ချိုသော ချစ်သော ဒီဇင်ဘာ

ဒီဇင်ဘာက

တိတ်တိတ်ဆိတ်ဆိတ်လေး လှမ်းလာ…

နှင်းတစ်ပွင့်မှ မဝေတဲ့ နေရာမှာ နေထိုင်သူအတွက်

ရောက်နေမှန်းတောင် မသိလိုက်ရ။

အောက်တိုဘာတွေရော နိုဝင်ဘာတွေရော

နေ့တဓူဝထဲမှာပဲ မျောနေလေတော့

အမှတ်ရစရာ ဘာမှ မရှိတဲ့ နေ့တွေ

အကုန်လွယ်သွားတာ မသိလိုက်ဘူးပေါ့။

“Happy Birthday” တဲ့

Sweet December က တံခါးလာခေါက်မှ

ဖြတ်ခနဲဆို သတိရသွားတယ်

အသက်တစ်နှစ်တောင် ကြီးလာပြန်ပေါ့လား။

ဂါဝန်လှလှ ဝတ်ပြီး

ဆုတောင်းသံတွေကြားမှာ မွေးနေ့ကိတ်မှုတ်နေကြ

အလွှာထဲကလည်း မဟုတ်ဘူး။

မွေးနေ့ အလှူမင်္ဂလာ ခြိမ့်ခြိမ့်သဲ လုပ်နိုင်ကြတဲ့

အလွှာထဲကလည်း မဟုတ်ဘူး။

ရုံးကန်နေရတဲ့ ဘဝတွေအတွက်

အသက်တစ်နှစ်ကြီးလာတာဟာ

ဘာများ ဂုဏ်ယူစရာ ကောင်းသလဲကွယ်။

မသိလိုက်မသိဘာသာ မိုက်မဲ တွေဝေမှုတွေနဲ့

ဖြတ်သန်းခဲ့တဲ့ နေ့တွေထဲ

စိတ်တွင်းက အညစ်အကြေးတွေ

ဘယ်လောက်တောင်မှ များခဲ့သလဲ ဆိုတာ

ဘယ်နှခါများ ပြန်ဆန်းစစ်ဖူးကြသလဲ။

Sweet December ရေ

ကျေးဇူးတင်ပါရဲ့နော်..

သေဖို့ တစ်ရက်နီးလာတာကို သတိပေးတဲ့ အတွက်…။

ငါ့ကိုယ်ငါ ဆုံးမချင်တာလေးတွေ သတိရစေတဲ့ အတွက်..။

ငါတို့က ဧည့်သည်တွေပဲလေ…

ဘာကြောင့်များ အငြင်းပွားတိုက်ခိုက်မှုတွေနဲ့

နေ့ရက်တွေ အရုပ်ဆိုးအောင် လုပ်နေမလဲကွယ်။

တစ်ယောက်နဲ့ တစ်ယောက် နားလည်ပေးလိုက်ကြပါ..

ကိုယ်မကြိုက်တာကို လုပ်တာဟာ သူ့စိတ်ချမ်းသာမှုနဲ့ သူ့ဗီဇပဲ ဆိုရင်

ငါက ဥပေက္ခာပြုလိုက်ပါ့မယ်။

ချစ်ခြင်း မုန်းခြင်းတွေနဲ့ လောင်မြိုက်စေမယ့် နေ့ရက်တွေကို

ငါ့အပေါ် မသက်ရောက်စေအောင်

တတ်နိုင်သမျှ ကြိုးစားချင်တယ်။

ငါက ကမ္ဘာပေါ်မှာ အပျော်ရွှင်ဆုံး ဧည့်သည်ပါ

ချစ်သောသူများရဲ့ မေတ္တာနဲ့

ခါးသော နေ့ရက်တွေကိုတောင် ချိုသယောင်ပြုနိုင်ပါတယ်။

မမြဲတဲ့ သဘောတရားတွေထဲ

ဒုက္ခဆိုတာ ရှိခဲ့လည်း ခဏပဲပေါ့ မဟုတ်လား။

သူငယ်ချင်းများရေ…

ချိုသော ချစ်သော ဒီဇင်ဘာက စတင်ပြီး

ပျော်ရွှင်သော လှပသော ချိုမြိန်သော ချစ်ခြင်းပြည့်သော

နေ့ရက်များသာ အမြဲတမ်း ဖြစ်စေနော်…။

သိင်္ဂါကျော်

1.12.2012

10: 20 AM

အေပရယ်ဦးမှာ ဖူးသည့်ပန်း

 

တောက်ပတဲ့ နွေဦးရဲ့
တစ်နေ့သော နေရောင်အောက်
အေပရယ် မိုးစက် တစ်စက်နှစ်စက် သောက်သုံးရင်း
ဣနြေ္ဒကြီးတဲ့ ပန်းဖူးကလေး ဖြစ်တည်ခဲ့။

ငုံကာစကပဲ လောကကို အလှဆင်
ချိုသော မွှေးရနံရဲ့
ညွှတ်နူးဆွတ်ပျံ့စေမှုနဲ့
ပျော်ရွှင်မှုတွေကို ပျံ့နှံစေသူ။

သူ့ကိုယ်သူ ကာကွယ်နိုင်ဖို့
ဆူးဝတ်ရုံ ဝတ်ဆင်ထားတာကလွဲရင်
အဆိပ်တစ်စုံတရာ မရှိတဲ့ ခေါင်းမာမှုနဲ့
လွတ်လပ်ခြင်းကို မြတ်နိုးသူ။

ရိုးစင်းသောဘဝရဲ့ နှစ်လိုမှုထဲ
အသားကျနေလျှက်က
အိပ်မက်တွေကိုလည်း လက်မလွှတ်တတ်သူ။

သူမဟာ
သူ့ကိုယ်သူ အရောင်စွန်းထင်းခွင့်မပြုတဲ့
အဖြူရောင် ပန်းတစ်ပွင့် ဖြစ်ရဲ့။

ဥယျာဉ်ထဲက တော်ဝင်ပန်းကလေးလို

တိတ်ဆိတ်ခြင်းရဲ့ ငြီးငွေ့မှုအသံကို
ချစ်သောသူများနဲ့ အတူ နားထောင်ရင်း

Fairy ကလေးလို အသွင်ပြောင်းပြီး
ဟိုဝေးဝေး ပန်းခင်းတွေထဲ
ခိုးကြောင်ခိုးဝှက် ပျံသန်းပျော်ရွှင်မှုကို တောင့်တ။
တကယ်တမ်းတော့လည်း
Fairy ကလေး ခရီးလွန်သွားခဲ့ရင်
မလင်းတဝက် ညတွေထဲ
လမ်းပျောက်မှာ စိုးကြောက်စိတ်နဲ့
အသွင်ပြောင်းခြင်း သီအိုရီကို မေ့ပစ်ပြီး
ဥယျာဉ်ထဲက ပန်းကလေးအဖြစ်ပဲ
ရှိဆဲ.. မွှေးဆဲ.. လန်းဆဲ..။

(Fairy = နတ်သမီး သေးသေးကလေး)

April မှာမွေးတဲ့ ချစ်သော သူငယ်ချင်းမ နှစ်ယောက် အတွက်...

သိင်္ဂါကျော်

Sweet December ရဲ့ မွေးနေ့ :)

ဒီဇင်ဘာ ၁ ရက် နေ့က ကိုယ့် မွေးနေ့ မို့လို့ အလည်လာတဲ့ သူတွေကို ဧည့်ခံဖို့ ဖွယ်ဖွယ်ရာရာ လေးတွေ တင်လိုက်ပါတယ်။ ကိုယ်ရောက်နေတဲ့ နေရာနဲ့ ကိုက်အောင် ထူးထူးဆန်းဆန်း European food ၊ Dutch food လေးတွေ ရွေးပြီး တည်ခင်းလိုက်ပါတယ်။ နောက် အချိုပွဲ အတွက် ကိတ်မုန့် နဲ့ အသီးပေါ့နော်..။

 

အားလုံးပဲ ကြိုက်ရာ ရွေးပြီး သုံးဆောင်ကြပါ နော်..။

သိင်္ဂါကျော်

စိုးအတွက် အမှတ်တရ ...

ကိုယ်တို့ ကျောင်းတက်တုန်းက အခင်ဆုံး သူငယ်ချင်း သုံးယောက် ရှိပါတယ်။ တစ်ယောက်က chinese၊ တစ်ယောက်က indian ပါ။ ချောင်းသာ သွားကြတော့ အတန်းကြီး အစ်ကိုကြီးတွေက သတိထားမိသွားပြီး ချစ်ကြည်ရေးအသင်း လားလို့တောင် နောက်ကြပါတယ်။ Chinese မလေး ကတော့ အိမ်ထောင်ကျသွားပါပြီ။ သုံးယောက် အခင်အမင် တူကြပေမယ့် စိတ်ဓါတ်တို့ အကျင့်စရိုက်တို့ကျတော့ ကိုယ်တို့ နှစ်ယောက်က ပိုတူကြပါတယ်..။ သောကြာသမီး ချင်းလည်း တူ... ဒီဇင်ဘာမွေး ဓနုရာသီဖွား ချင်းလည်း တူတယ်လေ..။ ကိုယ့်မွေးနေ့က ဒီဇင်ဘာ ၁ ရက်၊ သူမ မွေးနေ့က ဒီဇင်ဘာ ၁၅ ရက်ပါ။

ကိုယ်တို့ နှစ်ယောက်က စာအုပ်ကြိုက်တာချင်းလည်း တူတယ်..။ ဘာသာပြန် စုံထောက် ဝတ္တုတွေဆို နှစ်ယောက်လုံး အသည်းအမည်း ကြိုက်ကြတယ်။ နိုင်ငံခြားကားဆို Action / Horror မှ ကြိုက်ကြတာ..။ ထွက်သမျှ ကားတွေ အကုန် အလွတ်မပေးပဲ ကြည့်ကြတာ..။ အရင်ကတော့ ငှားကြည့်၊ အခုတော့ ဝယ်ကြည့်ကြတယ်။ Korea Drama လည်း အလွတ်မပေးပါဘူး။ သီချင်း ဆိုလည်း ထွက်သမျှ အခွေ အကုန်နားထောင်။ Hip Hop ကို အစက ကိုယ်က မကြိုက်ဘူး၊ သူ အစလုပ်ပေးတာကို နားထောင်ရင်းနဲ့ တစ်ချို့ သိပ်မစစ်တဲ့ hip hop သီချင်းတွေ ကြိုက်သွားတယ်..(သိပ်စစ်ရင် စကားတွေပဲ ပြောတာလေ.. အဲဒါတော့ သိပ်မကြိုက်ဘူး၊ သူကတော့ အဲဒါမျိုးလည်း ကြိုက်တာပဲ။)

Master တက်တုန်းကဆို ပိတ်ရက်တိုင်းမှာ နှစ်ယောက်သား ရုပ်ရှင် မှန်မှန် ကြည့်ကြတယ်..။ ဟို သူငယ်ချင်း တစ်ယောက်က အိမ်ထောင်မကျခင် ကတည်းက ရုပ်ရှင် သိပ်မကြိုက်တဲ့သူမို့ အိမ်ထောင်လည်း ကျပြီးရော ပိုဆိုးတော့တာပေါ့။ လျှောက်လည်ချင်ရင် ကိုယ်တို့ နှစ်ယောက်ပဲ ရှိတော့တာလေ..။ (Master ဆက်မတက်တဲ့ တစ်ခြား သူငယ်ချင်းတွေကတော့ ကျောင်းပြီးတော့ နယ်ပြန်သွားကြတယ်လေ။) ကိုယ်တို့ နှစ်ယောက်က ရုပ်ရှင်ကြည့်ပြီး အပြန်မှာ ဖြစ်ဖြစ်၊ မကြည့်ခင် ဖြစ်ဖြစ် အိမ်ထောင်ကျသွားတဲ့ သူငယ်ချင်း အိမ်ကို ဝင်ပြီး ဟိုပြော ဒီပြော ပြောကြပေါ့။ သူကလည်း ကိုယ်တို့ လွတ်လွတ်လပ်လပ် သွားလာနေတာကို နည်းနည်းတော့ အားကျမှာပေါ့။ (ကိုယ့်အထင်ပြောတာပါ)။ သူ့ဆီက ပြန်လာပြီးတော့ ကိုယ်တို့ နှစ်ယောက်က ပြောကြသေးတာ.. “သူက ကျောင်းတုန်းက ဒီလောက်စာတွေ တော်တာ၊ ခုတော့ အိမ်ထောင်ရှင်မကြီး ဖြစ်ပြီး ဘာအလုပ်မှလည်း မလုပ်ဘူး၊ သူ့ ဘဝကြီးတော့ တုံးသွားပြီ၊ ငါတို့တော့ ဒီလို မနေနိုင်ပါဘူး” ဆိုပြီး အတင်းပြောကြသေးတာ...။ ဒီလို စိတ်ဓါတ်မျိုး ရှိလို့ ထင်ပါရဲ့။ နှစ်ယောက်သားက ကိုယ့်ဘဝကိုယ် ရုံးကန် အလုပ်လုပ်ပြီး အပျိုကြီး တွေပဲ ဖြစ်နေကြတာ..။ ဟိုသူငယ်ချင်းမကတော့ ဘာမှ အပူအပင်မရှိ အိမ်ထောင်ရှင်မ ဘဝနဲ့ သူ့ဟာသူ ပျော်ရွှင် အေးချမ်းလို့..။

သူ့မှာ ကိုယ်မကြိုက်တဲ့ အကျင့်တွေလည်း ရှိပါရဲ့။ ရုပ်ရှင်ကြည့်ဖို့ ချိန်းကြပြီဆို ကိုယ်ချည်း အမြဲတမ်း စောင့်ရတာပဲ။ အဲဒါနဲ့ သူ့ကို ပြောဖူးတယ်။ “သူငယ်ချင်းမို့သာ နင့်ကို ဒီလောက်စောင့်တာ.. ရည်းစားသာဆို ဒီလိုအမြဲနောက်ကျရင် ဖြတ်တာကြာပြီ” လို့...။ ကိုယ်တို့နှစ်ယောက် ဆိုတာ ဘယ်တော့မှ ကြော်ငြာတွေ၊ ရုပ်ရှင် Trialerတွေ ဘာတွေ မမီပါဘူး။ ဝင်လိုက်ရင် အမြဲတမ်း မီးက မှိတ်ပြီးနေပြီ။ တစ်ခါတစ်လေကျ အခွေကြည့်ပြီးပါလျက် မြင်ကွင်းကျယ် ကြည့်ချင်တယ် ဆိုပြီး ပြန်ကြည့်ကြသေးတယ်..။ မှတ်မိတာတော့ Mission Impossible တို့ Transformers တို့ ကို နှစ်ခါပြန်ကြည့်ကြတယ်...။ အဲလို ကားတွေကလည်း ရုပ်ရှင်ရုံမှာ ကြည့်ရတာ ပိုကောင်းတယ်လေ။ နိုင်ငံခြားကားပဲလား ဆိုတော့ .. မဟုတ်သေးဘူး။ တစ်ခါတစ်လေ  နိုင်ငံခြားကား ကြည့်စရာ မရှိတော့ရင် မြန်မာကားလည်း ကြည့်ကြတာပါပဲ...။ ပြီးတော့ တစ်ခါမှ အကောင်းမပြောကြဘူး။

ခု သူ Sg ရောက်သွားတော့ ကိုယ် ရန်ကုန် မှာ ရှိတဲ့အချိန်တောင် ရုပ်ရှင် မကြည့်ဖြစ်တော့ပါဘူး။ ကြည့်စရာ အဖော်လည်း မရှိဘူးလေ...။ အခွေပဲ ကြည့်ဖြစ်တော့တယ်...။ တစ်ခြား သူငယ်ချင်းတွေနဲ့ကြည့်ဖြစ်တာက ရှားပါတယ်..။ သူတို့က ကိုယ့်လောက် ဝါသနာ မကြီးကြဘူးလေ။ သူလည်း ဟိုမှာ အခွေ ဈေးကြီးလို့ ဒီမှာလို အမြဲမဝယ်နိုင်လို့ စိတ်ညစ်နေလေရဲ့။

ကိုယ်တို့ နှစ်ယောက်က shopping ကလည်း ထွက်သလား မမေးနဲ့။ အဓိကကတော့ သူကပိုဝယ်တာပါ။  အင်္ကျီ အဝတ်အစား၊ ဖိနပ်တွေ ဘာတွေ ကျတော့ သူနဲ့ကိုယ် အကြိုက်ချင်း မတူပြန်ဘူး။ သူက အိန္ဒိယနွယ်ဖွားမို့ သူကြိုက်တဲ့ အရောင်တွေ သူကြိုက်တဲ့ ရှုပ်ရှုပ်ရှက်ရှက်တွေ ကိုယ်က မကြိုက်ဘူး။ ဒါပေမယ့် မီးခိုးရောင် ကြိုက်တာချင်းကျတော့ တူပြန်ရော..။

ကိုယ် နိုင်ငံ့ဝန်ထမ်း အလုပ်ဝင်ဖြစ်တာ သူနဲ့ အတူတူ မို့လို့ပါ။ ပထမဆုံး ပိုစတင်ချတော့လည်း သူ့ဇာတိကို အတူတူပဲ။ ခုတော့ သူကထွက်ပြီး လွတ်လပ်စွာ ကိုယ့်ခြေထောက်ပေါ်ကိုယ်ရပ်နေပြီ။ ကိုယ်ကတော့ ခုထိ ဒီထဲမှာ ကျန်နေတုန်း။ သူသွားပြီးတော့ ကိုယ့်ကို အမျိုးမျိုး လိုက်ခဲ့ဖို့ ခေါ်ပါရဲ့။ ကိုယ့်က အဲလို သွားဖို့ အခြေအနေ မပေးလို့ပါ။ ပြောရရင် သူက အရင်ကတည်းက သူ့အိမ်မှာ သမီးကြီး၊ စီးပွားရေးကိုလည်း ဦးဆောင်ပြီး လုပ်နိုင်တဲ့သူပါ။ အဲဒါကို စီးပွားရေး မလုပ်ချင်ပဲ ကိုယ့်ပညာနဲ့ကိုယ်ပဲ ရပ်တည်ချင်တယ် ဆိုပြီး ထွက်သွားခဲ့တာပါ။ ကိုယ်တို့က ဘဝကို ဒီလို ရုံးကန်နေမှ အဓိပ္ပါယ် ရှိတယ်လို့ ထင်ကြသူတွေလေ..။ သူက ခုတော့ စိတ်ပျော့လာပြီ ထင်ပါရဲ့ ဘဝအဖော် ရှာဖို့ ရည်ရွယ်နေပြီ.. ကိုယ်လည်း မတားပါဘူး.. နှစ်ကိုယ်တူ အချစ်ဆိုရင် အဆင်ပြေကြဖို့ ဆုတောင်းပြီးသားပါ။ (သူလည်း ခုထိတော့ မတွေ့သေးဘူး ထင်ပါရဲ့)။ တာဝန် ဝတ္တရား တစ်ရပ် အနေနဲ့တော့ မလုပ်နဲ့လို့ သာ ပြောဖူးတာပါ။ သူ့အိမ်က ထုံးစံအတိုင်း အိမ်ထောင်ချပေးချင်တယ်လေ..။ သူက ကိုယ့်လို မဟုတ်ဘူး။ စွံတယ်။ လာတောင်းကြသူတွေ အများကြီး။ သူက တစ်ယောက်မှ မကြိုက်လို့ အဲလို ထွက်သွားတာလေ...။ ကိုယ်ကလည်း အားပေးတယ်.. မကြိုက်ရင် မယူနဲ့လို့။ အရင်က ပြောခဲ့ကြဖူးတယ်... အဲလို မယူလို့ အိမ်က အမွေပြတ်စွန့်ရင်လည်း နင်နဲ့ငါနဲ့ နှစ်ယောက် နေကြမယ် .. လို့..။

သူက ကိုယ့်ထက် အများကြီး ပေါင်းသင်းဆက်ဆံရေး ကောင်းတယ်...။ သောကြာသမီး ပီသစွာ စကားလည်း ပြောတယ်..။ ကိုယ်ကတော့ အရင်းအနှီး သူငယ်ချင်းတွေကလွဲရင် သိပ်စကားမပြောတတ်တဲ့သူပါ။ အခုတော့ ကိုယ်လည်း အသက်ကြီးလာလို့ အရင်လောက်တော့ မအေးတော့ဘူးပေါ့။ အရင်နှစ်က Sg ကို သွားလည်ကြတော့ သူ့ဆီ ရောက်သေးတယ်။ တစ်ခြား  အလုပ်တူ သူငယ်ချင်းတွေလည်း ပါတယ်လေ။ သူကတော့ နုပျိုလှပလို့ အလန်းပဲ...။ သူတင်မဟုတ်ပါဘူး။ နိုင်ငံခြား ရောက်နေသူတိုင်းပါပဲ။ ကိုယ်တို့ကတော့ ပုံစံခွက်ထဲမှာ နေရသူတွေမို့ ပိုပြီး ရင့်ရော်သလားလို့တောင် ထင်ရပါတယ်..။ အဲဒီတုန်းက သူ့တိုက်ခန်းမှာ သူချက်ကျွေးတဲ့ ထမင်း တစ်နပ် စားခဲ့သေးတာပေါ့။

သူနဲ့ ကိုယ် မတူတာတွေထဲမှာ .. သူက ထမင်း ဟင်း ချက် တာကို စိတ်ဝင်စားတယ်။ ကိုယ်ကတော့ ဟင်းချက်ရတာ အပျင်းဆုံး။ တစ်ယောက်တည်းဆို အမြဲတမ်း ဖြစ်သလို စားနေကြ။ သူကတော့ တစ်ယောက်တည်းလည်း အားနေရင်တော့ ကောင်းကောင်း ချက်စားတယ်။ မအားရင်သာ ဖြစ်သလိုစားတာ..။ ကိုယ်ကတော့ ဟင်းကို စိတ်ရှည်လက်ရှည် ချက်ဖို့ ဘယ်တော့မှ မအားဘူး.. ဟီးဟီးး။

အပြင်မှာ သူနဲ့ ကိုယ် မတွေ့ရတာ တစ်နှစ်ကျော်ပြီပေါ့..။ Online မှာတော့ တွေ့နေပါတယ်..။ ကိုယ့်အလုပ်နဲ့ ကိုယ် ဆိုတော့ စကားတော့ သိပ်မပြောဖြစ်ကြဘူးပေါ့။

မွေးနေ့ကိတ်ကို ဒီကပဲ ပို့လိုက်တယ်နော်...

ဒီဇင်ဘာ ၁၅ ရက်မှာ ကျရောက်မယ့် သူငယ်ချင်း စိုး မွေးနေ့မှာ ပျော်ရွှင်ပါစေ...။ ရည်မှန်းချက်အတိုင်း အောင်မြင်အောင် ကြိုးစားနိုင်ပြီး ဖူးစာရှင် ချောချောလေးနဲ့လည်း တွေ့ဆုံနိုင်ပါစေ...။ သည်နှစ် မွေးနေ့မှသည် နောင်လာမယ့် မွေးနေ့ပေါင်းများစွာတိုင်အောင် ဆန္ဒနဲ့ ဘဝ တစ်ထပ်တည်း ကျနိုင်ပါစေ လို့ ဆုတောင်းပေးလိုက်ပါတယ်...။

သိင်္ဂါကျော်

14.12.2009

11:33

ချိုသော မွေးနေ့ ဒီဇင်ဘာ

နှင်းမကျတဲ့ နေရာမှာ မွေးပေမယ့်

ဒီဇင်ဘာရဲ့ နှင်းတွေကို ငါချစ်တယ်

ခပ်ပြင်းပြင်း မတိုက်တဲ့ မြောက်လေထဲ

နှင်းရနံတွေ ဝေနေတာကို ကြိုက်တယ်။

တိတ်ဆိတ်တဲ့ တောအုပ်ထဲ

သစ်ပင်ထိပ်ဖျားမှာ အဖြူရောင်နှင်းတွေ

နေမပြင်းခင် ဝေနေတာကို သဘောကျတယ်၊

ခပ်ဖွဲဖွဲပဲပေါ့…

ဆောင်းဦးသစ်ရွက်တွေကိုတော့

မချွေစေချင်ပါဘူး။

လရောင်အောက်မှာ

ဦးထုပ်မဆောင်းပဲ လမ်းလျှောက်နေတုန်း

ပထမဆုံးနှင်းတွေ ကြွေတာမြင်လို့

ပျော်သလို အပျော်မျိုးက

ဒီဇင်ဘာရဲ့ အလှတရားပဲ။

တောင်ပေါ်သူ မဟုတ်ပေမယ့်

နှင်းမြူဆိုင်းတဲ့ တောင်တန်းတွေကိုလည်း

မက်မက်မောမော ကြည့်ချင်တယ်။

အဲဒီနှင်းစက်တွေကို တောင်းပန်ချင်တာ

မြက်ခင်းစိမ်းပေါ်ကိုတော့

ကြိုက်သလောက် ဖြန့်ကျဲလိုက်ပေါ့၊

ဆောင်းပန်းပွင့်တွေ အပေါ်တော့

ညင်ညင်သာသာလေးပဲ ကျပါနော..။

“ပြည်မှာဆောင်း” ဆိုတဲ့

ခင်ဝမ်း သီချင်းကို ကြားရင်

ဘယ်နေရာ ရောက်ရောက်

မွေးရပ်ကို လွမ်းတယ်။

1^st December ရဲ့ နံနက်ခင်း မှာ

ဒီလောကထဲကို စရောက်ခဲ့တယ်

ချမ်းသာ ဆင်းရဲ ဘယ်လိုပဲ ဖြစ်ဖြစ်

ဘုရားအလို အတိုင်းပဲလို့

ပျော်ပျော်နေခဲ့ပါတယ်၊

သမီးကို ခေါ်ဆောင်ခဲ့လို့

ကျေးဇူးပါပဲ မေမေ…။

ချမ်းအေးတဲ့ ဟေမန်ဆောင်းကို ချစ်တယ်…

Sweet December ကို ချစ်တယ်…

ငါ့ကို ချစ်တဲ့

သူငယ်ချင်းတွေ အားလုံးကို ချစ်တယ်…

ခရစ်ယာန် မဟုတ်ပေမယ့်

ခရစ္စမတ်စ် ကိုလည်း ချစ်တယ်…

ဒီဇင်ဘာရေ…

ငါ့အိပ်မက်တွေ အကောင်အထည်ဖော်ဖို့

ခွန်အားပေးပါနော်…။

သိင်္ဂါကျော်

1.12.2009

2:11 PM