်ိဳ႕ေသာ စာေရးဆရာမ်ား ေရးၾကသည္က ျဖဴတို႕ အတြက္ေတာ့ မွန္ေနျပီလား မသိပါ။

အခုေတာ့ ျဖဴ႕ မိဘဘက္ကလား  ျဖဴကိုယ္တိုင္ပဲလားေတာ့ မေသခ်ာေပမယ့္ ေဇာ္ေလးတို႕ဘက္ကို ေတာ္ေတာ့္ကို ခါးခါးသီးသီး ျဖစ္ေနခဲ့ျပီဟု သိရသည္။ ေဇာ္ေလး မိဘမ်ားကလည္း ေစ့စပ္ညိွႏႈိင္းေပးျခင္း၊ ေတာင္းပန္ျခင္း လံုးဝမရွိခဲ့ပါ။ ေနာက္တစ္ႏွစ္ ေက်ာင္းမွာ ျပန္လာတက္ဖို႕ေတာင္ စဥ္းစားေနရတယ္ ဟု ျဖဴက ေျပာေသာအခါ ခက္မွာလည္း ဘာျပန္ေျပာရမွန္းမသိ ျဖစ္ရသည္။ ခက္သည္ သူတို႕ႏွစ္ေယာက္ကို ေက်ာင္းမျပီးခင္မွာ အဆံုးစြန္ထိ မျဖစ္ေစခ်င္ခဲ့ေသာ္လည္း သူတို႕ႏွစ္ေယာက္ကို ခုလိုမ်ိဳး အေျခအေန ျဖစ္သြားလိမ့္မည္ လို႕ေတာ့ နည္းနည္းေလးမွ ထင္မထားမိခဲ့ပါ။ ဒီလိုပဲ အိမ္ေထာင္ႏွင့္ ေက်ာင္းတက္ေနသူမ်ားလည္း ရွိၾကသည္ပဲ၊ ေနာက္နွစ္ေတာ့ ေအးေအးလူလူ ေက်ာင္းျပန္တက္လိမ့္မည္ လို႕  ခက္က ထင္ထားခဲ့သည္။ ေဇာ္ေလးဘက္ကလည္း ပံုမွန္အတိုင္း ေျပေျပလည္လည္ ျဖဴႏွင့္ အဆက္အသြယ္ ရွိေနသည္ဟု ခက္အပါအဝင္ အားလံုးက ထင္ထားၾကရာမွ ခုလို ျဖစ္ပ်က္ၾကသည္ ဆိုေသာအခါ အားလံုးပင္ အံၾသၾကရသည္။ ျဖဴ႕ အတြက္ စိတ္မေကာင္း ျဖစ္ၾကရသည္။ ျဖဴ ေက်ာင္းတစ္ႏွစ္ နစ္နာရျခင္းကို ႏွေမ်ာရသည္။

သူတို႕ ႏွစ္ေယာက္ ကြာရွင္းစာခ်ဳပ္မွာ လက္မွတ္ ထိုးၾကေတာ့မည္ဟု ဆိုသည္။ ယခုထိေတာ့ မထိုးျဖစ္ၾကေသးပါ။ ႏွစ္ဦးသားလည္း မ်က္ႏွာခ်င္း မဆိုင္ခ်င္ၾကသည္အထိ ျဖစ္ေနၾကသည္။ ေဇာ္ေလးက ျဖဴ႕ကို နာမည္ပ်က္ေအာင္ လုပ္မည္ ေက်ာင္းမွာ မတက္ႏိုင္ေအာင္ ဘာညာ စသျဖင့္ပါ ျခိမ္းေျခာက္သည္ ဆို၏။ သူတို႕ႏွစ္ေယာက္၏ ေနထိုင္မႈ မွတ္တမ္းမွတ္ရာ ဓါတ္ပံု၊ ဗီဒီယို စသည္လည္း ေဇာ္ေလးမွာ ရွိႏိုင္သည္။ ေဇာ္ေလးကို နဂိုကတည္းက သေဘာမက်ခဲ့ေသာ္လည္း ဤမွ် မိုက္ရိုင္းလိမ့္မည္ဟု ခက္ထင္မထားမိပါ။ ေဇာ္ေလး တစ္ေယာက္ တာဝန္မဲ့သူတစ္ေယာက္လို ေက်ာင္းမွာ ေပ်ာ္ေပ်ာ္ရႊင္ရႊင္ ေပါ့ေပါ့ပါးပါး ႏွင့္ တက္ေနသည္ကို ျမင္ရသည္ကပင္ ခက္အတြက္ မ်က္စိစပါးေမႊး စူးလွျပီ။ ေယာက်္ားမ်ားကို မႏွစ္ျမိဳ႕ျခင္းသည္ ခက္ရင္ထဲ ေနရာေတာ္ေတာ္ ဝင္ယူ၏။

#####

မွားယြင္းသည္က ႏွစ္ဦးသေဘာတူ ဆိုေသာ္လည္း နစ္နာမႈျခင္းက မတူညီပါ။ ဒါေၾကာင့္လည္း ေရွးုစကားတစ္ခုက “ဆူးေပၚ ဖက္က်လည္း ဖက္ရြက္ပဲ ေပါက္၊ ဖက္ေပၚ ဆူးက်လည္း ဖက္ရြက္ပဲ ေပါက္သည္” ဟု ဆိုျခင္း ျဖစ္ဟန္တူသည္။ မွားယြင္းမႈ တစ္ခု အတြက္ တာဝန္ရွိသည္မွာ အတူတူ ဆိုေသာ္လည္း မိန္းကေလး ဘက္ကသာ ေက်ာင္းတစ္ႏွစ္ အနစ္နာခံလိုက္ရျပီး ျပန္မရႏိုင္ေတာ့ေသာ သန္႕စင္မႈ တစ္ခုႏွင့္ ေမြးလာသည့္ ကေလးကို ေကၽြးေမြးျပဳစုရန္ တာဝန္ကလည္း မိန္းကေလး ဘက္မွာသာ ရွိေနျမဲ မဟုတ္ပါလား။ ေယာက်္ားတစ္ေယာက္ အတြက္ေတာ့ အခ်ိန္မေရြး လူပ်ိဳ ျပန္လုပ္လို႕ ရပါသည္။

အခ်ိန္မတိုင္ခင္ မလုပ္သင့္သည္မ်ားကို လုပ္မိခဲ့လွ်င္ ေနာင္သြားရမည့္ လမ္းေၾကာင္းရွည္မွာ ေနာင္တမဲ့ျခင္းမ်ား ရွိႏိုင္ေတာ့မည္ မဟုတ္ပါေခ်။ ငယ္ရြယ္၍ အသိဥာဏ္ မရင့္က်က္ေသးခ်ိန္မွာ ဘဝတစ္ခုလံုးစာ အတြက္ မွားယြင္းႏိုင္ေသာ ဆံုးျဖတ္ခ်က္ၾကီးၾကီးကို မခ်သင့္ဟူေသာ သင္ခန္းစာကို ခက္ ရမိ၏။ လြတ္လပ္ျခင္းကို ျမတ္ႏို္းေသာ ေခတ္သစ္ လူငယ္မ်ား၏ ေဖာက္ထြက္လိုျခင္းတိုင္းသည္လည္း ေကာင္းသည္ဟု မဆိုသာပါ။ အမ်ားခ်မွတ္ထားေသာ ယဥ္ေက်းမႈ၏ ထံုးတမ္းစဥ္လာမ်ားကို မခ်ိဳးေဖာက္ျခင္းသည္သာ အေကာင္းဆံုး ျဖစ္သည္ကို တစ္ျခား မိန္းကေလး သူငယ္ခ်င္းမ်ားလည္း သိေစခ်င္လွသည္။ ေစာင့္ထိန္းသင့္ေသာ သိကၡာသည္ မိန္းကေလးတစ္ေယာက္၏ ဘဝအတြက္ ဆူးျခစ္ရာ မခံရေစမည့္ အပင္ေပၚက ဖက္စိမ္းတစ္ရြက္လို ၾကာရွည္ တင့္တယ္မႈ အတြက္ပင္။  ဘဝတစ္သက္တာ အတူမရွိႏိုင္ေတာ့ေသာ ဆူးတစ္ခက္ႏွင့္ ဖက္တစ္ရြက္ ပတ္သက္မိျခင္း၌ အနည္းဆံုး ဖက္ရြက္ေပၚမွာ ဆူးျခစ္ရာ ေလာက္ေတာ့ က်န္ရစ္ျမဲ ျဖစ္သည္သာ။

#####

သိဂၤါေက်ာ္

နေ့ တစ်နေ့ ကို ရှင်သန်ခွင့်ရခြင်းသည် သင့်ဘဝ၏ လက်ဆောင်တစ်ခု

တစ်ခုသော မနက်ခင်း ၈နာရီ လောက်မှာ အသက် ၉၂ နှစ် အရွယ် ကိုယ်လုံးကိုယ်ထည် သေးသေး၊ အဝတ်အစားကို သေသပ်ကောင်းမွန်စွာ ဝတ်စားထားသော၊ ဆံပင်ကိုလည်း ပုံကျကျ ဖြီးသင်ထားပြီး မိတ်ကပ်ပါးပါး လိမ်းထားသော ကျက်သရေ ရှိပြီး ကိုယ့်ကိုယ်ကိုယ် ယုံကြည်ပုံပေါ်တဲ့ အမျိုးသမီးကြီး တစ်ဦးဟာ ဘိုးဘွားရိပ်သာတစ်ခုသို့  ယနေ့ ပြောင်းရွှေ့ လာခြင်းပင် ဖြစ်ပါသည်။ သူမဟာ မျက်စိအမြင်အာရုံ မကောင်းသူ တစ်ယောက် ဖြစ်ပြီး နှစ်ပေါင်း ၇၀ ပေါင်းသင်းလာသည့် လင်ယောကျ်ား မကြာသေးခင်က ဆုံးပါးသွားပြီးသည့်နောက် ယခုကဲ့သို့  ပြောင်းရွှေ့ နေထိုင်ရန် လိုအပ်လာခြင်းကြောင့် ဖြစ်ပါသည်။

ဘိုးဘွားရိပ်သာ ဧည့်ခန်းတွင် နာရီပေါင်းကြာအောင် စိတ်ရှည် သည်းခံ စောင့်ဆိုင်းပြီးသည့်နောက် သူမ၏ အခန်း အဆင်သင့်ဖြစ်ကြောင်း လာပြောသည့်အခါ ချိုမြသော အပြုံးတစ်ခုဖြင့် တုံ့ပြန်ခဲ့ပါသည်။ ကျင့်သားရနေပုံနှင့် သူမ၏ လမ်းလျှောက် တုတ် အကူအညီနှင့် ဓါတ်လှေကားသို့ လျှောက်လာကြစဉ် လိုက်ပို့သူ အမျိုးသမီးက သူမ၏ အခန်းကျဉ်းလေး အကြောင်း ရှင်းလင်း ပြောပြပါသည်။ သူမ အခန်း ပြတင်းပေါက်မှ ခန်းစည်းများ ချထားပုံ စသည့် မြင်ကွင်းတစ်ချို့ကို ပြောသည့်အခါ သူမက “ကျွန်မ သဘောကျတယ်” ဟု ရှစ်နှစ်အရွယ် ကလေးတစ်ယောက် ခွေးအသစ်ကလေး တစ်ကောင် လက်ဆောင်ရသည့် အခါ ပြောသည့် အသံမျိုးနှင့် စိတ်အားတက်ကြွစွာ ပြောပါသည်။

“မစ္စက်ဂျုံး ရှင့် အခန်းကိုမှ မမြင်ရသေးပါပဲနဲ့  နေပါဦး”

“အဲဒါနဲ့ ပတ်သက်ပြီး တစ်ခုခု ရှိတာမှ မဟုတ်ပဲ၊  ပျော်ရွှင်မှု ဆိုတာ ကြိုပြီး ဆုံးဖြတ်လို့ ရတဲ့ အရာပဲ၊ ကျွန်မ အခန်းကို ကြိုက်မကြိုက် ဆိုတာ ပရိဘောဂတွေ  ဘယ်လို နေရာချထားတယ် ဆိုတာ အပေါ် မမူတည်ဘူး၊ ကျွန်မ စိတ်ကို ဘယ်လို ပြင်ဆင်ထားတယ် ဆိုတဲ့ အပေါ်ပဲ မူတည်တယ်လေ၊  ကျွန်မက ဒါကို ကြိုက်ဖို့  ကြိုတင် ဆုံးဖြတ်ထားပြီးသားပါ။ ကျွန်မ မနက်တိုင်း အိပ်ရာထတဲ့ အချိန်မှာ ဆုံးဖြတ်ချက် တစ်ခု ချလေ့ ရှိတယ်။ ကျွန်မမှာ ရွေးချယ်စရာ တစ်ခု ရှိတယ်၊ အမြဲ ရှိနေမှာ မဟုတ်တဲ့ ဒီ ခန္ဓာကိုယ်ကြီး ရဲ့  အစိတ်အပိုင်းတွေနဲ့ ပတ်သက်ပြီး ပြန်ပြော ငြီးတွားပြီး အိပ်ရာထဲမှာ အချိန်ဖြုန်းနိုင်တယ်၊ ဒါမှ မဟုတ် အိပ်ရာက ထလာခွင့်ရတဲ့အတွက် ကျေးဇူးတင်စိတ်နဲ့လည်း အချိန်ဖြုန်းနိုင်တယ်၊ နေ့ရက်တိုင်းဟာ လက်ဆောင်တစ်ခုပဲ၊  ကျွန်မ မျက်စိတွေ ဖွင့်လာနိုင်သမျှ ပျော်ရွှင်စရာ အမှတ်တရတွေ အားလုံးနဲ့  နေ့ သစ်တစ်ရက်ကို အာရုံစိုက်မှာပါ၊ ကျွန်မ ဘဝရဲ့  ဒီအချိန် အခိုက်အတန့် လေးကိုပဲပေါ့။”

ဟု သူမက ပြန်ပြောပါသည်။

“အသက်ကြီးလာတယ် ဆိုတာ ဘဏ်အကောင့် တစ်ခုလိုပဲလေ၊ ရှင် သွင်းထားတာတွေကို ပြန်ထုတ်လို့ရတယ်။ အဲဒီတော့ ကျွန်မ အကြံပေးချင်တာက အမှတ်တရ ဘဏ်ထဲမှာ ပျော်စရာ အမှတ်တရတွေ အများကြီး သွင်းထားဖို့ပါပဲ၊ ကျွန်မရဲ့  အမှတ်တရ ဘဏ်မှာ ဖြည့်ဖို့အတွက် ရှင်နဲ့ ပတ်သက်တဲ့ အပိုင်းအတွက်လည်း ကျေးဇူးပဲ၊ ကျွန်မကတော့ ခုထက်ထိ ဖြည့်နေတုန်းပါပဲ” ဟု သူမက ဆက်လက် ရှင်းပြသည်။

သူမက အပြုံးတစ်ခုနှင့် ပြောခဲ့သည်မှာ…

“ပျော်ရွှင်ဖို့အတွက် ရိုးစင်းတဲ့ နည်းလမ်း ငါးခုကိုပဲ မှတ်ထားပါ၊

၁။ ရှင့် အသည်းနှလုံးကို မနှစ်မြို့ခြင်းတွေထဲကနေ လွတ်ကင်းပါစေ။

၂။ ရှင့် စိတ်နှလုံးကို စိုးရိမ်ပူပန် ကြောင့်ကြခြင်းတွေကနေ လွတ်ကင်းပါစေ။

၃။ ရိုးစင်းစွာ နေထိုင်ပါ။

၄။ များများပေးပါ။

၅။ နည်းနည်းပဲ မျှော်လင့်ပါ။

Each day is a gift ကို ပြန်ဆိုပါသည်။

သိင်္ဂါကျော်

တြယ္ျငိတတ္သူ

အမွတ္တမဲ့ ဆံုဆည္းျခင္း တစ္ခုကေန
ယံုၾကည္ျခင္း တည္ေဆာက္ဖို႕ရာ မလြယ္သည့္အျဖစ္မွာပဲ
မလိမ္ေတာ့ျပီဟု ယံုၾကည္ခ်င္သူ...။

သေဘာက်မိစရာ
တစ္စံုတစ္ရာ ဘာမွ မရွိသည့္အျဖစ္မွာပဲ
သူ႕ စကားသံ တစ္ခ်ိဳ႕တစ္ေလကိုသာ ႏွစ္သက္စြာ...။

တူညီျခင္း တစ္စံုတစ္ရာ
ဘာမွ မရွိသည့္ အျဖစ္မွာပဲ
ခ်စ္ျခင္း တူသည္ဟု ေက်နပ္စြာ...။

မျဖစ္ႏိုင္ျခင္းကို
အတိအက် မသိခ်င္တဲ့အခါ
ပြင့္လင္းဖြင့္ဟျခင္းကို မေတာင္းဆိုခဲ့သူ...။

သတိရျခင္း စကၠန္႕တို႕ တူညီခဲ့ေသာ္လည္း
အိပ္မက္အတူမက္ခြင့္ကို နားလည္ခဲ့ေသာ္လည္း
အတူလက္တြဲဖို႕ရာ သတၱိမရွိသူ...။

ေမွ်ာ္လင့္ျခင္း တစ္စံုတစ္ရာ
မထားေစလိုေသာ္လည္း
ျပတ္သားစြာ ေမ့ ခြင့္ကို ရင္မဆိုင္လိုသူ..။

ခ်စ္ျခင္းႏွင့္ အရာရာေျပလည္ေစမည္ဟု
မိုက္ရူးရဲ မဆန္လိုသည့္အခါ
တစ္ေယာက္တည္းလမ္းကိုသာ ႏွစ္သက္ျမဲ ျဖစ္လွ်က္
တြယ္ျငိျခင္းကို မပယ္သတ္ႏိုင္သူ...။

သိဂၤါေက်ာ္

စိတ္အားထက္သန္ျခင္းသည္ ေအာင္ျမင္မႈ၏ ေသာ့ခ်က္

“စိတ္အားထက္သန္မႈ မပါပဲ ၾကီးက်ယ္တဲ့ ေအာင္ျမင္မႈကို မရရွိႏိုင္ပါ”လို႕  ၁၉ ရာစုက ကဗ်ာဆရာနဲ႕ ျပဳျပင္ေျပာင္းလဲေရး ေခါင္းေဆာင္ တစ္ေယာက္ျဖစ္တဲ့ Ralph Waldo Emerson က ဆိုပါတယ္။ ေအာင္ျမင္ေအာင္ ၾကိဳးစားခဲ့ၾကတယ္ ဆိုတဲ့ ျဖစ္ရပ္မွန္ ေတြမွာပဲ ျဖစ္ျဖစ္၊ ေအာင္ျမင္မႈ လမ္းညြန္ ေဆာင္းပါးေတြ မွာပဲ ျဖစ္ျဖစ္ စိတ္အားထက္သန္မႈ ရွိဖို႕  ဆိုတာ မပါမျဖစ္တဲ့ အခ်က္တစ္ခု အေနနဲ႕ ပါေလ့ ရွိပါတယ္။ ဒါေပမယ့္ ကၽြန္မတို႕ဟာ လံုေလာက္တဲ့ စိတ္အားထက္သန္မႈ ျဖစ္ေအာင္ တြန္းအား မေပးျဖစ္ၾကပါဘူး။

စိတ္အားထက္သန္ျခင္းက ဘာေၾကာင့္ ေအာင္ျမင္မႈရဲ႕  ေသာ့ခ်က္ ျဖစ္ရပါသလဲ။ အေၾကာင္းအခ်က္ ၂ ခု ရွိပါတယ္။ ပထမ တစ္ခုက ေပ်ာ္ရႊင္မႈ ပါ။ စိတ္အားထက္သန္ေနတဲ့ လူတစ္ေယာက္ဟာ ေပ်ာ္ရႊင္ေနပါတယ္။ ေပ်ာ္ရႊင္ေနတဲ့ လူတစ္ေယာက္ဟာ ျပႆနာေတြကို ပိုျပီး ေကာင္းေကာင္းမြန္မြန္ ေျဖရွင္း ႏိုင္ပါတယ္။ ေပ်ာ္ရႊင္ေနတဲ့ လူေတြမွာ ထိုးထြင္းသိျမင္စိတ္ ပိုရွိႏိုင္ပါတယ္။

ေနာက္တစ္ခ်က္ကေတာ့ အခ်ိန္ပါ။ တစ္စံုတစ္ရာကို စိတ္အားထက္သန္ျပီး အဲဒီအေပၚမွာ သံုးစြဲတဲ့ အခ်ိန္ပမာဏပါ။ အဲဒီအခ်ိန္ကလည္း ႏွစ္မ်ိဳး ရွိပါတယ္။ သတိရွိေနတဲ့ အခ်ိန္နဲ႕  သတိမရွိတဲ့ အခ်ိန္ ပါ။ သတိရွိေနတဲ့ အခ်ိန္ (အသိစိတ္နဲ႕ လုပ္တဲ့ အခ်ိန္) ဆိုတာ ကၽြန္မတို႕  တကယ္တမ္း လက္ရွိ အလုပ္လုပ္ ေနတဲ့ အခ်ိန္ပါ။ Facebook တို႕  Twitter တို႕ လို social website ေတြမွာ ကၽြန္မတို႕  အခ်ိန္အၾကာၾကီး ျဖဳန္းႏိုင္သလို စိတ္အားထက္သန္သူေတြကလည္း သူတို႕ စိတ္အားထက္သန္တဲ့ အလုပ္ေပၚမွာ အခ်ိန္အၾကာၾကီး အာရံုစိုက္ အလုပ္လုပ္ႏိုင္ၾကပါတယ္။ သတိမရွိတဲ့ အခ်ိန္ ဆိုတာကေတာ့ ကၽြန္မတို႕  လုပ္ရမယ္ ဆိုတဲ့ အသိစိတ္နဲ႕ အလုပ္တစ္ခုခု လုပ္ေနတဲ့ အခ်ိန္ မဟုတ္ပဲ အလိုအေလွ်ာက္ လုပ္ေနမိတဲ့ ကိစၥေတြကို ဆိုလိုတာပါ။ ကေလးေတြကို ဂရုစိုက္တာ၊ အားကစားလုပ္တာ၊ အိပ္တာ စတာေတြပါ။ စိတ္အားထက္သန္ေနတဲ့ စိတ္က သူလုပ္ေနတဲ့ အလုပ္အေပၚမွာ အခ်ိန္ပို လြတ္လပ္စြာ အလိုအေလွ်ာက္ အလုပ္လုပ္ပါတယ္။

အထက္ပါ အခ်က္ႏွစ္ခ်က္ကို ၾကည့္ရင္ ဘာေၾကာင့္ စိတ္အားထက္သန္မႈ ရွိေအာင္ တြန္းအားေပးသင့္တယ္ ဆိုတာ ရွင္တို႕ သေဘာေပါက္မွာပါ။ စိတ္အားထက္သန္သူေတြဟာ သူတို႕ လုပ္ေနတဲ့ အလုပ္အေပၚမွာ သူတို႕ ရဲ႕ ဦးေႏွာက္၊ သိစိတ္၊ မသိစိတ္ အားလံုးကို အသံုးခ်ျပီး လုပ္တဲ့ အတြက္ ရလာဒ္ေကာင္းေတြ ပိုရလာပါတယ္။ အဲဒါေၾကာင့္ စုေပါင္း လုပ္ရတဲ့ အလုပ္တစ္ခု ေအာင္ျမင္ဖို႕ ဆိုရင္လည္း ကိုယ့္အဖြဲ႕ ထဲမွာ ရွိတဲ့ လူတိုင္းကို စိတ္အားထက္သန္မႈ ရွိလာေအာင္ တြန္းအားေပး ေပးဖို႕ လည္း လိုပါတယ္။

စိတ္အားထက္သန္ေနတဲ့ ရွင္ဟာ ပိုျပီး ေပ်ာ္ရႊင္တယ္၊ ပိုျပီး ျပံဳးတယ္၊ အေကာင္းျမင္ အေတြးပဲ ေတြးတယ္၊ ရွင္လုပ္ေနတဲ့ အလုပ္ကို ရွင္ႏွစ္သက္ေနတယ္။ အဲဒီအခါ ရွင္လုပ္ေနတဲ့ အလုပ္ရဲ႕ ေအာင္ျမင္မႈဟာ မေဝးေတာ့ပါဘူး။ စိတ္အားထက္သန္မႈက ရွင့္ကို ၾကိဳးၾကိဳးစားစား အလုပ္လုပ္ေစျပီး ရွင့္ ရည္မွန္းခ်က္ ျပီးေျမာက္ေအာင္ အေထာက္အပံ့ေကာင္း ေပးေနပါတယ္။ အဲဒီအလုပ္ဟာ ရွင့္အေနနဲ႕ လုပ္ရမယ့္ အလုပ္မို႕ လုပ္ေနတာ မဟုတ္ပဲနဲ႕  ရွင္လုပ္ခ်င္လို႕ကို လုပ္ေနတဲ့ အလုပ္ ျဖစ္ေနလို႕ပါ။

စိတ္အားထက္သန္မႈကို ေလ်ာ့ပါးေစတဲ့ အရာေတြထဲက ၂ ခုကို ေျပာပါရေစ။ တစ္ခုကေတာ့ မလိုအပ္တဲ့ အလုပ္ပါ။ ကၽြန္မတို႕  ပါးစပ္ကေန ေျပာမိတဲ့ စကားတစ္ခု ရွိပါတယ္။ မလိုအပ္တဲ့ အဆင့္ပဲ၊ အဲေလာက္လည္း မလိုပဲနဲ႕ လုပ္ေနရတယ္ စသျဖင့္ပါ။ မလိုအပ္ဘူး လို႕ ကၽြန္မတို႕ ထင္တဲ့ အစိတ္အပိုင္း တစ္ခု ကို လုပ္ရတဲ့ အခါ ကၽြန္မတို႕ရဲ႕  စိတ္အားထက္သန္မႈေတြ ေလ်ာ့နည္း လာတတ္ပါတယ္။ ေနာက္တစ္ခုကေတာ့ Deadline (ေနာက္ဆံုးရက္ သတ္မွတ္ေပးျခင္း) ပါ။ Deadline သတ္မွတ္ေပးျခင္းဟာ စိတ္အားထက္သန္မႈနဲ႕  ကိုက္ညီမႈ မရွိတဲ့ အရာပါ။ ကၽြန္မကိုယ္တိုင္လည္း စာေရးတဲ့အခါ စိတ္ပါတဲ့ အခ်ိန္မ်ားမွာ တစ္ဆက္တည္း ေရးေလ့ရွိျပီး ဘယ္ေန႕  ျပီးရမယ္လို႕ သတ္မွတ္မထားတဲ့ deadline ေပၚမွာပဲ ေရးေလ့ ရွိပါတယ္။ ဘယ္အခ်ိန္ ျပီးရမယ္ ဆိုတဲ့ deadline ေတြ အေပၚမွာ အလုပ္လုပ္ရတဲ့အခါ စိတ္ဖိစီးမႈေတြ ျဖစ္လာႏိုင္ျပီး အဲဒီလို စိတ္ဖိစီးမႈေတြက ကိုယ့္ရဲ႕ လုပ္ႏိုင္စြမ္းအားကို က်ဆင္း ေစပါတယ္။ Deadline သတ္မွတ္ထားတဲ့ အေပၚ လုပ္ရတဲ့အခါ ကိုယ့္ရဲ႕  အေကာင္းဆံုး လုပ္ေဆာင္ခ်က္ ရတဲ့အထိ မလုပ္ႏိုင္ေတာ့ပဲ ဒီအခ်ိန္ ျပီးဖို႕ အတြက္ဆို ဒီေလာက္ပဲ ဆုိျပီး သတ္မွတ္ရက္ ျပီးစီးေရး အဓိကထားျပီး ေတာ္ရံုတန္ရံုသာ လုပ္တတ္ၾကပါတယ္။

စိတ္အားထက္သန္မႈ ရဲ႕  စြမ္းအားကို ထုတ္ေဖာ္ဖို႕ အတြက္ အေရးၾကီးတဲ့ အဆင့္ သံုးဆင့္ ရွိပါတယ္။ ပထမ အဆင့္က စိတ္ဝင္စားမႈ (Interest) ပါ။ ကိစၥရပ္ တစ္ခုခုနဲ႕ ပတ္သက္ျပီး စိတ္ဝင္စားမႈ၊ သိခ်င္စိတ္ ရွိရပါမယ္။ ရွင့္ အလုပ္ အေပၚမွာ စိတ္အားထက္သန္ဖို႕ ဆိုရင္ အဲဒီအလုပ္နဲ႕ ပတ္သက္ျပီး စိတ္ဝင္စားမႈရွိရပါမယ္။ ရွင့္ အလုပ္ရဲ႕  အရာတိုင္းကို သိခ်င္စိတ္ ရွိေနရပါမယ္။ အဲဒီအတြက္ အလုပ္အားခ်ိန္ ေတြမွာလည္း ရွင္ သိခ်င္တာေတြကို ဖတ္ မွတ္၊ ေလ့လာ ေနရပါမယ္။

ဒုတိယ အဆင့္က ဗဟုသုတ (Knowledge) ရွိရပါမယ္။ လူ အမ်ားစုက တစ္ခ်ိဳ႕  ကိစၥရပ္ေတြမွာ စိတ္ဝင္စားမႈေတာ့ ရွိပါတယ္။ ဒါေပမယ့္ ေလ့လာဖို႕ မၾကိဳးစားၾကပါဘူး။ စိတ္အားထက္သန္မႈ ျဖစ္လာေအာင္အထိ ဗဟုသုတ ျဖစ္စရာေတြ ဘယ္အခါမွ ရမလာတတ္ၾကပါဘူး။ ရွင္ တစ္စံုတစ္ခုကို စိတ္ဝင္စားတယ္ ဆိုရင္ အဲဒါနဲ႕ ပတ္သက္ျပီး ပိုသိလာေစမယ့္ ဗဟုသုတ ျဖစ္စရာေတြကို ရွာေဖြ ေလ့လာရပါမယ္။

တတိယအဆင့္က ယံုၾကည္မႈ (Belief) ပါ။ ယံုၾကည္ခ်က္က သင့္ရဲ႕  ရိုးရွင္းတဲ့ သတင္းအခ်က္အလက္ ေတြက လာတဲ့ ဗဟုသုတ အဆင့္ကေန ခံစားခ်က္နဲ႕ လုပ္ေဆာင္မႈ စတင္လာေအာင္ ေျပာင္းလဲေပးႏိုင္ပါတယ္။ အဲဒါဟာ စိတ္အားထက္သန္မႈကို ေမြးဖြားလာေစတာပါ။  ကိစၥရပ္တစ္ခုနဲ႕ ပတ္သက္ျပီး လံုလံုေလာက္ေလာက္ မသိေသးေပမယ့္ ရွင္ ဒါကို ယံုၾကည္တာမ်ိဳး ရွိတတ္တယ္။  တစ္စံုတစ္ရာကို ယံုၾကည္လာေစဖို႕က ရွင့္မွာ ရွိတဲ့ ဗဟုသုတကို မွန္ကန္မႈ ရွိမရွိ အဲဒီ အရာ အေပၚမွာ စမ္းသပ္ၾကည့္ဖို႕ပါပဲ။ မွန္ကန္မႈကို ေတြ႕လာတဲ့အခါ ယံုၾကည္လာမယ္။ အဲဒီ ယံုၾကည္မႈက ရွင့္ကို စိတ္အားထက္သန္မႈကို တြန္းအားေပးတဲ့ ျပင္းျပတဲ့ ခံစားမႈနဲ႕  လုပ္ေဆာင္ခ်က္တစ္ခု ျဖစ္လာေစပါတယ္။

စိတ္အားထက္သန္ျခင္းက ေအာင္ျမင္မႈ ရလာဒ္ဆီ ေရာက္ဖို႕အတြက္ အားျဖည့္ေပးတဲ့ စြမ္းအင္ တစ္ခု ျဖစ္ပါတယ္။ ရွင့္မွာ ၾကီးက်ယ္တဲ့ စိတ္ကူးေတြ၊ ရည္မွန္းခ်က္ေတြ ေအာင္ျမင္ဖို႕၊ ၾကီးက်ယ္တဲ့ ဘဝကို ရရွိဖို႕ ဆိုရင္ ရွင္လုပ္သမွ် အရာတိုင္းကို စိတ္အားထက္သန္စြာ အေကာင္အထည္ေဖာ္ဖို႕  လိုအပ္ပါတယ္။

လူအမ်ားစုက တစ္စံုတစ္ရာအေပၚမွာ စိတ္အားထက္သန္မႈ ျဖစ္လာဖို႕ကို ေစာင့္စား ေနၾကပါတယ္။ ဒါေပမယ့္ စိတ္အားထက္သန္မႈက သူတို႕ ဆီ ေရာက္မလာပါဘူး။ အဲဒါက ဖန္တီးယူမွ ရတဲ့ အရာပါ။ ကၽြန္မတို႕ရဲ႕ ဘဝမွာ အဲဒီလို စိတ္အားထက္သန္မႈကို ဖန္တီးရယူဖို႕ အတြက္ ကၽြန္မတို႕မွာပဲ တာဝန္ရွိပါတယ္။ အဲဒါကသာ ကၽြန္မတို႕ရဲ႕ အိပ္မက္ေတြကို ျဖည့္ဆည္းေပးျပီး ကၽြန္မတို႕ရဲ႕  အနာဂါတ္ကို ျပီးျပည့္စံု ေစႏိုင္မွာပါ။

သိဂၤါေက်ာ္

Reference:

http://www.ineedmotivation.com/blog/2007/10/enthusiasm-the-key-to-unlocking-great-success/

http://www.jayway.com/2012/09/17/enthusiasm-the-invisible-key-to-success/

Enthusiasm – The Sixth Key to a Successful Future - By Randy Slechta, Leadership Management International, Inc, www.lmi-inc.com.

သူမ ဖတ္ဖို႕

အမွတ္တမဲ့ ဆံုမွတ္တစ္ခုကေန

နွလံုးသားနဲ႕ အနီးဆံုးကို ေရာက္လာခဲ့တာ

ျမန္လြန္းတယ္လို႕ 

သူမ မယံုခ်င္တဲ့အခါ

ကၽြန္ေတာ္ သက္ေသမျပႏိုင္ပါဘူး။

ကၽြန္ေတာ္ ကိုယ္တိုင္က

မရိုးသားမႈ တစ္ခုနဲ႕ စတင္ခဲ့မိတဲ့အခါ

သူမ ဘက္က မရိုးသားမႈ တစ္ခုတစ္ေလ

ရွိေနမွာကို ေၾကာက္ေနေလရဲ႕ ..။

ကၽြန္ေတာ္ ကိုယ္တိုင္

သူမကို လိမ္ညာဖူးတာေတြ ရွိခဲ့တဲ့အခါ

သူမက ကၽြန္ေတာ့္ကို 

တစ္ခုတစ္ေလ လိမ္ညာမွာကိုေတာင္

မခံစားႏိုင္ေအာင္ ျဖစ္ေနေလရဲ႕ ..။

ကၽြန္ေတာ့္ message တစ္ခုတစ္ေလ 

သူမ reply မျပန္တဲ့အခါ..

ကၽြန္ေတာ့္ ဖုန္းသံကို သူမ မၾကားလို႕ မကိုင္တဲ့အခါ..

ညတိုင္း ဖုန္းမဆက္ပါနဲ႕ လို႕ သူမက ေျပာတဲ့အခါ..

သူမက ဘယ္ေတာ့မွ ကၽြန္ေတာ့္ဆီ စတင္ ဖုန္းမေခၚတဲ့အခါ

သူမရဲ႕ ဂရုမစိုက္မႈအတြက္ ဝမ္းနည္းရ။

သူမရဲ႕ အေစာဆံုး ပို႕တဲ့ message တစ္ခုကို

လက္ခံရတဲ့အခါ ကၽြန္ေတာ့္ရဲ႕ ေပ်ာ္ရႊင္မႈကို

သူမ အျပည့္အဝ နားလည္ႏိုင္မွာ မဟုတ္။

ကၽြန္ေတာ့္ ေန႕ သစ္တစ္ခု အစတိုင္းမွာ

ကၽြန္ေတာ့္ ေဘးနား သူမ မရွိႏိုင္ေသးတာ 

လြမ္းစရာ အေကာင္းဆံုး အေနအထားလို႕ ေျပာတဲ့အခါ

သူမက ေလွာင္ေျပာင္ ပ်က္ရယ္ျပဳမွာ စိုးရိမ္ဆဲ။

အရိုင္းပန္းဝါဝါေတြ ေလမွာ လြင့္ေနတာ ျမင္ျပန္ေတာ့လည္း 

အဝါေရာင္ ဝတ္စံုေလးနဲ႕ လွေနတဲ့ သူမပံုေလးကို ျမင္ေယာင္ရင္း

သူမကိုပဲ ကၽြန္ေတာ္ သတိရ..။

သူမ ၾကိဳက္တဲ့ ႏွင္းဆီေတြ ျမင္တိုင္းမွာ

ကၽြန္ေတာ့္လက္နဲ႕ ႏွင္းဆီ တေပြ႕တပိုက္ ေပးခြင့္မရွိေသးတဲ့ အျဖစ္ကို

မခ်င့္မရဲ ျဖစ္ရင္း သူမကိုပဲ ကၽြန္ေတာ္ သတိရ..။

ကၽြန္ေတာ့္လက္ကို တြဲျပီး တစ္ေလာကလံုးကို ရင္ဆိုင္ဖို႕ အထိ

သူမ သတၱိမရွိေသးတဲ့အခါ

သူမ ေပးအပ္တဲ့ စိတ္ကူးယဥ္ အခ်စ္တစ္ခုနဲ႕ပဲ ႏွစ္သိမ့္ရ..။

သူမက

ကၽြန္ေတာ့္အတြက္ အျမတ္ႏိုးဆံုး ပန္းတစ္ပြင့္ ျဖစ္ေလတယ္။

သူမက

ကၽြန္ေတာ့္ကို အရာရာ ရင္ဆိုင္ႏိုင္ဖို႕ ခြန္အားေပးသူ ျဖစ္ေလတယ္။

သူမက

ကၽြန္ေတာ့္တစ္သက္တာ ပထမဆံုးနဲ႕ ေနာက္ဆံုး အျဖစ္

အတူအရွိခ်င္ဆံုးသူ ျဖစ္ေလတယ္။

(သိဂၤါေက်ာ္)

ယံုၾကည္ျခင္းငွာ မထိုက္တန္ေသာ

 

(၁)

ဒုတိယအၾကိမ္ေျမာက္သည္လည္း ကံမေကာင္းျခင္း ျဖစ္ခဲ့ျပီလား ဟု သံသယတို႕ျဖင့္ မြန္းၾကပ္ေနခဲ့တာ လအနည္းငယ္ေလာက္ ေတာ့ ရွိေလျပီ။ သူႏွင့္ ကၽြန္မ ဇာတ္လမ္း စတင္စဥ္က ခ်ိဳျမိန္ေႏြးေထြးျခင္း သူ႕ကို ယံုၾကည္အားကိုး ခ်စ္ျမတ္ႏိုးလိုျခင္း မ်ားက ကၽြန္မကိုယ္ကၽြန္မ ေထာင္ေခ်ာက္တစ္ခုထဲ သြင္းျဖစ္ခဲ့ေသာ ျဖစ္စဥ္၏ အစတစ္ခု မွ်သာ။

သူ႕ ဖုန္းထဲက ေကာင္မေလး တစ္ေယာက္၏ message ကို ေတြ႕စဥ္မွာ ကၽြန္မ စိတ္ထဲ အရင္တုန္းကေလာက္ ေသြးဆူတာမ်ိဳး၊ သဝန္တိုတာမ်ိဳး မရွိေတာ့တာ ကၽြန္မကိုယ္ကၽြန္မေတာင္ အံၾသမိသည္။ ပထမဆံုး အၾကိမ္မွ မဟုတ္ေတာ့တာေလ။ သူ႕ ဝါသနာကိုလည္း ကၽြန္မ အသိအမွတ္ျပဳျပီးေနျပီ။ ဒါေတာင္ ေကာင္မေလး ဖုန္းနံပါတ္က တစ္ျမိဳ႕ထဲေန ကၽြန္မ မိတ္ေဆြ တစ္ေယာက္၏ ဖုန္းနံပါတ္ႏွင့္ ဆင္တူေန၍ ဟုတ္ေနမလား ဆိုျပီး ဆက္ၾကည့္မိေသးသည္။ ကၽြန္မ မိတ္ေဆြ ျဖစ္ေနလွ်င္ သူ႕အေၾကာင္း ေသခ်ာသိရဲ႕လား၊ ဘာေၾကာင့္ ျဖစ္ရသလဲ ဆိုတာ ကၽြန္မ ေမးၾကည့္ခ်င္သည္။ သူမက ဖုန္းမွားေနသည္ဟု ျပန္ေျဖသည္ကို မေက်နပ္ေသး၍ message ပို႕မိေတာ့ သူမကလည္း မွားေနသည့္အေၾကာင္း ျပန္ပို႕ရွာသည္။ ကၽြန္မကို သူမ သိလိမ့္မည္ မထင္ပါ။ သူ႕ဖုန္းႏွင့္ သူ႕ေရွ႕မွာပင္ ကၽြန္မ သူမကို ေခၚၾကည့္သည္။ သူမက ကၽြန္မကို ဘယ္သူမွန္း မသိ ျဖစ္ေနသည္။ ကၽြန္မ သူ႕အေပၚ သဝန္တိုျခင္း မဟုတ္ဟု ကိုယ့္ကိုယ္ကိုယ္ ေသခ်ာေအာင္ လုပ္ေသာ္လည္း မရပါ။ သူမသည္ မိန္းမေကာင္းေလး တစ္ေယာက္ ျဖစ္ေနလွ်င္ သူမကို ကၽြန္မလို အျဖစ္မ်ိဳး မျဖစ္ေအာင္ တားဆီးဖုိ႕ ကၽြန္မမွာ တာဝန္ရွိသည္ဟု ထင္သည္။ သူမက “ဘယ္သူလဲ ဟင္” ဟု ေမးေနစဥ္မွာပင္ ကၽြန္မ ဖုန္းကို ခ်လိုက္မိသည္။ သူမကို ရိုင္းရိုင္းပ်ပ် ေျပာလိုစိတ္ေတြ ရုတ္တရက္ ကၽြန္မမွာ ဝင္လာေသာေၾကာင့္ ျဖစ္သည္။ စကားမဆံုးေသးပဲ ဖုန္းက်သြား၍ထင့္ သူမက ျပန္ေခၚသည္။ သူ ကၽြန္မ ေရွ႕မွာေတာ့ မကိုင္ရဲပါ။

ကၽြန္မ သူမကို ေကာင္းေကာင္းမြန္မြန္ပဲ sms message ပို႕လိုက္ပါသည္။ ကၽြန္မသည္ သူ႕ မိန္းမ ျဖစ္သည့္အေၾကာင္း ကၽြန္မ သူငယ္ခ်င္း ဖုန္းႏွင့္ တူ၍ ေခၚမိသည့္အေၾကာင္း…။ အဲဒီေနာက္ ဘာေၾကာင့္မွန္းမသိ၊ ကၽြန္မသည္ သူမကို ကၽြန္မအေၾကာင္း ေျပာခ်င္စိတ္ ေပါက္လာ၍ ကၽြန္မ ဘဝ ဆိုးသည့္အေၾကာင္း ေနာက္ ၾကံဳလွ်င္ ေျပာျပမည့္ အေၾကာင္း ထည့္ေရးလိုက္မိသည္။ သူမ ဆီမွ အခ်ိန္ အေတာ္ၾကာသည္အထိ message ျပန္မလာပါ။ မေတြ႕ေသးတာလည္း ျဖစ္ႏိုင္သည္။ သူမ က သူ႕ကို တကယ္ခ်စ္ေနသူ ျဖစ္ခဲ့လွ်င္ ခံစားသြားရလိမ့္မည္။ ကၽြန္မ စိတ္မေကာင္းပါ။ ေရာဂါကို ၾကိဳတင္ မကုလွ်င္ ပိုျပင္းထန္လာတတ္သည္ မဟုတ္လား။ သူႏွင့္ ကၽြန္မ အတူတူ ရွိေနစဥ္မွာပင္ သူ႕ ဖုန္းဝင္လာသျဖင့္ အျပင္ထြက္ ေျပာသည္။ သူမ ဆက္ျခင္း ျဖစ္သည္။ သူမက သူ႕ကို ဖုန္းဆက္ျပီး ကၽြန္မက သူ႕ မိန္းမဆိုတာကို ေသခ်ာေအာင္ ေမး၍ သူက ဝန္ခံလိုက္သည္ ဆို၏။ သူမက သူ႕ကို “ယုတ္မာလွခ်ည္လား” ဟု ေျပာသြားသည္ ဆို၏။ သူမထက္ အရင္ ကၽြန္မ သူ႕ဖုန္းမွာ ေတြ႕ မိသည့္၊ သူမလိုပဲ သူႏွင့္ viber မွာ ေျပာၾကသည့္ ေကာင္မေလး တစ္ေယာက္ကိုလည္း ကၽြန္မ ဆက္သြယ္ခဲ့ျပီးျပီ။ ထိုေကာင္မေလးကလည္း သူ႕ အေၾကာင္း ေကာင္းေကာင္း မသိသူပါ။ ေကာင္မေလးမွာ ခ်စ္သူ ရွိသျဖင့္ သူ အီတာကို မခံႏိုင္၍၊ block ထားျပီး ျဖစ္ေၾကာင္း ကၽြန္မကို ျပန္ေျပာခဲ့ဖူးသည္။

ခဏေနေတာ့ သူမ ဆီမွ message ျပန္လာပါသည္။ သူ ႏွင့္ သူမက online မွာ ေတြ႕ျပီး ဖုန္းေျပာၾကတာပါ၊ ဘာမွ မဟုတ္ပါဘူး။ သူ႕ကို လူလြတ္ ေအာက္ေမ့လို႕ပါ။ ခုလို သိလိုက္ရေတာ့ ေနာက္ မဆက္သြယ္ေတာ့ပါဘူး တဲ့။ ကၽြန္မကိုလည္း သူမက သူငယ္ခ်င္းလိုပဲ သေဘာထားပါသည္။ ေနာက္ အခ်ိန္ရလွ်င္ ကၽြန္မ ရင္ဖြင့္တာကို သူမ နားေထာင္ခ်င္ပါသည္ တဲ့။ သူႏွင့္ အတူရွိေနသျဖင့္ ခ်က္ခ်င္းေတာ့ သူမဆီ ဖုန္းျပန္မဆက္မိပါ။ တစ္ရက္ေတာ့ သူမဆီ ဖုန္းဆက္ျပီး ကၽြန္မအေၾကာင္း၊ သူ႕အေၾကာင္း ေျပာျပခ်င္ပါေသးသည္။

*****

(၂)

ေမာင္ ႏွင့္ ကၽြန္မ

ကၽြန္မ အရင္လူႏွင့္ လြန္ခဲ့ေသာ ႏွစ္ ႏွစ္ဆယ္ေက်ာ္ေလာက္က ႏွစ္ဦးႏွစ္ဖက္ ခ်စ္ျမတ္ႏိုးမႈကို အေျခခံ အိမ္ေထာင္တစ္ခု ထူေထာင္ခဲ့ပါသည္။ ကၽြန္မ ေမြးရပ္ဇာတိ မဟုတ္ေသာ သူ႕ အလုပ္တာဝန္က်ရာ ျမိဳ႕ေတြကို လိုက္ေျပာင္းရင္း ေနခဲ့ၾကသည္။ ကၽြန္မက သူ႕ကို ေမာင္လို႕ ျမတ္ျမတ္ႏိုးႏိုး ေခၚခဲ့သည္။ ကၽြန္မတို႕ မွာ သားတစ္ေယာက္၊ သမီးတစ္ေယာက္ ရွိလာသည္။ ကၽြန္မ အိမ္ေထာင္ဖက္ရယ္၊ ကေလးႏွစ္ေယာက္ရယ္ အတူရွိေနရသည့္ ကၽြန္မ ဘဝသည္ ဘာမွ မလိုအပ္ေတာ့ပဲ ျပီးျပည့္စံုသည့္ ဘဝတစ္ခု ျဖစ္ခဲ့ပါသည္။ စီးပြားေရးလည္း ကၽြန္မတို႕မွာ ဘာမွ ပူပန္စရာ မရွိပါ။ ကၽြန္မက ပညာေရး အားနည္းခဲ့သူမို႕  ဆယ္တန္းပင္ မေအာင္ခဲ့ပါ။ ေမာင္ႏွင့္ အိမ္ေထာင္က်ျပီးေနာက္ ေမာင့္ေနာက္ကို လိုက္ရသည္ျဖစ္၍ ဘာမွ အျပင္စီးပြားေရး မလုပ္ျဖစ္ခဲ့ပါ။ ကေလးေတြ ရလာျပီးေနာက္ အိမ္မွာပဲ အိမ္မႈကိစၥ၊ ကေလးကိစၥပဲ လုပ္ျပီး အိမ္မွာပဲ ေနတာမ်ားခဲ့သည္။ ေမာင္တစ္ေယာက္တည္း အျပင္မွာ ထြက္ျပီး အလုပ္လုပ္ေနတာကိုလည္း ကၽြန္မ နည္းနည္းေလးမွ စိတ္မခ် မျဖစ္ခဲ့ပါ။ ကၽြန္မ တစ္ေယာက္တည္းကို စြဲစြဲျမဲျမဲ ခ်စ္ခဲ့ျပီး ကၽြန္မ အခ်စ္ကို ရဖို႕  ႏွစ္ႏွစ္ေလာက္ လိုက္ခဲ့ေသာ ေမာင့္ကိုမွ မယံုလွ်င္၊ ကၽြန္မ ခ်စ္ျမတ္ႏိုးေသာ ကၽြန္မ၏ အိမ္ဦးနတ္ ကိုမွ မယံုလွ်င္ ကၽြန္မဘဝမွာ ဘယ္သူ႕ကို ယံုၾကည္ရမည္လဲ..။

ကၽြန္မတို႕ ဘဝက လူတကာ အားက်ရေလာက္ေအာင္ပင္ သာယာ ေပ်ာ္ရႊင္ခဲ့ပါသည္။ ကၽြန္မတို႕ ႏွစ္ေယာက္ ျပင္းျပင္းထန္ထန္ နာနာက်ည္းက်ည္း စကားမ်ား ရန္ျဖစ္သည္ ဆိုတာ မရွိစဖူးပါ။ ေမာင္က သားႏွင့္ သမီးကိုလည္း ဖူးဖူးမႈတ္ ခ်စ္သည္။ ဂရုစိုက္သည္။ လိုေလေသးမရွိေအာင္ တတ္ႏိုင္သမွ်ထားသည္။ ကၽြန္မကိုလည္း ၾကင္နာယုယသည္။ ေမာင့္အရိပ္ေအာက္မွာ ကၽြန္မ တစ္သက္လံုး ဒီလိုပဲ ေႏြးေထြး လံုျခံဳစြာ ေနရလိမ့္မည္ ဟု ယံုၾကည္ ထင္မွတ္ထားခဲ့သည္။ သားႏွင့္ သမီးကလည္း လိမ္လိမ္မာမာပင္ ၾကီးျပင္းလာၾကျပီး အထက္တန္းေက်ာင္း တက္ေသာ အရြယ္ေတြ ေရာက္လာၾကသည္။ သားႏွင့္ သမီးတို႕ အေတာင္အလက္ စံု၍ အိမ္မွ ပ်ံသန္းထြက္ခြာၾကသည့္အခါ ေမာင္ႏွင့္ ကၽြန္မ ႏွစ္ေယာက္သား တစ္ေယာက္ႏွင့္ တစ္ေယာက္ အျပန္ မွီခိုရင္း ၾကီးရင့္ ေသဆံုးသည့္တိုင္ ေနထိုင္ၾကဖို႕  အေၾကာင္းမွာ ကၽြန္မ လားလားမွ တစ္ျခား သံသယအေတြးမဝင္ခဲ့ဖူးပါ။

ေျမလတ္ျမိဳ႕ကေလးမွာ ေတာ္ေတာ္ၾကာၾကာ ေနၾကရျပီးေနာက္ ေမာင္ တစ္ျခား မိန္းကေလး တစ္ေယာက္ႏွင့္ ေတြ႕ေနသည့္အေၾကာင္း ပတ္ဝန္းက်င္က လူေတြ သိရွိျပီးမွ ကၽြန္မ ၾကားရပါသည္။  ကၽြန္မ ေတာ္ေတာ္ႏွင့္ မယံုႏိုင္ခဲ့ပါ။ မလိုသူေတြ ေျပာသည့္ အတင္းစကားရယ္လို႕ မ်က္စိမွိတ္ ျငင္းခ်င္မိေသးသည္။ ေမာင္ ေျခလွမ္း ပ်က္ေနသည္ဟု ကၽြန္မ အသိစိတ္က သတိထားမိခဲ့ေသာ္လည္း သံသယကို ကၽြန္မဘာသာ လက္မခံလိုပဲ ပံုမွန္ျဖစ္သည္ ဟု ကၽြန္မကိုယ္ကၽြန္မ ညာထားခဲ့တာ ကၽြန္မသာ သိသည္ မဟုတ္လား။ ေမာင့္ကို ပထမဆံုး အၾကိမ္ ေမးေတာ့ ေမာင္က ဘာမွမဟုတ္ပါ တဲ့။ အသိမိတ္ေဆြ၊ တစ္ေယာက္တည္း ရံုးကန္ေနရေသာ ကေလးအေမေလးမို႕ ကူညီေစာင့္ေရွာက္တာပါ တဲ့။ ေမာင့္ပါးစပ္က အေျဖကို ယံုခ်င္ေသာစိတ္ႏွင့္ ကၽြန္မ ယံုလိုက္ပါသည္။ ကၽြန္မ စိတ္ထဲမွာေတာ့ အသည္းႏွလံုးေတြ ေလာင္ကၽြမ္း မတတ္ ပူေလာင္စ ျပဳေနပါျပီ။

ဟိုက သည္က မေနႏိုင္သူ ကၽြန္မ မိတ္ေဆြ သူငယ္ခ်င္းမ်ားက ေျပာၾကေသာ္လည္း ကၽြန္မ ဘာမွ ထြက္မစံုစမ္း၊ ဘာမွ မလႈပ္ရွားပဲ ေမာင္ အျပင္မွာ ခဏတာ အေပ်ာ္ရွာျပီး အခ်ိန္တန္လွ်င္ ျပတ္သြားမွာပဲ ဟု ကၽြန္မ၏ သဝန္တို ပူေလာင္စိတ္မ်ားကို ထိန္းခ်ဳပ္ျပီး ေနခဲ့ပါေသးသည္။ ေမာင္ အိမ္ျပန္မလာေသာ ညေတြ မ်ားလာသည္မွာ သမီးကပင္ သတိထားမိေလာက္ေအာင္ ျဖစ္လာသည္။ သားၾကီးကေတာ့ ေယာက်္ား အခ်င္းခ်င္းမို႕ ေမာင့္ အေၾကာင္းကို ရိပ္မိပံု ရသည္။ ကၽြန္မ ကိုယ္တိုင္ ေမာင့္ေနာက္ လိုက္ၾကည့္ေတာ့ ထိုမိန္းကေလးကို ေမာင္ဝယ္ေပးထားေသာ အိမ္ကို ေတြ႕ရသည္။ ႏွစ္ေပါင္း ၂၀ေလာက္ ေပါင္းလာေသာ ဇနီးကို ထားခဲ့ရေလာက္ေအာင္ ဆြဲေဆာင္မႈရွိျပီး ေခ်ာေမာလွပေသာ မိန္းကေလးမ်ိဳးေတာ့ မဟုတ္ပါ။ သာမန္ ရြက္ၾကမ္းေရက်ိဳပင္ ျဖစ္သည္။ ေမာင္ႏွင့္ ကၽြန္မသည္ အသက္ တစ္ႏွစ္ေလာက္သာ ကြာသည္မို႕  ၂၅ ေလာက္သာ ရွိေသာ ေမာင့္မိန္းကေလးသည္ ေမာင့္ထက္ ၁၄ ႏွစ္ေလာက္ ငယ္ပါသည္။ သို႕ေသာ္ သူမသည္ မုဆိုးမလား တခုလပ္လား မသိသည့္ ကေလးတစ္ေယာက္ အေမ ျဖစ္သည္။

ေမာင့္ကို ဒုတိယအၾကိမ္ ေမးေတာ့လည္း ေမာင္က မ်က္စိမွိတ္ ျငင္းျပန္သည္။ ေမာင့္မိန္းကေလး အိမ္ကို ေတြ႕ ခဲ့ျပီးျပီ၊ ေမာင္ ဝယ္ေပးထားသည္ ဟု ၾကားသည့္ အေၾကာင္း ေျပာေတာ့ ေမာင္က ေအးေအးပင္ ေနစရာ အပိုင္မရွိလို႕ အိမ္ဝယ္သည့္ ေနရာမွာ ကူညီခဲ့ေၾကာင္း၊ သူႏွင့္ ရိုးရိုးသားသား ပတ္သက္တာ ျဖစ္ေၾကာင္း ေျဗာင္လိမ္သည္။ ကၽြန္မ တစ္သက္လံုး ယံုၾကည္ခ်င္ေသာ ကၽြန္မ၏ အိမ္ဦးနတ္သည္ ကၽြန္မကို မ်က္ေတာင္တစ္ခ်က္ မခတ္ပဲ အၾကိမ္ၾကိမ္ လိမ္ညာေနျပီ ျဖစ္သည္။ ကၽြန္မ ဘဝသည္ ေရွ႕ဆက္ သူ႕အေပၚ ဘယ္လို ယံုၾကည္ခ်က္ႏွင့္ အတူတူ ေနထိုင္သြားရမည္ မသိပါ။ ထိုအခ်ိန္အထိ ကၽြန္မသည္ ေမာင္ႏွင့္ အျပီးတိုင္ ျပတ္စဲဖို႕ အေတြးကို မေတြးခဲ့ေသးပါ။ ကၽြန္မ စိတ္ထဲမွာေတာ့ ေမာင့္ကို မမုန္းတီးႏိုင္ေသာ စိတ္ႏွင့္ ေမာင့္ကို နာက်ည္းေသာ စိတ္တို႕  ေရာေထြးကာ နာက်င္မႈတို႕က ႏွိပ္စက္ေနပါသည္။

သားႏွင့္ သမီးကို စိတ္ခ် လက္ခ် ထားရစ္ဖို႕ ၾကံစည္တာ မဟုတ္ေပမယ့္ အိပ္ပ်က္ညေတြ မ်ားလာေသာေၾကာင့္ အရာအားလံုးကို ေမ့ျပီး ျပည့္ျပည့္ဝဝ အိပ္စက္လိုစိတ္ျဖင့္ ကၽြန္မ အိပ္ေဆးေတြ အမ်ားၾကီး ေသာက္လိုက္မိသည္။ ကံေကာင္း၍လား၊ ကံဆိုး၍လားေတာ့မသိ၊ ကၽြန္မ အသက္ ဝိညာဥ္က ထြက္ခြာမသြားႏိုင္ေသးပဲ ေဆးခန္းသို႕ ေရာက္ခဲ့ရသည္။ သမီးေလး ငိုေနတာ ျမင္ေတာ့ ကၽြန္မ မဆင္မျခင္ လုပ္မိမွန္း ကိုယ့္ကိုယ္ကိုယ္ သတိထားမိသည္။ ေမာင္ ေဆးခန္းကို ေရာက္မလာပါ။ ေနာက္မွ သိရသည္မွာ ေမာင့္မိန္းကေလး၏ ကေလး ေနမေကာင္း၍ ေဆးခန္းတြင္ ေစာင့္ေပးေနရသည္ တဲ့။ ေနာက္ေန႕ သိသြားေတာ့လည္း “မေသေကာင္း မေပ်ာက္ေကာင္း ျငိမ္းရယ္” ဆိုတာကလြဲျပီး ကၽြန္မ ဘာေၾကာင့္ အဲဒီလို လုပ္သည္ ဆိုတာ လံုးဝ မေမးပါ။

ေနာက္ တစ္လေလာက္ ေနေတာ့ ေမာင္က ထိုမိန္းကေလးႏွင့္ တရားဝင္ လက္ထပ္လိုက္ပါသည္။ သားၾကီးႏွင့္ သမီးေရာ၊ ကၽြန္မတို႕ ပတ္ဝန္းက်င္ အသိုင္းအဝိုင္းမ်ားေရာ ေမာင္ႏွင့္ ထိုမိန္းကေလး အေၾကာင္းကို သိသြားၾကပါျပီ။ သားၾကီး၏ သတိေပးစကားမ်ားေရာ၊ သမီးငယ္၏ ငိုယို တားျမစ္မႈမ်ားေရာ ေမာင့္အတြက္ အရာမထင္ေတာ့ပါ။ ကၽြန္မကေတာ့ ဘာဆို ဘာကိုမွ် ေျပာမေနခ်င္ေတာ့ပါ။ ေမာင့္ စိတ္ထဲမွာ ထိုမိန္းကေလးမွ လြဲ၍ ဘယ္သူမွ မရွိေတာ့တာ ေသခ်ာေနေလျပီ။ ေမာင္က ထိုမိန္းကေလးကို အေပ်ာ္သာ သေဘာထား၍ ျဖတ္လိုက္ျပီ ဆိုျပီး ကၽြန္မဆီ ျပန္လာလွ်င္ ကၽြန္မက လက္ခံထားမိဦးမည္သာ ျဖစ္သည္။ ယခုလို ေမာင္က ကၽြန္မ ဂုဏ္သိကၡာကို နင္းေျခ၍ ကၽြန္မကို ဇနီးၾကီး အရာ ထားလိုက္သည္ကေတာ့ ကၽြန္မ ခြင့္လႊတ္ႏိုင္စြမ္းထက္ ေက်ာ္လြန္ေသာ အရာ ျဖစ္ခဲ့ေလျပီ။

 ေမာင္ႏွင့္ တစ္သက္လံုး မက္ဖို႕ စိတ္ကူးထားသည့္ ကၽြန္မ၏ အိပ္မက္သည္ အိပ္မက္ သက္သက္သာ ျဖစ္ခဲ့ေလျပီ။ ေမာင္ႏွင့္ ကၽြန္မ၏ စိတ္တို႕သည္ ထပ္တူမက်ႏိုင္ေတာ့..။ ေမာင္ႏွင့္ ကၽြန္မ၏ အခ်စ္တို႕သည္ ဘဝဆံုးသည္အထိ ထပ္တူညီေသာ အခ်စ္ မျဖစ္ႏိုင္ေတာ့ျပီ။ ကၽြန္မ ဘဝမွာ ခ်စ္သူဆို၍ ေမာင္ တစ္ေယာက္သာ ထားဖူး၍ လက္ထပ္ခဲ့သည္ကလည္း သူတစ္ေယာက္သာ။ ေမာင့္တစ္ေယာက္ကိုသာ အသက္ထက္ဆံုး ကၽြန္မ ဘဝကို လံုျခံဳေစမည့္သူလို႕ ကၽြန္မ သေဘာထားခဲ့သည္။ အခုခ်ိန္မွာေတာ့ ကၽြန္မ စိတ္ကူးအိပ္မက္မ်ား အျပီးတိုင္ ပ်က္စီးသြားခဲ့ျပီ။

ထံုးစံအတိုင္း အိပ္မေပ်ာ္ေသာ ညေတြကလည္း ကၽြန္မကို ႏွိပ္စက္ျမဲမို႕ ကၽြန္မ အေတြးေတြ ဆင္ျခင္ဥာဏ္ေတြလည္း ပံုမွန္ မဟုတ္ေတာ့ေလာက္ေအာင္ ပ်က္ယြင္းေနခဲ့သည္။ ကၽြန္မ အေမက ကၽြန္မတို႕ အေၾကာင္းေတြ ၾကားျပီး ေရာက္ေနခဲ့သည္။ ကၽြန္မ မရွိလွ်င္ ကၽြန္မ သားသမီးေတြကို သူတို႕ အေဖ ေထာက္ပံ့လိမ့္မည္။ ၾကည့္ရႈ ဂရုစိုက္ဖို႕ကေတာ့ ကၽြန္မ အေမ သူတို႕ အဘြား အရွိသားပဲေလ။ တစ္ေယာက္တည္း မေနတတ္ျခင္းသည္ ကၽြန္မ စိတ္ဓာတ္အင္အား ေပ်ာ့ညံျခင္း ျဖစ္သည္ဟု ကၽြန္မကိုယ္ ကၽြန္မလည္း သိေပမယ့္ လူက ဘာခံစားခ်က္မွ မသိႏိုင္ေလာက္ေအာင္ ထံုေပေနသည္။ ကၽြန္မ အသိစိတ္ထဲတြင္ ျငိမ္းျငိမ္း ခ်မ္းခ်မ္း အိပ္စက္သြားလိုျခင္းသာ ရွိသည္။ ဘယ္ေလာက္ ပမာဏက ဘာျဖစ္ႏိုင္ ဆိုတာမ်ိဳးလည္း ေတြးမေနပဲ အိပ္ေဆးေတြ ေသာက္အိပ္ခဲ့သျဖင့္ အျပင္ေဆးခန္းၾကီးသို႕ ေနာက္တစ္ၾကိမ္ ေရာက္သြားရသည္။ ေဆးခန္းေပၚမွာ သတိရလာေတာ့ ကၽြန္မကိုယ္ကၽြန္မ မုန္းမိသြားသည္။ ဘာေၾကာင့္ ဒီလိုမ်ိဳး အသိဥာဏ္မဲ့ျပီး အရွက္ရေစေသာ အလုပ္ကို လုပ္မိသလဲ မသိပါ။ ေမာင္ ေဆးခန္းကို ေရာက္မလာခဲ့ပါ။ ေမာင့္ မ်က္ႏွာကို ေတြ႕ခ်င္လွခ်ည္ရဲ႕ မဟုတ္ေတာ့ေအာင္ နာက်ည္းလွျပီ ျဖစ္ေသာ္လည္း ေမာင့္ကို တစ္ခါေတာ့ ေတြ႕ျပီး ေမးစရာ ေျပာစရာေလး ရွိေသးသည္။

ေမာင္ ဘာေၾကာင့္ ကၽြန္မအေပၚ ေျပာင္းလဲ သြားခဲ့သလဲ၊ ေမာင္ ဘာေၾကာင့္ ဒီမိန္းကေလးကို ကၽြန္မ ေနရာမွာ အစားထိုးခ်င္ရသလဲ၊ ေမးၾကည့္ဖို႕ ကိုပင္ ကၽြန္မ အေတာ္ အားယူရသည္။ ေမာင့္ကို စကားတစ္ခြန္း မေျပာႏိုင္ေလာက္ေအာင္ ကၽြန္မ စိတ္ဓါတ္တို႕ ပ်က္ယြင္းေနခဲ့သည္။ ေမာင္က ခုအေျခအေနက်မွေတာ့ အမွန္အတိုင္း ဝန္ခံေတာ့သည္ေပါ့။

“အဲဒီ မိန္းကေလးက သနားစရာေကာင္းတယ္၊ အားကိုးစရာလည္း မရွိရွာဘူး၊ ကေလးတစ္ေယာက္နဲ႕ ဒုကၡေရာက္ေနရွာတာ၊ အစကေတာ့ ေမာင္လည္း ဒီတိုင္း ရိုးရိုး ကူညီတာပဲ၊ ေနာက္ေတာ့ သူ႕ကို ေမာင္ ခ်စ္သြားတယ္၊ သူ႕ကို တစ္ေယာက္တည္း မထားႏိုင္ေတာ့ဘူး၊ ျငိမ္းကို ခ်စ္သလိုပဲ သူ႕ကိုလည္း ေမာင္ခ်စ္တယ္၊ ျငိမ္းအေပၚ သစၥာေဖာက္မိတဲ့ အတြက္ စိတ္မေကာင္းပါဘူး၊ ဒါေပမယ့္ ေမာင္လည္း ဘာမွ မတတ္ႏိုင္ဘူး၊ ျငိမ္းကိုလည္း ခ်စ္တုန္းပဲ၊ သူ႕ကိုလည္း ခ်စ္တယ္”

အဲဒီမိန္းကေလးက သနားစရာ ေကာင္းတယ္ တဲ့။ ေမာင့္ရဲ႕ သစၥာမဲ့မႈမွာ တစ္ေယာက္တည္း အသက္ရွင္က်န္ဖို႕ပင္ အားမရွိေတာ့တဲ့ ကၽြန္မကေတာ့ျဖင့္ သနားစရာ ေကာင္းတယ္လို႕ ေမာင္မထင္ဘူးေပါ့။ ကၽြန္မမွာ အေထာက္အပံေကာင္းေပးႏိုင္သည့္ မိဘေတြ ရွိသည့္အတြက္ တစ္ေယာက္တည္းလည္း ရပ္တည္ႏိုင္သည္ဟု ေမာင္ ထင္သည္လား။ ကၽြန္မကို ခ်စ္တုန္းပဲ ဆိုသည့္အတြက္ ကၽြန္မက ေက်နပ္ႏွစ္သိမ့္ ေနရဦးမည္လား။ ဘယ္မိန္းမကမွ အခ်စ္ကို ခြဲေဝ မစားသံုးခ်င္ဘူး ဆိုတာ ေမာင္လည္း သိမွာပါ။ ေမာင္က ဟိုအိမ္မွာ တစ္ရက္၊ ဒီအိမ္မွာ တစ္ရက္ ေနခ်င္သည္ကို ကၽြန္မက ေက်နပ္ျပီး မယားျပိဳင္အေနႏွင့္ လက္ခံ ေပးရမည္လား။ ဒီဘဝ အတြက္ေတာ့ ကၽြန္မ ႏွင့္ ေမာင္ ပတ္သက္မႈကို ေတာ္သင့္ျပီ ေမာင္။

“ကၽြန္မ ကို ကြာရွင္းေပးပါ ေမာင္၊ ကၽြန္မ အိမ္ကိုလည္း လံုးဝ မလာပါနဲ႕ေတာ့၊ သားနဲ႕ သမီးကိုလည္း ကၽြန္မပဲ ၾကည့္မယ္၊ ကေလးစားရိတ္ေတာင္ ေပးစရာ မလိုပါဘူး၊ ဒီအိမ္ကိုေတာ့ ကၽြန္မကို ေပးထားလိုက္ေပါ့၊ ရွင့္သားနဲ႕ သမီးလည္း ေနမွာပဲေလ၊ ရွင္သာ ဒီအိမ္ရိပ္ကို မနင္းပါနဲ႕ေတာ့၊ ကၽြန္မတို႕ ျပတ္ျပတ္သားသား လမ္းခြဲၾကရေအာင္၊ ကေလးေတြနဲ႕ ေတြ႕ခ်င္ရင္ အျပင္မွာ ေတြ႕ေပါ့”

အိမ္က ေမာင့္အလုပ္က ေပးထားသည့္ အိမ္မဟုတ္။ ငွားေနေသာ အိမ္ ျဖစ္သည္။ ဒီစကားကို ေျပာဖို႕  အေတာ္ အားယူရတယ္ ဆိုေပမယ့္ ကၽြန္မ စိတ္ထဲေတာ့ အခိုင္အမာ ဆံုးျဖတ္ျပီးသား ျဖစ္ေနပါျပီ။ ကၽြန္မ ေမာင့္ကို ခ်က္ခ်င္း ေမ့ပစ္ဖို႕  ျဖစ္ႏိုင္ခ်င္မွ ျဖစ္ႏိုင္မွာ ေပမယ့္ မုန္းတီးျခင္းထက္ ပိုတဲ့ စိတ္နာက်ည္းမႈတို႕က ကၽြန္မ စိတ္ထဲ ျပည့္သိပ္ေနခဲ့ျပီပဲ။

“မဟုတ္တာကြာ၊ မျဖစ္ႏိုင္တာ၊ ေမာင္ ျငိမ္းကို ကြာရွင္းမေပးႏိုင္ဘူး၊ ေမာင့္ သားနဲ႕ သမီးရဲ႕ အေမပဲ၊ ေမာင့္ဇနီးပဲ၊ ကြာမေပးနိုင္ဘူး၊ ဒီအိမ္ကို မလာရဘူး ဆိုရင္ မလာပါဘူး၊ ကြာေတာ့ မေပးဘူး”

ေမာင့္ရည္ရြယ္ခ်က္က ဘာမွန္း ေသခ်ာ မသိေပမယ့္ သူ ကၽြန္မကို ဒုကၡေပးခ်င္သည္ဟု ကၽြန္မ စိတ္ထဲ အေတြးေပါက္သည္။ ကၽြန္မမွာ သူ႕ ဝဋ္ေၾကြး မကုန္ေသးသျဖင့္ စာခ်ဳပ္ျဖင့္ တုပ္ေႏွာင္ထားေသာ ဘဝက လြတ္ေျမာက္ခြင့္ မရေသးပါလား ဟု ေတြးမိသည္။

“ရွင့္ မ်က္ႏွာကို ေတာ့ ကၽြန္မ ေရွ႕မွာ ထပ္လာ မျပပါနဲ႕ေတာ့၊ ကြာရွင္းစာခ်ဳပ္မွာ လက္မွတ္ထိုးတဲ့ အခ်ိန္က်မွပဲ ေတြ႕ၾကေတာ့မယ္၊ ဦးေမာင္ေမာင္”

ေမာင္ကလည္း ကၽြန္မ ဆႏၵကို လက္ခံျပီး ႏွစ္ဦးသေဘာတူ ကြာရွင္းၾကမည္ဟု တရားရံုးကို သြားလိုက္ၾကေသးေသာ္လည္း ေမာင့္ မိဘေတြေရာ၊ ကၽြန္မ မိဘေတြေရာ ေရာက္လာၾကျပီး ငိုယို တားဆီးၾကသျဖင့္ ကြာရွင္းၾကဖို႕ကိစၥ ပ်က္သြားခဲ့ပါသည္။

ကေလးေတြ ေက်ာင္းပိတ္ရက္ႏွင့္ ၾကံဳသျဖင့္ ကၽြန္မတို႕ ဇာတိျမိဳ႕ေလးကို ျပန္ခဲ့သည္။ ကၽြန္မအေနႏွင့္ အျပီးေျပာင္းေနခ်င္ေသာ္လည္း ကေလးေတြ ေက်ာင္းက မျပီးေသးသျဖင့္ ေျမလတ္ျမိဳ႕ေလးမွာပင္ ျပန္ေနဖို႕ ဆံုးျဖတ္လိုက္သည္။ ေမာင့္ကို ရင္မဆိုင္ရဲသျဖင့္ ထြက္ေျပးရာက်သည္။ ေမာင္လည္း သူ႕ဘဝႏွင့္သူ ေပ်ာ္ေနခ်ိန္မွာ ကၽြန္မ လည္း ကၽြန္မ သားသမီးေတြႏွင့္ ေကာင္းေကာင္းမြန္မြန္ ေနႏိုင္ေၾကာင္း ျပသင့္သည္ မဟုတ္လား။ ကၽြန္မ ဇာတိျမိဳ႕ မွာ ကၽြန္မနာမည္ႏွင့္ ျခံေတြလည္း ရွိျပီးသားမို႕ ဒီမွာ ဘာမွ သိပ္မလုပ္လွ်င္ပင္ ကၽြန္မတို႕ သားအမိေတြ စားဝတ္ေနေရးက ပူစရာမလိုပါ။ ေမာင္ႏွင့္ ကၽြန္မ လံုးဝ ထပ္မေတြ႕ ျဖစ္ၾကပဲ အျပီး လမ္းခြဲခဲ့ၾကပါျပီ။ ၾကားလူက တစ္ဆင့္ ထပ္ေတာင္းဆို ခဲ့ေသးေသာ္လည္း ေမာင္က ကြာရွင္းစာခ်ဳပ္ကိုျဖင့္ လံုးဝ လက္မွတ္ ထိုးမေပးေတာ့ပါ။ ကၽြန္မလည္း ထပ္မေျပာေတာ့ပါ။ သားႏွင့္ သမီးက ပထမေတာ့ သူတို႕ အေဖကို စိတ္နာျပီး သြားမေတြ႕ၾကေပမယ့္ ေနာက္ေတာ့ ဘယ္လိုေတြ ေသြးေဆာင္တာ ခံလိုက္ရသည္မသိ၊ သူတို႕ အေဖ ေပးသည့္ မုန္႕ဖိုးေတြလည္း ယူသည္။ ကၽြန္မ မသိေအာင္ တစ္ခါတစ္ရံလည္း ေတြ႕ေနၾကသည္ကို သိေသာ္လည္း ကၽြန္မ မေျပာေတာ့ပါ။ ကၽြန္မ အတြက္ မပတ္သက္၍ ရေသာ္လည္း သူတို႕ က အေဖအရင္း ေတာ္ေနသျဖင့္ မပတ္သက္ပဲ ေနနိုင္မည္ မဟုတ္သည္ကို ကၽြန္မ နားလည္ေပး လိုက္ပါသည္။

ေမာင္ မရွိေသာ ဘဝမွာ ကၽြန္မ အသားက်ခဲ့ျပီ ဆိုေသာ္လည္း တစ္ခါတစ္ရံေတာ့ စိတ္က်ေရာဂါ ဟု ေျပာရမလား မသိသည့္ ေမွ်ာ္လင့္ခ်က္ ကင္းမဲ့သည့္ မေနေပ်ာ္ေသာ ခံစားခ်က္က ႏွိပ္စက္တတ္သည္။ သမီးက ကၽြန္မ အေဖာ္မြန္ေလး ျဖစ္ေသာ္လည္း၊ ကၽြန္မ စိတ္ကို ကၽြန္မ ဘယ္လိုပင္ ဆံုးမေသာ္လည္း အထီးက်န္သည့္ စိတ္အစဥ္က မေျပလည္ႏိုင္ေအာင္ ျဖစ္လာတတ္သည္။ ကၽြန္မ ဘဝကို အျမဲ ေမွာင္မိုက္ေနေတာ့မည့္ ညေတြလို ထင္မိကာ ညဘက္ေတြလည္း အိပ္ေပ်ာ္တစ္လွည့္ မေပ်ာ္တစ္လွည့္ပင္။ အိပ္ေပ်ာ္ခ်င္စိတ္ျဖင့္ အိပ္ေဆးေတြ ေသာက္မိျပန္ေတာ့ နည္းနည္း မ်ားသြားကာ ကၽြန္မကို ကိုယ့္ကိုယ္ကိုယ္ သတ္ေသသည္ ထင္ၾကျပန္သည္။ ေယာက်္ားတစ္ေယာက္အတြက္ ကၽြန္မ ဘဝကို မစေတးသင့္ေၾကာင္း အသိစိတ္က သတိေပးေသာ္လည္း အသိလြတ္သြားခိုက္မွာ လုပ္မိသည္လား မေျပာတတ္ပါ။ အဲဒီ တစ္ၾကိမ္သည္ ေနာက္ဆံုးပဲ ျဖစ္ေစဖို႕ စိတ္ဆံုးျဖတ္ျပီး ကၽြန္မ အိပ္ခန္းထဲမွာလည္း အိပ္ေဆးပုလင္း လံုးဝ မထားေတာ့ပါ။

*****

(၃)

ကို ႏွင့္ ကၽြန္မ

ကၽြန္မ ဘဝ၏ ညတာ အရွည္ဆံုး ညမ်ားထဲမွ သူ ဆြဲထုတ္ေပးခဲ့သည္ကို ကၽြန္မ ေက်းဇူးတင္မဆံုး ရွိခဲ့ပါသည္။ ေမွ်ာ္လင့္ခ်က္ ကင္းမဲ့ေသာ၊ ေမွာင္မိုက္၍ ဘယ္ေသာအခါမွ ေနေရာင္မျမင္ရေတာ့ဟု ထင္ခဲ့ေသာ ကၽြန္မေန႕ရက္မ်ားမွာ သူက ေတာက္ပေသာ ေနမင္းတစ္စင္း အေနႏွင့္ ဝင္လာခဲ့သျဖင့္ ကၽြန္မ မျငင္းႏိုင္ခဲ့ပါ။ ေနာက္ထပ္ ေယာက်္ားတစ္ေယာက္ကို ထပ္မခ်စ္ႏိုင္ေတာ့ ဟု ထင္ခဲ့ရာမွ သူႏွင့္ေတြ႕ေတာ့ ကၽြန္မ မွာ အခ်စ္ရွိေသးသည္ဟု ကၽြန္မကိုယ္ကၽြန္မ ထင္ျမင္လာေအာင္ သူက စြမ္းေဆာင္ႏိုင္သူ ျဖစ္ခဲ့သည္။

ကၽြန္မ အထီးက်န္စိတ္ေတြ မေျပလည္ႏိုင္ေသးေသာ္လည္း အမ်ားအျမင္မွာေတာ့ ကၽြန္မဘဝ တည္တည္ျငိမ္ျငိမ္ ျဖစ္စျပဳေနေသာ အခ်ိန္မွာ သူႏွင့္ စေတြ႕ ခဲ့သည္။ မေမွ်ာ္လင့္ပဲ တစ္ေနရာမွာ ဆံုခဲ့ျပီးေနာက္ သူက ကၽြန္မ ဖံုးနံပါတ္ ေတာင္းျပီး ေန႕တိုင္းလို ဖုန္းဆက္သည္။ ကၽြန္မ၏ အထီးက်န္ညေတြမွာ သူ႕ဖုန္းကို ေစာင့္ေမွ်ာ္ရျခင္းျဖင့္ အဓိပၸါယ္ရွိလာသည္။ ဘာအတြက္ အသက္ရွင္ေနရမွန္း မသိေအာင္ျဖစ္ေနသည့္ ကၽြန္မ ဘဝက သူႏွင့္ေတြ႕မွ သာယာေနေပ်ာ္ဖြယ္ ျဖစ္လာသည္။ သူ႕အေၾကာင္းကို ကၽြန္မ ေကာင္းေကာင္း မသိေသးေသာ္လည္း သူက စကားေျပာေကာင္းသူ ျဖစ္သျဖင့္ ခင္မင္မိသည္။ သူက ၾကင္နာစြာ အားေပးတတ္သူ ျဖစ္သျဖင့္ ကၽြန္မ ခံစားခ်က္ေတြကို ရင္ဖြင့္မိသည္။

သူႏွင့္ ကၽြန္မ သက္တူ ရြယ္တူ သိပ္မကြာလွသျဖင့္ သူငယ္ခ်င္းေကာင္းေတြလို စကားေျပာႏိုင္သည္။ သူ႕ မွာ မိန္းမ ရွိမရွိ  ဖြင့္မေမးမိေပမယ့္ ကၽြန္မကေတာ့ ကၽြန္မ အရင္လူႏွင့္ ပတ္သက္ေသာ ခံစားခ်က္မ်ားကို သူ႕ကို ပြင့္ပြင့္လင္းလင္း ဖြင့္ေျပာမိသည္။ ကၽြန္မမွာ ကေလးႏွစ္ေယာက္ ရွိတာလည္း သူသိသည္ပင္။ သူက ကၽြန္မ ဘဝ အေကာင္းအဆိုး ခံစားခ်က္မ်ား အားလံုးကို နားလည္ ေပးႏိုင္သူ၊ မွ်ေဝ ခံစားႏိုင္သူ ျဖစ္လာသည္။

သူကလည္း အားရင္ အားသလို ကၽြန္မဆီ တစ္ေန႕ သံုးခါေလာက္ ဖုန္းဆက္ရင္ ဆက္တတ္သူ ျဖစ္သည္။ ညဘက္လည္း ဆက္တတ္ေသာေၾကာင့္ သူ႕ကို လူလြတ္တစ္ေယာက္လို႕ေတာ့ သိထားသည္။ အျပင္မွာ တစ္ခါပဲ သူမ်ား မိတ္ဆက္ေပးလို႕ ေတြ႕ ဖူးခဲ့ေသာ္လည္း ဖုန္းထဲမွာ စကားေျပာျခင္းျဖင့္ ကၽြန္မတို႕ ႏွစ္ေယာက္က ေတာ္ေတာ္ေလး ရင္းႏွီးေနျပီ။ သူ႕ဖုန္းလာလွ်င္ သားတို႕ သမီးတို႕ မသိေအာင္လည္း လုပ္ရေသးသည္။ ကၽြန္မသည္ ႏွစ္ဆယ္ေက်ာ္ တစ္ေယာက္လို လတ္ဆတ္ေသာ ခံစားခ်က္ ရွိေနဆဲဆိုတာ ကိုယ့္ကိုယ္ကိုယ္ သိခဲ့ရသည္။

သူက မိန္းမေတြ ၾကိဳက္ေလာက္ေသာ ခပ္ေခ်ာေခ်ာ ေယာက်္ား မဟုတ္ပါ။ အရပ္လည္း သိပ္မရွည္၊ အသားကလည္း မည္းသည္ဟုေတာင္ ေျပာ၍ရေသာ အသား၊ ကိုယ္လံုးကိုယ္ထည္ကလည္း ခပ္ေျဖာင့္ေျဖာင့္ မဟုတ္ပဲ ခပ္ဖိုင့္ဖိုင့္ဟုေတာင္ ေျပာရမလို ပံုစံမ်ိဳးျဖစ္ပါသည္။ သို႕ေပမယ့္ သူက မိန္းမက်မ္း ေၾကပံုရသည္ ဟု ကၽြန္မ ေနာက္မွ ေတြးမိသည္။ သူ႕အေျပာမ်ားက ညက္သည္။ မိန္းမတစ္ေယာက္ကို အလြယ္တကူ ဆြဲေဆာင္ႏိုင္သည္။ သူနဲ႕ သိျပီး တစ္လအတြင္းမွာ သူ႕ ဆီက ခ်စ္သည္ ဆိုေသာ စကား ၾကားရေတာ့လည္း ကၽြန္မ မအံၾသမိခဲ့ေတာ့ပါ။ အလြယ္တကူ ယံုၾကည္ခ်င္မိသြားတာကလည္း သူ အေျပာေကာင္းေသာ အရည္အခ်င္း ေၾကာင့္ပင္ ျဖစ္လိမ့္မည္။

သူက ကၽြန္မကို ေတြ႕ခ်င္သည္ ဆိုျပီး မနက္ေစာေစာစီးစီး ကၽြန္မ အိမ္ေရွ႕ ေရာက္လာတတ္သည္။ သားႏွင့္ သမီးက မႏိုးေသးသျဖင့္ အိမ္ေရွ႕မွာ စကား တစ္ခြန္း ႏွစ္ခြန္းေျပာျပီး သူျပန္သြားတတ္သည္။ အဲဒီေနာက္ သူက အျပင္မွာ ေတြ႕ရေအာင္ ဆိုျပီး ခ်ိန္းလာျပန္သည္။ ကၽြန္မ တစ္ခါ ႏွစ္ခါ ျငင္းေသးေသာ္လည္း ေနာက္ေတာ့ သူ႕ကို အားနာသျဖင့္ သားတို႕ မသိေအာင္ မနက္ေစာေစာ အေၾကာင္းျပ ထြက္ကာ သူႏွင့္ ဘုရားသို႕ လိုက္သြားမိသည္။ ေနာက္ေတာ့ သူအတင္းေခၚသျဖင့္ သူ႕အိမ္ကို တစ္ခါ ႏွစ္ခါ လိုက္လည္မိသည္။ သူ႕အိမ္က သူ႕ ဝပ္ေရွာ့ရဲ႕ ေနာက္ဘက္မွာပင္ ျဖစ္ျပီး သူႏွင့္ သူ႕တပည့္တစ္ေယာက္ပဲ ေနသည္။ ကၽြန္မ စိတ္ထဲတြင္ သူ႕ မွာ မိန္းမ ရွိဖူးသလား၊ လူပ်ိဳၾကီးပဲလား ဆိုတာ ေသခ်ာေအာင္ ေမးၾကည့္ခ်င္ေသာ္လည္း ေမးမထြက္ခဲ့ပါ။

သူက ကၽြန္မကို ခ်စ္သည့္အေၾကာင္း တြင္တြင္ေျပာျပီး ေန႕တိုင္းလို အေျဖေတာင္းတတ္သည္။ ကၽြန္မဘက္ကေတာ့ သူ႕ကို သူငယ္ခ်င္းေကာင္း တစ္ေယာက္လို ခင္မင္မိတာ သက္သက္ပဲလား၊ သူ႕ ကို ခ်စ္မိျပီလား ဆိုတာ သိပ္ေတာ့ မေသခ်ာပါ။ သူ႕ကို ကၽြန္မ ေတာ္ေတာ္ၾကာသည္အထိ အေျဖ ျပန္မေပးခဲ့ေသးပါ။ ကၽြန္မ ဘဝက အခ်စ္သစ္ ရွာရေလာက္သည့္ ဘဝမ်ိဳးလည္း မဟုတ္ဘူး မဟုတ္လား။ ကၽြန္မ အေျခအေနကို ကၽြန္မ သိေသာ္လည္း ခဏခဏ အေျဖေတာင္းေသာ သူ႕ကို အားနာသည့္ျပင္ သူ႕ကို ကၽြန္မ ခ်စ္မိသည္ကို ကၽြန္မကိုယ္ကၽြန္ ထပ္မညာခ်င္သျဖင့္ သူ႕ကို ခ်စ္ေၾကာင္း ျပန္ေျဖလိုက္မိေတာ့သည္။ သူက ေခၚခိုင္းသျဖင့္ သူ႕ကို ကၽြန္မ “ကို” ဟု ေခၚသည္။

တစ္ညေနမွာေတာ့ သူ သိပ္မေနေကာင္းသျဖင့္ အျပင္မထြက္ႏိုင္ေသာေၾကာင့္ ကၽြန္မကို သူ႕အိမ္ ခဏ လာေတြ႕ပါလား ဟု ဖုန္းဆက္သျဖင့္ ကၽြန္မ သြားမိသည္။ ေနအပူဓာတ္ပင္ မေအးေသးေလာက္ေအာင္ ညေနက ေစာလွပါေသးသည္။ သို႕ေသာ္ သူ႕ဆိုင္က ေစာေစာစီးစီးပိတ္ျပီး သူ႕ တပည့္မ်ားက ျပန္သြားၾကေလျပီ။ သူ ေနမေကာင္းသျဖင့္ ဆိုင္ေစာေစာပိတ္သည္ဟုသာ ေတြးလိုက္ျပီး ဘာမွ ေထြေထြထူးထူး မစဥ္းစားမိပါ။ က႕ို ကိုေတြ႕ေတာ့ အဲဒီေလာက္ ေနမေကာင္းတာ မဟုတ္ပဲ ကၽြန္မကို ေတြ႕လိုသျဖင့္ ဥာဏ္ဆင္ျခင္းသာ ျဖစ္ေၾကာင္း သိလိုက္ရသည္။ ကၽြန္မတို႕  စကားထိုင္ေျပာၾကသည္။ ကၽြန္မကိုယ္တိုင္ ေကာ္ဖီ ထေဖ်ာ္ျပီး ႏွစ္ေယာက္သား ေသာက္ၾကသည္။ ေနာက္ေတာ့ ကိုက ကၽြန္မကို ခ်စ္သူလို ဖက္လား နမ္းလား လုပ္ခ်င္လာသည္။ အရင္ကေတာ့ ကၽြန္မတို႕ ႏွစ္ေယာက္ လူျမင္ကြင္းမွာသာ ေတြ႕ ၾကသည္ ျဖစ္ေသာေၾကာင့္ ထိုအျဖစ္အပ်က္မ်ိဳး မရွိခဲ့စဖူး။ ခ်စ္သူေတြလို ေပြ႕ဖက္ နမ္းရိႈက္သည္ကို ခ်စ္သူမို႕ သည္းခံၾကည့္၍ ရသည္ ဆိုေသာ္လည္း အဲဒီထက္ အဆင့္တက္ဖို႕ ကၽြန္မဘက္က မလိုလားပါ။ ကၽြန္မက ျပန္ေတာ့မည္ ျပင္ေသာအခါ ကိုက အိမ္ေရွ႕ တံခါးကို ထပိတ္လိုက္ျပီး ျပန္ခြင့္မေပးပါ။ အဲဒီေနာက္ေတာ့ ကၽြန္မ မလိုလားေသာ အေျခအေနမ်ိဳးကို မလြႊဲမေရွာင္သာပဲ ျဖစ္သြားရသည္။ ကၽြန္မက နဂိုကတည္းက ပိန္ပိန္ပါးပါး ေပ်ာ့ေပ်ာ့ႏြဲ႕ႏြဲ႕ ေလး ျဖစ္ရာ သူလို လူၾကမ္းတစ္ေယာက္ လက္ထဲက လြတ္ေအာင္ ေရွာင္ဖို႕ ဆိုတာကလည္း မျဖစ္ႏိုင္ခဲ့ပါ။ ခ်စ္ရသူမို႕  ရက္ရက္စက္စက္ နာက်င္ေအာင္လုပ္ျပီး မျငင္းဆန္ရက္တာလည္း ပါပါသည္။

ကၽြန္မကိုယ္ကၽြန္မ အရမ္းမွားခဲ့ျပီ ဆိုသည္ကို သိလိုက္ျပီးခ်ိန္မွာ ျပန္ျပင္လို႕ မရႏိုင္ေတာ့ပါ။ ငယ္ငယ္ရြယ္ရြယ္ ဆယ္ေက်ာ္သက္လည္း မဟုတ္ပါပဲ ေယာက်္ားတစ္ေယာက္ရဲ႕  မာယာေအာက္မွာ အမိခံလိုက္ရပါျပီ။ ကၽြန္မ ဘာေၾကာင့္ သူ႕အေပၚ စိတ္ယိုင္ခဲ့ရပါလိမ့္။ ကၽြန္မ အရမ္း အထီးက်န္ေနခဲ့သည္။ သားႏွင့္ သမီးက သူတို႕  အရြယ္ႏွင့္ သူတို႕ ၊ သူတို႕ အေပါင္းအသင္းႏွင့္ သူတို႕ မို႕  ကၽြန္မႏွင့္ သိပ္ ပူးပူးကပ္ကပ္ ရင္းရင္းႏွီးႏွီး မရွိ။ ကၽြန္မကို ဂရုစိုက္ ယုယမည့္ တစ္စံုတစ္ေယာက္ကို ကၽြန္မ လိုအပ္ေနသည့္အခ်ိန္တြင္ သူက တိုက္တိုက္ဆိုင္ဆိုင္ ေပၚလာခဲ့သည္။ အခုေတာ့ သားႏွင့္ သမီးကိုေရာ၊ အေမ့ကိုပါ ဖြင့္ေျပာရေတာ့မည့္ အေျခအေန ေရာက္ေလျပီ။ ကိုႏွင့္ ကၽြန္မ အဆံုးစြန္အထိ ျဖစ္ခဲ့ျပီးမွေတာ့ ကို ကၽြန္မကို လက္ထပ္ ရပါမည္။ ကၽြန္မသည္ ပတ္ဝန္းက်င္တြင္ ကိုယ့္ဂုဏ္သိကၡာႏွင့္ ကိုယ္ ေနသူျဖစ္သည္။ အမွားအယြင္း တစ္စံုတစ္ရာ ျဖစ္လာခဲ့ေသာ္ ကို ကၽြန္မႏွင့္အတူ ရွိေနရပါမည္။

ကိုကလည္း ကၽြန္မကို လက္ထပ္ပါမည္ ဟု ေျပာပါသည္။ သို႕ေသာ္ ကၽြန္မကို လက္မထပ္ခင္ သူ႕အေၾကာင္း ပြင့္ပြင့္လင္းလင္း ဖြင့္ေျပာျပမည္၊ ကၽြန္မကို လိမ္ညာ လက္မထပ္ပါ ဟု ဆိုခဲ့သည္။ သူက လူပ်ိဳၾကီး တစ္ေယာက္ မဟုတ္ပါ။ သူ႕မွာ မိန္းမ ရွိသည့္ျပင္ ကၽြန္မလိုပင္ အရြယ္ေရာက္ေနျပီျဖစ္ေသာ သားသမီး ႏွစ္ေယာက္ ရွိသည္။ သူ႕ အမ်ိဳးသမီးက တစ္ဖက္ကမ္းက ရြာတြင္ ေနသည္။ သူ႕အေျပာအရေတာ့ သူတို႕ ႏွစ္ေယာက္ ကြဲေနတာ၊ ခြဲခြာေနတာ ၾကာျပီဟုဆိုသည္။ သူက ကၽြန္မကို တကယ္ခ်စ္သျဖင့္၊ ကၽြန္မကို ပိုင္ဆိုင္ခ်င္သျဖင့္ စိတ္မထိန္းႏိုင္ပဲ ျဖစ္သြားရျခင္း ျဖစ္ေၾကာင္း၊ သူ႕ကို လက္ထပ္ဖို႕  ေတာင္းပန္သည္။ ယခုအေျခအေနမွာေတာ့ သူ႕ အေျခအေန ဘယ္လိုပဲ ျဖစ္ျဖစ္ ကၽြန္မကေတာ့ လက္ထပ္ရေတာ့မည္သာ ျဖစ္ပါသည္။ ဒီ အသက္အရြယ္ေတြမွာ ကၽြန္မကိုယ္တိုင္လည္း အပ်ိဳ မဟုတ္သည္ ့အေျခအေနမွာ သူ လူပ်ိဳ မဟုတ္သည္ကို အေၾကာင္းျပျပီး ျငင္း၍လည္း မရေတာ့ျပီ။ ကၽြန္မက အတၱၾကီးသည္ပဲ ဆိုဆို ပိုင္ရမွေတာ့ သူ႕ကို တစ္ေယာက္တည္း ပိုင္လိုသည္။ သူ႕ ပထမ မိန္းမကို ကြာရွင္းဖုိ႕ ေျပာေတာ့ သူက ကၽြန္မကို အရင္ ကြာရွင္းခိုင္းသည္။ ဟုတ္သည္။ ကၽြန္မက ကိုယ့္ဘဝကိုယ္ ခဏ ေမ့ေနခဲ့မိသည္။

တစ္ျမိဳ႕တစ္နယ္ရွိ သူ႕မိဘမ်ားကလည္း သူ ေနာက္အိမ္ေထာင္ျပဳမည္ကို သေဘာတူသည္ဟု သူက ဆိုပါသည္။ ကၽြန္မအေမကလည္း ကၽြန္မ အရင္လူကိုေမ့ျပီး ဘဝသစ္ စႏိုင္လွွ်င္ သူ ဝမ္းသာသည္ဟု ဆိုကာ သေဘာတူသည္။ သားႏွင့္ သမီးက သိပ္သေဘာမတူလိုေသာ္လည္း အၾကီးအက်ယ္ေတာ့ မကန္႕ကြက္ၾကပါ။ တစ္ခုပဲ ရွိပါသည္။ ကၽြန္မသည္ ယခုခ်ိန္အထိ အရင္လူႏွင့္ စာခ်ဳပ္စာတမ္းႏွင့္ မကြာရွင္းရေသးျခင္းပင္ ျဖစ္သည္။ ကၽြန္မ အရင္လူကို ဖုန္းဆက္ျပီး ကၽြန္မ ေနာက္အိမ္ေထာင္ထူလိုသည္မို႕  ကြာရွင္းစာခ်ဳပ္ လက္မွတ္ထိုးေပးဖို႕ ေတာင္းပန္ခဲ့သည္။ သို႕ေသာ္ ေမာင္က လက္မွတ္ေတာ့ ထိုးမေပးႏိုင္၊ ကၽြန္မ ေနာက္တစ္ေယာက္ႏွင့္ အတူေနလွ်င္လည္း သူ႕ဘက္ကေတာ့ ေႏွာက္ယွက္ဖို႕ မရွိပါ ဟု ဆိုသည္။

သို႕ေသာ္ ဥပေဒ အရေတာ့ ျမန္မာ အမ်ိဳးသမီးတစ္ေယာက္သည္ အိမ္ေထာင္ဖက္ႏွင့္ တရားဝင္ ကြာရွင္းထားျခင္း မရွိလွ်င္ ေနာက္ထပ္ တစ္ေယာက္ႏွင့္ လက္ထပ္ခြင့္ မရွိေၾကာင္း ကၽြန္မ သိခဲ့ရသည္။ အကယ္၍ ပထမ အမ်ိဳးသားက မေက်နပ္လွ်င္ ဒုတိယ အမ်ိဳးသားကို မယားခိုး စြပ္စြဲခြင့္ ရွိသည္ ဟူ၏။ ျမန္မာ အမ်ိဳးသမီးတစ္ေယာက္သည္ မိမိ အိမ္ေထာင္ဖက္က မယားငယ္၊ မယားျပိဳင္ ယူထားသည္ကို အေၾကာင္းျပျပီး ကြာရွင္းခြင့္ တင္၍ မရပါ။ ရိုက္ပုတ္ ႏွိပ္စက္တတ္ေသာ ေယာက်္ား ဆိုလွ်င္ေတာ့ ကြာရွင္းခြင့္ ေတာင္း၍ ရေကာင္းသည္။ တကယ္ေတာ့ ျမန္မာ ဗုဒၶဘာသာတို႕၏ ထိမ္းျမားလက္ထပ္ ဥပေဒသည္ တစ္လင္ တစ္မယား စနစ္ မဟုတ္ပါ။ ေယာက်္ားတစ္ေယာက္က မယားမ်ားစြာ ယူခြင့္ရွိသည္။ ကို႕ဘက္ကလည္း သူ႕ အမ်ိဳးသမီးကို တရားဝင္ မကြာရွင္းပဲႏွင့္ ကၽြန္မကို တရားဝင္ လက္ထပ္၍ ရပါသည္။ ကၽြန္မ ဘက္ကသာ မရျခင္း ျဖစ္ပါသည္။

တကယ္ေတာ့ ကို႕ သားေလးက သူႏွင့္ အတူေနပါသည္။ ကၽြန္မႏွင့္ ကိုေတြ႕ၾကေသာ အခ်ိန္မွာသာ ရန္ကုန္ရွိ အဘိုးအဘြားမ်ားထံ ေနျပီး တကၠသိုလ္ တက္ေနသျဖင့္ ကၽြန္မႏွင့္ မေတြ႕ ျဖစ္ခဲ့ျခင္း ျဖစ္သည္။ ကို႕ သမီးေလးကေတာ့ အေမႏွင့္ အတူေနေနပါသည္။ ကို႕ သားႏွင့္ သမီးကလည္း လိမၼာပါသည္။ ကၽြန္မအေပၚကိုလည္း ပံုမွန္ပင္ ဆက္ဆံပါသည္။

ကိုသည္ သူ႕ ပထမ အမ်ိဳးသမီးႏွင့္ တရားဝင္ ကြာရွင္းထားျခင္း မရွိသည့္ျပင္ အမွန္တကယ္ ကြဲေနျခင္းပင္ မဟုတ္ပဲ သူက အလုပ္လုပ္မည္ ဆိုကာ ဒီျမိဳ႕မွာ လာေနျခင္းသာ ျဖစ္သည္။ ကို႕ ပထမ အိမ္ေထာင္ဖက္သည္ ၈ တန္းပင္ မေအာင္ေသာ ရိုးသားေသာ ေတာသူတစ္ေယာက္ျဖစ္ကာ သူထားရာေန ေစရာသြားရသူ ျဖစ္သည္။ သူလွိမ့္တိုင္း ရသူပင္ ျဖစ္သည္။ တစ္လတစ္ခါ၊ ႏွစ္လ တစ္ခါေလာက္ေတာ့ သူျပန္သည္ဟု သိရသည္။ သူျပန္သည္ ဆိုေသာ္လည္း သူက ေထာက္ပံ့ရသည္ မဟုတ္ပါ။ ဟိုမွာက သူ႕ဘာသာသူ ရြာအေလ်ာက္ လယ္ေတြ ကိုင္းေတြႏွင့္ ေနႏိုင္ စားႏိုင္သူပင္ ျဖစ္သည္။ သူျပသျဖင့္ ထိုအမ်ိဳးသမီး ဓာတ္ပံုကို ကၽြန္မ ျမင္ဖူးသည္။ တကယ္ကို ရိုးရိုးတံုးတံုး ပံုျဖစ္သည္။ “ကိုယ္ ငယ္တုန္းက မွားမိတာေပါ့ကြာ၊ ကိုယ္က တံုးလြန္းတဲ့ မိန္းမေတြကိုလည္း မၾကိဳက္ဘူး၊ ထက္ထက္ျမက္ျမက္ ရွိမွ ၾကိဳက္တာ” ဟု သူက ဆိုသည္။ “ကၽြန္မက အဲေလာက္ မထက္ျမက္ပါဘူး၊ ဆယ္တန္းေတာင္ မေအာင္ခဲ့တာ” ဟု ကၽြန္မက ေျပာေတာ့ “ကိုယ္လည္း ဘြဲ႕မရခဲ့ပါဘူး၊ ဒီပလိုမာေလး တစ္ခုပဲ ရခဲ့တာ၊ ျပီးေတာ့ မင္းကို ခ်စ္တယ္ေလ ျငိမ္းရယ္၊ တကယ္ခ်စ္တာ၊ ခ်စ္လို႕ လည္း ရေအာင္ ယူခဲ့တာေပါ့” ဟု သူက ဆိုေတာ့ ကၽြန္မ ေက်နပ္ရျပန္သည္။

ကၽြန္မတို႕ ႏွစ္ေယာက္ အခ်င္းခ်င္းတာ့ သက္ဆိုင္သူေတြရယ္လို႕ သတ္မွတ္ထားၾကေသာ္လည္း တရားဝင္ေတာ့ အတူမေနႏိုင္ၾကေသးပါ။ တရားဥပေဒအရ ကၽြန္မသည္ အရင္အိမ္ေထာင္ႏွင့္ မကြာရွင္းရေသးေသာေၾကာင့္ ျဖစ္သည္။ ကၽြန္မတို႕ႏွစ္ေယာက္ သူ႕အိမ္မွာေတာ့ မၾကာခဏ ေတြ႕ေလ့ရွိပါသည္။ သူ႕ဘက္ ကၽြန္မဘက္ အခက္အခဲေတြ ရွိေသာ္လည္း ကၽြန္မတို႕ ေက်ာ္လႊားႏိုင္မည္ဟု ယံုၾကည္သည္။ သူ႕ စီးပြားေရးမွာ အရင္းအႏွီးလိုသည္ ဆို၍ ကၽြန္မ သူ႕ကို ေခ်းျဖစ္ခဲ့သည္မွာ သိန္း ၆၀ ေလာက္ေတာင္ ရွိေတာ့မည္။ ကၽြန္မတို႕ ႏွစ္ေယာက္က အရင္းႏွီးဆံုး လူသားေတြ ျဖစ္ေနသည့္အတြက္ ကၽြန္မ ဘာမွ တြက္မေနခဲ့ပါ။ သူ႕ ဝင္ေငြက သူ႕သားသမီးမ်ားကိုလည္း ေထာက္ပံ့ရေသးသည္ ျဖစ္ရာ ကၽြန္မကို မေပးႏိုင္လွ်င္လည္း ကၽြန္မ မတြက္ခ်က္ခဲ့ပါ။ ကၽြန္မတို႕ တစ္ေယာက္ႏွင့္ တစ္ေယာက္ အထီးက်န္ခ်ိန္ေတြ ေမ့ေပ်ာက္ျပီး အေဖာ္သဟဲ ျဖစ္ခဲ့ၾကသည္။ ကၽြန္မ ေနာက္ထပ္တစ္ၾကိမ္ သစၥာေဖာက္ ခံရဦးမည္ဟု မေတြးျဖစ္ခဲ့ပါ။

သူက ေကာင္မေလး တစ္ေယာက္နဲ႕ ဘယ္လို ေတြ႕သြားမွန္းမသိပဲ ရႈပ္ခ်င္သလို ျဖစ္ခဲ့သည္။ ကၽြန္မ စိတ္ဆိုးျပီး ဇာတိေျမကို ျပန္ေနသည္။ ကၽြန္မကလည္း လြန္ခဲ့ေသာ လအနည္းေလာက္က စျပီး ကၽြန္မ က်န္းမာေရးကလည္း သိပ္မေကာင္းသျဖင့္ သူႏွင့္ အတူမေနျဖစ္တာ မ်ားခဲ့သည္။  သူက အလိုရမၼက္ ၾကီးသူ တစ္ေယာက္ ျဖစ္ျပီး ကၽြန္မမွာက သူ႕လို စိတ္ဆႏၵမ်ိဳး မရွိသည္က မ်ားသည္။ ကၽြန္မ ဆႏၵမရွိပဲ သူလိုအပ္ခဲ့လွ်င္လည္း ကၽြန္မက ခြင့္မျပဳပဲ ရန္ျဖစ္ခဲ့သည္က မ်ားသည္။ ကၽြန္မ တစ္ျမိဳ႕တည္းမွာ မရွိသည့္အခါ သူက ေနာက္ထပ္ အသစ္ အသစ္တို႕  ရွာဖို႕ ၾကိဳးစားသည္ကို ကၽြန္မ ျပန္သိရသည္။ ေဒါသထြက္မိေသာ ကၽြန္မကိုယ္ ကၽြန္မပဲ ျပန္တရားခ်ရသည္။ သူ႕မွာ အဲသလို အက်င့္ ရွိခဲ့လို႕ပဲ တစ္ျမိဳ႕ တစ္ရြာက သူ႕ မိန္းမၾကီး ရွိလွ်က္ ကၽြန္မႏွင့္ ေတြ႕ခဲ့သည္ မဟုတ္လား။ ခုလည္း ကၽြန္မ ရွိလွ်က္ သူ ေနာက္တစ္ေယာက္ ေတြ႕ဖို႕ ၾကိဳးစားျပန္သည္။ ေယာက်္ားဆိုသည္က ေဖာက္ျပန္ေသာ အမ်ိဳးပဲ ဟု ကၽြန္မက ေကာက္ခ်က္ခ်ရေတာ့မည္လား။ ကၽြန္မ၏ ကံၾကမၼာကိုက သစၥာေဖာက္ ခံရဖို႕ ကံ ပါလာသည္လား။

ကၽြန္မ ေမြးရပ္ေျမက ျပန္လာျပီး သူႏွင့္ေတြ႕ေတာ့ သူက ပံုစံမပ်က္ အလုပ္အရမ္း ၾကိဳးစားသူၾကီးလို မအားမလပ္ ပံုဖမ္းေနသည္။ တကယ္ေတာ့ သူ ဒီျမိဳ႕က ေကာင္မေလး တစ္ေယာက္ႏွင့္  ဇာတ္လမ္း ျဖစ္ေနသည္ကို ကၽြန္မ သိျပီးျပီ။ သူ အဲေလာက္ အလုပ္မအားသည့္ၾကားမွ ၾကဴႏိုင္သည္ကို ကၽြန္မ အံၾသရသည္။ တစ္ေယာက္ႏွင့္ သူ အတူေနသည္အထိ ျဖစ္ခဲ့သည္ကို ကၽြန္မသိသည္။ ကၽြန္မသည္ သူ႕ မယားၾကီးလို တံုးတံုးအအ သူထားရာေနမည့္သူ မဟုတ္ပါ။ သူ႕ ဇာတ္လမ္းေတြကို ကၽြန္မ သိေၾကာင္းေတာ့ ျပရမည္သာ။ ကၽြန္မ သူ႕ကို ေမးၾကည့္ေတာ့ သူက ဝန္ခံသည္။ ပတ္သက္မႈေတာ့ ရွိသည္ ဘာမွေတာ့ မဟုတ္ေသးပါ ဆိုသည္။ ကၽြန္မ အရင္ ေယာက်္ား တုန္းကလည္း အစကေတာ့ ဒီလိုပဲ ေျပာခဲ့တာပဲ မဟုတ္လား။ “ကို အသစ္ရွာဖို႕ စိတ္ကူး ရွိရင္ ျငိမ္းကို လမ္းခြဲလိုက္ေတာ့” ဟု ကၽြန္မ ေျပာေတာ့ သူက ကၽြန္မကို လမ္းမခြဲႏိုင္ပါ၊ ေနာက္တစ္ခါမျဖစ္ေစရပါ ဟု ဆိုသျဖင့္ ကၽြန္မက ေစာင့္ၾကည့္ဦးမည္ ဟု ေျပာလိုက္သည္။

ကၽြန္မ ရွိေနတုန္း သူေျချငိမ္ေနသျဖင့္ ကၽြန္မလည္း သူႏွင့္ ေျပေျပလည္လည္ေနျပီး ေစာင့္ၾကည့္ေနတုန္းမွာပင္ သူက online ကေတြ႕ေသာ ေကာင္မေလးႏွင့္လည္း ဖုန္းဇာတ္လမ္း စေနတာကို သိလိုက္ရသည္။ ေနာက္ေတာ့ ထိုေကာင္မေလးက ခ်စ္သူ ရွိသည္ဟု ေျပာကာ အဆက္ျဖတ္သြားသည္ ဆို၏။ ကၽြန္မ ထိုေကာင္မေလးဆီ တစ္ခါ ဖုန္းဆက္ျဖစ္ခဲ့ေၾကာင္းေတာ့ သူ႕ကို မေျပာျဖစ္ေတာ့။

သူႏွင့္ ကၽြန္မ ေရွ႕ဆက္၍ မျဖစ္ႏိုင္ေတာ့ ဟု ကၽြန္မ ေတြးမိသည္။ သူက ေကာင္မေလး တစ္ေယာက္ႏွင့္ အဆက္ျဖတ္ျပီ ဆိုလွ်င္လည္း ေနာက္ထပ္ တစ္ေယာက္ ေတြ႕သည္ႏွင့္ အီစီကလီ လုပ္ဦးမည္ပဲ ျဖစ္သည္။ ကၽြန္မကေတာ့ သူႏွင့္ အတူေနဖို႕ကို ဘယ္လိုမွ စိတ္ကူးၾကည့္လို႕ မရေတာ့ပါ။ ကၽြန္မ အသက္လည္း ၾကီးလာျပီ။ သူ႕ ေဖာက္ျပန္ေရး ဇာတ္လမ္းေတြကိုလည္း လိုက္ ေဒါသထြက္ မေနခ်င္ေတာ့ပါ။ သို႕ေပမယ့္ ကၽြန္မ စိတ္က သိပ္ေတာ့ မျပတ္ခ်င္ေသးပါ။ ကၽြန္မ သူ႕ကို တကယ္ ခ်စ္ခဲ့သည္ပဲ။  ကၽြန္မကို အေမ့အိမ္မွာ ေပ်ာ္သေလာက္ေနျပီး ျပန္လာခဲ့ပါ၊ သူကေတာ့ ကၽြန္မႏွင့္ လမ္းမခြဲဟု ဆိုသည္။ “အဲဒီေကာင္မေလးေတြက အလကားပါကြာ၊ ကို ပ်င္းလို႕ အေပ်ာ္ရွာတာပါ၊ မင္းကိုပဲ ခ်စ္ခဲ့တာ သိရက္သားနဲ႕ ျငိမ္း ရယ္” ဟု သူက ေခ်ာ့သည္။ သို႕ေပမယ့္လည္း သူ႕ကို ကၽြန္မက မယံုၾကည္ထိုက္သူ ဟု သတ္မွတ္ျပီးျပီ။

အေမ့အိမ္မွာ တစ္လေလာက္ ေနျပီး သူ႕ကို စိတ္မခ်သျဖင့္ ကၽြန္မ ျပန္လာခဲ့ျပန္သည္။ သူ႕မွာ ေပၚတင္ ဇာတ္လမ္းတစ္ခုတစ္ေလ ေသခ်ာ ရွိေနလွ်င္လည္း ကၽြန္မကို လမ္းခြဲဖို႕ ေျပာမည္ ဆိုျပီး ျပန္ခဲ့ျခင္း ျဖစ္သည္။ သူက လမ္းခြဲစကားလည္း အေျပာမခံပဲ ကၽြန္မကို အတင္း ျပန္လႊတ္သည္။ သူ အလုပ္မ်ားေနသည့္ အခ်ိန္မို႕ ကၽြန္မကို ဂရုမစိုက္ႏိုင္သည့္အေၾကာင္း၊ ကၽြန္မ အေမက အသက္ၾကီးျပီ ျဖစ္သျဖင့္ ဂရုစိုက္သင့္သည့္ အေၾကာင္း စသည္ျဖင့္ အေၾကာင္းျပကာ ျပန္လႊတ္သျဖင့္ တစ္ရက္သာ ေနျပီး ျပန္သြားခဲ့ရသည္။ တကယ္ေတာ့ သူ႕မွာ ဖုန္းဆက္ရမည့္ ဇာတ္လမ္း အသစ္ တစ္ခု ရွိေနျပန္သည္ကို ကၽြန္မက မသိခဲ့ေသးပါ။ သူက ကၽြန္မကို လမ္းမခြဲခ်င္သည္ကလည္း အေၾကာင္းရွိသည္။ ကၽြန္မဆီက ယူထားေသာ သိန္း ဆယ္ဂဏန္း တို႕ကို သူျပန္ေပးႏိုင္ေသးသည္ မဟုတ္ေသာေၾကာင့္ ဆိုသည္ကို ကၽြန္မကလည္း သိသည္။ ကၽြန္မကလည္း သူ႕ကို အျပီး မျပတ္ေသးျခင္းမွာ ထိုေငြေၾကးတို႕ကိုပါ အဆံုးမခံလိုက္ႏိုင္ေသာေၾကာင့္လည္း တစ္ေၾကာင္း ျဖစ္သည္။

ဟိုအရင္ကေတာ့ သူက ကၽြန္မဆီ ဖုန္းေတြ ခဏတိုင္း ဆက္တတ္ခဲ့ေသာ္လည္း ခုေနာက္ပိုင္းမွာ ကၽြန္မတို႕ ႏွစ္ေယာက္ တစ္ေနရာစီ ရွိေနေသာအခါ ကၽြန္မကသာ စေခၚရတာ မ်ားပါသည္။ သူ ေခၚခ်င္လွ်င္လည္း ကၽြန္မကို miss call ေပးတာတို႕ ၊ ျပန္ေခၚပါ ဆိုတာတို႕သာ လုပ္တတ္သည္။ တစ္ညေတာ့ ကၽြန္မ သူ႕ကို စစ္ခ်င္သျဖင့္ ဖုန္းေခၚသည္ကို သူ လံုးဝ မကိုင္ပါ။ အသံပိတ္ျပီး သူ ေစာေစာစီးစီး အိပ္ေပ်ာ္ေနသည္လား ထင္လိုက္ေသးေသာ္လည္း မျဖစ္ႏိုင္ပါ။ ခဏၾကာေတာ့ သူ႕ဖုန္းက ဧရိယာျပင္ပပါ ျဖစ္သြားေသးသည္။ တကယ္ေတာ့ သူက ေကာင္မေလး တစ္ေယာက္ႏွင့္ ခရီးသြားေနသည္ကို ေနာက္မွ သိရသည္။ သူေျပာလို႕ေတာ့ မဟုတ္ပါ။ သူႏွင့္ စာရင္းရွင္းစရာ ရွိလွ်င္လည္း ရွင္းရေအာင္၊ သူ႕ဇာတ္လမ္းေတြကိုလည္း ကၽြန္မ ေသခ်ာေအာင္ သိခ်င္ေသးသျဖင့္ သူရွိရာျမိဳ႕ကို ကၽြန္မ ျပန္လာ ျဖစ္ခဲ့ျပန္သည္။

ကၽြန္မ ျပန္လာျပီးေနာက္ သူ႕ကို မသကၤာသျဖင့္ သူမရွိခိုက္ သူ႕ဖုန္းကို ဆက္ၾကည့္ရာ ေကာင္မေလး အသစ္ တစ္ေယာက္၏ message ကို ေတြ႕သည္။ သူ႕ကို ေမးၾကည့္ေတာ့ ကၽြန္မ ထင္ေနေသာ ကၽြန္မအသိ ဒီျမိဳ႕က မိန္းကေလး မဟုတ္ေၾကာင္း၊ တစ္ျခားျမိဳ႕က ဆရာမေလး တစ္ေယာက္ ျဖစ္ေၾကာင္း၊ ရိုးရိုးသားသား online မွာ သိေသာ သူငယ္ခ်င္းပါဟု ေျပာသည္။ ရိုးသားေသာ မိန္းကေလး ဆိုလွ်င္လည္း သူ႕အလိမ္အညာမွာ မမိေအာင္ သူ႕အေၾကာင္း ေျပာျပဖို႕ ကၽြန္မ ဆံုးျဖတ္ထားသည္။ သူ႕အခ်စ္ကို ဘယ္သူႏွင့္မွ ခြဲေဝမယူခ်င္ေသာ ကၽြန္မ သဝန္တိုမႈကိုေတာ့ ကၽြန္မကုိယ္ကၽြန္မလည္း မသိခ်င္ေယာင္ ေဆာင္ထားသည္။

*****

(၄)

သူမ ႏွင့္ ကၽြန္မ

သူမဆီ ကၽြန္မ ဖုန္းဆက္ျဖစ္ေတာ့ ႏွစ္ခါေလာက္ miss call ျဖစ္ျပီးမွ သူမက ကိုင္ပါသည္။ “အတန္းဝင္ေနလို႕ မၾကားတာ အစ္မ” ဟု သူမက ေျပာသည္။ သူမသည္ တကယ္ပင္ ကြန္ပ်ဴတာ သင္တန္းတစ္ခုမွ ဆရာမေလး တစ္ေယာက္ ျဖစ္ပါသည္။ သူမက ကၽြန္မတို႕ ထက္ ၈ ႏွစ္ေလာက္ ငယ္သူ ျဖစ္ပါသည္။ ပညာတတ္ကေလး ျဖစ္ရဲ႕ သားႏွင့္ ဘာေၾကာင့္မ်ား ကို႕ လို လူႏွင့္ ပတ္သက္ရပါသလဲ။ ကၽြန္မ သမီးေလးႏွင့္ ကိုယ္ခ်င္းစာမိ၍ သူမကို မမွားရေအာင္ ကၽြန္မ အေၾကာင္းေတြ ေျပာျပျပီး သတိေပးလိုျခင္း ျဖစ္သည္။

“အစ္မတို႕မွာ ကေလး မရွိဘူးလား” ဟု သူမက ေမးသျဖင့္ ကၽြန္မက ကၽြန္မႏွင့္ သူ အိမ္ေထာင္ ကိုယ္စီ၊ ကေလးကိုယ္စီ ရွိခဲ့ၾကေၾကာင္း ေျပာလိုက္ရသည္။ ကၽြန္မ အရင္ေယာက်္ားကလည္း ကၽြန္မကို ထား၍ ေနာက္အိမ္ေထာင္ ျပဳသြားခဲ့သည့္ အေၾကာင္း ေျပာေတာ့ သူမက အံၾသသြားပံုရသည္။ ကၽြန္မ အရင္ေယာက်္ား အတြက္ သံုးခါ အိပ္ေဆး ေသာက္ဖူးေၾကာင္း ေျပာေတာ့ “မေကာင္းတဲ့ ေယာက်္ား အတြက္မ်ား အစ္မရယ္ အဲသလို မလုပ္ပါနဲ႕၊ ကိုယ့္ဘဝကိုယ္ တစ္ေယာက္တည္း ေအးေအးေဆးေဆး ေနလိုက္စမ္းပါ၊ ကိုယ့္သားသမီးေတြလည္း ရွိသားပဲ” ဟု ဆိုသည္။ သူမသည္ ကၽြန္မထက္ သတၱိရွိမည့္ပံု ေပၚသည္။

“သူ နဲ႕ အစ္မ ျဖစ္သြားတာကလည္း မယူမျဖစ္တဲ့ အေျခအေန တစ္ခု ျဖစ္သြားလို႕ပါကြယ္၊ အစ္မက သူ႕ကို အားကိုးခ်င္လို႕လည္း မဟုတ္ဘူး၊ အစ္မ ပိုက္ဆံနဲ႕ ပိုက္ဆံ စားႏိုင္ေသာက္ႏိုင္ပါတယ္၊ သူ႕ကိုေတာင္ ေထာက္ပံ့ထားရေသးတယ္၊ အဲသလိုပဲ ျဖစ္သြားတာ၊ အခုလည္း ညီမ တစ္ေယာက္တည္း မဟုတ္ပါဘူး၊ တစ္ျခားေကာင္မေလးေတြလည္း ရွိခဲ့တာ၊  အစ္မသူ႕ကို စိတ္ကုန္သြားျပီ၊ သူ႕ကို လမ္းခြဲေတာ့မယ္လို႕ ေျပာခဲ့တယ္၊ သူ႕ကို ေပးထားတဲ့ အေၾကြးဆံုးမွာစိုးလို႕ အစ္မ ပိုက္ဆံေတာ့ ျပန္ေပးလို႕ ေျပာထားတယ္”

ကၽြန္မ စကားအဆံုးမွာ သူမက အေျခအေနတစ္ခုကို ပြင့္ပြင့္လင္းလင္း ဖြင့္ေျပာလာသည္။

“ခက္ကိုလည္း အဲဒီလူၾကီးက အဲသလို ၾကံခဲ့တယ္ အစ္မ၊ ဒါေပမယ့္ ဘာမွ မျဖစ္ခဲ့ဘူး၊ ခက္ ရေအာင္ ရံုးထြက္ခဲ့တယ္၊ အစ္မကို သိေစခ်င္လို႕ အမွန္အတိုင္း ဖြင့္ေျပာတာပါ၊ ခက္က အဲသေလာက္ေတာ့ လုပ္မယ္ မထင္လို႕ သူ႕ကားနဲ႕ လိုက္သြားမိတာ၊ ခက္ မွားသြားတာပါ၊ ခက္ ဘယ္လို ျဖစ္လို႕ လိုက္သြားမိမွန္း မသိဘူး”

သူမ စကားကို ၾကားေတာ့ ကၽြန္မပါ ဆြံအသြားသည္။ သူက online ရိုးရိုးသားသား သူငယ္ခ်င္းပါ၊ ဖုန္းေျပာရံုပါ လို႕ ကၽြန္မကို ေျပာခဲ့သည္ေလ။ ကၽြန္မ သူမကို အထင္မေသးပါ။ သူ႕ကိုသာ အထင္ေသးမိပါသည္။

သူမက တစ္ျခားျမိဳ႕မွာ အလုပ္လုပ္ေနေသာ္လည္း ပိတ္ရက္မွာ ဇာတိျမိဳ႕ကို ျပန္လာရင္း သူႏွင့္ ေတြ႕သြားျခင္း ျဖစ္သည္။

“ခက္က အစကေတာ့ သူ႕ကို တစ္ျခားျမိဳ႕ကလို႕ ထင္ေနတာ၊ ေနာက္မွ ဒီျမိဳ႕က ျဖစ္ေနတာ၊ စကားဆိုတာ ေျပာပါမ်ားေတာ့ အမွားပါတယ္ ဆိုတာ၊ ခက္ကေတာ့ အမွန္ေတြ ေျပာမိသြားတာ၊ ခက္ အိမ္ကိုပါ ေျပာလိုက္မိေတာ့ သူသိသြားတယ္ေလ၊ မနက္ေစာေစာ လမ္းေလွ်ာက္ရင္းနဲ႕ ခက္အိမ္ေရွ႕ ေရာက္တယ္၊ ခက္ ျပန္မယ္ ဆိုေတာ့ သူက အတင္း လိုက္ပို႕ မယ္ လုပ္တာနဲ႕ ခက္လည္း အားနာျပီး မျငင္းမိဘူး၊ အိမ္က မသိေအာင္ သူ႕ကားနဲ႕ ျပန္လာမိတာေလ”

“ခက္ေလ online မွာ အဲလိုပဲ စကားေျပာဖူးတဲ့သူေတြ ရွိေပမယ့္ တစ္ခါမွ အျပင္မွာ မေတြ႕ဖူးပါဘူး၊ အေၾကာင္းအမ်ိဳးမ်ိဳးျပျပီး ျငင္းခဲ့တာခ်ည္းပဲ၊ သူနဲ႕က်မွ ဘယ္လိုျဖစ္သြားမွန္း မသိဘူး၊ ၾကိဳက္ေလာက္စရာ ပံုလည္း မဟုတ္ပဲနဲ႕၊  သူက အေျပာေကာင္းေတာ့ အားနာျပီး ေတြ႕မိတာ၊ လူလြတ္ပဲ ေအာက္ေမ့တာေလ၊ သူက ညဘက္လည္း ဖုန္းဆက္တာကိုး”

“ညီမက လူလြတ္ ထင္မွာေပါ့၊ အစ္မတို႕က အတူမေနၾကဘူးေလ”

“ေၾသာ္..”

“ေယာက်္ားတစ္ေယာက္နဲ႕  ညဘက္မွာ ကားနဲ႕ လိုက္မိတာ ခက္ အျပစ္ပါ အစ္မရယ္၊ ခက္ စိတ္ထဲမွာေတာ့ ဒီလိုပဲ စကားေျပာရင္း သြားၾကမယ္၊ ဟိုေရာက္ရင္လည္း အတူတူ ဟိုေနရာ ဒီေနရာ ေလွ်ာက္သြားျပီး ခက္ အေဆာင္ျပန္မယ္၊ အဲလို ရိုးရိုးေတြးမိတာ၊ ခက္ ေတာ္ေတာ္ ကေလးဆန္တာပဲ၊ ဒါေပမယ့္ သူ႕ကိုလည္း ေက်းဇူးတင္ပါတယ္ေလ.. ခက္ကို နာက်င္ေအာင္ မလုပ္ခဲ့ဘူး၊ ခက္ကို ဒီတိုင္း ျပန္လႊတ္ေပးခဲ့လို႕ပါ။ သူ ႏွစ္ၾကိမ္ သံုးၾကိမ္ ၾကံတာ ခက္က နည္းအမ်ိဳးမ်ိဳးသံုးျပီး ျငင္းေတာ့ မရနိုင္ဘူးဆိုတာ သူသိျပီး ခက္ကို အျမန္လမ္းမေပၚမွာ ခ်ေပးခဲ့တယ္၊ Express ကား ျပန္စီးျပီး ခက္ျပန္လာခဲ့ရတယ္”

သူမ အသံက ငိုသံပါလာသည္။ ရိုးသားေသာ မိန္းမ တစ္ေယာက္အတြက္ လက္ထပ္ရန္ ရည္ရြယ္ထားသူ မဟုတ္ေသာ ေယာက်္ား တစ္ေယာက္၏ အဓမၼ ၾကံစည္မႈကို ခံရျခင္းသည္ ထိတ္လန္႕စရာ မဟုတ္လား..။ ေယာက်္ားဆိုတာ ယံုၾကည္မႈႏွင့္ ထိုက္တန္သူမ်ား မဟုတ္ေၾကာင္း သူမလည္း သိသြားျပီ ထင္သည္။

“ျဖစ္မွ ျဖစ္ရေလ ညီမရယ္၊ ကံသီလို႕ေပါ့ကြယ္၊ အစ္မတုန္းကလည္း သူ အဲဒီလိုပဲ လုပ္ခဲ့တာပဲ”

“ဟုတ္ပါတယ္ အစ္မရယ္ ခက္ေလ ျပန္ကို ေတြးမၾကည့္ခ်င္ဘူး၊ ဘာလို႕ စိတ္ရူးေပါက္ျပီး သူ႕ကားေပၚ လိုက္မိသလဲ မသိပါဘူး၊ သူ႕ကားေပၚမွာ ဘုရားစာေတြ ရြတ္ျပီး အဲဒီအေျခအေန လြတ္ေျမာက္ဖို႕ ဆုေတာင္းလိုက္ရတာ..၊ ခက္က အဲလို လုပ္ေနက် လူမ်ိဳးလည္း မဟုတ္ပါဘူး၊ ေတာ္ပါျပီ အစ္မရယ္၊ ေနာက္ဆို online ကေန မသိတဲ့ လူေတြနဲ႕  ဖုန္းလည္း မေျပာေတာ့ပါဘူး၊ ေတြ႕လည္း မေတြ႕ေတာ့ပါဘူး”

သူမ ေျပာသည္မ်ားကို နားေထာင္ရင္း ကၽြန္မ သမီးေလးသာ သူမလို မလြတ္မလပ္လူတစ္ေယာက္ ႏွင့္ ေတြ႕ခဲ့လွ်င္ ကၽြန္မ ဘယ္ေလာက္ ရင္က်ိဳးရမည္လဲ ဟု စိုးရိမ္စိတ္ဝင္မိသည္။ ကၽြန္မ သမီးေလးကိုလည္း internet သံုးလွ်င္ သတိထားဖို႕ ေျပာရဦးမည္။ သူကေတာ့ သမီးေလး တစ္ေယာက္ ရွိလွ်က္ႏွင့္ သမီးခ်င္း မစာနာသူ ျဖစ္သည္။ သူမ ေျပာသည္ကို ကၽြန္မ ယံုသည္။ သူမသည္ ကၽြန္မလို ပညာမတတ္သူမဟုတ္။ ဘြဲ႕ ႏွစ္ဘြဲ႕ ရထားသူ ျဖစ္လွွ်က္ႏွင့္ သူ႕ ေက်ာ့ကြင္းထဲ ဆင္းမိဖို႕ သီသီကေလးသာ လိုခဲ့ရသည္။ ဘာပဲျဖစ္ျဖစ္ သူမ သူ႕လက္ထဲမွာ မွည့္တစ္ေပါက္မွ မစြန္းထင္း ခဲ့ျခင္း အတြက္ ဝမ္းသာပါသည္။ သူမလို ရံုးမထြက္ႏိုင္သူ ျဖစ္ခဲ့လွ်င္၊ သို႕မဟုတ္ ရံုးမထြက္ခ်င္သူ ျဖစ္ခဲ့လွ်င္ သူ႕လက္ထဲမွာ အစြန္းအထင္း တစ္ခု အလြယ္တကူ ျဖစ္ႏိုင္မည္သာ ျဖစ္သည္။

ကၽြန္မ ျပတ္ျပတ္သားသား ဆံုးျဖတ္ရေတာ့မည္။ ဤကဲ့သို႕ အက်င့္ ရွိသူ တစ္ေယာက္ႏွင့္ ကၽြန္မ ဆက္လက္ ပတ္သက္ဖို႕ မသင့္ဘူးထင္သည္။ သူ႕ကိုလည္း ကၽြန္မ သူႏွင့္ လမ္းခြဲခ်င္သည့္ ကၽြန္မစိတ္ကို ေျပာျဖစ္ခဲ့သည္။ သူမကို ကၽြန္မ ဖုန္းဆက္ေတာ့ ကၽြန္မျမိဳ႕ကို ကၽြန္မ ျပန္ေရာက္ေနပါျပီ။ အေဖ ႏွင့္ အေမက အသက္ၾကီးျပီဖို႕  အိမ္က ျခံလုပ္ငန္းမ်ားကိုလည္း ကၽြန္မပဲ ဦးစီးျပီး လုပ္မယ့္သူ ရွိသည္။ ကၽြန္မ သားႏွင့္ သမီးကို ေစာင့္ေရွာက္ရဦးမည္။ ဘယ္ေယာက်္ားႏွင့္မွ ကၽြန္မ မပတ္သက္လိုေတာ့ပါ။ ဒုတိယအၾကိမ္ေျမာက္ ကံမေကာင္းျခင္း အတြက္ ကၽြန္မ မငိုတတ္ေတာ့ပါ။ ကၽြန္မ ေယာက်္ားေတြ အေၾကာင္းကို ပိုသိသြားသည္ဟုပင္ ေတြးလိုက္ရပါသည္။ ကၽြန္မ သူ႕ဆီ မျပန္ေတာ့ပါ။ ကၽြန္မ အေၾကြးေတြ ျပန္ဆပ္ဖို႕ အဆင္သင့္ျဖစ္လွ်င္၊ ကၽြန္မကို ကြာရွင္းေပးဖို႕ အဆင္သင့္ ျဖစ္လွ်င္ ကၽြန္မကို ဖုန္းဆက္ ေခၚဖို႕ သူ႕ကို ေျပာထားသည္။ သို႕ေပမယ့္ ကို႕ကို ကၽြန္မ ဘဝထဲက အျပီး ထုတ္ပစ္ႏိုင္ျပီလား ဆိုတာ သိပ္ေတာ့ မေသခ်ာေသးပါ။ ေမာင့္ကိုေတာ့ သားသမီးေတြ ေၾကာင့္သာ အေခၚအေျပာ ရွိသည္ ဆိုေသာ္လည္း သံေယာဇဥ္ကေတာ့ လံုးဝ ျပတ္ခဲ့ပါျပီ။ ကို႕ ကိုေတာ့…။ ေမာင့္ကို ကြာရွင္းျပီး ကို႕ကို လက္ထပ္ခြင့္ရဖို႕ ကၽြန္မ ဆက္ၾကိဳးစားသင့္ရဲ႕လား ကၽြန္မ မေတြးခ်င္ေတာ့ပါ။

သူမ အေၾကာင္း ကၽြန္မ ကို႕ကို ျပန္မေမးခဲ့ပါ။ သူမက ကၽြန္မကို ယံုၾကည္၍ ေျပာထားေသာ ကိစၥကို သူမ ဂုဏ္သိကၡာ က်ေအာင္ ကၽြန္မ မလုပ္ေတာ့ပါ။ သူမကို ကၽြန္မ ေနာက္ထပ္ ႏွစ္ခါ သံုးခါ ေလာက္ ဖုန္းဆက္ျဖစ္သည္။ miss call ျဖစ္သြားလွ်င္ သူမကလည္း ျပန္ဆက္တတ္သည္။ ကၽြန္မ အေၾကာင္းေတြ သူမကို ေျပာျပမိသည္။ သူမကို ကၽြန္မ ညီမ တစ္ေယာက္လို ခင္မင္မိသည္။ သူမ စကားမ်ားကို နားေထာင္ရသည္မွာ ရိုးသား ပြင့္လင္းေသာ မိန္းကေလး တစ္ေယာက္ ဆိုတာ သိသာသည္။ သူမက အိမ္ေထာင္ျပဳရန္ ရည္ရြယ္ခ်က္ မရွိေသးေသာ အပ်ိဳၾကီးေလး ျဖစ္သည္။ လူဆိုတာ တစ္ခါေတာ့ မွားတတ္ၾကတာပါပဲေလ။ အဲဒီအမွားထဲမွာ ဘဝ မပ်က္ခဲ့တာ ျမတ္စြာဘုရား ေစာင့္ေရွာက္ခဲ့ျခင္းလို႕ သာ ယံုလိုက္ပါေတာ့ ညီမေလးေရ..။

မယံုၾကည္ထိုက္ေသာ ေယာက်္ားမ်ားႏွင့္ ေတြ႕ဆံုခဲ့ရျခင္းသည္ ကၽြန္မ ဘဝ၏ အတိတ္ဝဋ္ေၾကြးသာ ျဖစ္ပါသည္။ အျဖစ္အပ်က္မ်ားသည္ ျဖစ္ခ်ိန္တန္၍ ျဖစ္ပ်က္ျခင္းသာ ျဖစ္သည္။ အရင္လူႏွင့္ေရာ၊ ေနာက္လူႏွင့္ေရာ ႏွစ္ဦးအတူ ေပ်ာ္ခဲ့ေသာ ရက္မ်ားလည္း ကၽြန္မဘဝတြင္ ရွိခဲ့ဖူးသည္ပဲ။ ယခုအခ်ိန္မွာေတာ့ ဘယ္သူ႕ အတြက္မွ ကၽြန္မ ပူေလာင္မေနသင့္ ေတာ့ျပီ။ ကၽြန္မ ဘဝကို ကၽြန္မဘာသာ တစ္ေယာက္တည္းပဲ ေပ်ာ္ေပ်ာ္ရႊင္ရႊင္ ရပ္တည္ႏိုင္ေအာင္ ၾကိဳးစားေတာ့မည္ဟု ဆံုးျဖတ္လိုက္ပါ ျပီ။

သိဂၤါေက်ာ္