24 September, 2009

မျှော်လင့်ချက်



မျှော်လင့်ချက်
မကြောက်မရွံ သိနေတာ...။

မှောင်မည်း နက်ရှိုင်း
ချောက်ကမ်းပါး ထဲမှာတောင်
ပန်းတွေ ပွင့်စေတာ...။

မျှော်လင့်ချက်က
ကတိစကားကို သန်မာစေအောင်
တိတ်တဆိတ် ထောက်ပံလေရဲ့။

Sri Chinmoy ၏ Hope ကို ပြန်ဆိုပါသည်။

သိင်္ဂါကျော်

18 September, 2009

Happy Birthday ဝက်ဝံလေး



ဝက်ဝံလေး ... စက်တင်ဘာကောင်းကင်
(ဘယ်လို ခေါ်ရမှန်းတောင် မသိတော့ဘူး)
အတွက်
မွေးနေ့လက်ဆောင်
ပန်းစည်း နဲ့ ကိတ်မုန့်



ဘလော့ဂါ အသိုင်းအဝိုင်းမှာ ပထမဆုံး ခင်မင်ရတဲ့ ညီမလေး
မွေးနေ့မှာ ပျော်ရွှင်ပါစေ...

မမသိင်္ဂါကျော်

ဂမ္ဘီရမြင်းရိုင်း











သူ့ဇက်ကြိုးကို
လွှတ်ပေးလိုက်ရတာ
ငါမှမဟုတ်ပါဘူး။

ဘယ်တော့မှ မသေတဲ့
ပျံနေတဲ့ငှက်ဟာ
သူပဲပေါ့၊

မီးပုံထဲကလည်း
အနာတရနဲ့ ခုန်ထွက်
ရှင်သန်တတ်သေးရဲ့။

သစ္စာမရှိတဲ့
လိပ်ပြာတစ်ကောင်
သူဟာ
ဝတ်ရည်မစားပဲ
ပွင့်ဖတ်ခြွေတတ်သူပေါ့။

သူ့ခွာသံတွေအောက်မှာ
ရိုးစင်းအိပ်မက်ကြွေကျ
သူ့ပါးစပ်က
သွေးသံရဲရဲအာရုံတွေ
ဝါးစားဆဲ။

သူ့ပေါက်ကွဲသံစဉ်တွေ
ကောင်းကင်ထဲ
ပဲ့တင်ထပ်လို့။

တိမ်တွေကို ဥပေက္ခာပြု
အမှောင်ထုထဲဝင်တိုး
သက်ဆိုးရှည်နေတဲ့ မြင်းရိုင်း၊
ပဉ္စလက်အတတ်နဲ့
သားကောင်ကို ညှို့ယူ
အပိုင်းအစစ ဖြစ်သွားတာ
ဖြူစင်မှုတွေပေါ့။

လျှို့ဝှက်တတ်တဲ့
မီးခိုးငွေ့တွေထဲ
သူ ကခုန်ဖို့ကြိုးစားဆဲ။
ညတွေဟာ
မသိချင်ယောင်ဆောင်ပေးထား
သူ ကဆုန်စိုင်းလိုက်တော့
ကြယ်တွေငိုကြပေါ့။

စိတ်ကူးထည်တွေကို ဆုတ်ဖြဲ
တစ်ခါတစ်လေလည်း
သူ တဟဲဟဲ ရယ်နေတတ်၊
နေ့လည်နေ့ခင်းတွေတုန်းက
ရခဲ့တဲ့ ဒဏ်ရာတွေ အကြောင်း
မြည်တမ်းရင်း
သူ ဟစ်ကြွေးစဉ်မှာ
ကမ္ဘာကြီး တုန်ယင်သွားပေါ့။

သူ့ခြေထောက်တွေကို
ရိုက်ချိုးသိမ်းပြီး
ပုံစံခွက်ထဲ ပြန်နေရတဲ့အခါ
မြုံနေတဲ့ အနာတစ်ခုလို
လှိုက်စားလို့....။

(သိင်္ဂါကျော်)

(ရှစ်တန်း၊ ကိုးတန်း လောက်က ရေးထားတဲ့ ကဗျာလေးပါ။ စာအသစ် မရေးနိုင်သေးတာနဲ့ တင်လိုက်တာပါ။ ဘာအဓိပ္ပါယ်လည်းတော့ လာမမေးနဲ့နော်... သိတော့ဘူး :D)

ပုံလေးကို ဒီက ယူထားပါတယ်။

14 September, 2009

ညှိုးချိန်မတိုင်ခင် (ဇာတ်သိမ်း)

(၅)

အဲဒီအပတ် တနင်္ဂနွေ မှာပဲ နီလာဦးက မမေ့မလျော့ ခေမာညိုဆီ ဖုန်းဆက်လာပါသည်။ သူမတို့ နှစ်ယောက် မြေနီကုန်း မှာပဲ တွေ့ဖြစ်ကြပြန်သည်။

“နင် ဒီနေ့တော့ တကယ်အားတယ်ပေါ့၊ အရင်တစ်ခါလို ငါ့ကို တစ်ပိုင်းတစ်စ မလုပ်နဲ့နော်၊ ဇာတ်လမ်းဆုံးအောင် ပြောတော့၊ စောသွင် နဲ့ သက်စိုးထွဋ် ညီမ ဘယ်လို ဖြစ်ကြသေးလဲ”

“သက်စိုးထွဋ် နဲ့ ပတ်သက်တဲ့ အကြောင်းမို့ နင်က အရမ်းသိချင်နေတာလား ခေမာရဲ့ ဟီ ဟီ...”

“ငါ့တပည့်နဲ့ ပတ်သက်တယ်လေ သိချင်ရမှာပေါ့၊ လုပ်ပါ ဈေးမကိုင်နဲ့ ဆက်ပြောတော့...”

“ပြောပါ့မယ် ပြောပါ့မယ်၊ ပြောချင်လွန်းလို့ကို ချိန်းရတာပဲဟာ...

“အဲဒီနှစ်က သူတို့ ခြောက်ယောက်လုံး ဆယ်တန်း ကျတယ်၊ နောက်နှစ်ကျတော့ သက်စိုးက ရန်ကုန်မှာ ဘော်ဒါ သွားတက်တယ်၊ စောသွင်ကတော့ ကျောင်းမှာပဲပြန်တက်တယ်၊ သက်စိုး ညီမ သက်မြတ် ကလည်း ကျောင်းမှာပဲလေ၊ စောသွင်က ဗျူဟာ ပြောင်းလိုက်တယ်၊ အတန်းထဲမှာ ငြိမ်ငြိမ်သက်သက် နေတယ်၊ အသက်ကို တစ်ခါ နှစ်ခါ စာလိုက်ပေးတယ်၊ နင့်တုန်းကလောက်တော့ အနှောက်အယှက် မပေးဘူးတဲ့၊ အသက်ကလည်း စောသွင်လို ကောင်မျိုးကို ဦးနှောက်ထဲ မထားပါဘူး၊ သက်စိုး က ဒီကောင်တွေနဲ့ ပေါင်းနေပေမယ့် သူ့ညီမကို သူ့ သူငယ်ချင်းတွေနဲ့ လုံးဝ မပတ်သက်အောင်ထားခဲ့တာ၊ သူ့ညီမကို သိပ်တိုတတ်တာ...၊ အဲဒီတော့ စောသွင်အတွက် အကွက်ကောင်းပဲပေါ့၊”

“သက်စိုးထွဋ်ကို မကျေနပ်တာနဲ့ သူ့ညီမကို ချဉ်းကပ်တာလား ယုတ်မာလိုက်တဲ့ကောင်”

“အဲလောက်ဆိုရင် မယုတ်မာသေးဘူး၊ ခုမှ ယုတ်မာမှာ၊ စာမေးပွဲကြီး မဖြေခင်ပဲ အသက်ကို စောသွင်က အဓမ္မ ခိုးပြေးသွားတယ်၊ အသက် မိဘတွေ ခမျာ အမျိုးမျိုး စုံစမ်းပေမယ့် ဘယ်လိုမှ ရှာမတွေ့ခဲ့ဘူး၊ သက်စိုးကလည်း စာမေးပွဲ နီးနေပြီ ဆိုတော့ မပြောပဲ ထားထားတာ...၊ နောက် သုံးလလောက်ကြာမှ စောသွင်က စာရေးပြီး ဆက်သွယ်မှ အသက်ကို ပြန်ခေါ်နိုင်ခဲ့တယ်၊ ဘယ်လို ရေးခဲ့လဲ ဆိုတော့ ခေမာညိုကို ခိုးပြေးဖို့ လုပ်တုန်းက သက်စိုးက အပြင်းအထန် တားခဲ့လို့...အစားအနေနဲ့ သက်စိုး ညီမကို ခိုးပြေးသွားတာ ဆိုတဲ့အကြောင်း၊ အခု စွန့်ပစ်လိုက်ပြီမို့ လာခေါ်ဖို့ ရေးထားတာပဲ၊ အသက် အဖေ အမေတွေ ဘယ်လောက် ရင်ထုမနာ ဖြစ်မလဲ ဆိုတာ နင် စဉ်းစားသာကြည့်ပေတော့...”

“လူမဆန်တဲ့ အကောင်၊ သူများသားသမီးကို ပန်းကောင်းအညွန့်ချိုးပြီး ပစ်ထားတယ် ဟုတ်လား... ပြီးတော့ ဒီပြဿနာက ငါ့ကို မုန်းရာက စတာ... ဖြစ်မှ ဖြစ်ရလေ၊ ငါ ဒီကောင်ကို သတ်ပစ်ချင်တယ်....”

ဘယ်လို စကားလုံး သုံး၍ ပြောရမှန်း မသိအောင်ပင် စောသွင်ကို မုန်းသော စိတ်က ခေမာညို တစ်ကိုယ်လုံး ပြန့်နှံလာသည်။ အသက်က ကိုယ့်အစား သဘောမျိုး ဓားစာခံ ဖြစ်ရရှာတာကို တွေးပြီး ကိုယ့်ကိုကိုယ် မုန်းသည်။ ဘာဖြစ်လို့များ ခေမာညိုက စောသွင်လိုကောင်မျိုးကို ရန်သူဖြစ်အောင် လုပ်ခဲ့မိသလဲ...။

နီလာဦး ဆက်ပြောသော စကားများကိုပင် မကြားနိုင်လောက်အောင် ဖြစ်ရသည်။

“အသက် အိမ်ပြန်ရောက်လာတော့ ဟိုအကောင့်သွေးသားက ပါလာခဲ့တယ်၊ သူ့ အမေကလည်း သားဖွားမီးယပ် အထူးကု တစ်ယောက်မို့ အပြစ်မရှိတဲ့ ကလေးကို မဖျက်ဆီးပဲနဲ့ တစ်ခြားမှာ သွားမွေးစေခဲ့တယ်၊ အသက်ခမျာ စိတ်ရော ကိုယ်ရော မကျန်းမာတဲ့ အထဲက အဲဒီကလေးကို မွေးခဲ့တယ်၊ မကြာပါဘူး အသက် ဆုံးသွားတယ်၊ ကလေးကတော့ ကျန်းကျန်းမာမာပဲ ကျန်ရစ်တယ်၊ သူတို့ မိသားစုလည်း ရန်ကုန် အပြီးပြောင်း သွားကြတယ်လေ”

“သက်စိုးထွဋ် သိတော့ရော ဘယ်လိုနေလဲ၊ စောသွင်ကို သွားမသတ်ချင်ဘူးလား”

“သူ ဘယ်လို ခံနိုင်ရည် ရှိအောင် ကြိုးစားခဲ့လဲတော့ ငါမသိဘူး၊ စောသွင်ကို သွားမသတ်တာတော့ အမှန်ပဲ၊ အခုတော့ စောသွင်လည်း သူ့ အကုသိုလ်နဲ့သူ သွားပါပြီ၊ လွန်ခဲ့တဲ့ နှစ်နှစ်ကပဲ အသည်းကင်ဆာနဲ့ သေပြီလေ၊ အသက်နဲ့ ကွဲပြီးမှ နောက်ထပ် မိန်းမ တစ်ယောက် ရသေးတယ်၊ အဲဒါလည်း မကြာပါဘူး ကွဲတာပဲ၊ သူ့မိဘ အိမ်ကလည်း နှင်ချထားတော့ အရက်တွေ မတရားသောက်ပြီး တေပေ လေလွင့်နေရင်းနဲ့ ဖြစ်တာပဲ”

“သက်စိုးထွဋ် နေရာမှာ ငါသာ ဆိုရင်တော့ ဘာပဲဖြစ်ဖြစ် စောသွင်ကို သတ်မိမှာပဲ”

“ကဲ ကဲ တော်ပါပြီဟာ၊ ငါလည်း နင့်ကို စိတ်ညစ်စရာ တွေ ပြောနေမိတယ်၊ အဓိက ငါပြောချင်တဲ့ အကြောင်းက သက်စိုးထွဋ်က နင့်ကို တကယ် ချစ်တာ၊ ကလေးတစ်ယောက်အဖေ အမည် ခံနေရပေမယ့် အခုထက်ထိ ဘယ်သူနဲ့မှ အိမ်ထောင်ပြုခဲ့သေးတာ မဟုတ်ဘူး”

“တော်စမ်းပါ နီလာရယ်၊ အောင်သွယ်ဖို့ စဉ်းစားမနေပါနဲ့၊ ငါက အိမ်ထောင်ပြုဖို့ စိတ်ကိုမဝင်စားပါဘူး၊ တစ်ယောက်တည်း နေရတာ ဘယ်လောက်ငြိမ်းချမ်းလည်း နင်တို့လို ကလေးအတွက် ယောင်္ကျား အတွက် ပူစရာလည်း မရှိဘူး၊ သူ့မှာလည်း သူ့ဟာသူ ရှိမှာပါ၊ ငါ့ကို စောင့်နေတယ်တော့ မထင်ပါဘူးနော်...”

“နင်က ငါပြောတာကို မယုံဘူးပေါ့၊ သူပြောရင်တော့ ယုံမှာပါ”

“နင်လုပ်တာနဲ့ပဲ နောက်တစ်ခါတွေ့ရင် အနေခက်တော့မှာပဲ၊ သူ့ကို တကယ် ကျေးဇူးတော့ တင်ပါတယ်...၊ ငါ့ဘဝ ပျက်ရင်ပျက် မပျက်ရင်တောင် အရှက်ရပြီး အမည်းစက် ဖြစ်ရမယ့် အရေးက သူကာကွယ်ပေးခဲ့တာပဲ၊ ငါ့ကို ကာကွယ်ခဲ့တဲ့ အတွက် သူ့ညီမကို ဖျက်ဆီးခံခဲ့ရတယ်၊ ငါ တကယ် စိတ်မကောင်းဘူး ဟာ၊ ဘယ်မိန်းကလေးကိုမှ ဒီလို အဖြစ်မျိုး မဖြစ်စေချင်ဘူး”

“တကယ်တော့ စောသွင် ငါ့ကို ကားတင်ပြေးဖြစ်ခဲ့ရင် ကောင်းမှာ... ဒါဆို ဒီအညှိုးက အသက်ဆီအထိ ရောက်စရာ မလိုတော့ဘူး၊ ငါက အသက်လို ခပ်ပျော့ပျော့ မိန်းမ မဟုတ်ဘူး၊ အဲဒီတုန်းက ငါ့မှာ မောင်းချဓား တစ်ချောင်း အမြဲပါတယ်၊ အဲဒီခြောက်ကောင် နှောက်ယှက်နေတယ် ဆိုလို့ ဖေဖေက ဝယ်ပေးထားတာ၊ ငါ သူ့ကို အသေသတ်ပစ်ခဲ့မှာ၊ သူ့ကို မသတ်နိုင်တဲ့ အဆုံး ငါ့ကိုယ်ငါ ထိုးသတ်လိုက်မှာ သူ့ အစော်ကားတော့ မခံနိုင်ဘူး”

“နင်ကတော့ ပြောသလို လုပ်မယ့်လူပဲ ငါယုံတယ်... ပြီးခဲ့တာတွေ ထားလိုက်ပါတော့ဟာ၊ လျှောက်တွေးမနေပါနဲ့တော့၊ ငါတို့ စကားကောင်း နေတာလည်း ကြာသွားပြီ၊ ပြန်ကြရအောင်”

နီလာဦး နှင့် လမ်းခွဲပြီး ပြန်လာသော လမ်းမှာလည်း သက်စိုးထွဋ် ညီမလေး အကြောင်း တွေးနေမိဆဲပင်။ အညှိုးအတေးများ၏ အရင်းအမြစ်က သူတစ်ပါးကို နစ်နာစေအောင် ပြောတတ် လုပ်တတ်ခဲ့သော ခေမာညိုကြောင့်ပင် ဖြစ်သည်လေ။ “နှုတ်ကြောင့်သေ ဟူသော စကားပင် ရှိသည် မဟုတ်ပါလား...။

**********
(၆)

နောက်နှစ်ရက်လောက် အကြာ ညဦးပိုင်း တစ်ခုမှာ ခေမာညို ဘယ်လိုမှ မနေနိုင်သဖြင့် သက်စိုးထွဋ် အိမ်ကို ဖုန်းဆက်ဖြစ်သည်။ ကျော်ကျော်သက်လည်း မရှိသဖြင့် အေးအေးဆေးဆေး ပြောဖြစ်ကြသည်။ နီလာဦး နဲ့ တွေ့ဖြစ်ပြီး ကျော်ကျော်သက် အကြောင်း အားလုံး သိပြီးပြီ ဟု ပြောပြလိုက်သည်။ သူက ခေတ္တတော့ ငြိမ်သက်သွားသည်။ နောက်တော့မှ ကျော်ကျော်သက်ကို တစ်သက်လုံး မပြောဖို့ ခေမာညိုကို ကတိတောင်းလိုက်သည်။ ခေမာညိုကလည်း ပြောဖို့ရည်ရွယ်ချက် မရှိပါ။ သူ့အဖေ အရင်းဟာ စောသွင်လို လူမျိုးပါလို့ သိသွားမည့် အစား သက်စိုးထွဋ်ကို အဖေ အရင်းဟု ထင်နေတာက ပိုကောင်းပါသည်။

“အဲဒီနှစ်တွေမှာ စောသွင်ကို မသတ်ပဲ ရှင် ဘယ်လို နေနိုင်ခဲ့သလဲ ဆိုတာ ကျွန်မ အံသြတယ်၊ ကျွန်မသာ ဆိုရင် စောသွင်ကို သတ်ရမှ ကျေနပ်နိုင်မယ် ထင်တာပဲ”

“ကျွန်တော်လည်း အဲဒီတုန်းကတော့ ဒီလို စိတ်မျိုး ပေါ်ခဲ့ဖူးပါတယ်၊ ဒါပေမယ့် စောသွင်ကို သတ်လိုက်လို့ ကျွန်တော် ထောင်ကျသွားခဲ့ရင် မိဘတွေခမျာ ညီမလေး အတွက် စိတ်ဆင်းရဲ ရတဲ့ကြားမှာ ကျွန်တော့်အတွက် ထပ်ပြီး ပူပန်ရဦးမှာလေ၊ ညီမလေး ဆုံးသွားတော့လည်း ကျွန်တော် အရမ်းခံစားရပါတယ်၊ ဒါပေမယ့် လည်း စိတ်ဓာတ်ရေးရာ ချုံးချုံးကျနေတဲ့ မိဘနှစ်ပါးကို အားပေးဖို့... အပြစ်မရှိတဲ့ ကျွန်တော့် တူလေးကို စောင့်ရှောက်ဖို့ ကျွန်တော် စိတ်လိုက်မာန်ပါ လုပ်လို့ မဖြစ်ဘူး၊ ကျွန်တော်တို့ဟာ ဗုဒ္ဓဘာသာဝင်တွေပါ၊ ကံကံ၏ အကျိုးကို ယုံကြည်သူတွေပါ၊ မကောင်းတာပြုတဲ့သူဟာ မကောင်းတဲ့ ပြစ်ဒဏ် ခံရမှာ ရှောင်လွှဲလို့ မရပါဘူး၊ အဲဒီလို သဘောပေါက်အောင် မေမေကလည်း နားချခဲ့တယ်လေ”

“ဟုတ်ပါတယ်၊ ရှင်ပြောတာ မှန်ပါတယ်၊ အမှန်တော့ ကျွန်မလည်း အခုမှ သိပြီး စိတ်ဆိုးလွန်းလို့ ပြောမိတာပါ၊ ရှင့်ကို စိတ်မကောင်းစရာ အတိတ် အကြောင်းတွေ ပြန်သတိရအောင် လုပ်မိသလို ဖြစ်သွားရင် တောင်းပန်ပါတယ်နော်... ရှင့် အဖေနဲ့ အမေရော နေကောင်းကြရဲ့လား”

“ကောင်းပါတယ်၊ စင်ကာပူ ရောက်နေတာ ကျွန်တော်ကျောင်းပြီးကတည်းကပဲ၊ သူတို့အနေနဲ့ ကျော်ကျော့်ကို မြင်နေရရင် ညီမလေးကို သတိရပြီး စိတ်ဆင်းရဲရတယ်တဲ့လေ၊ ဒီမှာ နေတုန်းကလဲ သူများ အဘိုးအဘွားတွေလို မဟုတ်ဘူး၊ ခပ်စိမ်းစိမ်း ခပ်ခွာခွာပဲ နေခဲ့တာ၊ သားက သနားဖို့ ကောင်းပါတယ်”

“သြော်... ကျော်ကျော်က အဘိုးအဘွား ရဲ့ မေတ္တာလည်း မခံစားခဲ့ရဘူးပေါ့၊ ဒါနဲ့ အမေနာမည် ဒေါ်နန်းမူ ဆိုတာ ကရော”

“အဲဒါက၊ ကလေးမွေးရင်းနဲ့ ကလေးရော လူကြီးပါ ဆုံးသွားတဲ့ မေမေ့ လူနာ တစ်ယောက်ရဲ့ နာမည်ပဲ၊ သူ့ယောင်္ကျားကလည်း သူ ကိုယ်ဝန်ခြောက်လ လောက်ကပဲ အက်ဆီးဒင့်နဲ့ ဆုံးသွားခဲ့တာတဲ့”

“သြော်”

“ကျွန်တော်က အခုထက်ထိ တစ်ယောက်သောသူ ကလွဲလို့ ဘယ်သူ့ကိုမှ မချစ်ခဲ့သေးသလို၊ ဘယ်သူနဲ့ မှလည်း လက်မထပ်ရသေးပါဘူးဗျာ၊ လက်ထပ်မယ်ဆိုရင်လည်း အဲဒီ တစ်ယောက်သောသူပဲ ဖြစ်ချင်တာ... ပြီးတော့ ကျွန်တော့်ကို ကလေးတစ်ယောက် အဖေ အနေနဲ့ လက်ခံနိုင်ပြီး၊ သားကိုလည်း မိခင်မေတ္တာနဲ့ ကြင်နာနိုင်မယ့်လူ ဖြစ်စေချင်တယ်”

အဲဒီ တစ်ယောက်သောသူက ဘယ်သူလဲလို့ ခေမာညိုက မမေးပါဘူး။ သူ့စကားက ဘယ်ကို ရည်ရွယ်တယ် ဆိုတာ သိသိကြီးပဲ။ နေပါဦးလေ။ ပြန်တွေ့ကြတာမှ မကြာသေးပဲ ဒီလောက်လောဖို့ မလိုပါဘူးနော...။ အဲဒီမြို့ကလေး အကြောင်း ပြန်တွေးမိတိုင်း အခင်ဆုံး သူငယ်ချင်း နီလာဦးတို့ အရင် သူ့မျက်နှာကိုပဲ အမြဲ ပြေးမြင်မိခဲ့ပေမယ့် အချစ်ဆိုတာ ဘာလဲလို့ ခေမာညို တကယ်ကို မသိသေးတာပါ။

**********
(၇)

ခေမာညိုသည် သက်စိုးထွဋ်၏ တောင်းပန်ချက်အရ ကျောင်းပိတ်ရက် စနေ၊ တနင်္ဂနွေ မှာ တစ်နေ့ (၃) နာရီလောက် ကျော်ကျော်သက်တို့ အိမ်သို့ သွား၍ guide လုပ်ပေးဖြစ်သည်။ ကျော်ကျော်သက် နှင့်အတူ အတန်းထဲမှ စာအသင့်အတင့် တော်သော ကောင်မလေး နှစ်ယောက်၊ ကောင်လေး နှစ်ယောက် ကိုပါ အတူတူ guide လုပ်ပေးခြင်း ဖြစ်သည်။ တကယ်တော့ ကျော်ကျော်သက်မှာ ညံဖျင်းသော ကလေး တစ်ယောက် မဟုတ်ပါ။ ဥာဏ်ထက်မြက်သော်လည်း ကြိုးစားလိုစိတ် မရှိသဖြင့် မတော်ခြင်း ဖြစ်သည်။ သူ့ကို အပေါင်းအသင်း ပတ်ဝန်းကျင်ကောင်း တွင် ဝင်ဆံစေခြင်း ဖြင့် အပြိုင်အဆိုင် စာကြိုးစားသော သူငယ်ချင်းများနှင့်အတူ စာကြိုးစားလာခဲ့ပါသည်။

အဌမတန်း အောင်စာရင်းများထွက်တော့ ကျော်ကျော်သက်က ဂုဏ်ထူး သုံးဘာသာ၊ အောင်ကောင်းက သုံးဘာသာ၊ ဟိန်းခန့်က နှစ်ဘာသာ၊ မိုးနှင်းဖြူ နှင့် တူးတူးက ဘာသာစုံဂုဏ်ထူး ထွက်ကြသည်။

နောက်နှစ်မှာလည်း သူတို့ ငါးယောက်ကို ခေမာညိုပဲ guide လုပ်ပေးရပါသည်။ ဒီနှစ်တော့ သူတို့အိမ်မှာပဲ လုပ်ပါဟု မိုးနှင်းဖြူ မိဘများက ပြောသဖြင့် စုရပ်က ထိုအိမ်သို့ ရောက်သွားသည်။ ပွင့်သစ်စ ပန်းလေးလို လှလာပြီ ဖြစ်သော သူတို့ သမီးလေးကို စိတ်မချသဖြင့် မျက်စိအောက်မှာသာ ထားလိုခြင်းကို ခေမာညို နားလည်ပါသည်။ ကျော်ကျော်သက် နှင့် အောင်ကောင်း ကလည်း မိုးနှင်းဖြူလေး ပိုလှလာသည်ကို သတိပြုမိပြီး အရေးတယူ ရှိလာသည်ကို ခေမာညို ရိပ်မိတော့ သူတို့ စိတ်ကလေးတွေ အရောင် မပြောင်းရလေအောင် နားဝင်လွယ်မည့် စကားလေးတွေနှင့် အလိမ္မာသုံးကာ ဆုံးမရပါသေးသည်။

ကျော်ကျော်သက် တစ်ယောက်ကတော့ ရှစ်တန်းကျ ကျန်ခဲ့သည့် အပေါင်းအသင်းဟောင်းများနှင့် လုံးဝ အဆက်ပြတ်သွားပြီး လက်ဖက်ရည်ဆိုင် ကြာကြာထိုင်ခြင်း၊ ညဘက် ဂစ်တာတစ်လက်နှင့် အချိန်ဖြုန်းခြင်း၊ ရန်ဖြစ်ခြင်း တို့အစား အားလပ်ချိန်တွင် စာအုပ်ဖတ်ခြင်း၊ အားကစားလုပ်ခြင်း များဘက်သို့ ပြောင်းသွားသည်။ သက်စိုးထွဋ် ကိုယ်တိုင်လည်း သူ့သားကို ပို ဂရုစိုက်လာတာလည်း ပါသည်။

သက်စိုးထွဋ် ကတော့ ကျော်ကျော်သက် ပြောင်းလဲလာသည့် အတွက် ခေမာညိုကို ကျေးဇူးတင်လျက် ရှိပြီး လက်ထပ်ခွင့်ကိုတော့ အခွင့်သင့်တိုင်း တောင်းဆိုတတ်မြဲ။ ကိုယ့်ဘဝ အချိန်မတိုင်ခင် မနွမ်းခဲ့ရသည်မှာ သူ့ကျေးဇူးပါပဲ လို့ စိတ်ထဲမှာ အမြဲမှတ်ထင်လျက် ကျော်ကျော်သက်ကိုလည်း ကိုယ့်တူ ကိုယ့်သားလေးလိုပဲ သဘောထားနိုင်ခဲ့သော်လည်း သူ့ကို လက်ထပ်ဖို့ကိုတော့ ခုထိ စဉ်းစားနေဆဲပင်။ တကယ်တော့ လွတ်လပ်တဲ့ ကိုယ့် တစ်ကိုယ်တော် ဘဝကို စွန့်လွှတ်ဖို့ နှမြောနေသေးတာပါ။

**********

နွေကျောင်းပိတ်ရက်မို့ အိမ်မှာ မြဲနေသော ခေမာညို့ထံသို့ ကျောင်းစာနှင့် အစားမှ လွဲ၍ တစ်ခြား ဘာမှ စိတ်မဝင်စားတတ်သော ဟိန်းခန့် တစ်ယောက် မောကြီး ပန်းကြီး ပုံစံနှင့် ရောက်ချလာပါသည်။

“တီချယ် တီချယ်၊ ကျော်ကျော် နဲ့ မိုးနှင်း ခိုးရာလိုက် သွားကြပြီ”

“ဘာ၊ ဘာ ဖြစ်တယ်”

“ဒီကျောင်းပိတ်ရက် မှာ အောင်ကောင်း နဲ့ မိုးနှင်းကို စေ့စပ်ပေးကြတော့မလို့ သူတို့မိဘတွေက စီစဉ်နေကြတယ်တဲ့၊ အဲဒါ မိုးနှင်းက ကျော်ကျော့်ကိုပဲ ကြိုက်တာ၊ အောင်ကောင်းကို မကြိုက်လို့ သူတို့ နှစ်ယောက် ထွက်ပြေးကြတော့မယ်၊ ကျော်ကျော့် သူငယ်ချင်းတွေက ကူညီမယ် ပြောတယ်၊ တူးတူးလည်း သိလို့ နောက်က လိုက်သွားပြီ၊ ကျွန်တော်က တီချယ့်ကို လာပြောတာ…”

“ဒါဆို တို့လိုက်သွားကြရအောင်… နေဦး ကျော်ကျော့်အဖေ ဆီ ဖုန်းဆက်လိုက်ဦးမယ်”

အရေးကြီးကာမှ သက်စိုးထွဋ်“ ဟန်းဖုန်းမှာ ဘယ်လိုမှ ဆက်မရပါ။ လိုင်းမမိသော နေရာသို့ ရောက်နေပုံရသည်။ မတတ်နိုင်တော့။ ဟိန်းခန့်လာသော တက္ကစီနှင့်ပင် နှစ်ယောက်သား သွားရတော့သည်။ ဟိန်းခန့်၏ လမ်းပြမှုနှင့် ခေမာညိုတို့ ထိုခြံဝင်းနှင့် အိမ်လေးဆီသို့ ရောက်သွားသည်။ နီးနီးကပ်ကပ်တွင် လူနေအိမ်များ မရှိ။ တစ်နိုင် မွေးမြူရေး ခြံတစ်ခု ဖြစ်ပုံရပြီး ခြံရှင်များကိုတော့ မတွေ့ရ။

ခြံရှေ့ရောက်ရောက်ချင်း တူးတူ ပြေးထွက်လာသည်ကို တွေ့လိုက်ရသည်။ သူ့ကို ဆီးမေးတော့..

“မိုးနှင်းတို့ ထွက်သွားကြပြီ တီချယ်၊ သမီးကို ဖိုးထူးတို့ အုပ်စုက မလိုက်နိုင်အောင် တားထား ရုံမကဘူး.. အနိုင်ကျင့်ဖို့ ကြိုးစားကြတယ်၊ သမီး အတင်းရုံးကန်ပြီး ထွက်ပြေးလာရတာ”

တူးတူးက ဒေါသသံဖြင့် ပြောပြသည်။

အိမ်ထဲမှ ကောင်လေး သုံးယောက် ပြေးထွက်လာကြပြီး ခေမာညို့ကို တွေ့တော့မှ အရှိန်သတ် သွားကြသည်။ ဖိုးထူး၊ ဟန်ဌေး နှင့် တိုးဝင်း ဆိုသော ခေမာညို့ တပည့် ကျော်ကျော်သက် သူငယ်ချင်း လူဆိုးကလေးများ ဖြစ်သည်။

ထိုအချိန်မှာပင် တက္ကစီ တစ်စီး ထိုးစိုက်လာပြီး ကျော်ကျော်သက်နှင့် မိုးနှင်းဖြူ တို့ ဆင်းလာကြသည်။

“နင်တို့ မသွားဖြစ်တော့ ဘူးလား” တူးတူးက ဝမ်းသာအားရမေးသည်။

“သွားမှာ၊ နင့်ကို စိတ်မချလို့ ပြန်လာကြည့်တာ တူးတူး၊ ဟိုကောင်တွေ ကြားမှာ နင်တစ်ယောက်တည်း ဖြစ်နေလို့”

“ငါက သူတို့ လုပ်တိုင်း ငြိမ်ခံနေမယ့် ပျော့ပျော့ နွဲ့နွဲ့ မိန်းမမျိုး မဟုတ်ဘူး၊ ငါ့ကို စော်ကားလာလို့ကတော့ သူသေ ကိုယ်သေပဲ၊ တော်သေးတယ်၊ တီချယ်ညို တို့ရောက်လာလို့”

ထိုအခါမှ မိုးနှင်းဖြူ နှင့် ကျော်ကျော်သက်က ခေမာညိုကို သတိထားမိသွားသည်။

“သမီး မိုးနှင်း၊ တီချယ်နဲ့ ပြန်လိုက်ခဲ့ပါ၊ သမီး မိဘတွေဘက်က သမီး မနှစ်သက်တဲ့လူနဲ့ အတင်းအကျပ် မလုပ်အောင် တီချယ် တာဝန်ယူပြီး ပြောပေးပါ့မယ်၊ သမီးတို့ စဉ်းစားကြည့်စမ်းပါ၊ ဒီလို ငယ်ငယ်ရွယ်ရွယ် ပညာမစုံသေးတဲ့ အရွယ်မှာ နှစ်ယောက် တစ်ဘဝ နေကြမယ် ဆိုတာ စိတ်ကူးယဉ်တာ သက်သက်ပါပဲကွယ်၊ မင်းတို့ ဘာလုပ်ကိုင် စားသောက်ကြမလဲ၊ နှစ်ယောက်စလုံးလည်း အသက် မပြည့်ကြသေးဘူး၊ အဲဒီတော့ တီချယ်စကားကို နားထောင်ပြီး ကိုယ့်အိမ်ကိုယ် ပြန်ကြမယ်နော်…”

သူတို့ နှစ်ယောက်ကို တော်တော်လေး နားချတော့မှ အိမ်ပြန်ဖို့ သဘောတူကြသည်။ သူတို့ ပြီးတော့ ဖိုးထူး တို့ကိုလည်း ပြောရသေးသည်။

“ကဲ ဖိုးထူး… မင်းတို့က ကိုယ့်သူငယ်ချင်း မိန်းကလေး တစ်ယောက်ကို အနိုင်အထက် ကျင့်ဖို့ ကြိုးစားကြတယ်ပေါ့… မင်းတို့ အပြစ်ကို သိကြရဲ့လား… မင်းတို့ မိဘတွေကို တိုင်မယ်၊ ရဲစခန်းမှာ အမှုဖွင့်မယ်ဆို မင်းတို့ အပြစ်ကျခံရမှာပဲ၊ အဲဒါဆို မင်းတို့ မိဘတွေလည်း သိက္ခာကျမယ်၊ အရှက်ကွဲမယ်၊ မင်းတို့ အသက်အရွယ်နဲ့ ဒီလို အပြုအမူမျိုး လုပ်စရာကို အကြောင်းမရှိဘူး၊ ဘာကြောင့်များ လုပ်တာလဲကွယ်”

“ကျွန်တော်တို့ တကယ်လုပ်မလို့ မဟုတ်ပါဘူး အန်တီ၊ တူးတူး လိုက်သွားမှာ စိုးလို့ ခြိမ်းခြောက်ရုံ သက်သက်ပါ၊ ခွင့်လွှတ်ပါ တီချယ်၊ မိဘတွေကို မတိုင်ပါနဲ့နော်..”

“တီချယ့်ကို တောင်းပန်ရမှာ မဟုတ်ဘူး၊ တူးတူးကို တောင်းပန်ရမှာ”

“ငါတို့ မှားပါတယ် တူးတူး၊ နင်ကျေနပ်အောင် တောင်းပန်ပါ့မယ်၊ အမှုမဖွင့်ပါနဲ့နော်”

သုံးယောက်စလုံးက တစ်ယောက်တစ်ပေါက် ပြော၍ တောင်းပန်ကြသည်။ တူးတူးက မကျေနပ်ပေမယ့် ဘာမှမပြောတော့။

“တီချယ်က ဒီကိစ္စကို မင်းတို့မိဘတွေလည်း မတိုင်ဘူး၊ အမှုလည်း မဖွင့်ဘူး၊ အဲဒီ အတွက် မင်းတို့ဘက်က ကတိ တစ်ခုတော့ ပေးရလိမ့်မယ်၊ နောက်နောင် မိန်းကလေး တစ်ယောက်ကို အလိုမတူပဲ ခိုးပြေးတာတို့၊ အဓမ္မကျင့်တာတို့ လုံးဝမလုပ်တော့ပါဘူး ဆိုတဲ့ ကတိပဲ၊ ပါးစပ်က လွယ်လွယ်ပြောရုံနဲ့ မပြီး ဘူးနော်၊ တကယ် တည်မတည် တီချယ် စောင့်ကြည့်နေမှာ”

“ဟုတ်ကဲ့၊ ကျွန်တော်တို့ ကတိ ပေးပါတယ် တီချယ်”

“ကျော်ကျော်ရော အဲဒီ ကတိ ပေးနိုင်မလား…”

“ကျွန်တော်လည်း ပေးနိုင်ပါတယ် တီချယ်”

“မင်းတို့ အနေနဲ့ ရှေ့ဆက်ရမယ့် ဘဝခရီးက အရှည်ကြီး ရှိသေးတယ်၊ လမ်းမှားကို လျှောက်မိရင် ဘယ်လိုမှ ပြင်လို့ မရပဲ ဖြစ်လိမ့်မယ်၊ ဒီအရွယ်မှာ ချစ်သူထားတာ အိမ်ထောင်ပြုတာတွေ လုပ်ရမယ့် အရွယ် မဟုတ်သေးဘူး၊ ဘွဲ့တစ်ခု ရပြီး၊ ကိုယ့် အလုပ်အကိုင်နဲ့ ကိုယ် ဖြစ်လာပြီ ဆိုတော့မှ ကိုယ်ရွေးချယ်ထားတဲ့လူ နဲ့ လက်တွဲကြပေါ့ကွယ်၊ ခုချိန်မှာတော့ ဒါတွေခဏလောက် မေ့ထားလိုက်ပါဦး၊ ကိုယ့်ဖူးစာဖက် မှန်ရင် အချိန်ဘယ်လောက်ကြာကြာ ဒီပတ်သက်မှုက မပျက်စီးနိုင်ပါဘူးကွယ်…”

“ကျွန်တော်တို့ နားလည်ပါပြီ၊ တီချယ်”

ဖိုးထူးတို့ သူတို့ကားနှင့် သူတို့ ပြန်သွားကြသည်။ သူတို့ ပြန်သွားမှ တူးတူးကို ပြောရသည်။

“တူးတူး၊ သမီး အမှုမဖွင့်နဲ့တော့နော်၊ ကိုယ့်ကို မုန်းနေတဲ့ ယောင်္ကျား တစ်ယောက်ဟာ ကိုယ့်အတွက် အကြီးအကျယ် အန္တရာယ်ပဲ၊ သူတို့ သမီးအပေါ် အမုန်းစ ရှည်မှာစိုးလို့ တီချယ်က ကျေအေးလိုက်တာပါ”

“သမီးလည်း ဘာမှမှ မဖြစ်တာ၊ အမှု မဖွင့်ချင်ပါဘူး တီချယ်”

“သမီးကို အောင်ကောင်းနဲ့ မစေ့စပ်ရအောင်တော့ အိမ်ကို ပြောပေးနော် တီချယ်” မိုးနှင်းဖြူကပြောသည်။

“စိတ်ချပါ မိုးနှင်းရယ်၊ ဒီနေ့ ကိစ္စကိုလည်း သမီး မိဘတွေကို မပြောပါဘူး”

သူတို့ကို ကိုယ့်အိမ်ကို ပြန်ပို့ပြီးမှ ခေမာညို ပြန်ခဲ့သည်။ သက်စိုး ကိုတော့ ညကျမှ ဖုန်းဆက်ပြီး ပြောပြရသည်။ သူက အံသြနေသည်။ ခေမာညိုက တော့ ကလေးတွေ အခြေအနေပြောင်းနေတာကို ရိပ်မိသင့်သလောက် ရိပ်မိပြီးသား။ ကလေးတွေ ငယ်ကြသေးသည်က လွဲလို့ မိုးနှင်းဖြူတို့ အခြေအနေကလည်း ဘာမှ ကန့်ကွက်စရာ မရှိသော အခြေအနေ။

နောက်တစ်နေ့မှာ မိုးနှင်းဖြူ မိဘများထံ နှစ်ယောက်သား သွားကြသည်။ ကံကောင်းချင်တော့ မိုးနှင်းဖြူ အမေနှင့် ခေမာညိုက တက္ကသိုလ်မှာ ကျောင်းနေဖက် ဖြစ်ခဲ့ဖူးသည်။ မိုးနှင်းဖြူက အောင်ကောင်းကို သဘောမကျပဲ တခြားကို သဘောကျနေကြောင်း အရိပ်အမြွက် ပြော၍ အတင်းအကျပ် မစီစဉ်သင့်ကြောင်း ပြောပြရသည်။ အတင်းအကျပ် စီစဉ်လျှင် မဖြစ်သင့်တာတွေ ဖြစ်ကုန်နိုင်ကြောင်း ပြောပြရသည်။ သူတို့ကလည်း အတင်းအကျပ် မစီစဉ်တော့ပါ ဟု ကတိပေးကြသည်။ အမှန်တော့ အောင်ကောင်း ကိုယ်တိုင်က သူ့မိဘများကို ပူဆာ၍ နှစ်ဖက်မိဘ တွေ့ကြပြီး လက်ခံနိုင်လောက်သော အခြေအနေမို့ အောင်ကောင်း နှင့် မိုးနှင်းဖြူ တို့ကိုယ်တိုင်လည်း အချင်းချင်း သဘောကျသည် ထင်၍ စီစဉ်ရန် ဆုံးဖြတ်ကြခြင်း ဖြစ်သည်။ အဲလို ဆိုတော့လည်း သက်စိုးကို ကျော်ကျော့် အဖေ အနေနှင့် မိတ်ဆက်ပေးပြီး ကလေးတွေ အခြေအနေကို အမှန်အတိုင်း ပြောပြလိုက်တော့သည်။ နောက်ဆုံးတော့ နှစ်ဖက်မိဘ လက်ခံထားပြီး ကလေးတွေ ကျောင်းမပြီးခင် မဖြစ်သင့်တာ မဖြစ်ရအောင် တည့်မတ်ပေးကြဖို့ သဘောတူလိုက်ကြသည်။

ကျောင်းတွေဖွင့်တော့ ခေမာညို guide လုပ်ခဲ့သည့် ကျော်ကျော်သက်တို့ ငါးယောက်လုံး အမှတ်ကောင်းကောင်းနှင့် ၉ တန်းအောင်ခဲ့ကြသောကြောင့် ဆယ်တန်း တန်းခွဲ A မှာ တက်ကြရသည်။ ဖိုးထူး တစ်ယောက် ရှစ်တန်းကို တစ်နှစ်ထပ်ကျခဲ့ပြီး ကျောင်းထွက်၍ သူ့အဖေ ဝပ်ရှော့တွင် ကူလုပ်နေသည်။ ဟန်ဌေး နှင့် တင်ဝင်း ကတော့ ရှစ်တန်း အောင်၍ ကိုးတန်း တက်ကြသည်။ ခေမာညိုလည်း ဘီအီးဒီ စာပေးစာယူ ဝင်ခွင့် အောင်၍ တက်ရမည်။ အရေးကြီးသော အတန်းမို့ ကျော်ကျော်သက်တို့ အားလုံး ဘာသာစုံ ကျူရှင် တက်ကြသော်လည်း ခေမာညိုကတော့ guide လုပ်ပေးနေရဆဲ ဖြစ်သည်။

သက်စိုးကို လည်း ခေါင်းညိတ်လိုက်ပေမယ့် လွတ်လွတ်လပ်လပ်နေချင်သေးသော ခေမာညိုက လက်ထပ်ဖို့ကို အချိန်ဆွဲနေဆဲ။ ခေမာညိုကို အလွန်တိုထွာ၍ အိမ်ထောင်မပြုစေချင်သော ဖေဖေ နှင့် မေမေ ကိုလည်း ဘယ်လို စပြောရမှန်းမသိပဲ ဖြစ်နေသည်။ နောက်ပြီး သက်စိုးက အများ အမြင်မှာ အရွယ်ရောက် ကလေးတစ်ယောက်၏ အဖေလည်း ဖြစ်နေသေးသည်လေ။

**********
(၈)
နှစ်နှစ်ကြာပြီးနောက်။

ကျော်ကျော်သက် က နည်းပညာ တက္ကသိုလ်၊ မိုးနှင်းဖြူနှင့် ဟိန်းခန့်က ကွန်ပျူတာတက္ကသိုလ်၊ တူးတူးက သူနာပြုတက္ကသိုလ် အသီးသီး တက်ရောက်လျက် ရှိကြသည်။ အောင်ကောင်းက တော့ စင်ကာပူမှာ ကျောင်းသွားတက်နေသည်။ တင်ဝင်း နှင့် ဟန်ဌေးလည်း ဖိုးထူး နှင့် အတူ ဝပ်ရှော့မှာ အလုပ်လုပ်ရင်း အဝေးသင် တက်နေကြသည်။ အရင်လို လူဆိုးလေးတွေ မဟုတ်ကြတော့။ ခေမာညို ရှစ်တန်းမှာ သင်ခဲ့ရသော ကလေးတွေက ခုဆို တက္ကသိုလ် အသီးသီး တက်နေကြပြီ။ ဆရာ ဆရာမ ဆိုသည်မှာ ပန်းပုဆရာ တစ်ယောက်၊ ဥယျာဉ်မှုး တစ်ယောက်လိုပင်..။ ကိုယ်ထုသော ပန်းပုရုပ်လေးတွေ တင့်တယ်လှပနေသည်ကို မြင်ရလျှင် ကိုယ်ပျိုးသော ပန်းပင်ကလေးများကို အဖူးအငုံ ဘဝတွင် ပိုးမကိုက်စေရအောင်၊ အချိန်မတိုင်ခင် မညှိုးနွမ်းစေရအောင် ပြုစုယုယ၍ အချိန်သင့် အခါသင့် ဝေဆာစွာ ပွင့်လာသည်ကို မြင်ရလျှင် ကျေနပ်ဝမ်းမြောက် ကြရသူများ ဖြစ်သည်။

ခေမာညိုလည်း ဘီအီးဒီ စာပေးစာယူ နှစ်နှစ်သင်တန်းကို ကွာလီဖိုင်းဖြင့် အောင်မြင်ခဲ့ပါသည်။ ခေမာညို့ မိဘများက သားတစ်ယောက် ကြီးကြီးမားမား ရှိနေသော ကလေးတစ်ယောက် အဖေ သက်စိုးထွဋ် နှင့် သဘောမတူချင်သလို သက်စိုး မိဘများ ကလည်း ခေမာညို နှင့် သက်စိုး ၏ ပတ်သက်မှု အပြည့်အစုံ ကို ဘယ်လိုက ဘယ်လို သိသွားမှန်း မသိပဲ လုံးဝ သဘောမတူနိုင် ဖြစ်နေသည်။ ဒီအတောအတွင်း သူလည်း သူ့အလုပ်နဲ့သူ ရှုပ်၊ ခေမာညို လည်းကျောင်းတစ်ဖက်၊ သင်တန်းက စာတစ်ဖက် မအားမလပ် ဖြစ်နေကြပြီး တစ်ပတ် တစ်ခါ တွေ့ဖြစ်ဖို့ပင် မနည်းချိန်းနေရသည်။ ညတိုင်းလို ဖုန်းတော့ ဆက်ဖြစ်ပါသည်။ မိဘတွေ သဘောတူလာအောင် ကြိုးစားကြဖို့ နှစ်ယောက်သား တိုင်ပင်ထားကြသော်လည်း ဘာမှ ရှေ့မဆက်ဖြစ်သေးပါ။

ကျော်ကျော်သက် နှင့် မိုးနှင်းဖြူ ကတော့ နှစ်ဖက်မိဘများ သဘောတူညီမှုနှင့် သူ့အိမ် ကိုယ့်အိမ် သွားလာ လည်ပတ်ခွင့် ပြုထားပါသည်။ ကျောင်းပြီးလျှင် လက်ထပ်ကြဖို့ အားလုံး စီစဉ်ပြီးသားမို့ သူတို့ ချစ်ခရီးလမ်းက ဖြောင့်ဖြူး နေပါပြီ။ ခေမာညိုတို့ နှစ်ယောက် အကြောင်းကို ကျော်ကျော်သက် တို့လည်း သိရှိနေကြပြီ ဖြစ်သော်လည်း ဘာကြောင့် လက်မထပ်သေးသည်ကိုတော့ သေချာမသိကြပါ။

**********

သက်စိုး၏ မိဘများ ခေတ္တပြန်လာကြသည်။ သူတို့က ခေမာညိုနှင့် ပတ်သက်ပြီး အသက် အပေါ် စောသွင်က လက်စားချေခဲ့သည် ကို သိနေကြသောကြောင့် သက်စိုးနှင့် ခေမာညိုကို လုံးဝ သဘောမတူနိုင်ကြောင်း လာရောက်နားချကြခြင်း ဖြစ်သည်။ သက်စိုးထွဋ်က ထိုကိစ္စမှာ ခေမာညို နှင့် လုံးဝ မပတ်သက်ကြောင်း၊ သူ နှင့် စောသွင်၏ ရန်ညှိုးသာ ဖြစ်ကြောင်း သူတို့ကို နားလည်အောင် မနည်းပြောရသည်။ ကျော်ကျော်သက် နှင့် ပတ်သက်၍လည်း ရှစ်တန်းဖြေပြီးကာစက ခိုးရာမလိုက်အောင် ခေမာညို ကိုယ်တိုင် လိုက်သွားပြီး ပြန်ခေါ်လာခဲ့ရသည့် အကြောင်း၊ ကျော်ကျော်သက်ကို သားတစ်ယောက်လို သဘောထားသည့် အကြောင်း… ပြောပြရသည်။ နောက်ဆုံးတော့ ခေမာညို နှင့် တွေ့ကြည့်ဖို့ သူတို့ သဘောတူကြသည်။

ကျော်ကျော်သက်ကတော့ အဘိုး အဘွားကို စိတ်နာနေသည်။ တကယ်တော့ သူ့ဘဝ အကြောင်းစုံကို သိခဲ့တာ ကြာလေပြီ။ ပထမဆုံး သက်စိုးနှင့် ခေမာညိုတို့ ဖုန်းပြောဖြစ်စဉ်ကပင် သူ့အဖေဘက်က ပြောသော စကားများကို ကျော်ကျော်သက်က အမှတ်တမဲ့ကြားခဲ့ခြင်း ဖြစ်သည်။ သို့သော် သူ့အဖေက မသိစေချင်သော အကြောင်းအရာကို သူကလည်း သိကြောင်း မပြောခဲ့ပါ။ ထိုအကြောင်းကြောင့် သူ့ကို မကြည့်ချင်ကြဟု ဆိုသော သူ့အဘိုးအဘွားများကိုတော့ သူကလည်း တမ်းတစရာ အကြောင်းမရှိတော့ပါ။ အရင်ကတော့ သူ့အဘိုးအဘွား များက သူ့ကို တစ်ခါမှ လာမကြည့်တာ၊ သူတို့ဆီ အလည်လာဖို့ မခေါ်တာကို အံသြနေခဲ့သည်။ ခုတော့ မအံသြတော့။ စာလုပ်ဖို့ အကြောင်းပြပြီး သူငယ်ချင်းအိမ် သွားနေလိုက်သည်။ သက်စိုးကတော့ သူ့သားစိတ်ကိုလည်း နားလည်သည်။ သူ့အဖေ အမေတွေကိုလည်း သူ နားလည်သည်။ ကြားထဲက ဘာမှလုပ်မပေးနိုင်တာကိုသာ စိတ်မကောင်း ဖြစ်ရသည်။

ကျော်ကျော်သက် ပြောပြလို့ သက်စိုး မိဘတွေ ရောက်နေမှန်း ခေမာညို သိရသည်။ ကျော်ကျော်သက် ကလည်း သူတစ်ခုခု ခံစားရလျှင် ခေမာညိုကို ပြောပြနေကြ။ အဘိုး နှင့် အဘွားကို စိတ်မခုဖို့ ခေမာညိုက တော်တော် ဖြောင်းဖြ လိုက်ရသည်။ သို့ပေမယ့် သူက သူ့အိမ်ကိုတော့ မပြန်ချင်သေး ဆို၍ အိမ်မှာ ထမင်းလာစားခိုင်းရင်းနှင့် ခေမာညို့ မိဘတွေကိုပါ တစ်ခါတည်း မိတ်ဆက်ပေးလိုက်သည်။ အရင်က ရောက်ဖူးပေမယ့် အများနှင့် ဆိုတော့ ဘယ်သူဘယ်ဝါ သိပ်မသိခဲ့ပါ။ အဲဒီမှာတင် မေမေ တို့ကလည်း သူတို့ သဘောထားတွေကို ကျော်ကျော်သက် သိအောင်ပါ ပြောကုန်ကြသည်။ ခေမာညို့မှာ မိတ်ဆက်မပေးမိလျှင် ကောင်းမှာလို့ပင် ထင်မိသည်။ အခြေအနေကို သိသွားသော ကျော်ကျော်သက်က သက်စိုးထွဋ်က သူ့အဖေအရင်း မဟုတ်ကြောင်း၊ သူ့ဦးလေးသာ ဖြစ်ကြောင်း ပြောပြတော့မှ သက်စိုးကို သူ့အဖေအရင်း မဟုတ်တာ သူသိနေမှန်း ခေမာညို သိရသည်။ သူတို့က ကလေးတစ်ယောက် အဖေမို့ သဘောမတူကြောင်း ပြောနေပါလျက် ခေမာညိုက မဖြေရှင်းခဲ့ခြင်းကို အံသြနေကြသည်။ ခေမာညိုက ကျော်ကျော်သက်ကို မသိစေချင်သဖြင့် တမင် မပြောခဲ့တဲ့ အကြောင်း ရှင်းပြရသည်။

**********
“သက်စိုး နင့်မိဘတွေကို တွေ့ရမှာ ကြောက်တယ်ဟာ.. ဖြစ်ပါ့မလား”

“မကြောက်ပါနဲ့ ညိုရယ်၊ ငါ့ကို ယုံစမ်းပါ၊ အားလုံး အဆင်ပြေသွားမှာပါ”

အစကတော့ သူ့ကို လက်မထပ်ရလည်း ခေမာညို ဘာမှမဖြစ်လို့ ထင်ခဲ့သည်။ ခုကျတော့လည်း ခေမာညို့ကို လက်မခံမှာ စိုးထိတ်နေသည်။

သက်စိုးထွဋ် မိဘများ နှင့် ခေမာညို သွားတွေ့တော့ နှစ်ယောက်စလုံးက ဖော်ဖော်ရွေရွေ ဆက်ဆံကြသဖြင့် တွေ့ဆုံပွဲမှာ အဆင်ပြေပြေ ပြီးဆုံး သွားခဲ့သည်။ ကိုယ်နှစ်ယောက် အကြောင်းသာ မဟုတ်ပဲ ကျော်ကျော်သက် ၏ ခံစားချက်ကို ပါ သူတို့ သိအောင် ပြောပြဖြစ်သည်။ ကျော်ကျော်သက် က တမင် အိမ်မှာ မနေပဲ သူငယ်ချင်းအိမ် သွားနေသည့် အကြောင်း၊ မနေ့ညကတော့ ခေမာညို့ အိမ်မှာ ညအိပ်ခဲ့ကြောင်း ပြောပြလိုက်သည်။ သူတို့လည်း သူတို့ အမှားကို သိသွားကြပုံပါ။ ကျော်ကျော်သက်ကို လိုက်ခေါ်လိုက်ပါမည် ဟု ကတိပေးကြသည်။

သူ့မိဘတွေနှင့်တွေ့ပြီးတော့ ခေမာညို့မိဘတွေနှင့်လည်း တရားဝင် မိတ်ဆက်ပေးရအောင် ခေါ်သွား ရတော့သည်။ အရင်ကလည်း ခေမာညို့ကို အိမ်လိုက်ပို့တာ၊ ကျော်ကျော့် အဖေ အနေနှင့် လာဖူးတာတော့ ရှိပေမယ့် ခေမာညို့ ချစ်သူရယ်ပါလို့တော့ မိတ်ဆက် မပေးခဲ့သေးပါ။ သူ့အလှည့်ကျတော့ သူကလည်း ကြောက်နေသည်။ သို့ပေမယ့် ဖေဖေတို့ မေမေတို့ကလည်း သူ့အကြောင်း သိထားပြီးပြီမို့ ခေမာညိုတို့ အချစ်ကို အသိအမှတ်ပြုပြီး သဘောတူလိုက်ပါပြီ။

သဘောတူကြပြန်တော့လည်း နှစ်ဖက်မိဘက ခေမာညိုတို့ကို အသက်မငယ်တော့ဘူး ဆိုပြီး အချိန်သိပ်မဆွဲပဲ လက်ထပ်စေချင်ကြသည်။ အတားအဆီး မရှိတော့ဘူး ဆိုပြန်တော့ ခေမာညိုက လက်မထပ်သေးပဲ M.Ed ဆက်တက်ချင်သေးသည်။ ဒါပေမယ့်လည်း သူတို့ အလိုကို လိုက်ကာ ရက်ရွေးဖို့ သဘောတူ လိုက်ရပါတော့သည်။

(အရင် လက်ရေးမူ ကို မကြိုက်တော့တာနဲ့ တစ်ချို့ နောက်ဆုံးပိုင်းတွေကို ပြင်လိုက်ပါတယ်။ သူငယ်ချင်း တစ်ယောက်ကတော့ ကိုယ့်အရေးအသားက eassy လိုပဲတဲ့။ ကိုယ်က သိပ်လည်း မဖွဲ့နွဲ့တတ်တဲ့သူမို့ အချစ်အကြောင်း သိပ်ဝေဝေဆာဆာ မရေးနိုင်တာ ခွင့်လွှတ်ကြပါနော် :D)

သိင်္ဂါကျော်

09 September, 2009

၉-၉-၀၉


ညှိုးချိန်မတိုင်ခင် (၂) မတင်ခင် ဒီနေ့ ၉ ရက် ၉လ ၂၀၀၉ ဆိုပြီး Message တွေ တင်ကြ ပို့ကြတာနဲ့  blogger သူငယ်ချင်း အားလုံးနဲ့ အပြင်က သူငယ်ချင်းတွေ အားလုံးအတွက် 9 Wishes နဲ့ ပြည့်စုံ ပါစေကြောင်း အမှတ်တရ မေတ္တာပို့သ လိုက်ပါတယ်...

၁။ အချစ်စစ် ကို ရှာတွေ့ပြီး
၂။ အမြဲတမ်း ပြုံး နေနိုင်ကြပါစေ
၃။ ကျန်းမာခြင်း
၎။ ချမ်းသာခြင်း
၅။ အောင်မြင်မှု
၆။ အလှအပ
၇။ ကံကောင်းမှု များနဲ့ ပြည့်စုံပြီး
၈။ ချိုသောအိပ်မက်များ မက်၍
၉။ ချစ်စရာကောင်းသူလေး လို့ အများကမြင်ပါစေ။

သိင်္ဂါကျော်

ညှိုးချိန်မတိုင်ခင် (၁)



(၁)
ဒီကလေးကို ခေမာညို အကြိမ်ကြိမ် ခေါ်ယူ၍ ဆုံးမပြီးပြီ။ ဆူဆူပူပူ တစ်လှည့်၊ ချော့ချော့မော့မော့ တစ်ခါ ဆိုသလို အာပေါက်အောင်လည်း ပြောခဲ့သည်။ မကြာခဏ ခွင့်မတိုင်ပဲ ကျောင်းပြေးတတ်ပြီး အရင်လပတ် စာမေးပွဲတွင်လည်း ခေမာညို သင်သော အင်္ဂလိပ်စာ တစ်ဘာသာတည်းသာ အောင်ခဲ့သည်။ ကျော်ကျော်သက် ဆိုသော သည်ကောင်ကလေးသည် ခေမာညို ဆူပူသမျှကို ပန်း နှင့် ပေါက်သလောက်သာ သဘောထားသည်။ ဆရာ၊ ဆရာမများကို ကလန်ကဆန် ပြန်မပြောတတ်တာ တစ်ခုကတော့ တော်သေးသည် ဆိုရမည်။ ထိုကလေးက ပြန်မပြော နားမထောင် အစားထဲက ဖြစ်သည်။
ခေမာညို အတန်းပိုင် လုပ်ရသော အဌမတန်း (A) သည် အမှတ်နှင့် စီထားခြင်း မဟုတ်သောလည်း တော်သူများသည်။ လိမ္မာကြသည်။ လူ ၆၀ လောက်ထဲတွင် ဆိုးသူက နှစ်ယောက် သုံးယောက်လောက်သာ ရှိသည်။ ထိုအထဲတွင် ကျော်ကျော်သက် ပါသည်။ သူ့ အပေါင်းအသင်းများက အဆိုးဆုံး၊ အညံဆုံး အတန်းဟု ဆရာများက သတ်မှတ်ထားသော (F) တန်းမှ ဖြစ်သည်။ ကျောင်းပြေးသည်။ သူ မတက်ချင်သည့် အချိန်ဆို အတန်းလစ်သည်။ အိမ်စာ ပေးသမျှကို မှန်မှန်မလုပ်။ ဘာသာရပ်ဆိုင်ရာ ဆရာ ဆရာမများက သူတို့ ကိုယ်တိုင် ဆူပူ ဆုံးမရုံမက အတန်းပိုင်ဖြစ်သော ခေမာညိုကို တိုင်ကြသည်။ ခေမာညိုက သူ့ကို အုပ်ထိန်းသူ အဖေဖြစ်စေ၊ အမေ ဖြစ်စေ ခေါ်လာခိုင်းသော်လည်း ဘယ်သူမှ လိုက်မလာပါ။ သူက အိမ်ကို ပြောမပြသောကြောင့် ဖြစ်နိုင်သည်။
ဆရာ၊ ဆရာမ အားလုံးက ဆူပူကြပ်မတ်ထားသဖြင့် ယခုလပတ်မှာတော့ ဘာသာစုံအောင်သည်။ အမှတ်ကတော့ သိပ်များများ မဟုတ်။ အောင်ရုံသာ။ ဘာပဲ ဖြစ်ဖြစ် တော်သေးသည် ဟု အောက်မေ့နေဆဲ... ယခု ခွင့်မတိုင်ပဲ ကျောင်းပျက်နေသည်မှာ လေးရက်ရှိပြီ။ ဒီတစ်ခါတော့ ခေမာညိုက သူ့အိမ်ကို စာပို့လိုက်ပြီ။ စာရင်းထဲတွင် သူ့အဖေ နာမည်က ဦးသက်စိုးထွဋ်၊ အင်ဂျင်နီယာ၊ စိုးဆောက်လုပ်ရေး၊ အမေက ဒေါ်နန်းမူ၊ ကွယ်လွန်။ သူက တစ်ဦးတည်းသော သားဖြစ်သည်။ အဖေက အလုပ်များပြီး သားကို လှည့်မကြည့်နိုင်သည့်ပြင် မိတဆိုး ဖြစ်သဖြင့်လည်း အလိုလိုက်ထားပုံ ရသည်။ သို့ကြောင့်သာ ကလေးက ဆိုးနေခြင်း ဖြစ်ပုံရသည်။
ဦးသက်စိုးထွဋ် ဆိုသော အမည်ကို ကြည့်၍ လွန်ခဲ့သော ဆယ့်လေး ငါးနှစ်က ခေမာညိုနှင့် တစ်တန်းတည်း နေခဲ့ဖူးသော သက်စိုးထွဋ် ဆိုသော ကောင်လေး တစ်ယောက်ကို ပြန် အမှတ်ရမိသည်။ အခင်ဆုံး သူငယ်ချင်း ဖြစ်သောကြောင့် သတိရခြင်းတော့ မဟုတ်ပါ။ ခေမာညို ကြည့်မရသော၊ တစ်တန်းလုံး၊ တစ်ကျောင်းလုံး အော့ကြောလန် အဖွဲ့ထဲမှ ဖြစ်သောကြောင့်သာ မှတ်မိနေခြင်း ဖြစ်ပါသည်။
**********
(၂)
ခေမာညို့ မိဘများက အစိုးရဝန်ထမ်းများ ဖြစ်သည်မို့ တစ်နယ်ပြီး တစ်နယ်၊ တစ်မြို့ပြီး တစ်မြို့ ပြောင်းနေခဲ့ရသည်။ ခေမာညို ကိုးတန်းနှစ်တွင် မြေလတ်မြို့လေး တစ်မြို့မှ အထက်တန်း ကျောင်းတွင် နေခဲ့ရသည်။ အသစ်ပြောင်းလာသူ ဖြစ်သော်လည်း စာတော်သူမို့ မကြာခင်မှာပင် ဆရာ ဆရာမများနှင့် အတန်းဖော် သူငယ်ချင်းများ၏ ချစ်ခင်မှု ခေမာညို ရရှိပါသည်။ ထိုစဉ်က ခေမာညိုတို့အထက်ကျောင်းတွင် ရင်ဖုံးအင်္ကျီနှင့် ထမီရှည်ရှည် ဝတ်ရမည်ဟု စည်းကမ်းချက် မရှိသော်လည်း မြန်မာဆန်ပြီး မိန်းမပီသလွန်းသော မေမေ့ကြောင့် ခေမာညိုက ရင်ဖုံးနှင့် ထမီကိုပဲ ဝတ်ခဲ့ရပါသည်။ ထိုပုံစံကြောင့်လည်း ယောင်္ကျားလေးများ၏ စိတ်ဝင်စားမှုကို ပိုခံခဲ့ရပါသည်။ မေမေ့ကြောင့်သာ အဲဒီလို ပုံစံ ဝတ်သော်လည်း ခေမာညိုက ရှက်တတ် ကြောက်တတ်သော ယဉ်ကျေးသိမ်မွေ့သူလေးတော့ မဟုတ်ခဲ့ပါ။ ခေမာညိုကို စနောက်သော၊ စာပေးသော ကောင်လေးများကို ရှက်ရွံပုံ လုံးဝမပါသော ခပ်တည်တည် အကြည့်၊ ခပ်တင်းတင်း မျက်နှာနှင့် သာ တုံ့ပြန်ခဲ့ပါသည်။ လွန်လာလျှင်တော့ ခေမာညို့ ပါးစပ်မှ ရက်ရက်စက်စက် ချိုးချိုးဖဲ့ဖဲ့ ပြောပစ်လိုက်ဖို့ ဝန်လေးသူ မဟုတ်ပါ။
ခေမာညိုကို စိတ်အနှောက်အယှက် အပေးဆုံးမှာ ကောင်လေး ခြောက်ယောက် အဖွဲ့ ဖြစ်သည်။ သူတို့လည်း ကိုးတန်းပေမယ့် ခေမာညို နှင့် တန်းခွဲခြင်းတော့ မတူပါ။ သူတို့က ခေမာညိုကိုသာ မဟုတ်၊ ကောင်မလေး တိုင်းကို ခြေလှမ်းမှားအောင် ပြောင်လှောင် စနောက်ကြသူများဖြစ်သည်။ ကိုးတန်းအောင်ပြီး ဆယ်တန်းတက်သော အခါမှာလည်း အမှတ်နှင့် ခွဲထားခြင်း မဟုတ်သဖြင့် ခေမာညို နှင့် လူဆိုးလေး ခြောက်ယောက်ထဲမှ နှစ်ယောက်က အတန်းချင်းတူသွားသည်။  ကျောင်းမှန်မှန်တက်ပြီး စာမှန်မှန် မကြိုးစားသော ထိုခြောက်ယောက်သည် ဥာဏ်ကောင်း ၍သာ ကိုးတန်းကို နှစ်ချင်းပေါက် အောင်လာခြင်း ဖြစ်မည်။ အရင်က နာမည်တွေ မသိပေမယ့် ခေမာညိုတို့ အတန်းထဲရောက်လာမှ ထိုနှစ်ယောက်မှာ သက်စိုးထွဋ် နှင့် ဟန်ဝင်း ဖြစ်ကြောင်း သိလာသည်။
ခေမာညိုတို့ သူငယ်ချင်း တစ်စုက အရေးကြီးသော အတန်း ဖြစ်သည့်အတွက် အသည်းအသန် စာကြိုးစားနေသလောက် ကောင်လေးများကတော့ အစွမ်းကုန် ဆိုးပေတေနေသည်။ ကျောင်းပြေးသည်။ ရန်ဖြစ်သည်။ ဆေးလိပ် နှင့် အရက်ကို စမ်းသတ်ကြသည်။
အဲဒီလို နေလာရင်း...သက်စိုးထွဋ်က ခေမာညိုကို မရိုးမသား စိတ်ဝင်စားသယောင် အမူမယာများ ပြလာသလို ဟန်ဝင်း ကလည်း ခေမာညို့ သူငယ်ချင်းတစ်ယောက်ကို စာလိုက်ပေးသည်။ သူငယ်ချင်းက မယူသဖြင့် သုံးရက်မြောက် နေ့တွင် လွယ်အိတ်ထဲ ခိုးထည့်ထားသည်။ သူငယ်ချင်းက လွှင့်ပစ်ရန် ပြင်သော်လည်း ခေမာညိုက ဆရာမကို ပေးလိုက်သဖြင့် စာပေးသော အကောင် ကောင်းကောင်း အဆူခံလိုက်ရသည်။ အဲဒီနောက် သူတို့က ခေမာညို့ကို အကြီးအကျယ် မကျေမနပ်ဖြစ်ကာ ပစ်မှတ်ထားလာသည်။
သူတို့ထဲမှ စောသွင် ဆိုသော တစ်ယောက်က ခေမာညိုကို စကားလိုက်ပြောသည်။ သူတို့ အဖွဲ့ထဲမှပဲ မင်းနိုင် ဆိုသော တစ်ကောင်ကလည်း ရိသဲ့သဲ့ လုပ်လာသည်။ တစ်ခြားတစ်ကောင်ကလည်း တိတိလင်းလင်း မဟုတ်ပဲ မကြားတစ်ကြား ရည်းစားစကား လိုလို ဘာလိုလို ပြောချင်လာသည်။ ခေမာညိုကို တကယ်ကြိုက်တာ မဟုတ်ပဲ သက်သက် နှောက်ယှက်နေတာ အသိသာကြီးပင် ဖြစ်သည်။ စောသွင်က အဆိုးဆုံး ဖြစ်သည်။ အတန်းပိုင် ဆရာမ ကိုပင် တိုင်ပြောရသည့် အဆင့် ရောက်လာသည်။ ဆရာမက သတိပေး ဆုံးမသော်လည်း သူတို့ အလေးမထား။ တစ်ခါတလေ ခေမာညိုတို့ အိမ်ရှေ့တွင် ဂစ်တာ လာတီးကာ သံသေးသံကြောင်နှင့် ဆိုတတ်ကြသေးသည်။
သူတို့ ခြောက်ယောက်ထဲတွင် နည်းနည်းပါးပါး အေးသည် ဟုဆိုနိုင်သော သက်စိုးထွဋ်ကပါ ခေမာညို့ကို ရည်းစားစကား ပြောလာသောအခါ ဒေါသက ထိန်းမရတော့ပါ။ သူ့ကို တော်တော်ကြီး နစ်နစ်နာနာ ရက်ရက်စက်စက် ပြောပစ်လိုက်သည်။ ဘာတွေပြောခဲ့သလဲ ဆိုတာ ယခုပြန်စဉ်းစားတော့ မမှတ်မိတော့ပါ။ အသားဖြူသော သူ့မျက်နှာမှာ ခပ်နီနီ ဖြစ်ကျန်ခဲ့သည်ကို မှတ်မိသည်။ သက်စိုးထွဋ်က အဲသည့်တစ်ခါ နှင့်ပင် တော်တော်လန့်သွားပုံရပြီး နောက်ထပ် လာမစတော့ပါ။ မျက်နှာပြောင်ပြီး အရှက်မရှိသော စောသွင်နှင့် တစ်ခြား နှစ်ကောင်ကတော့ ခေမာညို ဘယ်လောက်ပြောပြော လိုက်ပတ်သက်ကြတုန်းပင်။
စာမေးပွဲကြီး နီးလာသောကြောင့် ခေမာညိုတို့မှာ စာတွေရဲ့ ဖိအားဖြင့် မအားမလပ် ဖြစ်နေသောအချိန်။ တစ်နေ့ ညနေဘက် ကျောင်းဆင်းချိန်တွင် စောသွင်က ပြဿနာရှာလာသည်။ ဆရာမ၏ ဆူပူမှုကြောင့် လဝက်လောက် ငြိမ်နေရာမှ တစ်စခန်းထ လာခြင်းဖြစ်သည်။ ခေမာညို့ ရှေ့မှ ပိတ်ရပ်၍ ရည်းစားစကား ပြောသည်။ လမ်းဖယ်ခိုင်း သော်လည်း ဖယ်မပေးပဲ ထုပ်ဆီးတိုးသလို လုပ်နေသည်။ တစ်ခွန်း နှစ်ခွန်း ပြော၍ မရသောအခါ ခေမာညို သည်းခံနိုင်စွမ်းကုန်သွားသည်။ သူ့ကို ပါးရိုက်လိုက်သည်။ ထိုအကောင်ကလည်း လျင်သလား မပြောနှင့်။ ခေမာညို့ လက်ကို ဖမ်းကိုင်ထားသည်။ သူ့ပါးကို မရိုက်မိ။ သို့ပေမယ့် ခေမာညိုက ချက်ချင်း ဆိုသလို ဘယ်လက်နှင့် သူ့မျက်နှာကို ရိုက်ချလိုက်တော့ သူခံလိုက်ရသည်။ ခေမာညို့ လက်ကိုလည်း လွှတ်ပေးလိုက်ရသည်။ နောက်ဘက်တွင် ကျောင်းသား ကျောင်းသူ တစ်ဖွဲ့ကြီး လာနေသဖြင့် သူဘာမှ ထပ်မလုပ်ရဲပဲ ပြန်လှည့်သွားသည်။
ခေမာညိုက ဆရာမကို တိုင်သဖြင့် ဆရာမလည်း စိတ်ဆိုးပြီး ကျောင်းအုပ်ဆရာမကြီှးဆီ တင်လိုက်သည်။ ဆရာမကြီးက စောသွင်၏ မိဘများကိုပါ ခေါ်၍ သတိပေးသည်။ စောသွင်ကို နောက်နောင် ထိုကဲ့သို့ အနှောက်အယှက် မပြုတော့ပါကြောင်း ခံဝန်ချက်တွင် လက်မှတ်ထိုးခိုင်းသည်။ နောက်တစ်ကြိမ် ဖြစ်ခဲ့လျှင် ကျောင်းထုတ်မည် ဟု သတိပေးလိုက်သည်။
အဲဒီနောက်ပိုင်းကျမှ ခေမာညို့ အတွက် အနှောက်အယှက် ကင်းသွားသည်။ သက်စိုးထွဋ်ကလည်း ကျန်ငါးယောက်နှင့် သိပ်မတွဲပဲ ရှောင်ဖယ်ဖယ် လုပ်နေပုံရသည်။ တခြား ဘယ်မိန်းကလေးကိုမှလည်း သိပ်မစ မနောက်ရဲတော့ပဲ သူတို့ ခြေငြိ်မ်သွားသည်။ စားမေးပွဲ နီးနေ၍လည်း ဖြစ်လိမ့်မည်။
စာမေးပွဲကြီး စစ်သောအခါ ခေမာညိုသည် အပြည့်အဝ စိတ်တိုင်းမကျ သော်လည်း တော်တော် ကောင်းကောင်းမွန်မွန် ဖြေဆိုနိုင်ခဲ့ပါသည်။ ခေမာညိုတို့ တုန်းက မြို့ရှိ အထက်တန်းကျောင်း သုံးကျောင်းတွင် ခုံနံပါတ် နှင့် အမည် လိုက် ခွဲချ၍ ကျရာ စာစစ်ဌာနတွင် ဖြေဆိုရခြင်း ဖြစ်ရာ ဟိုခြောက်ယောက်နှင့် ခေမာညိုမှာ ကျောင်းချင်းမတူသဖြင့် သူတို့ မျက်နှာတွေကို မြင်မနေရခြင်းကလည်း ပို၍ စိတ်ချမ်းသာစရာ ကောင်းသည်။
စာမေးပွဲ နောက်ဆုံးနေ့တွင် ထိုခြောက်ယောက် အချင်းချင်း ရန်ဖြစ်သဖြင့် ရဲဌာန အချုပ်ခန်းထဲပင် ရောက်သွားသေးသည် ဟုကြားသည်။ ဘာအကြောင်းကြောင့်လဲတော့ ခေမာညို မသိပါ။ စာမေးပွဲပြီး၍ နောက်သုံးရက် အကြာမှာ ခေမာညိုတို့ မိသားစု ထိုမြို့ကလေးမှ ပြောင်းရွှေ့ခဲ့ရသည်။ ထိုမြို့မှ သူငယ်ချင်းများနှင့် မဆုံဖြစ်သည်မှာလည်း ပြောင်းခဲ့သော အချိန်မှစ၍ ယခုထိပင် ဖြစ်သည်။
**********
 (၃)
နောက်တစ်နေ့တွင် ကျော်ကျော်သက်၏ အဖေ ဦးသက်စိုးထွဋ် ဆိုသူ လာတွေ့ပါသည်။ ခေမာညိုတို့ ဆရာမများ နားနေခန်းတွင် သူ့ကို ခေါ်၍ စကားပြောကြသည်။ တွဲဖက်အတန်းပိုင် နှင့် ခေမာညို ပဲ ရှိသည်။ တစ်ခြား ဆရာ ဆရာမများက အတန်းဝင်နေကြသည်။
ခေမာညိုသည် ထိုလူ့မျက်နှာကို တွေ့ဖူးသလို ထင်မိသည်။ ထိုလူကလည်း ခေမာညို့ကို တွေ့တော့ အံသြသွားပုံဖြင့် သေချာကြည့်နေသည်။ တည်ကြည်သန့်ပြန့်သော လူကြီးလူကောင်း ပုံစံအပြည့်နှင့် ထိုအင်ဂျင်နီယာကို တစ်ချိန်က လူဆိုးလေး သက်စိုးထွဋ် ဖြစ်လိမ့်မည် ဟု ခေမာညိုက လုံးဝ မထင်မိခဲ့ပါ။ ကျောင်းဝင်းရှေ့တွင် ရပ်ထားသော မီးခိုးရောင် surf ကားရပ်၍ သူဆင်းလာသည်ကိုလည်း ခေမာညိုတို့ လှမ်းမြင်ခဲ့ရသည် မဟုတ်လား။
“ကျွန်တော် ကျော်ကျော်သက် အဖေပါ၊ ဆရာမနာမည် ခေမာညို များလား”
“ဟုတ်ပါတယ်ရှင်”
တိုင်စာထဲတွင် အတန်းပိုင်ဆရာမ ဟုသာ ရေးခဲ့သည်။ ခေမာညို့နာမည်ကို ထည့်မရေးခဲ့ပါ။
“ဆရာမ ကျွန်တော့်ကို မမှတ်မိဘူးလား၊ ဟိုအရင် ကိုးတန်း ဆယ်တန်း တုန်းက ကျွန်တော်တို့ တစ်ကျောင်းတည်း နေဖူးတယ်လေ”
သူက ပြောလာတော့မှ သူ့မျက်နှာကို ခေမာညို မှတ်မိသွားသည်။
“သက်စိုးထွဋ်၊ ကျွန်မက နာမည်တူတာပဲလို့ အောက်မေ့နေတာ၊ ရှင်ဖြစ်မယ်လို့ မထင်မိဘူး”
“ကျွန်တော်လည်း ဟုတ်မှဟုတ်ပါ့မလားလို့၊ ခင်ဗျားကို ခုချိန်မှာ ဆရာဝန် ဖြစ်နေလိမ့်မယ်လို့ ထင်ထားတာ”
“ဒီလိုပေါ့ရှင်၊ ကျွန်မ ဆေးတက္ကသိုလ် အမှတ် မမှီခဲ့ပါဘူး၊ စက်မှုတော့ မီပေမယ့် ဝါသနာမပါတာနဲ့ ရိုးရိုးမေဂျာပဲ ယူခဲ့တာ...၊ ထိုင်ပါဦး”
“ဟုတ်ကဲ့၊ သားနဲ့ ပတ်သက်ပြီး ပြောစရာ ရှိတာ ပြောပါ၊ ကျွန်တော်လည်း အခုတလော အလုပ်များနေတာနဲ့ သားကို ဂရုမစိုက်မိသလို ဖြစ်နေပါတယ်”
“ကျော်ကျော်သက်က ဥာဏ်ကောင်းပေမယ့် ကြိုးစားချင်စိတ်က မရှိဘူး၊ ခွင့်မတိုင်ပဲ ကျောင်းပြေးတာကလည်း ခဏခဏပဲ၊ သူပေါင်းတဲ့ အပေါင်းအသင်းတွေကလည်း ပြောရမယ်ဆိုရင် ကလေကချေ လူဆိုးလေးတွေချည်းပဲ၊ ကျွန်မတို့လည်း ဆုံးမပေမယ့်...ကျွန်မတို့မှာက ဒီကလေး တစ်ယောက်တည်း ကြည့်ရှု ဆုံးမရတာ မဟုတ်ဘူးလေ၊ အဲဒါကြောင့် မိဘတွေ အနေနဲ့လည်း တစ်ဖက်က ကူပြီး ပြောဆို ဆုံးမ ပေးဖို့ပါ။”
“ဟုတ်ကဲ့ ကျွန်တော် ပြောပါဦးမယ် ဆရာမ”
“သူက ဆရာမတွေကို ကလန်ကဆန်တော့ ဘယ်တော့မှ ပြန်မပြောဘူး၊ ဒါပေမယ့် သူက ပြန်မပြော နားမထောင် လူစားမျိုး၊ အတန်းထဲမှာ စာမေးရင်လည်း ဘယ်တော့မှ မရဘူး၊ ပထမ လပတ်မှာ ကျွန်မ ဘာသာ ၅ မှတ်ပဲ ရတယ်လေ၊ အဲဒါ သူ့ကို အတင်းမောင်းတော့မှ ဒီလပတ်တော့ ၄၀ ရတယ်။”
“နောက်ပြီးတော့ ရန်ပွဲတွေ၊ ရိုက်ပွဲတွေ မှာလည်း သူ အမြဲ ပါတယ်လို့ ကျွန်မတို့ကြားတယ်၊ ဒီကလေး အကြောင်းကို ကျွန်မတို့ သိသလို သူ့မိဘတွေ သိမှ သိပါ့မလားလို့ ... ကျွန်မတို့ ခေါ်ပြောတာပါ”
တွဲဖက်အတန်းပိုင် သိပ္ပံဆရာမ ကလည်း ဝင်ပြောသည်။
“ဟုတ်ပါတယ်၊ ကျွန်တော် မသိပါဘူး၊ နေ့တိုင်းလည်း ကျောင်းသွားမယ် ဆိုပြီး သွားနေတာပဲ၊ ရန်ဖြစ်တာ ကျွန်တော့် ပတ်ဝန်းကျင်မှာ မဖြစ်တော့ မသိပါဘူး၊ ပြောပြတာ ကျေးဇူးပါပဲဗျာ၊ ကျွန်တော် သူ့ကို ဆုံးမပါ့မယ်”
အဲဒီနောက် သိပ္ပံဆရာမက အတန်းရှိသောကြောင့် ထွက်သွားသည်။ ခေမာညို နှင့် သူပဲ ဆက်ပြောဖြစ်ကြသည်။
“ကလေးကို ဆူပူ အပြစ်တင်တာမျိုးလည်း အရမ်းကြီး မလုပ်ပါနဲ့၊ ကျွန်မတို့ ရှင်တို့လည်း တစ်ချိန်က လူငယ် ဖြစ်ခဲ့တာပဲ၊ လူငယ်တွေရဲ့ စိတ်ကို နားလည်အောင် ကြိုးစားပြီး ပြုပြင်ပြောင်းလဲ ပေးရမှာ ကျွန်မတို့ တာဝန်ပဲလေ၊ ဟင်း ဟင်း၊ တကယ်တော့ ကျော်ကျော်က ရှင် ငယ်ငယ်ကလောက်တောင် ဆိုးတာ မဟုတ်ပါဘူး”
“ကျွန်တော့် တုန်းကတော့ ခင်ဗျားပြောခဲ့တဲ့ စကားတွေကြောင့် အသိဝင်ခဲ့တာ ဗျ”
“ကျွန်မက ဘာတွေများ ပြောခဲ့မိပါလိမ့်”
“တစ်ချို့ စကားလုံးတွေကို ကျွန်တော် မှတ်မိနေတုန်းပါဗျာ၊ မိဘ ဆွေမျိုး၊ ပတ်ဝန်းကျင်ကို ဒုက္ခပေးနေတာတဲ့၊ လူတစ်ယောက် ဖြစ်ပြီး ကိုယ့်တာဝန်ကိုယ် မကျေရင် တန်ဖိုးမဲ့တဲ့ လူပဲတဲ့၊ တန်ဖိုး မရှိတဲ့ လူတစ်ယောက်ကို သယ်ထားရတာ ကမ္ဘာမြေကြီး သက်သက် လေးနေတာတဲ့၊ အဖိုးတန်တဲ့ အချိန်တွေကို ပျော်ပါးဖို့၊ ရန်ဖြစ်ဖို့ ဖြုန်းတီးနေတာ တော်တော် နှမြောဖို့ကောင်းတယ်တဲ့...၊ အမှန်တရား တွေ ဆိုတာ ကျွန်တော် လက်ခံလိုက်မိတယ်”
“ငယ်ငယ်တုန်းက ကျွန်မက တော်တော် ဆိုးတယ်၊ ကိုယ့်စိတ်နဲ့ မတွေ့ရင် ပက်ကနဲ ပြောလိုက်မိတာပဲ၊ သူများ နာမယ့် စကားမျိုးဆို စဉ်းစားစရာ မလိုပဲ အလိုလို ပါးစပ်က ထွက်တတ်တယ်၊ ကျွန်မ ဒီလောက်ပြောတာတောင် စောသွင်လို ကောင်မျိုးကတော့ မမှုပါဘူး၊ အသက်ကြီးလာတော့လည်း စိတ်ထဲရှိတဲ့ အတိုင်း လွှတ်ကနဲ မပြောမိအောင် ထိန်းနိုင်သွားပါပြီ”
ခေမာညို စိတ်ထင်လို့ပဲလား မသိပါ။ စောသွင် နာမည်ကို ကြားလိုက်တော့ သူ့မျက်နှာ တစ်မျိုးဖြစ်သွားသည်။
“ဒါနဲ့ ကလေးအမေက ဘယ်တုန်းက ဆုံးသွားတာလဲ”
ခေမာညိုက စကားလမ်းကြောင်းပြောင်းလိုက်သော အခါ သူ့မျက်နှာက ပိုပျက်သွားသည်။
“သားကို မွေးပြီး ကတည်းကပါပဲ”
“သြော်၊ ဖြစ်မှ ဖြစ်ရလေ...”
သူ့အမူအယာက ပျက်နေသောကြောင့် ခေမာညိုမှာ ကလေးအမေ အကြောင်းကို ထပ်မမေးရဲတော့ပါ။ ကြည့်ရတာ... အခုအချိန်အထိ နောက်ထပ်အိမ်ထောင်လည်း မပြုသေးပုံ ထောက်လျှင် ကလေးအမေကို လွမ်းဆွတ် နေဆဲ ဖြစ်ပုံရသည်။
“ကျွန်တော် အလုပ်ရှိသေးလို့ ပြန်လိုက်ပါဦးမယ် မခေမာညို၊ သားအတွက် ကျွန်တော် အချိန်ပေးပြီး ဆွေးနွေးကြည့်ပါ့မယ်၊ ဒါ ကျွန်တော့် Address Card ပါ၊ ကျော်ကျော်သက် အကြောင်းကို တိုင်ချင်ရင် အိမ်ဖုန်းပဲ ဖြစ်ဖြစ်၊ ဟန်းန် ဖုန်းပဲဖြစ်ဖြစ် ဆက်လို့ ရပါတယ်”
“ဟုတ်ကဲ့၊ ခုလို အချိန်ပေးပြီး လာတဲ့ အတွက် ကျေးဇူးပါ”
**********
(၄)
ခေမာညိုသည် ကျောင်းကအပြန် မေမေ မှာသော ပစ္စည်း တစ်ချို့ကို မြေနီကုန်း City Mart ဝင်ရာမှ ဆယ်တန်း တုန်းက တစ်တန်းတည်း အတူတူလည်း ထိုင်ခဲ့သော နီလာဦး နှင့် တွေ့သည်။ ထိုမြို့မှ ထွက်လာပြီးနောက် ပထမဆုံး တွေ့ဖြစ်သော သူငယ်ချင်းပင် ဖြစ်သည်။ နီလာသည် အရင် ဆယ်ကျော်သက်က ကိုယ်လုံးနှင့် ဘာမှ မဆိုင်အောင် ဝလာသည်။ သူတို့နှစ်ယောက် Season မှာပင် ခဏထိုင်ဖြစ်ကြသည်။
“နင် အိမ်ထောင်ကျပြီလား နီလာ”
“အင်းပေါ့၊ ဘယ်သူ ဖြစ်မလဲ မှန်းကြည့်၊ ဆယ်တန်းတုန်းက ငါတို့ အတန်းထဲကပဲ”
ဆယ်တန်းတုန်းက တစ်တန်းသား ကောင်လေးတွေ အကုန်လုံးကိုတော့ ခေမာညို မမှတ်မိတော့ပါ။ အတန်းထဲမှာ စာတော်သော ကျောင်းသားနှစ်ယောက် သုံးယောက်နှင့် လူဆိုးလေး ခြောက်ယောက်ကိုသာ သေချာသိခဲ့တာ...။ သူတို့တော့ မဖြစ်နိုင်ဘူး ထင်ပါသည်။
“ငါ မမှန်းတတ်ပါဘူး ဟာ”
“ဟင်း ဟင်း ဟန်ဝင်းလေ...၊ နင်အမြင်ကပ်တဲ့ ခြောက်ယောက် အဖွဲ့ထဲကပဲ”
“သြော်သိပြီ၊ နင့်ကို စာပေးဖူးတဲ့ တစ်ယောက်ပဲ၊ ငါ ဆရာမကို ပေးလိုက်လို့ ဆူခံလိုက်ရတဲ့ကောင်ပဲ မဟုတ်လား၊ နင်က သူ့ကိုကြိုက်တယ်ပေါ့၊ မထင်မိပါဘူး ဟယ်”
“ငါလည်း စဉ်းစားပါသေးတယ်၊ ဒါပေမယ့် သူက ငါ ကောလိပ် တက်တဲ့ တစ်လျှောက်လုံး လိုက်နေတာ ဆိုတော့ သနားပြီး ပြန်ကြိုက်လိုက်တာ”
“နင့်အိမ်က သဘောတူရဲ့လား”
“ဘယ်တူမှာလဲ၊ ငါကျောင်းပြီးသွားတော့ သူနဲ့ငါ ခိုးပြေးတာလေ၊ ငါ့အိမ်က ခုထိ မခေါ်ဘူး”
“နီလာရယ် နင်မိုက်လိုက်တာ..၊ အခု ဘယ်လိုလဲ အဆင်တော့ ပြေတယ် မဟုတ်လား”
“သူက ငါ့ကို တကယ်ချစ်တာပါ၊ ငါ့အပေါ်မှာလည်း ကောင်းပါတယ်၊ သူက ဆယ်တန်းမအောင်တော့ အခု ကွန်တိန်နာ ကားကြီးတွေမောင်းနေတယ်၊ ငါက ကုမ္ပဏီ တစ်ခုမှာ ဝင်လုပ်နေတယ်၊ ကလေး နှစ်ယောက် ရနေပြီ၊ နင်ရော အခုထိ အပျိုကြီးပဲလား”
“အင်း၊ ငါလည်း အဲဒီမြို့က ထွက်လာပြီးကတည်းက ဘယ်သူနဲ့မှ မတွေ့ဘူး၊ ဆုံမယ့် ဆုံတော့လည်း ... ဟိုတလောက သက်စိုးထွဋ် နဲ့ တွေ့တယ်၊ အခု နင်နဲ့ တွေ့တယ်”
“သက်စိုးထွဋ်နဲ့ ဘယ်မှာ တွေ့တာလဲ”
“ငါ့အတန်းထဲက ကောင်လေးရဲ့ အဖေ ဖြစ်နေတယ်လေ၊ ကျောင်းပြေးလွန်းလို့ တိုင်စာပို့တော့ လာတွေ့ရင်းနဲ့မှ သိတာ၊ သူက အခု အင်ဂျင်နီယာ ဖြစ်နေတယ် ဟဲ့၊ အရင်ကနဲ့ တခြားစီပဲ..”
“ငါသိပါတယ်၊ ငါတို့ ရန်ကုန် ရောက်ပြီး မကြာဘူး သူနဲ့ တွေ့တယ်လေ၊ သုံးနှစ်လောက် ရှိပြီပေါ့၊ သက်စိုးထွဋ် အကြောင်းကို သူကလွဲရင် အသိဆုံးက ငါတို့ နှစ်ယောက်ပဲ၊ နင့်ကို လည်း ပြောပြစရာတွေ ရှိသေးတယ်၊ အဲဒီ နင့်အတန်းက ကလေးကို ဘယ်သူ့ ကလေး မှတ်သလဲ”
“သူ့ကလေး ပဲလေ မဟုတ်ဘူးလား”
“မဟုတ်ဘူး၊ သူ့သားမဟုတ်ဘူး၊ သူ့တူလေးပါ”
“ဘယ်လို၊ ဘာလို့...”
“နင် အံသြသွားလား၊ သူ့ညီမကိုတော့ နင် မှတ်မိတယ် မဟုတ်လား ငါတို့ ထက် တစ်တန်းငယ်တယ်လေ၊ စာလည်းတော်တယ်၊ ဒါပေမယ့် သူ့အစ်ကိုရဲ့ ညီမ ဖြစ်လို့ ကံဆိုးရရှာတယ်”
“ဒါဖြင့် အဲဒီ သူ့ညီမ သားပေါ့ ဟုတ်လား၊ နင်လေသံ နားထောင်ရတာ ပုံမှန် မဟုတ်တဲ့ ဇာတ်လမ်းတစ်ပုဒ်တော့ ရှိပြီနဲ့တူတယ်”
“အမှန်ပဲ၊ အဲဒီ ဇာတ်လမ်းက နင်နဲ့လည်း ပတ်သက်တယ်”
“ဘာ... ငါနဲ့”
ခေမာညို အတော်ကို အံသြသွားပါသည်။ သက်စိုးထွဋ် ညီမ နှင့် ခေမာညို ဘာများ ပတ်သက်မှု ရှိနိုင်ပါမည်နည်း။
“ငါ အစက စပြောမှ နင် ဇာတ်ရည်လည်လိမ့်မယ်၊ ငါတို့ ဆယ်တန်း စာမေးပွဲ ပြီးတဲ့နေ့က သူတို့ အဖွဲ့ ရန်ဖြစ်ကြတာ နင်သိတယ်မဟုတ်လား၊ အားလုံး အချုပ်ထဲတောင် ရောက်သွားကြသေးတယ်“
“အင်း၊ ငါကြားမိပါတယ်”
“ဘာကိစ္စနဲ့ ဖြစ်ကြတာလဲ ဆိုတာရော နင်သိလား”
“မသိဘူး၊ အဲဒါနဲ့ ဘာဆိုင်လို့လဲ”
“ဆိုင်လို့ပေါ့ ဟာ၊ အဲဒီ စာမေးပွဲပြီးတဲ့ နေ့က စောသွင်က နင့်ကို ကားတင်ပြေးဖို့ စီစဉ်ထားတာ၊ ညနေဘက် နင် စာအုပ်ဆိုင် သွားမှာပဲ ဆိုပြီး စာအုပ်ဆိုင် သွားတဲ့လမ်းက လူလည်းရှင်းတော့ နင့်ကို အဲဒီမှာ ကားတင်ပြေးဖို့ လုပ်ထားတာ၊ သူ့အစ်ကို ဝမ်းကွဲ လူမိုက်က ကားမောင်းပေးမယ်၊ နောက် တစ်ယောက်လည်း ပါဦးမယ်၊ အဲဒီအကြောင်းကို သူ့ဟာသူ စီစဉ်ထားပြီးမှ သူ့အဖွဲ့ကို ပြောပြတော့ သက်စိုးထွဋ်က အပြင်းအထန် ကန့်ကွက်တယ်၊ မိုက်ရိုင်းတဲ့ အကောင် ဆိုပြီး စောသွင်ကို ထိုးရာက သူတို့ ရန်ဖြစ်ကြတယ်လေ၊ သက်စိုးထွဋ် ဘက်က ဟန်ဝင်းနဲ့ ထက်ခေါင်၊ စောသွင်ဘက်က မင်းနိုင်နဲ့ စိုးမင်းဝင်း သုံးယောက်စီ အကြီးအကျယ် ဖြစ်ကြတာပဲ၊ အချုပ်ထဲမှာကို ထိန်းသိမ်းခံလိုက်ရသေးတယ်၊ နင့်ကို ခိုးပြေးမယ့် အစီအစဉ်လည်း ပျက်သွားတာပေါ့ဟာ”
“ငါ တစ်စွန်းတစ်စမှ မသိခဲ့ရပါလား ဟယ်”
ကံကောင်းလို့ပေါ့။ ကံကောင်းလို့ ဆိုတာထက် သက်စိုးထွဋ် ကျေးဇူးကြောင့်သာ လူယုတ်မာရဲ့ လက်က ခေမာညို သီသီလေး လွတ်ခဲ့ရတာပါလားနော်...။
နီလာဦးက ဆက်ပြောပြန်သည်။
“ရဲဌာနမှာ သက်စိုးထွဋ် က နင့်နာမည်ကို လုံးဝမပြောခဲ့ဘူး၊ စောသွင်ကလည်း သူ့အကြံ မအောင်တော့ မပြောတော့ဘူးလေ၊ အဲဒါကြောင့် ဘယ်သူမှ မသိလိုက်တာ...”
“တကယ် မိုက်ရိုင်းတဲ့အကောင်ပဲ၊ ငါက သူ့ကို ပက်ပက်စက်စက် ပြောခဲ့ရုံတင်မက ပါးလည်း ရိုက်ခဲ့သေးတယ်၊ ဆရာမကြီးဆီလည်း တိုင်ခဲ့သေးတယ် ဆိုတော့ ငါ့ကို အညှိုးအတေးထားပြီး လက်စားချေချင်တာ ဖြစ်မှာပေါ့”
“အဲဒီအကောင်က တကယ်အညှိုးကြီးတဲ့ကောင်ပဲ၊ သူ့အကြံအစည် သက်စိုးထွဋ်ကြောင့် ပျက်သွားတော့ အဲဒီကတည်းက သက်စိုးထွဋ်ကို အတေးအမှတ်ထားခဲ့တာပဲ”
“အဲ ၅ နာရီတောင် ထိုးတော့မှာပဲ၊ ငါ့ကလေး မူကြိုက သွားကြိုရဦးမယ်၊ ဇာတ်လမ်းကလည်း ပြောလို့ကောင်းနေတာ... နောက်မှ တွေ့ကြမယ် ဟေ့ နင့်ဖုန်းနံပါတ် ပေးထား၊ ငါဆက်ပြီး ချိန်းမယ်လေ၊ ခုတော့ သွားပြီနော်”
နီလာဦးသည် ခေမာညို့ ဖုန်းနံပါတ်ကို တွေ့ရာစာရွက်မှာ မှတ်သွားပြီး သူ့ဖုန်းနံပါတ်လည်း ပြန်မပေးပဲ ပျာယီးပျာယာ ထွက်သွားသဖြင့် ခေမာညို့မှာ သူ့ကို မေးချင်တာတွေ ရှိသေးသော်လည်း မမေးရတော့ပဲ ကျန်ခဲ့ရသည်။ သက်စိုးထွဋ် ညီမ က ဘာဖြစ်သွားလို့ သူ့သားက ဦးလေးဖြစ်သူထံမှာ နေနေရတာလဲ...။ ခေမာညိုသည် တစ်ပိုင်းတစ်စ ထားခဲ့သော ဇာတ်လမ်းကို သိချင်စိတ် ပြင်းပြနေသော်လည်း ဘာမှ မတတ်နိုင်တာမို့ နီလာဦး ဖုန်းဆက်လာမှာကိုပဲ မျှော်ရတော့မည်။
**********

(အရင်က ရေးထားတဲ့ ဝတ္တုလေးပါ၊ ပြီးအောင် မရိုက်နိုင်သေးတာနဲ့ ပြီးသလောက်လေး အရင်တင်လိုက်ပါတယ်...)


သိင်္ဂါကျော်

04 September, 2009

ပထမဆုံးကြိုက်မိသော Blog များ


ဝက်ဝံလေး Tag ထားတဲ့ Post ပါ။ အကြိုက်ဆုံး ဘလော့တွေလို့ Tag ထားပေမယ့် ဒီခေါင်းစဉ်ကို နည်းနည်း ပြောင်းပါရစေ။ ဖတ်တဲ့ blog တွေကလည်း တဖြည်းဖြည်းနဲ့ များလာတော့ အကြိုက်ဆုံး ရယ်လို့ ပြောရမှာ ခက်လာ ပါတယ်။ ကိုယ်ကတော့ ပုဂ္ဂိုလ်စွဲလည်း မရှိပါဘူး။ စာကောင်းကောင်းလေး တွေ့တဲ့အချိန်မှာ အဲဒီ blogကို ကြိုက်လိုက်တာပါပဲ။ အမည်နာမနဲ့ပြောရမယ်ဆိုရင်တော့ ဒီလို ပြောပါရစေ။

“ပထမဆုံး ဖတ်မိ ကြိုက်မိတဲ့ blog များ” လို့ပါ။

ကိုယ့်ကို blog တွေဖတ်ဖို့ အတူ ကျောင်းတက်တဲ့ သူငယ်ချင်း နှစ်ယောက်က စညွှန်းတာပါ။ အဲဒါတွေ ဖတ်ရင်းနဲ့ အားကျပြီး ရေးချင်တဲ့ ပိုးကလည်း အရင်ကတည်းက ရှိလေတော့ ကိုယ်ပိုင် blog ပါ စလုပ်ဖြစ်ခဲ့ပါတယ်။

ပထမဆုံး စဖတ်တာ နိုင်းနိုင်းစနေ ရဲ့ blog ပါ။ ကိုယ်မဖတ်နိုင်တဲ့ တရုတ်ဘာသာက ဘာသာပြန်ထားတဲ့ ပိုစ် ကောင်းကောင်းလေးတွေ အမြဲ ဖတ်ရလို့ ကြိုက်ပါတယ်။

နောက် ရွှေပြည်သူ ရဲ့ blog မှာလည်း တစ်ခါတစ်လေ ဆောင်းပါး ကောင်းကောင်းလေးတွေ ဖတ်ရလို့ သွားသွား ဖတ်တယ်။

နိုင်ငံရေးနဲ့ ပတ်သတ်တာတွေ စိတ်မဝင်စားပေမယ့် မေငြိမ်း ကို ဝတ္တုတွေ ကြိုက်ခဲ့ဖူးတဲ့ စာရေးဆရာမ ရဲ့ blog မို့လို့ သူတင်တဲ့ ဝတ္တုတို အသစ်လေး၊ အဟောင်းလေးတွေ သွားသွားဖတ်ရလို့ ကြိုက်တယ်။

နောက်တစ်ယောက်က ရေခဲပြင်ပေါ်က ပန်းကလေး ခွန်မြလှိုင်။ သူ့တင်တဲ့ စာလေးတွေလည်း ကြိုက်တယ်။ သူ့ရဲ့ ဂမ္ဘီရ အခန်းဆက် ဝတ္တုရှည် တစ်ပုဒ် လည်း ဖတ်လို့ကောင်းတယ်။

နောက်ဆုံး တစ်ယောက်က ခုတလော စာသိပ်မရေးပေမယ့် သူရေးတဲ့ အတိုအစလေးတွေကိုက ဖတ်ကောင်းလို့ သွားသွားဖတ်တဲ့ စာရေးဆရာမ မိုးချိုသင်း

ငါးယောက် လို့ ကန့်သတ်ထားတော့လည်း ရပ်လိုက်ရပြီပေါ့။ ကိုယ် အားရင် အမြဲတမ်း သွားသွား ဖတ်နေတဲ့ blog တွေ ရှိပါသေးတယ်။ အများကြီး...။ link ထားတာတွေကိုပဲ ကြည့်ပါတော့။ သွားဖတ်တယ် ဆိုကတည်းက ကြိုက်လို့ သွားဖတ်တာပေါ့။ မကြိုက်ပဲနဲ့ တော့ သွားဖတ်ပါ့မလား နော်...။

(ဝက်ဝံလေးရေ ကျေနပ်တယ် မဟုတ်လား...)

သိင်္ဂါကျော်

03 September, 2009

အိမ်ပြန်လမ်းများ




















နေစောင်းပြီ ဆိုတာနဲ့
နာရီကို ကြည့်ပြီး
ဆင်းချိန်ကို မျှော်ကြသူတွေရဲ့
အပြန်လမ်းများ...။

လာကြိုတဲ့ ကားပေါ်ထိုင်ရင်း
မဝင်သေးတဲ့ နေကိုကြည့်
အိမ်က ထမင်းဝိုင်းမှာ
ဘာဟင်း ပါမလဲ တွေးရင်း
ပြန်ကြသူတွေ။

ချစ်သူ့လက်ကို တွဲပြီး
လောကကြီးကိုမေ့
အပြန်လမ်းကိုတောင်
ဆွဲဆန့်ထားချင်စိတ်နဲ့ လျှောက်ကြသူတွေ။

ကျပ်သိပ်ပိတ်လှောင် ဘတ်စ်ကားထဲက
နိစ္စဓူဝ ဘဝတွေလည်း
ပညာရေး၊ အချစ်ရေး၊
အလုပ်အရေး၊ မိသားစုအရေး
အတွေးမော ကိုယ်စီနဲ့ ခရီးဆက်ကြ။

နေမမြင် လမ်းများထဲ
မစွန်းထင်းစေလိုတဲ့ သိက္ခာနဲ့
ကြောက်စိတ်ကို အားတင်း
လာကြိုသူ ကင်းတဲ့ဘဝမှာ
ခပ်သုတ်သုတ် လျှောက်ပြန်နေကြ
မိန်းမငယ်လေးတွေ။

ပြန်ရောက်တဲ့အခါ
ကြိုနေမယ့် ထမင်းဝိုင်းလည်း မရှိ
ပြန်ရတဲ့လမ်းမှာ
တွဲကူဖေးမမယ့် သူလည်း မရှိ
မိသားစုရဲ့ အဝေးမှာ
ကိုယ့်ဘဝကိုယ် ကျောင်းကြသူတွေရဲ့
အပြန်လမ်းကလည်း
အထီးကျန်။

ပက်ကျိတွေ အစာရှာထွက်တဲ့
ညနေခင်းလမ်းပေါ် လျှောက်ရင်း
ဝင်သွားတဲ့ နေကို မကြည့်အားခဲ့တဲ့ သူတွေရဲ့
အပြန်လမ်းတွေ။

Bus ၊ MRT
ကိုယ်ပိုင်ကား၊ လိုင်းကား
တက္ကစီ၊ ဆိုင်ကယ်
စက်ဘီး၊ ဆိုင်ကား
ထော်လာဂျီ၊ မော်တော်
စီးတော်ယာဉ် အမျိုးမျိုးနဲ့
အိမ်ပြန်ကြသူတွေ။

မတူညီတဲ့ အိမ်ပြန်လမ်းများထဲ
နောက်တစ်ရက် အတွက် မျှော်လင့်ချက်နဲ့
လှုပ်ရှားသွားလာကြသူတွေ
ကမ္ဘာမဆုံးသရွေ့တော့
ရှိနေမြဲ ရှိနေဆဲ...။

သိင်္ဂါကျော်
2.9.2009
8:15 PM