27 June, 2010

တစ်ဖက်သက်ညနေခင်း

အရောင်ပြောင်းတတ်တဲ့တိမ်တွေကို
မမြင်ရမနေနိုင်အောင်
ငါ အားအားယားယား ဖြစ်နေတာ မဟုတ်ဘူး။
ဒါပေမယ့်
သူမကတော့ အဲဒီလိုထင်ခဲ့တယ်။


ငါချစ်တဲ့ သူမက
ညနေခင်းမှာ လွတ်လွတ်လပ်လပ်မြင်နေနိုင်မယ့်
တောပန်းတစ်ပွင့်လည်း မဟုတ်ခဲ့ဘူး။
 

ငါချစ်တဲ့ သူမက
မြေပြင်ကို ငုံကြည့်တတ်တဲ့
ပန်းတစ်ပွင့်လည်း မဟုတ်ခဲ့ဘူး။


ငါချစ်တဲ့ သူမက
တော်ဝင်သဇင်လိုမျိုး
ဝင့်ကြွားတဲ့ အသွင်သဏ္ဍန်နဲ့
လှပတဲ့ မွှေးရနံ့နဲ့
အဆင့်မြင့်မြင့် ပန်းတစ်ပွင့် ဖြစ်ခဲ့တယ်။

ညနေခင်းမှာ
နေမင်းက တောင်တန်းတွေကို နှုတ်ဆက်
တိမ်တွေကလည်း တောက်တောက်ပပ လက်ပြကြရင်း
အစိမ်းရောင် တောရိုင်းပင်တွေ ခြံရံတဲ့
ညနေခင်း လမ်းမက သာသာယာယာနဲ့။
ဒါပေမယ့်
ငါချစ်တဲ့ သူမကတော့
ငါလွမ်းနေတာကို မသိခဲ့ဘူး။

သိင်္ဂါကျော်

23 June, 2010

အချစ်ကြောင့် ရူးကြသူများ


ဒီတစ်ခါ အချစ်က တစ်သက်တာပဲလို့
လူသိရှင်ကြား ကြေငြာကြ …
အချိန်တစ်ခု ရောက်တော့လည်း
နောက်တစ်ယောက်ပြောင်းကြ…
ဒါမျိုးတွေ များနေတဲ့ လောကကြီးမှာ…။

တစ်ရက်တစ်ခါ ဖုန်းမဆက်လို့
ငိုပွဲဆင်ကြသူတွေလည်း ရှိရဲ့၊
Online ပေါ်မှာ တစ်ရက်မတွေ့ရရင်
တစ်ကမ္ဘာကြာသလို ထင်သူတွေလည်း ရှိရဲ့
မိန်းမသား ဆိုတော့လည်း
အချစ်ကို ပျော်ပျော်ကြီး ကိုးကွယ်တာပေါ့။

 “သူနဲ့ ဆိုရင်” ဆိုပြီး..
“လက်ထပ်ဖြစ်ကြရင်..” ဆိုပြီး
မျှော်လင့်ချက်တွေ… ထားချင်တိုင်းထား၊
စိတ်ကူးအိပ်မက်တွေ… ယဉ်ချင်တိုင်းယဉ်။

“အချစ်နဲ့ အရာရာကို အကောင်းအတိုင်းဖြစ်စေမယ်” လို့
တစ်ချို့ကလည်း ဆိုရဲ့။

သူကပိုချစ်တာ.. ငါကပိုချစ်တာ
ပြိုင်ချင်တိုင်းလည်း ပြိုင်ကြရဲ့၊
ချစ်သက်တမ်း အစက ပိုချစ်ခဲ့သလား..
ကြာလာမှ ပိုချစ်လာတာလား..
သဘောထားတွေလည်း ကွဲပြားကြပေါ့။

အချစ်တစ်ခုဟာ
ဘယ်နှလ၊ ဘယ်နှနှစ်၊ ဘယ်နှရာစုမှာ
သက်တမ်းကုန်မယ်ဆိုတာ
ဘယ်သူ သတ်မှတ်နိုင်ကြသလဲ။

“ယနေ့မှစ နှစ်တစ်ရာတိုင်”
ရွှေလက်တွဲသူတွေရဲ့ မှတ်တမ်းကလည်း
တောက်ပနေဆဲပဲ ဆိုပေမယ့်
ဖူးစာရေးနတ်ကလည်း
အမှားအယွင်း လုပ်မိတတ်တာပဲ။


ကောင်မလေး ရေ…
အချစ်ဆိုတာ
ရူးသွပ်စေတယ်…၊
အဲဒီ ရူးသွပ်မှုက
ဘယ်လောက်အထိ ခံမယ် ဆိုတာလည်း
ခန့်မှန်းရခက်တယ်…။

ပိုးဖလံမျိုးရဲ့ မီးကိုတိုးတတ်တဲ့ ဗီဇကို
ဘယ်မျိုးရိုးဗီဇ ပညာရှင်မှ မပြင်ဆင်နိုင်တာပဲ၊
ကောင်မလေး ရေ..
မင်းကိုလည်း ဘယ်သူမှ မတားပါဘူး…
ချစ်ချင်တဲ့အချိန်မှာ
အားရပါးရသာ ချစ်လိုက်ပါ။
မီးလျှံတွေကြား ရောက်ရင်လည်း
ဘယ်သူ့ကိုမှ မငြူစူပါနဲ့။

“လောကကြီးမှာ တည်မြဲနေတာ ဘယ်အရာမှမရှိ” လို့
ရှင်တော်ဗုဒ္ဓ ဟောခဲ့တာလည်း
အသိပဲ မဟုတ်လား…။
ကောင်မလေးရေ…
အရာရာတိုင်းဟာ မတည်မြဲဘူး ဆိုတာတော့
မှတ်သားထားလိုက်ပါ။

သိင်္ဂါကျော်
23.6.2010
2:10 PM

ပုံကို ဒီနေရာ က ယူပါတယ်။

16 June, 2010

အသွင်တူ ဖူးစာ

လင်းသည် မင်းကျော်ထင် ဆိုသော ထိုကောင်လေးကို တူမ ဝမ်းကွဲလေး နှင့် ပတ်သက်ပြီး သိခဲ့ရခြင်းဖြစ်သည်။ သူတို့နှစ်ယောက်ကို နှစ်ဖက်မိဘက သဘောတူထားပြီး တစ်ဦးကို တစ်ဦး လေ့လာရန် အချိန်ပေးထားသော ကာလတွင် တူမလေးက ကူပြီး လေ့လာပေးပါဦးဟု ကြိုပြောထားကာ ခေါ်လာခြင်း ဖြစ်သည်။ လင်း အကဲခတ်၍ ရသလောက်တော့ ရိုးသားအေးဆေးပုံ ပေါ်သောကြောင့် မဆိုးပါဘူး လို့ပဲ တူမလေးကို ပြောဖြစ်သည်။ တူမလေး ချယ်ကလည်း ခေတ်ဆန်ဆန် ဝတ်စားပြင်ဆင်တတ်ပြီး အပေါင်းအသင်းများတာကလွဲ၍ ချစ်သူရည်စား ဆိုတာမျိုး မရှိသေးသူပါ။ ယောက်ျားလေး တစ်ယောက်တွေ့သည်နှင့် အပြစ်အနာအဆာ တစ်ခုခုတော့ ရအောင် ရှာတွေ့တတ်သော လင်းက သည်လူငယ်လေးကိုတော့ သဘောမတွေ့စရာ ရှာမတွေ့မိသေး။ တစ်ခါတည်း တွေ့ဖူးသေးလို့လည်း ဖြစ်မည်။ တစ်ခြား လင်းရဲ့ ညီမဝမ်းကွဲ၊ တူမဝမ်းကွဲ တွေ မိတ်ဆက်ပေးသမျှ ကောင်လေးတွေနဲ့လည်း တွေ့ခဲ့ဖူးပါသည်။ တစ်ချို့ကျတော့ အမြင်နှင့်ပင် လင်းက သဘောမကျဖြစ်မိသလို၊ တစ်ချို့ကျတော့ သူတို့ပတ်ဝန်းကျင်မှ မြင်ရ ကြားရသော အကြောင်းများနှင့်ပင် သူတို့စိတ်ဓါတ်၊ သူတို့ သဘောထားကို မကြိုက်မိတာမျိုး ရှိခဲ့သည်။ လင်းက သဘောမတွေ့သော အရာကို သူတို့မိန်းကလေးများကတော့ အပြစ်ရယ်လို့ မမြင်ကြပါ။ အဲဒါကြောင့်လည်း လင်းက အပျိုကြီး ဖြစ်ခဲ့တာ နေမည်။ တစ်ဦးတည်းသော သမီး လင်းက ဝမ်းကွဲညီအစ်မများ၊ တူ တူမ များကို ခင်မင်သလို သူတို့ကလည်း သူတို့ ပြောသမျှ နားထောင်ပေးတတ်သော လင်းကို ချစ်ရေး ချစ်ရာကိစ္စမှ အစ တိုင်ပင်တတ်ကြသည်။
*****

အရင်နှစ်များက သင်္ကြန်တွင်းဆို သက်သတ်လွတ်စား ဥပုသ်စောင့် လောက်သာ လုပ်ဖြစ်ခဲ့သော်လည်း လင်းသည် ဒီနှစ်တော့ ၁၀ ရက် တရားစခန်း ဝင်ဖြစ်သွားပါသည်။ အသက် ၄၀ လည်း ပြည့်ပြီးပြီမို့ ဟိုအကြောင်းပြ ဒီအကြောင်းပြနှင့် မလုပ်ဖြစ်ခဲ့သော တရားအလုပ်ကလေးတော့ လုပ်ဦးမှ ဖြစ်မည်ဟု ဆုံးဖြတ်ပြီး ဝင်ဖြစ်ခြင်းဖြစ်သည်။ တိုက်တိုက်ဆိုင်ဆိုင် ထိုတရားရိပ်သာတွင် စခန်းဝင်သော ချယ့်ကောင်လေးကို တွေ့သည်။ ချယ် ပြောပြသဖြင့် ထိုကောင်လေး ဘုရားတရား ကိုင်းရှိုင်းတာတော့ သိပြီးသားဖြစ်ပေမယ့် ခုလို တရားစခန်းတွေ ဘာတွေ ဝင်တာကိုတော့ တကယ်ကို ချီးကျူးမိပါသည်။ ဆွမ်းမစားခင်တစ်ချိန်မှာ သူက လာနှုတ်ဆက်ရင်း ပြောသဖြင့် အားလပ်ရက်ရတိုင်း သူ တရားစခန်း ဝင်တတ်ကြောင်း သိရသော အခါ ပို၍ပင် သာဓုခေါ်မိပါသည်။ ချယ်အတွက်လည်း စိတ်ချမိသွားသည်။

လင်းသည် ကိုယ့်ရှယ်ယာ သုံးပုံတစ်ပုံ ပါသော ကုမ္ပဏီမှာပင် လုပ်နေသူဖြစ်သည်။ လင်းတို့ ကုမ္ပဏီကို Computerized System ပြောင်းမည်ဟု ဆုံးဖြတ်လိုက်ကြသောအခါ Software House တစ်ခုနှင့် ဆက်သွယ်ပြီး ဈေးညှိနှိုင်းဖို့၊ လိုအပ်ချက်များ ပြောပြဖို့တာဝန်မှာ General Manager ဖြစ်သော လင်းတာဝန် ဖြစ်လာသည်။ လင်းတို့ ရွေးချယ်လိုက်သော Software Team မှာ ချယ့်ကောင်လေးကို တွေ့သည်။ ကွန်ပျူတာတက္ကသိုလ်တွင် မာစတာ တက်နေရင်း အချိန်ပိုင်း ဝင်လုပ်နေခြင်း ဖြစ်သည်ဟု သိရသည်။ ခုခေတ်မှာ အတွေ့ရနည်းသော သပ်သပ်ရပ်ရပ် ပုဆိုးနှင့် ရှပ်အင်္ကျီနှင့် ဝတ်တတ်သော သူ့ပုံစံကိုလည်း လင်းလို လူကြီးသူမ မျက်စိက သဘောတွေ့သည်။

ကိုယ့်လို လူကြီးကသာ လူကြီးဆန်ဆန်ကောင်လေးကို သဘောကျပေမယ့် သူ့ကောင်မလေး ချယ်ကတော့ သူနှင့် တွဲရတာ ပျင်းလာပြီ ဟု မနေ့ညကပင် ဖုန်းဆက်သေးသည်။ သူက အေးလွန်းအားကြီးပြီး ခွင့်လွှတ်တတ်လွန်းသောကြောင့် ရန်ဖြစ်ချင်လို့ပင် မဖြစ်ရသောကြောင့် ပျင်းစရာကောင်းသည် ဟု ချယ်က ဆိုသည်။ ရန်မဖြစ်ရလို့ ပျင်းသော တူမကို လင်းမှာ အံ့သြလွန်းလို့ ဘာမှပင် ပြန်မပြောနိုင်ခဲ့ပါ။

ထို Software ကုမ္ပဏီမှ အထက်ပိုင်းကလည်း သူနှင့် ပတ်သက်၍ တော်ကြောင်း အေးဆေးကြောင်းသာ ချီးကျူးကြသည်။ မင်းကျော်ထင်တို့ ကုမ္ပဏီနှင့်ပင် စာချုပ်ချုပ်ဖြစ်သောကြောင့် နှစ်ခေါက်၊ သုံးခေါက် သွား၍ Requirements (လိုအပ်ချက်) တွေ ပြောပြရသည်။ နောက်ပိုင်း လင်း သွားစရာ မလိုတော့ သော်လည်း မင်းကျော်ထင်ကတော့ သူတို့ Software ရေးနေစဉ်  လင်းတို့ ကုမ္ပဏီ လုပ်ပုံကိုင်ပုံ နှင့် ပတ်သက်၍ သိချင်တာ မေးဖို့ နှစ်ခေါက် သုံးခေါက် လာရသေးသောကြောင့် သူနှင့် ပိုရင်းနှီးသွားသည်။ လင်းတို့ကို System အပ်ပြီးနောက်ပိုင်းလည်း အသုံးပြုနည်းကို ရှင်းပြဖို့ သူပဲ လာရသေးသည်။ လင်းလည်း သူတို့ နှစ်ယောက်ကို ပြေလည်စေချင်သူမို့ တွေ့တိုင်း ချယ်နှင့် အခြေအနေကို မေးရသည်။ ဂရုစိုက်ဖို့ ပြောရသည်။ သူကတော့ ဘယ်အခါမေးမေး အဆင်ပြေသည် ဟုသာ ဆိုမြဲပင်။ နောက်ထပ် သူနှင့် ပြောဖြစ်တာက တရားအကြောင်း...။ သူက နေ့စဉ် နာရီဝက်လောက်တော့ အနည်းဆုံး တရားထိုင်သည် ဟု ဆိုသဖြင့် ရိပ်သာက ထွက်ကတည်းက တရား မထိုင်ဖြစ်တော့သော သူ့ထက် အသက်တစ်ဆ ကြီးတဲ့ လင်းမှာတော့ ဘာပြန်ပြောရမှန်းမသိ။

လင်း အလုပ်ကိစ္စနှင့် စင်ကာပူ တစ်လလောက် သွားလိုက်ရပြီး သူတို့ နှစ်ယောက်စလုံး နှင့်လည်း အဆက်အသွယ်ပြတ်သလို ဖြစ်သွားသည်။ လင်းမသွားခင် နောက်ဆုံး ချယ် ဖုန်းဆက်တုန်းကတော့ မင်းကျော်ထင်ကို စိတ်ကုန်နေသော လေသံက နည်းနည်း ပြင်းထန်သလို ထင်ရသဖြင့် လင်းကပင် နားလည်အောင် ပြောပြလိုက်ရသေးသည်။ အရက်မသောက်၊ ဆေးလိပ်မသောက်၊ လောင်းကစား ဝါသနာမပါ၊ မိန်းကလေး ဆိုလို့လည်း ချယ်ကလွဲလို့ ဘယ်သူနဲ့မှ အမြင်စောင်းစရာ အနေအထိုင်မရှိသူ။ အဲလို ယောက်ျားလေးမျိုး နောက်တစ်ယောက် တွေ့ဖို့ မလွယ်ကြောင်း နားချလိုက်ရသည်။ ချယ့်အမေ ကိုယ့်အစ်မဆီတောင် ဖုန်းဆက်ပြီး သူတို့ကို မြန်မြန်နေရာချပေးလိုက်ဖို့ မတိုက်တွန်းစဖူး တိုက်တွန်းလိုက်မိသေးသည်။ သို့သော် ချယ်ဆိုတဲ့ မိန်းကလေးက စိတ်မပါတော့ဘူး ဆိုလျှင် စောင်းငဲ့မကြည့်တတ်သူ။
*****

ချယ်ကလေး ရောက်လာတော့ သူတို့ စေ့စပ်ပွဲအတွက် လာဖိတ်တာလို့ပင် လင်းက ထင်လိုက်သေးသည်။ “သမီးတို့ လမ်းခွဲလိုက်ပြီ” ဟု ချယ်ကပြောတော့ လင်းမှာ ယုံတောင် မယုံချင်။ ချယ်ပြောတာကတော့ .. ရေခဲတုံးလို ယောက်ျား တစ်ယောက်နှင့် တစ်သက်လုံး အတူမနေနိုင်၍ပါ တဲ့။ သူမက သဝန်တိုအောင် လုပ်ပြသော်လည်း သဝန်မတိုတတ်သူ၊ ချိန်းသည့်အချိန်ထက် တော်တော်ကြီး နောက်ကျပြီးမှ လာတာကိုပင် စိတ်မတိုတတ်သူ၊ စတိတ်ရှိုးတို့၊ ရုပ်ရှင်ရုံတို့ သွားလျှင်လည်း ပုံတုံးကြီးနှင့်ပင် လိုက်လာပြီး တက်တက်ကြွကြွမရှိပဲ အိပ်ငိုက်နေသလား၊ တရားပဲမှတ်နေသလား မသိ လုပ်နေတတ်သူ .. စသဖြင့် ချယ့်ဘက်က မြင်သော အပြစ်များကလည်း အများသား။ ချယ်က စကတ်အတို၊ ဘောင်းဘီတို ရှည် စသဖြင့် ဝတ်တတ်သော ခေတ်မိန်းကလေး။ တက်တက်ကြွကြွ ဆူဆူပူပူ ကိုမှ သဘောကျတတ်သူ သည်ကလေးမက ရန်ဖြစ်လိုက်၊ စိတ်ကောက်လိုက်၊ ပြန်ချစ်လိုက် ဆိုသော အချစ်မျိုးကိုမှ လိုချင်သူ ဖြစ်နေသည်။ လင်းမှာလည်း ဘာမှ ပြောစရာ မရှိတော့ပါ။ အသွင်မတူ အိမ်တူ မဖြစ် ဆိုသော စကားကိုသာ သတိရလိုက်မိသည်။

နောက်တစ်ပတ်လောက် အကြာမှာတော့ မင်းကျော်ထင်နှင့် ချယ် က နှစ်ဖက်မိဘကို ဖွင့်ပြော၍ လမ်းခွဲဖို့ လုပ်ကြရာ မိဘများက လက်မခံပဲ ဇွတ်အတင်း စီစဉ်ကြသည်။ ရလာဒ်ကတော့ ချယ်က တစ်ခြား ကောင်လေး တစ်ယောက်နှင့် လိုက်ပြေးသွားခြင်းပင်။

သူ့မိဘတွေလည်း ဘယ်သူနှင့်မှန်းတောင် သေသေချာချာ မသိကြသည့်အတွက် စိတ်ပူနေကြသည်။ လင်းလည်း ထို့အတူပင်။ သူ ကောင်လေး တစ်ယောက်နှင့် တွဲလာတာ တွေ့တာတောင် မင်းကျော်ထင်က သဝန်မတိုကြောင်း ချယ်ပြောပြဖူးတာကို သတိရပြီး မင်းကျော်ထင်ကို ဖုန်းဆက်လိုက်မိသည်။ ချယ့်ကောင်လေးကို သူ သိချင်သိနိုင်သည်။
“စိတ်မပူပါနဲ့ အန်တီလင်းရယ်၊ ချယ်နဲ့ အလုပ်တူ အတန်းတူ အဝေးသင် နောက်ဆုံးနှစ်က ကောင်လေးပါ၊ ကျွန်တော် တွေ့ဖူးပါတယ်၊ မဆိုးပါဘူး” တဲ့။ သူကပြောသည်။ သူ့လေသံ ခပ်အေးအေးကို နားထောင်၍ လင်းပင် စိတ်တိုသွားသည်။ သူ ချယ့်ကို တကယ် မချစ်ခဲ့ဖူး ထင်ပါရဲ့။ ဒါကြောင့်သာ ချယ်ပြောသလို ချယ့်ကို သဝန်မတိုတာပေါ့။ လမ်းခွဲတော့လည်း ခပ်အေးအေးပဲ နေနိုင်သည်။
“အန်တီ့ကိုတော့ အဲဒီကောင်လေး အကြောင်း ဘာမှ မပြောဖူးဘူး ကွယ့်၊ မင်း သဝန်တိုအောင် သူတမင်လုပ်ဖူးတဲ့ ကောင်လေးတစ်ယောက် ရှိခဲ့တာတော့ သိတယ်၊ အဲဒီကောင်လေး ပဲလား...”
“ကျွန်တော့်ကို တမင်တွဲပြတဲ့ ကောင်လေးပါပဲ၊ အဲဒီကောင်လေးက သူ့ကို ပရိုပို့စ် လုပ်ထားတယ်တဲ့၊ နောက်တော့ သူနဲ့ စိတ်သဘောထားချင်း၊ ဝါသနာချင်း တိုက်ဆိုင်လို့ တကယ် သဘောကျသွားပြီလို့ ကျွန်တော့်ကို ပြောတယ်၊ ကျွန်တော်နဲ့ လမ်းခွဲရအောင် ဆိုလို့ သူစိတ်ချမ်းသာအောင် လုပ်ပေးခဲ့တယ်၊ မိဘတွေကိုလည်း သူ့စိတ်တိုင်းကျ ငြင်းပေးခဲ့တာပါပဲ၊ မိဘတွေက လက်မခံတာတော့ ကျွန်တော်လည်း မတတ်နိုင်တော့ဘူးလေ”
“မင်းကလည်း တော်တော် သွေးအေးတဲ့သူပဲနော်၊ နည်းနည်းပါးပါး ကိုယ့်ဘက်ပါအောင်များ ပြန်ဆွဲဆောင်ပါတော့လားကွယ်၊ ခုတော့ သူ့အိမ်ကလည်း ဘာမှ မသိရတော့ စိတ်ပူနေတယ်၊ သူတို့ ဘယ်သွားကြမယ်လို့ မင်းထင်လည်း...”
“ကိုယ့်အပေါ် စိတ်မရှိတော့တဲ့သူ တစ်ယောက်ကို ဘယ်လို ပြန်ဆွဲဆောင်လို့ ရမလဲ အန်တီရယ်၊ ကျွန်တော် အဲဒါမျိုးလည်း မလုပ်ချင်ဘူး၊ သူတို့ ထွက်ပြေးတော့မယ် ကူညီဦး လို့ ကျွန်တော့်ကို ပြောလို့ ဟဲဟိုးက သူငယ်ချင်း လင်မယားဆီ သွားဖို့ ကျွန်တော်ပဲ စီစဉ်ပေးလိုက်ရတယ်၊ သူက ဘယ်သူ့မှ မပြောပါနဲ့ ဆိုပေမယ့် အန်တီတို့ စိတ်ပူနေမှာ စိုးလို့ ပြောတာပါ၊ သူတို့ အဆင်ပြေမှာပါ၊ တစ်ပတ်လောက်နေရင် ပြန်လာကြမယ် ပြောတယ်၊ စိတ်မပူပါနဲ့ အန်တီ”
“မင်း အသံ နားထောင်ရတာ ခံစားချက် မရှိသလိုပဲ မင်းကျော်ထင်ရယ်၊ မင်း ချယ့်ကို သံယောဇဉ် မရှိခဲ့ဘူးလား..”
လင်းက မနေနိုင်မထိုင်နိုင် သူ့ကို မေးမိပြန်သည်။
“ချယ်က ကျွန်တော့်ရဲ့ အချစ်ဦးပဲ သံယောဇဉ် မရှိပဲ နေပါ့မလား အန်တီရယ်၊ ဒါပေမယ့် ခုတော့ ညီမလေး တစ်ယောက်လိုပဲ သဘောထားလိုက်ပါပြီ၊ တွေ့ကြုံ ဆုံကွဲ ဆိုတာ ရှောင်လွှဲလို့ မရနိုင်ဘူးလေ၊ သံယောဇဉ် ဆိုတာလည်း ပြတ်အောင် ဖြတ်ရင် ရတာပါပဲ”
“ကောင်းပါလေ့ကွယ်၊ မင်းလေသံက ချယ့်အဖို့ နောင်တ မရချင်စရာပါပဲ”
*****

ရှင်စောပု ဘုရင်မကြီး ကိုးကွယ်ခဲ့သော ရုပ်ပွားတော် တန်ဆောင်းထဲတွင် ဒီနေ့ ရှားရှားပါးပါး လူရှင်းနေသည်။ လင်းသည် ပုတီးကို စမစိပ်ဖြစ်သေးပဲ ထိုကလေးမလေးကို ခေတ္တ ငေးမောနေမိသေးသည်။ ခုခေတ်မှာ တွေ့ရခဲလှသော ကျက်သရေရှိရှိ အလှရှင်ကလေး ဖြစ်သည်။ ကျစ်ဆံမြီး တုတ်တုတ် တစ်ချောင်းတည်း ကျစ်ထားသည်မှာ တင်ပါးအောက်နား လောက်အထိ ကျနေပြီး စံပယ်ကုံးလေး တစ်ကုံးကို ရစ်ခွေပြီး ပန်ထားသေးသည်။ ရင်စေ့ လက်စက အင်္ကျီလေးနှင့် လုံချည်ရှည်ရှည်လေး ဝတ်ထားသည်။ အဆင်ကလေး ခပ်မှိန်မှိန် အပွင့်ကျဲကျဲလေး ဖြစ်သည်။ မျက်နှာလေးကလည်း နုနယ်ကြည်လင်လှသည်။ ချယ်တို့ အရွယ်လောက်ပင် ဖြစ်မည်။

လင်း ပုတီးစိပ်ပြီး၍ ဆုတောင်း မေတ္တာပို့ အမျှဝေကာ မျက်စိကို ပြန်ဖွင့်လိုက်ချိန်တွင် ထိုကလေးမလေး ပုတီးစိပ်၍ မပြီးသေးသည်ကို တွေ့ရသည်။ လင်း ပုတီး စ မစိပ်ခင်ကလေးမှာ ထိုမိန်းကလေး ရောက်လာခြင်းဖြစ်သည်။ လင်း ပုတီးစိပ်တာက တစ်နာရီနီးပါး ကြာသောကြောင့် ထိုမိန်းကလေး ပုတီးစိပ်တာလည်း လင်းထက်ပင် ကြာပုံရသည်။ လင်းသည် ယောဂီတဘက်ကလေး ပခုံးပေါ်တင်၍ မျက်လွှာချ၍ ထိုမိန်းကလေး ကို ကြည့်၍ မဆီမဆိုင် ရှပ်အင်္ကျီနှင့် ပုဆိုးအကွက်စိပ်စိပ်သာ ဝတ်တတ်သော မင်းကျော်ထင်ကို သတိရလိုက်မိသည်။ သူတို့နှစ်ယောက်သာဆိုလျှင် လိုက်ဖက်မည်ဟု စိတ်ကူးယဉ်လိုက်မိသေးသည်။

နောက်နေ့များမှာလည်း ရွှေတိဂုံဘုရားပေါ်မှာ ခဏခဏ တွေ့ဖြစ်သဖြင့် ထိုကလေးမလေးနှင့် မျက်မှန်းတန်းမိသွားသည်။ တိုက်တိုက်ဆိုင်ဆိုင် သူမကလည်း လင်းလိုပင် ထိုရုပ်ပွားတော်ရှေ့မှာ အဓိဌာန်ဝင်နေခြင်းဖြစ်ကြောင်းသိရသည်။ လင်းကပင် လူကြီးပီပီ စနှုတ်ဆက်ပြီး စပ်စုသဖြင့် ခင်မင်သွားခြင်းလည်း ဖြစ်သည်။ သူမနာမည်မှာ ရွှေသဇင် ဖြစ်ပြီး မန္တလေးကွန်ပျူတာတက္ကသိုလ် မှ ရန်ကုန်သို့ ပြောင်းလာပြီး ဂုဏ်ထူးတန်း တက်နေခြင်းဖြစ်သည်။ လင်းကလည်း ထိုကလေးမကို ချစ်သွားသဖြင့် ဖုန်းနံပါတ်တွေ လိပ်စာတွေပါ ပေးပြီး မိတ်ဖွဲ့ဖြစ်ခဲ့သည်။

နောက်ပိုင်းမှာ သူမကလည်း တိုင်ပင်စရာရှိလျှင် လင်းကို ဖုန်းဆက်သည်။ သူမပြောပြသဖြင့် သူမမှာလည်း ချစ်သူ၏ ပစ်ခွာခြင်းကို ခံခဲ့ရသူ ဖြစ်ကြောင်း လင်း သိရသည်။ ဘာသာချင်း မတူသဖြင့် ရွှေသဇင်၏ မိဘများက လုံးဝသဘောမတူသလို ထိုသူကလည်း ထိုသို့ သဘောမတူရခြင်းကို မကျေမနပ်ဖြစ်၍ လမ်းခွဲခဲ့ကြခြင်း ဖြစ်သည်။ သူ့ဘက်ကသာ မိဘတွေကို ဆန့်ကျင်ပြီး လိုက်ခဲ့ဖို့ ခေါ်လျှင် အဲဒီအချိန်တုန်းကတော့ ရွှေသဇင်က လိုက်ခဲ့ဖို့ အဆင်သင့် ရှိခဲ့သည်။ သို့သော် သူက သူ့လို ပညာအရည်အချင်းလည်း ပြည့်စုံပြီးသား၊ အလုပ်အကိုင် ရှိပြီးသားလူကို သဘောမတူတာကိုပင် မခံနိုင်သလို သဘောမျိုး ရှိခဲ့ပုံပေါ်သည်။ ရွှေသဇင်ကသာ ပြည့်စုံသော သူမ အသိုင်းအဝိုင်းကို စွန့်လာနိုင်သော သတ္တိရှိခဲ့သော်လည်း သူ့ဘက်ကတော့ နှစ်ယောက် တစ်ဘဝ ထူထောင်ဖို့ စိတ်ကူး ရှိပုံမရခဲ့ပါ။ ထို့အပြင် သူငယ်ချင်းပါ လို့ တွင်တွင် ပြောနေခဲ့သော အစ်မကြီး တစ်ယောက်နှင့် တွဲသွားတွဲလာတာကလည်း မပျက်ခဲ့ပါ။ ထိုလူနှင့် အဆက်အသွယ်ပြတ်အောင် ဆိုပြီး ရွှေသဇင် ရန်ကုန် ပြောင်းလာခဲ့ခြင်း ဖြစ်သည်။ အခုတော့ ထိုလူက သူ့အိမ်က သဘောတူသော ဘာသာတူ မိန်းကလေးတစ်ယောက်နှင့် လက်ထပ်လိုက်ပြီ ဖြစ်သည်။ ဘာသာတရားဘက်ကို လိုက်စားရင်း ဖြေနေရသော်လည်း အချစ်ဦးမို့ အသည်းကွဲသော ဒဏ်ရာကိုတော့ အလူးအလဲ ခံစားခဲ့ရကြောင်း ရွှေသဇင်က လင်းကို ရင်ဖွင့်သည်။

လင်းသည် မဟောသဓ ဇာတ်တော်ထဲမှ အခန်းတစ်ခန်းကို သတိရမိသွားသည်။ ဒိသာပါမောက္ခ ဆရာကြီးက ပညာစုံပြီဖြစ်သော တပည့်တစ်ယောက်နှင့် သမီး ကို လက်ဆက်ပေးပြီး ပြန်လွှတ်လိုက်သောအခါ လမ်းခရီး ၌ မိန်းကလေး၏ ဘုန်းကံကြောင့် ထိုလုလင်က စွန့်ခွာထွက်ပြေးသွားရာ ဝိဒေဟရာဇ် မင်းကြီးနှင့် တွေ့ဆုံ၍ မိဖုရား မြှောက်ခြင်း ခံခဲ့ရသော အကြောင်းကလေး ဖြစ်သည်။ မင်းကျော်ထင်နှင့် ရွှေသဇင် တို့ကို သူတို့ ချစ်သူများက စွန့်ခွာသွားရခြင်းမှာလည်း ထိုသဘောတရားပင် ဖြစ်လေမလားဟု လင်းက တွေးနေမိပါသေးသည်။
*****

ရပ်တန့်မနေသော အချိန်ကလေးတွေက တရွေ့ရွေ့ စီးမျောသွားကြသည်။ မင်းကျော်ထင်က ကုမ္ပဏီမှ ထွက်ကာ Master Thesis ပြီးပြီးချင်းပင် ဆရာဝင်လုပ်သည်ဟု ကြားရသည်။ ရွှေသဇင်ကလည်း Master မတက်ခင်မှာပင် ဆရာမ ဝင်လုပ်လိုက်သည်ဟု လင်းကို ပြောခဲ့သည်။ သူတို့ နှစ်ယောက်စလုံးနှင့် မတွေ့တာ ကြာသဖြင့် တစ်ယောက်အကြောင်း တစ်ယောက် သိအောင်ပင် လင်းမှာ မပြောဖြစ်ခဲ့ပါ။ ရွှေသဇင်က မင်းကျော်ထင်ထက် ငယ်သော်လည်း ကျောင်းချင်း တူသဖြင့် သူတို့ချင်း တွေ့ဖူးချင်တောင် တွေ့ဖူးလိမ့်မည် ထင်သည်။ မင်းကျော်ထင်က ကျောင်းပြီးပြီးချင်း နယ်ကောလိပ်တစ်ခုသို့ ပြောင်းရွှေ့ရကြောင်း လင်းကို ဖုန်းဆက်သေးသည်။ နောက်ပိုင်း သူနှင့်လည်း အဆက်အသွယ် ပြတ်သွားသည်။  နောက်နှစ်ဝက်လောက်မှာ ရွှေသဇင်လည်း နယ်ပြောင်းကာနီးမို့ ဆိုပြီး လာနှုတ်ဆက်သည်။ လောလော လောလော နဲ့မို့ ဘယ်တက္ကသိုလ် ဆိုတာတောင် သေချာ မကြားမိလိုက်ပါ။

တူမဝမ်းကွဲ ချယ်တို့ လင်မယားကတော့ သူမ မိဘတွေ ပေးထားသည့် တိုက်ခန်းမှာ နေကြပြီး ကလေးတစ်ယောက်ပင် ရနေလေပြီ။ သူ့ကောင်လေးသည် စိတ်သဘောထား သေးသိမ်သူ ဖြစ်ပြီး ချယ့်ကို အနိုင်ယူတတ်သည်ဟု ကြားရသည်။ ကောင်လေး မိဘများက လူလတ်တန်းစား မျှသာဖြစ်ပြီး ကောင်လေး ကိုယ်တိုင်ကလည်း အရောင်းဝန်ထမ်း ဘဝမှ တက်ဖို့ အရည်အချင်း မရှိသူမျိုးဖြစ်သည်။  မင်းကျော်ထင် မိဘများ၏ ထိတ်ထိတ်ကျဲ ချမ်းသာသော အခြေအနေ၊ မင်းကျော်ထင်ရဲ့ အရည်အချင်း နဲ့တော့ နှိုင်းမရအောင် ကွာလှသည်။ ဘာပဲဖြစ်ဖြစ် ရန်ဖြစ် ပြန်ချစ် ဘဝမျိုးမှာ ချယ်က ပျော်နေသည် ဆိုတော့လည်း လင်းတို့က ပူပန်ပေးနေလို့ အလကားပင်။
*****

မတွေ့တာကြာပြီ ဖြစ်သော မင်းကျော်ထင်နှင့် ရွှေသဇင် တို့ကို တွေ့မယ့် တွေ့တော့လည်း  အတွဲလိုက် လင်း အိမ်ကို လာလည်ကြခြင်း ဖြစ်သည်။ နယ်က လက်ဆောင်တွေလည်း တစ်ပုံတစ်ပင် ပါလာသေးသည်။ နယ်တွင် မင်းကျော်ထင်က နှစ်နှစ်၊ ရွှေသဇင်က တစ်နှစ် ကြာခဲ့ပြီးနောက် ယခု နှစ်ယောက်စလုံး Ph.D ဝင်ခွင့် ဖြေရန် ရန်ကုန် လာကြခြင်း ဖြစ်သည်။ သူတို့နှစ်ယောက် မကြာခင် လက်ထပ်ဖို့ ရည်ရွယ်ထားသည် ဟု ကြားရတော့ လင်း ဖြစ်စေချင်သည့် စိတ်ကူးအတိုင်း ဖြစ်သွားသည့်အတွက် ဝမ်းသာရသည်။ Ph.D တက်ဖြစ်လျှင်တော့ ပြီးမှပဲ လက်ထပ်ဖြစ်ချင်လည်း လက်ထပ်ဖြစ်မည် ဟု ပြောကြသည်။ သူတို့ နှစ်ယောက်က နတ်ရေးတဲ့ ဖူးစာလို တကယ် လိုက်ဖက်သော စုံတွဲဟု ခံစားရသည်။

“မင်းကျော်ထင်ရယ်၊ မင်း မိန်းမမှ ယူပါတော့မလားလို့၊ ဘုန်းကြီးပဲ ဝတ်တော့မလားလို့ ထင်နေတာ၊ ဒီတစ်ခါတော့ အချစ်စစ်ကို တွေ့သွားပြီလား..”
“အဲဒီလောက်ထိ ပါရမီ မရင့်ကျက်သေးလို့ပေါ့ အန်တီလင်းရယ်၊ သူနဲ့ ကျွန်တော်က စတွေ့တွေ့ချင်းကတည်းက ဘာမှ မပြောရသေးပဲနဲ့ကို အချင်းချင်း နားလည်ခဲ့ကြတယ် အန်တီရဲ့..”
သူ့မျက်နှာက ခုတော့လည်း မတုန်မလှုပ် ကျောက်ရုပ်မဟုတ်တော့ပဲ ချိုမြနေသည်။

“ရွှေသဇင် ကရော..”
“အရင် ကြုံဖူးခဲ့တာ ပူလောင်တဲ့ အချစ် အန်တီလင်းရဲ့၊ အဲဒါက ခုတော့ အစအနတောင် မကျန်အောင် ပျောက်သွားပါပြီ၊ သူ့အပေါ်ထားမိတာက အေးချမ်းတဲ့ မေတ္တာပဲ၊ အလိုလို ဖြစ်လာတဲ့ အချစ်မျိုး”
ရွှေသဇင်က ရှက်ပြုံးလေးနှင့် ရှင်းပြနေသေးသည်။

“အေးကွယ်၊ အန်တီ သမီးကို မြင်ကတည်းက မင်းကျော်ထင်နဲ့ဆို လိုက်မှာပဲ လို့ တွဲမြင်မိတာ၊ အိမ်ထောင့်တာဝန်တွေ များလာရင်လည်း ဘုရား၊ တရားကိုတော့ မေ့မပစ်ကြနဲ့ ဟုတ်လား”
“ဟုတ်ကဲ့ပါ အန်တီ”
“အမယ်လေး အန်တီရယ် သင်္ကြန်တုန်းက သမီးက အိမ်ပြန်မလို့ဟာကို သူ ဆွယ်တာနဲ့ တရားရိပ်သာ ဝင်ဖြစ်သွားတယ်၊ အိမ်တောင်မပြန်ဖြစ်တော့ဘူး”
“အေး.. အေး .. ကောင်းတာပေါ့ကွယ်”

သူတို့ နှစ်ယောက် လင်းကို ကန်တော့ပြီး ပြန်သွားကြသည်။ စိတ်တူ အသွင်တူ စုံတွဲလေးဖို့ စိတ်ချမ်းမြေ့ရပါသည်။ သူတို့ နှစ်ယောက်စလုံး ဖူးစာမစစ်သူ၊ ကိုယ်နှင့် မထိုက်တန်သူနဲ့ ကွဲကွာပြီး ဖူးစာရှင် အစစ်နှင့် ဆုံတွေ့ခဲ့ရပြီ ဟု လင်း ဝမ်းမြောက်ဝမ်းသာ ထင်လိုက်ပါသည်။
****************************************************************************


(အရင် ၅ နှစ်လောက်က ရေးထားတဲ့ စာမူလေး အိမ်ပြန်တုန်းက တွေ့လို့... နည်းနည်းပါးပါး ပြင်ရိုက်ပြီး တင်လိုက်တာပါ)


သိင်္ဂါကျော်

13 June, 2010

ဘဝရဲ့ ရွေးချယ်မှု

ရွေးချယ်စရာတွေ အပြည့်နဲ့ ဘဝမှာ
မှန်တဲ့ တစ်ခုကိုသာ သေချာရွေးကောက်တတ်ဖို့လိုရဲ့
အသံတွေကို နားမထောင်ပါနဲ့
မင်းရင်ထဲက စကားပဲ ကြားအောင်လုပ်ရင် မင်းနိုင်မှာပဲ။

လူတွေအများကြီးက မင်းကို ပြောကြလိမ့်မယ်
မင်းပြောင်းလဲဖို့ လိုအပ်တယ်လို့..
သူတို့အမြင်ကို လက်မခံလိုက်လေနဲ့
ကြီးကျယ်မြင့်မြတ်တဲ့လူဆိုတာ စာအုပ်တွေထဲမှာပဲ ရှိတယ်လေ။

တစ်ခုတည်းသော အသံကိုပဲ
မင်း နားထောင်သင့်တာ
အဲဒါက မှန်ကန်တဲ့ ရွေးချယ်မှုအတွက် အထောက်အကူဖြစ်စေမှာ
အဲဒါက မင်းအတွက် အကောင်းဆုံးဖြစ်စေမှာ။

မင်းကိုယ်တိုင်ကိုပဲ ကြည့်လိုက်ပါ
မင်းကို အမြဲတမ်းချစ်တဲ့ တစ်စုံတစ်ယောက်ရှိနေတယ်
မင်းဘယ်တော့မှ တစ်ယောက်တည်းမဖြစ်ပါဘူး
မှန်ကိုသာ ကြည့်လိုက်ပေါ့
ဘယ်သူလဲ ဆိုတာ မင်းမြင်လိမ့်မယ်။

သိင်္ဂါကျော်


Rose ရဲ့ Life's Choices ကို ပြန်ဆိုပါတယ်။


ပုံကိုတော့ ဒီနေရာ က ယူထားပါတယ်။


02 June, 2010

၉၀/၁၀ နိယာမ



ဘဝရဲ့ ၁၀ ရာခိုင်နှုန်းကို သင့်အပေါ်မှာ ဘာတွေ ဖြစ်ပျက်လာမလဲ ဆိုတာတွေနဲ့ ဖွဲ့စည်းထားပါတယ်။
ဘဝရဲ့ ၉၀ ရာခိုင်နှုန်းကတော့ သင် ဘယ်လို တုံ့ပြန်မလဲ ဆိုတာ အပေါ် မူတည်ပြီး ဆုံးဖြတ်တာ ဖြစ်ပါတယ်။
ဆိုလိုတာကတော့…။
ကျွန်တော်တို့မှာ ဖြစ်ပျက်လာမယ့် ၁၀ ရာခိုင်နှုန်း အတွက် ထိန်းချုပ်လို့ မရနိုင်ပါဘူး။
ကျန်တဲ့ ၉၀ ရာခိုင်နှုန်း ကတော့ မတူပါဘူး။ သင်ဆုံးဖြတ်ရမယ့် ၉၀ ရာခိုင်နှုန်းပါ။ ဘယ်လိုလဲ ဆိုတော့… သင့်ရဲ့ တုံ့ပြန်မှုအရ ဖြစ်လာတာ မို့လို့ပါ။
သင်က မီးနီ ကို မထိန်းချုပ်နိုင်ပါဘူး။ ဒါပေမယ့် သင့်ရဲ့ တုံ့ပြန်မှုကိုတော့ ထိန်းချုပ်နိုင်တယ်လေ။
လူတွေကို အရူးလုပ်ခွင့် မပြုပါနဲ့။ သင်ဘယ်လို ပြန်တုံ့ပြန်မယ်ဆိုတာကို ထိန်းချုပ်လို့ ရနိုင်ပါတယ်။
ဥမမာ တစ်ခု ပြပါဦးမယ်…။

သင့် မိသားစုနဲ့ မနက်စာ စားနေတုန်း သင့်ရဲ့ သမီးငယ်က ကော်ဖီခွက်ကို တိုက်ချမိလို့ သင့်ရဲ့ အလုပ်သွားမယ့် ရှပ်အင်္ကျီကို စွန်းပေသွားတယ် ဆိုပါစို့။ ဘာဖြစ်မယ် ဆိုတာကို သင် လိုက် ချုပ်ထိန်းလို့ မရပါဘူး။ ဖြစ်ပြီးတဲ့ နောက်မှာရော.. သင့် တုံ့ပြန်မှုက ဘယ်လိုလဲ ဆိုတာတော့ ဆုံးဖြတ်လို့ ရတဲ့ အရာပါ။

သင် ကျိန်ဆဲလိုက်မယ်။ သင့်သမီးလေးကို ကော်ဖီမှောက်ချတဲ့ အတွက် ဒေါသ ထွက်ပြီး ဆူမယ်။ အကျိုးကတော့ ကလေး ငိုသွားမယ်။ အဲဒီနောက်တော့ သင့်ဒေါသက သင့်အမျိုးသမီး ဘက်ကို လှည့်သွားဦးမယ်။ ခွက်ကို စားပွဲ အစွန်းမှာ ထားလို့ ဆိုပြီး သူ့ကို ဝေဖန်ဦးမယ်။ အဲဒီမှာ စကား စစ်ပွဲလေး ဖြစ်သွားဖို့ပဲ ရှိတော့တယ်လေ။

သင် အပေါ်ထပ်ကို ဒေါသတကြီး တက်ပြီး ရှပ်အင်္ကျီ ပြန်လဲမယ်။ သင်အောက်ပြန်ရောက်လာတော့ ငိုနေရတာနဲ့ မနက်စာပြီးတာ နောက်ကျ၊ ကျောင်းသွားဖို့ နောက်ကျနေတဲ့ ကလေးမကို တွေ့မယ်။ အဆုံးတော့ သူမ ဘတ်စ်ကား နောက်ကျသွားတယ်။

သင့်အမျိုးသမီးလည်း အလုပ်ကို ကမန်းကတမ်း သွားလိုက်ရတယ်။ သင်လည်း ကားကို မြန်မြန်မောင်းပြီး သမီးကို ကျောင်းပို့ဖို့လုပ်တယ်။ နောက်ကျနေတော့ တစ်နာရီ မိုင် ၃၀ ထက်ပိုပြီး မိုင် ၄၀ နှုန်းနဲ့ မောင်းသွားတယ်။ ၁၅မိနစ်လောက် နောက်ကျပြီး ဒဏ်ကြေးလည်း ဆောင်လိုက်ရပြီးမှပဲ ကျောင်းကို ရောက်တော့တယ်။ သင့်သမီးလည်း နှုတ်တောင် မဆက်နိုင်ပဲ ကျောင်းကို ပြေးရတယ်။ မိနစ်၂၀လောက် နောက်ကျပြီး ရုံးကိုရောက်မှပဲ သင့် လက်ဆွဲအိတ် မေ့ကျန်ခဲ့တာကို သတိရတော့တယ်။

သင့်ရဲ့တစ်နေ့တာက ဆိုးဆိုးဝါးဝါးအဖြစ်နဲ့ စတင်ခဲ့တယ်။ ဆက်ပြီးတော့ ဆိုးဆိုးသွားတယ်။ သင်အိမ်ကို ပြန်ရောက်တော့ သင့်အမျိုးသမီး၊ သမီးလေးနဲ့ သင်နဲ့ ကြားမှာ အဖုအထစ်ကလေး တစ်ခု ရှိနေသလို ဖြစ်နေတာ သင်တွေ့ရလိမ့်မယ်။

ဘာကြောင့်လဲ…။ သင် မနက်က ပြုမူလှုပ်ရှားခဲ့တဲ့ တုံ့ပြန်မှု အတွက်ပါပဲ။ ဘာကြောင့် အဆင်မပြေတဲ့ နေ့တစ်နေ့ ဖြစ်ခဲ့တာလဲ။
-       ကော်ဖီက ဖြစ်စေတာလား…
-       သင့်သမီးငယ်က ဖြစ်စေတာလား..
-       ယာဉ်ထိန်းရဲကြောင့်လား…
-       သင့်ကြောင့် ဖြစ်သွားတာလား…

အဖြေကတော့ နောက်ဆုံးအချက်ပါ။
ကော်ဖီနဲ့ပတ်သက်ပြီး သင်ချုပ်ကိုင်လို့ မရပါဘူး။ ဒါပေမယ့် တစ်နေ့လုံး အဆင်မပြေ ဖြစ်အောင် လုပ်တာကတော့ သင့်ရဲ့ ၅ စက္ကန့်အတွင်း တုံ့ပြန်မှုကြောင့်ပါပဲ။

ကော်ဖီ မှောက်ကျသွားတော့ သမီးလေးကလည်း ငိုချင်နေတဲ့ အချိန်။ သင်ကသာ “သမီးရေ.. ကိစ္စမရှိပါဘူးကွာ၊ နောက်တစ်ခါတော့ ပိုဂရုစိုက်လုပ်ပေါ့ ဟုတ်လား” လို့ ကောင်းကောင်းမွန်မွန် ပြောလိုက်မယ်။ လက်သုတ်ပဝါတစ်ထည် ဆွဲယူပြီး အပေါ်ထပ် မြန်မြန်တက်လိုက်မယ်။ ရှပ်အင်္ကျီအသစ်တစ်ထည် မြန်မြန်လဲ၊ လက်ဆွဲအိတ်ကလေး ဆွဲပြီး ဆင်းလာတဲ့ အချိန်မှာ ပြတင်းပေါက်ကနေ ကလေး ကျောင်းကားပေါ် တက်သွားတာကို မြင်လိုက်ရမှာပဲ။ အမျိုးသမီးလည်း သူအလုပ်သူ ပုံမှန်အတိုင်း သွားမယ်။ သင်လည်း အလုပ်ကို ၅မိနစ်လောက်တောင် စောရောက်ပြီး ဝန်ထမ်းတွေကို ပျော်ပျော်ရွှင်ရွှင် နှုတ်ဆက်နိုင်မယ်။ သင့်ရဲ့ဘော့စ် ကလည်း ချီးကျူးမယ်။ တစ်နေ့တာက ဘယ်လောက်ကောင်းသွားသလဲ။

ခြားနားချက် ကို မြင်နိုင်မယ် ထင်ပါတယ်။ မတူညီတဲ့ ဇာတ်ညွှန်းနှစ်ခုမှာလေ..။ စတင်တာကတော့ အတူတူပါပဲ…။ အဆုံးသတ်ကသာ မတူညီတာပါ။

ဘာကြောင့်လဲ…။ ဘာကြောင့်လဲ ဆိုတော့ သင့်ရဲ့ တုံ့ပြန်မှုကြောင့်ပါပဲ။ ဖြစ်ပျက်မှုရဲ့ ၁၀ ရာခိုင်နှုန်းကို မတားဆီးနိုင်ပေမယ့် ကျန်တဲ့ ၉၀ ရာခိုင်နှုန်းကိုတော့ သင့်အပြုအမူက ပြဌာန်းတာပါ။

ဒီနေရာမှာ ၉၀/၁၀ နိယာမ နဲ့ ပတ်သက်ပြီး နည်းလမ်းတွေ ပြောချင်ပါတယ်။ တစ်စုံတစ်ယောက်က သင်နဲ့ ပတ်သက်ပြီး မကောင်းတာ တစ်ခုခု ပြောတယ် ဆိုပါစို့။ ထိခိုက်ခံစား မလွယ်ပါနဲ့။ မကောင်းတဲ့ ကိစ္စက သင့်ကို အထိခိုက်မခံပါနဲ့။ သင့်တော်သလို တုံ့ပြန်လိုက်ပါ။ တစ်နေ့လုံး အဲဒါကို တွေးပြီး ခံစားမနေပါနဲ့။ မှားယွင်းတဲ့ တုံ့ပြန်မှု ရလာဒ်က မိတ်ဆွေ သူငယ်ချင်း ဆုံးရှုံးတာ ကစလို့ အလုပ်ပြုတ်တဲ့ အထိ ဖြစ်နိုင်ပြီး စိတ်ဖိစီးမှုတွေလည်း များနေပါလိမ့်မယ်။

သင့်အလုပ်ကို ဆုံးရှုံးသွားတယ် ဆိုပါစို့။ ဘာကြောင့် အိပ်နေတာ စိတ်ပျက်အားငယ်တာမျိုး လုပ်နေမလဲ။ သင့် အားအင်တွေကို နောက်ထပ် အလုပ်တစ်ခု ရှာတဲ့နေရာမှာပဲ သုံးလိုက်ပါ။ လေယာဉ်ပျံနောက်ကျနေတယ်.. ဒါဆိုလည်း ဒီနေ့အတွက် အစီအစဉ်တွေကို ပြန်ပြင်လိုက်ရုံပေါ့။ လေယာဉ် အချိန်မီ ရောက်ဖို့အတွက် ဘာကြောင့် စိတ်ပင်ပန်းအောင် လုပ်နေမလဲ။ ဒါနဲ့ပတ်သက်ပြီး ကိုယ်လုပ်လို့ ရတာမှ မဟုတ်ပဲ။ ကြာနေတဲ့ အချိန်အတွင်းမှာ ကိုယ် လေ့လာစရာရှိတာ လေ့လာနေပါ။ တစ်ခြား ခရီးသည်တွေနဲ့ မိတ်ဆွေဖွဲ့ချင်လည်း ဖွဲ့ပါ။ ဘာကြောင့် စိတ်ဖိစီးအောင် နေမလဲ။ ဒါဟာ အမှားအယွင်းလေး တစ်ခု သက်သက်ပဲ။ အခု သင်  ၉၀/၁၀ နိယာမ ကို သိသွားပြီပဲ။ ဒါကို လက်တွေ့အသုံးချလိုက်ပါ။ အံသြစရာ ရလာဒ်ကို တွေ့ရပါလိမ့်မယ်။ သင်ကြိုးစားကြည့်မယ်ဆိုရင် ဘာမှလည်း အရှုံးရှိမှာ မဟုတ်ပါဘူး။

လူသန်းပေါင်းများစွာဟာ ဖြစ်ဖို့မထိုက်တန်တဲ့ စိတ်ဖိစီးမှုတွေ၊ စမ်းသတ်စစ်ဆေးမှုတွေ၊ ပြဿနာတွေ အသည်းကွဲတာတွေ ကြောင့် ဆင်းရဲဒုက္ခ ရောက်နေကြရပါတယ်။ ကျွန်တော်တို့ အားလုံး ၉၀/၁၀ နိယာမ ကို နားလည်ပြီး အသုံးချနိုင်ဖို့ လိုပါတယ်။

ဒါက သင့်ဘဝကို ပြောင်းလဲစေနိုင်မှာပါပဲ။

Mail ထဲက ရတဲ့ Stephen Covey ရဲ့ Discover the 90/10 Principle ကို ပြန်ဆိုပါတယ်။ တစ်ခြား ပြန်ပြီးသားလည်း ရှိချင်ရှိမှာပါ။ သဘောကျလို့ တင်လိုက်ပါတယ်။

သိင်္ဂါကျော်