14 September, 2015

မနှစ်မြို့သော


သူမသည်
အပေါ်ယံသက်သက် ပြုံးပြသော ဟန်ဆောင်အပြုံးများကို မနှစ်မြို့ ။
စိတ်ထဲက မပါသော ချီးကျူးစကားများကို မနှစ်မြို့ ။
အတွင်းစိတ်နှင့် မကိုက်ညီသော ဟန်ဆောင် အပြုအမူများကို မနှစ်မြို့ ။

သူမသည်
ကိုယ်စိတ်နှင့် မတိုက်ဆိုင်တိုင်း သူတစ်ပါးကို အလွယ်တကူ အပြစ်တင်တတ်သူများကို မနှစ်မြို့ ။
ကိုယ်အကြိုက်နှင့် မတူတိုင်း သူတစ်ပါးကို မကောင်းထင်တတ်သူများကို မနှစ်မြို့ ။

သူမသည်
အခွင့်အရေးအတွက် ကပ်ဖားရပ်ဖား လုပ်တတ်သူများကို မနှစ်မြို့ ။
ရလိုမှုအတွက် အပေးအကမ်း ရက်ရောတတ်သူများကို မနှစ်မြို့ ။

သူမသည်
အရည်အချင်းထက် နီးစပ်ရာ ကြည့်တတ်သော ရွေးချယ်မှုများကို မနှစ်မြို့ ။
မျှတစွာ စိစစ်မှုထက် လက်သိပ်ထိုး ထည့်တတ်သော ရွေးချယ်မှုများကို မနှစ်မြို့ ။
မှန်ကန်သော ဆုံးဖြတ်မှုထက် အားနာပါးနာ မျက်နှာကြည့်တတ်သော ရွေးချယ်မှုများကို မနှစ်မြို့ ။

သူမသည်
အလုပ်တာဝန် အတွက် ငြီးငြူတတ်သူများကို မနှစ်မြို့ ။
တန်းတူညီမျှမှု မရှိသော တာဝန် ခွဲဝေမှုများကို မနှစ်မြို့ ။
ကိုယ့်အောင်မြင်မှုအတွက် သူတစ်ပါးကို နင်းချတတ်သော သူများကို မနှစ်မြို့ ။

သူမသည်
ဂုဏ် ငွေ အလဲအထပ်နှင့် အချစ်မပါသော အိမ်ထောင်ရေးများကို မနှစ်မြို့ ။
အက်ကွဲနေသည့် သစ္စာတရားကို ဓလေ့ထုံးတမ်းနှင့် ပိတ်ဆို့ထားရသည့် အိမ်ထောင်ရေးများကို မနှစ်မြို့ ။

သူမသည်
အချစ်တစ်ခုအတွက် ဘဝပျက်ခံတတ်သည်များကို မနှစ်မြို့ ။
အချစ်ခြင်းမညီ သစ္စာမတည်သည့် နှစ်ဦးနှစ်ဖက် မမျှတသော အချစ်ရေးများကို မနှစ်မြို့ ။
ဖြစ်သင့်သည် တစ်ခု၊ ဂုဏ်သိက္ခာတစ်ခု အတွက် စိတ်ချမ်းသာ ပျော်ရွှင်မှုကို နင်းချေရခြင်းများကို မနှစ်မြို့ ။

သူမသည်
.......
....... ။

သိင်္ဂါကျော်
14.9.2015

16 June, 2015

မဆုံဖြစ်တော့တဲ့အခါ


အမှတ်တမဲ့ ချစ်ခြင်းတစ်ခုကနေ
မင်းဘက်က ရှေ့တိုးမလာနိုင်တဲ့အခါ
ငါ့ဘက်ကလည်း ရှေ့တိုးမလာနိုင်ခဲ့။
အတုအယောင် ကမ္ဘာထဲမှာပဲ
စိတ်ကူးယဉ် ကျေနပ် နေတတ်အောင် ကြိုးစားခဲ့ရ။

မဖြစ်နိုင်ခြင်းကို သိသိနဲ့
ရေစီးကြောင်းလို သံယောဇဉ်က
ဖြတ်လို့ မပြတ်နိုင်ကြတဲ့အခါ
နောက်ဆုတ်ဖို့ ကြိုးစားရင်း နေမြဲတိုင်း ရပ်တန့် ဆဲမှာ
အချိန်တွေသာကြာပြီး
စိတ်ဖိစီးမှုတွေလည်း များလာခဲ့ရ။

အိပ်မက်ဆိုတာ တစ်ချိန်မှာ နိုးထရမှာ
သေချာခြင်း တစ်ခု ဆိုရင်
မင်းနဲ့ ငါရဲ့ ချစ်ခြင်းအိပ်မက် ကနေ
တစ်ချိန်ချိန်မှာ နိုးထလိုက်ရမှာ သိသိနဲ့
အဆုံးသတ်တစ်ခု ရှိမှာကို မတွေးချင်ခဲ့ကြ။

မင်းဘက်က ပဟေဠိဆန်တာတွေ
မသိယောင်ဆောင်ရင်း အိပ်မက် ဆက်မက်နေသူပါ
စတင်နိုးထသူဟာ ငါမဖြစ်လိုဘူး။
မင်းဘက်က အိပ်မက် ဆက်မမက်တော့ဖို့
ဆုံးဖြတ်နိုင်ခဲ့ရင်..
ငါလည်း
သံယောဇဉ်ကြိုးတွေ ဖြေလျှော့နိုင်လိမ့်မယ် ထင်ရဲ့။

ဒါပေမယ့်လေ
မင်း ဖုန်းပိတ်ထားတဲ့အခါ
ထင်နေကြအတိုင်း ငါ့ကို ထားခဲ့ပြီ ထင်ဆဲပဲ။
မင်းဘက်က ဇာတ်လမ်းဖြတ်လိုက်တဲ့အခါ
စိတ်သက်သာရာရတယ်လို့ ငါ့ကိုယ်ငါ ပြောတယ်။
ဒါပေမယ့်လေ
နောက်ဆုံးအနေနဲ့ ဆိုပြီး
ပိတ်ထားတဲ့ ဖုန်းကို ခေါ်ကြည့်မိဆဲ။
မင်း ဖုန်းပြန်ဆက်တဲ့အခါ
စိတ်ကောက်ဖို့ မေ့ပြီး ပြန်ပြေလည်မိလိမ့်မယ်။

တို့နှစ်ယောက် မဆုံဖြစ်တော့တဲ့အခါ
မင်း ချစ်ခြင်းကို အမြဲ အမှတ်ရနေလိမ့်မယ်။
မင်း အဆင်ပြေဖို့ကို မျှော်လင့်ရင်း
ငါလည်း အဆင်ပြေပါလိမ့်မယ်။
အဖြူထည် ချစ်ခြင်းတစ်ခုနဲ့
ငါ ကျေနပ်နိုင်တဲ့အခါ
ဘာမှလည်း မလိုအပ်တော့ပါ။

သိင်္ဂါကျော်
16.6.2015
9:25 PM

20 April, 2015

ချစ်ခြင်းဟာ ထူးဆန်းတယ်


ချစ်ခြင်းဟာ ထူးဆန်းတယ်
မရည်ရွယ်ပါပဲလည်း စတင်မိတတ်တယ်။

ချစ်ခြင်းဟာ ထူးဆန်းတယ်
မမြင်မတွေ့ မရင်းနှီးဖူးပေမယ့်လည်း ချစ်မိတတ်တယ်။

ချစ်ခြင်းဟာ ထူးဆန်းတယ်
မချစ်သင့်မှန်း သိရက်နဲ့လည်း ချစ်မိတတ်တယ်။

ချစ်ခြင်းဟာ ထူးဆန်းတယ်
မသင့်တော်မှန်း သိရက်နဲ့လည်း ဖြတ်ဖို့ ခက်တတ်တယ်။

ချစ်ခြင်းဟာ ထူးဆန်းတယ်
ချစ်ခြင်းဟာ အရာအားလုံး မဟုတ်ဘူး
ကိုယ့်စိတ်ကိုယ် အသိဥာဏ် ဆေးသွင်းလည်း
မိုက်မဲမြဲ မိုက်မဲ နေတတ်တယ်။

ချစ်ခြင်းဟာ ထူးဆန်းတယ်
ချစ်သူအတွက် ရည်ရွယ်တဲ့အခါ
တစ်သက်တာ မလုပ်ဖူးတဲ့ အလုပ်တွေလည်း လုပ်လာနိုင်တယ်။
တစ်သက်တာ မကြိုးစားဖူးသမျှလည်း ကြိုးစားဖြစ်သွားတယ်။

ချစ်ခြင်းဟာ ထူးဆန်းတယ်
သူ မရှိလို့ မဖြစ်တော့ဘူးလို့ ယုံကြည်လာတဲ့အခါ
အရာအားလုံး ရင်ဆိုင်ရဲလာတယ်။

ချစ်ခြင်းဟာ ထူးဆန်းတယ်
နှစ်ယောက်တစ်ဘဝအတွက် ပန်းတိုင်ထားလိုက်တဲ့အခါ
ဆုံးဖြတ်ချက် အဟောင်းတွေ စွန့်ပစ်လိုက်နိုင်တယ်။
ဆုံးဖြတ်ချက် အသစ်တွေ အကောင်အထည် ဖော်တတ်လာတယ်။

ချစ်ခြင်းဟာ ထူးဆန်းတယ်
တစ်သက်တာအတွက် ရည်ရွယ်ပြီ ဆိုတဲ့အခါ
မတူညီတာတွေ ညှိယူတတ်လာတယ်။
ကိုယ့် အတ္တတွေ လျှော့ချတတ်လာတယ်။
အနာဂါတ်ဘဝ လှဖို့ နှစ်ဦးအတူ ကြိုးစားတတ်လာတယ်။

ချစ်ခြင်းဟာ ထူးဆန်းတယ်
ကောင်းချီးပေးသူ မရှိပေမယ့်လည်း
နှစ်ယောက်တစ်ဘဝဟာ
အရာရာ အဆင်ပြေနေတတ်ပြန်တယ်။

သိင်္ဂါကျော်

19 April, 2015

စိတ်ဖိစီးမှုကို လျှော့ချရန် လွယ်ကူသော ငါးမိနစ် နည်းလမ်းများ


စီးပွားရေး၊ လူမှုရေး၊ သားရေး၊ သမီးရေး၊ စသည်ဖြင့် စိတ်ဖိစီးစရာ များလှသော ယနေ့ ခေတ်ကြီးတွင် စိတ်ဖိစီးမှုကို လျော့ကျစေနိုင်သည့် နည်းလမ်းများကို သိရှိ လိုက်နာကြရန် လိုအပ်လာပါသည်။

အစားအသောက်

လက်ဖက်စိမ်းရည် (Green Tea)၊ ဆေးဖက်ဝင် အရွက်များခပ်ထားသော လက်ဖက်ရည်၊ လက်ဖက်ရည်ကြမ်း များသည် ဒေါသကို လျော့ကျစေနိုင်သော အစွမ်းသတ္တိ ရှိပါသည်။ အချိုဓာတ်ကလည်း နာဗ်ကြောများကို ငြိမ်သက်စေနိုင်သော သတ္တိရှိသည်။ ချောကလက် အနက်ကို စားသုံးခြင်းဖြင့် စိတ်ဖိစီးစေသော ဟော်မုန်းများကို ပုံမှန်ပမာဏ ပြန်ရောက်စေပြီး ခန္ဓာကိုယ် ဇီဝ ဖြစ်စဉ်များကို ပုံမှန်ဖြစ်အောင် ညှိပေးနိုင်သည်။ ပျားရည် တစ်ဇွန်းခန့် သောက်ခြင်းကလည်း စိတ်ကျခြင်းနှင့် ဒေါသထွက်ခြင်း တို့ကို လျှော့ချပေးနိုင်သည်။ သရက်သီး ပေါ်ချိန်တွင် သရက်သီးမှည့်ကို စားသောက်ပေးခြင်းကလည်း ဖိစီးမှုကို လျော့ကျစေနိုင်သည်။ မင်သော် အရသာ၊ သီးစုံအရသာ၊ စသည့် ပီကေများကို မိနစ်အနည်းငယ် ဝါးခြင်းကလည်း လောလောဆယ် ထွက်နေသော ဒေါသကို ပြေလျော့စေနိုင်သည်။

ငြိမ်းချမ်းမှုကို ရှာခြင်း

စိတ်အေးချမ်းမှု ရရှိရန် လူမရှိသော တောင်များပေါ်အထိ တက်ရောက်ရန်မလိုပါ။ ငါးမိနစ်ခန့်  တရားထိုင်ခြင်းက ငြိမ်းချမ်းမှုကို ပေးစွမ်းနိုင်ပါသည်။ တစ်ရက်လျှင် ၂ ကြိမ် မိနစ်အနည်းငယ် တရားထိုင်ခြင်းက စိတ်ဖိစီးမှုနှင့် စိတ်ကျခြင်း တို့ကို သက်သာရာ ရစေနိုင်သည်။ တိတ်ဆိတ်သော နေရာတွင် အသက်ရှုသွင်း ရှုထုတ်ခြင်းကို အာရုံစူးစိုက်၍ နေခြင်း အားဖြင့် ဒေါသစိတ်များကို ပျောက်ကွယ် စေနိုင်ပါသည်။

အလုပ်ခွင်တွင် ပင်ပန်းနေသော နေ့လည်များတွင် သင်သည် ကောင်းမွန်စွာ ပြည့်ပြည့်ဝဝ အိပ်စက်မှုတစ်ခု လိုအပ်နိုင်ပါသည်။ သို့သော်လည်း ရုံးခန်းအလည်တွင် ဟောက်သည်အထိ အိပ်၍လည်း မဖြစ်နိုင်ပါ။ အကယ်၍ ခေါင်းအုံးတစ်လုံးပေါ် ခေါင်းချ၍ အိပ်လိုက်နိုင်လျှင်တော့ ဖြေလျှော့ပြီးသား ဖြစ်နိုင်သည်။ သင့် ဦးခေါင်းကို စားပွဲခုံပေါ်မှာပဲ ဖြစ်ဖြစ် ခဏလောက် ချလိုက်ပြီး ခေါင်းအုံးပေါ် အိပ်နေရသည်ဟု စိတ်ကူးယဉ်ကြည့်ပါ။ သင့် စိုးရိမ်မှုတွေ အားလုံး ခေါင်းအုံးက စုပ်ယူသွားပြီဟု စိတ်ကူးယဉ်လိုက်ပါ။ ဖိစီးမှုများ လျော့ကျသွားပါလိမ့်မည်။

အသက်ကို ဖြည်းဖြည်းမှန်မှန် နက်နက်ရှိုင်းရှိုင်း ရှုသွင်းရှုထုတ် ပြုလုပ်ခြင်းသည်လည်း သွေးပေါင်ချိန်နှင့် နှလုံးခုန်နှုန်းကို လျော့နည်း စေနိုင်သည်။ ယောဂ နည်းလမ်းများသည်လည်း ထိုကဲ့သို့ အသက်ရှုခြင်းကို အခြေခံသည်။ ထိုနည်းလမ်းသည် စိတ်နှင့် ကိုယ်ခန္ဓာကို balance ညီအောင် ညှိပေးနိုင်သည်။ ဒေါသထွက်နေချိန်တွင် တင်းမာနေသော ကြွက်သားများကို ဖျစ်ညှစ်ခြင်း၊ ဖြေလျှော့ခြင်း သည်လည်း စိတ်ငြိမ်သက်မှုကို ပေးစွမ်းနိုင်သော နည်းလမ်း တစ်ခု ဖြစ်သည်။ စိုးရိမ်စိတ်များဖြင့် တင်းကျပ်နေချိန်တွင် ဂဏန်းများကို ၁ မှ ၁၀ သို့ ရေတွက်၊ ပြီးလျှင် ပြောင်းပြန် ၁၀ မှ ၁ ရေတွက်ခြင်းကို ဖြည်းညှင်းစွာ ပြုလုပ်ခြင်းသည်လည်း စိတ်ဖြေလျှော့နိုင်သည့် နည်းလမ်း တစ်ခု ဖြစ်သည်။

မြင်ယောင်စိတ်ကူးခြင်း နည်းလမ်းသည်လည်း စိတ်ဖြေလျှော့နိုင်သော နည်းတစ်ခုပင် ဖြစ်သည်။ သင့်ကို ပျော်ရွှင်စေခဲ့သော ဖြစ်ရပ်တစ်ခုခု၊ သို့မဟုတ် ပျော်ရွှင်စေနိုင်မည့် တစ်စုံတစ်ရာကို တွေးတောစိတ်ကူး မြင်ယောင် ကြည့်ခြင်းဖြင့် လတ်တလော တင်းမာနေသော စိတ်များကို ပြေလျော့စေနိုင်ပါသည်။ နောက်ထပ် နည်းလမ်း တစ်ခုမှာ သင့်မျက်စိများကို မှိတ်ထားခြင်း ဖြစ်သည်။ အလုပ်များသော ရုံးအလုပ်များမှ အားချိန်လေး ခဏလောက် ယူလိုက်ပြီး သင့် မျက်ခွံများကို မှိတ်ထားလိုက်ခြင်းပင် ဖြစ်သည်။ တည်ငြိမ်မှု နှင့် အာရုံစူးစိုက်မှုကို ပြန်လည်ရယူနိုင်မည့် လွယ်ကူသော နည်းလမ်း တစ်ခု ဖြစ်ပါသည်။

ကိုယ်ခန္ဓာတစ်ခုလုံးကို ပြေလျှော့စေခြင်း

ကိုယ်ကိုယ့်ကိုယ် လက်ဖြင့် နှိပ်နယ်ခြင်းသည် စိတ်နှလုံး ငြိမ်သက်၍ ဖြေလျှော့ခြင်းကို ဖြစ်စေနိုင်သည်။ နှိပ်နယ်ခြင်းသည် keyboard ကို အချိန်ကြာကြာ နှိပ်ရသူများကိုလည်း ပြေလျှော့အောင် အကူအညီ ဖြစ်စေနိုင်သည်။  lotion တစ်ခုခု လိမ်းပြီး လက်မ အောက်ခြေမှ ကြွက်သားကို အခြေခံပြီး နှိပ်နယ်ပေးခြင်းသည် ပခုံး၊ လည်ပင်း၊ ဦးရေပြားများကို စိတ်ဖိစီးမှုကို လျှော့နည်း သက်သာစေနိုင်သည်။ ပြင်းထန်စွာ ဖိနှိပ်ခြင်းသည် တင်းကျပ်ခြင်းကို ဖြစ်စေနိုင်သော်လည်း ဖြည်းညှင်းစွာ အချက်အချာ နေရာများကို ဖိနှပ်ခြင်းကို တင်းကျပ်ခြင်းကို ပြေလျှော့စေနိုင်သည်။ ဂျပန်ရိုးရာ acupressure နှိပ်နယ်ခြင်းသည် ခန္ဓာကိုယ် အတွင်း သွေးလှည့်ပတ်မှု နှင့် အင်အားဓါတ်များကို မှန်ကန် ညီညွတ်စေသည်။ လက်မနှင့် လက်ညှိုးကို အသုံးပြုပြီး လက်မနှင့် အခြားလက်ချောင်းများ ခွကြားရှိ ပျော့သော နေရာကို နှိပ်နယ်ပေးပါ။ မွှေးသော အဆီ တစ်ချို့ ကို အသုံးပြုပါက ပိုမို ကောင်းမွန်ပြီး ပြေလျှော့ခြင်းကို ဖြစ်စေနိုင်သည်။

သင့် ခြေထောက်၊ ခြေဖဝါးများကို ဂေါ့က်ဖ် ဘောလုံးဖြင့် နှိပ်နှယ် လှိမ့်ပေးခြင်းသည်လည်း ပြေလျော့ခြင်းကို ဖြစ်စေနိုင်သည်။ သင်သည် သင့်လုပ်ဖော်ကိုင်ဖက်၊ ယောက်ျားလေး မိတ်ဆွေ စသည်တို့ကို စိတ်ဆိုးသည့်အခါ ထိုသူတို့ကို ကိုယ်ထိလက်ရောက် မလုပ်နိုင်သည့်အစား ဖိနှိပ်၍ ရသော ဘောလုံးပျော့ပျော့ကို ဖိနှိပ် ပစ်လိုက်ပြီး  ဒေါသကို ဖြေပါ။ လွယ်ကူပြီး ကြမ်းတမ်းခြင်း မရှိသည့် တင်းမာမှု လျှော့ချနိုင်သည့် နည်းလမ်း ဖြစ်သည်။ စိတ်ဖိစီးမှု အရမ်း ဖြစ်လာသည့်အခါ ရေချိုးခန်း၊ (အိမ်သာခန်း) သို့ ဝင်၍ မျက်နှာ၊ နားနောက်ဘက်များ နှင့် လက်များကို ရေအေးဖြင့် ဆွတ်ပါ။ ထိုနေရာများသည် အရေပြားအောက်ခြေထိ ရေစိမ့်ဝင်နိုင်ရာ အေးစိမ့်မှုက ခန္ဓာကိုယ်တစ်ခုလုံးကို တည်ငြိမ်မှု ဖြစ်အောင် ကူညီပေးလေသည်။ စိတ်ရှုပ်လာသည့်အခါ သင့်ခေါင်းကို ဖီးပေးခြင်း၊ ပန်းကန်များဆေးခြင်း၊ သိုးမွေးထိုးခြင်း စသည်တို့ကလည်း စိတ်ပြေလက်ပျောက် ဖြစ်စေပါသည်။

ပတ်ဝန်းကျင်အသစ်

လူတိုင်း တောထဲက သစ်သားအိမ်လေးထဲမှာ သွားနေနိုင်မည် မဟုတ်ပါ။ သို့သော် ငါးမိနစ်ခန့် တစ်ယောက်တည်း နေခြင်းက သင့် အတွေးများကို စုစည်းမှု ပေးနိုင်ပြီး သင့်ဦးနှောက်ကို ရှင်းလင်းစေရန် အကူအညီပေးနိုင်ပါသည်။ ရေချိုးခန်းထဲတွင် ခဏ ဝင်နေခြင်းသည် ပြင်ပမှ အသံ တိတ်ဆိတ်မှု ရှိချင်မှ ရှိမည် ဖြစ်သော်လည်း ထိုကဲ့သို့ သင် စိတ်ပြေလက်ပျောက် ဖြစ်စေနိုင်မည့် စိတ်ဖိစီးမှုများမှ လုံးဝ ကင်းလွတ်သော နေရာလေး တစ်နေရာကို ရှာနေပါ။ သက်တောင့်သက်သာ ကုလားထိုင်တစ်လုံး၊ အလင်းရောင် ဖျော့ဖျော့နှင့် နေရာတစ်ခု ပြင်ဆင်ပြီး စိတ်တင်းကျပ်မှုတို့ တစ်စစီ ပြိုကွဲသွားသည်အထိ မိနစ် အနည်းငယ်ကြာမျှ နေပါ။

နေရောင်တောက်ပသော နေ့တွင် အပြင်ထွက်ခြင်းသည်လည်း သင့် စိတ်ဓာတ်များကို မြှင့်တင်ပေးနိုင်သည့် လွယ်ကူသော နည်းတစ်ခု ဖြစ်ပေသည်။ တောက်ပသော အလင်းရောင်သည် စိတ်ဓာတ်ကျနေသော လူများကို အကျိုးပြုစေသော ကုသမှု တစ်ခု ဖြစ်သည်။

စိတ်ပျက်စရာကောင်းသော အရာများကို ဆက်တိုက် လုပ်ကိုင်နေရသောအခါ ငါးမိနစ်ခန့် ဘာမှ မလုပ်ပဲ အနားယူကာ ပြတင်းပေါက်အပြင်ကို ခဏ ကြည့်ပေးပါ။ သဘာဝအလှအပ သစ်ပင်များ၊ ပန်းခြံများ စသည်ကို ကြည့်ရခြင်းက တီဗွီ၊ ကွန်ပျူတာ ကြည့်ခြင်းထက် ပို၍ သင့် စိတ်ကိုရော မျက်စိကိုပါ သက်သာရာ ရစေသည်။ သင့် အလုပ်စားပွဲပေါ်တွင် ရှုပ်ပွနေသော အရာများကို မြင်ရခြင်းကလည်း စိတ်ရှုပ်စေသည်ဖြစ်ရာ သင့် စားပွဲခုံ၊ သင့်နေရာကို ပြန်လည် ရှင်းလင်း နေရာချပါ။ သင်လိုအပ်သလောက် အရာကိုသာ အပေါ်ယံထားပြီး မလိုသည်များကို သိမ်းဆည်းပါ။

လေ့ကျင့်ခန်းလုပ်ခြင်း

ယောဂ ကျင့်စဉ် အချို့ကို မှန်မှန် လုပ်ဆောင်ပေးခြင်းကလည်း ခန္ဓာကိုယ်ကို ညီညွတ်မျှတစေသလို စိတ်ကိုလည်း ငြိမ်းချမ်းစေပါသည်။ ခြေထောက်ဆန့်၊ လက်ဆန့် လုပ်ခြင်း၊ ကြွက်သားများ ဆန့်ထုတ်ခြင်း၊ ပခုံးများလှည့်ခြင်း၊ ခေါင်း လေ့ကျင့်ခန်း လုပ်ခြင်း စသည်တို့ကလည်း ဖိစီးမှု ပြည့်နှက်နေသော အလုပ်ရက်များအတွင်း ပြေလျှော့မှုကို ဖြစ်စေပါသည်။

စိတ်ဖိစီးမှုများ၏ အဝေးသို့ ထွက်ပြေးရန် မဖြစ်နိုင်သော်လည်း တန်ဖိုးရှိသည့် လက်တွေ့ လုပ်နိုင်သော အရာ ရှိပါသည်။ တစ်နေရာထဲတွင် ပြေးသကဲ့သို့ လေ့ကျင့်ခန်း လုပ်ခြင်းသည် ဦးနှောက်နှင့် နဗ်ကြောများအတွင်းရှိ ဟော်မုန်းတစ်ချို့ကို ထွက်စေပြီး စိတ်ပြေလျော့စေသည်။ ကိုယ်ကာယ လေ့ကျင့်ခန်း အနည်းငယ် လုပ်ခြင်းကလည်း တင်းမာသော စိတ်ဖိစီးမှုကို လျှော့ကျရန် အကူအညီ ဖြစ်စေသည်။ သင် အလုပ်လုပ်နေရင်း ပင်ပန်းလေးလံလာသည့်အခါ၊ အာရုံစူးစိုက်ရန် ခက်ခဲလာသည့်အခါ ထိုင်ခုံမှထ၍ ကော်ရစ်တာ တစ်လျှောက် ဖြစ်စေ၊ block တစ်ခုလုံးကို ပတ်၍ ဖြစ်စေ လမ်းလျှောက်လိုက်ပါ။ သင်တစ်ယောက်တည်း ဖြစ်သွားသည့် အချိန်က အကျိုးအများကြီး ရှိစေပါသည်။ ကိုယ်လက် လှုပ်ရှားမှုလည်း လုပ်ဖြစ်သွားပြီး သင့်အတွေးများကို စုစည်းရန် မိနစ် အနည်းငယ်လည်း ရသွားပါသည်။

ဖျော်ဖြေမှုနှင့် ဖန်တီးမှု

သင့် စိတ်ခံစားချက်ကို စာရွက်ပေါ်တွင် (သို့) ဒိုင်ယာရီ စာအုပ်ထဲတွင် ချရေးလိုက်ပါ။ ထိုကဲ့သို့ လုပ်ခြင်းက ခံစားရသည်ကို သက်သာစေပြီး စာမေးပွဲကြီးများ အတွက် ကြိုးစားနေစဉ် စိတ်ဖိစီးမှု များနေချိန်၌ ထိုကဲ့သို့ ပြုလုပ်ပါက သင့် အမှတ်များ တိုးတက်လာနိုင်ပါသည်။

ကြိုက်နှစ်သက်ရာ သီချင်းများကို နားထောင်ခြင်းသည်လည်း စိတ်ရော ကိုယ်ပါ ပြေလျော့စေသော ကြီးမားသော အကျိုးသက်ရောက်မှုကို ရစေပါသည်။ မဆူညံလွန်းသော သီချင်းများသည် ခန္ဓာကိုယ် ဖြစ်စဉ်များအပေါ် အကျိုး သက်ရောက်ရုံသာမက သွေးစီးဆင်းမှုနှင့် နှလုံးခုန်နှုန်းကို နှေးကွေးစေပြီး သွေးပေါင်ချိန်ကို လျှော့ကျစေကာ စိတ်ဖိစီးမှု ဖြစ်ပေါ်စေသည့် ဟော်မုန်းများကိုလည်း လျှော့ကျစေသည်။ တေးဂီတ နားထောင်ခြင်းသည် မကောင်းသော ခံစားချက်များကို လျှင်မြန်စွာ ပုံမှန်ဖြစ်စေပါသည်။ သီချင်းဟောင်း သီချင်းကောင်း ရှေးသီချင်းများကို အိပ်ရာမဝင်ခင် နားထောင်ခြင်းသည်လည်း စိတ်ကိုဖြေလျှော့ပေးနိုင်သည်။ သီချင်းနားထောင်ခြင်းသည် စိတ်ဖိစီးမှုကို လျှော့ချပေးနိုင်သည်သာမက ဦးနှောက်၏ လေ့လာနိုင်စွမ်းနှင့် မှတ်မိနိုင်စွမ်းကိုလည်း တိုးတက်စေနိုင်ပါသည်။

ရိုးရာ အကဖြစ်စေ၊ ခေတ်ပေါ်အက ဖြစ်စေ ကခြင်းသည်လည်း လအနည်းငယ်ခန့် ကြာလျှင် ဒေါသထွက်ခြင်းကို လျော့နည်းသွားစေနိုင်သည်။ နောက်တစ်နည်းမှာ သင့်တွင် စိတ်ဖိစီးမှု များနေသည်ဟု ထင်နေပါက crossword puzzle ပဟေဠိများ ဖြေကြည့်ခြင်းပါ။ အာရုံ စူးစိုက်ပြီး ဦးနှောက်သုံးရသော ကစားနည်းများသည် စိုးရိမ်ပူပန်မှုများကို သင့်စိတ်ထဲမှ ထုတ်ပစ်ပေးနိုင်သည်။

ရနံများ

မွှေးရနံများသည် ကျွန်မတို့၏ စိတ်ခံစားမှုကို ပြောင်းလဲစေနိုင်ပါသည်။ နှင်းဆီရနံများ ရရှိ ခံစားနေရချိန်တွင် ဒေါသထွက်ခြင်း၊ စိတ်ပျက်ခြင်း ဖြစ်ဖို့ ခဲယဉ်းလှသည်။ သင့် အလုပ်နေရာ (သို့) နေထိုင်ရာ အိပ်ခန်းတွင် သင်ကြိုက်သော ရနံရှိသည့် ပန်းများကို ထားရှိခြင်းပြီး ဒေါသထွက်တိုင်း ပန်းရနံကို ရှုရှိုက်ပေးပါ။ လာဗင်န်ဒါ သို့  လက်ဖက်ရနံ သို့ အခြားမွှေးရနံ ရှိသည့် အဆီ တစ်ခုခုကို သင့် လက်ဖဝါးပေါ် တစ်စက်ခန့် ချ၍ ရှုရှိုက်ပေးပါ။ စိတ်တည်ငြိမ်စေသော ရနံများသည် ဖိစီးမှုကို လျှော့ချရန် အကူအညီပေးပါသည်။ ဦးနှောက်နှင့် ဆက်စပ်လျှက်ရှိသော နှာခေါင်းမှ လာသည့် ရနံ၏ လှုံဆော်မှုသည် ခံစားချက်များကို ပုံမှန်ဖြစ်စေပါသည်။

သံပုရာသီး၊ သံပုရိုသီး၊ ရှောက်သီး၊ ဂရိတ်ဖရုသီး၊ လိမ္မော်သီးတို့၏ ရနံများသည်လည်း စိတ်ဖိစီးမှု လျော့ကျစေသော ဟော်မုန်းတစ်ချို့ကို တိုးစေခြင်းဖြင့် စိတ်ဖိစီးမှုမှ သက်သာရာရအောင် ကူညီပေးနိုင်ပါသည်။ ကော်ဖီရနံကလည်း စိတ်ဖိစီးစေသော ဟော်မုန်းများကို လျော့ကျစေပါသည်။

လူမှုအဖွဲ့အစည်းနှင့် ပျော်ရွှင်စရာ

ကြမ်းတမ်းခက်ခဲသော နေ့တစ်နေ့အတွက် အိမ်မွေးတိရိစ္ဆာန် တစ်ကောင်နှင့် အချိန်ဖြုန်းရခြင်းသည် သင့်ကို ပြုံးစေနိုင်သည်။ အိမ်မွေးတိရိစ္ဆာန်လေးများက သင်၏ ကိုယ့်ကိုယ်ကိုယ် ယုံကြည်မှုကို တိုးပွားစေနိုင်ပြီး လူမှုအဖွဲ့အစည်းများမှ ဝိုင်းပယ်ခံရသော ခံစားချက်များကိုပင် သက်သာရာရစေသည်။

စိတ်ဖိစီးမှု များနေသောအခါ ရယ်မောပေးပါ။ ဟာသ စာအုပ်တစ်အုပ်ဖတ်ခြင်း၊ သို့  YouTube မှ ဟာသ ဗွီဒီယို တစ်ပုဒ် ကြည့်ကာ ရယ်မောလိုက်ခြင်းဖြင့် ဖိစီးမှုများ လျော့ကျသွားပါလိမ့်မည်။ တစ်စုံတစ်ရာ သင့်ကို စိတ်အနှောက်အယှက် ဖြစ်စရာ ရှိလျှင် ယုံကြည် စိတ်ချရသော လုပ်ဖော်ကိုင်ဖက်၊ သူငယ်ချင်း၊ မိသားစုဝင် တစ်ယောက်ယောက်ကို ပြောပြပြီး မျှဝေ လိုက်ပါ။ စိတ်သက်သာရာ ရသွားပါလိမ့်မည်။

တက်လာသော လှိုင်းလုံးများ၊ ပူနွေးသောသဲသောင်ပြင်၊ ဆံနွယ်များကို တိုက်ခတ်လာသော လေညှင်း။ အနည်းဆုံးတော့ ပုံရိပ်က ကောင်းမွန်လှသည်။ အလုပ်မှ ခဏ အနားယူပြီး သွားနိုင်မည့် အားလပ်ရက် ခရီးထွက်စရာ နေရာကို ရှာပါ။ ခရီးစဉ်တစ်ခု၏ ပျော်စရာ အားလုံးလည်း စီစဉ်ကတည်းက ထည့်ထားနိုင်သည်။ ဘာပဲဖြစ်ဖြစ် ခရီးထွက်ခြင်းက စိတ်ဖိစီးမှုကို ဖြေဖျောက်နိုင်သည်ကိုတော့ လူတိုင်း လက်ခံကြမည်ထင်ပါသည်။


Shana Lebowitz ၏ 40 Ways to Relax in 5 Minutes or Less ကို မှီငြမ်းပါသည်။

သိင်္ဂါကျော်

03 April, 2015

ခွင့်လွှတ်ခြင်းငှာ မထိုက်တန်သော


လူတစ်ယောက်မှာ အချစ်တစ်ခုထက် ပိုရှိနိုင်သလား။ အချစ်ဆိုသည်က တစ်ယောက်ပြီး တစ်ယောက် ပြောင်းပြီး ချစ်နိုင်သည့်အရာလား။ ဒါမှမဟုတ် အချစ်ကို ပေါ့ပေါ့တန်တန် သဘောထားသူတို့က ပေါ့ပေါ့တန်တန် ခဏခဏ ချစ်နိုင်ကြသလား။ နွေ့အတွက်တော့ အချစ်သည် အခုအချိန်အထိ တစ်ခုတည်းသာ မပြောင်းမလဲ ရှိခဲ့သည်။ အချစ်နှင့် သစ္စာသည် အတူတွဲ ရှိသင့်သည့်အရာဟု နွေက သတ်မှတ်ထားသည်။ သစ္စာကို တန်ဖိုးမထားသူ တစ်ယောက်ကို နွေ့အနေနှင့် တန်ဖိုးထားသင့်ပါလား။ သစ္စာဖောက်တတ်သူက သစ္စာဖောက်လေတိုင်း နွေက ဖြစ်တတ်သည့် အရာပဲရယ်လို့  ခွင့်လွှတ်ပေးရမယ် တဲ့လား။ နွေလည်း ခံစားတတ်သည့် သာမန် မိန်းမသားတစ်ယောက်ပါပဲ။ မုန့်ကိုသာ ဝေစားမယ်၊ အချစ်ကို မခွဲဝေနိုင်ဘူး ဆိုသည့် မိန်းမတွေထဲက တစ်ယောက်သာ ဖြစ်သည်။ နွေ့ ခွင့်လွှတ်ခြင်းနှင့် မထိုက်တန်တော့သည့် တစ်နေ့တော့ ချစ်သူကို ထားခဲ့ရတော့မည်သာ ဖြစ်သည်။
*****
နွေနှင့် ကိုကို စတွေ့သည်က သမားရိုးကျ မဟုတ်သော (ခုခေတ်မှာတော့ သမားရိုးကျဟု ပြောလျှင်လည်း ရနေပြီ ဖြစ်သော) online သူငယ်ချင်းအဖြစ် စတွေ့ ခဲ့ခြင်း ဖြစ်ပါသည်။ လွန်ခဲ့သော ၆နှစ်ကတော့ ခုလောက်ထိ ဖုန်းတွေထဲမှာ internet အသုံးမများသေးပါ။ နွေကလည်း Master Thesis လုပ်ရင်း internet သုံးဖြစ်သူ၊ ကိုကိုကလည်း ရုရှမှာ ဘွဲ့လွန် တက်နေသူမို့  internet အမြဲသုံးနေသူ ဖြစ်သောကြောင့် မမျှော်လင့်ပဲ တွေ့ခဲ့ကြခြင်း ဖြစ်သည်။ အစကတော့ ရိုးရိုး သူငယ်ချင်းပါပဲ။ နွေ့မှာ တစ်ခြား ပြောနေသူတွေလည်း ရှိခဲ့ပါသည်။ ကိုကို့ကိုတော့ သူများတွေနှင့်မတူပဲ နွေက စွဲလမ်းခဲ့သည်။ ကိုကိုကလည်း စကားပြောကောင်းသည်။ မိန်းကလေးတွေ ကျလောက်အောင် ပြောတတ်သောသူ ဖြစ်သည်။ နောက်တစ်ဆင့်တက်ပြီး ကိုကို့ ဓာတ်ပုံကို မြင်ရပြန်တော့လည်း သဘောကျသည့်စိတ်က ပိုပြီး တိုးလာရသည်။ ကိုကိုက မိန်းကလေးတွေ ကျချင်စရာ ဖြူဖြူချောချော စမတ်ကျကျ ရုပ်မျိုး။ နွေကလည်း နွေ့ပုံတွေထဲက အလှဆုံးထင်သည်များကို ရွေးပို့ဖြစ်သည်။ ကိုကို့နှင့် တစ်ရက်လောက် online မှာ မတွေ့ဖြစ်လျှင် နွေ့မှာ နေမရ ထိုင်မရအောင် ဖြစ်ခဲ့သည်။ ကိုကိုကလည်း နွေ့ကို သာမန် သူငယ်ချင်းထက် ပိုပြီး စိတ်ဝင်စားနေသည်ကို ခံစားမိသည်။

နောက်တော့ ထင်ထားသည့်အတိုင်းပင် ကိုကိုက နွေ့ကို ချစ်စကား ပြောလာသည်။ ရက် သိပ်ကြာကြာ မဆိုင်းခဲ့ဘူး ထင်ပါသည်။ နွေက ကိုကို ပေးစေချင်သည့် အဖြေကို ပေးလိုက်သည်။ နွေတို့ နှစ်ယောက် online ချစ်သူတွေ ဖြစ်လာခဲ့သည်။ နွေတို့ VZO မှာ chat ကြသည်။ အရင်ကတော့ viber တွေ video call တွေ ခေတ်မစားသေးပါ။ နွေ့မှာ ချစ်သူဆို၍ ကိုကို တစ်ယောက်တည်း ရှိသလို ကိုကို ကလည်း သူ ချစ်စကား ပြောဖူးသည်မှာ နွေတစ်ယောက်တည်းပါ ဟု ဆိုခဲ့သည်ကို နွေကလည်း မျက်စိမှိတ် ယုံခဲ့သည်။ တစ်ယောက်နှင့် တစ်ယောက် အဝေးကြီးမှာ ဝေးနေသော်လည်း စိတ်ချင်း နီးစပ်သည်ကို နွေက ဂုဏ်ယူစွာ သာယာခဲ့သည်။ နွေ့ အတွက်တော့ ကိုကို့လို လူမျိုး နောက်တစ်ယောက် မရှိနိုင်တော့တာ သေချာလှသည်။

ကိုကို ကျောင်းပြီးလို့ ပြန်လာတော့ နွေလည်း ကျောင်းပြီးလို့ ဆရာမ ဝင်လုပ်နေပြီ ဖြစ်သည်။ ကိုကိုနှင့် ပထမဆုံး စ date လုပ်ပြီး တွေ့ ခဲ့သောနေ့က နွေ့ရင်ခုန်သံသည် ဆယ်ကျော်သက်ကလေးလို ရူးရူးမူးမူး လတ်ဆတ် နေခဲ့သည်။ ကိုကို့ ဓာတ်ပုံကို မြင်ဖူးထားခဲ့သော်လည်း video chat နှင့် chat ဖူးထားသော်လည်း၊ အပြင်မှာ တကယ်တွေ့တော့ ပုံထဲကလိုမှ ချောပါ့မလား၊ ပုပုသေးသေး ဖြစ်သော နွေ့ထက် ဘယ်လောက် အရပ် ပိုမြင့်မလဲ၊  မတွေ့ဖြစ်သော ကာလအတွင်း ဝဝတုတ်တုတ် ကြီး ဖြစ်နေပြီလား စသဖြင့် အတွေးတွေ ယောက်ယက်ခတ်အောင် တွေးနေသေးသည်။ နွေ့ကို အပြင်မှာ တွေ့ရင် ကိုကိုက ချစ်မှ ချစ်ပါဦးမလား၊ နွေ့ကို ရုပ်ဆိုးမလေးလို့ ထင်မှာလား၊ ကိုကို့ လို အသားမဖြူသူမို့  ကြိုက်မှ ကြိုက်ပါ့မလား စသဖြင့်လည်း တွေးမိသေးသည်။ 

ကိုကိုက ယောက်ျားတစ်ယောက် အနေနှင့် သိပ်တော့ အရပ်မြင့်သူ မဟုတ်သော်လည်း နွေ့ထက်တော့ ရှည်သည်ပေါ့။ ဓာတ်ပုံများထဲကလိုပင် ချောမော ခန့်ညားသူ ဖြစ်သည်။ နွေက ချစ်သော မျက်စိဖြင့် ကြည့်သောကြောင့်လားမသိ။ ကိုကို့မှာ အပြစ်ဆိုစရာ တစ်စုံတစ်ရာ မတွေ့ ခဲ့ရပါ။ ကိုကိုကလည်း နွေ့ကို အပြင်မှာ ပို ချစ်စရာ ကောင်းသည်ဟု ဆိုသည်။ ကိုကိုက နွေတို့နှစ်ယောက် ချစ်ခြင်းကို အတည်အကျ တန်ဖိုးထားသည်ဟု ပြောတော့ နွေ့ ရင်ထဲမှာ နှစ်သက်မှုက အတိုင်းမသိ ဖြစ်ခဲ့ရသည်။  နွေက ကိုကိုနှင့် တွေ့ ဆုံခဲ့ခြင်းကို ကံကောင်းခြင်း တစ်ခုအဖြစ် မှတ်ယူ တန်ဖိုးထားခဲ့ပါသည်။
*****

နွေက ကံမကောင်းစွာ မတည်မြဲခဲ့သော အိမ်ထောင်တစ်ခုမှာ မွေးဖွားခဲ့ရသော တစ်ဦးတည်းသော သမီး ဖြစ်သည်။ ရန်ကုန်သား ဖေဖေက မန္တလေးမှာ ကုန်ရောင်း ကုန်ဝယ် လာလုပ်ရင်း မန္တလေးသူ မေမေနှင့် ချစ်ကြိုက်ခဲ့သည်။ အဘိုးက မေမေ နှင့် ဖေဖေ့ကို သဘောမတူခဲ့သော်လည်း နောက်ဆုံးတော့ လက်ထပ်ဖြစ်ခဲ့သည်။ မေမေတို့ အိမ်ထောင်ရေး နှင့် ပတ်သက်ပြီး နွေ ကောင်းကောင်း မသိသော်လည်း မေမေ့ဘက် လိုက်နေခဲ့ရသော ဖေဖေ့ အတွက် မေမေ့ အဖေ နွေ့ အဘိုး နှင့် မေမေ့ ညီအစ်မများ ဆွေမျိုးများ ဒဏ်ကို တော်တော် ခံခဲ့ရသည်ဟု မေမေကတော့ ပြောဖူးပါသည်။ နွေ သိတတ်သော အရွယ် မရောက်ခင်ကပင် ကွဲကွာသွားခဲ့သော အဖေကို မကောင်းမြင်မိမည် စိုး၍ ဖြေပြောခြင်း ဖြစ်မည် ထင်ပါသည်။ မေမေတို့ ဇာတ်ကြောင်းကို သေချာ မသိနိုင်ခဲ့သောကြောင့် နွေ့ အသိဥာဏ်နှင့် ဘာမှ မဆုံးဖြတ်တတ်သော်လည်း နွေ အရွယ်ရောက်လာသည့် အချိန်တွင် နားလည်မိသည်က မေမေသည် ဖေဖေ့ကို ဘယ်တုန်းကမှ မမုန်းခဲ့ မနာကျည်းခဲ့ပဲ ယခုထိ ချစ်နေဆဲ ဆိုသည်ကိုပင်။

နွေ့ အဘိုးမှာလည်း ဝတ္တုဆန်သော အိမ်ထောင်ရေးမျိုး ရှိခဲ့သူ ဖြစ်သည်။ အဘိုးမှာ အိမ်ထောင် သုံးဆက်မျှ ရှိခဲ့ရာ နှစ်ဆက်ကတော့ အပြိုင်သဘောမျိုးပင် ဖြစ်ခဲ့သည်။ မေမေတို့ ညီအစ်မ သုံးယောက်သည် အဘိုး၏ ပထမ အိမ်ထောင်ဖက်မှ မွေးခဲ့ခြင်းဖြစ်ပြီး အဘွားသည် မေမေ အသက် ၁၆နှစ်လောက်မှာပင် ဆုံးပါးခဲ့သည်။ တတိယ နှင့် နောက်ဆုံး တစ်ယောက်က အဘိုးထက် အတော်ငယ် ခဲ့သည်။ ထိုတစ်ယောက်နှင့် လက်ထပ်ယူချိန်မှာ အဘိုးသည် ကလေး မရနိုင်အောင် လုပ်ထားပြီး ဖြစ်ခဲ့သည်။ သို့သော် အများအမြင်မှာတော့ အဘိုးသည် တတိယ အိမ်ထောင်နှင့် သားတစ်ယောက် ရခဲ့ပါသည်။ အဘိုးလက်ထဲမှာပင် ဖောက်ပြန်ခဲ့ခြင်းကို အဘိုးကိုယ်တိုင် သိသော်လည်း အချစ်ကြီးသူမို့လားမသိ၊ အဘိုးသည် လုံးဝ ပြဿနာ မလုပ်ပဲ ဆက်လက် ပေါင်းဖက် နေခဲ့ပါသည်။ မေမေတို့ ညီအစ်မများကသာ ထိုအကြောင်းကို သိသော်လည်း နွေတို့  ဦးလေးငယ် ကတော့ ထိုအကြောင်းကို လုံးဝ မသိခဲ့ပါ။ ယခုအခါ အဘိုး၏ အိမ်ထောင်ဖက် ဆုံးပါးသွားပြီ ဖြစ်သော်လည်း ဦးလေးငယ်ကို အဘိုးက သားတစ်ယောက်လိုပင် အမြဲ သဘောထားခဲ့ပါသည်။

နွေ့ အဘိုးက စည်းကမ်းကြီးသည်။ ညဆိုလျှင်လည်း အပြင်မထွက်ရ။ ယောက်ျားလေး သူငယ်ချင်းတွေ ပေါင်းတာလည်း မကြိုက်။ တစ်ခြား အများကြီး ဇီဇာကြောင်တာတွေ ရှိသေးသည်။ ဆရာမ အလုပ်ကိုလည်း အဘိုး သဘောကျ နွေ လုပ်ခဲ့ရခြင်း ဖြစ်သည်။ နွေ့အလို ဆိုလျှင် လခများများ ရမည့် အပြင်အလုပ်သာ လုပ်ချင်သည်။ နွေ အဒေါ် နှစ်ယောက်က အပျိုကြီးတွေ ဖြစ်ပြီး နွေ အရွယ်ရောက်ကတည်းက အပျိုကြီး လုပ်ဖို့ ယောက်ျားတွေ မကောင်းကြောင်း ပြောပြပြီး သူတို့ ဇာတ်သွင်းဖို့ ကြံကြပါသည်။ သူတို့ကလည်း ဇီဇာကြောင်ပြီး စည်းကမ်းကြီးသူတွေ သာဖြစ်သည်။ ဦးလေးငယ်ကတော့ တပ်ထဲ ဝင်ခဲ့ပြီး အိမ်ထောင်ကျလည်း ကံမကောင်းရှာပါ။ မကြာသေးခင်ကပင် ပြဿနာတွေ ဖြစ်ပြီး သူ့မိန်းမနှင့် ကွာရှင်းခဲ့သည်။ ကလေး နှစ်ယောက်ကိုတော့ အဘိုးကပင် ထောက်ပံ့ရဦးမည်။

စည်းကမ်းကြီးသော အိမ်ထောင်စုထဲမှာ ကြီးပြင်းခဲ့သူမို့ အပြင်မှာ ရည်စားမရှိခဲ့ပဲ ကိုကိုနှင့်ကျမှ online မှာ တွေ့ ခဲ့ခြင်း ဖြစ်သည်။ တကယ်ဆို ပတ်ဝန်းကျင် အနီးအနားက မပြေလည်သော အိမ်ထောင်ရေးများကို ကြည့်ပြီး စိတ်ကုန်သင့်နေသူ ဖြစ်သော်လည်း နွေကတော့ ကိုကိုနှင့် တစ်အိုးတစ်အိမ် ထူထောင်ဖို့ကို ချစ်သူ ဖြစ်စကပင် စိတ်ကူးယဉ် နေသူ ဖြစ်သည်။ မေမေ မရခဲ့သော၊ ဦးလေးငယ် မရခဲ့သော တစ်သက်တာ တည်တံ့မည့် အိမ်ထောင်တစ်ခုကို ကိုကိုနှင့် အတူ တည်ဆောက်ဖို့  ရည်မှန်းထားခဲ့သည်။
*****
ကိုကိုနှင့် ရင်းနှီးပြီးနောက် သိလာရသည်မှာ ကိုကို့ မိဘများက အညာမြို့လေး တစ်မြို့မှာ နေသည်။ အလုပ်အကိုင် ခိုင်ခိုင်မာမာ မရှိပါ။ ကိုကို့ အဖေ၏ ပင်စင် လစာ လေးသာ ရှိသည်။ အစ်မ တစ်ယောက်က အိမ်ထောင်ကျပြီး တစ်ခြားမှာ နေသော်လည်း မိဘကို အထောက်အပံ့ မပေးနိုင်ပါ။ ကိုကို သုံးဖို့ အနည်းအပါး ချန်ပြီး ကိုကို့ လစာကို မိဘကို လတိုင်း လွှဲရသည်။ နွေ့ မွေးနေ့ ၊ နွေတို့ အချစ် နှစ်ပတ်လည်နေ့  စသည်များမှာ ကိုကို ပေးသော လက်ဆောင်များက အမှတ်တရ ဖြစ်ရုံလောက်သာ ဖြစ်ပြီး တန်ဖိုးကြီးသော လက်ဆောင်မျိုး နွေ မရဖူးပါ။ နွေကတော့ ကိုကို့ မွေးနေ့ ၊ လူကြုံရှိသောအခါ စသည်များမှာ တန်ဖိုးကြီးသော ရှပ်အင်္ကျီ၊ နာရီ စသည်ဖြင့် ပေးဖူးသည်။ ခုလို ဖုန်း ဆင်းကတ် တစ်ကတ်ကို ၁၅၀၀၊ ၂၀၀၀ မရခင်က ကိုကို့ ကို ဆင်းကတ်ပါ ဝယ်ပေးဖူးသည်။ ကိုကိုက သူ ရသော ကတ်ကိုတော့ အိမ်ကို ပေးလိုက်ရသည် ဆိုတော့ ဖုန်းမဆက်ပဲ မနေနိုင်သည့် နွေကပဲ ဝယ်ပေးလိုက်ခြင်း ဖြစ်သည်။ ဘယ်လိုပဲ ဖြစ်ဖြစ် အေးအတူ ပူအမျှ ချစ်သူတွေ လို့ သတ်မှတ်ပြီးသည့်နောက် သာသည် နာသည် နွေ မတွက်ချင်ပါ။

နွေက အချမ်းသာကြီး မဟုတ်သော်လည်း ပြည့်စုံ၍ လိုတာရနေသော မိသားစုထဲတွင် ကြီးပြင်းခဲ့ရသူမို့ မပြည်စုံမှုကို သဘောမကျပါ။ တကယ်တော့ နွေ့ စိတ်သဘောက ပေးသလောက်တော့ ပြန်ရချင်သည်။ အချစ်ပဲ ဖြစ်ဖြစ်၊ ဂရုစိုက်မှုပဲ ဖြစ်ဖြစ်၊ ပစ္စည်းပဲ ဖြစ်ဖြစ်။ နွေ့ ဘက်က လက်ဆောင် တစ်ခု ပေးလျှင် ကိုကို့ဘက်ကလည်း တန်ဖိုးမရှိသည် ဖြစ်စေ တစ်ခုလောက်တော့ သိတတ်စွာ ပြန်ပေးသည်ကို လိုချင်သည်။ နွေ့ဘက်က ဖုန်း တစ်ခါ စဆက်လျှင် ကိုကို့ ဘက်ကလည်း တစ်ခါ ပြန်ဆက်စေချင်သည်။

နွေကလည်း စိတ်တိုင်းကျ မဖြစ်လျှင် နည်းနည်းတော့ ရစ်ချင်သည်။ စိတ်ကို ထိန်းချုပ်မထားတတ်ပဲ စိတ်ထဲ ရှိသလို ပွင့်ပွင့်လင်းလင်း ပြောတတ်သော စရိုက်ရှိသည့် နွေနှင့် လျှို့ ဝှက် ဖုံးကွယ်လိုသော ကိုကို တို့ ခဏ ခဏ ပြဿနာ တတ်သည်မှာ အဆန်းမဟုတ်ပါ။ နွေက ဂရုစိုက်လည်း ခံလိုသည်။ ကိုကို့ ကိုလည်း အချိန်တိုင်း လှမ်းစစ်တတ်သည်။ ကိုကို့ကို ဖုန်းဆက် မရလျှင် စိတ်ပူသည်။ ကိုကို တစ်ခြား ကောင်မလေးတစ်ယောက်ယောက် နှင့် ပတ်သက်နေမှာကို နွေ အစိုးရိမ်ဆုံး၊ အပူပန်ဆုံး ဖြစ်သည်။ ကိုကိုက နွေ့ကို ကလေးဆန်လွန်းသည်၊ သဝန်တိုလွန်းသည် ဟု ထင်သည်။ ဘာမဟုတ်သည့် ပြဿနာလေးတွေ ခဏခဏ တက်ကြသော်လည်း နောက်ဆုံးတော့ ပိုချစ်ရသည့် နွေက လျှော့ပေးရသည်ပဲ ဖြစ်ပါသည်။

တစ်သက်တစ်ခါ မင်္ဂလာပွဲကိုလည်း နွေက လှလှပပ ခမ်းခမ်းနားနား ကျင်းပလိုသည်။ နွေသိသလောက် ကိုကို့ မိဘများဘက်က နွေ မျှော်လင့်သလောက် လုပ်ပေးနိုင်ဖို့ မရှိပါ။ နွေသည် ကိုကိုနှင့် နွေ့ အကြောင်း အိမ်ကို ပြောပြဖို့  တော်တော် သတ္တိမွေးခဲ့ရသည်။ မေမေ့ကို အရင်ပြောပြတော့ အေးဆေးသော မေမေကတော့ နွေ ချစ်သောသူကို သဘောတူသည်ပင်။ တဖြည်းဖြည်း စကားသွင်းရင်းနှင့် အဘိုးနှင့် အဒေါ်များက သဘောမတူချင် တူချင် တူလာသည်။ ကိုကို့ မိဘများဘက်ကလည်း နွေနှင့် သဘောတူပါသည်။ ကိုကို ပညာတတ်သလို နွေလည်း တတ်ပါသည်။ ကိုကိုက စစ်ဗိုလ် တစ်ယောက် ဖြစ်သလို နွေလည်း တက္ကသိုလ် ဆရာမ တစ်ယောက် ဖြစ်သည်။ နွေ့ အသိုင်းအဝိုင်းက ပြည့်စုံသလောက်ပင် ကိုကို့ ဘက်က မပြည့်စုံသည်ကိုတော့ နွေက သိပ်သဘောမကျချင်ပါ။ နှစ်ဦးအခြေအနေ အတူတူမှာ မင်္ဂလာပွဲကို နွေ့ဘက်က စိုက်ထုတ်၍ လုပ်ရမည် ဆိုလျှင် မဖြစ်သင့်ဘူး မဟုတ်လား။ အဘိုးက လုပ်ပေးမည် ဆိုလျှင်တောင် နွေက မလုပ်ချင်။ ဘာပဲဖြစ်ဖြစ် နွေတို့  ကိုယ့်ဘာသာကိုယ် ကြိုးစားသင့်သည်ဟု ထင်သည်။
 *****
သူငယ်ချင်းတွေကတော့ နွေက ကိုယ့်ဒုက္ခကိုယ် ရှာသည်ဟု ဆိုကြသည်။ နွေကလည်း ကိုကို့ကို နည်းနည်းလေးမှ စိတ်မချချင်ပါ။ ကိုကို အရင်က ဘယ်ကောင်မလေးတွေနဲ့ပဲ အီစီကလီ လုပ်လုပ်၊ နွေနှင့် ချစ်သူ ဖြစ်ပြီးနောက်တော့ မလုပ်သင့်တော့ဟု တားမြစ်ထားသည်။ ကိုကိုက နွေ့ မှာလည်း online သူငယ်ချင်းတွေ ရှိတာပဲ ဟု ပြန်ပြောသည်။ ကိုကို့ gmail password ကို တောင်းတော့လည်း မပေးခဲ့ပါ။ နွေ့ သူငယ်ချင်း ဆိုသည်တွေက သူငယ်ချင်းသက်သက် သာ ဖြစ်ကြောင်း ပြောတော့ ကိုကို့ မှာလည်း သူငယ်ချင်း အရင်းတွေပဲ ရှိတာမို့ မယုံသင်္ကာ ဖြစ်တာ မကြိုက်ဟု ဆိုသည်။

ချစ်သူ ဖြစ်ကာစ နှစ်တုန်းကတော့ ကိုကိုက ခွင့်ရက်ရတိုင်း နွေ ရှိရာ မန္တလေးသို့ လာ လာ တွေ့လေ့ရှိသည်။ နောက်ပိုင်း နှစ်တွေမှာတော့ တာဝန်တွေ များသည့်အကြောင်း၊ ခွင့်ရက် မရသည့် အကြောင်းတွေနှင့် မလာနိုင်တာ ကြာလာသောအခါ နွေကပဲ အားလပ်သည့် အခါများမှာ သွားတွေ့ရတော့သည်။ နွေကလည်း ပြဿနာကို မီးထွန်းရှာသူ တစ်ယောက် ဖြစ်နေသလား မသိပါ။ အဲသလိုသာ မလုပ်ခဲ့မိလျှင်လည်း ကိုကို့ အကြောင်း နွေ ဘယ်တော့မှ သိနိုင်မှာ မဟုတ်ဘူး မဟုတ်လား။

ကိုကို့ဆီ သွားတွေ့ရင်းနှင့် ထုံးစံအတိုင်း ကိုကို့ ဖုန်းကို ကလိ ကြည့်မိသည်။ call history ထဲမှာ ခဏ ခဏ ခေါ်ထားသော ဖုန်းနံပါတ်တစ်ခုကို သွားတွေ့သည်။ မှတ်ထားသည်ကတော့ သာမန် မိန်းကလေး နာမည်တစ်ခုပင်။ ကိုကို့ ဘက်က ခေါ်သည်ထက် ဟိုဘက်က ခေါ်တာက ပိုများသည်။ အဲဒါတင်မက sms message များပါ အများကြီး တွေ့ရသည်။ ဒီတစ်ခေါက်က ကိုကို့ကို ကြိုမပြောပဲ အံ့သြ ဝမ်းသာ သွားအောင် ဆိုပြီး နွေက ရုတ်တရက် ရောက်ချ သွားသောကြောင့် ကိုကို ဖုန်းကို သန့် ရှင်းရေး လုပ်ဖို့ အချိန်မရလိုက်ခြင်း ဖြစ်သည်။ ကိုကို့ကို မေးတော့ ရိုးရိုး သူငယ်ချင်းပါ ဖြစ်ကြောင်း ပြောသည်။ သို့သော် နွေ့ မျက်စိနှင့် တွေ့နေရသော message များက ရိုးရိုး သူငယ်ချင်း မဟုတ်ကြောင်း သက်သေခံနေသည်။ ဘယ်အချိန်ကတည်းကလဲ မေးသည်ကို သေချာ ပြန်မဖြေပါ။ မကြာသေးသလိုလို၊ တစ်လ နှစ်လပဲ ရှိသေးသလိုလို ပြောသည်။ ထိုမိန်းကလေးကိုလည်း online ကပဲ တွေ့သည် ဆိုသည်ကတော့ မှန်လိမ့်မည် ထင်သည်။

“ဘာမှ မဟုတ်ပါဘူးကွာ၊ ကိုကိုက အားနာလို့ ပြန်ပြောနေတာပါ၊ သူ့ဘက်က တစ်ဖက်သတ် ဖြစ်နေတာ၊ ကိုကိုက ယောက်ျားလေး ဆိုတော့ ပစ်ပစ်ခါခါကြီး ဘယ်လိုလုပ်ပြောမလဲ၊ စိတ်ထဲ ထားမနေပါနဲ့ နွေလေးရာ၊ နောက်မပြောတော့ပါဘူး”

ကိုကိုက နွေ့လက်ထဲက ဖုန်းကို အတင်းလုယူပြီး message များ call log များကို ဖျက်ပစ်လိုက်သည်။ နွေ့ ဦးနှောက် ထဲမှာတော့ ထိုမိန်းကလေး၏ ဖုန်းနံပါတ်က မှတ်မိသွားပြီ ဖြစ်သည်။ ကိုကို့ အခန်းကို လျှောက်မွှေတော့ ထိုမိန်းကလေး ပေးထားပုံ ရသည့် လက်ဆောင်များကိုပါ နွေက တွေ့ သွားပြီး မေးတော့ ကိုကို က ငြင်းသေးသော်လည်း နောက်ဆုံးတော့ ဝန်ခံလိုက်ရသည်။ နွေတို့ အကြီးအကျယ် စကားများ ရန်ဖြစ်ပြီး ပြန်လာခဲ့သည်။ ပြန်လာပြီးနောက် နွေ ထိုမိန်းကလေးဆီ ဖုန်းဆက်လိုက်သည်။ ပေါ်တင်ပင် ကိုကိုနှင့် ပတ်သက်သမျှကို နွေ မေးတော့ သူမကလည်း ပွင့်ပွင့်လင်းလင်းပင် အားလုံး ပြောပြသည်။ သူမကလည်း နွေနှင့် ပတ်သက်၍ ခုမှ သိပုံရသည်။ သူမနှင့် ကိုကို ပတ်သက် သမျှကိုလည်း နွေ အားလုံးလိုလို သိသွားရသည်။

သူမသည် ကိုကို နှင့် နွေ online မှာ စတွေ့သော အချိန်လောက် (အဲဒီထက်တောင် စောနိုင်သည်) ကတည်းက ကိုကိုနှင့် တွေ့ခဲ့သည်။ ကိုကို ပြန်လာတော့ အပြင်မှာ တွေ့ကြသည်။ လက်ဆောင်တွေ အပြန်အလှန် ပေးဖူးသည်။ နွေက စပ်စပ်စုစု သူမ ကိုကို့ ကို ဘာတွေ ပေးဖူးသလဲ ဟု မေးလိုက်မိသေးသည်။ သူမ ကိုကို့ကို ပေးထားသော စုံတွဲ ဖန်ခွက်ကလေး တစ်စုံကတော့ နွေ့ ဆီမှာ ကိုကို့ ချစ်သက်လက်ဆောင် အဖြစ် ရောက်နေပါသည်။ နွေပေးသော လက်ဆောင်တွေကတော့ ယောက်ျားလေး အသုံးအဆောင်များသာမို့  သူမဆီ ရောက်ဟန်မတူပါ။ သူမပဲ ရင်နာရမှာလား။ နွေပဲ ရင်နာရမှာလား မသိတော့ပါ။ သူမနှင့် ဖုန်းပြောပြီးပြီးချင်း ကိုကို့ လက်ဆောင်များကို နွေ ပစ်ပေါက်ခွဲ မိခဲ့သည်။ လက်စသတ်တော့ ကိုကိုသည် သူမ နှင့် နွေ့ကို တပြိုင်တည်းမှာ ပတ်သက် နေခဲ့ခြင်းပါလား။

နွေတို့ ချစ်သူ သက်တမ်း ၄နှစ် ကျော်လာပြီးနောက် နှစ်ဖက် မိဘကို အသိပေးခဲ့ပြီး နှစ်ဖက် မိဘကလည်း သဘောတူခဲ့ပါသည်။ နွေသည် ကိုကို့ မိဘများအိမ်ကို တစ်ခါ လိုက်သွားဖူးပြီး ကိုကိုသည်လည်း နွေ့ အဘိုးနှင့် အမေကို တစ်ခါ လာတွေ့ ဖူးပါသည်။ သူမ အပြောအရ သူမသည်လည်း ကိုကို့ မိဘများနှင့် တစ်ခါမက တွေ့ဖူးပါသည်။ သို့သော် ကိုကို့ အိမ်က သူမကို သဘောမကျဟု သူမက ပြောပြသည်။ သူမက တရုတ်သွေး စပ်သည်။ ဆယ်တန်းကျပြီး ဆက်မဖြေဖြစ်ပဲ ဈေးထဲတွင် အထည်ရောင်းနေသူဖြစ်သည်။ သူမ အိမ်နားမှာ အင်တာနက်ဆိုင် ရှိသောကြောင့် အမြဲသုံးဖြစ်သူ ဖြစ်ကာ ကိုကိုနှင့် တွေ့ခဲ့သည်။ ဝင်ငွေကောင်းသော်လည်း စစ်ဗိုလ်တစ်ယောက်၏ တက်လမ်းအတွက် သိပ်မသင့်တော်သူဟု သတ်မှတ်သောကြောင့်လားမသိ။ ကိုကိုရော သူ့မိဘများကပါ သူမနှင့် လက်ထပ်ဖို့ အထိ မရည်ရွယ်သည့် သဘောမှာ ရှိသည်။ နွေကတော့ သူတို့သားနှင့် သင့်တော်သူပေါ့။ မိဘ အသိုင်းအဝိုင်း တောင့်တင်းသည်။ ပညာတတ် ဘွဲ့ နှစ်ဘွဲ့ ရ တက္ကသိုလ် ဆရာမလည်း ဖြစ်သည်။ နွေ့ စိတ်ထဲမှာ နာကျည်းသွားသည်။ ၄ နှစ်လုံးလုံး ကိုကို့မှာ နွေ တစ်ယောက်တည်း ရှိသည်ဟု ယုံကြည်ထားခဲ့သည်မှာ ဘယ်လောက် ရူးမိုက်ခဲ့ပါသလဲ။

ကိုကို့ကို ဖြတ်ဖို့ နွေ ကြိုးစားကြည့်သည်။ ကိုကို ဖုန်းဆက်ပြီး ချော့တာကို မကိုင်မိဖို့ ကြိုးစားသည်။ သူငယ်ချင်းများကလည်း သစ္စာမရှိသော ချစ်သူကို ဖြတ်ဖို့ ပြောကြသည်။ ကိုကို မရှိပဲ နွေ နေနိုင်ပါ့မလား ကိုယ့်ကိုယ်ကိုယ် မေးမိသည်။ တစ်သက်လုံး ကိုကို့ကို နောက်ထပ် မတွေ့ရဘူး ဆိုလျှင် နွေ နေနိုင်ပါ့မလား။ မစားနိုင် မအိပ်နိုင် ဖြစ်ရလောက်အောင် အထိ နွေ စိတ်ဖိစီးမှု များခဲ့ရသည်။ နွေ့ ဘက်က စ၍ ကိုကို့ကို ပြတ်ပြတ်သားသား လမ်းခွဲဖို့  မဖြစ်နိုင်ပါ။ ကိုကို ကိုယ်တိုင်က နွေ့ကို ထားရစ်ခဲ့လျှင်တော့ ဘယ်လိုမှ မတတ်နိုင်ပဲ ကျန်ခဲ့ရလိမ့်မည်။ နွေနှင့် သူမ ဘယ်သူ့ကို ရွေးမလဲ ဆိုတာ ကိုကို့ကို သာ ဆုံးဖြတ်ခိုင်းလိုက်ပါသည်။

နွေ့ကိုပဲ လက်ထပ်ဖို့ အစကတည်းက ဆုံးဖြတ်ပြီးသားပါ ဟု ကိုကို ပြောခဲ့သည်။ နွေလည်း ထင်ပါသည်။ နွေသည် သူမထက် ကိုကိုနှင့် ပိုသင့်တော်သည်ဟု ကိုကို ထင်သည်လေ။ သူမထက် နွေ့ကို ပိုချစ် မချစ်တော့ သိပ်မသေချာပါ။ ဘာပဲဖြစ်ဖြစ် နွေက မချစ်ပဲ မနေနိုင်သူ ဖြစ်သောကြောင့် အလျှော့ပေး ခွင့်လွှတ်လိုက်ရသည်။ ကိုကို့ ဆီက ကတိတစ်ခုတော့ တောင်းရပါသည်။ သူမကို ပြတ်ပြတ်သားသား ဖြတ်ဖို့ ပါ။ သူမ ပေးထားသော လက်ဆောင် ပစ္စည်းတွေ အားလုံး ပြန်ပေးဖို့ ။ သူမ ဖုန်းနံပါတ်ကို ဘလော့ပစ်ပြီး ဖုန်း လုံးဝ မဆက်ဖို့ ။ သူမကို လုံးဝ ထပ်မတွေ့ဖို့…။ ကိုကိုက ကတိပေးခဲ့သည်။ ကိုကို ဝမ်းနည်းနေမလား ဟု နွေ တွေးနေခဲ့မိသေးသည်။ မိဘကို ချစ်သော သားလိမ္မာ ဖြစ်လျှက် မိဘ သဘောမတူသူနှင့် ဆက်လက် ချစ်ခင် နေခြင်းက ကိုကို သူမ အပေါ် ထားသော စိတ်ပဲ မဟုတ်လား။ ဘာပဲဖြစ်ဖြစ် ကိုကို့ကို နွေ စောင့်ကြည့်မည်။ ကိုကို့ကတိအတိုင်း သူမကို ဖြတ်ခဲ့လျှင် နွေတို့ လက်ထပ်ဖို့ ကို စီစဉ်ထားသည့်အတိုင်း နောက်နှစ်လောက်မှာ လုပ်ကိုလုပ်မည်ဟု နွေ ဆုံးဖြတ်လိုက်သည်။
*****
ကိုကိုနှင့် တစ်အိုးတစ်အိမ် ထူထောင်လျှင် ကိုကိုက သူ့လခ အပြင် အပိုအလျှံ ရှာပေးနိုင်မည် မဟုတ်သည့်ပြင် သူ့ မိဘကိုလည်း ထောက်ပံ့ရဦးမည်။ နွေက မိဘအိမ်မှာလို သုံးချင် စွဲချင်သည် ဆိုလျှင် နွေ့ ဘာသာ ရှာနိုင်မှ ရမည်ဟု တွေးမိသည်။ နွေ ဆရာမ အလုပ်က ထွက်ပြီး ရန်ကုန်မှာ စီးပွားရေး လုပ်ကြည့်ချင်သည်။ မေမေက နွေ့ အလိုကို ဘယ်တော့မှ မငြင်းဆန်သူ ဖြစ်သော်လည်း အဘိုးကတော့ လုံးဝ လက်ခံ လိမ့်မည် မထင်ပါ။

နွေ ရန်ကုန် သွားချင်ရခြင်းမှာ တစ်ခြား အကြောင်းလည်း ရှိသည်။ ရန်ကုန်က ဖေဖေ နှင့် နွေ အဆက်အသွယ် ရခဲ့ပြီ။ နွေက စတင်ပြီး ရှာဖွေ ဆက်သွယ်ခဲ့ခြင်း ဖြစ်သည်။ ဖေဖေ့မှာ နောက်ထပ် အိမ်ထောင်နှင့် သားသမီး သုံးယောက်ပင် ထွန်းကားနေလေသည်။ မေမေက ဒီအတိုင်း နွေ့ကို တစ်ယောက်တည်း ပြုစု ပျိုးထောင်လာချိန်မှာ ဖေဖေကတော့ နောက်အိမ်ထောင်နှင့် ဒီသမီးတစ်ယောက်ကို သတိပင် မရတော့ပါ။ သြော် ယောက်ျား ဆိုတာ ဒီလိုပါပဲလေ ဟု နွေ ဖေဖေ့ကို စိတ်မနာမိအောင် ကြိုးစားပါသည်။ ဘာပဲဖြစ်ဖြစ် ငယ်ကတည်းက ဖခင် မေတ္တာ ငတ်ခဲ့သူမို့  ဖေဖေ့ မေတ္တာကို နည်းနည်းလေးပဲ ဖြစ်ဖြစ် လိုချင်သေးသည်။ ဖေဖေကလည်း ရန်ကုန်မှာ စီးပွားရေး အဆင်ပြေပြီး ပြည့်ပြည့်စုံစုံပဲ ဖြစ်နေသည် ဆိုတော့ နွေ ခဏ တဖြုတ် သွားနေလျှင်လည်း ဝန် မကြီးလောက်ဘူး ဟု ထင်သည်။

ကျောင်းပိတ်ရက်တွင် နွေ ရန်ကုန်က ဖေဖေ့အိမ်မှာ သွား နေဖြစ်သည်။ ဖေဖေကတော့ ဖော်ရွေပါသည်။ သူ့ မိသားစုနှင့်လည်း ပွင့်ပွင့်လင်းလင်း မိတ်ဆက်ပေးသည်။ ကွဲကွာနေသော သမီးတစ်ယောက်ကို သတိရ မနေနိုင်အောင် သားနှစ်ယောက်၊ သမီးတစ်ယောက် နှင့် ဇနီးသည်နှင့် ဖေဖေ့ ဘဝက ပြည့်စုံနေပါသည်။ နွေ့ အဖေအရင်း ဆိုသော်လည်း သူစိမ်းတစ်ယောက်ထက် သိပ်မပိုဟု ခံစားရသည်။ နွေသည် လူတိုင်းကို ခင်မင် ရင်းနှီးလွယ်သူ၊ ပေါင်းသင်းဆက်ဆံရေး ကောင်းသူ ဖြစ်သော်လည်း ဖေဖေ့ မိသားစုများ ကြားမှာ သူစိမ်းတစ်ယောက်လို အထီးကျန်နေခဲ့သည်။ ဖေဖေ့ညီ ဦးလေး ဆိုင်တွင် နွေ အလုပ်ဝင်လုပ်ကြည့်သည်။ ဦးလေးကလည်း သဘောကောင်းပါသည်။ သို့သော် အလုပ်သည် နွေ မျှော်လင့်သလို အဆင်မပြေပါ။ ဖေဖေက သူ့ စီးပွားရေး လုပ်ငန်းများတွင် နွေ့ကို ဝင်မလုပ်စေလိုပါ။

ဖေဖေနှင့် သူ့မိသားစုများ စိတ်ထဲတွင် နွေက အမွေလိုချင်၍၊ မုန့်ဖိုး လိုချင်၍ လာသည်ဟု ထင်နေလေသလား မသိပါ။ နွေ့ အနေနှင့်မူ မေမေနှင့် တစ်သက်လုံး အတူနေလာပြီးသည့်နောက် ဖေဖေနှင့် နည်းနည်းလောက် အတူနေကြည့်ချင်ရုံသာ ဖြစ်သည်။ ဖေဖေ့ဆီ လာပြီး အလုပ်လုပ်မည် ဆိုသည်ကလည်း ဖေဖေ့ အရင်းအနှီးကို မျှော်ကိုးသည်ထက် ဖေဖေ့ လမ်းညွှန်မှု၊ ဖေဖေ့ အဆက်အသွယ်လောက်ကိုသာ အကူအညီ လိုချင်သည့် သဘောဖြစ်သည်။ ဖေဖေသည် နွေဆိုသော သမီးတစ်ယောက်ကို တစ်သက်လုံး ရှိသည်ဟုပင် မမှတ်ခဲ့သည့်ပြင် မေမေ့ အုပ်ထိန်း စောင့်ရှောက်မှု အောက်မှာ ကောင်းမွန်စွာ လူလားမြောက်ပြီးသူမို့  သူ့မှာ တာဝန် တစ်စက်ကလေးမျှ မရှိဆိုသည့် သဘောထားမျိုး ထားနေသူ ဖြစ်ကြောင်း နွေ ကောင်းကောင်း သိလာသည်။ နွေ မေမေ့ ရင်ခွင်ကို ခဏတဖြုတ်ပဲ ဖြစ်ဖြစ် မစွန့်ခွာသင့်ကြောင်း အမြင်မှန် ရလာသည်။  နွေ ပြန်မည် ဆိုတော့ ဖေဖေက မုန့်ဖိုးတော့ ပိုပိုသာသာ ပေးလိုက်ပါသည်။ ဒါကလည်း တစ်သက်မှာ တစ်ခါလောက် တွေ့ရသော သမီးကို သနားသဖြင့် စွန့် ကြဲသည့် သဘောမျှသာ။

နွေ အလုပ်ထွက်မည့် စိတ်ကူးကို စွန့်လွှတ်လိုက်ပြီး ကျောင်းကိုပဲ ပြန်လာခဲ့သည်။ ကိုကိုကလည်း ဟို မိန်းကလေးကို အဆက်အသွယ် လုံးဝ ဖြတ်ထားခဲ့သည်။ နွေတို့ နှစ်ယောက် နာမည်နှင့် ဘဏ်စာအုပ်မှာ လက်ထပ်ဖို့ အတွက် စုကြဖို့ နှစ်ဦးသဘောတူ လုပ်ထားကြသည်။ နွေသည် တစ်သက်တစ်ခါ မင်္ဂလာပွဲကိုတော့ ခမ်းခမ်းနားနား ဆောင်ချင်သူ ဖြစ်သည်။ နွေတို့  အသိုင်းအဝိုင်း မိတ်နှင့်ပင် ကြီးကြီးကျယ်ကျယ် ဖြစ်သွားမှာကလည်း သေချာနေသည်။ စုမိ ဆောင်းမိ ရှိပြီး နောက် နှစ်နှစ်လောက် ကြာမှ လက်ထပ်ကြဖို့ နွေက စိတ်ကူးတာပင်။ ဒီကြားထဲတော့ နွေ ကိုကို့ ဆီ သွားလည်သေးသည်။ နွေနှင့် ကိုကို ပြေလည် နေတော့ လောကကြီးလည်း အေးချမ်းသည်။

နောက်တစ်ခေါက်ကျတော့ ကိုကိုနှင့် ပြေပြေလည်လည် ဖြစ်နေသည့်တိုင်အောင် သဘောမကျချင်စရာ အကွက်တစ်ကွက်ကို မြင်ဖြစ်အောင် မြင်ခဲ့သေးသည်။ ကိုကို့ တပ်ထဲက တပ်ကြပ်ကလေးရဲ့ ဇနီး ကျပ်မပြည့်သော မိန်းကလေးနှင့် ကိုကိုရဲ့ ခင်မင်မှုက မျက်စိနောက်စရာ ဖြစ်နေသည်။ သူက ဆရာတို့  ဗိုလ်ကြီးတို့  ခေါ်တာ မဟုတ်ပဲ အစ်ကို လို့  ခေါ်သတဲ့။ နွေနှင့် ကိုကို အတူတူ ရှိနေဆဲ အချိန်မှာပင် ထို မိန်းကလေး ဆီမှ ဖုန်းဝင်လာသည်က အခါခါပါ။ ဘာမှတော့ ထွေထွေထူးထူး ပြောတာမဟုတ်။ သူ့ အမျိုးသားက သင်တန်းတက်နေသဖြင့် လောလောဆယ် မရှိသောကြောင့် ကိုကိုက အစစ အရာရာ အကူအညီ ပေးနေသည်တဲ။ သို့ပေမယ့်လည်း နွေ့ စိတ်ထဲမှာ ကလိ ကလိ နှင့်။ ကျပ်မပြည့်သူဟု ကိုကိုက ပြောထားသည့်ပြင် နွေကိုယ်တိုင် တွေ့တော့လည်း အမှန်တကယ် ဟုတ်နေသဖြင့် အဲသလို မိန်းကလေး၊ သူများ ဇနီးလည်း ဖြစ်နေသေးသူနှင့် ကိုကို့ကို စွပ်စွဲလျှင် မကောင်းတတ်သဖြင့်သာ ငြိမ်ပြီး ပြန်လာခဲ့ရသည်။ နွေ့ စိတ်ထဲတော့ တနုံ့ နုံ့ နှင့်။ နွေ ပို့သော ဟင်းတွေကို ဒီမိန်းကလေးနှင့် အတူတူ စားနေမှာ ဆိုတာမျိုးကိုတော့ တွေးဖြစ်အောင် တွေးမိနေသေးသည်။
*****
ရန်ဖြစ်လိုက် ပြန်ချစ်လိုက် ဆိုတာ နွေနှင့် ကိုကို အတွက် ထူးဆန်းသော ကိစ္စ မဟုတ်ပါ။ နွေကလည်း တစ်ခုခု မကျေလည်လျှင် ရစ်တတ်သည်။ ကိုကိုကလည်း သူ့ဘက်က အရမ်းမှားနေလျှင်သာ ပြေပြေလည်လည် ပြန် ချော့လေ့ ရှိပြီး သူမမှားဘူး ထင်သည့်အခါ ချော့လေ့ မရှိသူ ဖြစ်သည်။ အကြိမ်များစွာမှာ နွေ့ဘက်က စခေါ်ရတာသာ များခဲ့သည်။ ငွေရေး ကြေးရေး နှင့် ပတ်သက်၍လည်း အခါခါ ရန်ဖြစ်ရလေ့ ရှိသည်။ နွေတို့  လက်ထပ်ဖို့ စုထားသော နှစ်ယောက် နာမည်နှင့် ဘဏ် စာအုပ်ထဲက မဖြစ်မနေ အကြောင်းပြချက်များဖြင့် ကိုကို ထုတ်ယူသော အရေအတွက်က များပြီး နွေကတော့ ထုတ်ယူလေ့ မရှိပါ။

နွေ သဝန်တိုလွန်း၊ ပြဿနာ ရှာလွန်းသည်ကို မကြိုက်ဟု ဆိုသော ကိုကို့ ဘက်ကလည်း တမင်တကာ ပြဿနာ ရှာတာတွေ ရှိသည်။ နွေ့ ကို တစ်ခါ ချစ်ခွင့် တောင်းဖူးသော်လည်း နွေ့ဘက်က တကယ် ဖြူဖြူစင်စင် အစ်ကို လို အားကိုး ခင်မင်ရသော တပ်ထဲက သူငယ်ချင်း တစ်ယောက် ရှိသည်။ ကိုကိုနှင့် ပတ်သက်လို့ပဲ ဖြစ်ဖြစ်၊ ဖေဖေနှင့် ပတ်သက်လို့ပဲ ဖြစ်ဖြစ် နွေ ဝမ်းနည်းသည့် အခါ စိတ်ညစ်သည့်အခါ ရင်ဖွင့်ဖော် တိုင်ပင်ဖော် ဖြစ်ခဲ့သည်။ ထိုအစ်ကိုက ကိုကို့ထက် နွေ့ ခံစားချက်တွေကို စိတ်ရှည် လက်ရှည် နားထောင်ပေးပြီး နွေ့ကို အားပေးလေ့ ရှိသည်။ အဲဒါကိုပင် ကိုကိုက သူနှင့် ပြဿနာတက်တာတွေ သူများသွားပြောတယ် ဆိုပြီး အကြီးအကျယ် ပြဿနာလည်း ဖြစ်ဖူးသည်။ အဲဒီ အစ်ကို နှင့် ဆက်ဆံတာကို မကြိုက် ဆိုပြီး ပြဿနာ ရှာဖူးသည်။ (တကယ်တော့ သူ့ကို ပြောလို့ ပြန်ပြောခြင်း ဖြစ်သည်)

ခုနောက်ပိုင်းတော့ ကိုကို မကြိုက်သည်ကို နွေလည်း တတ်နိုင်သလောက် ဆင်ခြင်ခဲ့ပါသည်။ ဒါကိုပင် ပြောစရာ မရှိ နွေ နိုင်ငံခြား ခေတ္တသွားတုန်း တစ်ခြားနိုင်ငံက ယောက်ျားလေး လေးတွေ အပါအဝင် သူငယ်ချင်းတွေနှင့် လျှောက်လည်၊ ဓာတ်ပုံရိုက်တာကိုပင် ပြောချင်သည်။ နွေကလည်း ပြန်လာတော့ ခင်မင်မှု အရ ဆက်ပြီး chat မိသည်။ သူ့ ရှိတဲ့ပုံ၊ ကိုယ့်ရှိတဲ့ပုံ facebook မှာ tag ပြီး တင်ကြသည်ကို ကိုကိုက မျက်စိနောက်ကာ အပြစ်ပြောသည်။ တကယ်တော့ ကိုကို့မှာ ရှိတဲ့ အပြစ်ကို ဖုံးကွယ်လို၍ နွေ့ကို ပြဿနာ ရှာခြင်း ဖြစ်သည်ကို နောက်မှပင် နွေ သိလာရသည်။
*****
သုံးရက်ဆက် ပိတ်သော အပတ်မှာ နွေသည် ကိုကို့ကို ကြိုတင် အကြောင်းမကြားပဲ သွားလည်ဖို့ စီစဉ်ဖြစ်သည်။ တမင် အပြစ်ရှာတာပဲ ဖြစ်ဖြစ်၊ ဘာပဲဖြစ်ဖြစ် ခုတလော ကိုကိုနှင့် မပြေလည်သလို ဖြစ်နေသည်ကို နွေ့ဘက်ကပဲ မှားမှားမှန်မှန် အလျှော့ပေး ချော့မော့ဖို့ ရည်ရွယ်ချက်နှင့် သွားခဲ့ခြင်း ဖြစ်သည်။ ကိုကို အံ့သြ ဝမ်းသာသွားအောင် လာလည်း မကြိုခိုင်းပဲ ကိုကိုတို့ တပ်ထဲပဲ တန်းသွားပြီး အပေါက်ဝရောက်မှ ကြိုခိုင်းမည်ဟု တွေးထားခဲ့သည်။ ကိုကိုကလည်း အဲဒီမှာ ကြာပြီဖြစ်ပြီး နွေကလည်း ခဏ ခဏ လိုက်သွားဖူးသောကြောင့် အစောင့်တွေရော၊ ထိုင်နေကျ လက်ဖက်ရည်ဆိုင်ကရော နွေ့ကို သိနေကြပြီ ဖြစ်သည်။

အဲဒီနေ့က ကိုကို့ကို အပေါက်ဝထိပ် ရောက်နေပြီ ဆိုတာ ဖုန်းဆက်ပြီး လာခေါ်ဖို့ ပြောတော့ သူမအားသေးလို့  ခဏလောက် စောင့်ပါဟု ကိုကိုက ပြောသည်။ နွေလည်း လမ်းထိပ်က လက်ဖက်ရည်ဆိုင်တွင် ထိုင်စောင့်နေသည်။ ဆိုင်ပိုင်ရှင် လင်မယားက ကိုကို့ကို ကောင်းကောင်းသိပြီး နွေ့ကိုလည်း ကိုကိုနှင့် လက်ထပ်မည့် ချစ်သူဟု သိနေသည်။ နွေ ကိုကို့ကို စောင့်နေစဉ် အစ်မကြီးက နွေ့ကို ကြည့်ပြီး တစ်ခုခု ပြောချင်နေသည်ဟု စိတ်ထဲ ထင်လာအောင် သူမက ကောင်တာက ထပြီး နွေ့ အနားကို ရောက်ရောက်လာသည်။ နောက်တော့ မနေနိုင်တော့ပုံနှင့် နွေ့ စားပွဲကို လာထိုင်တော့သည်။ မိန်းကလေး ကိုယ်ချင်းစာပြီး နွေ သိသင့်သည်ထင်၍ ပြောပြချင်သည် ဟု စကားစလာလေသည်။

ကိုကို့ဆီ အမျိုးသမီး တစ်ယောက် လာလာနေသည်မှာ သုံးလေး လ ရှိပြီ ဖြစ်ကြောင်း၊ ညနေဘက် ကိုကို ရုံးဆင်းချိန်လောက် ရောက်လာတတ်ပြီး ကိုကို့ တိုက်ခန်းမှာပင် အိပ်၍ ပြန်တတ်ကြောင်း၊ ပိတ်ရက်များမှာလည်း တစ်နေကုန် နေတတ်ကြောင်း၊ ဒီဆိုင်ကိုလည်း နှစ်ယောက်တွဲပြီး ခဏ ခဏ လာတတ်ကြောင်း အိတ်သွန်ဖာမှောက် ပြောပြတော့သည်။ နွေလည်း ရုတ်တရက်တော့ တော်တော်ကြီး အံသြသွားသည်။ ကျောင်းမှာ အလုပ်ရှုပ်နေတာနှင့် နွေ နိုင်ငံခြား ခဏ သွားနေတာနှင့် ကိုကို့ဆီ မရောက်တာလည်း လေးလလောက်တော့ ရှိတော့မည်။ နွေ့ စိတ်ထဲမှာ ခါတိုင်းလိုပင် မသင်္ကာစိတ် မဖြစ်မိပဲ ပုံမှန် ထင်ထားမိသော အချိန်မှာ မထင်မှတ်ပဲ ကြားလိုက်ရတော့ ဘယ်လို ခံစားလိုက်ရမှန်းပင် ကိုယ့်ကိုယ်ကိုယ် မဝေခွဲနိုင်တော့ပါ။ အစ်မကြီး ယောက်ျားကလည်း ဝင်ပြောသည် ဆိုတော့ သူတို့ လင်မယားဟာ သက်သက်မဲ့ လုပ်ကြံပြောမည့် သူတွေ မဟုတ်တာလည်း နွေယုံသည်။ ကိုကို့  အိမ်နီးနားခြင်းတွေလည်း သိနေမှာ ဆိုတော့ ဒီကိစ္စဟာ တကယ်ကို ပေါ်တင် ဖြစ်နေသော ကိစ္စပင် ဖြစ်ရမည်။


ထိုအချိန်မှာပင် နွေ့ထက် အနည်းငယ် ကြီးမည့် ရှမ်းတရုတ် ကပြား ပုံစံ အမျိုးသမီး တစ်ယောက် ဝင်းအတွင်းမှ ထွက်လာသည်ကို မြင်လိုက်ရသည်။ ဆိုင်ကယ် တက္ကစီ ငှားပြီး ထွက်သွားသည်ကိုလည်း မြင်လိုက်ရသည်။ အစ်မကြီးက နွေ့ကို လက်တို့ ပြီး “အဲဒီ တစ်ယောက်ပေါ့၊ အခုလည်း အဲဒီအိမ်က ပြန်လာတာပဲ နေမှာ” ဟု ဆိုသဖြင့် နွေ့မှာ ထို အမျိုးသမီးကို မထင်မှတ်ပဲ မြင်လိုက်ရသည် အထိ ဖြစ်သွားသည်။ လက်ရှိ ချစ်သူကို ထားပြီး ကြိုက်ရလောက်အောင် ချောမောလှပပြီး စတိုင်လ်ကျနေသော ပုံမျိုးလည်း မဟုတ်ပါ။ သာမန် အသားဖြူဖြူ မျက်နှာပြားပြား တိုင်းရင်းသား ရုပ်မျိုးကို ဘာကြောင့်များ အလှကြိုက်တတ်သော ကိုကိုက အဲသလောက်ထိ ဖြစ်သွားရပါသလဲ။ နွေ နားမလည်တတ်တော့ပါ။ ဒေါသလည်း ပြောမပြတတ်အောင် ထွက်သည်။ နွေကတော့ ပတ်ဝန်းကျင် အသိုင်းအဝိုင်းမှာ ခု ဝါမဝင်ခင် မဖြစ်နိုင်ရင်တောင် ဝါကျွတ်လျှင် လက်ထပ်တော့မည် ဟု ကြေငြာပြီး စီစဉ်ဖို့ ကြိုးစားနေချိန်မှာ ကိုကို့ ဘက်က ဖောက်သွားလိမ့်မည်ဟု စိတ်ပင်မကူးမိခဲ့ပါ။

ခဏနေတော့ ကိုကို နွေ့ကို လာခေါ်သည်။ ခုနက မအားသေးဟု ပြောပြီး စောင့်ခိုင်းထားခြင်းမှာ ဟို အမျိုးသမီး မပြန်သေး၍ ဖြစ်မည်။ ကိုကို့  တိုက်ခန်းရောက်မှ ပြဿနာရှာရသည်။ နွေသည် ကိစ္စတစ်ခုသည် အောင့်အည်း မျိုသိပ်ထားနိုင်သူ မဟုတ်ပါ။ ဟန်ဆောင်၍ ပလီရခြင်းမျိုးကိုလည်း မကျွမ်းကျင်သူ ဖြစ်သည်။ ဤကိစ္စသည် နွေ့ ဘဝနှင့် သက်ဆိုင်သော ကိစ္စ ဖြစ်သည်။ ပထမ တစ်ခါက နွေ ခွင့်လွှတ်ပြီး ရှေ့ ဆက်ခဲ့သည်။ နောက်မဖြစ်စေရပါ ဟု ကိုကို ကတိပေးထားခဲ့သည်။ ယခုတစ်ခါ သစ္စာမဲ့ခြင်းကိုရော ကိုကို ဘယ်လို ဖြေရှင်းမလဲ နွေ သိလိုပါသည်။ နွေ ပေါ်တင်ပဲ ဖွင့်မေးတော့ ကိုကိုက ပထမတော့ မပြောလိုသေး။ နွေက သိထားပြီးသား ဖြစ်ကြောင်း အကြောင်းစုံပြောပြပြီး မေးတော့မှ ကိုကိုက ဝန်ခံသည်။

သူတို့ တွေ့တာ သုံးလလောက် ရှိပြီဟု ဆိုသည်။ စတွေ့သည်က ညဘက် ဘီယာဆိုင်မှာ တွေ့ခြင်း ဖြစ်သည်။ အမျိုးသမီးက ကျောက်မျက် အရောင်းအဝယ် ကိစ္စနှင့် ရောက်နေခြင်း ဖြစ်သည်။ ဇာတိကတော့ ရှမ်းပြည်နယ်ဘက်က ဖြစ်သည်။ ဘီယာဆိုင်မှာ ဆိုတော့ မိတ်ဆွေ ဖြစ်လွယ်သည်။ အမျိုးသမီးက ဘွဲ့ တွေ ဘာတွေ မရသော်လည်း စီးပွားရေးတော့ ကောင်းသည်။ ကိုကို့ မိသားစုကိုပင် တန်ဖိုး ကြီးကြီး လက်ဆောင်တွေ တော်တော်များများ ဝယ်ပေးဖူးပြီးပြီဟု သိရသည်။ နွေကတော့ အစတစ်ခု ရလျှင် အသေးစိတ် သိချင်သူပီပီ ကိုကို့ကို အသေးစိတ်တွေ မေးသည်။ ကိုကိုကလည်း မထူးတော့ပြီ ဆိုပြီး ပြောသည်။ သိရသမျှကလည်း နွေ့ အတွက် တစ်ခုမှ စိတ်ချမ်းသာစရာ မရှိပါ။

နွေ ပြဿနာ ရှာလွန်းသည်ဟု အကြောင်းပြပြီး ကိုကိုက နွေ့ကို စိတ်ကုန်သည် ဆိုသော စကားကို ပြောလာသည်။ ဆိုလိုချင်သည့် သဘောက နွေ့ကို အားနာ၍ မဖြတ်သေးသည့် သဘော၊ အချစ်ကုန် စိတ်ကုန် နေသည့် သဘောမျိုး ပြောလာသည်။ နွေကလည်း သည်းခံတတ်သည့်သူ မဟုတ်ပါ။ ကိုကို့ကို ဘယ်လောက် ချစ်ပါစေ၊ အောက်ကျို့ တောင်းပန်တာမျိုး၊ အပျော့ဆွဲ ဆွဲထားတာမျိုး လုံးဝ မလုပ်လိုပါ။ ကိုကိုကလည်း ဒီတစ်ခါတော့ ဘာမှ မဟုတ်ပါဘူး၊ အားနာလို့ပါ၊ နောက် မပတ်သက်ပါဘူး ဆိုတာမျိုး လုံးဝ မပြောသဖြင့် နွေ ပိုပြီး စိတ်တို ရသည်။ ထိုအမျိုးသမီးက နွေ့ထက် ကိုကို့ကို ပိုနားလည်ပေးသည်။ ကိုကို့  စိတ်တိုင်းကျ အားလုံး ဖြစ်စေသည်ဟု ပြောသည်။ ကိုကို့ အိမ်ကလည်း ထိုအမျိုးသမီးနှင့်ဆို သဘောတူသည် ဆိုတာကတော့ နွေ့ကို အလေးမထားရာ ကျသည်ဟု မြင်သည်။ နှစ်ဖက် မိဘ သိပြီးသော တရားဝင် ချစ်သူကိုမှ အားမနာပဲ နောက်တစ်ယောက် ကို လက်ခံပါသည် ဆိုတာကတော့ ကိုကို့ မိဘတွေလည်း လူကြီး မပီသရာ ကျသည် မဟုတ်ပါလား။ ထိုအမျိုးသမီးက ပေးနိုင် ကမ်းနိုင်သဖြင့် သဘောကျသွားတာလည်း ဖြစ်နိုင်သည်။ ကိုကို့ မိဘတွေကလည်း အသိဥာဏ်ကြီးသူတွေ မဟုတ်သည်ကို နွေ သိလိုက်ရပါသည်။ အကြီးအကျယ် ရန်ဖြစ် ပြဿနာတက်ပြီး နွေပြန်လာခဲ့သည်။

နောက်တစ်ရက်လောက် ကြာတော့ နွေတို့  နှစ်ယောက် နာမည်နှင့် လက်ထပ်ဖို့ စုထားသည့် ဘဏ်စာအုပ်ထဲက ကိုကို ထည့်ထားသမျှ အားလုံး နီးပါးကို ထုတ်ပြီး ပို့ပေးဖို့  ကိုကိုက ပြောလာသည်။ အပ်ထားသော ဘဏ်က နွေနေသော မြို့မှာ ဖြစ်ပြီး စာအုပ်ကိုလည်း နွေပဲ ကိုင်ထားသောကြောင့် ဖြစ်သည်။ အဲသလို ပြောခြင်းက နွေတို့ နှစ်ယောက် လက်ထပ်ဖို့ အတွက် ရှေ့ ဆက်ရန် မရှိတော့သည့် သဘောကို ဆောင်သည်။ နွေ ဝမ်းနည်းရမည်ထက် စိတ်နာရသည်က ပိုသွားသည်။ ၆ နှစ်လောက် သက်တမ်းရှိသော နွေ့အချစ်သည် ယခုမှ တွေ့သော အမျိုးသမီးကိုပင် မယှဉ်နိုင်တော့သည်ကို ပိုစိတ်နာသည်။ ကိုကိုက နွေ့ကို တကယ်ချစ်ခဲ့တာမှ ဟုတ်ရဲ့လား ဟု တွေးမိသည်။ သင့်တော်ရုံလောက်နှင့် လက်ထပ်ဖို့ ဆုံးဖြတ်ခဲ့သည်လား။ နွေ သူ့ဆီ ရောက်နေတုန်းက အားနာလို့ မပြောခဲ့သော စကားကို ဖုန်းထဲက ပြောသည်။ နွေတို့ နှစ်ယောက် ဇာတ်လမ်းကို တော်သင့်ပြီ၊ နွေ့အပေါ် သူ အချစ်ကုန်နေပြီ ဆိုသော သဘောမျိုး သွယ်ဝိုက် ပြောသည်။

နွေ သူနဲ့ ပတ်သက်သော ပိုက်ဆံတွေ အားလုံး ပြန်ပို့ ပေးလိုက်သည်။ နွေတို့ လက်ထပ်ဖို့ ဖျက်သိမ်းလိုက်ပြီဟု ကိုကို့ကို ပြောလိုက်သည်။ ကိုကို့ စိတ် နွေ့ ဆီ မရှိတော့တဲ့နောက်တော့ အတင်းအကျပ် ဆွဲမထားချင်တော့ပါ။ နွေ ရင်ကွဲရပါစေ၊ ဒီတစ်ခေါက်တော့ ထိုအမျိုးသမီး လက်ထဲက အတင်း ပြန်မလုချင်တော့ပါ။ ကိုကိုလည်း ဝမ်းသာမည် ထင်သည်။ အားနာပါးနာနှင့် နွေ့ကို မျက်နှာမပျက်အောင် ဟန်ဆောင်ပန်ဆောင် နေနေခြင်းကို နွေမလိုချင်ပါ။

ထိုအမျိုးသမီး၏ သူငယ်ချင်း ဆိုသည့် အမျိုးသမီးတစ်ယောက်ကလည်း နွေ့ဆီ ဖုန်းဆက်လာသေးသည်။ နွေ့ ဖုန်းနံပါတ်ကို ဘယ်လိုရသည်မသိ။ ကိုကို့ ဆီကပဲ ဖြစ်မည်ထင်သည်။ နွေနဲ့ အခြေအနေ ဘယ်လိုလဲ။ နွေနဲ့ ကိုကို ဘယ်တုန်းကတည်းက ချစ်တာလဲ ဆိုတာမျိုးမေးသည်။ ထိုအမျိုးသမီးနှင့် ကိုကို တွေ့တာ ကြာပြီ ဖြစ်တဲ့ အကြောင်း၊ ကိုကို့ မိသားစု နှင့်လည်း တွေ့ဖူးပြီး သဘောတူကြောင်း၊ သူတို့ နှစ်ယောက် တကယ် ချစ်ကြတာဖြစ်ကြောင်း၊ အတူနေကြတာလည်း ကြာပြီ ဖြစ်ကြောင်း စသည်ဖြင့် ပြောသည်။ နွေလည်း နွေတို့ တွဲနေတာ ဘယ်နှစ်နှစ် ရှိပြီ ဆိုတာ ပြောပြလိုက်သည်။ လက်ထပ်ဖို့ ရည်ရွယ်ထားသော်လည်း ယခုတော့ ဖျက်လိုက်ပြီ ဟု ပြောလိုက်သည်။
“အစ်မ လက်ထဲမှာ နောက်တစ်ယောက် မပြောင်းအောင်သာ သေချာ ထိန်းထားပါတော့၊ နွေကတော့ ကိုကို့ကို လက်လွှတ်လိုက်ပါပြီ။ နွေနဲ့ မထိုက်တန်လို့ သွားချင်တယ်ပဲ မှတ်လိုက်ပါတယ်၊ အစ်မ ဝဋ် မလည်ပါစေနဲ့ လို့  ဆုတောင်းပေးပါတယ်” ဟု ပြောလိုက်ဖြစ်သည်။

တက္ကသိုလ်ဆရာမ တစ်ယောက်ထက် ဘီယာဆိုင်မှာ တွေ့သော အမျိုးသမီးကိုမှ ပိုချစ်ချင်သော ကိုကို့ကို နွေ့ ဘက်ပါအောင် ဆွဲမထားလိုတော့ပါ။ တကယ်လို့များ နွေ ဒီအကြောင်းကို မသိပဲ ကိုကိုကလည်း ဖွင့်မပြောပဲ လက်ထပ်ခဲ့မိလျှင် နွေ့ဘဝ ဘယ်လို ဖြစ်သွားမလဲ မသိနိုင်ပါ။ ကိုကိုက နှစ်ယောက် အပြိုင်များ ထားချင်သလားတောင် မသိပါ။ တစ်သက်မှာ တစ်ယောက်သာ ချစ်ခဲ့မိသော ချစ်သူကို စွန့်လွှတ်ရခြင်းသည် ဘယ်လောက် နာကျင်ခံစားရသည်ကို ခံစားဖူးသူမှသာ သိနိုင်လိမ့်မည်။ ခဏတာ အအိပ်အစားပျက် ခံစား နာကျင်ရခြင်းသည် တစ်ဘဝစာ သစ္စာမရှိသူကို ပေါင်းရမည်ထက်တော့ တော်ပါသေးသည်ဟု အောက်မေ့ပါသည်။ ကိုကိုသည် သူ့အကျင့်ကို ပြင်နိုင်မည် မဟုတ်ပါ။ လက်ထပ်ပြီးခဲ့လျှင်လည်း ဒီလိုပင် နီးစပ်ရာနှင့် ဇာတ်လမ်း ဖြစ်ဦးမည်သာ ဖြစ်သည်။ နွေသာ လက်ထပ်ပြီးမှ ပြန် ကွဲကွာဖို့ ခဲယဉ်းသွားနိုင်သည်။ ယခု အခြေအနေက လက်မတင်ကလေး ဟု ပြောနိုင်သည်။ ကိုကိုနှင့် ပြတ်စဲ ရခြင်းအတွက် နွေ့ဘဝ ပျက်မသွားပါ။ နွေ့ ဘဝကို နွေ ဟန်မပျက် ဆက်လျှောက်နိုင်သည်။ လက်ထပ်ဖို့ ကြေငြာထားပြီးမှ ပျက်သွားရခြင်းအတွက် အကြောင်းစုံကို သိလျှင် ဘယ်သူမှ နွေ့ကို အပြစ်တင်မည် မဟုတ်ပါ။
*****
ကိုကို့ကို ဘယ်လောက်ပဲ စိတ်နာနေပါစေ၊ ဖုန်းပြောနေကျ အချိန်တွေမှာတော့ ကိုကို့ ကို သတိရမိဆဲ ဖြစ်သည်။ viber ဝင်လျှင်၊ facebook သုံးလျှင် ကိုကိုများ online ရှိသလား ကြည့်မိဆဲ ဖြစ်သည်။ ဘယ်လိုပဲ ဖြစ်ဖြစ် နွေ့ စိတ်ကတော့ ကိုကို့ကို စိမ်းကားနိုင်ဖို့ ကြိုးစားပြီး နေပါသည်။ အိမ်ကိုလည်း လက်မထပ် ဖြစ်တော့ကြောင်း ပြောပြီးပြီ။ သူငယ်ချင်းတွေကိုလည်း လက်ထပ်ပွဲ မဖြစ်နိုင်တော့ကြောင်း ကြေငြာလိုက်ပါပြီ။ facebook ဝင်ဖြစ်လျှင် နွေ့ ခံစားချက်ကလေးတွေ တစ်စွန်းတစ်စတော့ တင်ဖြစ်နေသေးသည်။

ရက်တော်တော်လေး ကြာတော့ ကိုကိုက နွေ့ကို online မှာ message ပို့လာသည်။ စကားစ ပြောလာသည်။ သူ့ဘက်က မပြတ်ချင်ပါ ဆိုသည့်အကြောင်း…။ တစ်လတောင် မကြာသေးသည့် ကာလအတွင်း အမျိုးမျိုး ပြောနိုင်သည့် ကိုကို့ စကားများကို နွေ ဘယ်လို ယုံပေးနိုင်မလဲ။ သူ မှားသွားပါတယ်၊ နွေ့ကို မမေ့နိုင်ပါ၊ နွေ့ကိုပဲ လက်ထပ်ချင်ပါတယ် ဆိုသည့် message တွေ နေ့စဉ်လို ဝင်လာသည်။ သူ့ ဖုန်းကိုတော့ block ထားပြီး နွေ မကိုင်တော့ပါ။ message တွေကိုတော့ နွေ မကြည့်ပဲလည်း မနေနိုင်ပါ။ နွေ ကိုကို့ကို ဝတ္တုတွေထဲ ရေးသလို အသည်းနင့်အောင် ချစ်ခဲ့ပါသည်။ ကိုကို့ကို ပြန်လက်ခံချင်ပါသည်။ သို့ပေမယ့် ပြန်လက်မခံ ရဲတော့ပါ။ ဒုတိယ အကြိမ်မြောက်မှာ ခွင့်လွှတ်ပေးခဲ့ပြီးလျှင်လည်း တတိယအကြိမ်၊ စတုတ္ထအကြိမ်တွေ ရှိမလာဘူး ဟု နွေ မယုံကြည်နိုင်တော့ပါ။ စစ်ဗိုလ် တစ်ယောက် အနေနှင့် သူ့ဘဝ ရှေ့ တက်လမ်းအတွက် နွေသည် အကောင်းဆုံး လက်ထပ်သင့်သူ ဆိုသည့်အနေနှင့် သူ့ ဆုံးဖြတ်ချက်ကို တည်အောင် ပြန်ကြိုးစားခြင်းလည်း ဖြစ်နိုင်သည်။

လက်လွှတ်သင့်သူကို လက်လွှတ်ရဲသည့် သတ္တိကို နွေ မွေးမြူထားပြီးပါပြီ။ ကိုကို ချော့တိုင်း နွေ စိတ်မယိုင်တော့ပါ။ ခွင့်မလွှတ် ထိုက်သူကို ခွင့်မလွှတ်ခြင်းကို နွေ့ အလွန်ဟု ကိုကို ဆိုချင်လည်း ဆိုပါစေ။  တစ်ယောက်တည်း ပြန်ဖြစ်သွားသည့် ဘဝကို နွေ ရင်ဆိုင်ရဲဖို့  ကြိုးစားနေပါသည်။ သစ္စာမဲ့ခြင်းကို ခဏ ခဏ ရင်ဆိုင်ရမည့်အစား တခဏတာ ရင်နာတာကိုပဲ နွေ ကြိတ်မှိတ် ခံလိုက်ပါတော့မည်။ လတ်တလောမှာ ကိုကို့ အပေါ် စိတ်ခံစားချက်တွေ ကျန်နေသေးသော်လည်း မကြာတော့သည့် အချိန်တစ်ခု အတွင်းမှာတော့ ချစ်ခြင်း မုန်းခြင်း ကင်းသည့် ဥပေက္ခာတရားနှင့် ကိုကို့ မျက်နှာကို ကြည့်နိုင်ပါလိမ့်မည်။

သိင်္ဂါကျော်
2.4.2015
11:47 PM