ဘုန်းကြီးနှစ်ပါး

တစ်နေ့တွင် ဘုန်းကြီး နှစ်ပါး သည် မြစ်ကမ်းနား တစ်ခုသို့ ရောက်လာကြသည်။ ထိုနေရာတွင် အဝတ်အစား ကောင်းကောင်းမွန်မွန် ဝတ်ထားသော မိန်းကလေး တစ်ယောက်ကို တွေ့သည်။ သူမသည် သူမ၏ အဝတ်များကို ရေစိုမှာ စိုး၍ ရေထဲ ဖြတ်ကူးရန် မဝံမရဲ ဖြစ်နေသည်။ တစ်ပါးသော ဘုန်းကြီးသည် သူမကို သူ၏ ကျောတွင် ထမ်းပိုး၍ မြစ်ကို ဖြတ်ကူးလာခဲ့သည်။ တစ်ဖက်ကမ်းသို့ ရောက်သောအခါ ချထား၍ သူတို့ ခရီးကို ဆက်သွားကြသည်။

တစ်နာရီခန့်ကြာသောအခါ တစ်ခြားဘုန်းကြီးက “ဒီမယ် ငါ့ရှင် တကယ်တော့ မာတုဂါမကို မထိတွေ့ကောင်းဘူး မဟုတ်လား၊ ဒီလို ပြုမူတာဟာ ဝိနည်းကို ချိုးဖောက်တာပဲ” လို့ ထပ်ကာ ထပ်ကာ ပြောလာပါသည်။ ထိုအခါ မိန်းကလေးကို သယ်ဆောင်ခဲ့သော ဘုန်းကြီးက ပထမတော့ ဆိတ်ဆိတ်နေသေးသည်။ နောက်တော့ သူက “ငါက သူမကို မြစ်တစ်ဖက်ကမ်းမှာပဲ ချထားခဲ့ပါပြီ၊ ငါ့ရှင်က ဘာလို့များ ဒီအထိ သယ်လာရသေးတာတုန်း” လို့ ပြောလိုက်တော့သည်။

Chicken Soup for the Soul စာအုပ်မှ Irmgard Schloegl ၏ Two Monks ကိုမှီငြမ်းပါသည်။ ဒီလိုမျိုး ဆန်ဆန် ပုံပြင်မျိုး အရင်ကလည်း ဖတ်တော့ ဖတ်ဖူးပါလိမ့်မယ်။ စာရှည်ရှည် မရေးနိုင်သေးလို့ တင်လိုက်တာပါနော်...။

မြင်း ၁၉ ကောင်

သူဌေးကြီး တစ်ယောက် သေဆုံးသောအခါ သူပိုင်တဲ့ မြင်း ၁၉ ကောင် ကျန်ခဲ့ပါတယ်။ သူမသေခင် မှာခဲ့တာကတော့ သူပိုင်မြင်းတွေထဲက တစ်ဝက်ကို သူ့သားကို ပေးပါ၊ လေးပုံတစ်ပုံကို ရွာဦးကျောင်းကို လှူပါ၊ ငါးပုံတစ်ပုံကို တော့ သူ့ရဲ့ သစ္စာရှိ အစေခံကို ပေးပါ လို့ ပြောခဲ့ပါတယ်။

ရွာ အကြီးအကဲတွေက ခွဲဝေပေးဖို့ ကြိုးစားပေမယ့် ဘယ်လိုမှ မဝေခွဲနိုင်ပဲ နှစ်ပတ်ခန့် ကြာသွားပါတယ်။ နောက်ဆုံးတော့ အနီးအနား ရွာတစ်ရွာက ပညာရှိတစ်ယောက်ကို ဖိတ်ခေါ်ပြီး မေးဖို့ ဆုံးဖြတ်လိုက်ကြပါတယ်။

ပညာရှိပုဂ္ဂိုလ်ဟာ မြင်းတစ်ကောင်စီးပြီး လာရောက်ခဲ့ပါတယ်။ ရွာအကြီးအကဲများက သူဌေးကြီးရဲ့ အမွေ ပြဿနာကို မေးကြပါတယ်။ ပညာရှိဟာ လုံးဝ နှောင့်နှေးခြင်း မရှိပဲ ပြဿနာကို ချက်ချင်း ဖြေရှင်းပေးလိုက်ပါတယ်။

သူဟာ မြင်း ၁၉ ကောင်ကို စီထားလိုက်ပြီး သူပိုင် မြင်းတစ်ကောင်ကို ပေါင်းထည့်လိုက်တော့ မြင်းအကောင် ၂၀ ဖြစ်သွားပါတယ်။ အခုတော့ တစ်ဝက်ကို လွယ်လွယ်ကူကူ ခွဲလို့ ရသွားပါတယ်။ တစ်ဝက်ဖြစ်တဲ့ မြင်း ၁၀ ကောင်ကို သူဌေးကြီးရဲ့ သားကို ပေးလိုက်ပါတယ်။ အကောင် ၂၀ ရဲ့ လေးပုံတစ်ပုံ ဆိုရင် ၅ကောင်ပါ။ ရွာဦးကျောင်းက ဆရာတော်ကို မြင်း ၅ ကောင် လှူလိုက်ပါတယ်။ အကောင် ၂၀ ရဲ့ ငါးပုံတစ်ပုံက ၄ကောင်ပါ။ မြင်း ၄ကောင်ကို သူဌေးကြီးရဲ့ အစေခံကို ပေးလိုက်ပါတယ်။ ၁၀ ကောင် ရယ်၊ ၅ကောင်ရယ်၊ ၄ကောင်ရယ် ပေါင်းတော့ ၁၉ ကောင်ပါ။ ကျန်တဲ့ တစ်ကောင်ကတော့ ပညာရှိရဲ့ မြင်းပါ။

အဲဒီလို ခွဲပေးလိုက်တော့ ရွာသားတွေလည်း အံသြမင်တက်နေရာက ကျေနပ်နှစ်သိမ့်မှုနဲ့ နှစ်ထောင်းအားရ ဖြစ်သွားကြပါတယ်။

“ကျွန်တော်တို့ရဲ့ နေ့စဉ်ဘဝ၊ နေ့စဉ် အဖြစ်အပျက်တွေမှာ မြတ်စွာဘုရားရဲ့ ဂုဏ်ကျေးဇူးတော်ကို မမေ့မလျော့ပဲနဲ့ နေ့စဉ် ဖြစ်ပျက်သမျှကို ရင်ဆိုင်ပါ။ မကျော်လွှားနိုင်ဘူးလို့ ထင်ရတဲ့ ဘဝရဲ့ ပြဿနာတွေကို အမြဲတမ်း ဖြေရှင်းနိုင်ပါလိမ့်မယ်” လို့ ပညာရှိက ပြောပါတယ်။

သူက ဆက်ပြောပါတယ်။
“ဘုရားရှင်ရဲ့ သြဝါဒတွေကို ပေါင်းစပ်ထည့်သွင်းလိုက်ရင် နေ့စဉ် လူနေမှုဘဝမှာ ကြုံတွေ့ရတဲ့ ပြဿနာတွေဟာ ပေါ့ပါးပြီး ရေခဲဟာ နေရောင်အောက်မှာ အရည်ပျော်ကျ သလိုပဲ ပျောက်ကွယ် သွားပါလိမ့်မယ်။ လူတိုင်းအပေါ်မှာ စစ်မှန်သော မေတ္တာထားပါ။ ဘုရားသခင်ကို ယုံယုံကြည်ကြည် ကိုးကွယ်ဆည်းကပ်ပါ။ စစ်မှန်တဲ့မေတ္တာ မထားနိုင်ခဲ့ရင်တော့ ရေမရှိတဲ နေရာမှာ လှေလှော်ရသလို ဖြစ်ပါလိမ့်မယ်။ ရေပေါ်မှာ လှေလှော် ရတာ လွယ်ကူသလောက် ခြောက်သွေ့တဲ့ မြေပေါ်မှာ လှေလှော်ရတာဟာ ခက်ခဲလှတယ် မဟုတ်ပါလား။”

“အဲဒီလိုပါပဲ ကျွန်တော်တို့ရဲ့ ဘဝလှေဟာ စစ်မှန်တဲ့ မေတ္တာတရား အပြည့်နဲ့ ရေပေါ်မှာ မျောနေခဲ့ရင်တော့ လွယ်လွယ်ကူကူ ရွက်လွှင့်နိုင်ပါလိမ့်မယ်။ သန့်စင်တဲ့ စိတ်ထဲမှာ ဘုရားရှင်ကိုယုံကြည်မှု သဒ္ဓါအပြည့်နဲ့ မြတ်စွာဘုရားရဲ့ သြဝါဒတော်တွေကို ပေါင်းစပ်ပြီး နေထိုင်သွားမယ်ဆိုရင် ကျွန်တော်တို့ရဲ့ ဘဝခရီးဟာ လွယ်ကူချောမွေ့ ပါလိမ့်မယ်”

သိင်္ဂါကျော်
3. 8. 2009, 9:50 pm.

www.mastimaza.jimdo.com မှ 19 Horses ကို မှီငြမ်းပါသည်။

နံရံ

ဘယ်တုန်းက စခဲ့မိမှန်းမသိတဲ့
နံရံတစ်ခုကို
မြင့်သထက်မြင့်အောင်
ငါဆောက်ခဲ့မိပေါ့၊
အပြင်ကလူတွေ
ငါ့ကို မမြင်နိုင်စေမယ့် ရည်ရွယ်ချက်နဲ့။

ငါ့ရဲ့နံရံက နိမ့်နေသေးရင်
မှီမယ့်သူရှိမယ်၊ ကျော်ဝင်မယ့်သူ ရှိမယ်၊
သူတို့အသံတွေ ငါကြားရမယ်၊
ဒါကြောင့်...
ငါ့နံရံကို ငါဆက်ဆောက်တယ်။
ကျောက်တုံးတွေပေါ်မှာ ဆေးရေးတယ်၊
ပြတင်းတွေကို ဆေးရောင်ခြယ်တယ်၊
အပြင်က မမြင်သာအောင်ပေါ့။
အပြင်ကလူတစ်ချို့
ဝမ်းနည်းစွာ ရပ်စောင့်ကြည့်ကြ
ငါထင်တာတော့
သူတို့ ငါ့ကို မနာလိုတာပဲ။

ငါ့နံရံကို
ပြီးပြည့်စုံအောင် ဆောက်ဖို့
ငါ့အချိန်တွေ အကုန်သုံးခဲ့တယ်။
ပြီးသွားတဲ့တစ်နေ့မှာတော့
ဘယ်သူ့ကိုမှ ငါမမြင်ရတော့။
အပြင်ကို ခေါ်ကြည့်လည်း
ဖြေသံက နတ္တိ။
မှောင်မည်းတဲ့ နံရံရဲ့ အတွင်းဘက်
ညစ်ညမ်းတဲ့လေထုထဲ
ငါထိုင်နေဆဲ
တိတ်ဆိတ် မှောင်ပိတ်တဲ့ အထီးကျန်ဆန်မှုနဲ့ပေါ့။

ငါ့မှတ်ဥာဏ်အရိပ်အောက် ထိုင်နေဆဲ
တစ်နေ့မှာ
ငါ့နံရံရဲ့ မပြည့်စုံမှုကို ငါတွေ့ခဲ့တယ်။

တစ်ဖက်ခြမ်းက
တစ်စုံတစ်ယောက်ကလည်း
ပြောနေတယ်...
မင်းရဲ့နံရံက အရုပ်ဆိုးတယ် တဲ့။
အဲဒီနေ့မှာပဲ
ငါ့ခြေထောက်ပေါ် ပန်းတစ်ပွင့်ကျလာပြီး
ငါလည်း စတင်ငိုကြွေးမိတယ်။
နံရံ ထိပ်ဆုံးရောက်အောင်
ငါတက်ကြည့်လည်း
အဲဟိုဘက်မှာ ဘယ်သူမှမရှိ။

ငါ့နံရံ ဘယ်လောက်မြင့်မြင့်
ချို့ယွင်းချက်နဲ့ မလှပမှုတွေပဲရှိတယ်၊
အရာတိုင်းက အလကားပဲ၊
ဘာမှ မကျန်ဘူး၊
ငါတစ်ယောက်တည်းပဲ အထီးကျန်ရတယ်။
ငါ့မျက်ရည် စီးကျရင်းငြီးတွားစဉ်
ထူးဆန်းစွာ တစ်စုံတစ်ခု တိုးဝင်လာရဲ့
ဘုရားသခင် ငါ့နံဘေး ရှိသလိုမျိုး
ငါ အထီးမကျန်တော့ပါ။

တစ်နေ့ပြီးတစ်နေ့
သူက ငါ့ကို သင်ပေးတယ်
ငါ့နံရံ ဘာလို့ အရုပ်ဆိုးရတဲ့ အကြောင်း။
ပထမဆုံး ဖယ်ပစ်စေခဲ့တာ
မနာလိုမှုဆိုတဲ့ ကျောက်တုံးပဲ။
ငါအင်တင်တင် ဖြစ်ပြီးမှ ဖယ်ပစ်ခဲ့ရ။
အဲဒီနောက် တစ်ခုပြီးတစ်ခု…။

ငါ့ဘဝ တစ်သက်တာ
စုဆောင်းခဲ့တဲ့
ကျောက်စိုင် အစုအဝေးတွေကျန်သေးရဲ့
အမှန်ပြောတတ်တာ...
ကလေးဆန်တာ...
ခေါင်းမာပြီး ဇွတ်တရွတ်နိုင်တာ...
ကျောက်တုံးပေါင်းများစွာ
အဆုံးမှာတော့
သူ့အကူအညီနဲ့
နံရံကနေ ဖယ်ပစ်ခဲ့ပေါ့။
ဒါနဲ့တောင်
နောက်ထပ်အများကြီး
ကျန်သေးရဲ့။
ငါ့ဘဝရဲ့ ဂုဏ်မောက်စရာတွေလေ။
ဒါတွေရဖို့
ငါ ကြိုးစားခဲ့ရ၊
ငါ မောပန်းခဲ့ရ။
ဘယ်လို လွယ်လွယ်
ဖယ်ရမလဲ။

ဘာပဲဖြစ်ဖြစ်
အပြင်က ကမ်းလက်တွေကိုကြိုဖို့
ငါ့နံရံကို ငါဖယ်ခဲ့တယ်။
တစ်နေ့မှာတော့
ဒီနံရံ ပြိုကျလိမ့်မယ်...။
ငါတို့လည်း
တစ်နေရာနဲ့ တစ်နေရာ
လွတ်လပ်စွာ လျှောက်လှမ်းနိုင်တော့မယ်။
အားလုံးဟာ
ဘုရားသခင်ရဲ့
မိသားစုဝင်တွေပါ။

...

(သိင်္ဂါကျော်)

The Wall ကို မှီငြမ်းပါသည်။

...