ချစ်စရာကောင်းတဲ့ ၈နှစ်အရွယ် ကလေးမလေး လဇ် ဟာ သူမရဲ့ မွေးနေ့ လက်ဆောင် အဖြစ် ချစ်စဖွယ် တရုတ်မရုပ်ကလေး တစ်ရုပ်ကို ရခဲ့ပါတယ်။ သူမက အရုပ်ကလေးကို ဆမ် လို့ ခေါ်ခဲ့ပါတယ်။ တစ်နေ့မှာ လဇ် ဟာ သူမရဲ့ အရုပ်ကလေးနဲ့ ကစားနေခဲ့တာ သူ့အမေ လာခေါ်တဲ့ အထိပါပဲ။ လဇ်ဟာ အရုပ်ကလေးကို မြေတိုက်ခန်း (စတိုခန်း) ထဲ ပစ်ထားခဲ့ပြီး အိပ်ရာဝင်ခဲ့ပါတယ်။
ညလည်လောက်မှာ သူမဟာ ထူးဆန်းတဲ့ အသံ တစ်ချို့ကို ကြားခဲ့ရပါတယ်။ သူမကြားခဲ့ရတာကတော့ “တရုတ်မရုပ်ကလေး မြေတိုက်ခန်းထဲက တရုတ်မရုပ်ကလေး လှေကားပေါ်က တရုတ်မရုပ်ကလေး မင်းမိဘတွေ အခန်းထဲက တရုတ်မရုပ်ကလေး…. အခုတော့ သူတို့ သေရှာပေါ့ … ” ။ လဇ်လည်း ပြန်အိပ်ပျော်အောင် ခက်ခက်ခဲခဲ ကြိုးစားလိုက်ရပါတယ်။
မနက်မိုးလင်းတော့ သူမရဲ့ မိဘတွေ အခန်းကို ပြေးကြည့်တဲ့ အခါမှာ သူတို့ဟာ သေဆုံးနေကြပြီ ဖြစ်ပါတယ်။ သူမ က ငိုနေခဲ့ပြီး သူ့အစ်ကို ကတော့ မိဘတွေရဲ့ အသုဘ အတွက် ပြင်ဆင်နေခဲ့ရပါတယ်။ လဇ် ဟာ အဲဒီနေ့မှာ ဆမ်နဲ့ မကစားတော့ပဲ စောစော စီးစီး အိပ်ရာဝင်ခဲ့ပါတယ်။
ညလည်လောက် ရောက်တော့ အဲဒီ အသံကို ထပ်ကြားရပြန်ပါတယ်။
“တရုတ်မရုပ်ကလေး မြေတိုက်ခန်းထဲက တရုတ်မရုပ်ကလေး လှေကားပေါ်က တရုတ်မရုပ်ကလေး မင်းမိဘတွေ အခန်းထဲက တရုတ်မရုပ်ကလေး၊ မင်းအစ်ကို အခန်းထဲက တရုတ်မရုပ်ကလေး…. အခုတော့ သူ သေရှာပြီ … ”
လဇ်ဟာ ကြက်သီးတွေထပြီး ကြောက်လွန်းလို့ ခိုက်ခိုက်တုန်နေတယ်။ နောက်ထပ် အိပ်ပျော်ဖို့ ခက်ခဲတဲ့ ညတစ်ညပါပဲ။
မနက်မိုးလင်းတော့မှ သူ့ အစ်ကို အခန်းထဲကို ဝင်ကြည့်တော့ သူ သေနေပါပြီ။ သူမဟာ သူမ အခန်းထဲကို ပြန်ဝင်ခဲ့ပြီး အပြင်ကို မထွက်ရဲ တော့ပါဘူး။ ညရောက်လာတော့လည်း အိပ်ပျော်သွားပါတော့တယ်။
တရားစာရွတ်သံလို အသံကို သူမ ထပ်မံ ကြားရပြန်ပါတယ်။
“တရုတ်မရုပ်ကလေး မြေတိုက်ခန်းထဲက တရုတ်မရုပ်ကလေး လှေကားပေါ်က တရုတ်မရုပ်ကလေး မင်းမိဘတွေ အခန်းထဲက တရုတ်မရုပ်ကလေး၊ မင်းအစ်ကို အခန်းထဲက တရုတ်မရုပ်ကလေး… မင်းအခန်းထဲက တရုတ်မရုပ်ကလေး… ”
သူမ ဟာ အရုပ်ကလေးကို ငေးကြည့်နေမိခဲ့ပါတယ်။
“အခုတော့ မင်း သေတော့မယ်”
နောက်တစ်နေ့မှာ ရဲတွေက သူမကို တွေ့ခဲ့ကြပါတယ်။ လူသတ်သမားရဲ့ အရိပ်အရောင်ကိုတော့ မတွေ့ခဲ့ကြပါဘူး။ သူတို့ ကြားခဲ့သမျှကတော့ အဝေးက ရယ်သံ သဲ့သဲ့ လောက်ပါပဲ။ ရယ်မောနေတဲ့ ဆံပင် အညိုရောင်၊ မျက်လုံး အညိုရောင်နဲ့ တရုတ်မရုပ်ကလေးကတော့ သူမရဲ့ နောက်ထပ် သားကောင်ကို စောင့်မျှော်နေခဲ့ပါတယ်။
သိင်္ဂါကျော်
ဒီနေ့ Halloween Day မို့ Mask ကလေးတွေ အဆစ်ထည့်ပြီး တင်လိုက်ပါတယ်။
ဒီအတိုင်းတင်ရင် ပုံတွေ မကြည့်မှာစိုးလို့ ... :P
