အသက် ၄၀ ရှိပြီ ဖြစ်သည့် မိန်းမ တစ်ယောက် အကြောင်း

(၁)

အခန်းကျဉ်းကလေး။ သီချင်းတွေ ဝတ္တုတွေမှာ ရေးသလို မှောင်မည်း တိတ်ဆိတ်၍တော့ မနေပါ။ လေးပေ မီးချောင်း တစ်ချောင်းက အခန်းကျဉ်းလေးကို လင်းထိန်နေဖို့ လုံလောက်လေသည်။ ကားလမ်းမ ထက်မှ ၂၄နာရီ ကြားနေရသော ကားသံတွေကတော့ ဒီအခန်းလေးကို ဘယ်တော့မှ တိတ်ဆိတ်သော အခန်းလေး ဖြစ်ခွင့်မပေး။ အိပ်ချိန် မရောက်မချင်း ဖွင့်ထားတတ်သော တီဗွီဇာတ်ကားထဲမှ စကားပြောသံကတော့ ညနက်လျှင် သူများအခန်းများမှ ကြားမည်စိုး၍ တိုးထားတတ်သောကြောင့် သူမ ကိုယ်တိုင်ပင် သဲကွဲစွာ မကြားရတတ်။ ဘာကိုမှ မလုပ်ချင်၊ မစဉ်းစားချင်သည့် အခါမျိုးတွင် ထိုင်းစလောင်းမှ လာနေသည့် နိုင်ငံခြားကား တစ်ခုခု ဖွင့်ကာ ဇာတ်လမ်းကို သေချာ နားလည်သည် ဖြစ်စေ မလည်သည် ဖြစ်စေ၊ တစ်ပိုင်းတစ်စမှ စ၍ဖြစ်စေ ကြည့်နေမြဲ။

အခန်းကျဉ်းလေးထဲတွင် စားပွဲတစ်လုံး၊ တီဗွီတစ်လုံး၊ သစ်သားကုလားထိုင်ပေါ် တင်ထားသည့် တက္ကသိုလ် ပထမနှစ်ကတည်းက သုံးခဲ့သော သံသေတ္တာဟောင်းတစ်လုံး။ အဲဒီတုန်းကတည်းက အသစ်ဝယ်ခဲ့သည် မဟုတ်ပဲ အိမ်မှာ ရှိသည့် သံသေတ္တာကို ပြန်ပြင်ပေးခဲ့ခြင်း ဖြစ်ကြောင်း မှတ်မိနေသေးသည်။ တက္ကသိုလ် ပထမနှစ် တက်မည် ဆိုတော့ အသိ အန်တီတစ်ယောက် လက်ဆောင်ပေးခဲ့သည့် အလတ်စား မှန်ဝိုင်းကလေးလည်း ဒေါက်ကလေး နည်းနည်း ကျိုးနေပေမယ့် ခုချိန်ထိ သနပ်ခါးလိမ်းချိန်တွင် ကြည့်နေဆဲ။ သနပ်ခါးမှုန်တွေ ကပ်နေသည်ကိုတောင် တစ်နှစ်နေမှ တစ်ခါလောက်သာ မှန်တိုက်ဖို့ သတိရတတ်သူ။ အနှစ် ၂၀ အတွင်း မှန်အသစ်တစ်ချပ် မဝယ်ခဲ့သည့် မိန်းမ တစ်ယောက်က ခုချိန်မှာ နှုတ်ခမ်းနီကိုတော့ အဖြစ်ရှိအောင် ဆိုးတတ်နေပါပြီ။ အသက်ကြီး ရာထူးကြီးနေပြီ ဖြစ်သည့် မိန်းမ တစ်ယောက်က မျက်နှာပြောင်နှင့် မနေသင့်ကြောင်းကိုတော့ သူမ နားလည်သည်။

ယခုအချိန်ထက် ရာထူး လေးဆင့် နိမ့်စဉ် လွန်ခဲ့သော ၁၀ နှစ်ကျော်ကလည်း ဘေးချင်းကပ် ပုံစံတူ အဆောင်က ဒီလို အခန်းကျဉ်းလေးထဲမှာ သုံးနှစ်တာ နေခဲ့ဖူးသည်။ ခုလို ရာထူးနှင့် ပြန်ရောက်လာတော့လည်း ဒီလို အခန်းကျဉ်းလေးထဲမှာ မပြောင်းမလဲ နေရဆဲပင်။ ဒီအခန်းကျဉ်းလေးထဲ ပြန်ရောက်မှ မစဉ်းစားချင်ပဲ ထားထားသည့် ဘဝအခြေအနေကို ခဏ ခဏ စဉ်းစားမိ နေလေသည်။

ဘွဲ့ သုံးဆင့် ရခဲ့သည်။ ရာထူးတိုး ကံကောင်းသည်ဟု အများက ပြောကြသည်။ ဘဝက ပူပင်စရာ မရှိ ပြည့်စုံသည်ဟု အများက ထင်ကြသည်။ Facebook ပေါ်က ဓာတ်ပုံတွေထဲမှာ အမြဲတမ်း ပြုံးနေတတ်သည်။ ကျောင်းတုန်းကတည်းက ခုချိန်ထိပင် အများနည်းတူ အဖိုးတန်အဝတ်အစားတွေ များများစားစား မဝယ်နိုင် မဝတ်နိုင်၊ လက်ဝတ်ရတနာ မဝတ်နိုင်သူ ဖြစ်သော်လည်း ဘယ်သူကမှ သူမကို ကျပ်တည်းသော အိမ်က လာသည်ဟု မထင်ခဲ့ကြ။ သူမကလည်း လက်ဝတ်လက်စား ဝတ်ရမှာလည်း တကယ့်ကို ဝါသနာမပါသည်မို့  ဈေးသက်သာသော အဝတ်အစားလေးများနှင့်ပင် စတိုင်ကျအောင် ဝတ်တတ်သော သူမကို ဘယ်သူကမှလည်း ထူးထူးထွေထွေ အထင်လည်း မသေးခဲ့ကြပါပေ။ သူမက မျက်နှာသာ အလှမပြင်သော်လည်း အဝတ်ကိုတော့ မလိုက်မဖက် ကောက်ဝတ်တာမျိုး ဘယ်တော့မှ မလုပ်တတ်။ သူမ၏ သေတ္တာဟောင်းလေးထဲမှ ယူနီဖောင်း မဟုတ်သည့် အပြင် ဝတ်စုံ အများစုသည် ယခင်က သူမ အမေ ပေးထားသည်များနှင့် နောက်ပိုင်း သူမ တပည့်လေးများ၊ သူငယ်ချင်းများက မေတ္တာနှင့် ပေးထားသည့် လက်ဆောင်များသာ ဖြစ်ပြီး သူမက ချုပ်ခသာ စိုက်ခဲ့ရ၍ သေတ္တာတစ်လုံး ပြည့်နေခြင်းသာ။ သူမလို အနေအထားနှင့်က ပေါ်သမျှကို ဝယ်ဝတ်နိုင်သည့် အနေအထားမျိုး မဟုတ်ခဲ့။

(၂)

တစ်ခါတစ်ရံတော့ အတိတ်ကံ အကြောင်းကို တွေးမိတတ်သည်။ တစ်ချို့ မိန်းမတွေ မွေးလာကတည်းက ပြီးပြည့်စုံသော မိသားစုမှာ လူဖြစ်လာသည်။ မရှိဆိုသော စကားကို မကြားဖူးသော သူများ။ အိမ်ထောင်ရက်သား ကျတော့လည်း တန်းတူ ရည်တူ ကိုယ့်ကို လိုလေသေးမရှိ ထားနိုင်သူနှင့်သာ ဖူးစာဆုံကြသူများ ရှိသည်။ သူမက တက္ကစီခ နှမြောလို့ ဘတ်စ်ကားနှင့် သွားရမှာလည်း ပင်ပန်းလို့ အခန်းအောင်း နေတဲ့ အခါမျိုးမှာ ကားလှလှတွေနှင့် လာခေါ်နိုင်သည့် မိဘ၊ ချစ်သူ ရှိသူတွေကို ကြည့်ရင်းလည်း အတိတ်ကံ အကြောင်းကို တွေးမိသည်။ အဲသလိုမျိုးနှင့် သူမ ဘဝကို နှိုင်းယှဉ်ကြည့်တော့ မိုးပေါ်ကို အရမ်းကြီး မျှော်ကြည့်ရာ ရောက်သည်။ အဲဒီတော့လည်း သွားရင်း လာရင်း အောက် ငုံကြည့်မိတော့ လမ်းဂွဆုံတွေမှာ ကလေး တစ်ဖက်နှင့် တောင်းစားသူတွေ၊ ဆေးလိပ် ကွမ်းရာ ပန်းရောင်းသူတွေကို မြင်ရသည်။

မဟုတ်သေးဘူး။ သူမဟာ လောဘကြီးသူပဲ။ ကျေနပ်နှစ်သိမ့်နိုင်သူလို့ ကိုယ့်ကိုယ်ကို ပြောရင်း လျှောက်လက်စ လမ်းကို ဆက်လျှောက်နေပေမယ့်… တကယ်တော့ မဟုတ်ဘူး။ ရောင့်ရဲနိုင်လို့  မဟုတ်ဘူး။ ဒီအလုပ်ကို ဝါသနာပါပြီး သံယောဇဉ် ကြီးတာလည်း ရာခိုင်နှုန်း ခပ်နည်းနည်း။ တကယ်တော့ သတ္တိ မရှိတာရယ်၊ ပျင်းတာရယ်၊ မစွန့်စားရဲ တာရယ်…။ အဲဒါနဲ့ ပဲ သိသိရက်နဲ့ လမ်းသစ် ပြောင်းလျှောက်ဖို့ ဝန်လေး။ အချိန်မီ ပြောင်းလျှောက်သူတွေ၊ ဘယ်လို ကြိုးစားခဲ့ရလည်း သိနေသည်။ ဘယ်လို အောင်မြင်ကြီးပွား သွားလည်း သိနေသည်။ သူမကတော့ ကိုယ့်ကိုယ်ကို အဖြစ်မရှိဘူး လို့  ထင်နေဆဲ။ ကျောင်းတုန်းကလည်း သူမက ဘယ်တုန်းကမှ ထိပ်ဆုံးက မဟုတ်ခဲ့…။ အလယ်အလတ်မှာပဲ အမြဲ နေခဲ့သူ…။

ဖတ်ဖူးထားသည့် စကားတစ်ခွန်း ရှိသည်။ ဆင်းဆင်းရဲရဲ မွေးလာတာ ကိုယ့်အပြစ် မဟုတ်ပါဘူး။ ဆင်းဆင်းရဲရဲ သေသွားရရင်တော့ ကိုယ်အသုံးမကျလို့ပါပဲတဲ့။ အဲသလိုမျိုး အဓိပ္ပါယ် ဆန်ဆန်။ ဒါပေမယ့် သူမက ဘဝကို ရေဆန် ပြန်ကူးရမှာ ကြောက်နေပြန်သည်။ ရေစုန်မှာ မျောနေမိသည့် လမ်းက သက်သာတယ် မဟုတ်ပေမယ့်၊ ပင်ပန်းနေရင်တောင် လုပ်နေကျလေး မဟုတ်လား။ ရေဆန်လို အဆင်မသင့်လျှင် လက်ဗလာ ပြန်ဖြစ် မသွားနိုင်ဘူးလေ။

ဘာဖြစ်လို့ အဲသလောက်တောင် ငြီးငြူ နေတာလဲ။ အဲဒီ လခက တစ်ယောက်စာတော့ ကောင်းကောင်း လောက်ပါတယ် လို့ ။ မှန်တော့ မှန်သားပေါ့။ သူမမှာ ထောက်ပံ့ရမည့် သားသမီး မရှိပေမယ့် ထောက်ပံ့ရမယ့် မိဘ ရှိတာကို လူတွေက ဘာလို့မမြင်ပါလိမ့်။ ဒီအသက် အရွယ် ရောက်လာသည့် ပညာအများကြီး သင်ပေးထားပြီးတဲ့ တစ်ဦးတည်းသော သမီးက မထောက်ပံ့နိုင်လျှင် တစ်သက်လုံး အစိုးရဝန်ထမ်း လုပ်လာပြီး ပင်စင်ယူလိုက်သည့် မိဘများက ပင်စင်လစာနှင့် ထမင်ကြမ်းခဲ ယပ်ခတ်ပြီး စားနေရမှာတဲ့လား။ ပင်စင်လစာ ဆိုတာကလည်း သားဆိုး မြေးဆိုးတွေ မရှိတာတောင်မှ ထမင်းနှစ်နပ် ဝဝလင်လင် စားနိုင်သည့် ပမာဏမျိုးမှ မဟုတ်ပေပဲ။

အသက်ကြီးသွားသည့် မိဘတွေ ဆိုတာ ကလေးတွေလို ပြန်ဖြစ်သွားတတ်သေးတာ။ ကလေးတွေ ဆိုတာက ကိုယ့်မိဘ အခြေအနေ ဘယ်လိုလဲ မသိပဲ သူတို့ ပူဆာ ချင်တာကိုသာ  ပူဆာတတ်သူတွေ မဟုတ်လား။ မိဘတွေမှာ ကိုယ့်သားသမီးကို သူများ တန်းတူ မဝယ်မချမ်း ပေးနိုင်ရင် စိတ်ထဲ မကောင်းဖြစ်ရ။ ကိုယ့်မိဘတွေ သူတို့ လှူချင်သလောက် မလှူပေးနိုင်၊ သူတို့ သွားချင်တာ သူတို့ ဝယ်ချင်တာ စိတ်ရှိသလို လုပ်မပေးနိုင်တဲ့ သားသမီးတစ်ယောက် ရင်ထဲမှာလည်း အဲသလိုပဲ ရှိတတ်တာပါ။ ဘယ်သူ့ရဲ့  သားသမီးကတော့ ငွေ ဘယ်လောက် ပို့ နိုင်တယ် ဆိုတာမျိုး၊ ဘယ်သူတွေကတော့ သူ့ သားသမီး ရှိရာ နိုင်ငံရပ်ခြားမှာ အေးအေးလူလူ လိုက်သွားနေတယ် ဆိုတာမျိုး၊ ဘယ်သူတွေကတော့ ဗုဒ္ဓဂါယာ သွားကြတယ် ဆိုတာမျိုးတွေကို ဥပေက္ခာ ပြုထားရတာ လွယ်တယ် များ မှတ်လို့ …။ ဒီအချိန်ရောက်မှတော့ ဒီလမ်းကို လျှောက်ခိုင်းခဲ့တာ အမေတို့ ပဲ ရယ်လို့ လည်း ပြောမနေချင်တော့ပါဘူး။

(၃)

ဘယ်လောက်ပဲ စိတ်ဓာတ်ကြံ့ခိုင်တဲ့ မိန်းမပဲ ဖြစ်ဖြစ် ပျော့ညံချိန် တစ်ချိန်တော့ ရှိတတ်တာပဲ။ လူတိုင်း လိုလိုမှာပါပဲ…။  ပြီးပြည့်စုံတဲ့သူ ဆိုခဲ့ရင်တောင် အထီးကျန်ခြင်းက တစ်ထောင့် တစ်နေရာမှာ ရှိနေတတ်သည်။ အခွင့်အရေး ရတဲ့အခါ ပူးဝင်ဖို့ ပေါ့။

တစ်ယောက်တည်း နေတိုင်း အထီးကျန်နေတာ မဟုတ်ပါဘူး လို့  ကြွေးကြော်တတ်သူတွေထဲမှာ သူမက ထိပ်ဆုံးက ပါသူပါ။ တစ်ယောက်တည်း နေရခြင်းက ပျော်မွေ့စရာ ကောင်းတာလည်း ခံစားချက်တူသူတွေကြား ငြင်းစရာ မလိုတဲ့ အချက်ပဲ မဟုတ်ပါလား။ ဟင်းချက်ပျင်းရင် ရှိတာနဲ့ စား အခန်းအောင်းပြီး တီဗွီ ကြည့်နေချင် နေ၊ ကော်ဖီတစ်ခွက်၊ သီချင်းတစ်ခွေနဲ့  စာအုပ်ဖတ်နေချင်နေ၊ တစ်နေကုန် အပြင်ထွက်ပြီး Shopping ပတ်ချင်သလောက် ပတ်ပတ်။ တစ်ယောက်တည်း ပျော်မွေ့ တတ်သူတွေမှာ လုပ်စရာတွေ အပြည့်။

သို့ပေမယ့်လည်းပေါ့လေ ပြောခဲ့သလိုပဲ။ တစ်ခါတလေတော့ အထီးကျန်ခြင်းက ရှိမှန်းမသိအောင် ရှိနေတတ်တာပါ။ သူမတစ်သက် သူမကို ဂရုစိုက်မယ့်သူ၊ ချစ်မယ့်သူ (မိဘတွေကလွဲရင်) မရှိခဲ့စဖူး။ ငယ်ငယ်က လူ ၁၀၀ လောက် ရှိတဲ့ အတန်းထဲမှာ သူမကို မှတ်မိ သိရှိတဲ့ သူက ၁၀ ယောက်လောက်သာ ရှိခဲ့တာ။ ၅ ယောက်ကတော့ ခုချိန်ထိ သူငယ်ချင်းကောင်း ဖြစ်နေတာ တစ်ခုတော့ ကံကောင်းပါရဲ့။ ဒီလိုမျိုး ပတ်ဝန်းကျင်က ဂရုစိုက်မိဖွယ် မရှိတဲ့ မိန်းမတစ်ယောက်မှာ ချစ်သူ မရှိခဲ့တာ အံသြစရာတော့ မဟုတ်ပါ။

လူစိမ်းတွေနဲ့ အပြင်မှာ မြန်မြန် မရင်းနှီးလွယ်တဲ့ သူမက အင်တာနက်ပေါ်က ဘဝမှာတော့ လူစိမ်းတွေနဲ့ စကားစမြည်တွေ ဆိုဖူးပါရဲ့။ ဒါကလည်း တစ်ယောက်တည်း ပျော်မွေ့တတ်သူရဲ့ အတွင်းစိတ်ကို ချိုးဖောက်လိုက်ခြင်းပါပဲ။ ရိုးရိုးသားသား သူငယ်ချင်းတွေ ရှိခဲ့ဖူးသည်။ တတိယဘွဲ့ အတွက် စိတ်ကျဉ်းကျပ်ချိန်မှာ ထွက်ပေါက်ရှာခြင်းလည်း ဖြစ်ခဲ့သည်။  အဲဒီအချိန်က လူတွေက ခုခေတ်လို လွယ်လွယ် ကျူကြသူတွေ မဟုတ်ပါ။ သူမလိုပဲ သူငယ်ချင်းရှာလိုသူတွေလည်း ရှိခဲ့ဖူးသည်။

အဲဒီနောက်ပိုင်း ခေတ်မှာတော့ online ပေါ်တက်တိုင်း အပျော်ရှာချင်သူ အထင်နဲ့ ကျူတာတွေလည်း ခံရဖူးသည်။ သူမလည်း အိပ်မက်ဘဝတစ်ခု ထွက်ပေါက်ရှာချင်တဲ့ အခိုက်အတန့်တွေမှာ တစ်ယောက်စ နှစ်ယောက်စ ပြောဖူးပါသည်။ ပြောတဲ့သူတွေလည်း လွယ်လွယ်ပြော။ မေ့တဲ့အခါလည်း လွယ်လွယ်မေ့ကြ။ ပြင်ပဘဝကို အမှန်အတိုင်း မမြင်နိုင်တဲ့အခါ စစ်မှန်မှု ဆိုတာ ဘယ်အခါမှ မရှိတတ်တာ သဘာဝပါ။ နောက်တော့ ဟန်ဆောင် ပန်ဆောင်တွေ ပြောကြတဲ့ ဘဝကို သူမက ငြီးငွေ့ လွယ်လာသည်။

ပတ်ဝန်းကျင်က သူငယ်ချင်း ဆိုသူတွေကိုလည်း သူမက အရာရာတိုင်း ပြောမပြတတ်ခဲ့ဘူး။ အဲဒါကလည်း တစ်ခါတရံ ရင်ဖွင့်ဖော် လိုမိတဲ့ အကြောင်းများလား။ တကယ်ဆို အဲသလိုလည်း မဟုတ်ပြန်ဘူး။ တစ်ယောက်ယောက်ကို ချစ် ကြည့်ချင်ခဲ့တာ။ ခဏတာလောက်ပဲ။ တစ်ယောက်တည်း ပျော်မွေ့ တယ်ဆိုတာ တကယ် မဟုတ်ပဲ လူကြားကောင်းရုံ ပြောတာလား ကိုယ့်ကိုယ်ကို အထင်ရောက်မိ။

သူနဲ့ ဖုန်းပြောရခြင်းကို သာယာတတ်လာသည်။ သူ့ မတိုင်ခင်ကလည်း အဲသလိုပဲ တစ်ယောက်စ နှစ်ယောက်စ ပြောဖူးပါသည်။ အပျင်းပြေ၊ အားပါနားပါရယ်လို့ အကြောင်းပြချက်နဲ့။ အဲသလိုလေးနဲ့ပဲ မကြာမတင် ပြီးသွား။ အခုတော့ အဲသလိုလေး ပြီးသွားချင်ပြီ ဆိုတာ ခဏ ခဏ တွေးရင်း ခုထက်ထိ မပြီးနိုင်သေး။ သူ့ဘက်ကလည်း နောက်တစ်ယောက် မရှိသေး၊ သူမဘက်ကလည်း နောက်တစ်ယောက် မရှိသေးတော့ သူ့ ဘက်က ပြီးမသွားသေးသလို သူမ ဘက်ကလည်း ပြီးသွားဖို့ကို အားနာပါးနာ။ ချစ်သူရယ်လို့ တရားဝင် ကတိကဝတ်မျိုး မရှိခဲ့ပါဘူး လို့ သူမဘက်က ထင်သည်။ သူဟာ သူငယ်ချင်းကောင်းပါ။ (သူကတော့ အဲလိုပြောတိုင်း စိတ်ဆိုးတတ်သည်။) သူငယ်ချင်း အရင်းတွေကိုတောင် မငြီးငြူူဖူးတဲ့ စကားတွေ သူ့ကို ပြောဖူးသည်။ ရင်ဖွင့်ဖော် လိုအပ်ရုံ သက်သက်လား။ တကယ် ချစ်မိခဲ့သလား။ မသေချာပါဘူး။ ဘယ်လို ခံစားချက်နဲ့ပဲ ဖြစ်ဖြစ်..။ သူ့ဘက်ကလည်း မလာနိုင်ဘူး။ သူမဘက်ကလည်း မသွားနိုင်ဘူး။ တစ်ခါတစ်လေ ဝတ္တုဖတ်ပြီး မျက်ရည်ကျရသလို ကိုယ့်ဇာတ်လမ်းကိုယ် ဆင်ကြည့်မိရင်း သူမ မျက်ရည်ကျဖူးသည်။ ဒါပေမယ့် ပြီးသွားရင်လည်း ဘာမှ မဖြစ်ဘူးလို့  ယုံကြည်ချက်ကတော့ သူမမှာ ရှိနေဆဲ။ သူမထက် သာတဲ့ မိန်းမနဲ့ ထပ်တွေ့ခဲ့ ရင် သူပြောင်းလဲသွားနိုင်တယ် လို့ သံသယလည်း ရှိနေဆဲ။ သူမလည်း သူ့ ထက် သာပြီး သူမကို ချစ်လာတဲ့သူ နောက်တစ်ယောက် တွေ့ခဲ့ရင် ပြောင်းလဲ သွားမလား ကိုယ့်ကိုယ်ကိုလည်း သံသယ ရှိသည်။

သူမရဲ့ သူဟာ ရင်ဖွင့်ဖော် သူငယ်ချင်းကောင်း အဆင့်နဲ့တင် ကျေနပ်လိုက်ရသူ။ တစ်ခါတလေတော့လည်း ပတ်ဝန်းကျင် အလယ်မှာ ချစ်သူရယ်လို့ ရဲရဲဝံ့ဝံ့ လက်ဆွဲ ပြနိုင်တဲ့ သူ တစ်ယောက်ယောက်တော့ ရှိဖူးချင်သည်။ ယူဖြစ်သည် ဖြစ်စေ၊ မယူဖြစ်သည် ဖြစ်စေ။ မယူချင်တာကတော့ တကယ် အတည်ပါပဲ။ တစ်ယောက်တည်း ပျော်မွေ့ လိုစိတ်က တစ်စိတ်တစ်ပိုင်းပဲ ဖြစ်ဖြစ် ရှိကို ရှိနေသေးတာ။ သူမက ယူဖို့ စိတ်ကူး မရှိဘူး လို့ ပြောတိုင်း နင်က ငါ့ကို အပျော်ကြံတာလား လို့ သူအမြဲ ပြောတတ်သည်။ သူမကလည်း ဟုတ်တယ် လို့ အမြဲပဲ ပြော။ သူ့ မှာ ဒါကို စိတ်ဆိုးဖို့  အခြေအနေလည်း မရှိပြန်ဘူး။ ဒါနဲ့ပဲ ဖုန်းမင်းသမီး ဇာတ်လမ်းကလည်း မပြတ်ပါ။

(၄)

လူတိုင်း လူတိုင်း မှာ အိပ်မက် တွေ ရှိကြသည်။ သူမလည်း တစ်ခြားလူတွေလိုပဲ အိပ်မက်တွေ မက်ဖူးသည်။ အိပ်မက်လောကမှာ နေရင် ပြင်ပက အခြေအနေတွေကို မေ့ထားလို့ ရသည်။ ဘယ်တော့မှ အစစ်အမှန် မဖြစ်နိုင်မယ့် အိပ်မက်မျိုးတွေလည်း အများကြီး ရှိသည်။ သူမ ချစ်သော ယောကျ်ား တစ်ယောက်နဲ့ အေးချမ်းသော ဘဝမှာ နေထိုင်ခြင်း။ သံမဏိခဲလို မိန်းမမှာလည်း စိတ်ရူးပေါက်ချိန် အိပ်မက်တွေ ရှိသည်။ ကံကောင်းခြင်းများဖြင့် မိဘများကို ပြည့်စုံစွာ ထားနိုင်ခဲ့တယ် ဆိုသော သာမန် အိပ်မက်တွေလည်း ရှိသည်။ အိပ်မက်က နိုးလာရင်တော့ မပြောင်းလဲခြင်း ထဲမှာ ငြီးငွေ့ဖွယ် အသက်ရှင်ဆဲ ဖြစ်ကြောင်း သူမကိုယ် သူမ ပြန်လည် တွေ့ရှိရသည်။

ဘွဲ့သုံးဆင့် ရပြီး နှစ်ပေါင်း ၁၅ နှစ်ကျော်မှာ ကံကောင်းထောက်မစွာ အချိန်တန်လို့ တိုးခဲ့သော ရာထူးများနှင့် ရခဲ့သော လခ ဆိုတာက ခုခေတ်မှာ ပထမဘွဲ့ ရပြီးတာနဲ့  သိပ်မကြာခင် တန်းရနိုင်တဲ့ လခကိုမှ မမှီနိုင်ပါ။ အစိုးရဝန်ထမ်းနဲ့  အပြင်ဝန်ထမ်း ကြား ဝင်ငွေ ခြားနားမှု ဆိုတာ လူတကာ သိတဲ့ ကိစ္စ ဖြစ်ပါရဲ့ ။ စေတနာ၊ ဝါသနာ၊ အနစ်နာ ဆိုတာ ဗိုက်ပြည့်စေနိုင်တာ မဟုတ်ဘူး ဆိုတာ မသိလို့ မှ မဟုတ်လေပဲ။ ကိုယ်က ထောက်ပံ့ရတဲ့ မိဘ မဟုတ်ပဲ ကိုယ့်ကို ထောက်ပံ့နိုင်တဲ့ မိဘ နဲ့  ညီအစ်ကို မောင်နှမ ရှိသူတွေသာ အစိုးရဝန်ထမ်း လုပ်သင့်တယ် လို့  အလုပ်ထဲကို အသစ်ဝင်လာမယ့် သူလေးတွေကို ပြောပြချင်ပါသေးသည်။

သူမမှာ အိပ်မက်ကို လက်လှမ်း မမှီနိုင်တာကလွဲရင် ပြောပလောက်စရာ အများသိအောင် မရှိဘူး။ အရာရာက အဆင်ပြေပြေ ချောမွေ့ နေသလိုပဲ။ နှစ်ပေါင်းများစွာ ပုံမှန် ဖြစ်ခဲ့ပါရဲ့ ။ ငြီးငွေ့ ခြင်းက အမြစ်တွယ်လာတာ တစ်ခုပါပဲ။ ငြီးငွေ့ ခြင်းက အန္တရာယ် မရှိဘူး ဆိုပေမယ့် ဖယ်ရှားဖို့ မလွယ်ကူနိုင်ပါ။ တက်ကြွမှုတွေ၊ စိတ်အားထက်သန်မှုတွေကို ပါးလျှလာအောင် တိုက်စားနိုင်သည်။ မကြိုးစားကြည့်ချင်ဘူး။ အတိတ်ကံကိုပဲ ပုံချထားချင်သည်။

ပူညံ ပွစိ သူမ မိဘတွေလည်း အသက်ကြီးလာ၊ သူမကလည်း ပင်စင်ယူတဲ့အထိ အသက်ကြီးလာ။ အဲဒီလို အချိန်ထိ စစ်စစ်စီစီနဲ့  ကျပ်ကျပ်တည်းတည်း အသက်ရှင်သွားရရင် သူမ ကိုယ်တိုင်တောင် ရူးများ သွားလေမလား။ တိုင်ပင်ဖော် မရှိ။ အသက်ကြီးကြီး လူကြီး သုံးယောက်က စိတ်ရော လူရော ကျန်းမာရေး မကောင်းနိုင်တော့တဲ့ အချိန်မှာ သူမ တစ်ယောက်တည်း ဘယ်လို ဖြတ်သန်းမလဲ။ လူတကာ ဖြတ်သန်းရမယ့် အချိန်ဆိုပေမယ့် သူမက သတ္တိနည်းတဲ့ တစ်ကိုယ်ကောင်း သမား အတွေး တွေးမိတာလည်း ဖြစ်နိုင်သည်။ အသက်ကြီးလာမယ့် ဘဝဟာ လူတိုင်းအတွက် ပုံမှန်ပါပဲ။ သူမကတော့ မဖြတ်သန်းချင်တော့။ စောစောစီးစီး ထွက်ခွာသွားချင်သည်။

အဆင်ပြေပြေ ဘဝတစ်ခု ရှိနေတာနဲ့ပဲ ထွက်ပေါက် တစ်ခု မရှာချင်ရတော့ဘူးလား။ ဘဝ လွယ်လွယ် ပြတ်စေချင်တာ ဒိဌိအယူ တဲ့လား။ ဒီ ဘဝ ပြတ်သွားရင် နောက် ဘဝ လာမယ် ဆိုတာ သိပါရဲ့။ နောက်ဘဝ ရောက်တဲ့အခါ ရှေ့ ဘဝအကြောင်း မှတ်မိနိုင်မှာ မဟုတ်တော့ဘူးလေ။ ပိုပြီး ကံဆိုးချင်ဆိုးမယ်။ ဒုက္ခများချင်များမယ်။ အဲဒီအကြောင်းကိုတော့ ခုကတည်းက တွေးဖို့ မလိုဘူး ထင်ပါရဲ့ ။ ဘယ်သူမှ မသိနိုင်တဲ့ အရာပါ။ ဘာပဲဖြစ်ဖြစ် အသက်ကြိုးတစ်ချောင်း ပြတ်ဖို့ရာ ကိုယ်တိုင်ရဲ့ ပယောဂတော့ မပါစေလိုပါ။ နာကျင်မှာကိုလည်း ကြောက်သေးသည်။ တိုက်ပေါ်က ခုန်ချ၊ တံတားပေါ်က ခုန်ချ၊ ဘယ်လောက်များ မိုက်မဲလိုက်ကြတဲ့ လူတွေလဲ။ အိပ်ဆေးသောက်ပြီး မသေခဲ့ရင်၊ ကားရှေ့ ပြေးဝင်လို့ မသေခဲ့ရင် ဒုက္ခဟာ အတိုင်းအဆမရှိ ပိုကြီးလာဖို့သာ ရှိတာ မဟုတ်လား။ ဒါပေမယ့် ဘာမှ မခံစားရပဲ ထွက်ခွာသွားရမယ် ဆိုရင်ဖြင့် သူမလည်း ကြိုးစားကြည့်မိလေမလား မသိနိုင်ပါ။ ရှေ့ ပြပြမှာ ထွက်ပေါက် အလင်းရောင် တစ်ခုသာ ရှိနေတယ် ဆိုရင် ဘာဖြစ်လို့ မကြိုးစားရဲရမလဲ။

စိတ်ရူးပေါက်မိတဲ့ အိပ်မက်တွေထဲမှာ လွတ်မြောက် သွားချင်တာလည်း ပါသည်။ အိပ်မက်က နိုးလာတော့ အရာအားလုံးက အရင်အတိုင်း သတ္တိမရှိတဲ့ လမ်းကြောင်းဟောင်းထဲ။ အနာဂါတ်မရှိတဲ့ လူတစ်ယောက် နဲ့လည်း စကားစမြည် ပြောမိနေဆဲ။ တစ်ယောက်တည်း ဖြတ်သန်းဖို့ ကြောက်မိတဲ့ အချိန်ရှိပေမယ့် သူနဲ့လည်း လက်မတွဲနိုင်ဘူး။ အဲဒါက ပိုပြီး ကြောက်ဖို့ ကောင်းတဲ့ အပြောင်းအလဲ တစ်ခု ဖြစ်သွားနိုင်လို့ …။

သူမက ခုထက်ထိ မရင့်ကျက်နိုင်သေးဘူး။ အိပ်မက်တွေ ဂယောက်ဂယက် မက်တတ်တုန်းပဲ။ ဘာကိုမှလည်း အားသွန်ခွန်စိုက် မကြိုးစားရသေးပဲ ခြေကုန် လက်ပန်းတွေ ကျလို့ ။ ရူးသွပ်မှုနဲ့ အထီးကျန်မှုက ဘယ်သူမှ မသိနိုင်တဲ့ အတွင်းထောင့် တစ်နေရာမှာ…။

သိင်္ဂါကျော်

3.10.2017

11:10 PM

အရိုးစု သက္ေသ

Blog မွာ ဝတၱဳ မတင္ျဖစ္တာ အေတာ္ၾကီးကို ၾကာခဲ့ပါျပီ။ ဒီ စံုေထာက္ ဝတၱဳေလးကိုလည္း ၂၀၁၄ ေအာက္တိုဘာ မွာ စထားခဲ့တာပါ။
အၾကာၾကီး ပစ္ထားခဲ့ျပီး ၂၀၁၆ ေအာက္တိုဘာ မွပဲ အဆံုးသတ္ ျဖစ္ပါေတာ့ တယ္။ 

ဖုန္တက္ေနတဲ့ ဒီ blog ေလးမွာ တင္သမွ်ကို မပ်က္မကြက္ လာအားေပးၾကတဲ့ blog ခ်စ္သူမ်ားကိုလည္း   ေက်းဇူး တင္ပါတယ္။

*************************************************************************

(၁)

ေငြဆည္းဆာ ဟိုတယ္ လုပ္ငန္းစုသည္ လအေတာ္ၾကာ ဝယ္ယူႏိုင္ဖို႕ ၾကိဳးစားခဲ့ရေသာ ႏွစ္ထပ္ တိုက္ခံအိမ္ေဟာင္း တစ္လံုးပါဝင္သည့္ ေျမကြက္ကို ေနာက္ဆံုးမွာေတာ့ ဝယ္ယူႏိုင္ခဲ့ေလျပီ။ သူတို႕သည္ ဤေနရာတြင္ အပန္းေျဖ စခန္းႏွင့္ ဟိုတယ္ အသစ္ ေဆာက္လုပ္ရန္ လြန္ခဲ့ေသာ လမ်ားကပင္ စီစဥ္ခဲ့ျပီး ဝယ္ယူရန္ သတ္မွတ္ထားသည့္ ေျမကြက္ အားလံုးကိုလည္း ဝယ္ယူႏိုင္ခဲ့ျပီး ဤေျမကြက္ တစ္ခုသာ က်န္ေနခဲ့ျခင္းပင္။ ယခုေတာ့ ဤျခံကြက္ ပိုင္ရွင္၏ မ်ိဳးဆက္ မိသားစု ထံမွ ဝယ္ယူႏိုင္ခဲ့ျပီ ျဖစ္သျဖင့္ သူတို႕၏ ေဆာက္လုပ္ေရး လုပ္ငန္းမ်ားကို ခ်က္ခ်င္းပင္ စတင္ေတာ့မည္ ျဖစ္သည္။

တိုက္အိမ္သည္ လူမေနသည္မွာ ၾကာျပီ ျဖစ္သျဖင့္ ေဟာင္းႏြမ္းေနပံုေပါက္ေသာ္လည္း တိုက္၏ အုတ္နံရံထုမ်ားမွာ ေရွးလက္ရာ ျဖစ္ေသာေၾကာင့္ ခိုင္ခံလွသည္။ သူတို႕သည္ စီမံကိန္း ျဖစ္ေသာေၾကာင့္သာ ျဖိဳဖ်က္ရျခင္း ျဖစ္ျပီး လူေနရန္သာ ဆိုပါက ေဆးအသစ္ ျပန္သုတ္ရံုႏွင့္ ေကာင္းေကာင္း ေန၍ ရပါသည္။ သူတို႕သည္ တိုက္အေဟာင္းၾကီးကို ျဖိဳဖ်က္လိုက္ျပီးေနာက္မွ ျခံေနာက္ဘက္ရွိ ေရတြင္းေဟာင္းတစ္တြင္းကို ျမင္မိၾကျခင္း ျဖစ္သည္။ ေရတြင္းေပၚတြင္ သြပ္အေဟာင္းမ်ားကို ဖံုးထားျပီး လူေနစဥ္ကတည္းကပင္ ထိုေရတြင္းကို သံုးခဲ့ပံု မေပၚပါ။ သို႕ေသာ္ ေရတြင္းသည္ ေကာေနသည္ မဟုတ္ပဲ ေရမ်ားစြာ ထြက္ေနဆဲ ျဖစ္ေသာေၾကာင့္ ေဆာက္လုပ္ေရး ကာလအတြင္း ထိုေရတြင္းမွ ေရသံုးစြဲရန္ ဆံုးျဖတ္ၾကျပီးေနာက္ ေရတြင္းကို ဆယ္ခဲ့ၾကသည္။ မေမွ်ာ္လင့္ပဲ ထိုေရတြင္းထဲမွ လူအရိုးစု တစ္ခုကို ေတြ႕ ရွိခဲ့ၾကျခင္း ျဖစ္သည္။

အရိုးစု ေတြ႕ရာေနရာသို႕ မႈခင္းတပ္ဖြဲ႕ မွ စိမ္းဝတီ၊ ရဲစြမ္းႏိုင္ တို႕ ႏွင့္ အတူ မႈခင္းဆရာဝန္ ေဒါက္တာ ဇလပ္ျဖဴလည္း ပါလာသည္။ (ေဒါက္တာဇလပ္ျဖဴသည္ ခႏၶာေဗဒဆိုင္ရာ ပါရဂူဘြဲ႕ ရရွိထားသူတစ္ဦး ျဖစ္သည္။) ေရတြင္းထဲမွ အရိုးစုသည္ ေျမေပၚသို႕ ေရာက္ေနေလျပီ။ အသား အရိအရြဲ တို႕  တစ္စမွ မရွိေတာ့ ေသာ္လည္း အရိုးတို႕ကေတာ့ ေတာင့္တင္း ခိုင္မာေနလွ်က္ ရွိေသးသည္။ ဆယ္ယူသူတို႕သည္ နားလည္မႈ ရွိစြာျဖင့္ ဆယ္ယူထားေသာေၾကာင့္ အရိုးစုသည္ ပံုပ်က္ေနျပီ ျဖစ္ေသာ္လည္း ျပန္ဆက္ၾကည့္လိုက္ေသာအခါ ရုပ္လံုးေပၚလာသည္။ အတိုအစကေလးကအစ ေတာ္ေတာ္မ်ားမ်ား ဆယ္ယူရရွိျပီး ေဒါက္တာက ျပန္ဆက္ေပးထားသည္။ တာလပတ္စ တစ္ခုေပၚတြင္ အရိုးစုကို ပံုစံမပ်က္ တင္ထားသည္။ ေသသူ၏ အရပ္သည္ ၆ေပ နီးပါးမွ် ရွိသည္။

စိမ္းသည္ ခႏၶာေဗဒ ကၽြမ္းက်င္သူ တစ္ဦးမဟုတ္ေသာ္လည္း အေလာင္းေပါင္းမ်ားစြာကို ျမင္ဖူးခဲ့သူ အေနႏွင့္ ဤအရိုးစုသည္ ေယာက်္ားတစ္ေယာက္၏ အရိုးစုဟု ထင္သည္။ စိမ္းထင္သည့္ အတိုင္းပင္ ေဒါက္တာဇလပ္ျဖဴ ကလည္း လူရြယ္ အမ်ိဳးသားတစ္ေယာက္၏ အေလာင္းျဖစ္လိမ့္မည္ ထင္ေၾကာင္း ေျပာသည္။ သူမ၏ ခန္႕မွန္းခ်က္အရ ဤအရိုးစု ေသဆံုးခဲ့သည္မွာ  အနည္းဆံုး ၁၀ႏွစ္ေက်ာ္ ၾကာခဲ့ျပီ ဟု ဆို၏။ မူူလ ျခံပိုင္ရွင္မွာလည္း မရွိေတာ့သျဖင့္ စေတြ႕ ခဲ့ေသာ ေရတြင္းေဖာ္သည့္ အလုပ္သမားမ်ားကိုသာ အနည္းအပါး ေမးျမန္း၍ အရိုးစုကို သယ္ယူခဲ့ရသည္။

#####

စိမ္းဝတီ တို႕သည္ ဌာနသို႕ ျပန္ေရာက္ေသာအခါ ပထမဆံုး အေနႏွင့္ ထိုအရိုးစုသည္ မည္သူ မည္ဝါ ျဖစ္သည္ကို ေဖာ္ထုတ္ၾကရမည္ ျဖစ္သည္။ အရိုးစု၏ မ်က္ႏွာပိုင္းကို ဓါတ္ပံုရိုက္ယူ၍ ကြန္ပ်ဴတာျဖင့္ အသားမ်ားျဖည့္စြက္တာ မ်က္ႏွာတစ္ခုကို ရုပ္လံုးေပၚေစျပီးလွ်င္ တစ္ႏိုင္ငံလံုးရွိ အသက္ ၂၀ ေက်ာ္အရြယ္ အမ်ိဳးသားမ်ား၏ မ်က္ႏွာမ်ားျဖင့္ တိုက္ဆိုင္ စစ္ေဆးၾကည့္ရသည္။ ႏြယ္နီႏိုင္က နာရီ အေတာ္ၾကာဦးမည္ ျဖစ္ေသာ ထို တိုက္ဆိုင္ စစ္ေဆးမႈကို ေစာင့္ၾကည့္ေနခိုက္ စိမ္းဝတီသည္ ေဒါက္တာဇလပ္ျဖဴႏွင့္ အတူ အရိုးစု၏ ေသဆံုးေသာ အေၾကာင္းအရာကို သိရွိဖို႕ရန္ ေလ့လာလွ်က္ ရွိသည္။ ရဲစြမ္းႏိုင္ ကေတာ့ အရိုးစုကို ေတြ႕ ခဲ့သည့္ မူလ ျခံပိုင္ရွင္မ်ား အေၾကာင္းကို စံုစမ္းရွာေဖြရန္ ျပင္လွ်က္ရွိသည္။

ေဒါက္တာ ဇလပ္ျဖဴသည္ ေစ့စပ္ေသခ်ာသူ ျဖစ္သည့္အားေလ်ာ္စြာ မၾကာခင္ အခ်ိန္အတြင္းမွာပင္ အရိုးစုကို ေလ့လာရင္း သူမ ေတြ႕ရွိသမွ်ကို ေျပာျပသည္။

“ဦးေခါင္းခြံေနာက္ဘက္မွာ အက္ရာေလးတစ္ခု ေတြ႕တယ္၊ ေသသူကို ေနာက္ဘက္ကေန သစ္သားတုတ္လို မာတဲ့အရာနဲ႕ အရိုက္ခံခဲ့ရတဲ့ ပံုပဲ၊ ဒါေပမယ့္ အဲဒီ ဒဏ္ရာက ေသေလာက္တဲ့ အထိေတာ့ မဟုတ္ဘူး.. စိမ္းရဲ႕ ”

“အဲဒီေတာ့ ေသသူကို ေနာက္ကေန တစ္ခုခုနဲ႕ ရိုက္ျပီး ေမ့သြားတဲ့ အခ်ိန္မွာ ေရတြင္းထဲ ပစ္ခ်လိုက္တာ ေနမွာေပါ့”

“ေျခေထာက္မွာလည္း ဒဏ္ေတြ ရွိေနတယ္၊ ေျခဖဝါးတစ္ခုကလည္း ျပတ္ေနတယ္၊ ေရထဲပစ္ခ်တာ ဒီအတိုင္းမဟုတ္ဘူး၊ ေရေပၚျပန္ေပၚ မလာေအာင္ ေျခေထာက္မွာ ခဲဆြဲျပီး ခ်ထားတာ”

ေဒါက္တာ ဇလပ္ျဖဴက ေျပာသည္။

“အင္း…၊ ဘယ္သူကမ်ား လုပ္ပါလိမ့္ေနာ္”

“အဲဒီျခံရဲ႕ ေရတြင္းထဲမွာ ဆိုေတာ့ အဲဒီ ျခံရွင္ေတြပဲ တရားခံ ျဖစ္ဖို႕ မ်ားမွာေပါ့”

ဟု ေဒါက္တာ ဇလပ္ျဖဴက ေျပာသည္။

#####

(၂)

ရဲစြမ္းႏိုင္သည္ ေငြဆည္းဆာ ဟိုတယ္ ပိုင္ရွင္ကေျပာျပသျဖင့္ ျခံေရာင္းခဲ့သည့္ ပိုင္ရွင္မ်ားကို သိရွိခဲ့ျပီး လိုက္လံစံုစမ္းခဲ့သည္။ ထိုျခံ ပိုင္ရွင္မ်ားမွာ ဦးသာအိုး၊ ေဒၚခင္ခင္ တို႕ ျဖစ္ျပီး သားတစ္ေယာက္ သမီးတစ္ေယာက္ရွိသည္။ ခင္ ေဆးလိပ္ခံုသည္ ထိုေခတ္က နာမည္ၾကီး ေဆးလိပ္ခံု ျဖစ္သည္။ သားၾကီးက တစ္နယ္တစ္ေက်းတြင္ အိမ္ေထာင္က်ျပီးေနထိုင္ရာ သမီးငယ္ ခင္ခင္သာ တစ္ေယာက္သာ မိဘမ်ားႏွင့္အတူ ေနထိုင္ေလသည္။ ထိုေခတ္က ထိုအရပ္တြင္ သေဌးဟု ေခၚႏိုင္သူမ်ားမွာ သိပ္မရွိပါ။ ဦးသာအိုးတို႕ မိသားစုႏွင့္ ဦးအုပ္စိုးတို႕ မိသားစုတို႕ ေလာက္သာ ရွိသည္။ ဦးအုပ္စိုးသည္ ဇနီးသည္ ဆံုးျပီးေနာက္ ေနာက္ထပ္ အိမ္ေထာင္မျပဳပဲ သားႏွစ္ေယာက္ႏွင့္ အတူ ေနထိုင္သည္။ သားၾကီးသည္ မိဘမ်ား စပ္ဟပ္မႈျဖင့္ လူကံုထံ သမီးတစ္ေယာက္ႏွင့္ အိမ္ေထာင္က်ခဲ့ျပီး သားငယ္ကို ဦးသာအိုး၏ သမီး ခင္ခင္သာ ႏွင့္ ႏွစ္ဖက္မိဘက သေဘာတူထားၾကသည္။ ယခုအခ်ိန္တြင္ ႏွစ္မိသားစုလံုးမွာ ယခုအခါ ထိုအရပ္ရွိ အိမ္ယာမ်ားကို ေရာင္းခ်ကာ ျမိဳ႕ၾကီးတြင္ အေျခခ် ေနထိုင္ ေနၾကျပီ ျဖစ္သည္။ ျမိဳ႕ ေပၚတြင္ လူေတြက မ်ားလွသည္။ ဘယ္ေနရာတြင္ ေနထိုင္ျပီး ဘာအလုပ္လုပ္ကိုင္သည္ကို သိရန္ စံုစမ္းၾကရဦးမည္ ျဖစ္၍ ဌာနသို႕ ျပန္လာခဲ့ေတာ့သည္။

ရဲစြမ္းႏိုင္သည္ အိမ္ရွင္ မိသားစုမ်ား အေၾကာင္း စိမ္းဝတီႏွင့္ ႏြယ္နီႏိုင္တို႕ကို ေျပာျပေနစဥ္မွာပင္ ေဒါက္တာ ဇလပ္ျဖဴဆီမွ ဖုန္းဝင္လာသည္။ ေဒါက္တာ ဇလပ္ျဖဴသည္ အရိုးစုကို စစ္ေဆး ေနရင္းမွ ထူးျခားမႈ တစ္ခုကို ေတြ႕သျဖင့္ စိမ္းဝတီကို ဖုန္းဆက္လိုက္သည္။

“စိမ္းေရ ေသသူရဲ႕  ပခံုးရိုး ေအာက္ဘက္မွာ ဒဏ္နည္းနည္းေတြ႕တယ္၊ သိပ္မထင္ရွားလို႕ ေသခ်ာၾကည့္မွ ေတြ႕တာ”

“အဲဒါက ဘာသေဘာလဲ”

“ဘာေၾကာင့္လဲ ဆိုတာ ကိုယ္ စဥ္းစားေနတာ၊ ဘယ္လိုပံုစံမ်ိဳး ျဖစ္တာလဲ ဆိုတာ ၾကည့္ေနတာ”

ေျပာရင္းႏွင့္ပင္ ေဒါက္တာ ဇလပ္ျဖဴက မွန္ဘီလူးျဖင့္ သူမ ေျပာေသာ ေနရာကို ေသခ်ာ ၾကည့္ေနျပန္သည္။

“အေလးအပင္ မ ရင္းနဲ႕  ခါးမ်က္သြားတာတို႕ ဘာတို႕ မွာ တစ္ခါတစ္ေလ အရိုးအက္တဲ့အထိ ျဖစ္တတ္တယ္၊ အဲသလို ပံုစံမ်ိဳး၊ ဒါေပမယ့္ ဒီေနရာက အေလးအပင္ ဆြဲလို႕ ျဖစ္တာ၊ အေလးတံုး မ လို႕ ျဖစ္တဲ့ ေနရာနဲ႕ မတူဘူး”

စိမ္းက သူမ ျပေသာ ေနရာကို ၾကည့္ရင္း

“ပခံုးေပၚမွာ ထမ္းရင္ေရာ ”

“ဘာ..”

“ပခံုးေပၚမွာ အေလးအပင္ ထမ္းတဲ့လူေတြေလ၊ ကုန္ထမ္းတဲ့ အလုပ္သမားေတြ ျမင္ဘူးတယ္ မဟုတ္လား၊ ဇလပ္ရဲ႕  အဲသလိုေရာ..”

“ဟုတ္တယ္၊ အဲဒါပဲ ကုန္ထမ္းတဲ့လူ၊ ဆန္အိတ္တို႕ ပဲအိတ္တို႕  ထမ္းတဲ့ အလုပ္သမား ျဖစ္ႏိုင္တယ္”

“အဲဒီ အိမ္က ပြဲရံု ဖြင့္ခဲ့တာေလ၊ ေရတြင္းရွိတဲ့ ျခံက မိသားစုေတြက၊ သူတို႕ အလုပ္သမားေဟာင္းေတြထဲက ဘယ္သူ ေပ်ာက္ခဲ့သလဲ ဆိုတာ စံုစမ္းရမယ္”

#####

ႏြယ္နီႏိုင္က ဦးသာအိုး၊ ေဒၚခင္ခင္ ႏွင့္ ခင္ခင္သာ တို႕ အေၾကာင္း အခ်က္အလက္ သိမ္းဆည္းထားရာ မွတ္တမ္း (Database) ထဲတြင္ ရွာေနစဥ္ ရဲစြမ္းႏိုင္ႏွင့္ စိမ္းဝတီတို႕က အခင္း ျဖစ္ပြားရာ ေနရာသို႕ ျပန္လာခဲ့ၾကသည္။ ထိုအရပ္ရွိ ပြဲရံုမ်ား အေၾကာင္းႏွင့္ ပြဲရံုတြင္ အလုပ္လုပ္ခဲ့သူမ်ား အေၾကာင္းကို ေနရာ အႏွံ လိုက္စံုစမ္းၾကသည္။ အလုပ္သမား အမ်ားအျပား ရွိေသာ ပြဲရံု ဆို၍ ဦးအုပ္စိုးႏွင့္ သားႏွစ္ေယာက္ ပိုင္ဆိုင္ေသာ စိုးမိသားစု ပြဲရံုသာ ရွိခဲ့သည္။

ေန႕တစ္ဝက္ ကုန္ျပီးေနာက္ စိုးမိသားစု ပြဲရံုမွ ထြက္သြားေသာ အလုပ္သမားတစ္ေယာက္ အေၾကာင္း သိရွိခဲ့ရသည္။ ထိုသူမွ လြဲ၍ ေပ်ာက္ေနသည္ ဆိုသူ ဘယ္သူမွ မရွိပါ။ ယခုတိုင္ေအာင္ အားလံုး အသက္ရွင္လွ်က္ ရွိၾကသည္။ ထိုသူ႕ နာမည္က ေအာင္ျမ ျဖစ္သည္။ ပြဲရံု အလုပ္သမား လုပ္ေနေသာ္လည္း အတန္းပညာ ၁၀ တန္းအထိ တက္ဖူးသူ ျဖစ္သည္။ ဦးအုပ္စိုး၏ ကြယ္လြန္သူ ဇနီး ဘက္မွ တူတစ္ေယာက္ ျဖစ္သည္။ မိဘမ်ား ဆံုးပါးသြားျပီးေနာက္ ဦးအုပ္စိုးတို႕ အိမ္သို႕ ေရာက္လာခဲ့သည္။ ဦးအုပ္စိုး၏ ဇနီး ေဒၚျမင့္ျမင့္ ကြယ္လြန္ျပီးေနာက္ ေမာင္ေအာင္ျမကို ေက်ာင္းဆက္မထားေတာ့ပဲ ပြဲရံုတြင္ အလုပ္သမားအျဖစ္ လုပ္ကိုင္ေစခဲ့ျခင္း ျဖစ္သည္။

ေသသူသည္ ဦးသာအိုးတို႕ ျခံထဲရွိ ေရတြင္းထဲတြင္ ေရာက္ေနေသာ္လည္း ဦးသာအိုးတို႕ အလုပ္သမား မဟုတ္ပဲ ဦးအုပ္စိုးတို႕ ပြဲရံုမွ အလုပ္သမား ျဖစ္ေနသည္။ စိမ္းဝတီ တို႕ အေနႏွင့္ မိသားစု ႏွစ္ခုစလံုးကို ရွာေဖြ၍ ေမးျမန္းရန္ လိုအပ္ေနျပီ ျဖစ္သည္။

#####

(၃)

ဦးသာအိုးတို႕ မိသားစု အေၾကာင္း မေတြ႕ရွိေသးေသာ္လည္း ႏြယ္နီႏိုင္၏ ၾကိဳးစားရွာေဖြမႈျဖင့္ ဦးအုပ္စိုးတို႕ႏွင့္ ပတ္သက္၍ သိလာရသည္။ စိုးထေရးဒင္း ကုမၸဏီ ၏ ဖုန္းနံပါတ္ကို သိျပီးေနာက္ ဦးစိုးျမင့္ဦးႏွင့္ ေတြ႕ ရန္ ခ်ိန္းဆိုကာ စိမ္းဝတီႏွင့္ ရဲစြမ္းႏိုင္ တို႕ ႏွစ္ေယာက္က သြားေတြ႕ လိုက္ၾကသည္။ ႏြယ္နီႏိုင္ကေတာ့ ေသဆံုးသူသည္ ကိုေအာင္ျမ ဆိုသူ ျဖစ္ေၾကာင္း အတည္ျပဳႏိုင္ရန္ ၾကိဳးစားေနသည္။

စိမ္းဝတီတို႕ သြားေတာ့ ဦးစိုးျမင့္ဦးကို အဆင္သင့္ ေတြ႕ရသည္။

“ဒီလိုပါ ဦးစိုးျမင့္ဦးတို႕ မိသားစု အရင္တုန္းက လုပ္ခဲ့တဲ့ ပြဲရံု က ကိုေအာင္ျမ ဆိုတဲ့ အလုပ္သမား တစ္ေယာက္ အေၾကာင္း သိခ်င္လို႕ပါ” ဟု ရဲစြမ္းႏိူင္က ေမးေတာ့

“ေအာင္ျမ… ေအာင္ျမ ဆိုတာ ဘယ္သူလဲ မသိဘူး၊ အလုပ္သမားေတြက အမ်ားၾကီး ဝင္လိုက္ ထြက္လိုက္နဲ႕  က်ဴပ္တို႕  မသိပါဘူး”

ဟု ဆိုသည္။ သူ႕ မ်က္ႏွာကို ၾကည့္၍ သူ လိမ္ေနသည္ကို စိမ္း သိပါသည္။

“ဟုတ္ရဲ႕လား၊ စဥ္းစားၾကည့္ပါဦး ကိုေအာင္ျမ ဆိုတာ ဦးစိုးျမင့္ဦး အေမ ေဒၚျမင့္ျမင့္ရဲ႕ တူေလ ခင္ဗ်ားတို႕ အိမ္မွာေတာင္ အတူ ေနခဲ့တာ မဟုတ္လား”

စိမ္းဝတီက ထပ္ေမးေတာ့ စိုးျမင့္ဦး မ်က္ႏွာ ပ်က္သြားသည္။ ဘူးခံ ျငင္းေန၍ မျဖစ္ေၾကာင္း သိသြားပံုရသည္။

“ေၾသာ.. အဲဒီ ေအာင္ျမလား သူက အိမ္က ထြက္သြားတာ ၾကာျပီ၊ ပြဲရံုကလည္း ထြက္သြားတယ္၊ ဘယ္ေရာက္ေနလဲ က်ဴပ္တို႕ မသိဘူး၊ အဆက္အသြယ္လည္း မရွိပါဘူး”

“ဦးသာအိုးကို ေတာ့ သိတယ္ မဟုတ္လား၊ သူတို႕ ျခံထဲက ေရတြင္းေဟာင္းထဲမွာ အရိုးစု တစ္ခု ေတြ႕တယ္၊ ကၽြန္ေတာ္တို႕က ကိုေအာင္ျမ အေလာင္းလို႕ ထင္တယ္၊ ဒါေၾကာင့္ လာေမးၾကည့္တာပါ”

ရဲစြမ္းႏိူင္က ရွင္းျပသည္။

“ဟုတ္လား၊ က်ဴပ္ေတာ့ သိပ္မထင္ဘူး၊ သူက ျမိဳ႕ က ထြက္ေတာ့မယ္ ဆိုျပီး ပြဲရံုကေရာ၊ အိမ္ကေရာ ထြက္သြားတာပဲေလ၊ ၾကာလွျပီ၊ အေမက ေခၚလာေပမယ့္ သူနဲ႕ က်ဴပ္တို႕က အေပါင္းအသင္း မဟုတ္ဘူး၊ သူ႕အေၾကာင္း က်ဴပ္ သိပ္မသိဘူး”

“သူ ဘာလို႕  ပြဲရံုကေရာ အိမ္ကပါ ထြက္သြားတယ္ ဆိုတာေတာ့ သိရမွာေပါ့ေနာ္၊ ခင္ဗ်ားတို႕နဲ႕ မေျပလည္တာေရာ ရွိခဲ့လား၊ ခင္ဗ်ားတို႕က ႏွင္ထုတ္ခဲ့တာလား”

“မရွိပါဘူး၊ သူ တစ္ျခားျမိဳ႕ကို ေျပာင္းျပီး အလုပ္လုပ္မယ္ လို႕ ေျပာသြားတာပဲေလ၊ သူ႕စိတ္နဲ႕ သူ ထြက္သြားတာပါ၊ က်ဴပ္တို႕ ဘာမွ မေျပာခဲ့ဘူး”

“သူ႕မွာ တစ္ျခားျပႆနာေတြ ဘာေတြ ရွိတာေရာ ၾကားမိလား၊ သူ႕ကို မေက်နပ္တဲ့ လူေတြ ဘာေတြေရာ ရွိလား”

“က်ဴပ္တို႕ အလုပ္သမားတစ္ေယာက္ရဲ႕ ကိုယ္ေရးကိုယ္တာ ျပႆနာေတြကို လိုက္သိေနရေလာက္ေအာင္ မအားဘူး ဗ်၊ ဒီေလာက္ဆို ေတာ္ေလာက္ျပီ ထင္တယ္၊ က်ဴပ္မွာ အလုပ္ေတြ ရွိေသးတယ္၊ ဒီလူနဲ႕ က်ဴပ္တို႕ ဘာမွ မပတ္သတ္ေတာ့ဘူး ဆိုတာပဲ မွတ္ထားေပးပါ”

“ဟုတ္ပါျပီ၊ ေက်းဇူးတင္ပါတယ္”

စိမ္းဝတီ ႏွင့္ ရဲစြမ္းႏိုင္ တို႕  ျပန္ခဲ့ရသည္။ အေၾကာင္းေတာ့ သိပ္မထူးခဲ့ပါ။ သို႕ေသာ္ ထိုလူ၏ ေျပာပံု ဆိုပံုကို စိမ္း သိပ္မၾကိဳက္ပါ။ ေသခ်ာေပါက္ သူတို႕ မိသားစု ႏွင့္ ေအာင္ျမ ဆိုသူတို႕ အၾကား တစ္ခုခုေတာ့ ရွိကို ရွိလိမ့္မည္ ဟု စိမ္း ထင္ေနသည္။

စိမ္းတို႕ ျပန္လာေသာအခါ ႏြယ္နီႏိုင္က ေသဆံုးသူမွာ ကိုေအာင္ျမ ဆိုသူ ျဖစ္ေၾကာင္း အတည္ျပဳႏိုင္ျပီ ဟု ဆိုသည္။ အရိုးစု၏ မ်က္ႏွာ ပံုစံကို ျဖည့္စြက္ ပံုေဖာ္ျပီး ႏိုင္ငံသား အခ်က္အလက္မ်ား သိမ္းဆည္းရာ Database ႏွင့္ တိုက္စစ္ၾကည့္ေသာအခါ ကိုေအာင္ျမ ဆိုသူႏွင့္ ေတာ္ေတာ္ေလး တူေနသည္ကို ေတြ႕ခဲ့ရသည္။ ေသဆံုးသူ မည္သူ ျဖစ္သည္ ေသခ်ာေသာအခါ ထိုလူ႕ အေၾကာင္းကို လိုက္လံ စံုစမ္းရေတာ့မည္ ျဖစ္သည္။

#####

(၄)

စိမ္းဝတီႏွင့္ ရဲစြမ္းႏိုင္သည္ စံုစမ္းရင္းႏွင့္ ကိုေအာင္ျမႏွင့္ ပြဲရံုတြင္ အလုပ္အတူ လုပ္ဖူးေသာ အလုပ္သမား တစ္ေယာက္ကို ေတြ႕သြားသည္။ ထိုလူ႕ နာမည္က ကိုျမင့္ဆိုင္ ျဖစ္သည္။ ဆင္ေျခဖုံုး ရပ္ကြက္တစ္ခုတြင္ ေနထိုင္ရင္း ပြဲရံုတစ္ခုတြင္ စာေရးလုပ္ေနသည္။ ကိုျမင့္ဆိုင္ဆီမွ ကိုေအာင္ျမႏွင့္ ပတ္သက္ေသာ အေၾကာင္းစံုကို သိလိုက္ရသည္။

ကိုေအာင္ျမသည္ ရြာေက်ာင္းတြင္ အလယ္တန္းေအာင္ျပီးေနာက္ အေဖ ပိုးကိုက္၍ ဆံုးပါးျပီးေနာက္ အေဒၚျဖစ္သူက ေခၚယူေမြးစားခဲ့ျခင္း ျဖစ္သည္။ တစ္ဦးတည္းေသာသားျဖစ္ျပီး သူ႕ အေမကလည္း အေဖ မဆံုးမီကပင္ ေရာဂါျဖင့္ ဆံုးပါးခဲ့သည္။ ေဆြမရွိ မ်ိဳးမရွိသူမို႕ ေပ်ာက္ဆံုးေနခဲ့ေသာ္လည္း ဘယ္သူကမွ လူေပ်ာက္တိုင္ၾကားမွဳ မရွိခဲ့ျခင္းပင္။

 

ေအာင္ျမႏွင့္ ဦးသာအိုး၏သမီး ခင္ခင္သာ တို႕သည္ အထက္တန္းေက်ာင္းတြင္ ေက်ာင္းေနဘက္မ်ား ျဖစ္ခဲ့ျပီး လူငယ္သဘာဝ ခ်စ္ၾကိဳက္ခဲ့ၾကသည္။ ဦးအုပ္စိုး၏ သားငယ္ စိုးျမင့္ဦးႏွင့္လည္း အရြယ္တူ ျဖစ္ေသာ္လည္း စိုးျမင့္ဦးက ရွစ္တန္းတြင္ စာေမးပြဲ တစ္ႏွစ္က်ျပီး တစ္တန္းငယ္ခဲ့သည္။ စိုးျမင့္ဦးကလည္း ခင္ခင္သာကို ခ်စ္ၾကိဳက္ခဲ့ေသာ္လည္း ခင္ခင္သာက ေအာင္ျမကိုသာ ေရြးခ်ယ္ခဲ့သည္။ ထိုအေၾကာင္းေၾကာင့္ နဂိုကတည္းက မိခင္ျဖစ္သူက အိမ္ေခၚထားျခင္းကို သေဘာမက်ေသာ သားအဖ သံုးေယာက္က ေအာင္ျမက ပို၍ အျမင္မၾကည္ျဖစ္လာခဲ့သည္။ ေအာင္ျမကို ၁၀ တန္း ဆက္မတက္ျဖစ္ေအာင္ အမ်ိဳးမ်ိဳး ေႏွာက္ယွက္ကာ ပြဲရံုတြင္ အလုပ္သမား ျဖစ္ေအာင္ လုပ္လိုက္ၾကသည္။

မိဘမ်ားမသိေအာင္ တိတ္တဆိတ္ အေနအထိုင္ ဆင္ျခင္ၾကေသာ္လည္း စိုးျမင့္ဦး ၾကားဝင္ေသာေၾကာင့္ ခင္ခင္သာ၏ မိဘမ်ား သိရွိသြားျပီး ေအာင္ျမႏွင့္ လံုးဝ သေဘာမတူေၾကာင္း ခင္ခင္သာကို ဆူပူၾကျပီး ေအာင္ျမကိုလည္း ပက္ပက္စက္စက္ ေျပာဆိုခဲ့ၾကသည္။ ခင္ခင္သာကို ေက်ာင္းမွ ထုတ္ျပီး အိမ္ထဲတြင္ ပိတ္ထားမည္ လုပ္ေသာေၾကာင့္လည္း ေအာင္ျမက သူပဲ အနစ္နာခံကာ ေက်ာင္းထြက္ ေပးလိုက္ျခင္းလည္း ျဖစ္သည္။ ထို႕အျပင္ ခင္ခင္သာႏွင့္ လမ္းခြဲပါမည္ဟု ကတိပါေပးျပီး သူ႕ ဦးေလး ပြဲရံုတြင္ အလုပ္သမား ဝင္လုပ္ခဲ့သည္။ သူ႕အေဒၚ အိမ္တြင္လည္း မေနေတာ့ပဲ ပြဲရံုႏွင့္ နီးေသာ ေနရာမွာ အိမ္ခန္းေလး ငွားေနခဲ့သည္။ ခင္ခင္သာက ေက်ာင္းဆက္တက္ျပီး ဆယ္တန္းေအာင္သြားခဲ့သည္။ စိုးျမင့္ဦးက ကိုးတန္းေအာင္သည္။

ခင္ခင္သာသည္ သူ႕အိမ္မွ အိမ္ေဖာ္အမ်ိဳးသမီး အကူအညီႏွင့္ ေအာင္ျမႏွင့္ ျပန္ဆက္သြယ္ျဖစ္ခဲ့သည္။ ေက်ာင္းေတြ ဖြင့္ေတာ့ ခင္ခင္သာ့ မိဘမ်ားက တစ္ႏွစ္လံုး ျမိဳ႕ၾကီးမွာ ထားရမည္ကို စိတ္မခ်ေသာေၾကာင့္ အေဝးသင္တကၠသိုလ္ တက္ခိုင္းခဲ့သည္။ ခင္ခင္သာသည္ ေအာင္ျမႏွင့္ တိတ္တဆိတ္ ဆက္သြယ္ျမဲ ျဖစ္သည္။ စိုးျမင့္ဦး ဆယ္တန္းေအာင္ျပီးေနာက္ ခင္ခင္သာကို စိတ္မခ်ဟု ဆိုကာ သူ႕ မိဘမ်ားကို ေတာင္းရမ္း ေစခဲ့သည္။ ခင္ခင္သာ့ မိဘမ်ားကလည္း ဦးအုပ္စိုး၏ သား ဆိုလွ်င္ေတာ့ ေျပာစရာ မရွိပဲ သေဘာတူခဲ့သည္။

ခင္ခင္သာသည္ ေအာင္ျမႏွင့္ မျပတ္ေသးေၾကာင္း စိုးျမင့္ဦးအစ္ကို စိုးတင့္ဦးက မေတာ္တဆ သိရွိသြားခဲ့သည္။ စိုးတင့္ဦးကလည္း ေစာေစာစီးစီး မိန္းမယူႏွင့္ ျပီးေသာေၾကာင့္သာ တည္တည္တံ့တံ့ ျဖစ္ေနရေသာ္လည္း ခင္ခင္သာကို တိတ္တခိုး ခ်ိတ္ေနသူ ျဖစ္သည္။ ညီျဖစ္သူက ၾကိဳက္ေနေသာေၾကာင့္သာ ဦးစားေပးလိုက္ရေသာ္လည္း ေအာင္ျမႏွင့္ ျဖစ္သြားမည္ကိုေတာ့ စိုးတင့္ဦးလည္း သေဘာမတူႏိုင္ပါ။ ထို႕ေၾကာင့္ ညီျဖစ္သူကို ေျပာျပလိုက္ရာ စိုးျမင့္ဦးက ေအာင္ျမကို ထိုးၾကိတ္ ရန္လုပ္ခဲ့သည့္အျပင္ အျမန္ဆံုး လက္ထပ္ျဖစ္ရန္ ၾကိဳးစားခဲ့သည္။ ကိုျမင့္ဆိုင္သည္ ေအာင္ျမႏွင့္ အရင္းႏွီးဆံုး သူငယ္ခ်င္း ျဖစ္သျဖင့္ ထိုအေၾကာင္းမ်ား အားလံုးကို သိရွိေနျခင္း ျဖစ္သည္။

တစ္ညတြင္ ေဒၚျမင့္ျမင့္၏ ေမြးေန႕ ပြဲ က်င္းပေသာေၾကာင့္ ပြဲရံုမွ အလုပ္သမား အခ်ိဳ႕ပါ တက္ေရာက္ခဲ့ၾကသည္။ ကိုျမင့္ဆိုင္လည္း ေမြးေန႕ပြဲ က်င္းပရာ သူတို႕ ျခံၾကီးထဲ ေရာက္ေနခဲ့သည္။ ဦးသာအိုး၊ ေဒၚခင္ ႏွင့္ သမီးျဖစ္သူ ခင္ခင္သာလည္း ေရာက္ေနသည္။ ထိုညတြင္ ဦးအုပ္စိုးက စိုးျမင့္ဦးႏွင့္ ခင္ခင္သာ တို႕ ကို ေစ့စပ္ပြဲ အေနႏွင့္ ေၾကျငာဖို႕  စီစဥ္ထားခဲ့သည္။ သို႕ေသာ္ ဦးအုပ္စိုးက ေၾကျငာလိုက္စဥ္မွာပင္ ခင္ခင္သာက သူ သေဘာမတူေၾကာင္း လူအမ်ားေရွ႕တြင္ ထကန္႕ကြက္လိုက္သည္။ ဦးအုပ္စိုးႏွင့္ ဦးသာအိုးမွာ အၾကီးအက်ယ္ ေဒါသထြက္ခဲ့ျပီး ဦးသာအိုးက ထိုလက္ထပ္ပြဲကို သေဘာမတူလွ်င္ သူ႕ သမီး အျဖစ္မွ စြန္႕ လႊတ္မည္ ျဖစ္ေၾကာင္း ေျပာလိုက္သည္။ ေဒၚခင္က တားေနစဥ္မွာပင္ ခင္ခင္သာက ထိုျခံထဲမွ ထြက္ေျပး သြားခဲ့သည္။ အားလံုးက ခင္ခင္သာသည္ သူမတို႕ အိမ္ကို အရင္ ျပန္ေျပးသြားျခင္း ျဖစ္သည္ဟု ထင္လိုက္ၾကသည္။

ထိုညက ခင္ခင္သာ ထြက္ေျပးသြားျပီးေနာက္ ေဒၚျမင့္ျမင့္၏ ေမြးေန႕ပြဲလည္း ရုတ္ရုတ္သဲသဲ လို ျဖစ္သြားသည္။ ကိုျမင့္ဆိုင္တို႕ အလုပ္သမားတစ္စုကေတာ့ ေမြးေန႕ပြဲ ျပီးမွ သိမ္းဆည္းျပီး ျပန္ခဲ့ၾကျခင္း ျဖစ္သည္။ ထိုသို႕ သိမ္းဆည္း ၾကသူမ်ားတြင္ ေအာင္ျမ မပါေၾကာင္း ကိုျမင့္ဆိုင္ သတိထားမိခဲ့သည္။ ေအာင္ျမလည္း မ်က္ႏွာပူသျဖင့္ ေစာေစာစီးစီး ျပန္သြားျပီ ဟုသာ ထင္လိုက္သည္။ စိုးျမင့္ဦးတို႕ ညီအစ္ကိုလည္း အရွက္ရသြား၍ ထင္သည္။ ရုတ္ရုတ္သဲသဲ ျဖစ္ျပီးကတည္းက ဧည့္သည္ေတြ ေရွ႕ကို ျပန္ေရာက္ မလာေတာ့ပါ။

ေနာက္မွ သိၾကရသည္မွာ ခင္ခင္သာသည္ ထိုညက အိမ္သို႕ ျပန္မေရာက္ခဲ့ပါ။ ထို႕အတူ ေအာင္ျမသည္လည္း အိမ္မွ ထြက္သြားျပီဟု ဦးအုပ္စိုးတို႕ သားအဖမ်ားက ေၾကျငာခဲ့ျပီး ေနာက္ရက္မွ စ၍ ပြဲရံုသို႕ ေရာက္မလာခဲ့ေတာ့ပါ။ ကိုျမင့္ဆိုင္ႏွင့္ တကြ ပတ္ဝန္းက်င္က ေအာင္ျမႏွင့္ ခင္ခင္သာတို႕ ခိုးရာ လိုက္ေျပးသြားျပီဟု ထင္ခဲ့ၾကသည္။ ယခု စိမ္းဝတီတို႕က ေအာင္ျမ၏ အရိုးစု အေလာင္းကို ေတြ႕ခဲ႔ ေၾကာင္း ေျပာေသာအခါ ကိုျမင့္ဆိုင္မွာ ထင္မထားသည္ကို ၾကားရသျဖင့္ အံၾသသြားရသည္။

ျဖစ္ႏိုင္သည္မွာ ကိုေအာင္ျမသည္ ထို ေမြးေန႕ ညတြင္ အသတ္ခံခဲ့ရျခင္း ျဖစ္ႏိုင္သည္။ ခင္ခင္သာကမူ ဘယ္သို႕ ေရာက္ေနသည္ မသိႏိုင္ပါ။ ေရတြင္းပ်က္ထဲမွ အရိုးမွာ တစ္ေယာက္တည္းသာ ျဖစ္ျပီး ႏွစ္ေယာက္ မဟုတ္ပါ။ ခင္ခင္သာသည္ ထိုညက ေသဆံုးခဲ့ျခင္း မဟုတ္လွ်င္ တစ္ေနရာရာတြင္ေတာ့ ရွိေနရမည္။ ခင္ခင္သာ့ ဖခင္ ဦးသာအိုးသည္ ခင္ခင္သာ ေအာင္ျမႏွင့္ ခိုးရာ လိုက္ေျပးသည္ ထင္၍ သမီးကို စိတ္နာျပီး လံုးဝ လိုက္မရွာ၊ သတင္းလည္း မစံုစမ္းခဲ့ဟု သိရသည္။

ဦးသာအိုးသည္ ေအာင္ျမကို သမီးႏွင့္ သေဘာမတူသူ ျဖစ္ေသာေၾကာင့္ သူႏွင့္ သူ႕ တပည့္မ်ားက ေအာင္ျမကို သတ္ျပီး သူတို႕ ျခံထဲရွိ ေရတြင္းပ်က္ထဲတြင္ ျမွဳပ္ထားႏိုင္သည္။ သမီးကိုေတာ့ တစ္ေနရာရာသို႕ ပို႕ျပီး ဇာတ္ျမွဳပ္ ထားႏိုင္သည္။ သို႕မဟုတ္ ခင္ခင္သာက ျငင္းသျဖင့္ အရွက္ရသြားေသာ စိုးျမင့္ဦးသည္လည္း ေအာင္ျမကို ရန္လုပ္ႏိုင္သည္။ တစ္ခါတုန္းကပင္ ေအာင္ျမကို စိုးျမင့္ဦးႏွင့္ အေပါင္းအသင္းမ်ားက ဝိုင္းဝန္း ရိုက္ႏွက္ဖူးေသးသည္ မဟုတ္လား။

ထိုအခ်က္မ်ားက စိမ္းဝတီ၏ ေတြးဆခ်က္သက္သက္သာ ျဖစ္ေနေသးသည္။ ဦးသာအိုး၊ ေဒၚခင္ ႏွင့္ ခင္ခင္သာ တို႕ ဘယ္ေရာက္ေနသည္ကို သိေအာင္ စံုစမ္းရဦးမည္။ ေနာက္ထပ္ သက္ေသ ျဖစ္ႏိုင္မည့္ အခ်က္အလက္မ်ားကို ထပ္မံ စုေဆာင္းရဦးမည္။ စိုးျမင့္ဦး သတ္သည္ မွန္လွ်င္ပင္ သူ႕ကို အေရးယူႏိုင္သည့္ သက္ေသ အေထာက္အထားက ဘာမွ မရွိပါ။ လူသတ္မႈကလည္း ႏွစ္ေပါင္းၾကာခဲ့ျပီ ျဖစ္ေသာေၾကာင့္ စိမ္းဝတီတို႕ အေနႏွင့္ တရားခံရွာဖို႕ ခက္ေနဦးမည္ပင္။

#####

(၅)

စိမ္းဝတီတို႕အတြက္ ကံေကာင္းခ်င္ေတာ့ ေရတြင္းဆည္ေသာ အလုပ္သမားမ်ားထဲက တစ္ေယာက္က ေရတြင္းပ်က္ထဲမွ ရေသာ လက္စြပ္တစ္ကြင္းကို လာေရာက္ အပ္ႏွံျခင္းပင္ ျဖစ္သည္။ ေရတြင္းပ်က္ကို ဆယ္ေသာ ေန႕ကပင္ ပါလာခဲ့ျခင္း ျဖစ္ေသာ္လည္း ထိုအလုပ္သမားက အျခားလူမ်ား မျမင္ခင္ တစ္ေယာက္တည္း ျမင္ခဲ့ေသာေၾကာင့္ ဘယ္သူမွ မသိေအာင္ ေကာက္ယူထားခဲ့သည္။ ခ်က္ခ်င္းၾကီး သြားမေရာင္းရဲေသာေၾကာင့္ အိမ္မွာ သိမ္းထားစဥ္ ညဘက္ အိပ္မက္ထဲတြင္ ေယာက်္ားတစ္ေယာက္က လက္စြပ္ကို လူသတ္မႈ စံုစမ္းေရး အဖြဲ႕ထံသို႕ ေပးအပ္ရန္ ေျပာသည္ ဆို၏။ ညတိုင္း အိပ္မက္ေပးသည့္အျပင္ ကုတင္ေပၚမွ ဆြဲခ်ျခင္း ပါးရိုက္ျခင္းတို႕ပါ လုပ္လာေသာေၾကာင့္ မထားရဲေတာ့ပဲ လာအပ္ရျခင္း ျဖစ္သည္ဟု ထိုသူက ဆိုသည္။

လက္စြပ္က ေရွးလက္ရာ ေယာက်္ားဝတ္ လက္စြပ္ျဖစ္ျပီး အရည္အေသြး ေကာင္းေသာ ေက်ာက္မ်ားျဖင့္ ျပဳလုပ္ထားေသာ နဝရတ္ လက္စြပ္တစ္ကြင္း ျဖစ္သည္။ လက္စြပ္အတြင္းဘက္တြင္ အက္စ္ အကၡရာ ပံုစံ ခပ္ေရးေရး ထြင္းထားသည္ကိုလည္း ေတြ႕ ရသည္။ နဝရတ္ လက္စြပ္ဆိုသည္ကို လူတိုင္းမဝတ္တတ္ၾကပါ။ ျပဳလုပ္ေပးသူက ေသခ်ာ အစီအရင္ျဖင့္ အေဆာင္ေကာင္း တစ္ခု ျဖစ္ေအာင္ လုပ္တတ္ၾကသည္ ဟုလည္း ၾကားဖူးသည္။ ထိုလက္စြပ္ ပိုင္ရွင္သည္ ေသဆံုးသူႏွင့္ ပတ္သက္မည္မွာ ေသခ်ာသည္။

စိမ္းဝတီသည္ အရင္ေခတ္က ထိုရပ္ကြက္ထဲတြင္ နာမည္ၾကီးခဲ့ေသာ ပန္းထိမ္ဆိုင္မ်ားကို လိုက္စံုစမ္းသည္။ တခ်ိဳ႕ ဆိုင္မ်ားမွာ မိဘမ်ား လက္ထက္က လုပ္ကိုင္ခဲ့ျပီး ယခု မလုပ္ေတာ့သျဖင့္ စံုစမ္းမရ ျဖစ္ရသည္။ အရင္ေခတ္က ပန္းထိမ္လုပ္ခဲ့ေသာ မိဘမ်ား ဆံုးပါးသျဖင့္ ဘာမွ ေမးမရသည္လည္း ရွိသည္။ ေနာက္ဆံုးတြင္ ေနရာသစ္သို႕ ေျပာင္းလဲျပီး တိုးတက္ေအာင္ျမင္ေနေသာ ပန္းထိမ္ဆိုင္ တစ္ဆိုင္သို႕ ေရာက္ခဲ့သည္။ ထိုဆိုင္သည္ ေဆြစဥ္မ်ိဳးဆက္ ပန္းထိမ္ လုပ္လာေသာ ဆိုင္ျဖစ္ျပီး ထိုအရပ္တြင္ နာမည္အၾကီးဆံုး ဆိုင္ျဖစ္ခဲ့သည္။ ယခု အနားယူေနျပီ ျဖစ္ေသာ ပန္းထိမ္ဆရာ အဘိုးၾကီးက သူလုပ္ေပးခဲ့ေသာ နဝရတ္ လက္စြပ္ကို ေကာင္းေကာင္း မွတ္မိသည္။ ကိုးပါးသီလခံယူကာ အဓိဌာန္ဝင္ျပီး အေဆာင္အေနႏွင့္ ေသခ်ာလုပ္ေပးခဲ့ေသာ လက္စြပ္ျဖစ္ေၾကာင္း ဇာတ္ေၾကာင္း ျပန္ေျပာျပသည္။ လက္စြပ္ပိုင္ရွင္မွာ ဦးအုပ္စိုးပင္ ျဖစ္သည္။ ဦးအုပ္စိုးသည္ ထိုလက္စြပ္ ေပ်ာက္သြားျပီး ေနာက္ထပ္ လက္စြပ္တစ္ကြင္းကို ထိုဆိုင္မွာပင္ လာအပ္ခဲ့ေၾကာင္းလည္း သိရသည္။ ေနာက္ထပ္ အပ္ေသာ လက္စြပ္မွာေတာ့ အက္စ္ အမွတ္အသား ထြင္းမေပးလိုက္ေၾကာင္း ပန္းထိမ္ဆရာ အဘိုးၾကီးက ေျပာျပသည္။

စိမ္းဝတီသည္ ခ်က္ခ်င္းပင္ ေရတြင္းပ်က္ထဲတြင္ ေတြ႕ရေသာ အရိုးစုကို သတ္သည့္ တရားခံ ဝတ္ထားခဲ့သည္ဟု ယူဆခဲ့ေသာ လက္စြပ္တစ္ကြင္းကို သက္ေသ အေနႏွင့္ ရွာေတြ႕ ထားေၾကာင္း သတင္းျဖန္႕ လိုက္သည္။ ဦးစိုးျမင့္ဦး မိသားစု ဆီသို႕ သတင္းေရာက္ေစရန္ ရည္ရြယ္ျပီး ျဖန္႕ျခင္း ျဖစ္သည္။

ရဲစြမ္းႏိုင္ကေတာ့ ဦးသာအိုးတို႕ မိသားစု ေနာက္သို႕ လိုက္ေနဆဲျဖစ္သည္။ Facebook ႏွင့္ internet ေပၚမွာလည္း ရွာသည္။ အျပင္မွာလည္း ရွာသည္။ ေနာက္ဆံုးေတာ့ facebook ေပၚတြင္ ဦးသာအိုး ေျမးဟု ထင္ရေသာ မိန္းကေလး တစ္ေယာက္ကို ေတြ႕ရာမွ အစရွာေတြ႕ခဲ့ျခင္း ျဖစ္သည္။ ဦးသာအိုး၏ သားျဖစ္သူကို စံုစမ္း၍ ရခဲ့သည္။ ခင္ခင္သာမွာ ထိုညကစ၍ ေပ်ာက္ဆံုးခဲ့ျခင္းမွာ အမွန္ပင္ ျဖစ္သည္။ ေဒၚခင္သည္ သမီးစိတ္ႏွင့္ ေစာစီးစြာ ဆံုးပါးသြားခဲ့သည္။ ဦးသာအိုးကေတာ့ လြန္ခဲ့ေသာ ၂ ႏွစ္ေလာက္ကမွ ဆံုးသြားျခင္း ျဖစ္သည္။ သားျဖစ္သူသည္ အခင္းျဖစ္စဥ္က ထိုအရပ္မွာ မေနခဲ့သူ ျဖစ္ေသာေၾကာင့္ ထိုသူႏွင့္ေတာ့ မသက္ဆိုင္ခဲ့ပါ။ သူတို႕ မိသားစုသည္ ေနာက္ပိုင္းတြင္ ခင္ခင္သာကို လိုက္လံ စံုစမ္းရွာေဖြ ခဲ့ေသာ္လည္း လံုးဝ စံုစမ္း မရခဲ့ေၾကာင္း သိခဲ့ရသည္။

#####

စိမ္းဝတီတို႕ ဌာနသို႕ သူခိုး ႏွစ္ခါ ဝင္သည္။ ပထမ တစ္ညက မမိလိုက္ပဲ လြတ္သြားေသာ္လည္း ဘာပစၥည္းမွေတာ့ ပါမသြားပါ။ ရဲဌာနသို႕ ဝင္ခိုးျခင္းသည္ အဖိုးတန္ပစၥည္း လိုခ်င္၍ မဟုတ္သည္မွာ ေသခ်ာသည္။ ဒုတိယညမွာေတာ့ သူခိုးကို မိလိုက္သည္။ စိမ္းဝတီႏွင့္ ရဲစြမ္းႏိုင္က ရံုးခန္းတြင္ ရွိေနဆဲ ျဖစ္ေသာေၾကာင့္ပင္။ စိမ္းဝတီတို႕ လႊင့္လိုက္ေသာ သတင္းသည္ ဦးစိုးျမင့္ဦးတို႕ မိသားစုဆီ ေမွ်ာ္လင့္သည္ထက္ပင္ ေစာစီးစြာ ေရာက္သြားခဲ့ပံုရသည္။ သူခိုးသည္ ေဖာက္ထြင္း ကၽြမ္းက်င္ေသာ နာမည္ၾကီး ေဖာက္ထြင္းဝိဇၨာ ျဖစ္သည္။ ထိုသူ႕ကို စစ္ေမးလိုက္ေသာအခါ ဦးစိုးျမင့္ဦးက ေငြေပး၍ ေစခိုင္းေၾကာင္း ေဖာ္ေတာ့သည္။

ဦးအုပ္စိုးသည္ အသက္္ ၆၅ ႏွစ္ ေက်ာ္ျပီ ျဖစ္ေသာ္လည္း သန္တုန္း ျမန္တုန္း ျဖစ္သည္။ ကုမၸဏီကိုလည္း သားကို ဦးစီးခိုင္းထားေသာ္လည္း သူက ေနာက္ကြယ္က ညႊန္ၾကားေနဆဲ ျဖစ္သည္။ စိမ္းဝတီသည္ ဦးအုပ္စိုးႏွင့္ တစ္ေခါက္ေလာက္ ေတြ႕ ၾကည့္ရန္ ဆံုးျဖတ္လိုက္သည္။ ဦးအုပ္စိုးသည္ သူ႕ အိမ္တြင္ စိမ္းဝတီကို ေကာင္းေကာင္းပင္ လက္ခံေတြ႕ဆံုသည္။ ေသဆံုးသူ ကိုေအာင္ျမႏွင့္ ပတ္သက္ျပီး ေမးေသာအခါတြင္ေတာ့ သူ႕သား ဦးစိုးျမင့္ဦး ႏွင့္ တစ္ေလသံတည္း ထြက္ဆိုသည္။ ကိုေအာင္ျမသည္ သူတို႕အိမ္က ထြက္သြားခဲ့သည္မွာ ၾကာျပီ ျဖစ္ျပီး သူတို႕ လံုးဝ မသိေၾကာင္း၊ သူတို႕ႏွင့္ လံုးဝ မပတ္သက္ေၾကာင္း ရုပ္မပ်က္ပဲ ေျပာႏိုင္သည္။

ဦးအုပ္စိုး၏ လက္တြင္ နဝရတ္ လက္စြပ္တစ္ကြင္း ဝတ္ထားသည္ကို စိမ္းဝတီက သတိထားမိလိုက္သည္။ အဘိုးၾကီးသည္ နဝရတ္ လက္စြပ္ ၾကိဳက္ပံုရသည္။ စိမ္းဝတီက ေရတြင္း ဆယ္ယူရာမွ ရခဲ့ေသာ လက္စြပ္ကို အဘိုးၾကီးကို ျပလိုက္သည္။ အဘိုးၾကီးက ပထမေတာ့ သာမန္လက္စြပ္ဟု ထင္ကာ သိပ္မၾကည့္ပါ။ စိမ္းဝတီက အတြင္းဘက္သို႕ ၾကည့္ရန္ ေျပာေတာ့မွ အတြင္းဘက္က အမွတ္အသားကို ၾကည့္ကာ အဘိုးၾကီး ထိပ္ထိပ္ျပာျပာ ျဖစ္သြားသည္။ စိမ္းက ထိုလက္စြပ္ကို ဦးသာအိုးတို႕ အိမ္ေနာက္ ေရတြင္းပ်က္ထဲက ရခဲ့ေၾကာင္း ေျပာေသာအခါ အဘိုးၾကီး မ်က္ႏွာပ်က္သြားသည္။ စိမ္းက မေမးရေသးပဲႏွင့္ သူ႕ လက္စြပ္မဟုတ္ေၾကာင္း ျငင္းေတာ့သည္။ လက္စြပ္သက္ေသႏွင့္ ဖမ္းဆီးစစ္ေဆး၍ ရေၾကာင္း ေျပာခဲ့ေသာ္လည္း တကယ္တမ္းေတာ့ ျပစ္ဒဏ္ ရရန္ ေသခ်ာေလာက္သည့္ သက္ေသေတာ့ မဟုတ္ေသးေပ။ ဘယ္လိုပင္ ျဖစ္ေစ ဦးအုပ္စိုးတို႕ သားအဖကိုေတာ့ လြန္ခဲ့ေသာ ၁၀ ေက်ာ္က လူသတ္မႈႏွင့္ တရားစြဲဆို ရမည္ ထင္သည္။

#####

(၆)

ဆရာေလး ေဒၚေခမာစာရီ သည္ အသက္ ၃၀ ေက်ာ္ခန္႕ ရွိမည္ဟု ခန္႕မွန္းရသည္။ သို႕ေသာ္ သူမ၏ ေမြးေန႕ကို မည္သူမွ မသိၾကပါ။ သူမ ေက်ာင္းသို႕ ေရာက္ေနသည္မွာေတာ့ ၁၀ ႏွစ္ေက်ာ္ျပီဟု ဆရာေတာ္က ေျပာျပ၍  သိၾကရသည္။ ျမစ္ေရထဲတြင္ ေမ်ာပါလာသျဖင့္ ပတ္ဝန္းက်င္က ဆယ္ယူ ေဆးရံုပို႕ျပီးေနာက္ ဘာ စကားမွလည္း ေမးမရ၊ ျပန္စရာ အိမ္လည္း မရွိေသာေၾကာင့္ ဆရာေတာ္ ေက်ာင္းကို ပို႕ ၍ သီလရွင္ ဝတ္ေပးလိုက္ၾကျခင္း ျဖစ္သည္။ ဆရာေတာ္ ေက်ာင္းတြင္ သီလရွင္ ဆရာၾကီး ဆရာေလး စုစုေပါင္း ၂၀ ေက်ာ္ခန္႕ ရွိသည္။ ဆရာေလးသည္ အေနေအးျပီး အားလံုးအေပၚ က်ိဳးႏြံေသာေၾကာင့္ ေက်ာင္းရွိ သီလရွင္ ေယာဂီ အားလံုးကလည္း ခ်စ္ခင္ၾကသည္။ ဆရာေလးသည္ သူ႕ဘဝ အတိတ္အေၾကာင္းႏွင့္ ပတ္သက္ျပီး ဘာတစ္ခုမွ မမွတ္မိေတာ့သည္လား၊ မေျပာလိုသည္လား မသိ၊ ဘာတစ္ခြန္းမွ ေျပာဆိုျခင္း မရွိပါ။ ဘာတစ္ခုမွ ေမးျမန္း၍ မရပါ။ တရားခ်ိန္ကို မွန္မွန္တက္သည္။ ကူလုပ္စရာရွိလွ်င္ ကူလုပ္သည္။ ဘယ္သူ ခိုင္းခိုင္း မညည္းမညဴ လုပ္ေပးသည္။ သို႕အတြက္ သူမကို ဘယ္သူကမွလည္း ဘာမွ စပ္စုမေနၾကေတာ့ေပ။ ဤေက်ာင္းရွိ အျမဲတမ္း သီလရွင္ စာရင္းတြင္သာ သြင္းထားလိုက္ၾကသည္။

တစ္ညတြင္ေတာ့ ဆရာေလး ေဒၚေခမာစာရီသည္ အိပ္မက္တစ္ခုကို ျမင္မက္ခဲ့သည္။ ထိုအိပ္မက္ထဲတြင္ သူသည္ ျခံၾကီး တစ္ခု ေနာက္တြင္ ေရာက္ေနျပီး လူသံုးေယာက္က လူတစ္ေယာက္ကို ဝိုင္းဝန္း ရိုက္ပုတ္ေနသည္ကို ၾကည့္ေနရသည္။ သံုးေယာက္ထဲမွ တစ္ေယာက္က အုတ္ခဲျဖင့္ ထိုလူ၏ ေခါင္းကို ထုခ်လိုက္ျပီး မလႈပ္မယွက္ ျဖစ္ေနေသာ ထိုလူကို ေရတြင္းထဲ ပစ္ခ်လိုက္သည္ကို ျမင္လိုက္ရသည္။ အိပ္မက္ထဲတြင္ သူမသည္ အသံမထြက္ေအာင္ ၾကိတ္၍ ငိုရိႈက္ေနသည္ကို သိေနရသည္။ ထိုလူသံုးေယာက္ ျမင္မသြားေအာင္ သူမက သစ္ပင္ေနာက္တြင္ ပုန္းေနျခင္း ျဖစ္သည္။ ထိုလူ သံုးေယာက္ မသိေအာင္ သူမသည္ တစ္ျခား တစ္ဘက္သို႕ ေျပးထြက္လာခဲ့သည္။ ထိုအခ်ိန္တြင္ ေမာၾကီးပန္းၾကီး ငိုရိႈက္ရင္း အိပ္ရာမွ လန္႕ႏိူးလာခဲ့သည္။ ထို အျဖစ္အပ်က္ကို သူမ မသိပါ။ အိပ္မက္ထဲတြင္ ဇာတ္လမ္းတစ္ခုလို ျမင္ရျခင္း ျဖစ္သည္။ မနက္ ၂နာရီခြဲတြင္ အိပ္မက္မွ ႏိူးလာေသာ ဆရာေလးသည္ ျပန္မအိပ္ေတာ့ပဲ တရားထိုင္ေနလိုက္သည္။

ဆရာေလးသည္ ေနာက္ႏွစ္ညေလာက္ ထိုအိပ္မက္ကို ဆက္တိုက္မက္ေလသည္။ ေနာက္ညမွာေတာ့ လူတစ္ေယာက္က “ဆရာေလး၊ တပည့္ေတာ္ကို မမွတ္မိေတာ့ဘူးလား၊ တပည့္ေတာ္ကို သတ္ခဲ့တဲ့ လူေတြကို အျပစ္ရေအာင္ လုပ္ေပးပါ ဆရာေလး” ဟု ဆရာေလးကို ေတာင္းပန္ေလသည္။ “တပည့္ေတာ္ အေလာင္းကို ရဲေတြ ေတြ႕သြားျပီ၊ ဘယ္သူ သတ္လဲ ဆိုတာ သူတို႔ ရွာေနၾကတယ္၊ အဲဒီတုန္းက ဆရာေလး ျမင္ခဲ့တာေတြကို ျပန္ေျပာႏိုင္မယ္ ဆိုရင္ တပည့္ေတာ္ကို သတ္ခဲ့တဲ့ လူေတြကို သူတို႔ အျပစ္ေပးႏိုင္မွာပဲ” ဟု သူက ေျပာသြားသည္။ သို႔ေသာ္ ဆရာေလး စိတ္ထဲတြင္ ထိုလူကို သိသလိုလို၊ မသိသလိုလို ျဖစ္ေနသည္။ ထိုလူ၏ ေျပာပံုအရ တစ္ေန႔ညက မက္ေသာ အိပ္မက္ထဲမွ အသတ္ခံလိုက္ရသူသည္ ထိုသူ ျဖစ္မည္ဟု ထင္သည္။ ထိုသူသည္ ဆရာေလးႏွင့္ မည္သို႔ ပတ္သက္ခဲ့ဖူးသည္ မသိပါ။

ေနာက္တစ္ညမွာေတာ့ ဆရာေလး အိပ္မက္ထဲတြင္ ဝတ္ျဖဴစင္ၾကယ္ႏွင့္ အဘိုးအို တစ္ေယာက္ကို ေတြ႔ရသည္။ ထိုအဘိုးက “သမီး၊ သနားစရာ ေကာင္းတဲ့ ၃၁ ဘံုသား တစ္ေယာက္ကို ကူညီရမယ္၊ သူ႔ကို သတ္ခဲ့တဲ့ သူေတြကို အျပစ္မေပးႏိုင္မခ်င္း သူက ဘယ္က အမွ်ေပးေပး သာဓု မေခၚတဲ့အတြက္ မေကာင္းတဲ့ ဘဝကေန မကၽြတ္လြတ္ႏိုင္ဘူး ျဖစ္ေနတယ္ကြယ္။ အခု သူ႕ကို သတ္ခဲ့တဲ့ လူေတြ တရားဥပေဒက ေပးတဲ့ အျပစ္ကို ခံရဖို႔ အခ်ိန္ က်ေရာက္လာျပီ၊ သမီး ကူညီရမယ္၊ အဘိုး ျပတာကို ၾကည့္ပါ” ဟု ေျပာျပီး ျမင္ကြင္းမ်ားကို ျပသည္။ ဆရာေလး စိတ္ထဲတြင္ မွတ္ဥာဏ္ သိစိတ္မ်ား အလိုလို ဝင္လာသည္။ သီလရွင္ ဘဝ မေရာက္ခင္က လူအမည္ ခင္ခင္သာ ျဖစ္ခဲ့သည့္ အေၾကာင္း၊ သူမ၏ ခ်စ္သူ အသတ္ခံရသည့္ အေၾကာင္းမ်ားကို အလိုလို မွတ္မိလာသည္။

#####

(၇)

မွဳခင္း ရဲတပ္ဖြဲ႔က တရားလို ျပဳလုပ္၍ ဦးအုပ္စိုးႏွင့္ ဦးစိုးျမင့္ဦးကို လြန္ခဲ့ေသာ ၁၀ ႏွစ္က လူသတ္မွဳ အတြက္ တရားခံ အေနႏွင့္ တရားစြဲဆိုခဲ့ပါသည္။ ေသဆံုးသူ ကိုေအာင္ျမႏွင့္ ဦးအုပ္စိုးတို႕ ပတ္သက္မွဳကို ကိုျမင့္ဆိုင္က သက္ေသ ထြက္ဆိုေပးသည္။ ေသဆံုးသူ၏ အေလာင္းႏွင့္ အတူ တစ္ေနရာတည္းမွ ရရွိခဲ့ေသာ နဝရတ္ လက္စြပ္ ကို ျပဳလုပ္ေပးခဲ့ေသာ ပန္းထိမ္ဆရာ အဘိုးၾကီးကလည္း ဦးအုပ္စိုး လက္စြပ္ျဖစ္ေၾကာင္း သက္ေသ ခံႏိုင္သည္။ ထိုသက္ေသ လက္စြပ္ ကို လာေရာက္ ခိုးယူရန္ ဦးစိုးျမင့္ဦးက ၾကိဳးစားခဲ့ျခင္း လည္း ရွိေသးသည္။

သို႕ေသာ္ လြန္ခဲ့ေသာ ၁၀ႏွစ္က အမွဳကို ထိုမွ်ေလာက္ေသာ သက္ေသႏွင့္ေတာ့ က်ိန္းေသေပါက္ အျပစ္ေပးႏိုင္ဖို႔ရာ မလြယ္မွန္းလည္း စိမ္းဝတီတို႕ သိပါသည္။ သို႔ေသာ္ ဘုရားဒကာ ေက်ာင္းဒကာ သေဌးၾကီးမ်ား အျဖစ္ လက္ရွိရပ္တည္ေနေသာ ဦးအုပ္စိုးတို႕ သားအဖ နာမည္ ပ်က္ျပီး အျပစ္ဒဏ္ အနည္းငယ္မွ် ခံရလွ်င္ပင္ ေသဆံုးသူ အတြက္ တစ္ခုခု လုပ္ေပးႏိုင္ျခင္း ျဖစ္သည္ဟု စိမ္းဝတီတို႕အဖြဲ႕က ယူဆျပီး တရားစြဲျခင္း ျဖစ္ပါသည္။ တရားခံမ်ားက နာမည္ၾကီး ေရွ႕ ေန ငွား၍ အမွဳကို ခုခံၾကပါသည္။ တရားလို ေရွ႕ ေန ေဒၚေဝေဝထက္ကလည္း တရားခံ အစစ္အမွန္မ်ားကို အျပစ္ဒဏ္ က်ခံေစရန္ တရားလိုေရွ႕ေနအျဖစ္ ေဆာင္ရြက္ေနၾက အရည္အခ်င္းျပည့္ ေရွ႕ေန တစ္ေယာက္ပင္ ျဖစ္ပါသည္။

စိမ္းဝတီ ႏွင့္ ႏြယ္နီႏိုင္တို႔ လည္း တရားခြင္တြင္ နားေထာင္ေနၾကပါသည္။ လိုအပ္ပါက သက္ေသ အေနႏွင့္ ထြက္ဆို ေပးရန္လည္း ျဖစ္ပါသည္။ ရဲစြမ္းႏိုင္ႏွင့္ တရားရံုးတြင္ ခ်ိန္းထားေသာ္လည္း ခုထိ ေရာက္မလာေသးပါ။

စိမ္းဝတီသည္ ညက ဘုရားရွိခိုးရင္း အမွန္တရား ဘက္က ႏိုင္ပါေစေၾကာင္း ဆုေတာင္း ခဲ့ပါေသးသည္။ ဦးအုပ္စိုး တို႕ကို ပုဂၢဳိလ္ေရးအရ မုန္းလည္း မမုန္းပါ။ ေသဆံုးသူသည္လည္း အသိအကၽြမ္း မဟုတ္ပါ။ အမွန္တရားဘက္မွ ႏိုင္ေစခ်င္၍ အျပစ္လုပ္ထားသူမ်ား အျပစ္ဒဏ္ ခံေစလိုျခင္းသာ ရွိပါသည္။ ညက စိမ္းဝတီသည္ အိပ္မက္တစ္ခု မက္ခဲ့သည္။ ဝတ္ျဖဴစင္ၾကယ္ႏွင့္ အဘိုးအို က စိမ္းဝတီကို “ဘာမွ မပူပါနဲ႕ သမီး တရားလို ဘက္က သက္ေသ တစ္ေယာက္ ေရာက္လာ ပါလိမ့္မယ္၊ အဲဒီအခါ အားလံုး ျပီးသြားမွာပါ” ဟုေျပာသြားသည္။

ေဒၚေဝေဝထက္ တင္သြင္းသမွ်ကို တရားခံေရွ႕ ေနက ခ်က္က် လက္က် ကာကြယ္ႏိုင္ေနေသာ္လည္း တရားသူၾကီးက မွန္ကန္ေသာ တရားသူၾကီး ျဖစ္ေသာေၾကာင့္ ေဒၚေဝေဝထက္ ေျပာေသာ အခ်က္အလက္ သက္ေသ မ်ားက မွန္ကန္ျပီး တရားခံေရွ႕ေနက အတင္းၾကီး အကြက္ဆင္ ကာကြယ္ ေနေၾကာင္း သိေနပံုရသည္။ ေအာင္ျမႏွင့္ ရန္ျငိဳး မရွိေၾကာင္း သူတို႔၏ ယခင္ အလုပ္သမားထဲမွ လူတစ္ေယာက္ကလည္း လာေရာက္ ထြက္ဆိုသြားခဲ့သည္။ တရားသူၾကီးက တရားလို ေရွ႔ေနကို ေနာက္ထပ္ သက္ေသ သြင္းလိုသလား ဟု ေမးသည္။ ေဒၚေဝေဝထက္မွာ ေျပာရန္ ဆြံ႕ အ ေနသည္။ သူမမွာ ေနာက္ထပ္ ထုတ္စရာ ဝွက္ဖဲ မရွိပါ။ ရွိသမွ်ကို အေကာင္းဆံုး တင္ျပခဲ့ျပီးျပီ ျဖစ္သည္။

ထိုအခ်ိန္တြင္ ရဲစြမ္းႏိုင္သည္ အသက္ ၃၀ ေက်ာ္ခန္႕ အရြယ္ အမ်ိဳးသမီး တစ္ေယာက္ႏွင့္ အတူ တရားခြင္ထဲသို႕ ေရာက္ရွိလာသည္။ အမ်ိဳးသမီး၏ မ်က္ႏွာသည္ ၾကည္လင္ေနသည္။ သီလရွင္ လူထြက္ ပံုစံ ေခါင္းတံုး ႏွင့္ ျဖစ္သည္။

“တရားလိုဘက္က သက္ေသကို သြင္းခ်င္ပါတယ္” ဟု ရဲစြမ္းႏိုင္က ေျပာလိုက္သည္။ စိမ္းဝတီႏွင့္ ႏြယ္နီႏိုင္ပင္ ပါးစပ္ အေဟာင္းသားႏွင့္ သူတို႕ကို ၾကည့္ေနရသည္။

“ေသဆံုးသူ ဦးေအာင္ျမ မေသဆံုးခင္က ခ်စ္သူ ျဖစ္ခဲ့ဖူးတဲ့ ေဒၚခင္ခင္သာ ပါ”

ရဲစြမ္းႏိုင္က တရားသူၾကီးႏွင့္ တကြ တရားခြင္မွ လူအားလံုး ၾကားေအာင္ အသိေပးလိုက္ပါသည္။ ဦးစိုးျမင့္ဦး ပါးစပ္မွ “ခင္ခင္” ဟု အံၾသတၾကီး ထြက္သြားသည္။ ေဒၚခင္ခင္သာ ျဖစ္သည္မွာ ေသခ်ာပါသည္။ တရားသူၾကီးက တရားလိုဘက္မွ သက္ေသ အျဖစ္ လက္ခံ လိုက္ပါသည္။

ဆရာေလး ေဒၚေခမာစာရီသည္ ေသဆံုးသူ ခ်စ္သူေဟာင္း အတြက္ အမွန္တရား ျဖစ္ေသာ္လည္း တစ္ဘက္သားမ်ား အတြက္ ဒုကၡေပးရာ ေရာက္ေသာ ကိစၥ ျဖစ္ေသာေၾကာင့္ သီလရွင္ ဝတ္ႏွင့္ မေျပာ မဆိုခ်င္သည့္ အတြက္ ေခတၱ လူထြက္ကာ လူဝတ္ေၾကာင္ အဝတ္ကို ဝတ္ခဲ့ျခင္း ျဖစ္သည္။ အိပ္မက္ထဲက အဘိုး ညႊန္ၾကားေသာ အေဆာက္အအံု သို႕ သြားေရာက္ခဲ့ရာ အထူးမွဳခင္းရဲတပ္ဖြဲ႔၏ ရံုးခန္း ျဖစ္ေနပါသည္။ ရံုးေရွ႕ တြင္ တရားရံုးသို႕ လာေရာက္ေတာ့မည့္ ရဲစြမ္းႏိုင္ႏွင့္ ေတြ႕ ဆံုခဲ့ျခင္းပင္ ျဖစ္ပါသည္။

လြန္ခဲ့ေသာ ၁၄ ႏွစ္က ဦးအုပ္စိုး၊ စိုးတင့္ဦး ႏွင့္ စိုးျမင့္ဦး သားအဖ သံုးေယာက္က ကိုေအာင္ျမကို မည္သို႕ မည္ပံု သတ္ခဲ့ျပီး ေရတြင္းေဟာင္းထဲသို႕ ပစ္ခ်ထားခဲ့သည့္ အေၾကာင္းမ်ားကို ေဒၚခင္ခင္သာက တိတိက်က် ထြက္ဆိုခဲ့ရာ သားအဖ သံုးေယာက္မွာ မည္သို႕ မွ မျငင္းသာေတာ့ပါ။ ႏွစ္ေပါင္းမ်ားစြာ ၾကာခဲ့ေသာ္လည္း အရိုးစု သက္ေသ တစ္ခုမွ စတင္ကာ တရားခံမ်ားကို ထိုက္သင့္ေသာ အျပစ္ေပးႏိုင္ေတာ့မည္ ျဖစ္ပါသည္။

ေလာကီကိစၥမ်ား ျပီးဆံုးလွ်င္ ေဒၚခင္ခင္သာသည္ ေဒၚေခမာစာရီ ဘဝသို႕ ျပန္လည္ ကူးေျပာင္းမည္ ျဖစ္ပါသည္။ ေသဆံုးသူ ကိုေအာင္ျမ အတြက္လည္း ကုသိုလ္ေကာင္းမွဳျပဳကာ အမွ်အတန္းေပးေဝ၍ ေကာင္းမြန္ရာ ဘံုဘဝသို႕ ကူးေျပာင္း ေစရမည္ ျဖစ္ပါေတာ့သည္။

(မွဳခင္းဆိုင္ရာ စစ္ေဆးခ်က္မ်ားႏွင့္ ပတ္သက္၍ လိုအပ္ခ်က္မ်ား ရွိပါက နားလည္ ေပးေစလိုပါသည္။)

သိဂၤါေက်ာ္

19.10.2016

10:41 PM

ခြင့္လႊတ္ျခင္းငွာ မထိုက္တန္ေသာ

လူတစ္ေယာက္မွာ အခ်စ္တစ္ခုထက္ ပိုရွိႏိုင္သလား။ အခ်စ္ဆိုသည္က တစ္ေယာက္ျပီး တစ္ေယာက္ ေျပာင္းျပီး ခ်စ္ႏိုင္သည့္အရာလား။ ဒါမွမဟုတ္ အခ်စ္ကို ေပါ့ေပါ့တန္တန္ သေဘာထားသူတို႕က ေပါ့ေပါ့တန္တန္ ခဏခဏ ခ်စ္ႏိုင္ၾကသလား။ ေႏြ႕အတြက္ေတာ့ အခ်စ္သည္ အခုအခ်ိန္အထိ တစ္ခုတည္းသာ မေျပာင္းမလဲ ရွိခဲ့သည္။ အခ်စ္ႏွင့္ သစၥာသည္ အတူတြဲ ရွိသင့္သည့္အရာဟု ေႏြက သတ္မွတ္ထားသည္။ သစၥာကို တန္ဖိုးမထားသူ တစ္ေယာက္ကို ေႏြ႕အေနႏွင့္ တန္ဖိုးထားသင့္ပါလား။ သစၥာေဖာက္တတ္သူက သစၥာေဖာက္ေလတိုင္း ေႏြက ျဖစ္တတ္သည့္ အရာပဲရယ္လို႕  ခြင့္လႊတ္ေပးရမယ္ တဲ့လား။ ေႏြလည္း ခံစားတတ္သည့္ သာမန္ မိန္းမသားတစ္ေယာက္ပါပဲ။ မုန္႕ကိုသာ ေဝစားမယ္၊ အခ်စ္ကို မခြဲေဝႏိုင္ဘူး ဆိုသည့္ မိန္းမေတြထဲက တစ္ေယာက္သာ ျဖစ္သည္။ ေႏြ႕ ခြင့္လႊတ္ျခင္းႏွင့္ မထိုက္တန္ေတာ့သည့္ တစ္ေန႕ေတာ့ ခ်စ္သူကို ထားခဲ့ရေတာ့မည္သာ ျဖစ္သည္။

*****

ေႏြႏွင့္ ကိုကို စေတြ႕သည္က သမားရိုးက် မဟုတ္ေသာ (ခုေခတ္မွာေတာ့ သမားရိုးက်ဟု ေျပာလ်ွင္လည္း ရေနျပီ ျဖစ္ေသာ) online သူငယ္ခ်င္းအျဖစ္ စေတြ႕ ခဲ့ျခင္း ျဖစ္ပါသည္။ လြန္ခဲ့ေသာ ၆ႏွစ္ကေတာ့ ခုေလာက္ထိ ဖုန္းေတြထဲမွာ internet အသံုးမမ်ားေသးပါ။ ေႏြကလည္း Master Thesis လုပ္ရင္း internet သံုးျဖစ္သူ၊ ကိုကိုကလည္း ရုရွမွာ ဘြဲ႕လြန္ တက္ေနသူမို႕  internet အျမဲသံုးေနသူ ျဖစ္ေသာေၾကာင့္ မေမ်ွာ္လင့္ပဲ ေတြ႕ခဲ့ၾကျခင္း ျဖစ္သည္။ အစကေတာ့ ရိုးရိုး သူငယ္ခ်င္းပါပဲ။ ေႏြ႕မွာ တစ္ျခား ေျပာေနသူေတြလည္း ရွိခဲ့ပါသည္။ ကိုကို႕ကိုေတာ့ သူမ်ားေတြႏွင့္မတူပဲ ေႏြက စြဲလမ္းခဲ့သည္။ ကိုကိုကလည္း စကားေျပာေကာင္းသည္။ မိန္းကေလးေတြ က်ေလာက္ေအာင္ ေျပာတတ္ေသာသူ ျဖစ္သည္။ ေနာက္တစ္ဆင့္တက္ျပီး ကိုကို႕ ဓာတ္ပံုကို ျမင္ရျပန္ေတာ့လည္း သေဘာက်သည့္စိတ္က ပိုျပီး တိုးလာရသည္။ ကိုိကုိက မိန္းကေလးေတြ က်ခ်င္စရာ ျဖဴျဖဴေခ်ာေခ်ာ စမတ္က်က် ရုပ္မ်ိဳး။ ေႏြကလည္း ေႏြ႕ပံုေတြထဲက အလွဆံုးထင္သည္မ်ားကို ေရြးပို႕ျဖစ္သည္။ ကိုကို႕ႏွင့္ တစ္ရက္ေလာက္ online မွာ မေတြ႕ျဖစ္လ်ွင္ ေႏြ႕မွာ ေနမရ ထိုင္မရေအာင္ ျဖစ္ခဲ့သည္။ ကိုကိုကလည္း ေႏြ႕ကို သာမန္ သူငယ္ခ်င္းထက္ ပိုျပီး စိတ္ဝင္စားေနသည္ကို ခံစားမိသည္။

ေနာက္ေတာ့ ထင္ထားသည့္အတိုင္းပင္ ကိုကိုက ေႏြ႕ကို ခ်စ္စကား ေျပာလာသည္။ ရက္ သိပ္ၾကာၾကာ မဆိုင္းခဲ့ဘူး ထင္ပါသည္။ ေႏြက ကိုကို ေပးေစခ်င္သည့္ အေျဖကို ေပးလိုက္သည္။ ေႏြတို႕ ႏွစ္ေယာက္ online ခ်စ္သူေတြ ျဖစ္လာခဲ့သည္။ ေႏြတို႕ VZO မွာ chat ၾကသည္။ အရင္ကေတာ့ viber ေတြ video call ေတြ ေခတ္မစားေသးပါ။ ေႏြ႕မွာ ခ်စ္သူဆို၍ ကိုကို တစ္ေယာက္တည္း ရွိသလို ကိုကို ကလည္း သူ ခ်စ္စကား ေျပာဖူးသည္မွာ ေႏြတစ္ေယာက္တည္းပါ ဟု ဆိုခဲ့သည္ကို ေႏြကလည္း မ်က္စိမွိတ္ ယံုခဲ့သည္။ တစ္ေယာက္ႏွင့္ တစ္ေယာက္ အေဝးၾကီးမွာ ေဝးေနေသာ္လည္း စိတ္ခ်င္း နီးစပ္သည္ကို ေႏြက ဂုဏ္ယူစြာ သာယာခဲ့သည္။ ေႏြ႕ အတြက္ေတာ့ ကိုကို႕လို လူမ်ိဳး ေနာက္တစ္ေယာက္ မရွိႏိုင္ေတာ့တာ ေသခ်ာလွသည္။

ကိုကို ေက်ာင္းျပီးလို႕ ျပန္လာေတာ့ ေႏြလည္း ေက်ာင္းျပီးလို႕ ဆရာမ ဝင္လုပ္ေနျပီ ျဖစ္သည္။ ကိုကိုႏွင့္ ပထမဆံုး စ date လုပ္ျပီး ေတြ႕ ခဲ့ေသာေန႕က ေႏြ႕ရင္ခုန္သံသည္ ဆယ္ေက်ာ္သက္ကေလးလို ရူးရူးမူးမူး လတ္ဆတ္ ေနခဲ့သည္။ ကိုကို႕ ဓာတ္ပံုကို ျမင္ဖူးထားခဲ့ေသာ္လည္း video chat နွင့္ chat ဖူးထားေသာ္လည္း၊ အျပင္မွာ တကယ္ေတြ႕ေတာ့ ပံုထဲကလိုမွ ေခ်ာပါ့မလား၊ ပုပုေသးေသး ျဖစ္ေသာ ေႏြ႕ထက္ ဘယ္ေလာက္ အရပ္ ပိုျမင့္မလဲ၊  မေတြ႕ျဖစ္ေသာ ကာလအတြင္း ဝဝတုတ္တုတ္ ၾကီး ျဖစ္ေနျပီလား စသျဖင့္ အေတြးေတြ ေယာက္ယက္ခတ္ေအာင္ ေတြးေနေသးသည္။ ေႏြ႕ကို အျပင္မွာ ေတြ႕ရင္ ကိုကိုက ခ်စ္မွ ခ်စ္ပါဦးမလား၊ ေႏြ႕ကို ရုပ္ဆိုးမေလးလို႕ ထင္မွာလား၊ ကိုကို႕ လို အသားမျဖဴသူမို႕  ၾကိဳက္မွ ၾကိဳက္ပါ့မလား စသျဖင့္လည္း ေတြးမိေသးသည္။ 

ကိုကိုက ေယာက်္ားတစ္ေယာက္ အေနႏွင့္ သိပ္ေတာ့ အရပ္ျမင့္သူ မဟုတ္ေသာ္လည္း ေႏြ႕ထက္ေတာ့ ရွည္သည္ေပါ့။ ဓာတ္ပံုမ်ားထဲကလိုပင္ ေခ်ာေမာ ခန္႕ညားသူ ျဖစ္သည္။ ေႏြက ခ်စ္ေသာ မ်က္စိျဖင့္ ၾကည့္ေသာေၾကာင့္လားမသိ။ ကိုကို႕မွာ အျပစ္္ဆိုစရာ တစ္စံုတစ္ရာ မေတြ႕ ခဲ့ရပါ။ ကိုကိုကလည္း ေႏြ႕ကို အျပင္မွာ ပို ခ်စ္စရာ ေကာင္းသည္ဟု ဆိုသည္။ ကိုကိုက ေႏြတို႕ႏွစ္ေယာက္ ခ်စ္ျခင္းကို အတည္အက် တန္ဖိုးထားသည္ဟု ေျပာေတာ့ ေႏြ႕ ရင္ထဲမွာ ႏွစ္သက္မႈက အတိုင္းမသိ ျဖစ္ခဲ့ရသည္။  ေႏြက ကိုကိုႏွင့္ ေတြ႕ ဆံုခဲ့ျခင္းကို ကံေကာင္းျခင္း တစ္ခုအျဖစ္ မွတ္ယူ တန္ဖိုးထားခဲ့ပါသည္။

*****

ေႏြက ကံမေကာင္းစြာ မတည္ျမဲခဲ့ေသာ အိမ္ေထာင္တစ္ခုမွာ ေမြးဖြားခဲ့ရေသာ တစ္ဦးတည္းေသာ သမီး ျဖစ္သည္။ ရန္ကုန္သား ေဖေဖက မႏၱေလးမွာ ကုန္ေရာင္း ကုန္ဝယ္ လာလုပ္ရင္း မႏၱေလးသူ ေမေမႏွင့္ ခ်စ္ၾကိဳက္ခဲ့သည္။ အဘိုးက ေမေမ ႏွင့္ ေဖေဖ့ကို သေဘာမတူခဲ့ေသာ္လည္း ေနာက္ဆံုးေတာ့ လက္ထပ္ျဖစ္ခဲ့သည္။ ေမေမတို႕ အိမ္ေထာင္ေရး ႏွင့္ ပတ္သက္ျပီး ေႏြ ေကာင္းေကာင္း မသိေသာ္လည္း ေမေမ့ဘက္ လိုက္ေနခဲ့ရေသာ ေဖေဖ့ အတြက္ ေမေမ့ အေဖ ေႏြ႕ အဘိုး ႏွင့္ ေမေမ့ ညီအစ္မမ်ား ေဆြမ်ိဳးမ်ား ဒဏ္ကို ေတာ္ေတာ္ ခံခဲ့ရသည္ဟု ေမေမကေတာ့ ေျပာဖူးပါသည္။ ေႏြ သိတတ္ေသာ အရြယ္ မေရာက္ခင္ကပင္ ကြဲကြာသြားခဲ့ေသာ အေဖကို မေကာင္းျမင္မိမည္ စိုး၍ ေျဖေျပာျခင္း ျဖစ္မည္ ထင္ပါသည္။ ေမေမတို႕ ဇာတ္ေၾကာင္းကို ေသခ်ာ မသိႏိုင္ခဲ့ေသာေၾကာင့္ ေႏြ႕ အသိဥာဏ္ႏွင့္ ဘာမွ မဆံုးျဖတ္တတ္ေသာ္လည္း ေႏြ အရြယ္ေရာက္လာသည့္ အခ်ိန္တြင္ နားလည္မိသည္က ေမေမသည္ ေဖေဖ့ကို ဘယ္တုန္းကမွ မမုန္းခဲ့ မနာက်ည္းခဲ့ပဲ ယခုထိ ခ်စ္ေနဆဲ ဆိုသည္ကိုပင္။

ေႏြ႕ အဘိုးမွာလည္း ဝတၱဳဆန္ေသာ အိမ္ေထာင္ေရးမ်ိဳး ရွိခဲ့သူ ျဖစ္သည္။ အဘိုးမွာ အိမ္ေထာင္ သံုးဆက္မ်ွ ရွိခဲ့ရာ ႏွစ္ဆက္ကေတာ့ အျပိဳင္သေဘာမ်ိဳးပင္ ျဖစ္ခဲ့သည္။ ေမေမတို႕ ညီအစ္မ သံုးေယာက္သည္ အဘိုး၏ ပထမ အိမ္ေထာင္ဖက္မွ ေမြးခဲ့ျခင္းျဖစ္ျပီး အဘြားသည္ ေမေမ အသက္ ၁၆ႏွစ္ေလာက္မွာပင္ ဆံုးပါးခဲ့သည္။ တတိယ ႏွင့္ ေနာက္ဆံုး တစ္ေယာက္က အဘိုးထက္ အေတာ္ငယ္ ခဲ့သည္။ ထိုတစ္ေယာက္ႏွင့္ လက္ထပ္ယူခ်ိန္မွာ အဘိုးသည္ ကေလး မရႏိုင္ေအာင္ လုပ္ထားျပီး ျဖစ္ခဲ့သည္။ သို႕ေသာ္ အမ်ားအျမင္မွာေတာ့ အဘိုးသည္ တတိယ အိမ္ေထာင္ႏွင့္ သားတစ္ေယာက္ ရခဲ့ပါသည္။ အဘိုးလက္ထဲမွာပင္ ေဖာက္ျပန္ခဲ့ျခင္းကို အဘိုးကိုယ္တိုင္ သိေသာ္လည္း အခ်စ္ၾကီးသူမို႕လားမသိ၊ အဘိုးသည္ လံုးဝ ျပႆနာ မလုပ္ပဲ ဆက္လက္ ေပါင္းဖက္ ေနခဲ့ပါသည္။ ေမေမတို႕ ညီအစ္မမ်ားကသာ ထိုအေၾကာင္းကို သိေသာ္လည္း ေႏြတို႕  ဦးေလးငယ္ ကေတာ့ ထိုအေၾကာင္းကို လံုးဝ မသိခဲ့ပါ။ ယခုအခါ အဘိုး၏ အိမ္ေထာင္ဖက္ ဆံုးပါးသြားျပီ ျဖစ္ေသာ္လည္း ဦးေလးငယ္ကို အဘိုးက သားတစ္ေယာက္လိုပင္ အျမဲ သေဘာထားခဲ့ပါသည္။

ေႏြ႕ အဘိုးက စည္းကမ္းၾကီးသည္။ ညဆိုလွ်င္လည္း အျပင္မထြက္ရ။ ေယာက်္ားေလး သူငယ္ခ်င္းေတြ ေပါင္းတာလည္း မၾကိဳက္။ တစ္ျခား အမ်ားၾကီး ဇီဇာေၾကာင္တာေတြ ရွိေသးသည္။ ဆရာမ အလုပ္ကိုလည္း အဘိုး သေဘာက် ေႏြ လုပ္ခဲ့ရျခင္း ျဖစ္သည္။ ေႏြ႕အလို ဆိုလ်ွင္ လခမ်ားမ်ား ရမည့္ အျပင္အလုပ္သာ လုပ္ခ်င္သည္။ ေႏြ အေဒၚ ႏွစ္ေယာက္က အပ်ိဳၾကီးေတြ ျဖစ္ျပီး ေႏြ အရြယ္ေရာက္ကတည္းက အပ်ိဳၾကီး လုပ္ဖို႕ ေယာက်္ားေတြ မေကာင္းေၾကာင္း ေျပာျပျပီး သူတို႕ ဇာတ္သြင္းဖို႕ ၾကံၾကပါသည္။ သူတို႕ကလည္း ဇီဇာေၾကာင္ျပီး စည္းကမ္းၾကီးသူေတြ သာျဖစ္သည္။ ဦးေလးငယ္ကေတာ့ တပ္ထဲ ဝင္ခဲ့ျပီး အိမ္ေထာင္က်လည္း ကံမေကာင္းရွာပါ။ မၾကာေသးခင္ကပင္ ျပႆနာေတြ ျဖစ္ျပီး သူ႕မိန္းမႏွင့္ ကြာရွင္းခဲ့သည္။ ကေလး ႏွစ္ေယာက္ကိုေတာ့ အဘိုးကပင္ ေထာက္ပံ့ရဦးမည္။

စည္းကမ္းၾကီးေသာ အိမ္ေထာင္စုထဲမွာ ၾကီးျပင္းခဲ့သူမို႕ အျပင္မွာ ရည္စားမရွိခဲ့ပဲ ကိုကိုႏွင့္က်မွ online မွာ ေတြ႕ ခဲ့ျခင္း ျဖစ္သည္။ တကယ္ဆို ပတ္ဝန္းက်င္ အနီးအနားက မေျပလည္ေသာ အိမ္ေထာင္ေရးမ်ားကို ၾကည့္ျပီး စိတ္ကုန္သင့္ေနသူ ျဖစ္ေသာ္လည္း ေႏြကေတာ့ ကိုကိုႏွင့္ တစ္အိုးတစ္အိမ္ ထူေထာင္ဖို႕ကို ခ်စ္သူ ျဖစ္စကပင္ စိတ္ကူးယဥ္ ေနသူ ျဖစ္သည္။ ေမေမ မရခဲ့ေသာ၊ ဦးေလးငယ္ မရခဲ့ေသာ တစ္သက္တာ တည္တံ့မည့္ အိမ္ေထာင္တစ္ခုကို ကိုကိုႏွင့္ အတူ တည္ေဆာက္ဖို႕  ရည္မွန္းထားခဲ့သည္။

*****

ကိုကိုႏွင့္ ရင္းႏွီးျပီးေနာက္ သိလာရသည္မွာ ကိုကို႕ မိဘမ်ားက အညာျမိဳ႕ေလး တစ္ျမိဳ႕မွာ ေနသည္။ အလုပ္အကိုင္ ခိုင္ခိုင္မာမာ မရွိပါ။ ကိုကို႕ အေဖ၏ ပင္စင္ လစာ ေလးသာ ရွိသည္။ အစ္မ တစ္ေယာက္က အိမ္ေထာင္က်ျပီး တစ္ျခားမွာ ေနေသာ္လည္း မိဘကို အေထာက္အပံ့ မေပးႏိုင္ပါ။ ကိုကို သံုးဖို႕ အနည္းအပါး ခ်န္ျပီး ကိုကို႕ လစာကို မိဘကို လတိုင္း လႊဲရသည္။ ေႏြ႕ ေမြးေန႕ ၊ ေႏြတို႕ အခ်စ္ ႏွစ္ပတ္လည္ေန႕  စသည္မ်ားမွာ ကိုကို ေပးေသာ လက္ေဆာင္မ်ားက အမွတ္တရ ျဖစ္ရံုေလာက္သာ ျဖစ္ျပီး တန္ဖိုးၾကီးေသာ လက္ေဆာင္မ်ိဳး ေႏြ မရဖူးပါ။ ေႏြကေတာ့ ကိုကို႕ ေမြးေန႕ ၊ လူၾကံဳရွိေသာအခါ စသည္မ်ားမွာ တန္ဖိုးၾကီးေသာ ရွပ္အက်ႌ၊ နာရီ စသည္ျဖင့္ ေပးဖူးသည္။ ခုလို ဖုန္း ဆင္းကတ္ တစ္ကတ္ကို ၁၅၀၀၊ ၂၀၀၀ မရခင္က ကိုကို႕ ကို ဆင္းကတ္ပါ ဝယ္ေပးဖူးသည္။ ကိုကိုက သူ ရေသာ ကတ္ကိုေတာ့ အိမ္ကို ေပးလိုက္ရသည္ ဆိုေတာ့ ဖုန္းမဆက္ပဲ မေနႏိုင္သည့္ ေႏြကပဲ ဝယ္ေပးလိုက္ျခင္း ျဖစ္သည္။ ဘယ္လိုပဲ ျဖစ္ျဖစ္ ေအးအတူ ပူအမ်ွ ခ်စ္သူေတြ လို႕ သတ္မွတ္ျပီးသည့္ေနာက္ သာသည္ နာသည္ ေႏြ မတြက္ခ်င္ပါ။

ေႏြက အခ်မ္းသာၾကီး မဟုတ္ေသာ္လည္း ျပည့္စံု၍ လိုတာရေနေသာ မိသားစုထဲတြင္ ၾကီးျပင္းခဲ့ရသူမို႕ မျပည္စံုမႈကို သေဘာမက်ပါ။ တကယ္ေတာ့ ေႏြ႕ စိတ္သေဘာက ေပးသေလာက္ေတာ့ ျပန္ရခ်င္သည္။ အခ်စ္ပဲ ျဖစ္ျဖစ္၊ ဂရုစိုက္မႈပဲ ျဖစ္ျဖစ္၊ ပစၥည္းပဲ ျဖစ္ျဖစ္။ ေႏြ႕ ဘက္က လက္ေဆာင္ တစ္ခု ေပးလွ်င္ ကိုကို႕ဘက္ကလည္း တန္ဖိုးမရွိသည္ ျဖစ္ေစ တစ္ခုေလာက္ေတာ့ သိတတ္စြာ ျပန္ေပးသည္ကို လိုခ်င္သည္။ ေႏြ႕ဘက္က ဖုန္း တစ္ခါ စဆက္လွ်င္ ကိုကို႕ ဘက္ကလည္း တစ္ခါ ျပန္ဆက္ေစခ်င္သည္။

ေႏြကလည္း စိတ္တိုင္းက် မျဖစ္လွ်င္ နည္းနည္းေတာ့ ရစ္ခ်င္သည္။ စိတ္ကို ထိန္းခ်ဳပ္မထားတတ္ပဲ စိတ္ထဲ ရွိသလို ပြင့္ပြင့္လင္းလင္း ေျပာတတ္ေသာ စရိုက္ရွိသည့္ ေႏြႏွင့္ လွ်ိဳ႕ ဝွက္ ဖုံးကြယ္လိုေသာ ကိုကို တို႕ ခဏ ခဏ ျပႆနာ တတ္သည္မွာ အဆန္းမဟုတ္ပါ။ ေႏြက ဂရုစိုက္လည္း ခံလိုသည္။ ကိုကို႕ ကိုလည္း အခ်ိန္တိုင္း လွမ္းစစ္တတ္သည္။ ကိုကို႕ကို ဖုန္းဆက္ မရလွ်င္ စိတ္ပူသည္။ ကိုကို တစ္ျခား ေကာင္မေလးတစ္ေယာက္ေယာက္ ႏွင့္ ပတ္သက္ေနမွာကို ေႏြ အစိုးရိမ္ဆံုး၊ အပူပန္ဆံုး ျဖစ္သည္။ ကိုကိုက ေႏြ႕ကို ကေလးဆန္လြန္းသည္၊ သဝန္တိုလြန္းသည္ ဟု ထင္သည္။ ဘာမဟုတ္သည့္ ျပႆနာေလးေတြ ခဏခဏ တက္ၾကေသာ္လည္း ေနာက္ဆံုးေတာ့ ပိုခ်စ္ရသည့္ ေႏြက ေလွ်ာ့ေပးရသည္ပဲ ျဖစ္ပါသည္။

တစ္သက္တစ္ခါ မဂၤလာပြဲကိုလည္း ေႏြက လွလွပပ ခမ္းခမ္းနားနား က်င္းပလိုသည္။ ေႏြသိသေလာက္ ကိုကို႕ မိဘမ်ားဘက္က ေႏြ ေမွ်ာ္လင့္သေလာက္ လုပ္ေပးႏိုင္ဖို႕ မရွိပါ။ ေႏြသည္ ကိုကိုႏွင့္ ေႏြ႕ အေၾကာင္း အိမ္ကို ေျပာျပဖို႕  ေတာ္ေတာ္ သတၱိေမြးခဲ့ရသည္။ ေမေမ့ကို အရင္ေျပာျပေတာ့ ေအးေဆးေသာ ေမေမကေတာ့ ေႏြ ခ်စ္ေသာသူကို သေဘာတူသည္ပင္။ တျဖည္းျဖည္း စကားသြင္းရင္းႏွင့္ အဘိုးႏွင့္ အေဒၚမ်ားက သေဘာမတူခ်င္ တူခ်င္ တူလာသည္။ ကိုကို႕ မိဘမ်ားဘက္ကလည္း ေႏြႏွင့္ သေဘာတူပါသည္။ ကိုကို ပညာတတ္သလို ေႏြလည္း တတ္ပါသည္။ ကိုကိုက စစ္ဗိုလ္ တစ္ေယာက္ ျဖစ္သလို ေႏြလည္း တကၠသိုလ္ ဆရာမ တစ္ေယာက္ ျဖစ္သည္။ ေႏ႕ြ အသိုင္းအဝိုင္းက ျပည့္စံုသေလာက္ပင္ ကိုကို႕ ဘက္က မျပည့္စံုသည္ကိုေတာ့ ေႏြက သိပ္သေဘာမက်ခ်င္ပါ။ ႏွစ္ဦးအေျခအေန အတူတူမွာ မဂၤလာပြဲကို ေႏြ႕ဘက္က စိုက္ထုတ္၍ လုပ္ရမည္ ဆိုလွ်င္ မျဖစ္သင့္ဘူး မဟုတ္လား။ အဘိုးက လုပ္ေပးမည္ ဆိုလွ်င္ေတာင္ ေႏြက မလုပ္ခ်င္။ ဘာပဲျဖစ္ျဖစ္ ေႏြတို႕  ကိုယ့္ဘာသာကိုယ္ ၾကိဳးစားသင့္သည္ဟု ထင္သည္။

 *****

သူငယ္ခ်င္းေတြကေတာ့ ေႏြက ကိုယ့္ဒုကၡကိုယ္ ရွာသည္ဟု ဆိုၾကသည္။ ေႏြကလည္း ကိုကို႕ကို နည္းနည္းေလးမွ စိတ္မခ်ခ်င္ပါ။ ကိုကို အရင္က ဘယ္ေကာင္မေလးေတြနဲ႕ပဲ အီစီကလီ လုပ္လုပ္၊ ေႏြႏွင့္ ခ်စ္သူ ျဖစ္ျပီးေနာက္ေတာ့ မလုပ္သင့္ေတာ့ဟု တားျမစ္ထားသည္။ ကိုကိုက ေႏြ႕ မွာလည္း online သူငယ္ခ်င္းေတြ ရွိတာပဲ ဟု ျပန္ေျပာသည္။ ကိုကို႕ gmail password ကို ေတာင္းေတာ့လည္း မေပးခဲ့ပါ။ ေႏြ႕ သူငယ္ခ်င္း ဆိုသည္ေတြက သူငယ္ခ်င္းသက္သက္ သာ ျဖစ္ေၾကာင္း ေျပာေတာ့ ကိုကို႕ မွာလည္း သူငယ္ခ်င္း အရင္းေတြပဲ ရွိတာမို႕ မယံုသကၤာ ျဖစ္တာ မၾကိဳက္ဟု ဆိုသည္။

ခ်စ္သူ ျဖစ္ကာစ ႏွစ္တုန္းကေတာ့ ကိုကိုက ခြင့္ရက္ရတိုင္း ေႏြ ရွိရာ မႏၱေလးသို႕ လာ လာ ေတြ႕ေလ့ရွိသည္။ ေနာက္ပိုင္း ႏွစ္ေတြမွာေတာ့ တာဝန္ေတြ မ်ားသည့္အေၾကာင္း၊ ခြင့္ရက္ မရသည့္ အေၾကာင္းေတြႏွင့္ မလာႏိုင္တာ ၾကာလာေသာအခါ ေႏြကပဲ အားလပ္သည့္ အခါမ်ားမွာ သြားေတြ႕ရေတာ့သည္။ ေႏြကလည္း ျပႆနာကို မီးထြန္းရွာသူ တစ္ေယာက္ ျဖစ္ေနသလား မသိပါ။ အဲသလိုသာ မလုပ္ခဲ့မိလွ်င္လည္း ကိုကို႕ အေၾကာင္း ေႏြ ဘယ္ေတာ့မွ သိႏိုင္မွာ မဟုတ္ဘူး မဟုတ္လား။

ကိုကို႕ဆီ သြားေတြ႕ရင္းႏွင့္ ထံုးစံအတိုင္း ကိုကို႕ ဖုန္းကို ကလိ ၾကည့္မိသည္။ call history ထဲမွာ ခဏ ခဏ ေခၚထားေသာ ဖုန္းနံပါတ္တစ္ခုကို သြားေတြ႕သည္။ မွတ္ထားသည္ကေတာ့ သာမန္ မိန္းကေလး နာမည္တစ္ခုပင္။ ကိုကို႕ ဘက္က ေခၚသည္ထက္ ဟိုဘက္က ေခၚတာက ပိုမ်ားသည္။ အဲဒါတင္မက sms message မ်ားပါ အမ်ားၾကီး ေတြ႕ရသည္။ ဒီတစ္ေခါက္က ကိုကို႕ကို ၾကိဳမေျပာပဲ အံ့ၾသ ဝမ္းသာ သြားေအာင္ ဆိုျပီး ေႏြက ရုတ္တရက္ ေရာက္ခ် သြားေသာေၾကာင့္ ကိုကို ဖုန္းကို သန္႕ ရွင္းေရး လုပ္ဖို႕ အခ်ိန္မရလိုက္ျခင္း ျဖစ္သည္။ ကိုကို႕ကို ေမးေတာ့ ရိုးရိုး သူငယ္ခ်င္းပါ ျဖစ္ေၾကာင္း ေျပာသည္။ သို႕ေသာ္ ေႏြ႕ မ်က္စိႏွင့္ ေတြ႕ေနရေသာ message မ်ားက ရိုးရိုး သူငယ္ခ်င္း မဟုတ္ေၾကာင္း သက္ေသခံေနသည္။ ဘယ္အခ်ိန္ကတည္းကလဲ ေမးသည္ကို ေသခ်ာ ျပန္မေျဖပါ။ မၾကာေသးသလိုလို၊ တစ္လ ႏွစ္လပဲ ရွိေသးသလိုလို ေျပာသည္။ ထိုမိန္းကေလးကိုလည္း online ကပဲ ေတြ႕သည္ ဆိုသည္ကေတာ့ မွန္လိမ့္မည္ ထင္သည္။

“ဘာမွ မဟုတ္ပါဘူးကြာ၊ ကိုကိုက အားနာလို႕ ျပန္ေျပာေနတာပါ၊ သူ႕ဘက္က တစ္ဖက္သတ္ ျဖစ္ေနတာ၊ ကိုကိုက ေယာက်္ားေလး ဆိုေတာ့ ပစ္ပစ္ခါခါၾကီး ဘယ္လိုလုပ္ေျပာမလဲ၊ စိတ္ထဲ ထားမေနပါနဲ႕ ေႏြေလးရာ၊ ေနာက္မေျပာေတာ့ပါဘူး”

ကိုကိုက ေႏြ႕လက္ထဲက ဖုန္းကို အတင္းလုယူျပီး message မ်ား call log မ်ားကို ဖ်က္ပစ္လိုက္သည္။ ေႏြ႕ ဦးေႏွာက္ ထဲမွာေတာ့ ထိုမိန္းကေလး၏ ဖုန္းနံပါတ္က မွတ္မိသြားျပီ ျဖစ္သည္။ ကိုကို႕ အခန္းကို ေလ်ွာက္ေမႊေတာ့ ထိုမိန္းကေလး ေပးထားပံု ရသည့္ လက္ေဆာင္မ်ားကိုပါ ေႏြက ေတြ႕ သြားျပီး ေမးေတာ့ ကိုကို က ျငင္းေသးေသာ္လည္း ေနာက္ဆံုးေတာ့ ဝန္ခံလိုက္ရသည္။ ေႏြတို႕ အၾကီးအက်ယ္ စကားမ်ား ရန္ျဖစ္ျပီး ျပန္လာခဲ့သည္။ ျပန္လာျပီးေနာက္ ေႏြ ထိုမိန္းကေလးဆီ ဖုန္းဆက္လိုက္သည္။ ေပၚတင္ပင္ ကိုကိုႏွင့္ ပတ္သက္သမ်ွကို ေႏြ ေမးေတာ့ သူမကလည္း ပြင့္ပြင့္လင္းလင္းပင္ အားလံုး ေျပာျပသည္။ သူမကလည္း ေႏြႏွင့္ ပတ္သက္၍ ခုမွ သိပံုရသည္။ သူမႏွင့္ ကိုကို ပတ္သက္ သမွ်ကိုလည္း ေႏြ အားလံုးလိုလို သိသြားရသည္။

သူမသည္ ကိုကို ႏွင့္ ေႏြ online မွာ စေတြ႕ေသာ အခ်ိန္ေလာက္ (အဲဒီထက္ေတာင္ ေစာႏိုင္သည္) ကတည္းက ကိုကိုႏွင့္ ေတြ႕ခဲ့သည္။ ကိုကို ျပန္လာေတာ့ အျပင္မွာ ေတြ႕ၾကသည္။ လက္ေဆာင္ေတြ အျပန္အလွန္ ေပးဖူးသည္။ ေႏြက စပ္စပ္စုစု သူမ ကိုကို႕ ကို ဘာေတြ ေပးဖူးသလဲ ဟု ေမးလိုက္မိေသးသည္။ သူမ ကိုကို႕ကို ေပးထားေသာ စံုတြဲ ဖန္ခြက္ကေလး တစ္စံုကေတာ့ ေႏြ႕ ဆီမွာ ကိုကို႕ ခ်စ္သက္လက္ေဆာင္ အျဖစ္ ေရာက္ေနပါသည္။ ေႏြေပးေသာ လက္ေဆာင္ေတြကေတာ့ ေယာက်္ားေလး အသံုးအေဆာင္မ်ားသာမို႕  သူမဆီ ေရာက္ဟန္မတူပါ။ သူမပဲ ရင္နာရမွာလား။ ေႏြပဲ ရင္နာရမွာလား မသိေတာ့ပါ။ သူမႏွင့္ ဖုန္းေျပာျပီးျပီးခ်င္း ကိုကို႕ လက္ေဆာင္မ်ားကို ေႏြ ပစ္ေပါက္ခြဲ မိခဲ့သည္။ လက္စသတ္ေတာ့ ကိုကိုသည္ သူမ ႏွင့္ ေႏြ႕ကို တျပိဳင္တည္းမွာ ပတ္သက္ ေနခဲ့ျခင္းပါလား။

ေႏြတို႕ ခ်စ္သူ သက္တမ္း ၄ႏွစ္ ေက်ာ္လာျပီးေနာက္ ႏွစ္ဖက္ မိဘကို အသိေပးခဲ့ျပီး ႏွစ္ဖက္ မိဘကလည္း သေဘာတူခဲ့ပါသည္။ ေႏြသည္ ကိုကို႕ မိဘမ်ားအိမ္ကို တစ္ခါ လိုက္သြားဖူးျပီး ကိုကိုသည္လည္း ေႏြ႕ အဘိုးႏွင့္ အေမကို တစ္ခါ လာေတြ႕ ဖူးပါသည္။ သူမ အေျပာအရ သူမသည္လည္း ကိုကို႕ မိဘမ်ားႏွင့္ တစ္ခါမက ေတြ႕ဖူးပါသည္။ သို႕ေသာ္ ကိုကို႕ အိမ္က သူမကို သေဘာမက်ဟု သူမက ေျပာျပသည္။ သူမက တရုတ္ေသြး စပ္သည္။ ဆယ္တန္းက်ျပီး ဆက္မေျဖျဖစ္ပဲ ေစ်းထဲတြင္ အထည္ေရာင္းေနသူျဖစ္သည္။ သူမ အိမ္နားမွာ အင္တာနက္ဆိုင္ ရွိေသာေၾကာင့္ အျမဲသံုးျဖစ္သူ ျဖစ္ကာ ကိုကိုႏွင့္ ေတြ႕ခဲ့သည္။ ဝင္ေငြေကာင္းေသာ္လည္း စစ္ဗိုလ္တစ္ေယာက္၏ တက္လမ္းအတြက္ သိပ္မသင့္ေတာ္သူဟု သတ္မွတ္ေသာေၾကာင့္လားမသိ။ ကိုကိုေရာ သူ႕မိဘမ်ားကပါ သူမႏွင့္ လက္ထပ္ဖို႕ အထိ မရည္ရြယ္သည့္ သေဘာမွာ ရွိသည္။ ေႏြကေတာ့ သူတို႕သားႏွင့္ သင့္ေတာ္သူေပါ့။ မိဘ အသိုင္းအဝိုင္း ေတာင့္တင္းသည္။ ပညာတတ္ ဘြဲ႕ ႏွစ္ဘြဲ႕ ရ တကၠသိုလ္ ဆရာမလည္း ျဖစ္သည္။ ေႏြ႕ စိတ္ထဲမွာ နာက်ည္းသြားသည္။ ၄ ႏွစ္လံုးလံုး ကိုကို႕မွာ ေႏြ တစ္ေယာက္တည္း ရွိသည္ဟု ယံုၾကည္ထားခဲ့သည္မွာ ဘယ္ေလာက္ ရူးမိုက္ခဲ့ပါသလဲ။

ကိုကို႕ကို ျဖတ္ဖို႕ ေႏြ ၾကိဳးစားၾကည့္သည္။ ကိုကို ဖုန္းဆက္ျပီး ေခ်ာ့တာကို မကိုင္မိဖို႕ ၾကိဳးစားသည္။ သူငယ္ခ်င္းမ်ားကလည္း သစၥာမရွိေသာ ခ်စ္သူကို ျဖတ္ဖို႕ ေျပာၾကသည္။ ကိုကို မရွိပဲ ေႏြ ေနႏိုင္ပါ့မလား ကိုယ့္ကိုယ္ကိုယ္ ေမးမိသည္။ တစ္သက္လံုး ကိုကို႕ကို ေနာက္ထပ္ မေတြ႕ရဘူး ဆိုလ်ွင္ ေႏြ ေနႏိုင္ပါ့မလား။ မစားႏိုင္ မအိပ္ႏိုင္ ျဖစ္ရေလာက္ေအာင္ အထိ ေႏြ စိတ္ဖိစီးမႈ မ်ားခဲ့ရသည္။ ေႏြ႕ ဘက္က စ၍ ကိုကို႕ကို ျပတ္ျပတ္သားသား လမ္းခြဲဖို႕  မျဖစ္ႏိုင္ပါ။ ကိုကို ကိုယ္တိုင္က ေႏြ႕ကို ထားရစ္ခဲ့လွ်င္ေတာ့ ဘယ္လိုမွ မတတ္ႏိုင္ပဲ က်န္ခဲ့ရလိမ့္မည္။ ေႏြႏွင့္ သူမ ဘယ္သူ႕ကို ေရြးမလဲ ဆိုတာ ကိုကို႕ကို သာ ဆံုးျဖတ္ခိုင္းလိုက္ပါသည္။

ေႏြ႕ကိုပဲ လက္ထပ္ဖို႕ အစကတည္းက ဆံုးျဖတ္ျပီးသားပါ ဟု ကိုကို ေျပာခဲ့သည္။ ေႏြလည္း ထင္ပါသည္။ ေႏြသည္ သူမထက္ ကိုကိုႏွင့္ ပိုသင့္ေတာ္သည္ဟု ကိုကို ထင္သည္ေလ။ သူမထက္ ေႏြ႕ကို ပိုခ်စ္ မခ်စ္ေတာ့ သိပ္မေသခ်ာပါ။ ဘာပဲျဖစ္ျဖစ္ ေႏြက မခ်စ္ပဲ မေနႏိုင္သူ ျဖစ္ေသာေၾကာင့္ အေလွ်ာ့ေပး ခြင့္လႊတ္လိုက္ရသည္။ ကိုကို႕ ဆီက ကတိတစ္ခုေတာ့ ေတာင္းရပါသည္။ သူမကို ျပတ္ျပတ္သားသား ျဖတ္ဖို႕ ပါ။ သူမ ေပးထားေသာ လက္ေဆာင္ ပစၥည္းေတြ အားလံုး ျပန္ေပးဖို႕ ။ သူမ ဖုန္းနံပါတ္ကို ဘေလာ့ပစ္ျပီး ဖုန္း လံုးဝ မဆက္ဖို႕ ။ သူမကို လံုးဝ ထပ္မေတြ႕ဖို႕…။ ကိုကိုက ကတိေပးခဲ့သည္။ ကိုကို ဝမ္းနည္းေနမလား ဟု ေႏြ ေတြးေနခဲ့မိေသးသည္။ မိဘကို ခ်စ္ေသာ သားလိမၼာ ျဖစ္လွ်က္ မိဘ သေဘာမတူသူႏွင့္ ဆက္လက္ ခ်စ္ခင္ ေနျခင္းက ကိုကို သူမ အေပၚ ထားေသာ စိတ္ပဲ မဟုတ္လား။ ဘာပဲျဖစ္ျဖစ္ ကိုကို႕ကို ေႏြ ေစာင့္ၾကည့္မည္။ ကိုကို႕ကတိအတိုင္း သူမကို ျဖတ္ခဲ့လွ်င္ ေႏြတို႕ လက္ထပ္ဖို႕ ကို စီစဥ္ထားသည့္အတိုင္း ေနာက္ႏွစ္ေလာက္မွာ လုပ္ကိုလုပ္မည္ဟု ေႏြ ဆံုးျဖတ္လိုက္သည္။

*****

ကိုကိုႏွင့္ တစ္အိုးတစ္အိမ္ ထူေထာင္လွ်င္ ကိုကိုက သူ႕လခ အျပင္ အပိုအလွ်ံ ရွာေပးႏိုင္မည္ မဟုတ္သည့္ျပင္ သူ႕ မိဘကိုလည္း ေထာက္ပံ့ရဦးမည္။ ေႏြက မိဘအိမ္မွာလို သံုးခ်င္ စြဲခ်င္သည္ ဆိုလွ်င္ ေႏြ႕ ဘာသာ ရွာႏိုင္မွ ရမည္ဟု ေတြးမိသည္။ ေႏြ ဆရာမ အလုပ္က ထြက္ျပီး ရန္ကုန္မွာ စီးပြားေရး လုပ္ၾကည့္ခ်င္သည္။ ေမေမက ေႏြ႕ အလိုကို ဘယ္ေတာ့မွ မျငင္းဆန္သူ ျဖစ္ေသာ္လည္း အဘိုးကေတာ့ လံုးဝ လက္ခံ လိမ့္မည္ မထင္ပါ။

ေႏြ ရန္ကုန္ သြားခ်င္ရျခင္းမွာ တစ္ျခား အေၾကာင္းလည္း ရွိသည္။ ရန္ကုန္က ေဖေဖ ႏွင့္ ေႏြ အဆက္အသြယ္ ရခဲ့ျပီ။ ေႏြက စတင္ျပီး ရွာေဖြ ဆက္သြယ္ခဲ့ျခင္း ျဖစ္သည္။ ေဖေဖ့မွာ ေနာက္ထပ္ အိမ္ေထာင္ႏွင့္ သားသမီး သံုးေယာက္ပင္ ထြန္းကားေနေလသည္။ ေမေမက ဒီအတိုင္း ေႏြ႕ကို တစ္ေယာက္တည္း ျပဳစု ပ်ိဳးေထာင္လာခ်ိန္မွာ ေဖေဖကေတာ့ ေနာက္အိမ္ေထာင္ႏွင့္ ဒီသမီးတစ္ေယာက္ကို သတိပင္ မရေတာ့ပါ။ ေၾသာ္ ေယာက်္ား ဆိုတာ ဒီလိုပါပဲေလ ဟု ေႏြ ေဖေဖ့ကို စိတ္မနာမိေအာင္ ၾကိဳးစားပါသည္။ ဘာပဲျဖစ္ျဖစ္ ငယ္ကတည္းက ဖခင္ ေမတၱာ ငတ္ခဲ့သူမို႕  ေဖေဖ့ ေမတၱာကို နည္းနည္းေလးပဲ ျဖစ္ျဖစ္ လိုခ်င္ေသးသည္။ ေဖေဖကလည္း ရန္ကုန္မွာ စီးပြားေရး အဆင္ေျပျပီး ျပည့္ျပည့္စံုစံုပဲ ျဖစ္ေနသည္ ဆိုေတာ့ ေႏြ ခဏ တျဖဳတ္ သြားေနလွ်င္လည္း ဝန္ မၾကီးေလာက္ဘူး ဟု ထင္သည္။

ေက်ာင္းပိတ္ရက္တြင္ ေႏြ ရန္ကုန္က ေဖေဖ့အိမ္မွာ သြား ေနျဖစ္သည္။ ေဖေဖကေတာ့ ေဖာ္ေရြပါသည္။ သူ႕ မိသားစုႏွင့္လည္း ပြင့္ပြင့္လင္းလင္း မိတ္ဆက္ေပးသည္။ ကြဲကြာေနေသာ သမီးတစ္ေယာက္ကို သတိရ မေနႏိုင္ေအာင္ သားႏွစ္ေယာက္၊ သမီးတစ္ေယာက္ ႏွင့္ ဇနီးသည္ႏွင့္ ေဖေဖ့ ဘဝက ျပည့္စံုေနပါသည္။ ေႏြ႕ အေဖအရင္း ဆိုေသာ္လည္း သူစိမ္းတစ္ေယာက္ထက္ သိပ္မပိုဟု ခံစားရသည္။ ေႏြသည္ လူတိုင္းကို ခင္မင္ ရင္းႏွီးလြယ္သူ၊ ေပါင္းသင္းဆက္ဆံေရး ေကာင္းသူ ျဖစ္ေသာ္လည္း ေဖေဖ့ မိသားစုမ်ား ၾကားမွာ သူစိမ္းတစ္ေယာက္လို အထီးက်န္ေနခဲ့သည္။ ေဖေဖ့ညီ ဦးေလး ဆိုင္တြင္ ေႏြ အလုပ္ဝင္လုပ္ၾကည့္သည္။ ဦးေလးကလည္း သေဘာေကာင္းပါသည္။ သို႕ေသာ္ အလုပ္သည္ ေႏြ ေမွ်ာ္လင့္သလို အဆင္မေျပပါ။ ေဖေဖက သူ႕ စီးပြားေရး လုပ္ငန္းမ်ားတြင္ ေႏြ႕ကို ဝင္မလုပ္ေစလိုပါ။

ေဖေဖႏွင့္ သူ႕မိသားစုမ်ား စိတ္ထဲတြင္ ေႏြက အေမြလိုခ်င္၍၊ မုန္႕ဖိုး လိုခ်င္၍ လာသည္ဟု ထင္ေနေလသလား မသိပါ။ ေႏြ႕ အေနႏွင့္မူ ေမေမႏွင့္ တစ္သက္လံုး အတူေနလာျပီးသည့္ေနာက္ ေဖေဖႏွင့္ နည္းနည္းေလာက္ အတူေနၾကည့္ခ်င္ရံုသာ ျဖစ္သည္။ ေဖေဖ့ဆီ လာျပီး အလုပ္လုပ္မည္ ဆိုသည္ကလည္း ေဖေဖ့ အရင္းအႏွီးကို ေမွ်ာ္ကိုးသည္ထက္ ေဖေဖ့ လမ္းညႊန္မႈ၊ ေဖေဖ့ အဆက္အသြယ္ေလာက္ကိုသာ အကူအညီ လိုခ်င္သည့္ သေဘာျဖစ္သည္။ ေဖေဖသည္ ေႏြဆိုေသာ သမီးတစ္ေယာက္ကို တစ္သက္လံုး ရွိသည္ဟုပင္ မမွတ္ခဲ့သည့္ျပင္ ေမေမ့ အုပ္ထိန္း ေစာင့္ေရွာက္မႈ ေအာက္မွာ ေကာင္းမြန္စြာ လူလားေျမာက္ျပီးသူမို႕  သူ႕မွာ တာဝန္ တစ္စက္ကေလးမွ် မရွိဆိုသည့္ သေဘာထားမ်ိဳး ထားေနသူ ျဖစ္ေၾကာင္း ေႏြ ေကာင္းေကာင္း သိလာသည္။ ေႏြ ေမေမ့ ရင္ခြင္ကို ခဏတျဖဳတ္ပဲ ျဖစ္ျဖစ္ မစြန္႕ခြာသင့္ေၾကာင္း အျမင္မွန္ ရလာသည္။  ေႏြ ျပန္မည္ ဆိုေတာ့ ေဖေဖက မုန္႕ဖိုးေတာ့ ပိုပိုသာသာ ေပးလိုက္ပါသည္။ ဒါကလည္း တစ္သက္မွာ တစ္ခါေလာက္ ေတြ႕ရေသာ သမီးကို သနားသျဖင့္ စြန္႕ ၾကဲသည့္ သေဘာမွ်သာ။

ေႏြ အလုပ္ထြက္မည့္ စိတ္ကူးကို စြန္႕လႊတ္လိုက္ျပီး ေက်ာင္းကိုပဲ ျပန္လာခဲ့သည္။ ကိုကိုကလည္း ဟို မိန္းကေလးကို အဆက္အသြယ္ လံုးဝ ျဖတ္ထားခဲ့သည္။ ေႏြတို႕ ႏွစ္ေယာက္ နာမည္ႏွင့္ ဘဏ္စာအုပ္မွာ လက္ထပ္ဖို႕ အတြက္ စုၾကဖို႕ ႏွစ္ဦးသေဘာတူ လုပ္ထားၾကသည္။ ေႏြသည္ တစ္သက္တစ္ခါ မဂၤလာပြဲကိုေတာ့ ခမ္းခမ္းနားနား ေဆာင္ခ်င္သူ ျဖစ္သည္။ ေႏြတို႕  အသိုင္းအဝိုင္း မိတ္ႏွင့္ပင္ ၾကီးၾကီးက်ယ္က်ယ္ ျဖစ္သြားမွာကလည္း ေသခ်ာေနသည္။ စုမိ ေဆာင္းမိ ရွိျပီး ေနာက္ ႏွစ္ႏွစ္ေလာက္ ၾကာမွ လက္ထပ္ၾကဖို႕ ေႏြက စိတ္ကူးတာပင္။ ဒီၾကားထဲေတာ့ ေႏြ ကိုကို႕ ဆီ သြားလည္ေသးသည္။ ေႏြႏွင့္ ကိုကို ေျပလည္ ေနေတာ့ ေလာကၾကီးလည္း ေအးခ်မ္းသည္။

ေနာက္တစ္ေခါက္က်ေတာ့ ကိုကိုႏွင့္ ေျပေျပလည္လည္ ျဖစ္ေနသည့္တိုင္ေအာင္ သေဘာမက်ခ်င္စရာ အကြက္တစ္ကြက္ကို ျမင္ျဖစ္ေအာင္ ျမင္ခဲ့ေသးသည္။ ကိုကို႕ တပ္ထဲက တပ္ၾကပ္ကေလးရဲ႕ ဇနီး က်ပ္မျပည့္ေသာ မိန္းကေလးႏွင့္ ကိုကိုရဲ႕ ခင္မင္မႈက မ်က္စိေနာက္စရာ ျဖစ္ေနသည္။ သူက ဆရာတို႕  ဗိုလ္ၾကီးတို႕  ေခၚတာ မဟုတ္ပဲ အစ္ကို လို႕  ေခၚသတဲ့။ ေႏြႏွင့္ ကိုကို အတူတူ ရွိေနဆဲ အခ်ိန္မွာပင္ ထို မိန္းကေလး ဆီမွ ဖုန္းဝင္လာသည္က အခါခါပါ။ ဘာမွေတာ့ ေထြေထြထူးထူး ေျပာတာမဟုတ္။ သူ႕ အမ်ိဳးသားက သင္တန္းတက္ေနသျဖင့္ ေလာေလာဆယ္ မရွိေသာေၾကာင့္ ကိုကိုက အစစ အရာရာ အကူအညီ ေပးေနသည္တဲ။ သို႕ေပမယ့္လည္း ေႏြ႕ စိတ္ထဲမွာ ကလိ ကလိ ႏွင့္။ က်ပ္မျပည့္သူဟု ကိုကိုက ေျပာထားသည့္ျပင္ ေႏြကိုယ္တိုင္ ေတြ႕ေတာ့လည္း အမွန္တကယ္ ဟုတ္ေနသျဖင့္ အဲသလို မိန္းကေလး၊ သူမ်ား ဇနီးလည္း ျဖစ္ေနေသးသူႏွင့္ ကိုကို႕ကို စြပ္စြဲလွ်င္ မေကာင္းတတ္သျဖင့္သာ ျငိမ္ျပီး ျပန္လာခဲ့ရသည္။ ေႏြ႕ စိတ္ထဲေတာ့ တႏံု႕ ႏံု႕ ႏွင့္။ ေႏြ ပို႕ေသာ ဟင္းေတြကို ဒီမိန္းကေလးႏွင့္ အတူတူ စားေနမွာ ဆိုတာမ်ိဳးကိုေတာ့ ေတြးျဖစ္ေအာင္ ေတြးမိေနေသးသည္။

*****

ရန္ျဖစ္လိုက္ ျပန္ခ်စ္လိုက္ ဆိုတာ ေႏြႏွင့္ ကိုကို အတြက္ ထူးဆန္းေသာ ကိစၥ မဟုတ္ပါ။ ေႏြကလည္း တစ္ခုခု မေက်လည္လွ်င္ ရစ္တတ္သည္။ ကိုကိုကလည္း သူ႕ဘက္က အရမ္းမွားေနလွ်င္သာ ေျပေျပလည္လည္ ျပန္ ေခ်ာ့ေလ့ ရွိျပီး သူမမွားဘူး ထင္သည့္အခါ ေခ်ာ့ေလ့ မရွိသူ ျဖစ္သည္။ အၾကိမ္မ်ားစြာမွာ ေႏြ႕ဘက္က စေခၚရတာသာ မ်ားခဲ့သည္။ ေငြေရး ေၾကးေရး ႏွင့္ ပတ္သက္၍လည္း အခါခါ ရန္ျဖစ္ရေလ့ ရွိသည္။ ေႏြတို႕  လက္ထပ္ဖို႕ စုထားေသာ ႏွစ္ေယာက္ နာမည္ႏွင့္ ဘဏ္ စာအုပ္ထဲက မျဖစ္မေန အေၾကာင္းျပခ်က္မ်ားျဖင့္ ကိုကို ထုတ္ယူေသာ အေရအတြက္က မ်ားျပီး ေႏြကေတာ့ ထုတ္ယူေလ့ မရွိပါ။

ေႏြ သဝန္တိုလြန္း၊ ျပႆနာ ရွာလြန္းသည္ကို မၾကိဳက္ဟု ဆိုေသာ ကိုကို႕ ဘက္ကလည္း တမင္တကာ ျပႆနာ ရွာတာေတြ ရွိသည္။ ေႏြ႕ ကို တစ္ခါ ခ်စ္ခြင့္ ေတာင္းဖူးေသာ္လည္း ေႏြ႕ဘက္က တကယ္ ျဖဴျဖဴစင္စင္ အစ္ကို လို အားကိုး ခင္မင္ရေသာ တပ္ထဲက သူငယ္ခ်င္း တစ္ေယာက္ ရွိသည္။ ကိုကိုႏွင့္ ပတ္သက္လို႕ပဲ ျဖစ္ျဖစ္၊ ေဖေဖႏွင့္ ပတ္သက္လို႕ပဲ ျဖစ္ျဖစ္ ေႏြ ဝမ္းနည္းသည့္ အခါ စိတ္ညစ္သည့္အခါ ရင္ဖြင့္ေဖာ္ တိုင္ပင္ေဖာ္ ျဖစ္ခဲ့သည္။ ထိုအစ္ကိုက ကိုကို႕ထက္ ေႏြ႕ ခံစားခ်က္ေတြကို စိတ္ရွည္ လက္ရွည္ နားေထာင္ေပးျပီး ေႏြ႕ကို အားေပးေလ့ ရွိသည္။ အဲဒါကိုပင္ ကိုကိုက သူႏွင့္ ျပႆနာတက္တာေတြ သူမ်ားသြားေျပာတယ္ ဆိုျပီး အၾကီးအက်ယ္ ျပႆနာလည္း ျဖစ္ဖူးသည္။ အဲဒီ အစ္ကို ႏွင့္ ဆက္ဆံတာကို မၾကိဳက္ ဆိုျပီး ျပႆနာ ရွာဖူးသည္။ (တကယ္ေတာ့ သူ႕ကို ေျပာလို႕ ျပန္ေျပာျခင္း ျဖစ္သည္)

ခုေနာက္ပိုင္းေတာ့ ကိုကို မၾကိဳက္သည္ကို ေႏြလည္း တတ္ႏိုင္သေလာက္ ဆင္ျခင္ခဲ့ပါသည္။ ဒါကိုပင္ ေျပာစရာ မရွိ ေႏြ ႏိုင္ငံျခား ေခတၱသြားတုန္း တစ္ျခားႏိုင္ငံက ေယာက်္ားေလး ေလးေတြ အပါအဝင္ သူငယ္ခ်င္းေတြႏွင့္ ေလွ်ာက္လည္၊ ဓာတ္ပံုရိုက္တာကိုပင္ ေျပာခ်င္သည္။ ေႏြကလည္း ျပန္လာေတာ့ ခင္မင္မႈ အရ ဆက္ျပီး chat မိသည္။ သူ႕ ရွိတဲ့ပံု၊ ကိုယ့္ရွိတဲ့ပံု facebook မွာ tag ျပီး တင္ၾကသည္ကို ကိုကိုက မ်က္စိေနာက္ကာ အျပစ္ေျပာသည္။ တကယ္ေတာ့ ကိုကို႕မွာ ရွိတဲ့ အျပစ္ကို ဖုံုးကြယ္လို၍ ေႏြ႕ကို ျပႆနာ ရွာျခင္း ျဖစ္သည္ကို ေနာက္မွပင္ ေႏြ သိလာရသည္။

*****

သံုးရက္ဆက္ ပိတ္ေသာ အပတ္မွာ ေႏြသည္ ကိုကို႕ကို ၾကိဳတင္ အေၾကာင္းမၾကားပဲ သြားလည္ဖို႕ စီစဥ္ျဖစ္သည္။ တမင္ အျပစ္ရွာတာပဲ ျဖစ္ျဖစ္၊ ဘာပဲျဖစ္ျဖစ္ ခုတေလာ ကိုကိုႏွင့္ မေျပလည္သလို ျဖစ္ေနသည္ကို ေႏြ႕ဘက္ကပဲ မွားမွားမွန္မွန္ အေလွ်ာ့ေပး ေခ်ာ့ေမာ့ဖို႕ ရည္ရြယ္ခ်က္ႏွင့္ သြားခဲ့ျခင္း ျဖစ္သည္။ ကိုကို အံ့ၾသ ဝမ္းသာသြားေအာင္ လာလည္း မၾကိဳခိုင္းပဲ ကိုကိုတို႕ တပ္ထဲပဲ တန္းသြားျပီး အေပါက္ဝေရာက္မွ ၾကိဳခိုင္းမည္ဟု ေတြးထားခဲ့သည္။ ကိုကိုကလည္း အဲဒီမွာ ၾကာျပီျဖစ္ျပီး ေႏြကလည္း ခဏ ခဏ လိုက္သြားဖူးေသာေၾကာင့္ အေစာင့္ေတြေရာ၊ ထိုင္ေနက် လက္ဖက္ရည္ဆိုင္ကေရာ ေႏြ႕ကို သိေနၾကျပီ ျဖစ္သည္။

အဲဒီေန႕က ကိုကို႕ကို အေပါက္ဝထိပ္ ေရာက္ေနျပီ ဆိုတာ ဖုန္းဆက္ျပီး လာေခၚဖို႕ ေျပာေတာ့ သူမအားေသးလို႕  ခဏေလာက္ ေစာင့္ပါဟု ကိုကိုက ေျပာသည္။ ေႏြလည္း လမ္းထိပ္က လက္ဖက္ရည္ဆိုင္တြင္ ထိုင္ေစာင့္ေနသည္။ ဆိုင္ပိုင္ရွင္ လင္မယားက ကိုကို႕ကို ေကာင္းေကာင္းသိျပီး ေႏြ႕ကိုလည္း ကိုကိုႏွင့္ လက္ထပ္မည့္ ခ်စ္သူဟု သိေနသည္။ ေႏြ ကိုကို႕ကို ေစာင့္ေနစဥ္ အစ္မၾကီးက ေႏြ႕ကို ၾကည့္ျပီး တစ္ခုခု ေျပာခ်င္ေနသည္ဟု စိတ္ထဲ ထင္လာေအာင္ သူမက ေကာင္တာက ထျပီး ေႏြ႕ အနားကို ေရာက္ေရာက္လာသည္။ ေနာက္ေတာ့ မေနႏိုင္ေတာ့ပံုႏွင့္ ေႏြ႕ စားပြဲကို လာထိုင္ေတာ့သည္။ မိန္းကေလး ကိုယ္ခ်င္းစာျပီး ေႏြ သိသင့္သည္ထင္၍ ေျပာျပခ်င္သည္ ဟု စကားစလာေလသည္။

ကိုကို႕ဆီ အမ်ိဳးသမီး တစ္ေယာက္ လာလာေနသည္မွာ သံုးေလး လ ရွိျပီ ျဖစ္ေၾကာင္း၊ ညေနဘက္ ကိုကို ရံုးဆင္းခ်ိန္ေလာက္ ေရာက္လာတတ္ျပီး ကိုကို႕ တိုက္ခန္းမွာပင္ အိပ္၍ ျပန္တတ္ေၾကာင္း၊ ပိတ္ရက္မ်ားမွာလည္း တစ္ေနကုန္ ေနတတ္ေၾကာင္း၊ ဒီဆိုင္ကိုလည္း ႏွစ္ေယာက္တြဲျပီး ခဏ ခဏ လာတတ္ေၾကာင္း အိတ္သြန္ဖာေမွာက္ ေျပာျပေတာ့သည္။ ေႏြလည္း ရုတ္တရက္ေတာ့ ေတာ္ေတာ္ၾကီး အံၾသသြားသည္။ ေက်ာင္းမွာ အလုပ္ရႈပ္ေနတာႏွင့္ ေႏြ ႏိုင္ငံျခား ခဏ သြားေနတာႏွင့္ ကိုကို႕ဆီ မေရာက္တာလည္း ေလးလေလာက္ေတာ့ ရွိေတာ့မည္။ ေႏြ႕ စိတ္ထဲမွာ ခါတိုင္းလိုပင္ မသကၤာစိတ္ မျဖစ္မိပဲ ပံုမွန္ ထင္ထားမိေသာ အခ်ိန္မွာ မထင္မွတ္ပဲ ၾကားလိုက္ရေတာ့ ဘယ္လို ခံစားလိုက္ရမွန္းပင္ ကိုယ့္ကိုယ္ကိုယ္ မေဝခြဲႏိုင္ေတာ့ပါ။ အစ္မၾကီး ေယာက်္ားကလည္း ဝင္ေျပာသည္ ဆိုေတာ့ သူတို႕ လင္မယားဟာ သက္သက္မဲ့ လုပ္ၾကံေျပာမည့္ သူေတြ မဟုတ္တာလည္း ေႏြယံုသည္။ ကိုကို႕  အိမ္နီးနားျခင္းေတြလည္း သိေနမွာ ဆိုေတာ့ ဒီကိစၥဟာ တကယ္ကို ေပၚတင္ ျဖစ္ေနေသာ ကိစၥပင္ ျဖစ္ရမည္။

ထိုအခ်ိန္မွာပင္ ေႏြ႕ထက္ အနည္းငယ္ ၾကီးမည့္ ရွမ္းတရုတ္ ကျပား ပံုစံ အမ်ိဳးသမီး တစ္ေယာက္ ဝင္းအတြင္းမွ ထြက္လာသည္ကို ျမင္လိုက္ရသည္။ ဆိုင္ကယ္ တကၠစီ ငွားျပီး ထြက္သြားသည္ကိုလည္း ျမင္လိုက္ရသည္။ အစ္မၾကီးက ေႏြ႕ကို လက္တို႕ ျပီး “အဲဒီ တစ္ေယာက္ေပါ့၊ အခုလည္း အဲဒီအိမ္က ျပန္လာတာပဲ ေနမွာ” ဟု ဆိုသျဖင့္ ေႏြ႕မွာ ထို အမ်ိဳးသမီးကို မထင္မွတ္ပဲ ျမင္လိုက္ရသည္ အထိ ျဖစ္သြားသည္။ လက္ရွိ ခ်စ္သူကို ထားျပီး ၾကိဳက္ရေလာက္ေအာင္ ေခ်ာေမာလွပျပီး စတိုင္လ္က်ေနေသာ ပံုမ်ိဳးလည္း မဟုတ္ပါ။ သာမန္ အသားျဖဴျဖဴ မ်က္ႏွာျပားျပား တိုင္းရင္းသား ရုပ္မ်ိဳးကို ဘာေၾကာင့္မ်ား အလွၾကိဳက္တတ္ေသာ ကိုကိုက အဲသေလာက္ထိ ျဖစ္သြားရပါသလဲ။ ေႏြ နားမလည္တတ္ေတာ့ပါ။ ေဒါသလည္း ေျပာမျပတတ္ေအာင္ ထြက္သည္။ ေႏြကေတာ့ ပတ္ဝန္းက်င္ အသိုင္းအဝိုင္းမွာ ခု ဝါမဝင္ခင္ မျဖစ္ႏိုင္ရင္ေတာင္ ဝါကၽြတ္လွ်င္ လက္ထပ္ေတာ့မည္ ဟု ေၾကျငာျပီး စီစဥ္ဖို႕ ၾကိဳးစားေနခ်ိန္မွာ ကိုကို႕ ဘက္က ေဖာက္သြားလိမ့္မည္ဟု စိတ္ပင္မကူးမိခဲ့ပါ။

ခဏေနေတာ့ ကိုကို ေႏြ႕ကို လာေခၚသည္။ ခုနက မအားေသးဟု ေျပာျပီး ေစာင့္ခိုင္းထားျခင္းမွာ ဟို အမ်ိဳးသမီး မျပန္ေသး၍ ျဖစ္မည္။ ကိုကို႕  တိုက္ခန္းေရာက္မွ ျပႆနာရွာရသည္။ ေႏြသည္ ကိစၥတစ္ခုသည္ ေအာင့္အည္း မ်ိဳသိပ္ထားႏိုင္သူ မဟုတ္ပါ။ ဟန္ေဆာင္၍ ပလီရျခင္းမ်ိဳးကိုလည္း မကၽြမ္းက်င္သူ ျဖစ္သည္။ ဤကိစၥသည္ ေႏြ႕ ဘဝႏွင့္ သက္ဆိုင္ေသာ ကိစၥ ျဖစ္သည္။ ပထမ တစ္ခါက ေႏြ ခြင့္လႊတ္ျပီး ေရွ႕ ဆက္ခဲ့သည္။ ေနာက္မျဖစ္ေစရပါ ဟု ကိုကို ကတိေပးထားခဲ့သည္။ ယခုတစ္ခါ သစၥာမဲ့ျခင္းကိုေရာ ကိုကို ဘယ္လို ေျဖရွင္းမလဲ ေႏြ သိလိုပါသည္။ ေႏြ ေပၚတင္ပဲ ဖြင့္ေမးေတာ့ ကိုကိုက ပထမေတာ့ မေျပာလိုေသး။ ေႏြက သိထားျပီးသား ျဖစ္ေၾကာင္း အေၾကာင္းစံုေျပာျပျပီး ေမးေတာ့မွ ကိုကိုက ဝန္ခံသည္။

သူတို႕ ေတြ႕တာ သံုးလေလာက္ ရွိျပီဟု ဆိုသည္။ စေတြ႕သည္က ညဘက္ ဘီယာဆိုင္မွာ ေတြ႕ျခင္း ျဖစ္သည္။ အမ်ိဳးသမီးက ေက်ာက္မ်က္ အေရာင္းအဝယ္ ကိစၥႏွင့္ ေရာက္ေနျခင္း ျဖစ္သည္။ ဇာတိကေတာ့ ရွမ္းျပည္နယ္ဘက္က ျဖစ္သည္။ ဘီယာဆိုင္မွာ ဆိုေတာ့ မိတ္ေဆြ ျဖစ္လြယ္သည္။ အမ်ိဳးသမီးက ဘြဲ႕ ေတြ ဘာေတြ မရေသာ္လည္း စီးပြားေရးေတာ့ ေကာင္းသည္။ ကိုကို႕ မိသားစုကိုပင္ တန္ဖိုး ၾကီးၾကီး လက္ေဆာင္ေတြ ေတာ္ေတာ္မ်ားမ်ား ဝယ္ေပးဖူးျပီးျပီဟု သိရသည္။ ေႏြကေတာ့ အစတစ္ခု ရလွ်င္ အေသးစိတ္ သိခ်င္သူပီပီ ကိုကို႕ကို အေသးစိတ္ေတြ ေမးသည္။ ကိုကိုကလည္း မထူးေတာ့ျပီ ဆိုျပီး ေျပာသည္။ သိရသမွ်ကလည္း ေႏြ႕ အတြက္ တစ္ခုမွ စိတ္ခ်မ္းသာစရာ မရွိပါ။

ေႏြ ျပႆနာ ရွာလြန္းသည္ဟု အေၾကာင္းျပျပီး ကိုကိုက ေႏြ႕ကို စိတ္ကုန္သည္ ဆိုေသာ စကားကို ေျပာလာသည္။ ဆိုလိုခ်င္သည့္ သေဘာက ေႏြ႕ကို အားနာ၍ မျဖတ္ေသးသည့္ သေဘာ၊ အခ်စ္ကုန္ စိတ္ကုန္ ေနသည့္ သေဘာမ်ိဳး ေျပာလာသည္။ ေႏြကလည္း သည္းခံတတ္သည့္သူ မဟုတ္ပါ။ ကိုကို႕ကို ဘယ္ေလာက္ ခ်စ္ပါေစ၊ ေအာက္က်ိဳ႕ ေတာင္းပန္တာမ်ိဳး၊ အေပ်ာ့ဆြဲ ဆြဲထားတာမ်ိဳး လံုးဝ မလုပ္လိုပါ။ ကိုကိုကလည္း ဒီတစ္ခါေတာ့ ဘာမွ မဟုတ္ပါဘူး၊ အားနာလို႕ပါ၊ ေနာက္ မပတ္သက္ပါဘူး ဆိုတာမ်ိဳး လံုးဝ မေျပာသျဖင့္ ေႏြ ပိုျပီး စိတ္တို ရသည္။ ထိုအမ်ိဳးသမီးက ေႏြ႕ထက္ ကိုကို႕ကို ပိုနားလည္ေပးသည္။ ကိုကို႕  စိတ္တိုင္းက် အားလံုး ျဖစ္ေစသည္ဟု ေျပာသည္။ ကိုကို႕ အိမ္ကလည္း ထိုအမ်ိဳးသမီးႏွင့္ဆို သေဘာတူသည္ ဆိုတာကေတာ့ ေႏြ႕ကို အေလးမထားရာ က်သည္ဟု ျမင္သည္။ ႏွစ္ဖက္ မိဘ သိျပီးေသာ တရားဝင္ ခ်စ္သူကိုမွ အားမနာပဲ ေနာက္တစ္ေယာက္ ကို လက္ခံပါသည္ ဆိုတာကေတာ့ ကိုကို႕ မိဘေတြလည္း လူၾကီး မပီသရာ က်သည္ မဟုတ္ပါလား။ ထိုအမ်ိဳးသမီးက ေပးႏိုင္ ကမ္းႏိုင္သျဖင့္ သေဘာက်သြားတာလည္း ျဖစ္ႏိုင္သည္။ ကိုကို႕ မိဘေတြကလည္း အသိဥာဏ္ၾကီးသူေတြ မဟုတ္သည္ကို ေႏြ သိလိုက္ရပါသည္။ အၾကီးအက်ယ္ ရန္ျဖစ္ ျပႆနာတက္ျပီး ေႏြျပန္လာခဲ့သည္။

ေနာက္တစ္ရက္ေလာက္ ၾကာေတာ့ ေႏြတို႕  ႏွစ္ေယာက္ နာမည္ႏွင့္ လက္ထပ္ဖို႕ စုထားသည့္ ဘဏ္စာအုပ္ထဲက ကိုကို ထည့္ထားသမွ် အားလံုး နီးပါးကို ထုတ္ျပီး ပို႕ေပးဖို႕  ကိုကိုက ေျပာလာသည္။ အပ္ထားေသာ ဘဏ္က ေႏြေနေသာ ျမိဳ႕မွာ ျဖစ္ျပီး စာအုပ္ကိုလည္း ေႏြပဲ ကိုင္ထားေသာေၾကာင့္ ျဖစ္သည္။ အဲသလို ေျပာျခင္းက ေႏြတို႕ ႏွစ္ေယာက္ လက္ထပ္ဖို႕ အတြက္ ေရွ႕ ဆက္ရန္ မရွိေတာ့သည့္ သေဘာကို ေဆာင္သည္။ ေႏြ ဝမ္းနည္းရမည္ထက္ စိတ္နာရသည္က ပိုသြားသည္။ ၆ ႏွစ္ေလာက္ သက္တမ္းရွိေသာ ေႏြ႕အခ်စ္သည္ ယခုမွ ေတြ႕ေသာ အမ်ိဳးသမီးကိုပင္ မယွဥ္ႏိုင္ေတာ့သည္ကို ပိုစိတ္နာသည္။ ကိုကိုက ေႏြ႕ကို တကယ္ခ်စ္ခဲ့တာမွ ဟုတ္ရဲ႕လား ဟု ေတြးမိသည္။ သင့္ေတာ္ရံုေလာက္ႏွင့္ လက္ထပ္ဖို႕ ဆံုးျဖတ္ခဲ့သည္လား။ ေႏြ သူ႕ဆီ ေရာက္ေနတုန္းက အားနာလို႕ မေျပာခဲ့ေသာ စကားကို ဖုန္းထဲက ေျပာသည္။ ေႏြတို႕ ႏွစ္ေယာက္ ဇာတ္လမ္းကို ေတာ္သင့္ျပီ၊ ေႏြ႕အေပၚ သူ အခ်စ္ကုန္ေနျပီ ဆိုေသာ သေဘာမ်ိဳး သြယ္ဝိုက္ ေျပာသည္။

ေႏြ သူနဲ႕ ပတ္သက္ေသာ ပိုက္ဆံေတြ အားလံုး ျပန္ပို႕ ေပးလိုက္သည္။ ေႏြတို႕ လက္ထပ္ဖို႕ ဖ်က္သိမ္းလိုက္ျပီဟု ကိုကို႕ကို ေျပာလိုက္သည္။ ကိုကို႕ စိတ္ ေႏြ႕ ဆီ မရွိေတာ့တဲ့ေနာက္ေတာ့ အတင္းအက်ပ္ ဆြဲမထားခ်င္ေတာ့ပါ။ ေႏြ ရင္ကြဲရပါေစ၊ ဒီတစ္ေခါက္ေတာ့ ထုိအမ်ိဳးသမီး လက္ထဲက အတင္း ျပန္မလုခ်င္ေတာ့ပါ။ ကိုကိုလည္း ဝမ္းသာမည္ ထင္သည္။ အားနာပါးနာႏွင့္ ေႏြ႕ကို မ်က္ႏွာမပ်က္ေအာင္ ဟန္ေဆာင္ပန္ေဆာင္ ေနေနျခင္းကို ေႏြမလိုခ်င္ပါ။

ထိုအမ်ိဳးသမီး၏ သူငယ္ခ်င္း ဆိုသည့္ အမ်ိဳးသမီးတစ္ေယာက္ကလည္း ေႏြ႕ဆီ ဖုန္းဆက္လာေသးသည္။ ေႏြ႕ ဖုန္းနံပါတ္ကို ဘယ္လိုရသည္မသိ။ ကိုကို႕ ဆီကပဲ ျဖစ္မည္ထင္သည္။ ေႏြနဲ႕ အေျခအေန ဘယ္လိုလဲ။ ေႏြနဲ႕ ကိုကို ဘယ္တုန္းကတည္းက ခ်စ္တာလဲ ဆိုတာမ်ိဳးေမးသည္။ ထိုအမ်ိဳးသမီးႏွင့္ ကိုကို ေတြ႕တာ ၾကာျပီ ျဖစ္တဲ့ အေၾကာင္း၊ ကိုကို႕ မိသားစု ႏွင့္လည္း ေတြ႕ဖူးျပီး သေဘာတူေၾကာင္း၊ သူတို႕ ႏွစ္ေယာက္ တကယ္ ခ်စ္ၾကတာျဖစ္ေၾကာင္း၊ အတူေနၾကတာလည္း ၾကာျပီ ျဖစ္ေၾကာင္း စသည္ျဖင့္ ေျပာသည္။ ေႏြလည္း ေႏြတို႕ တြဲေနတာ ဘယ္ႏွစ္ႏွစ္ ရွိျပီ ဆိုတာ ေျပာျပလိုက္သည္။ လက္ထပ္ဖို႕ ရည္ရြယ္ထားေသာ္လည္း ယခုေတာ့ ဖ်က္လိုက္ျပီ ဟု ေျပာလိုက္သည္။

“အစ္မ လက္ထဲမွာ ေနာက္တစ္ေယာက္ မေျပာင္းေအာင္သာ ေသခ်ာ ထိန္းထားပါေတာ့၊ ေႏြကေတာ့ ကိုကို႕ကို လက္လႊတ္လိုက္ပါျပီ။ ေႏြနဲ႕ မထိုက္တန္လို႕ သြားခ်င္တယ္ပဲ မွတ္လိုက္ပါတယ္၊ အစ္မ ဝဋ္ မလည္ပါေစနဲ႕ လို႕  ဆုေတာင္းေပးပါတယ္” ဟု ေျပာလိုက္ျဖစ္သည္။

တကၠသိုလ္ဆရာမ တစ္ေယာက္ထက္ ဘီယာဆိုင္မွာ ေတြ႕ေသာ အမ်ိဳးသမီးကိုမွ ပိုခ်စ္ခ်င္ေသာ ကိုကို႕ကို ေႏြ႕ ဘက္ပါေအာင္ ဆြဲမထားလိုေတာ့ပါ။ တကယ္လို႕မ်ား ေႏြ ဒီအေၾကာင္းကို မသိပဲ ကိုကိုကလည္း ဖြင့္မေျပာပဲ လက္ထပ္ခဲ့မိလွ်င္ ေႏြ႕ဘဝ ဘယ္လို ျဖစ္သြားမလဲ မသိႏိုင္ပါ။ ကိုကိုက ႏွစ္ေယာက္ အျပိဳင္မ်ား ထားခ်င္သလားေတာင္ မသိပါ။ တစ္သက္မွာ တစ္ေယာက္သာ ခ်စ္ခဲ့မိေသာ ခ်စ္သူကို စြန္႕လႊတ္ရျခင္းသည္ ဘယ္ေလာက္ နာက်င္ခံစားရသည္ကို ခံစားဖူးသူမွသာ သိႏိုင္လိမ့္မည္။ ခဏတာ အအိပ္အစားပ်က္ ခံစား နာက်င္ရျခင္းသည္ တစ္ဘဝစာ သစၥာမရွိသူကို ေပါင္းရမည္ထက္ေတာ့ ေတာ္ပါေသးသည္ဟု ေအာက္ေမ့ပါသည္။ ကိုကိုသည္ သူ႕အက်င့္ကို ျပင္ႏိုင္မည္ မဟုတ္ပါ။ လက္ထပ္ျပီးခဲ့လွ်င္လည္း ဒီလိုပင္ နီးစပ္ရာႏွင့္ ဇာတ္လမ္း ျဖစ္ဦးမည္သာ ျဖစ္သည္။ ေႏြသာ လက္ထပ္ျပီးမွ ျပန္ ကြဲကြာဖို႕ ခဲယဥ္းသြားႏိုင္သည္။ ယခု အေျခအေနက လက္မတင္ကေလး ဟု ေျပာႏိုင္သည္။ ကိုကိုႏွင့္ ျပတ္စဲ ရျခင္းအတြက္ ေႏြ႕ဘဝ ပ်က္မသြားပါ။ ေႏြ႕ ဘဝကို ေႏြ ဟန္မပ်က္ ဆက္ေလွ်ာက္ႏိုင္သည္။ လက္ထပ္ဖို႕ ေၾကျငာထားျပီးမွ ပ်က္သြားရျခင္းအတြက္ အေၾကာင္းစံုကို သိလွ်င္ ဘယ္သူမွ ေႏြ႕ကို အျပစ္တင္မည္ မဟုတ္ပါ။

*****

ကိုကို႕ကို ဘယ္ေလာက္ပဲ စိတ္နာေနပါေစ၊ ဖုန္းေျပာေနက် အခ်ိန္ေတြမွာေတာ့ ကိုကို႕ ကို သတိရမိဆဲ ျဖစ္သည္။ viber ဝင္လွ်င္၊ facebook သံုးလွ်င္ ကိုကိုမ်ား online ရွိသလား ၾကည့္မိဆဲ ျဖစ္သည္။ ဘယ္လိုပဲ ျဖစ္ျဖစ္ ေႏြ႕ စိတ္ကေတာ့ ကိုကို႕ကို စိမ္းကားႏိုင္ဖို႕ ၾကိဳးစားျပီး ေနပါသည္။ အိမ္ကိုလည္း လက္မထပ္ ျဖစ္ေတာ့ေၾကာင္း ေျပာျပီးျပီ။ သူငယ္ခ်င္းေတြကိုလည္း လက္ထပ္ပြဲ မျဖစ္ႏိုင္ေတာ့ေၾကာင္း ေၾကျငာလိုက္ပါျပီ။ facebook ဝင္ျဖစ္လွွ်င္ ေႏြ႕ ခံစားခ်က္ကေလးေတြ တစ္စြန္းတစ္စေတာ့ တင္ျဖစ္ေနေသးသည္။

ရက္ေတာ္ေတာ္ေလး ၾကာေတာ့ ကိုကိုက ေႏြ႕ကို online မွာ message ပို႕လာသည္။ စကားစ ေျပာလာသည္။ သူ႕ဘက္က မျပတ္ခ်င္ပါ ဆိုသည့္အေၾကာင္း…။ တစ္လေတာင္ မၾကာေသးသည့္ ကာလအတြင္း အမ်ိဳးမ်ိဳး ေျပာႏိုင္သည့္ ကိုကို႕ စကားမ်ားကို ေႏြ ဘယ္လို ယံုေပးႏိုင္မလဲ။ သူ မွားသြားပါတယ္၊ ေႏြ႕ကို မေမ့ႏိုင္ပါ၊ ေႏြ႕ကိုပဲ လက္ထပ္ခ်င္ပါတယ္ ဆိုသည့္ message ေတြ ေန႕စဥ္လို ဝင္လာသည္။ သူ႕ ဖုန္းကိုေတာ့ block ထားျပီး ေႏြ မကိုင္ေတာ့ပါ။ message ေတြကိုေတာ့ ေႏြ မၾကည့္ပဲလည္း မေနႏိုင္ပါ။ ေႏြ ကိုကို႕ကို ဝတၱဳေတြထဲ ေရးသလို အသည္းနင့္ေအာင္ ခ်စ္ခဲ့ပါသည္။ ကိုကို႕ကို ျပန္လက္ခံခ်င္ပါသည္။ သို႕ေပမယ့္ ျပန္လက္မခံ ရဲေတာ့ပါ။ ဒုတိယ အၾကိမ္ေျမာက္မွာ ခြင့္လႊတ္ေပးခဲ့ျပီးလွ်င္လည္း တတိယအၾကိမ္၊ စတုတၳအၾကိမ္ေတြ ရွိမလာဘူး ဟု ေႏြ မယံုၾကည္ႏိုင္ေတာ့ပါ။ စစ္ဗိုလ္ တစ္ေယာက္ အေနႏွင့္ သူ႕ဘဝ ေရွ႕ တက္လမ္းအတြက္ ေႏြသည္ အေကာင္းဆံုး လက္ထပ္သင့္သူ ဆိုသည့္အေနႏွင့္ သူ႕ ဆံုးျဖတ္ခ်က္ကို တည္ေအာင္ ျပန္ၾကိဳးစားျခင္းလည္း ျဖစ္ႏိုင္သည္။

လက္လႊတ္သင့္သူကို လက္လႊတ္ရဲသည့္ သတၱိကို ေႏြ ေမြးျမဴထားျပီးပါျပီ။ ကိုကို ေခ်ာ့တိုင္း ေႏြ စိတ္မယိုင္ေတာ့ပါ။ ခြင့္မလႊတ္ ထိုက္သူကို ခြင့္မလႊတ္ျခင္းကို ေႏြ႕ အလြန္ဟု ကိုကို ဆိုခ်င္လည္း ဆိုပါေစ။  တစ္ေယာက္တည္း ျပန္ျဖစ္သြားသည့္ ဘဝကို ေႏြ ရင္ဆိုင္ရဲဖို႕  ၾကိဳးစားေနပါသည္။ သစၥာမဲ့ျခင္းကို ခဏ ခဏ ရင္ဆိုင္ရမည့္အစား တခဏတာ ရင္နာတာကိုပဲ ေႏြ ၾကိတ္မွိတ္ ခံလိုက္ပါေတာ့မည္။ လတ္တေလာမွာ ကိုကို႕ အေပၚ စိတ္ခံစားခ်က္ေတြ က်န္ေနေသးေသာ္လည္း မၾကာေတာ့သည့္ အခ်ိန္တစ္ခု အတြင္းမွာေတာ့ ခ်စ္ျခင္း မုန္းျခင္း ကင္းသည့္ ဥေပကၡာတရားႏွင့္ ကိုကို႕ မ်က္ႏွာကို ၾကည့္ႏိုင္ပါလိမ့္မည္။

သိဂၤါေက်ာ္

2.4.2015

11:47 PM