ကျိုက်ထီးရိုးခရီးသည်

Thesis အပြီးမှာ သူငယ်ချင်းတွေ အားလုံး တကွဲတပြား မဖြစ်ခင် ခရီးသွားဖို့ ရွေးလိုက်တော့ မရောက်ဖူးတဲ့သူလည်းရှိ၊ ရက်နည်းနည်းနဲ့လည်း သွားနိုင်တဲ့ ကျိုက်ထီးရိုးဘုရားဖူး သွားဖို့ ဖြစ်လာပါတယ်။ ကိုယ်ကတော့ ဘယ်ခရီးပဲ ဖြစ်ဖြစ် လိုက်မယ့်သူပါ။ ဆရာမတွေ အပါအ၀င် တစ်တန်းလုံးနီးပါး လိုက်ဖြစ်လိမ့်မယ်လို့ ထင်ထားပေမယ့် ဆရာမတွေက အကြောင်းအမျိုးမျိုးနဲ့ မအားကြလို့ (သွားခွင့်မရတာက အဓိကပါ၊ အကျယ်ချုပ် ချထားခံရတယ်လို့တောင် ထင်စရာပဲ၊ ကိုယ်တို့ ခွင့်ရတာတောင် ကံကောင်းလို့။) မလိုက်ဖြစ်လို့။ ဆရာမ မလိုက်တော့ မစည်းလုံးဘူး အပြောခံရမှာ ကြောက်ပြီး လိုက်မယ့်သူတွေတောင် မလိုက်ဖြစ်ဘူးဆိုတော့ နောက်ဆုံးမှာ ၂၄ ယောက် ရှိတဲ့ အထဲ ကိုယ်တို့ ရဲဘော်ရဲဘက် ၉ ယောက်ပဲ သွားဖြစ်ခဲ့ကြတယ်။

ရွှေကြေးစည်ဘုရားဖူးကား နဲ့ ည ၁၀ နာရီ လောက်မှာ လမ်းထိပ်က ထွက်စီးခဲ့တာ ကင်ပွန်းစခန်းကို မနက် ၂ နာရီခွဲ လောက် ရောက်ပါတယ်။ ထမင်းဆိုင်မှာ တောင်တက်ကားစခန်း ဖွင့်မယ့် ၆ နာရီ အထိ စောင့်ရင်းနဲ့ အိပ်နေကြတဲ့ သူငယ်ချင်းတွေပါ။

မသွားခင်ကတော့ အပြောကြီးထားကြတာ... ကင်ပွန်းစခန်းကနေ တက်မယ်ပေါ့။ တကယ်တမ်းလည်း ရောက်ရော မတက်ချင်ကြတော့ဘူး။ အောက်ကပုံက တောင်တက်ကားစခန်းမှာ ရိုက်ထားတာပါ။

မဲခွဲလိုက်တော့ ခြေလျင်တက်မယ့် ဘက်ကတော့ များပါရဲ့... ဒါပေမယ့် နောက်ဆုံးတော့ (အပေါ်ရောက်မှပဲ တစ်ခြားတောင်တွေ တက်ကြမယ်ပေါ့၊ ကားရှိတဲ့ နေရာမှာ ကားနဲ့ပဲ တက်ကြမယ် ဆိုပြီး) ကားနဲ့ပဲ ရသေ့တောင်ထိ တက်ခဲ့ကြတယ်။ ရသေ့တောင် ရောက်မှပဲ ကားမရှိတော့လို့ ခြေလျင်တက်ကြရတယ်။ လမ်းနှစ်ခွတွေ့တော့ ခြေလျင်လမ်းကို ရွေးလိုက်တာ တော်တော်ကို ဆိုးတယ်။ လမ်းကြမ်းတာကို ပြောတာ မဟုတ်ဘူး။ ညစ်ပတ်တာကို ပြောတာ။ မောရတဲ့ အထဲမှာ အနံအသက်က မကောင်းပဲ လေကောင်းလေသန့် မရတော့ တော်တော် စိတ်ညစ်စရာ ကောင်းပါတယ်။ ကျိုက်ထီးရိုးတောင်တန်းကို ကျန်းမာရေး အဖွဲ့ တစ်ဖွဲ့လောက်လာပြီး ပညာပေးသင့်တယ်လို့ တောင်ထင်မိပါရဲ့။

တောင်ပေါ်ကို အတက် လမ်းမှာ ထိုင်နေကြတဲ့ ကိုယ့်သူငယ်ချင်းတွေ။

တည်းခိုခန်းမှာ ရေမိုးချိုးပြီးတော့ တည်းခိုခန်းက ညွှန်းတဲ့ ထမင်းဆိုင်မှာ စားပြီး အနီးဆုံးလို့ သူတို့ ဒေသခံတွေပြောတဲ့ ကျောက်ထပ်ကြီး ဘုရားကို သွားခဲ့ကြပါတယ်။ လမ်းညွှန်ဆိုင်းဘုတ်မှာ ရေးထားတာကတော့ ကျောက်ထပ်ကြီးသို့ မိနစ် ၆၀ တဲ့။ ဒါပေမယ့် အဲဒီအညွှန်းက ဆင်နဲ့ သွားတာကို ပြောတာပါတဲ့။ အခု ဆင်နဲ့ မသွားတော့တဲ့ ခေတ်မှာလည်း လမ်းညွှန်ဆိုင်းဘုတ်ကို ပြင်မထားပါဘူး။

လမ်းမှာ ဝင်ဖူးခဲ့ရတဲ့ ဘုရားလေးတွေ ... ကျောက်ဆီယိုဘုရား၊ နဂါးဘုရား၊ ဖားဘုရား နဲ့ ဘွဲ့တော်မမှတ်မိတော့တဲ့ ဘုရားလေးတွေပါ။

ဇွတ်အတင်း အလှူခံကြလို့ နဂိုအခံ သဒ္ဓါတရားကို ပျောက်မသွားအောင် ကြိုးစားပြီး လှူဖြစ်တဲ့ နေရာလည်း လှူဖြစ်ခဲ့ပါရဲ့ (ရွှေဆိုင်းတွေ၊ ရေပုံးတွေကို လက်ထဲ လာထည့်ပေးတော့ လှူလိုက်ရရော) မလှူဖြစ်တဲ့ နေရာလည်း မလှူဖြစ်ခဲ့ပါဘူး (ပင်ပင်ပန်းပန်း လာတော့လာပြီး သဒ္ဓါတရား မရှိတဲ့သူတွေလို့ ပြောခံရပြန်ရော)၊ အဖွဲ့လိုက် စုလှူတဲ့နေရာလည်း လှူခဲ့ပါတယ်။ ကိုယ်လည်း မိဘဆီက လက်ဖြန့်တောင်းနေရတဲ့သူမို့ များများစားစားတော့ ဘယ်လှူနိုင်ပါ့မလဲ။ လှူတော့ လှူချင်တာပေါ့။

ပင်ပင်ပန်းပန်းနဲ့ ပဲ ကျောက်ထပ်ကြီးဘုရားကို ရောက်ခဲ့ပါတယ်။

ကျောက်ထပ်ကြီးဘုရားမှာ ဆည်းလည်း နဲ့ ရွှေဆိုင်း ကပ်လှူပေးဖို့ ဘုရားပေါ်ကို ဆိုင်းထားတဲ့ ကြိုးပေါ်ကတက်နေတဲ့ ပုံပါ။ သူတို့ ဒီလူကို ကြိုးမင်းသားလေးလို့ ခေါ်ကြပါတယ်။

လမ်းမှာ မောမောနဲ့ ထိုင်နေကြတာ...။ ကိုယ်တို့ကတော့ ခုံမြင်ရင်ကို ထိုင်ချင်နေတော့တာပဲ။

ကိုယ့်ကိုကိုယ်လည်း စိတ်ပျက်မိပါရဲ့။ ကျောက်ထပ်ကြီးကို အသွားအပြန် ၄ နာရီ လောက်ကို ကြာခဲ့ပါတယ်။ ဒေသခံတွေအတွက်တော့ အသွားအပြန် ၂ နာရီ ဆိုတာတောင် လွန်လှပြီ ဆိုပဲ။ အပြန်မှာတော့ ကိုယ့်ခြေထောက်ကို ပြန်မကြည့်ရဲလောက်အောင် ပေတူးလာခဲ့ပါတယ် (မပေပဲ နေပါ့မလား... ဒီလောက် ဖုန်ထူ လမ်းကြမ်းတာကို)။ လက်ဖက်ရည်ဆိုင်ထိုင်တော့ ဆိုင်ကကောင်မလေးတွေက ခြေထောက်တွေ ကြည့်ပြီး ကျောက်ထပ်ကြီးက ပြန်လာတာလားလို့ မေးပါတယ်။ စားသောက်ပြီးတော့ နောက်တစ်နေ့ တက်မယ်လို့ ရည်ရွယ်ထားတဲ့ ရေတံခွန်တောင် အကြောင်းမေးတော့ အကွာအဝေးကတော့ ကျောက်ထပ်ကြီးနဲ့ အတူတူပဲ၊ လမ်းကတော့ အရမ်းမတ်ပြီး ကြမ်းတယ်လို့ ဆိုပါတယ်။ သူတို့ အတွက် ကျောက်ထပ်ကြီးက မြေပြန့်ပါတဲ့။ ကိုယ်တို့အတွက်တော့ တော်တော်ကြိုးစား သွားခဲ့ရတာပါ။ ဒီထက်ဆိုးတဲ့လမ်းဆိုရင်တော့ မဖြစ်နိုင်ဘူး လို့ ဆုံးဖြတ်လိုက်ပြီး တစ်ခြားနေရာ မေးမြန်းကြည့်ပါတယ်။

ကိုယ်တို့ Second Year တုန်းကတော့ နှစ်ရက်အတွင်း ရသေ့တောင်ကစလို့ တောင်တွေ အများကြီး တက်ခဲ့တာပဲ။ ကိုယ်မှတ်မိတာတော့(ဓါတ်ပုံတွေထဲ ပါနေလို့) အပြင်မြစိမ်း၊ အတွင်းမြစိမ်း လောက်ပဲ။ အဲဒီတောင်တွေ အကြောင်း မေးကြည့်တော့ အခုသွားခဲ့တာထက် အများကြီး ဝေးတယ်လို့ ဆိုပါတယ်။ အရင်ကတော့ ဒီလောက်ပင်ပန်းတယ်လို့လည်း မထင်ခဲ့ပါဘူး။ အခုလည်း ကိုယ်ကတော့ သွားချင်တဲ့ လူများရင် ရေတံခွန်တောင်ပဲ ဖြစ်ဖြစ်၊ ဘာပဲ ဖြစ်ဖြစ် သွားမယ့်ဘက်ကပဲ။ ဒါပေမယ့် အများက မသွားချင်တော့ဘူး ဆိုတော့လည်း မသွားရုံပဲပေါ့။ ကိုယ်ကိုယ်တိုင်လည်း မသွားတာကောင်းတယ်လို့ ထင်မိပါရဲ့။ တစ်ရက် အလကားထိုင်နေရမှာလည်း မနေချင်ဘူး။ ဘယ်သူ့ကိုမှလည်း ဆွဲဆောင်လို့ မရတော့ဘူး။ ရန်ကုန်မှာတောင် နည်းနည်းလေးမှ လမ်းမလျှောက်ပဲ တက္ကစီပဲ စီးနေတဲ့သူတွေဆိုတော့ ဘယ်ခံနိုင်ပါ့မလဲလေ။

နောက်တစ်နေ့မနက် စောစော ဆွမ်းတော်ကြီးကပ်အပြီး ရိုက်ထားတဲ့ပုံ။

မနက်စာစားပြီးတော့ ကျီးပါးစပ် တစ်ခုကိုပဲ သွားပြီး ထမင်းစားချိန်မတိုင်ခင် ပြန်လာခဲ့ကြပါတယ်။

ကျီးပါးစပ်လိုဏ်ဂူထဲက ဘုရားပါ။ လိုဏ်ဂူထဲတွင် တစ်ဖွဲ့စီ ၀င်ပြီး ဖူးရပါတယ်။ အထဲမှာ သမိုင်းကြောင်း ရှင်းပြပြီး အလှူခံနေတဲ့သူ တစ်ယောက်ရှိပါတယ်။

တစ်နေ့ခင်းလုံး တည်းခိုခန်းမှာ အိပ်နေကြတာပါ။ ညနေဘက် အိပ်ရေးဝတော့မှ လမ်းဆင်းလျှောက်ပြီး ဆည်းဆာ ရှုခင်းလေး ဓါတ်ပုံရိုက်ခဲ့ပါသေးတယ်။ ညဘက်ကျမှ ဘုရားရင်ပြင်တော်ပေါ်တက်ပြီး အေးအေးဆေးဆေး ကန်တော့ကြပါတယ်။

ပြန်ကာနီး တည်းခိုဆောင်ရှေ့မှာ...။

အဆင်း တောင်တက်ကားပေါ်ကရိုက်ထားတဲ့ လမ်းကလေး။

ကင်ပွန်းစခန်းကိုရောက်တော့ ကားလက်မှတ်မရှိတော့ဘူး ဆိုလို့ ဒေါသတွေဖြစ်ရသေးတယ်။ တောင်ပေါ်ရောက်ရောက်ချင်း ပြန်မယ့်ရက်ကို အကြောင်းကြားထားပါရက် ရွှေကြေးစည်ဂိတ်က ဖုန်းလက်ခံသူက တာဝန်မဲ့လို့ လက်မှတ်ကို သေချာ မစီစဉ်ထားတာပါ။ တစ်ယောက်တည်းသာဆို တခြားမှာ လက်မှတ်တစ်စောင်ထပ်ဝယ်ပြီး ပြန်နေရလောက်ပြီ။ အဖွဲ့များပြီး ပြောနိုင်လွန်းလို့သာ စိန်ဝင်းနဲ့ရောင်းရင်းများ ကားနဲ့ ပြန်စီစဉ်ပေးတာပါ။

အပြန်မှာတော့ ထုံးစံအတိုင်း ကျိုက်ပေါလော မှဲ့ရှင်တော် ဘုရားနဲ့ ပဲခူး ရွှေမော်ဓော ဘုရားကို ဝင်ပေးပါတယ်။

ဘာပဲဖြစ်ဖြစ် အမှတ်တရ ခရီးလေးပါပဲ။ ပုံမှန် ဘဝထဲမှာတော့ လုပ်စရာ အလုပ်တွေက စောင့်ကြိုနေမှာပါ။ အဲဒီလို ခရီးမျိုးတွေ အမြဲတမ်းသွားနေချင်ပါတယ်

(သိင်္ဂါကျော်)

ဒီဇင်ဘာ ၃၁ မှ ဇန်နဝါရီ တစ် သို့

ဒီဇင်ဘာ ၃၁

အသစ်မဖြစ်တော့မယ့် အဟောင်းတွေကို

ထားခဲ့တော့မယ်။

နှစ်ဟောင်းကို စွန့်ခဲ့ပြီလို့

ကျူးရင့်သူတိုင်း

စိတ်အဟောင်းတွေကို

တကယ်ကြေးချွတ်နိုင်ကြရဲ့လား။

နှစ်ဟောင်းက

မပြီးသေးတဲ့ အလုပ်တွေကလည်း

အဟောင်းပဲ၊

မပစ်နိုင်သေးတဲ့ အချစ်ကလည်း

အဟောင်းပဲ၊

မရပ်နိုင်သေးတဲ့ ဝင်သက်ထွက်သက်ကလည်း

အဟောင်းပဲ၊

မပြောင်းနိုင်သေးတဲ့ ဒီမျက်နှာကလည်း

အဟောင်းပဲ။

ကဲ...

ဘယ်လိုဖြစ်လို့

အားလုံးအသစ်လို့ အော်ချင်ရတာလဲ။

ဘယ်လိုပဲပြောပြော

အော်ပါရစေ

၃၁ ဒီဇင်ဘာမှာ

အဟောင်းတွေအားလုံး ပစ်ခဲ့ပြီလို့

ခဏပဲဖြစ်ဖြစ်

စိတ်ချမ်းသာပါရစေပေါ့။

ဇန်နဝါရီ တစ် မှာ

အဟောင်းတွေကြားထဲ ပြန်မသွားချင်ဘူး

စိတ်ချမ်းသာစရာတွေပဲလုပ်ပြီး

တစ်နှစ်လုံးပျော်ရအောင်

ပျော်ပျော်နေချင်တယ်။

ဒါလည်း

အိပ်မက်ဟောင်းတစ်ခုပဲ ဖြစ်နေပြန်ရော။

(သိင်္ဂါကျော်)

ပုံများကို Forward mail တစ်ခုနှင့် photobucket.com တို့မှ ယူထားပါတယ်။

ဒီဇင်ဘာခရီးသည်(၂)

ဒီဇင်ဘာလထဲမှာ အလုပ်တွေရှုပ်နေတဲ့ ကြားထဲက ခရီးတစ်ခုတော့ ထွက်ဖြစ်ခဲ့ပါသေးတယ်။ ပီနန် မှာ စာတမ်း သွားဖတ်ရင်း ကွာလာလမ်ပူ ကို ဖြတ်ပြီး စင်ကာပူမှာပါ လည်ပြီးမှ ပြန်လာခဲ့တဲ့ ခရီးစဉ်ပါ။ ရိုက်ခဲ့တဲ့ ရှုခင်းပုံလေးတွေ ကို အမှတ်တရ တင်လိုက်ပါတယ်။ လူပုံ ကြီးကြီး ရိုက်ထားတဲ့ ပုံတွေကိုတော့ ဘလော့ ကို လာလည်တဲ့သူတွေ လန့်သွားမှာစိုးလို့ မတင်တော့ဘူးနော် :D အောက်ကပုံက ပီနန်ရောက်ကာနီး လေယာဉ်ပေါ်က ရိုက်ထားတဲ့ပုံပါ။

မသွားခင်ရက်တွေက မအားတာနဲ့ ဘယ်ဟိုတယ်ကိုမှ သေချာ Reserve လုပ်မထားတဲ့ ကိုယ်တို့ လေးယောက်သားဟာ ၁၀ ရက်နေ့ ညနေ ပီနန် လေဆိပ်ရောက်တော့မှ Information ကောင်တာ က အမျိုးသမီးလေးတွေ လမ်းညွှန်ပေးတဲ့ Hutton Lodge ဟိုတယ်ကို တက္ကစီငှား သွားကြတာပါ။ အဲဒီညကတော့ ခရီးပန်းတာနဲ့ အိပ်လိုက်ကြပြီး နောက်တစ်ရက်ကျမှ လေဆိပ်က ယူလာတဲ့ မြေပုံတွေ ကြည့်ပြီး ဘတ်စ်ကားနဲ့ပဲ City Tour ကိုစကြပါတော့တယ်။ အောက်ကပုံက ကားမှတ်တိုင်ရှေ့က အဆောက်အဦကို ကားစောင့်ရင်းရိုက်ခဲ့တာပါ။

ပီနန်တောင်ကို ရောက်တော့ ပိတ်ထားတာနဲ့ပဲ မတက်ခဲ့ရပါဘူး။ အနီးအနား လမ်းလျှောက်ရင်း လင်းနို့ဂူကို ၀င်ခဲ့ကြပါတယ်။ ဂူထဲမှာ တကယ့်ကို လင်းနို့လေးတွေ အများကြီးပါ။

အဲဒီနောက်တော့ Kek Lok Si Temple ကို ကားပြန်စီးပြီး သွားကြပါတယ်။ Chinese temple တစ်ခုပါ။ အဲဒီ ဘုရားစောင်းတန်းမှာပဲ အမှတ်တရပစ္စည်း တွေလည်း ဝယ်ခဲ့ကြပါတယ်။

နေ့လည်စာ စားရင်းနဲ့ မြေပုံကြည့်ပြီး မြန်မာဘုရားကျောင်းကို သွားဖို့ပြင်ကြပါတယ်။ ဘတ်စ်ဒရိုင်ဘာကို မေးကြည့်တော့ ဂိတ်ကိုပြန်စီးရမယ်ဆိုလို့ ပြန်စီးခဲ့ကြပါတယ်။ ပီနန်မြို့လေးက သိပ်မကျယ်ပေမယ့် တစ်လမ်းမောင်းတွေ များတာကြောင့် ဘတ်စ်ကားနဲ့ တစ်ပတ်ပတ် ကားပြောင်းစီးပြီးမှ ဘုရားကို ရောက်ပါတယ်။

ဘုရားရိပ်က အေးချမ်းတာနဲ့ ရေသောက်၊ မုန့်စား၊ ဓာတ်ပုံရိုက် လုပ်လိုက်ကြတာ မျက်နှာချင်းဆိုင်က ထိုင်းလက်ရာ Sleeping Buddha ကိုရောက်တော့ ပိတ်သွားတာနဲ့ မဝင်လိုက်ရတော့ပါဘူး။ အဝ မှာပဲ ဓာတ်ပုံ ရိုက်ပြီး ပြန်လာရပါတယ်။

နောက်တစ်နေ့မှာတော့ Butterworth မှာရှိတဲ့ Universiti Technologi ,Mara (UiTm) မှာ စာတမ်းဖတ်ဖို့ အတွက် မနက်စောစောထပြီး ဖယ်ရီဂိတ်ရောက်အောင် ဘတ်စ်ကား စီးသွားရပါတယ်။ ဖယ်ရီ နဲ့ တစ်ဖက်ကမ်း ရောက်တော့ ကျောင်းကို ရောက်ဖို့ ဘတ်စ်ကား ထပ်စီးရပါသေးတယ်။ ကိုယ်တို့နေတာက ဒီဘက်ကမ်း George Town မှာပါ။ ပီနန် တံတားကိုလည်း တက္ကစီဖိုး မတတ်နိုင်လို့ မဖြတ်ခဲ့ရပဲ အဝေးကပဲ ငေးခဲ့ရပါတယ်။ ဘတ်စ်ကားမှတ်တိုင်က ကျောင်းဝင်း အဝင်ဝ နားမှာပါပဲ။

Conference လုပ်တဲ့ Building ပါ။

Conference မှာ ကျွေးတဲ့ နေ့လည်စာပါ။ မြန်မာနဲ့နီးစပ်တော့ ကိုယ်တို့အားလုံး စားလို့ ကောင်းကြပါတယ်။ :D

စာတမ်းဖတ်ရမယ့် ရက်က လေးယောက်လုံး တစ်ရက်တည်း မကျတာမို့ Conference ရက်နှစ်ရက်လုံး ကျောင်းကို သွားရပါတယ်။ နောက်တစ်ရက်မှာတော့ မသွားခင် မနက်မှာပ မဝင်လိုက်ရတဲ့ Sleeping Buddha ကို ထပ်သွားကြပါတယ်။

KL သွားမယ့် ရထားဘူတာရုံက အဲဒီဘက်ကမ်းမှာ ရှိတာမို့ Luggage တွေပါသယ်ပြီး ကျောင်းကို သွားရတာပါ။ ကျောင်းရှေ့က လုံခြုံရေး ရုံးမှာ အပ်ထားခဲ့ပြီး ကျောင်းထဲကို ဝင်ကြတာပါ။ ပြန်တွေးကြည့်ရင် တော်တော် ရယ်စရာကောင်းတဲ့ အဖြစ်ပါ။ ဒင်နာတောင် မတက်နိုင်ပဲ ၉:၃၀ ရထားနဲ့ KL ကိုလာခဲ့ကြပါတယ်။ KL ရောက်တော့ ဆရာတို့ စုံတွဲရဲ့ကျေးဇူး နဲ့ လွတ်လပ်ရေးရင်ပြင်၊ သစ်ခွဥယျာဉ် နဲ့ KL Tower ကို ရောက်ဖြစ်ခဲ့ပါတယ်။

အောက်က ပုံက Asian နိုင်ငံတွေရဲ့ တိုးတက်မှု ပြယုဂ်လို့ ဆိုပါတယ်။

Twin Tower တက်ဖို့ကတော့ မနက် ၆ နာရီ မှာကိုပဲ Tower တက်ဖို့ တန်းစီနေတဲ့လူတန်းကြီးက တော်တော် ရှည်နေတာနဲ့ အောက်ကနေပဲ ဓာတ်ပုံရိုက်ပြီး ပြန်ခဲ့ရပါတော့တယ်။

အောက်ကပုံကတော့ KL Tower ပေါ်က ရိုက်ထားတဲ့ပုံပါ။

ည ၁၁ : ၃၀ ကားနဲ့ စင်ကာပူကို မသွားခင် နောက်ဆုံးအနေနဲ့ အောက်ပုံက ကုန်တိုက်မှာ ခြေဖဝါးတွေ ကျိန်းတဲ့ အထိ ပတ်ကြပါသေးတယ်။ ကားပေါ်မှာတော့ ဘာအိပ်ကောင်းသလဲ မမေးပါနဲ့။

Sg ကိုရောက်တော့ မနက် ၄ နာရီ။ စင်ကာပူ ဒေါ်လာ တစ်ပြားမှ မရှိပဲ တက္ကစီငှားပြီး တည်းမယ့် အိမ်ရောက်မှ တက်ယူပြီး ပေးလိုက်ရတယ်။ တော်သေးတယ် ကားသမား ဦးလေးကြီး သဘောကောင်းလို့။ :D ရောက်တဲ့ရက်မှာပဲ Marina Bay ကို သွားခဲ့တယ်။

နောက်တစ်ရက်မှာ Sentosa ကို သွားခဲ့တယ်။ Underwater လည်း မဝင်ပဲ မနေပါဘူး။ Underwater ထဲမှာ ရိုက်တဲ့ ပုံတွေကတော့ မရိုက်တတ်လို့လား မသိဘူး၊ သိပ်မကောင်းလို့...။

ကုန်တိုက်တွေကို အချိန်ရသလိုဝင်ပြီး Vivo City ကိုလည်း ညဘက်တစ်ခါ မနက်တစ်ခါ ရောက်ဖြစ်တယ်။

Sg မှာ တစ်ညပဲ အိပ်ပြီး နောက်နေ့ ညမှာ ပြန်ခဲ့ကြတာပါ။ သူငယ်ချင်းကတောင် ကြာကြာမနေနိုင်လို့ ပြောနေပေမယ့် ကိုယ်တို့မှာလည်း ကြာကြာနေဖို့ အခြေအနေက မပေးတော့ မနေနိုင်ပါ။ ပြန်ရောက်ပြီး နှစ်ရက်ကြာရင် ဝန်ထမ်းတိုင်း ဖြေရမယ့် အင်္ဂလိပ်စာ နဲ့ ဘာသာရပ် စာမေးပွဲက ဖြေရဦးမှာလေ။ ရသလောက် အချိန်လေးမှာ မနားမနေသွားပြီး ပင်ပန်းနေကြလို့ ဟိုမှာ ပင်ပင်ပန်းပန်း ကျောင်းတက်၊ အလုပ်လုပ် နေရတဲ့ သူတွေကတောင် ကိုယ်တို့ကို ပြန်သနားရတဲ့ အထိပါပဲ။

Chinese Gargen ထဲဝင်ဖို့တော့ အချိန်မရခဲ့ဘူး။ MRT ဘူတာကပဲ လှမ်းမြင်ခဲ့ရတယ်။

အပြန်မှာ Air Asia က ဘယ် terminal မှာမှန်း မသိဘူးဆိုလို့ သူငယ်ချင်းတွေက အံသြတစ်ကြီး ဖြစ်ကျန်ခဲ့တယ်။ ကိုယ်တို့ အတွက်ကတော့ ခရီးတစ်လျှောက်လုံး ဒီလိုပဲ ဗြုတ်စဗျင်းတောင်းနဲ့ ပါးစပ်ပါ ရွာရောက် ဆိုသလို မေးမြန်း စုံစမ်းပြီး သွားခဲ့ကြမို့ ဘာမှမဆန်းပါဘူး :D ။ သုဝဏ္ဏဘူမိ လေဆိပ်ကို ညဘက်ကြီး ရောက်ပြီး မနက်လေယာဉ်ကို ချမ်းချမ်းစီးစီး စောင့်ကြရသေးတယ်။ မနက်ဘက် လေယာဉ်ပေါ်ရောက်တော့မှ စိတ်ချလက်ချ နဲ့ မှေးကနဲ အိပ်ပျော်ရာက နိုးလာတော့ လေယာဉ်ကြီးက ရပ်နေတာနဲ့ ရန်ကုန်ရောက်ပြီ ထင်လိုက်ပါတယ်၊ ဘယ်ဟုတ်မလဲ၊ စက်ချို့ယွင်းလို့ ပျံမတက်ရသေးတာပါတဲ့။ ပြန်ဆင်းပြီး နောက်တစ်စင်း ပြောင်းစီး လိုက်ရသေးတယ်။ ပုံမှန်ဘဝကို ပြန်ဖြတ်သန်းရတော့မယ် ဆိုတော့လည်း မပြန်ချင်သလိုပဲ။ :P

(သိင်္ဂါကျော်)