ခရစ္စမတ် ချစ်သူ (၂)

ခရစ္စမတ် ချစ်သူ ရဲ့ အဆက် မဟုတ်ပါ။ မေသို့ လွမ်းချင်း ရဲ့ အဆက် ဟု ဆိုလိုက ဆိုနိုင်ပါသည်။

............................................................................................................................................................

ပြန်လာမယ် မသေချာတဲ့ သူ တစ်ယောက်ကို စောင့်မျှော်နေတာ မေ့ ရဲ့ ရူးနှမ်းမှုတစ်ခုသာပါပဲ။ ဘယ်လောက် ကြာခဲ့ပြီ ဆိုတာ ရေမထားပေမယ့်လည်း မှတ်မိနေခဲ့သည်။ သူနဲ့ အတူ မရှိနိုင်တဲ့ ဒီဇင်ဘာက အခုဆို သုံးခုမြောက် ဖြစ်နေပြီ။ ဒီဇင်ဘာ ဆို အားလုံးရဲ့ စိတ်ထဲ လွမ်းချင်လာကြသည်။ မေ လို အလွမ်းဓါတ်ခံ ရှိတဲ့သူ အဖို့တော့ ပိုဆိုးတော့သည်။ ဒီဇင်ဘာ အလွမ်း ကဗျာတွေ ဖတ်ပြီး လွမ်းသည်။ မေ ကိုယ်တိုင် ကဗျာ မရေးတတ်ပေမယ့် မေက ကဗျာတွေကို ချစ်သည်။ ကဗျာ တွေ ရေးတတ်သော သူ တစ်ယောက်ကို လည်း ချစ်သည်။ ဒီဇင်ဘာ သီချင်းတွေ နားထောင်ပြီး လွမ်းသည်။ Tayer Swift ရဲ့ Back To December ကို နားထောင်ပြီးလည်း လွမ်းသည်။ Hudrey Hannah ရဲ့ It’s December ကို နားထောင်ပြီးလည်း လွမ်းသည်။

အခု မေ နေသော မြို့ကလေးကလည်း မြန်မာပြည်ထဲက အအေးဓါတ်ပိုသော မြို့ကလေးပါပဲ။ ဒါပေမယ့် ဆောင်းက ဟိုအရင် ကြုံဖူးတဲ့ ဥရောပ ဆောင်းလို မပြင်းထန်ပါ။ အဲဒီတုန်းက ဆောင်းကို သူနှင့် အတူသာ မဖြတ်သန်းရလျှင် မေ ခံနိုင်ပါ့မလား မသိ။ အဲဒီက လေတွေကိုက အေးစက်ကြမ်းရှ နေသည်ဟု ထင်သည်။ ဒီဇင်ဘာမှာ ရွာတတ်သည့် မိုးတွေကိုလည်း မေက မုန်းသည်။ အပြင်ထွက်လျှင် လက်အိတ်စွပ်ရမှာ သဘောမကျတတ်သည့် မေ့ လက်တွေ အေးနေလျှင် သူ့ လက်တွေနှင့် အတူတွဲရင်း နွေးလာစေခဲ့ဖူးတာကို သတိရသည်။ အခုတော့ မေ့ လက်ကို တွဲမယ့်လူက အနားမှာ မရှိတော့။ အပြင်မှာ ဆောင်းလေ တွေ တိုက်နေတဲ့ အသံတွေ ကြားရင်လည်း ဟို အရင် ဆောင်းညတွေကို သတိရသည်။ လေတွေ တိုက်လို့ ကြောက်တယ် ဆိုပြီး သူနှင့် တစ်ညလုံး နီးပါး ဖုန်းပြောရင်း နေခဲ့ဖူးသည်။

အရင်က ပန်းချီပြခန်းတွေဆို သွားကြည့်တတ်လေ့ မရှိသည့် မေက အခုတော့ သွားကြည့်ရင်း သူ့ကို လွမ်းနေတတ် ခဲ့သည်။ သူနှင့် အတူ ပြတိုက်မှာ ပန်းချီကားကို ကြည့်ရင်း သူပြောပြသည့် ပန်းချီကားတွေ အကြောင်း နားထောင်ခဲ့ဖူးတာကို သတိရသည်။ သူ ရွတ်ပြသည့် ကဗျာတွေကို နားထောင်ဖူးခဲ့တာကို လွမ်းသည်။ သူ ညွှန်းခဲ့ဖူးသည့် ကဗျာ ဘလော့တွေကို ခုထိ အမြဲ သွားဖတ်ဖြစ်သည်။ နှစ်ယောက်သား အတူတူ ကြိုက်ခဲ့ဖူးသော အင်္ဂလိပ် သီချင်းတွေ နားထောင်ရင်းလည်း သတိရနေမိဆဲ..။ သူက မေ့ထက်စာလျှင် အများကြီး ပိုချောသည်ဟု ဆိုနိုင်သည်။ မေ့ထက် ပိုပြီးလည်း စမတ်ကျသည်။ သူ အပြုံးတိုင်းကိုလည်း မေက စွဲမက်ခဲ့သည်။ သို့ပေမယ့် အဲဒါတွေကြောင့် သူ့ကို ချစ်ခဲ့တာတော့လည်း မဟုတ်ပါ။ Avil ရဲ့ I Love You သီချင်းကို နားထောင်ရင်း မေခံစားချက်ကို စပ်ထားသလိုပဲ ဟု တွေးနေမိသည်။

အခုတော့ မေ့ အလွမ်းတွေကို ဘယ်သူ့ကိုမှလည်း မကြေငြာရဲပဲ တိတ်တိတ် လွမ်းနေရသည်။ အများအမြင်မှာတော့ မေဟာ လွမ်းစရာ မရှိသည့် အပျိုကြီးပေါ့။ ဝေးခဲ့ပြီးသည့် ချစ်သူကို မေ့ ချစ်သူ ရယ်ပါ လို့ ဖွင့်ဟ ပြောလို့ သင့်ပါ့မလားလေ။ သူ မပေးခဲ့သည့် ကတိတွေကို  မေ ရူးသွပ်စွာ မျှော်လင့် နေမိတာက တစ်ကဏ္ဍပေါ့။ ကိုယ် ဘယ်တော့ ပြန်လာမည် ဟု သူ မေ့ကို ကတိမပေးခဲ့ပါ။ မေ့ကိုသာ “ကိုယ်ပြန်လာတဲ့ အထိ မေ စောင့်နေမှာလား” တဲ့။ မေ ကတိ မပေးခဲ့ပါ။ သို့ပေမယ့် မေ သူ့ကို ခုထိ စောင့်နေတာ သူ သိနိုင်ပါ့မလား။ “ခရစ္စမတ်တိုင်းမှာ မေ နဲ့ အတူ ရှိချင်တယ်” လို့ ဆိုခဲ့သူက မေ့ကို ခရစ္စမတ်နှစ်ခု တိုင်တိုင် တစ်ယောက်တည်း ဖြတ်သန်းစေခဲ့ပြီးပြီ။ ဒီနှစ် ခရစ္စမတ်လည်း မေ တစ်ယောက်တည်းပဲ ဖြတ်သန်း ရဦးမည်။

နှစ်ယောက်လုံး ကွန်ပျူတာ နှင့် အင်တာနက်ကို အမြဲသုံးနေသူများ ဖြစ်ပါလျှက် သူနှင့် မေဟာ chat ထဲမှာလည်း အဆက်အသွယ် မရှိခဲ့တာ သူများတွေ ကြားလျှင် ရယ်စရာများ ဖြစ်နေမလား။ Facebook ထဲမှာတော့ သူ ရှိနေခဲ့ဖူးသည်။ သို့ပေမယ့် သူက ဒီ facebook ကိုလည်း ဘယ်တော့မှ ဖွင့်ပုံမပေါ်ပါ။ သူ နှင့် မေဟာ သုံးလေး ငါးလ ကြာမှ တစ်ခါလောက် Mail အဆက်အသွယ် ရှိကြသည် ဆိုလျှင် ဘယ်သူ့ကို အပြစ်တင်ကြမလဲ။ သူငယ်ချင်းတွေကို ပြောလျှင် အဲလို လူတစ်ယောက်ကို မေ့လိုက်ပါတော့ လို့ မေ့ကို ပြောကြမည် ဆိုတာ ကြိုသိနေသဖြင့် မေ့ ခံစားချက်တွေကို ဘယ်သူ့ကိုမှ ဖွင့်ဟ မပြခဲ့ပါ။ သူငယ်ချင်း မင်္ဂလာဆောင်တွေမှာ အပြုံးနဲ့ တက်ရင်း၊ အပျိုကြီး မစွံသေးဘူးလား ဆိုတဲ့ စကားတွေကို နားထောင်ရင်း မေ့ ရင်ထဲက အနာကို ကျက်အောင် မနည်းကြိုးစား နေခဲ့ရသည်။

မေ့ကို Propose လုပ်နေသည့် အဲဒီ တစ်ယောက်ကလည်း မေ့ရင်မှာ တစ်စုံတစ်ယောက် ရှိနေပြီးသား ဆိုတာကို မယုံလေဘူး တဲ့။ မေ သူ့ကို အကြောင်းရှာပြီး ငြင်းနေသည် ဟု ထင်နေသည်။ မေ့မှာ သူ့ကို မချစ်ရသည့် အကြောင်းပြချက် တွေကိုပဲ reasonable ဖြစ်အောင် ထပ်ရှာရမလို။ မေမေ ကလည်း ဒီတစ်ယောက်ကို သဘောကျကာ နေပြန်ပြီ။ မေ ငြင်းဦးမည် ဆိုတာကို မသိလေရော့သလား မေမေ ရယ်။ အရင်တုန်းကလည်း မေ ငြင်းပြီးတာ ဘယ်နှစ်ယောက်တောင်လဲ မေမေ မှတ်မိသေးရဲ့လား။ မေ ငြင်းလိုက်လျှင် ဇွတ်အတင်း မစီစဉ်ရှာသည့် မေမေ့ကိုပင် ကျေးဇူးတင်ရဦးမည်။ အိမ်ထောင်ပြုခြင်း ဆိုသည်ကို တာဝန်ဝတ္တရား တစ်ရပ်လို ဘာကြောင့် လုပ်ရမလဲ။ မေ မလုပ်နိုင်ပါ။ ပွင့်လွှာမေက ယောက်ျားတစ်ယောက် ကို မှီခို အားကိုးမှ နေနိုင်တော့မည် သူလည်း မဟုတ်ပါပဲ။ မေမေက ဘာကြောင့် မေ့ကို အိမ်ထောင်ပြုစေချင် နေသလဲ မစဉ်းစားတတ်တော့ပါ။

မေ ဟိုမှာ အလုပ် ဆက်လုပ်လို့ ရသေးလျှက်နဲ့ မေမေက မေ့ကို ပြန်လာစေချင်တာနဲ့ပဲ အချိန်တိုလေးနဲ့ ပြန်လာခဲ့ပြီးပြီ။ မေကိုယ်တိုင်လည်း မေမေ တစ်ယောက်တည်းကို စိတ်မချ၍ ပြန်လာခဲ့တာပါ။ မုဆိုးမ တစ်ယောက်တည်း ဘဝနှင့် မေ့ကို ပြုစုပျိုးထောင်ခဲ့သူမို့ မေမေ့ စကားဆို မေ့ တစ်သက်လုံး နားထောင်ခဲ့သည်။ သို့ပေမယ့် ဒီတစ်ခုတော့ နားမထောင်ပါရစေနဲ့ လို့ မေမေ့ကို တောင်းပန်ခဲ့ရသည်။ မေမေကလည်း မေ ဘာကြောင့် အိမ်ထောင်ပြုဖို့ကို ဒီလောက် ငြင်းဆန်ရသလဲ နားမလည် နိုင်ခဲ့ပါ။ မေမေ လက်ခံနိုင်အောင် ပြောဖို့လည်း မေ့မှာ အကြောင်းအရာ မရှိပါ။ မေမေ စီစဉ်တာတွေကို မကြိုက်ရင် သမီးမှာ ချစ်သူ ရှိလို့လား တဲ့ မေမေက မေးတော့ မေ့မှာ ဖြေစရာ မရှိခဲ့ပါ။

ခုနေ သူ့စိတ်ထဲ မေ ရှိချင်မှ ရှိတော့မည် ဆိုတာလည်း မေ တွေးထားပါသည်။ အထီးကျန်မှုကို မလွန်ဆန်နိုင်တာနှင့်ပဲ အနီးအနား တစ်ယောက်ယောက်နှင့် လက်ချင်းတွဲနေနိုင်သည် ဆိုတာလည်း မေ နားလည်ပါသည်။ သူ့ဆီကို မေ mail မပို့တော့တာ ခြောက်လ ရှိခဲ့ပြီ။ သူ့ဘက်ကလည်း ဘာမှ ပြန်မပို့ခဲ့ပါ။ မေ သူ့ကို သံယောဇဉ် ဖြတ်မှ ဖြစ်မည်ကို နားလည်ပါလျက်နှင့် စွဲလမ်းစိတ်က တစ်ထောင့်တစ်နေရာမှာ ရှိမြဲ ရှိနေခဲ့သည်။ ခုချိန်ထိ သူ မေ့ကို တကယ် ချစ်ခဲ့တယ် ဆိုတာကိုတော့ ယုံကြည်နေချင်သေးသည်။ တစ်နေ့မှာ သူ့ဘဝ အတွက် လက်တွဲရမည့် မိန်းကလေး တစ်ယောက်ကို ရှာတွေ့မှာပဲလေ။ သူ မေ့ဆီကို wedding invitation တော့ ပို့မှာပါ။ အဲဒီ အချိန်အထိ မေ မျှော်လင့် နေချင်သေးသည်။ အဲဒီ နောက်ပိုင်းတော့ မေ သူ့ကို မေ့ အသိစိတ်ထဲကနေ တစ်သက်လုံး အတွက် သိမ်းထားလိုက်တော့မည်။ ပွင့်လွှာမေ ဟာ တစ်သက်လုံး မစွံခဲ့သည့် အပျိုကြီး တစ်ယောက် အဖြစ် နေသွားတော့မည်။

******

ဒီဇင်ဘာ ကို မေ့ စိတ်ထဲ နှစ်နှစ်သက်သက် ဖြစ်ရခြင်း အကြောင်းထဲတွင် မေက ဒီဇင်ဘာဖွား ဖြစ်နေတာလည်း ပါသည်။ ဒီဇင်ဘာမှ မေမွေးနေ့က မှတ်မှတ်ရရ ခရစ္စမတ်နေ့ ဖြစ်နေသည်။ မေ ငယ်ငယ် ကတည်းက ဘိုးဘိုးက မေ့ မွေးနေ့နှင့် ခရစ္စမတ်ပါတီကို ရောပြီး ခြံထဲမှာ လုပ်ပေးလေ့ ရှိသည်။ ဘိုးဘိုး ဆုံးပြီးတော့ ဖေဖေက စီစဉ်ပေးသည်။ ဖေဖေ ဆုံးပြီးတော့ မေမေက ဆက်လုပ်ပေးသည်။ မေ ဇာတိ မြို့ကလေးကို မပြန်နိုင်ခဲ့သည့် နှစ်တွေက လွဲပြီး တစ်နှစ်မှ မပျက်ခဲ့ပါ။ မေကလည်း ဒီဇင်ဘာဆို ခရီးတွေ ထွက်ဖြစ်တတ်သည်။ ဒီဇင်ဘာမှာ မေ ခရီးသွားနေတာ မဟုတ်လျှင်တော့ မေမေ့ ခြံထဲမှာ ခရစ္စမတ်ပါတီ နှင့် မေ့ မွေးနေ့ကို သူငယ်ချင်းတွေ နှင့် ပျော်ပျော်ပါးပါး အမြဲ ကျင်းပဖြစ်သည်။ ခရစ်ယာန် မဟုတ်သော သူငယ်ချင်းတွေပင် မေ့ မွေးနေ့မို့ လာကြသည်။ တစ်ခါတလေ တစ်ခြားမြို့က ကျောင်းနေဘက် သူငယ်ချင်းတွေ၊ မေ အလုပ် တာဝန်ကျသော မြို့မှာ အတူလုပ်သည့် သူငယ်ချင်းတွေပါ လာတတ်ကြသည်။ သူ နှင့် မတွေ့ခင် နှစ်တွေ များစွာမှာ မေဟာ မေ့မွေးနေ့၊ ခရစ္စမတ်ပါတီကို သူငယ်ချင်းတွေနှင့်ပင် အပူအပင်ကင်းစွာ ပျော်ခဲ့သူ ဖြစ်သည်။ အဲဒီလို နှစ်များစွာ အနက်မှ မေက သူနှင့် အတူ ရှိခဲ့ဖူးသော တစ်ခုသော ခရစ္စမတ်ကိုမှ ဘာလို့ တမ်းတမ်းတတ သတိရနေမိရသည် မသိပေ။

မေ့ အခန်းကျဉ်း ကလေးထဲမှာ ထားဖို့ ခရစ္စမတ်ပင်ကလေး တစ်ပင် သူက ဝယ်ပေးသည်။ မေက တစ်ခြား decoration အသေးလေးတွေ လုပ်သည်။ မေ့ အခန်းရှေ့က ဝရံတာကလေးမှာ မီးရောင်စုံကလေး ထွန်းသည်။ မေက မီးလုံးလေးတွေ ထွန်းရတာ ဝါသနာ ပါသည်။ အိမ်မှာဆို သီတင်းကျွတ်တိုင်း မီးရောင်စုံတွေ ထွန်းသလို ခရစ္စမတ်တိုင်းလည်း ထွန်းသည်။ မေ့ မွေးနေ့ ခရစ္စမတ်ညမှာ နှစ်ယောက်သား မြို့ထဲ လျှောက်သွားပြီး ခရစ္စမတ်ညကို ခံစားသည်။ ခရစ္စမတ် Decoration မီးရောင်စုံတွေကို ကြည့်ရတာ မေ အရမ်းကြိုက်သည်။ မြန်မာနိုင်ငံမှာတော့ ခရစ္စမတ်ကို အဲလောက် လုပ်ကြလေ့ မရှိပေ။ ခြေထောက်တွေ ညောင်းအောင် လျှောက်သွားပြီး ည ၉ နာရီလောက်မှ ပြန်လာခဲ့ကြသည်။ 

မေ့ အခန်းလေးထဲ ရောက်တော့ သူ ဝယ်လာသော ခရမ် ကိတ်မုန့်အကြီးကြီးပေါ်မှာ ဖယောင်းတိုင်လေးတွေ ထွန်းပြီး Happy Birthday လုပ်သည်။ မီးမှုတ်ပြီးတော့ ကိတ်မုန့်လှီးပြီး ဘေးနားက အခန်းတွေ ဝေလိုက်သည်။ ပြီးတော့ နှစ်ယောက်သား တစ်ညလုံး စကားတွေ ထိုင်ပြောကြသည်။ သူက မေ့ကို ဒီမှာ staff mobility လာလုပ်သည့် တစ်နှစ်ပြီးလျှင် နောက်ထပ် တစ်ခုခု ဆက်တက်စေချင်သည်။ သူ့ Ph.D Thesis က ခုမှ စတုန်း ရှိသေးသည်မို့ ပြီးဖို့က မမျှော်လင့်နိုင်သေးပါ။ ငြင်းကြ ခုန်ကြ ရင်းနှင့်ပင် သူက မနက် မိုးလင်းကာနီးမှ သူ့အိမ်သို့ ပြန်သွားသည်။ သူက အဖေ အမေ မရှိတော့သည့်နောက် သူ့အန်တီလေး နှင့် အတူလိုက်နေရင်း ဆယ်တန်းအောင်ပြီးကတည်းက ဒီမှာ ရောက်နေသူ ဖြစ်သည်။

အခုတော့ သူ မရှိသော သုံးခု မြောက် ခရစ္စမတ်ကို မေ ဖြတ်သန်းရဦးမည်။ Justin Bieber ၏ Mistletoe လို ကြည်ကြည်နူးနူး သီချင်းကို နားမထောင်နိုင်လောက်အောင်ပင် မေ့မှာ အလွမ်းဓါတ်ခံ များနေသည်။ မေ ဘာကြောင့် ဒီလို ရေတွက် နေမိသလဲ မေ့ကိုယ်မေလည်း မသိတတ်တော့ပါ။ သူနှင့် ဆုံတွေ့ခဲ့ခြင်းဆိုတာက တစ်နှစ်တာမှာ အမှတ်မထင် ဆုံခဲ့ခြင်းပဲ မဟုတ်လား။ သူဘက်က မေ့ကို ဘယ်လို သဘောထားသလဲ မေက အတတ်သိနိုင်ပါ့မလား။ မြန်မြန်ဆန်ဆန် အချိန်တို အတွင်း ချစ်ခဲ့ကြသည့် အချစ်တစ်ခု ရယ်လို့ မေ့အပေါ် အလေးအနက် ထားမှ ထားရဲ့လား..။ ကြုံကြိုက်လို့ ချစ်လိုက်သည့် မိန်းကလေး တစ်ယောက်လို့ပဲ သဘောထားသလား၊ တစ်သက်လုံးအတွက် ရည်ရွယ်ခဲ့တာရော ဟုတ်ပါရဲ့လား မေ မသိနိုင်ခဲ့ပါ။ မေက သူ့ကို မျက်စိမှိတ်ပြီး ယုံကြည်ချင်နေခဲ့ခြင်း သက်သက်ပါပဲ။

******

တစ်နေကုန် Christmas Isn’t Christmas Without You သီချင်းကို ညည်းရင်း ညနေ ပါတီအတွက် ပြင်ဆင်နေသည့် မေ့ကို မေမေနှင့် အတူလာကူသည့် သူငယ်ချင်း ချိုမာက နားကြားပြင်း ကတ်နေကြသည်။ ခြံထဲမှာ ခရစ္စမတ် အတွက် Decoration ကို မေ စိတ်ကူးထားသော ဒီဇိုင်းအတိုင်း ခပ်ဆန်းဆန်းလေး ပြင်ထားသည်။ ခရစ္စမတ်သစ်ပင်တွေက အတုတွေ မဟုတ်ပဲ ထင်ရှူးပင်ပေါက်ကလေးတွေကို မြေကြီးမှာ ချစိုက်ပြီး မီးလုံးလေးတွေနှင့် လက်ဆောင်ထုတ်လေး တွေ၊ ဟိုဟို သည်သည် အရုပ်ကလေးတွေ၊ ပစ္စည်းလေးတွေ ကို ရအောင် ချိတ်ထားသည်။ အရင် တာဝန်ကျဖူးသည့် မြို့က သူငယ်ချင်းတစ်ချို့လည်း ရောက်နေကြပြီ။ ခရီးပန်းပြီး အိပ်နေကြသည်။ မေက အလှအပ အတွက် ပြင်ဆင်နေပြီး ချိုမာ နှင့် မေမေ ကတော့ အစားအသောက် အတွက် စီစဉ်နေသည်။ ပျော်ပျော်ပါးပါး ကစားကြဖို့ Game တွေလည်း စီစဉ်ထားသည်။ မေ့ သူငယ်ချင်းတွေတင် မဟုတ်ပဲ မေမေ့ မိတ်ဆွေတွေလည်း လာကြမည် ဖြစ်သည်။

မွေးနေ့ညမှာတော့ မေက မေ့ စိတ်တိုင်းကျ အရောင် နှင့် ဒီဇိုင်းကို ရွေးပြီး ချုပ်ခိုင်းထားသော ဗေဒါရောင်နုနု ဂါဝန်လေး နှင့် လှချင်တိုင်း လှနေသည်။ အမြဲတမ်း ဆံပင်ရှည် အဖြောင့်နှင့်သာ နေနေကြပေမယ့် ဒီတစ်ခါတော့ မေက စိတ်ကူးပြောင်းပြီး အဖျားမှာ အခွေအလိပ်ကလေး ဖြစ်အောင် ကောက်ထားခဲ့သည်။ မေသည် ကိုယ့်ကိုယ်ကို မှန်ထဲမှာ ကြည့်ရင်း သဘောကျနေသည်။ ကြည့်စမ်းပါဦး မေ့ကို ဘယ်သူက ၃၂ ပြည့် မွေးနေ့ ကျင်းပမယ့်သူ လို့ ထင်မှာလဲ နော်..။ မသကာ ၂၅ နှစ်ပေါ့။ တစ်မြို့တနယ်စီ ကွဲနေတာ ကြာပြီ ဖြစ်သည့် သူငယ်ချင်း သုသု က အရူးမ ရယ်လို့ ကောင်းချီးပေးသည်။ Christmas Isn’t Christmas Without You ကို ဆိုမိပြန်တော့ “နင်က ဘယ်သူ့ကို ရှိစေချင်နေတာလဲ” တဲ့ မေ့ကို မယုံသင်္ကာ နှင့် မေးကြပြန်သည်။ မေက လျှာထုတ်ပြရင်း ခြံထဲကို ပြေးဆင်းခဲ့သည်။ “ဟဲ့ ကလေးကျနေတာပဲ ချော်လဲဦးမယ် နင့် ဖိနပ် အထူကြီးနဲ့”  သုသုက ထုံးစံအတိုင်း လူကြီးသူမလို ပြောရင်း ကျန်ခဲ့သည်။ အဲဒါကြောင့် သူလည်း မေ့လိုပဲ အပျိုကြီး ဖြစ်နေတာပေါ့။ သူ မရှိသော ခရစ္စမတ်ပေမယ့်လည်း မေ့ သူငယ်ချင်းတွေ အများကြီး လာတော့ မေက ပျော်ရမှာပေါ့။

******

ခြံရှေ့မှာ ၁၀ လောက် ကြာအောင်ပင် ချီတုံချတုံနှင့် သူ ရပ်နေမိသေးသည်။ ဝင်သွားလိုက်ရင် မေက သူ့ကို ဝမ်းသာအားရ ကြိုမှ ကြိုပါ့မလား။ သူ့ကို အကြာကြီးနေမှ ပြန်တွေ့သည့် သာမန် သူငယ်ချင်း တစ်ယောက်လိုပဲ သဘောထားမှာလား။ မေ့ကို တစ်ယောက်ယောက်နှင့် အတူယှဉ်တွဲပြီး တွေ့လိုက်ရရင် သူ ဘယ်လို လုပ်ရပါ့မလဲ။ ဘာပဲဖြစ်ဖြစ်လေ.. ဒီလောက် ခရီးအဝေးကြီး လာခဲ့ပြီးမှ ဝင်တော့ ဝင်ရမှာပေါ့။ စိတ်ကို ပိုင်းဖြတ်ပြီး ခြံထဲ ဝင်ခဲ့လိုက်သည်။ ခရမ်းနုရောင် ဂါဝန်လေးနှင့် မေ့ကို အဝေးကပင် လှမ်းမြင်လိုက်ရသည်။ သူ မေ့ကို ဒီလိုပုံစံနှင့် တစ်ခါမှမမြင်ဖူးခဲ့ပါ။ မေက အမြဲတမ်း ဘောင်းဘီရှည် နှင့် အင်္ကျီအရှည်တွေ ဝတ်တာပဲ မြင်ဖူးခဲ့သည်။ ခပ်နီးနီးသို့ ရောက်လာသည် အထိ မေက သူ့ကို မမြင်သေးပါ။ မေက နှုတ်ခမ်းနီ ခရမ်းဖျော့ရောင်နှင့် အလှတွေ ပြင်ထားသည်။ မေ့ကို ချစ်ခဲ့ပေမယ့် မေ့ကို ချောသည်ဟု သူ တစ်ခါမှ မထင်ခဲ့ဖူး။ ခုတော့ မေက အရမ်းလှနေပါလား။ မေ့အနားမှာ မိန်းကလေးတွေ ချည်းပါပဲ။ သူ စိုးရိမ်ခဲ့သလိုတော့ ဖြစ်မည် မထင်ပါ။

မေက ရုတ်တရက် သူ့ကို အနီးအနားမှာ မြင်လိုက်ရတော့ အိပ်မက်လားတောင် အထင်မှားသွားသည်။ မေ သူ့ကို သတိရလွန်းလို့ ထင်ယောင်ထင်မှား ဖြစ်နေတာများလား။

“Happy Birthday, May”

သူ့အသံကို ကြားတော့မှ အမြင်မှားတာ မဟုတ်မှန်း သေချာသွားသည်။

“ရဲရင့်... မေ့ဆီကို လာတယ်”

“မေ ကိုယ့်ကို ဒီလိပ်စာ ပေးဖူးတယ်လေ”

မေ့ကိုယ်မေ မထိန်းချုပ်နိုင်တော့။ သူနှင့် မေ့ကြား ခြေလှမ်း ၅ လှမ်းစာလောက် ကွာနေသည်ကိုပင် မခံစားနိုင်တော့။ မေ စောင့်ခဲ့ရတာ ကြာလှပြီ။ မေ သူ့ဆီ ပြေးသွားမိသည်။ သူကလည်း မေ့ကို တင်းတင်းပွေ့ဖက်လိုက်သည်။ ဘယ်သူ့ကိုမှ ဂရုမစိုက်နိုင်တော့။ မေ့ သူငယ်ချင်းများက ထူးဆန်းအံသြသည့် မျက်နှာများနှင့် ငေးကြည့်နေကြသည်။ ပွင့်လွှာမေ တစ်ယောက် ဘယ်တုန်းက ယောက်ျားတစ်ယောက်နှင့် ပတ်သက်ခဲ့ပါလိမ့် ဟု တွေးနေကြလိမ့်မည်။

“ရဲရင့် အလည်လာတာလား”

“မဟုတ်ဘူး၊ ကိုယ်အပြီးပြန်လာတာ၊ ဒီမှာ ဘာလုပ်မယ် ဘာညာ၊ အစီအစဉ်တော့ မဆွဲရသေးဘူး။ ဒီ ခရစ္စမတ် အမှီ မေ့ဆီလာမယ်လို့ ဆုံးဖြတ်ထားလို့လေ၊ မေ ကိုယ့်ကို စောင့်နေလိမ့်မယ်လို့ ကိုယ် မျက်စိမှိတ် ယုံထားခဲ့တယ်”

“မေကလည်း အရူးတစ်ယောက်လိုပဲ ပြန်လာမယ် မသေချာတဲ့လူကို စောင့်နေတာပါနော်..တစ်ခါမှလည်း ရေရေရာရာ စာလည်း မပြန်တဲ့လူ”

“ကိုယ်က မေနဲ့ အမြဲ ဆက်သွယ်နေရင် Thesis ပြီးအောင်တောင် လုပ်နိုင်ပါ့မလား မသိဘူး၊ မေ့ဆီ လာချင်နေမှာ စိုးလို့လေ၊ အဲဒါကြောင့် အဆက်အသွယ် ဖြတ်ပြီး ကိုယ့်စာပဲ ကိုယ်လုပ်နေတာပါ၊ မေနဲ့တင် မဟုတ်ဘူး၊ ဘယ်သူနဲ့မှ မ chat ဘူး”

“ဟွန့်.. အပိုတွေ”

“ဒီခရစ္စမတ်က စပြီး ကိုယ်တို့ အတူတူ ရှိနိုင်ပါပြီကွာ နော်..၊ မေ ကိုယ့်ကို ဘယ်တော့မှ ထားမသွားနဲ့တော့ ဟုတ်လား”

“ရဲရင့်သာ နောက်ထပ် ဘယ်တော့မှ မေ့ကို အဲလို မစောင့်ခိုင်းနဲ့တော့”

“ကိုယ် ကတိပေးပါတယ်”

“မေ့ အတွက်”

သူက ဘူးလေး တစ်ခု မေ့ကို ပေးသည်။ ဖွင့်လိုက်တော့ စိန်လက်စွပ်ကလေး တစ်ကွင်း။ မေ ဒီဇိုင်းဆန်းဆန်း ကြိုက်မှန်း သိလို့ ဒီဇိုင်းလှလှလေး။

“မေ့ကို လက်ထပ်ပါရစေတော့ မေ”

မေ့ လက်ကလေး ပေးလိုက်တော့ သူက စွပ်ပေးသည်။ မေ့ လက်သူကြွယ်လေးနှင့် တိုင်းထားသည့်အတိုင်း ကွက်တိ ဖြစ်နေသည်။

“အဲဒါက မေမေ့ကို ခွင့်တောင်းရမှာပေါ့၊ လာ..”

 မေမေကလည်း သူ့သမီးရဲ့ ရုပ်ရှင်ပြကွက်ကို တွေ့လိုက်၍ ထင်သည်။ ဟိုဘက် လူကြီးဝိုင်းကနေ ဒီဘက် ရောက်နေသည်။

“မေမေ၊ ဒါ သမီးချစ်သူပါ၊ ရဲရင့်လူသစ် တဲ့”

မေသည် ခုမှပဲ မေ့ချစ်သူကို မေမေ နှင့် သူငယ်ချင်းများကို အတိအလင်း မိတ်ဆက်ပေးခွင့် ရတော့သည်။ မေ တို့နှစ်ယောက်ရဲ့ ချစ်ခြင်းသစ္စာကို မေမေ သိလျှင် သဘောတူမှာပါ။ ဒီနှစ် ခရစ္စမတ်က မေ့အတွက် အမှတ်တရ အဖြစ်ဆုံး နှင့် အပျော်ဆုံး ခရစ္စမတ် ဖြစ်တော့သည်။ နောက် ခရစ္စမတ်တိုင်းမှာလည်း သူနှင့် အတူ ရှိနေနိုင်တော့မည်ဟု မေ ယုံကြည်ထားလိုက်ပါပြီ။ တိုက်တိုက်ဆိုင်ဆိုင် ဖွင့်ထားသော Projector မှာလည်း Justin Bieber ၏ Mistletoe သီချင်းလာနေသည်။ ခုတော့ ချစ်သူနှင့် လက်တွဲပြီး မေ ဒီသီချင်းကို နားထောင်နိုင်ပါပြီ။

ချစ်သောသူတိုင်း ဆုံဆည်းနိုင်ကြပါစေ...။

သိင်္ဂါကျော်

20.12.2011

11:37 PM

December Songs

My December by Linkin Park


December by Olivia


December by Collective Soul


Back to December by Taylor Swift


It's December by Audrey Hannah


Cold December by Matt Costa


Remember December by Demi Lovato


December by Nino


Love in December by Club 8


Hope you enjoy December songs.

သိင်္ဂါကျော်

နေ၏ တစ်ဖက်ခြမ်း (ဇာတ်သိမ်း)

(၉)

“ဘယ်လိုလဲ သက်အောင်၊ ကိုလင်းကို ဘယ်သူ လုပ်တယ်လို့ မင်းထင်လဲ”

“ဘယ်သူ ရှိမလဲ၊ ဦးမင်းလပဲပေါ့၊ သူ သိသွားပြီ လို့ ငါထင်တယ်၊ ဘာလို့လဲ ဆိုတော့ ကိုလင်း ရဲ့ ဖုန်းကို နောက်ဆုံး ခေါ်ထားတာ ဦးမင်းလပဲ၊ မျက်မြင်သက်သေရဲ့ ပြောပြချက်အရ ကိုလင်းက တစ်ယောက်ယောက်ကို စောင့်နေတဲ့ ပုံပဲတဲ့၊ အဲဒီမှာ ကားတစ်စီးက ဝင်တိုက်သွားတာ တဲ့”

“ချိန်းစရာ ရှားလို့ လမ်းမပေါ်မှာ လားကွာ”

“အဲဒါက သူတို့ အိမ်နားမှာလေ၊ ကော်ဖီဆိုင် ရှေ့မှာ၊ လမ်းပေါ်မှာ နှစ်ယောက်တွေ့ပြီးမှ ကော်ဖီဆိုင်ထဲ ဝင်မယ်လို့ ပြောထားတာလည်း ဖြစ်ရင် ဖြစ်မှာပေါ့”

“အဲဒါ မင်းရဲ့ တွေးလုံးပဲ မဟုတ်လားကွာ၊ အရက်မူးပြီး မောင်းလာတဲ့ တစ်ခြား ကားတစ်စီးစီးလည်း ဖြစ်ချင် ဖြစ်နိုင်တာပဲ”

“မင်း မဖြစ်စေချင်တိုင်း လျှောက်ပြောမနေနဲ့ ကိုနေ၊ အဲလို မဖြစ်နိုင်တာ မင်းသိရဲ့သားနဲ့”

“ကားနံပါတ် မှတ်မိလိုက်ရင် ကောင်းမယ်ကွာ”

“တစ်ခုတော့ ရှိတယ်၊ အဲဒီကားက ပလက်ဖောင်းကို တိုက်ပြီး ကားရှေ့ဘက်က ဆေးနည်းနည်း ကွာကျန်ခဲ့တယ်၊ ကားလည်း နည်းနည်းတော့ ခိုက်မိသွားပုံပဲ”

“မင်းက သိလှချည်လား”

“သိဆို၊ အဲဒီ အမှုကို လိုက်မယ့် ရဲအရာရှိက ငါ့အသိပဲ၊ ဒီလူက လူတော်တစ်ယောက် ပဲ၊ ငါ သူနဲ့ တွေ့ပြီး မေးကြည့်ပြီပြီ၊ သူတို့ အဲဒီကားကို ရှာနေတယ်၊ ငါလည်း ငါ့နည်း ငါ့ဟန်နဲ့ ရှာခိုင်းထားပါတယ်”

“ကောင်းတယ်၊ မင်းတော်တယ် ကွာ၊ ဒါနဲ့၊ ဦးမင်းလ သိသွားပြီ ထင်ရင် ကိုလင်းက ငါတို့ကို ဘာလို့ မပြောခဲ့ရတာလဲ”

“သူလည်း မနေ့ညကမှ သိတာ ဖြစ်နိုင်တယ်”

“ငါ့အဖေ ဦးမင်းလကသာ ကိုလင်းကို လုပ်ကြံရိုး မှန်ရင်၊ ငါ့ဘက်ကလည်း လှုပ်ရှား ရလိမ့်မယ်၊ တနင်္လာနေ့ ရှယ်ယာရှင် အစည်းအဝေး မတိုင်ခင် ဒီကိစ္စကို ငါသိချင်တယ် ကွာ၊ မဟုတ်ရင်တော့ ငါက ငါ့ ပယောဂ မပါပဲ သူ့အလိုလို ဖြစ်မယ့် ကိစ္စ တစ်ခုကို စောင့်မလို့ပဲ”

ဖုန်းတစ်ခု ဝင်လာသဖြင့် ကြည့်လိုက်တော့ ကိုရဲသူ ဖြစ်နေသည်။

“ကျွန်တော်တို့ မျှော်လင့်ထားတဲ့ အတိုင်းပဲ အရိုးစု တစ်ခု တွေ့တယ် ကိုနေထက်ခေါင်၊ identify လုပ်ဖို့ ရန်ကုန်ကို ပို့လိုက်ပြီ၊ အရိုးစု လက်မှာလည်း လက်စွပ်တစ်ကွင်း ဝတ်ထားတာတွေ့တယ်၊ အဲဒီဟာကို သူ့မိသားစုတွေ ပြကြည့်ရင်တောင် ဘယ်သူ ဘယ်ဝါ ဆိုတာ သိရမှာပဲ၊ နောက်ပြီးတော့ ကျွန်တော်တို့ တွေ့ထားတဲ့ တုတ်နဲ့ ဓါးမြှောင် ကိုလည်း အဆင့်မြင့် နည်းတွေနဲ့ စစ်ဆေးရင် တစ်ခုခုတော့ သိရနိုင်တယ်”

“ကောင်းလိုက်တာ ကိုရဲသူ၊ သူ့ မိသားစုတွေကတော့ လောလောဆယ် ဒီမှာ ကိစ္စလေး တစ်ခု ဖြစ်နေလို့ လာကြည့်ပေးနိုင်မှာ မဟုတ်ဘူး ထင်တယ်”

“ရပါတယ်၊ ကျွန်တော်တို့ ဒီ အရိုးတွေကို အရင် စစ်ကြည့်လိုက်ဦးမယ်လေ၊ ကျွန်တော်လည်း ရန်ကုန်လာမှာပဲ၊ မပန်းငုံကို ကတိပေးထားသလို ဒီကိစ္စကို အပြီးအထိ ကျွန်တော် ကူညီမှာပါ၊ အတိအကျ သိရတော့မှ ခင်ဗျားကို ထပ်ဆက်မယ်”

“ဟုတ်ကဲ့ ကျေးဇူးပါပဲ ကိုရဲသူ ရာ”

ကိုရဲသူက မပန်းငုံကို ဘယ်တုန်းက ကတိပေးထားသလဲတော့ သူလည်း မသိပါပေ။ သူ့ မျက်စိထဲတွင် Bones ဇာတ်လမ်းတွဲကိုတောင် သွားမြင်ယောင်မိ နေသေးသည်။

“အဲဒါက ဘယ်သူတုန်း၊ မင်း ဒီနေ့ အစောကြီး ဘယ်ကို သွားနေတာတုန်း၊ မင်းဖုန်းကို ကိုင်တဲ့ ကောင်မလေးက ဘယ်သူတုန်း ကိုနေ၊ ပြောစမ်းပါဦး”

“ဟား ဟား.. မေးခွန်းတွေက များလှချည်လား၊ ပြောရရင်တော့ ရှည်လိမ့်မယ်ကွာ၊ နောက်မှ မင်းကို ပြောပြမယ်၊ အဲဒီ ကောင်မလေးက ငါ့မိတ်ဆွေပါ၊ သူက ကိုလင်း ညီမလေး ဖြစ်နေတယ်၊ သူက ဦးမင်းလရဲ့ အမှုဟောင်း တစ်ခုကို ဖော်ထုတ်ဖို့ ကြိုးစားနေတာ၊ ငါက သူ့ကို လိုက်ပို့ရုံပါ”

“အဲဒီ ဦးမင်းလက မင်း အဖေ အရင်း ဆိုတာလည်း နည်းနည်းတော့ စိတ်ထဲ ထားဦး ဟေ့ကောင်”

“ငါက နောက်ဆုတ်ချင်ပါတယ်၊ ဒါပေမယ့် သူ့ စိတ်ဓါတ်က ခုထက်ထိ မပြောင်းလဲသေးဘူး၊ ဟိုးအရင်ကတည်းက ခုချိန်ထိပဲ၊ အဲဒီတော့ ငါလည်း နောက်ဆုတ်လို့ မဖြစ်ဘူး”

♥♥♥♥♥

သုကို နေထက်ခေါင်က ဖုန်းဆက်ပြီး ကိုရဲသူတို့ အရိုးစု တွေ့ခဲ့သည့် အကြောင်းကို ပြောပြီး ကိုရဲသူ ဖုန်းနံပါတ်ကို ပေးသည်။ စပ်စုချင်သည့် သုက အဲဒီ အရိုးတွေကို သွားကြည့်ချင်သည့် အတွက် ကိုရဲသူကို ဖုန်းဆက်ပြီး အကျိုးအကြောင်း မေးလိုက်သည်။ တနင်္လာနေ့မှာ Forensic Department ကို လာခဲ့ဖို့ပြောသည်။ တနင်္လာနေ့ သွားတော့ ကိုရဲသူလည်း ရောက်နေသည်။ အဲဒီ အရိုးကို တာဝန်ယူ စစ်ဆေးသည့် ဒေါက်တာ နှင်းစက် က သူ စစ်ဆေးသမျှ အားလုံး ရှင်းပြသည်။

ကိုရဲသူတို့ တွေ့လာသော အရိုးမှာ ကိုပီတာ ၏ အရိုး အမှန်ပင် ဖြစ်နိုင်သည်။ အရပ် ၅ပေ ၁၁ လက်မခန့် ရှိသော ယောက်ျားအရိုးစု ဖြစ်သည်။ သေဆုံးချိန်က အသက်မှာ ၂၅ နှစ်လောက် ဖြစ်လိမ့်မည် ဟု ဆိုသည်။ ဦးခေါင်းခွံတွင် ပြင်းထန်စွာ ရိုက်နှက် ခံထားရသော ပုံသဏ္ဍန်ကို တွေ့ရသည်။ နံရိုးများ ကျိုးနေသည်ကိုလည်း တွေ့ရသည်။ ထို့အတူ ဝမ်းဗိုက်ပိုင်းတွင်လည်း ဓါးဖြင့် ထိုးခံထားရခြင်း ဖြစ်ဟန်တူသော သဲလွန်စများကို တွေ့ရသည် ဟု ဆိုသည်။

“ဒီအရိုးကို မြှုပ်ထားတဲ့ နေရာက အေးပြီး ခြောက်သွေ့ပုံရတယ်၊ အဲဒါကြောင့် နှစ်ပေါင်း ဒီလောက် ကြာပေမယ့် အရမ်းကြီး မပျက်စီးသေးဘူးလို့ ဆိုရမှာပေါ့”

ထိုနေရာက ပတ်ဝန်းကျင်တစ်ဝိုက်ထက် အနည်းငယ် ကုန်းမြင့်လေး ဖြစ်နေတာကို သု မျက်စိထဲ ပြေးမြင်လိုက်သည်။ တစ်ဖက်ခြမ်း လက်ပံပင်နောက်ဘက်ကသာ ရေတိုက်စားခံရပေမယ့် သရက် နှစ်ပင်အောက် ကုန်းမြင့်မှာတော့ ရေဝပ်ပုံလည်း မရပေ။

“ရိုးတွင်းခြင်ဆီကို DNA စစ်ဖို့ ပို့ထားတယ်၊ အဲဒါထက် ထူးခြားတာ တစ်ခု ရှိတယ်၊ ညာဘက်လက်ချောင်းတွေက နည်းနည်း ကွေးပြီး တစ်ခုခုကို ကုတ်ခြစ်ထားတဲ့ ပုံ ဖြစ်နေတယ်၊ အဲဒါနဲ့ ကျွန်မ သေချာ ကြည့်တော့ လက်သည်းထဲမှာ တစ်ခုခု ရှိနေတယ်၊ မြေကြီးတွေ မဟုတ်ဘူး။ အဲဒါဟာ အင်္ကျီစနဲ့ အသားစတွေ ဖြစ်နိုင်တယ်လို့ ထင်တယ်၊ အခုအချိန်မှာတော့ မြေကြီးမှုန့်တွေလို ဖြစ်နေပေမယ့် အဲဒါကို DNA စစ်ကြည့်လို့ ရနိုင်တယ်။ အဲဒါကြောင့် အဲဒါကိုလည်း စစ်ဖို့ ပို့ထားတယ်။ ညနေ လောက်ဆိုရင်တော့ သိရမှာပါ”

အဲဒီက ပြန်ထွက်လာတော့ ကိုရဲသူက အရိုးကချွတ်ယူထားပြီး ဖြစ်သော လက်စွပ်ကို သေချာအောင် စစ်ကြည့်ဖို့ ပြောသည်။ သား အတွက် စိတ်ပူနေသော မေမေ့ကို မခေါ်ချင်သော်လည်း ဒီကိစ္စကို အမြန် ပြီးစေချင်သောကြောင့် ခေါ်လိုက်ရသည်။ ဒီအမှုကို တာဝန်ယူထားသော အရာရှိ ဆီသို့ သွားလိုက်ကြသည်။ မေမေက ထိုလက်စွပ်မှာ ကိုပီတာ အမြဲဝတ်ထားသော လက်စွပ် အမှန် ဖြစ်ကြောင်း သက်သေခံသည်။ သုကလည်း ကိုကို့ အကြောင်း ကြားပြီး အမြန် ပြန်လာရသောကြောင့် မအပ်ခဲ့ရသော သုတွေ့ခဲ့သည့် လက်စွပ်ကိုပါ အပ်လိုက်သည်။ မေမေက ထိုလက်စွပ်ကိုတော့ ဦးမင်းလ လက်စွပ် ဟုတ်မဟုတ် သေချာ မသိပေ။ အဲဒါနဲ့ပဲ ဖေဖေ့ကိုပါ ခေါ်ရပြန်သည်။ ဦးမင်းလက ထိုစဉ်က ဖေဖေတို့ အိမ်သို့ ဝင်ထွက်နေသည်မို့ ဖေဖေကတော့ သိနိုင်လောက်သည် ဟု ထင်သည်။ ဖေဖေ ရောက်လာတော့ ဖေဖေက တကယ်ပင် ဦးမင်းလ လက်စွပ် ဖြစ်ကြောင်း မှတ်မိနေပါသည်။ အခုအချိန်မှ ကိုပီတာရဲ့ အရိုးစု ထွက်ပေါ်လာသည့် အတွက် ဖေဖေနှင့် မေမေက အတော်အံ့သြနေပါသည်။ ဤအမှုကို ပြန်ဖော်ထုတ်တာ သုမှန်း သိတော့ ပိုလို့တောင် အံသြသွားသေးသည်။

မေမေကတော့ သူ့အစ်ကို ကိုပီတာကို အဝေးတစ်နေရာ ထွက်သွားပြီး အသက်ရှင်နေသေးသည် ဟု မဖြစ်နိုင်မှန်း သိလျှက်နှင့် ဇွတ်မှိတ် ယုံထားသူမို့ အခုတော့ သူ့အစ်ကို တကယ်ပင် လူ့လောကကြီးမှာ မရှိတော့သည့် အဖြစ်ကို သေချာပေါက် လက်ခံ လိုက်ရလေပြီ။

♥♥♥♥♥

“ကဲ သက်အောင်ရေ.. အင်္ဂါနေ့ အတွက်ပြင်ထားလိုက်ပေတော့၊ ကားတိုက်မှု ကို ဘယ်သူ လုပ်လဲ သေချာ မသိပေမယ့်၊ ကိုလင်း သစ္စာဖောက်တာကိုတော့ ဦးမင်းလ သိသွားတာ သေချာတယ်၊ အဲဒီနေ့က လင်းထွဋ်သာ ရဲ့ ရုံးခန်းထဲကို ဦးမင်းလ ဝင်ကြည့်တယ်၊ လင်းထွဋ်သာပြန်လာတော့ သူတို့နှစ်ယောက် အကြီးအကျယ် စကားများကြတယ်၊ “မင်းကပဲ ငါ့ကုမ္ပဏီကို သိမ်းနိုင်မလား၊ ငါ့ကို ဘာလုပ်နိုင်မလဲ ကြည့်သေးတာပေါ့” လို့ ဦးမင်းလ က ပြောတယ် တဲ့။ အတွင်းရေးမှူးချို က ငါ့ကို ပြောတယ်။”

“အတွင်းရေးမှူး မချို ဟုတ်လား”

“ဟုတ်တယ်လေ၊ သူ့ကို ငါ နည်းနည်းပါးပါး ကူညီခဲ့ဖူးတယ်၊ အမှန်ဆို ကိုလင်းက ငါ့တို့ကို အဲဒီအကြောင်း ပြောပြခဲ့သင့်တယ်”

“သူကလည်း သူ့ယောက္ခမ လေကွာ၊ သူက သူ့မိန်းမကို ငဲ့ချင်နေတာ မင်းလည်း သိသားနဲ့”

“ခုချိန်မှတော့ ဘာမှ ငဲ့နေလို့ မရတော့ဘူးလေကွာ၊ စခဲ့ပြီးမှပဲ”

“ဦးမင်းလက ကိုလင်း မရှိတော့ရင် သူ့ကို ဘာမှ မလုပ်နိုင်ဘူး လို့များ ထင်သလား မသိဘူး”

“သူ သိမှာပါ၊ ကိုလင်း တစ်ယောက်ယောက်နဲ့ ပေါင်းကြံခဲ့တယ် ဆိုတာ သူသိတယ်၊ ဒါပေမယ့် ဘယ်သူနဲ့လဲ၊ ဘယ်လောက် အထိလဲတော့ သူ မသိလောက်ဘူး”

“ဟို ကားကိစ္စ၊ မင်းကို ငါ ပြောစရာ ရှိသေးတယ်၊ ကိုလင်းကို တိုက်သွားတဲ့ ကားကို တွေ့ပြီတဲ့၊ ဒါပေမယ့် လမ်းဘေးမှာ ပစ်ထားတာ၊ MoonShape ကုမ္ပဏီက ပိုင်တဲ့ ကားတွေထဲက တစ်စင်းပဲ၊ ဒါပေမယ့် အဲဒီကားကို ခိုးခံခဲ့ရတယ် လို့ မန်နေဂျာက ရဲစခန်းကို တိုင်ထားတယ်တဲ့၊ အဲဒီကိစ္စ မဖြစ်ခင်လေးတင်ပဲ၊ ကားခိုးသွားတဲ့ အကြောင်း သတင်းပို့ထားတာ”

“သူတို့ကို ဥပဒေအရ စွပ်စွဲလို့ မရဘူးပေါ့၊ ဒါပေမယ့် ငါတို့ အတွက် ဒီလောက် သိရရင်ပဲ လုံလောက်ပါတယ်၊ မဟုတ်လား”

♥♥♥♥♥♥♥♥♥♥

(၁၀)

ရှယ်ယာရှင် အစည်းအဝေးက ပုံမှန်အတိုင်း စတင်ရန်ပြင်ခိုက်မှာပင် နေထက်ခေါင် ရောက်သွားသည်။ ဒီတစ်ခေါက် အစည်းအဝေးမှာ လူစုံနေသည်။ လင်းထွဋ်သာ စုစည်းထားခဲ့တာဖြစ်နိုင်သည်။ ဒေါ်ဖြူဖြူသစ်ပါ ရောက်နေသည်။ သားသမီးတွေ အရွယ်ရောက် ပြီးနောက် ဒေါ်ဖြူဖြူသစ်ကလည်း အိမ်တွင်းပုန်း မနေတော့ပဲ ဦးမင်းလ၏ စီးပွားရေး လုပ်ငန်းများမှာ ပါဝင်လာသည်။

“ဒီတစ်ခေါက် အစည်းအဝေးမှာ ကျွန်တော့်အနေနဲ့ ကြေငြာစရာ ရှိနေပါတယ်၊ အဲဒါကတော့ MoonShape လုပ်ငန်းစု ရဲ့ ရှယ်ယာ ၅၅ ရာခိုင်နှုန်း ပိုင်ဆိုင်သူ တစ်ယောက် MoonShape ရဲ့ CEO ရာထူးကို အသစ်လဲဖို့ တောင်းဆို လိုပါတယ်။ လက်ရှိ CEO ဦးမင်းလ အနေနဲ့လည်း အနှစ် ၂၀ လောက် ဒီနေရာမှာ နေခဲ့ပြီးပြီ ဆိုတော့ တော်သင့်ပါပြီနော”

“နေပါဦး၊ မင်း.. မင်း ဘယ်သူလဲ၊ မင်းကို အရင်က တစ်ခါမှ အစည်းအဝေးမှာ မတွေ့ဖူးဘူး”

“ကျွန်တော်က Sun’s Highness က နေထက်ခေါင်ပါ”

“မင်းမှာ ၅၅ ရာခိုင်နှုန်း ရှိနေတယ် ဆိုတာ ဘယ်နည်းနဲ့မှ မဖြစ်နိုင်ဘူး”

“ဟုတ်ပါတယ်၊ ကျွန်တော် ပိုင်တာက ၄၀ ရာခိုင်နှုန်းပါ၊ ကျွန်တော့် သူငယ်ချင်း စိုးသက်အောင်က ၅ ရာခိုင်နှုန်း၊ လင်းထွဋ်သာက ၁၀ ရာခိုင်နှုန်း၊ သူတို့ရဲ့ ရှယ်ယာတွေ အားလုံး ကျွန်တော့် လက်ထဲမှာ ရှိနေတယ်လေ၊ အစကတော့ ဒီလို ကြေငြာဖို့ လင်းထွဋ်သာ ကိုပဲ တာဝန်ယူ လုပ်ခိုင်းဖို့ပဲ၊ အခုတော့ သူက ဆေးရုံ ရောက်နေလို့ ကျွန်တော် ကိုယ်တိုင် လာရတယ် ဆိုပါတော့၊ ဦးမင်းလမှာ ၃၀ ရာခိုင်နှုန်းပဲ ရှိနေတဲ့ အတွက် ဘာမှ ပြောပိုင်ခွင့် မရှိတော့ဘူး ဆိုတာ သိပါတယ်နော်..။

ကျွန်တော်တို့က ရှေ့ဆက်ပြီး MoonShape နဲ့ Sun’s Highness ကို ပူးပေါင်းသွားမှာပါ။ ကျွန်တော်တို့မှာ ရှေ့ဆက်မယ့် လုပ်ငန်းတွေ အတွက် အစီအစဉ်တွေ အဆင်သင့် ပြင်ဆင်ပြီးသား ရှိပါတယ်၊ တင်ပြဖို့ အသင့်ပါ”

“မင်း ဘယ်သူလဲ၊ မင်း ဘယ်တုန်း ကတည်းက ကြံစည်ခဲ့တာလဲ၊ လင်းထွဋ်သာကို ကူညီခဲ့တာ မင်းပေါ့ ဟုတ်လား”

“သေချာ ကြည့်ပါဦး ဦးမင်းလ၊ ကျွန်တော့်ကို မမှတ်မိဘူးလား”

အစည်းအဝေး ခန်းမထဲမှာ မီးရောင်ကို ဖျော့ထားသဖြင့် ဦးမင်းလက နေထက်ခေါင်ကို သေချာ မမှတ်မိသေးပေ။ သူ ရှေ့ထွက်လိုက်တော့မှ အားလုံးက သူ့ကို သေချာ မြင်သွားကြသည်။ အံ့သြသွားသူများမှာ ဦးမင်းလ နှင့် ဒေါ်ဖြူဖြူသစ် သာ ဖြစ်သည်။ ကျန်သူများကတော့ သူကို သိကြသူများ မဟုတ်ပါ။

“ညမင်း”

“ညမင်း ဆိုတာ မရှိတော့ပါဘူး၊ လွန်ခဲ့တဲ့ ၁၂ နှစ်လောက် ကတည်းက သေသွားပါပြီ။ ကျွန်တော်က နေထက်ခေါင်ပါ၊ ကျွန်တော့ အဖေရဲ့ ကုမ္ပဏီကို ကျွန်တော်က ဆက်ခံချင်တာပါ ဦးမင်းလ၊ တကယ်ဆိုတော့ ကျွန်တော့်မှာ ရှယ်ယာ ၄၀ ရာခိုင်နှုန်းတောင် ရှိစရာ မလိုဘူး မဟုတ်လား၊ ဒီနေရာကို ခင်ဗျားရဲ့ သားအရင်း တစ်ယောက် ဖြစ်တဲ့ ကျွန်တော့်ကို မပေးရင် ဘယ်သူ့ကို ပေးချင်သေးသလဲ၊ ခင်ဗျားရဲ့ သားကြီးက သူ့ဆေးရုံလေးကိုတောင် သူ ထိန်းသိမ်းနိုင်ရဲ့လား ဆိုတာ မေးကြည့်ပါဦး”

ဦးမင်းလ ဘာမှ မပြောနိုင်လောက်အောင် ရှော့ခ် ရသွားသည်။ အဲဒီ အချိန်မှာပဲ လူတစ်ချို့ ရုံးခန်း ထဲကို ဝင်လာခဲ့သည်။ ယူနီဖောင်း ဝတ်မထားသော စစ်ဆေးရေး အရာရှိများ ဖြစ်သည်။

“ကျွန်တော်တို့ ဦးမင်းလကို ပေးစရာလေး တစ်ခု ရှိလို့ပါ၊ ဒါလေးကို ကြည့်ပါဦး၊ ဦးမင်းလရဲ့ လက်စွပ်လား ဆိုတာ၊ လက်စွပ်မှာ M လို့ ထိုးထားတယ်လေ၊ ရွာက ရွှေပန်းထိမ်ဆရာကြီး ဦးငွေဆောင် ဆီမှာ လုပ်ခဲ့တာ မဟုတ်လား”

“ဒီ ဒီ လက်စွပ်က အခုမှ ဘယ်ကနေ...။ နေပါဦး မဟုတ်ဘူး၊ အဲဒါ ကျုပ် လက်စွပ် မဟုတ်ပါဘူး”

“အခုမှ ငြင်းလို့ မရတော့ပါဘူး၊ ဦးမင်းလ ဒီလက်စွပ်ကို မှတ်မိနေသားပဲ၊ ကိုပီတာကို လုပ်ကြံတုန်းက ဦးမင်းလရဲ့ လက်ကို ဆွဲကုတ်ရင်းနဲ့ ကျွတ်ထွက်သွားတာကို မသိလိုက်ဘူး မဟုတ်လား၊ နောက်မှ သိတော့ ပြန်ရှာလို့ မတွေ့တော့ဘူး”

“နေပါဦး.. မင်းတို့ ဘာတွေ လာပြောနေတာလဲ၊ ဘာပုံပြင်တွေလဲ”

“လွန်ခဲ့တဲ့ ၃၅ နှစ်က ဦးမင်းလ ကျူးလွန်ခဲ့တဲ့ လူသတ်မှု အကြောင်း ပြောနေတာပါ”

“ဘာပြောတယ်၊ လွန်ခဲ့တဲ့ ၃၅ နှစ်က လူသတ်မှု ဟုတ်လား၊ အဓိပ္ပါယ်မရှိတာ၊ ဘယ်တုန်းကလဲ၊ ဘာလူသတ်မှု နဲ့မှ မပတ်သက်ဘူး”

“ကျွန်တော်တို့ လွန်ခဲ့တဲ့ ၃၅ လောက်က အသတ်ခံခဲ့ရတယ် လို့ ခန့်မှန်းရတဲ့ အရိုးစု တစ်ခုကို တူးဖော် တွေ့ရှိခဲ့ပါတယ်။ အဲဒီ အရိုးစု နဲ့ အတူ လူသတ် လက်နက်လို့ ယူဆရတဲ့ တုတ် အပိုင်းအစ တွေနဲ့ ဓါးမြှောင် တစ်ချောင်းကိုလည်း တူးဖော် ရရှိခဲ့ပါတယ်။ အဲဒါ အပြင် အနီးအနားကနေ လူသတ်သမား ရဲ့ လက်စွပ်လို့ ယူဆရတဲ့ လက်စွပ် တစ်ကွင်းလည်း တွေ့ရှိခဲ့ပါတယ်၊ ဒီလက်စွပ်ပါ၊ ဦးမင်းလ အမြဲဝတ်တဲ့ လက်စွပ် ဖြစ်ကြောင်း သက်သေ ထွက်တဲ့လူလည်း ရှိပြီးသားပါ”

ခေါင်းဆောင် ဖြစ်ဟန်တူသည့် အရာရှိက ပြောသည်။

“နေစမ်းပါဦး၊ အဲဒီ အရိုးနဲ့ ကျူပ်နဲ့ ဘာပတ်သက်တာတုန်း၊ မင်းတို့ကို အသရေ ဖျက်မှုနဲ့ တရားစွဲမယ်၊ ဘာတွေ လာပြောနေတာလဲ”

“ကျွန်တော် ပြောတာကို နားထောင်ပါဦး၊ အဲဒီ အရိုးစုကို ကျွမ်းကျင်တဲ့ ပညာရှင်တွေက စစ်ကြည့်လိုက်တော့ အဲဒီအချိန်က ရွာမှာ ပျောက်သွားတယ် ဆိုတဲ့ ကိုပီတာရဲ့ ပုံသဏ္ဍန်နဲ့ ကိုက်ညီနေပါတယ်၊ ဒါ့အပြင် အရိုးစုက လက်စွပ်ကို ကိုပီတာရဲ့ မိသားစုဝင်တွေကို ပြကြည့်လိုက်တော့ ကိုပီတာ ရဲ့ လက်စွပ် ဖြစ်ကြောင်း ထောက်ခံကြပါတယ်”

“သြ ပီတာလား၊ ပီတာ့ ပျောက်သွားတဲ့ ကိစ္စနဲ့ ပတ်သက်ပြီး အဲဒီတုန်း ကတည်းက ကျုပ်ကို ရဲတွေ မေးလိုက် မြန်းလိုက် ကြတာ မပြောပါနဲ့တော့၊ မသင်္ကာစရာ ဘာမှ မရှိလို့ ကျုပ် အဖမ်းမခံရတာပေါ့၊ ခုချိန်မှ လာပြီး ဘာတွေ မေးချင်သေးတာလဲ”

“အချိန်ကာလ ကြာနေပြီ ဖြစ်လို့ အရိုးစုနဲ့ အတူ တွေ့ရတဲ့ ဓါးမြှောင်ပေါ်ကနေ လက်ဗွေရာတော့ စစ်လို့ မရခဲ့ဘူးပေါ့ဗျာ၊ ဒါပေမယ့် အဲဒီ ဓါးမြှောင်ကလည်း ဦးမင်းလရဲ့ ဓါးမြှောင် ဖြစ်ကြောင်း အဲဒီ အချိန်က အတူပါခဲ့တဲ့ ဦးမင်းလ ရဲ့ အပေါင်းအသင်းတွေကို ပြကြည့်ရင် သိမှာပါ။ ငြင်းလို့ မရနိုင်တာ တစ်ခုက အရိုးစု ရဲ့ လက်သည်းထဲမှာ တွေ့ရှိရတဲ့ အမှုန်အစတွေကို စစ်ကြည့်တဲ့ အခါမှာ အရိုးစု ရဲ့ DNA နဲ့ မတူညီတဲ့ DNA တစ်ချို့ကို တွေ့ခဲ့ရပါတယ်။ ဒီကို မလာခင်လေးပဲ NewMoon ဆေးရုံကိုဝင်ပြီး ဦးမင်းလရဲ့ ဆေးမှတ်တမ်းက DNA နဲ့ တိုက်စစ်ပြီးပါပြီ။ တူနေတာ တွေ့ရပါတယ်။ အဲဒီတော့ ဝန်ခံလိုက်ပါတော့ ဗျာ”

“ဝန်ခံရမယ် ဟုတ်လား၊ ဘာကို ဝန်ခံရမှာလား၊ ငါ ကိုပီတာကို မသတ်ဘူး၊ ဘာမှ ဝန်မခံနိုင်ဘူး”

“အဲဒါ ဆိုရင်လည်း တရားရုံးကျမှပဲ ပြောပေတော့ ဗျာ”

ဦးမင်းလကို လက်ထိတ်ခတ်၍ ခေါ်သွားကြသည်။ ဒေါ်ဖြူဖြူသစ်မှာ ဘာမှ မပြောနိုင်အောင် အံအားသင့်လျှက် ကျန်ခဲ့သည်။ မတ်တပ်တောင် မရပ်နိုင်တော့သောကြောင့် ခုံမှာ ပြန်ထိုင် လိုက်ရသည်။

“စိတ်မကောင်းပါဘူး မေမေ၊ အဲဒီကိစ္စကတော့ ကျွန်တော်နဲ့ မဆိုင်ပါဘူး၊ မေမေ နဲ့ မတွေ့ခင် အရင်တုန်းက ကျူးလွန်ခဲ့တဲ့ အမှုပါ၊ ဒါနဲ့ ကျွန်တော့်ကို ဖေဖေက ဘာကြောင့် မုန်းနေရသလဲ ဆိုတာ မေမေ သေချာသိရဲ့လား”

“သား... သားငယ်၊ မေမေ စိတ်မကောင်းပါဘူး ကွယ်၊ သားဘက်က မေမေ ရပ်မပေးနိုင်ခဲ့ဘူး၊ သားအဖေက မျက်လုံးပြာနဲ့ အမေရိကန်တွေကို မုန်းတာ၊ သားက အဲဒီလူမျိုးနဲ့ တူနေတော့ သူက သဘောမကျတာပါကွယ်”

“ဟင်း ဟင်း.. မဟုတ်ဘူး မေမေ၊ တကယ်တော့ ဖေဖေ သတ်ခဲ့တဲ့ အဲဒီ ကိုပီတာ ဆိုတဲ့ လူက မျက်လုံးပြာနဲ့ လူတစ်ယောက် မို့ပါ။ ကျွန်တော် ကြီးလာတော့ သူနဲ့ တထေရာတည်း တူလာတယ်၊ အဲဒီတော့ ဖေဖေက ပိုပြီး မုန်းလာတာပေါ့။ ကျွန်တော်လည်း မကြာသေးခင်လေးကမှ ဒီအကြောင်းကို သိရတာပါ”

“သား.. မင်းပြောသလိုဆို၊ သူ တကယ် လူသတ်ခဲ့တာပေါ့ ဟုတ်လား”

“ခုနတုန်းက ပြောသွားတာ ကြားလိုက်တယ် မဟုတ်လား မေမေ၊ ဒါတောင် မေမေ့ သားမက်ကို ကားနဲ့ တိုက်ခိုင်းတဲ့ အမှုက မပေါ်သေးလို့..”

လမ်းမှာ ဖေဖေ့ကို ဖမ်းသွားတာ တွေ့လိုက်လို့ ဘာအကြောင်းလဲ သိချင်စိတ်နှင့် အစည်းအဝေးခန်းထဲ အထိတ်တလန့်နှင့်   ပြေးဝင်လာသော    အေးလရိပ်ကပါ ထိုစကားကို ကြားသွားသည်။

“ဘာတွေ ပြောနေတာလဲ ဟင်၊ ဖေဖေ့ကို ဘာဖြစ်လို့ ဖမ်းသွားတာလဲ၊ သူက ဘယ်သူလဲ”

“သမီး ရဲ့ အစ်ကိုလေး လေ”

“ကိုကို ညမင်း”

“ကိုယ့်နာမည်ပြောင်းထားတယ်၊ နေထက်ခေါင်တဲ့၊ ညီမလေးက အရွယ်ရောက်လို့ အိမ်ထောင်ရှင်မတောင်ဖြစ်နေမှကိုး။ ပြန်တွေ့ရတာ ဝမ်းသာပါတယ်ကွာ။ အခုတော့ သွားတော့မယ်၊ နောက်မှ တွေ့ကြသေးတာပေါ့”

လင်းထွဋ်သာ နှင့် ပတ်သက်ပြီး အေးလရိပ်က မေးလာလျှင် သူ မဖြေချင်သောကြောင့် ထွက်လာခဲ့ခြင်းဖြစ်သည်။ သူတို့ပြဿနာ သူတို့ဟာသူတို့ ရှင်းကြပါစေ။ လင်းထွဋ်သာ အကြောင်း အေးလရိပ် သိမသိလည်း သူမသိပါ။ ကိုလင်း ကလည်း ခုထိ သတိမရသေးချိန်မှာ သူ့ကို အပြစ်မတင်စေချင်ပါ။

♥♥♥♥♥

“သတိရပါတော့ ကိုရယ်၊ လရိပ်ကို ရင်မဆိုင်ချင်တော့တာနဲ့ အဲလို ထွက်ပြေးဖို့ မကြိုးစားပါနဲ့။ ကို လရိပ်တို့ မိသားစု ထဲ ဝင်လာခဲ့တာ မရိုးမသား ရည်ရွယ်ချက်နဲ့ ဆိုတာ လရိပ် သိနေခဲ့တာ ကြာပါပြီ။ လရိပ်က ဖွင့်ပြောလိုက်ရင် ကို လရိပ်ကို ထားခဲ့မှာ စိုးလို့။ ကို ဘာလုပ်မလဲလို့ လရိပ် စောင့်ကြည့်နေခဲ့တယ်။ ဒီတစ်နှစ် အတွင်း ကလေး မယူသေးဘူးလို့ ပြောခဲ့တဲ့ ကို့ ရည်ရွယ်ချက်ကိုလည်း လရိပ် ရိပ်မိသွားတယ်။ ကိုက လရိပ်ကို ထားခဲ့ဖို့ စိတ်ကူး အစတည်းက ရှိခဲ့လို့ ကလေး မယူချင်ခဲ့တာ။ ဒါပေမယ့် လရိပ်ကတော့ ကို ထားခဲ့ရင်တောင် ကို့ရဲ့ အမှတ်တရတွေကို တစ်သက်လုံး သိမ်းထားချင်လို့.. ကို သောက်ခိုင်းထားတဲ့ ဆေးတွေကို မသောက်တာ ကြာခဲ့ပြီ။ အခု လရိပ်မှာ လရိပ်တို့ ရင်သွေးလေး ရှိနေပြီ။ ဘယ်သူ့ကိုမှတော့ ဖွင့်မပြောရသေးဘူး။ ကို့ကို ပြောပြဖို့ ကြိုးစားနေတုန်းမှာပဲ ကိုက အခုလို ဖြစ်သွားတာ”

“ပြန်လာခဲ့ပါ ကို ရယ်၊ ကို့ကို လရိပ် အပြစ်မတင်ပါဘူး၊ ကိုလည်း ဖေဖေ့ကို အပြစ်မတင်ပါနဲ့တော့၊ ဖေဖေလည်း သူ ကျူးလွန်ခဲ့တဲ့ အပြစ်ဒဏ်ကို ခံစားရတော့မှာပါ။ ကိုကို နေထက်ခေါင်တောင် ဖေဖေ့ကို ခွင့်လွှတ်လိုက်ပြီ။ ဖေဖေ့ကို သူသွားတွေ့တယ်။ လရိပ်တို့ သားအမိ တို့ဆီလည်း လာတယ်။ ကိုကြီးကတော့ သူ့ဆေးရုံကို ရောင်းလိုက်ရတာ ကိုကို နေထက်ခေါင် ကြောင့် ဆိုပြီး သိပ်မကြည်ဘူး။ ကိုကိုက ဆေးရုံကို ပြန်ပေးတော့လည်း မယူဘူးတဲ့။ ကိုကြီးက အမေရိကားကို ပြန်ဖို့ လုပ်နေတယ်။”

“ကို နဲ့ ကိုကို နေထက်ခေါင်နဲ့ အစောကြီးထဲက သိနေရဲ့သားနဲ့ လရိပ်တို့ မသိရတာ ဆိုးလိုက်တာ၊ ကိုကို က အငြိုးကြီးတယ်၊ ဒါလည်း သူက ခံခဲ့ရတာကိုးနော်..။ လရိပ်ကတော့ ကိုကို့ကိုလည်း အရင်တည်းက ချစ်ပါတယ်လေ။ ကိုကိုကသာ လရိပ်ကို ကိုကြီးဘက် ပါတယ်လို့ ယူဆပြီး စကားသိပ်မပြောတာ။ လရိပ်ကဖြင့် ကိုကို့ကို ကြိတ်ပြီး ရှာခဲ့သေးတယ်။ မေမေကလည်း ကိုကို့ကို ခိုးပြီး ထောက်ပံ့တာ လရိပ်တောင် လုံးဝ မသိခဲ့ရဘူး။ သူက ကို့ အကြောင်း လရိပ် မသိဘူး ထင်ပြီး ဖုံးဖို့ ကြိုးစားနေသေးတယ်”

“ဘာပဲဖြစ်ဖြစ် ကိုတို့ မိသားစုနဲ့ လရိပ်တို့ မိသားစုနဲ့ ရေစက်ရှိတာတော့ သေချာတယ်။ မသု နဲ့ ကိုကို နဲ့ကလည်း ဘယ်တုန်းက သူငယ်ချင်းတွေ ဖြစ်နေမှန်း မသိဘူး၊ ခုတော့ သူငယ်ချင်းတဲ့၊ နောက်တော့လည်း အဆင့်တက်မှာပါ၊ အပြစ်ရှိတာ ဖေဖေ တစ်ယောက်တည်းပါ၊ လရိပ်တို့ မိသားစုတွေ ပြေပြေလည်လည် နေရအောင်နော်..၊ ကို သတိရလာမှ ဖြစ်မှာ၊ နို့မို့ ဖေဖေ့ အပြစ်ကလည်း ပိုကြီး သွားလိမ့်မယ်။ ကို့မေမေက လရိပ်တို့ကို ခွင့်လွှတ်မှာ မဟုတ်တော့ဘူး”

အေးလရိပ်သည် နေ့တိုင်းလို လင်းထွဋ်သာ ဆီသွားပြီး စကားတွေပြောနေသည်။ ဆရာဝန်ကြီးက ဦးနှောက်ထဲမှာ ဘာမှ မပျက်စီးပါဘူး၊ ပြန်သတိရလာမှာပါ ဆိုပေမယ့် လင်းထွဋ်သာကတော့ တစ်လလောက်ကြာသည်အထိ သတိမရသေးပါ။

♥♥♥♥♥♥♥♥♥♥

(၁၁)

ခြောက်လကြာသော်။

“ကိုနေရေ ဒီမှာ စောင့်နေဦးနော်၊ ဆေးကုန်ကာနီးလို့ သု ဆရာမ ကို သွားခေါ်လိုက်ဦးမယ်”

“အင်း သွားလေ”

နေထက်ခေါင်က ဆေးရုံစောင့် ကျနေသော သုဆီသို့ စားစရာ လာပို့ခြင်း ဖြစ်သည်။ သူလည်း ကိုလင်းဆီသို့ မကြာခဏ ရောက်လေ့ ရှိပါသည်။

“ကိုလင်း ရေ၊ ခင်ဗျား အိပ်နေတာ ကြာပြီဗျာ၊ ထဖို့သင့်ပြီ။ ကျွန်တော် တစ်ယောက်တည်း Moon ရော Sun ရော လုပ်နေရတာ မနိုင်တော့ဘူးနော်၊ ခင်ဗျား ရှိမှ ဖြစ်မှာ၊ ကျွန်တော့် ညီမလေးလည်း သနားပါတယ်၊ သူ့ခမျာ ခင်ဗျားကို အတော် ချစ်ရှာတာ၊ သူ့ကို အကြာကြီး ပစ်မထားပါနဲ့ဗျာ၊ပြန်လာခဲ့တော့ ဟုတ်လား .ပြီးတော့ ခင်ဗျား အမေက ကျွန်တော်နဲ့ သု နဲ့ကို မယူစေချင်ဘူး ဖြစ်နေတယ်၊ မောင်လှယ် နှမလှယ် မယူကောင်းဘူး ဆိုလား မသိပါဘူးဗျာ၊  ကျွန်တော့်ကို သားလိုပဲ သဘောထားချင်တယ်တဲ့၊ သားမက် မဖြစ်စေချင်ဘူးတဲ့၊ အဲဒါ ခင်ဗျား ကူပြောပေးမှ ဖြစ်မယ်”

လင်းထွဋ်သာ ကြားနိုင်၊ မကြားနိုင် မသိပေမယ့် သူတို့ အားလုံးက ကိုလင်းကို အဲလို စကားမျိုးတွေ အမြဲတမ်း ပြောလေ့ ရှိသည်။

ကိုလင်းက ဒီလို ပုံစံနဲ့ ရှိနေလေ သုတို့ မိသားစုက ဖေဖေ့ကို ခွင့်မလွှတ်နိုင်လေဖြစ်နေတော့မည်။ အခုတော့ သူက ဒီမိသားစု နှစ်စုကို ပြေလည်စေချင် နေလေပြီ။ ကိုလင်းကို ကြည့်နေခိုက်မှာပဲ မျက်ခွံတွေ လှုပ်ရှားလာတာကို တွေ့လိုက်ရပြီး ကိုလင်း သတိပြန်ရ လာခဲ့သည်။

“ကိုလင်း၊ သတိရပြီလား၊ ကျွန်တော့်ကို မြင်ရလား၊ ကျွန်တော် ပြောတာကို ကြားလား၊ သု လာလိမ့်မယ် ခဏနော်၊ လရိပ်လည်း လာတော့မှာ”

“ခင်ဗျားက ဘယ်သူလဲ၊ ကျွန်တော် ဘယ်ရောက်နေတာလဲ”

“ကျွန်တော်က နေထက်ခေါင်ပါ၊ ကျွန်တော့် နာမည်ကို မှတ်မိလား၊ ခင်ဗျားနဲ့ ကျွန်တော် ခဏ ခဏ ဖုန်း ပြောဖူးတယ်လေ”

“ကိုနေ၊ ခင်ဗျားကို ကျွန်တော် ပြောစရာ ရှိတယ်၊ ဘာပါလိမ့်”

“အခု ဘာမှ မစဉ်းစားနဲ့ဦး ဟုတ်လား၊ ကိစ္စတွေ အားလုံး ပြီးသွားပြီ။ ခင်ဗျား သတိမေ့ နေတာ ၆ လတောင် ကြာနေပြီ”

သု နှင့် သူနာပြု ဆရာမ ဝင်လာတော့ လင်းထွဋ်သာ သတိရနေတာကိုတွေ့သွားသည်။ သူနာပြု ဆရာမက ဆရာဝန်ကြီး ကို ပြေးခေါ်သည်။

“ကိုကို သတိရလာပြီ၊ တော်သေးတာပေါ့ ကိုကိုရယ်၊ သုတို့မှာ ဆုတောင်းလိုက်ရတာ၊ ဝမ်းသာလိုက်တာ၊ မေမေ တို့ကို ဖုန်းဆက်ရမယ်”

နေထက်ခေါင်ကလည်း အေးလရိပ်ကို ဖုန်းဆက်လိုက် သဖြင့် ခဏနေတော့ ရောက်လာသည်။ ဗိုက်ဖုံးအင်္ကျီ ဖားဖားလေးနှင့် အေးလရိပ်ကို တွေ့တော့ လင်းထွဋ်သာ မှာ အံအားတသင့် ဖြစ်ရသည်။ လရိပ် သူ့ကို ခွင့်မလွှတ်နိုင်မှာ ကို သူအမြဲတမ်း စိုးရိမ်ခဲ့ရသည်။ သူစိုးရိမ်သလို မဖြစ်နိုင်တော့ဘူး ထင်သည်။

“လရိပ်”

“ကို၊ သတိရလာပြီနော်..။ လရိပ် တို့ သမီးလေး မမွေးခင် ကို ပြန်လာတာ အရမ်းဝမ်းသာတယ်”

နေထက်ခေါင်က သုကို လက်တို့ပြီး အပြင်ထွက် လာခဲ့ကြသည်။

“ခုတော့ အားလုံး ကောင်းသွားပြီနော်.. ကိုကို့ကို သတိမှ ပြန်ရပါတော့မလားလို့၊ တော်သေးတာပေါ့၊ လရိပ်မှာလည်း မပေါ့မပါး ဖြစ်နေတာ”

“အင်း၊ သူတို့ နှစ်ယောက် ပြေလည်မှာပါ၊ တစ်ခုပဲ ကျန်တယ်”

“ဘာလဲ”

“ကိုယ်တို့ နှစ်ယောက်လေ၊ သု မေမေက သဘောမတူ ဆိုတော့ ဘယ်လို လုပ်မလဲ၊ အဲဒီ မောင်လှယ် နှမလှယ် ဆိုတာ ဘယ်ကစလာတဲ့ အယူအဆလဲ၊ အဓိပ္ပါယ် မရှိတာကွာ၊ ကိုယ်ထင်တာတော့ ကိုယ်က ဦးမင်းလ သား ဖြစ်နေလို့ သဘောမတူတာ ထင်တယ်”

“မဟုတ်ပါဘူး ကိုနေ ရာ၊ မေမေက ကိုနေ့ကို သူ့အစ်ကိုကြီးနဲ့ တူတယ် ဆိုပြီး ဘယ်လောက် ချစ်သလဲ၊ ခုဟာက ဘာလို့မှန်းကို မသိဘူး”

“သု စဉ်းစားကြည့်လေ၊ ကိုပီတာနဲ့ မပန်းငုံက ဆုံးသွားလို့ပေါ့၊ မဟုတ်ရင် သူတို့လည်း မောင်လှယ် နှမလှယ်ပဲ ယူဖြစ်ကြမှာ မဟုတ်လား”

“အဲတော့လည်း ယူချင်မှ ယူမှာပေါ့၊ တစ်ချို့ဒေသတွေမှာ အဲဒီအယူအဆ ရှိတယ်တဲ့ ကိုနေ ရဲ့”

“နေပါဦး၊ အဲဒီတော့ သုနဲ့ ကိုယ်နဲ့က ဒီလိုပဲ နေရမှာလား”

“သု စဉ်းစားနေပါတယ်၊ မေမေ့ကို နိုင်တဲ့လူ ရှာရမှာပေါ့၊ သု အကြံရပြီသိလား”

“ဘယ်သူလဲ”

“မေမေ့ ဦးကြီး ဘုန်းဘုန်းလေ၊ သူက ဟိုးငယ်ငယ်လေးထဲက ဘုန်းကြီး ဝတ်နေတာ၊ ရွာမှာ မဟုတ်ဘူး၊ စစ်ကိုင်းမှာ၊ အခု ရန်ကုန် ခဏရောက်နေတယ်၊ အတော်ပဲ သိလား၊ ဘုန်းဘုန်းကို နားချ ခိုင်းရမှာပေါ့၊ မေမေက ဘုန်းဘုန်းပြောရင် ဘာပဲဖြစ်ဖြစ် နားထောင်တယ်၊ ဘုန်းဘုန်းက အခုဆို တရား စာအုပ်တွေ ဘာတွေ ရေးပြီး အောင်မြင်နေတာ၊ အခုလည်း ရန်ကုန်မှာ တရားပွဲ ရှိလို့ လာဟောတာ”

“ဟား ဟား.. သု ကတော့ တကယ်ပါကွာ၊ ဘုန်းဘုန်းတောင် မနေရဘူး”

“ပြောနေတာ ကြာတယ်၊ ခုပဲ ဘုန်းဘုန်းဆီ သွားမှာ၊ လိုက်ပို့ပေး”

“ဟုတ်ပါပြီ၊ ဟုတ်ပါပြီ” 

♥♥♥♥♥

ဘုန်းဘုန်းက ကောင်းကောင်း နားချလိုက်၍ ဒေါ်မိုးအေးလည်း ဘာမှ မပြောသာပဲ သဘောတူ လိုက်ရသည်။ ဦးသာမောင်ကတော့ အစကတည်းက အယူတွေ အစွဲတွေ သိပ်ရှိသူ မဟုတ်သဖြင့် သဘောတူပြီးသား ဖြစ်သည်။ ဒီကြားထဲ သုက မပန်းငုံကို မကျွတ်မလွတ်သေး ဟု ပြောသဖြင့် ရွာကို ပြန်ပြီး အလှူလုပ်ကာ အမျှဝေ လိုက်ရသေးသည်။ အလှူပြီးသော ညက သု အိပ်မက်မက်သေးသည်။ မပန်းငုံက သူတို့ မတရားခံရသော အမှုကို ပြန်လည် ဖော်ထုတ်ပေးသည့် အတွက် သုကို ကျေးဇူးတင်ကြောင်း၊ အခု သူ စိတ်ချ လက်ချ သွားနိုင်ပြီ ဖြစ်ကြောင်း၊ ကိုပီတာ ကို သု က စောင့်ရှောက်ပေးဖို့ ပြောသွားသည် ဆို၏။

နေထက်ခေါင်ကတော့ သူသာ ကိုပီတာ ဝင်စားသည် ဆိုလျှင် မပန်းငုံက သူ့ကို ဘာကြောင့် တစ်ခါမှ အိပ်မက် မပေးသလဲ ဟု တွေးနေသေးသည်။ သူကရော အဲဒါတွေကို ယုံလို့လား။ အိပ်မက်ဆိုတာလည်း သိပ်မက်လေ့ မရှိပဲ တစ်ခါတည်း အိပ်ပျော် သွားလေ့ ရှိသူ မို့ပဲ မပန်းငုံက အိပ်မက်ပေးလို့ မရသလား။ ကိုရဲသူ နှင့် သုကိုပဲ အိပ်မက်ပေးလို့ ရသလား။ လောကကြီးမှာ သူမသိနိုင်သော အရာတွေလည်း အများကြီး ရှိသည်ကိုတော့ လက်ခံပေးရပါလိမ့်မည်။

နေထက်ခေါင် နှင့် သု တို့ မင်္ဂလာပွဲကို စေ့စပ်ပြီး တစ်လ အကြာ၌ ရန်ကုန်မှာ ဧည့်ခံပွဲ၊ ညစာစားပွဲ လုပ်သည့်အပြင် ရွာမှာလည်း မင်္ဂလာဆွမ်းကျွေး သွားလုပ်လိုက်သေးသည်။ ပြီးတော့ နှစ်ဦးသဘောတူပင် တစ်နိုင်ငံလုံးရှိ မိဘမဲ့ကျောင်းများသို့ အလှူငွေများ ပို့ပေးပြီး လှူဒါန်းလိုက်သည်။

MoonShape နှင့် Sun’s Highness ကို ပေါင်းစည်းကာ Sun Side ဟု နာမည်ပြောင်းလိုက်ပြီး လုပ်ငန်းစု တစ်ခုတည်း ဖြစ်စေလိုက်သည်။ လင်းထွဋ်သာက ဖက်ရှင်လုပ်ငန်းဘက်ကို ဦးစီးပြီး ဒီဇိုင်းသစ်များ ဆက်လက် ထုတ်လုပ်နေသည်။ နေထက်ခေါင်ကတော့ သူ တိုးချဲ့ထားသည့် လုပ်ငန်းများကို ဆက်လက် လုပ်ကိုင်နေသည်။ စိုးသက်အောင်ကတော့ NewMoon ဆေးရုံ ကိစ္စ သွားရင်းနှင့် နေထက်ခေါင် သဘောမတူသည့် ကြားမှပင် နံသာနှင့် ဆက်လက် ပတ်သက်နေသည်။ လရိပ်သစ်ကတော့ အမေရိကားကို ထွက်သွားပြီ ဖြစ်သည်။

လင်းထွဋ်သာ နှင့် အေးလရိပ် တို့၏ သမီးကလေး အေးထက်သာ ၏ တစ်နှစ်ပြည့် မွေးနေ့ကို Sun Side လုပ်ငန်းစု တစ်နှစ်ပြည့် နှစ်ပတ်လည် နှင့် ပူးတွဲ ကျင်းပခဲ့သည်။ အေးထက်သာ ၏ အဘွား ဒေါ်မိုးအေး နှင့် ဒေါ်လေး သုထက်သာ ကတော့ အေးထက်သာကို မပန်းငုံ ဝင်စားသည်ဟု ယုံကြည်နေကြပြန်သည်။

သိင်္ဂါကျော်

12.12.2011

12:19 AM