အိန္ဒိယ ၃

ပြီးခဲ့တဲ့ စနေနေ့က တတိယ သွားခဲ့ နေရာ တစ်ခုကတော့ Rock Garden ဖြစ်ပါတယ်။ အိန္ဒိယ မှာ ထင်ရှားတဲ့ နေရာတစ်ခုပါ။ Nek Chand ဆိုသူက စတင်တည်ထောင်ခဲ့ပြီး ယခုအခါမှာ ယဉ်ကျေးမှုအမွေအနှစ် နေရာတစ်ခု ဖြစ်လာပါပြီ။ သဘာဝ ကျောက်တုံးတွေ အပြင် စွန့်ပစ်ပစ္စည်းတွေကို အသုံးပြုပြီး စိတ်ကူးဆန်းများနဲ့ တီထွင် ဖန်တီး ထားတဲ့ ဥယျာဉ် တစ်ခုပါ။ အချိန် ၄၅ မိနစ်ပေးတာတောင် မလောက်ပဲ ခပ်မြန်မြန်ပဲ ဓါတ်ပုံရိုက်ရင်း ပြန်ခဲ့ရပါတယ်။

 Rock Garden ပြီးတော့ နောက် တစ်နေရာက Sukhna Lake ဖြစ်ပါတယ်။ Sukhna ဟာ သဘာဝရေကန်တော့ မဟုတ်ပါဘူး။ ၁၉၅၈ ခုနှစ်မှာ စတင် ဆောက်လုပ်ခဲ့တဲ့ ဆည်တစ်ခုပါ။ ရာသီအလိုက် ပြောင်းရွှေ့ကျက်စားတဲ့ ကျေးငှက်တွေကို ဆွဲဆောင်ဖို့လည်း ရည်ရွယ်ခဲ့ပါတယ်။ တိတ်ဆိတ်ငြိမ်းချမ်းပြီး သဘာဝနေရာတစ်ခုလို ဖြစ်အောင် ဖန်တီးထားပါတယ်။ လှေလှော် ရွက်တိုက်၊ ရေလွှာလျှောစီး စတဲ့ အားကစားတွေ လုပ်နိုင်တဲ့ နေရာတစ်ခုလည်း ဖြစ်ပါတယ်။ အဲဒီမှာ မော်တော်ဘုတ်ငယ်လေးတွေလည်း ငှားပြီး စီးလို့ရပါတယ်။

Sukhna Lake ကို ရောက်တဲ့ အချိန်မှာပဲ မိုးတွေ တော်တော် ရွာလာတာကြောင့် ဓါတ်ပုံ နည်းနည်း ရိုက်ပြီး မိုးထဲမှာပဲ ကားဆီ ပြန်ပြေးလာရပါတယ်။ နောက်တစ်နေရာ ဖြစ်တဲ့ Rose Garden ကိုလည်း မသွားဖြစ်တော့ပဲ Hotel ကိုပဲ ပြန်လာခဲ့ကြပါတယ်။

သိင်္ဂါကျော်