05 July, 2013

ငှက်တစ်ကောင်ရဲ့ မချိုသောနေ့များ


နေ့တွေ မချိုဘူး
ကိုယ့်စိတ်နဲ့ ကိုယ် ပြန်ပြန် ရန်ဖြစ်နေရတယ်
သံယောဇဉ် အတုအယောင်တွေနဲ့
ခဏ ခဏ ငြိမိတဲ့
ငှက်တစ်ကောင်က ငါပါ။


မမြင့်တမြင့် ပျံပျံနေတဲ့ ငှက်တစ်ကောင်မှာလည်း
အတောင်းညောင်းတဲ့ နေ့တော့ရှိတတ်တယ်။
ဆွဲဆောင်မှုတွေ သိပ်မလုပ်ပါနဲ့
စိတ်ကူးယဉ်နဲ့ လက်တွေ့က ဘယ်တော့မဆို ရန်ဘက်ပဲ မဟုတ်လား။

မမှီခိုချင်သလို အမှီလည်း မခံနိုင်တဲ့
ခရီးသွားငှက်တစ်ကောင်က ငါပါ။
တန်းတူ ပျံသန်းဖို့မှ မယှဉ်နိုင်ခဲ့ရင်
လက်ကမ်းတာက အလကားပဲ ဖြစ်လိမ့်မယ်။

အကောင်းမြင်သမားလို
ကျရာနေရာမှာ ပျော်ပျော်နေနေတိုင်းလည်း
ဘဝဟာ ပြီးပြည့်စုံပြီတဲ့လား
တစ်ခါ တစ်ခါ
မရောင့်ရဲနိုင်မှုက စကားတီးတိုး ဆိုတတ်တယ်။

ဘဝဟာ ဘယ်အချိန်ကတည်းက မှားနေခဲ့သတဲ့လဲ။
ရွေးချယ်မှု မရှိခဲ့တဲ့ ဖြစ်တည်မှုအတွက်
လိမ်လိမ်မာမာနဲ့ အသုံးမကျတဲ့လူဟာ ငါပါ။
ကိုယ်တိုင် တည်ဆောက်မှုရဲ့ ရလာဒ်က
သမားရိုးကျနဲ့ ရပ်ရပ်နေတတ်တယ်။

တိမ်မည်းတွေတောင် ငွေရောင် အနားသတ် ရှိတဲ့အခါ ရှိတယ်
မိုးတွေ ရွာမယ် သိပေမယ့်
တိမ်ကြားထဲက နေခြည်ဖျော့တစ်ချို့ကို မျှော်လင့်သလိုမျိုး
ငါလည်း
စိတ်ကူးယဉ်ခွင့် ရှိပါရစေ။

သိင်္ဂါကျော်