23 February, 2010

စန္ဒယားသံ

  
 

“မာမီ နဲ့ ဒက်ဒီက ဘာဖြစ်လို့ အဝေးကြီးကို သွားရတာလဲ” ဒေါ့ က နေ့တိုင်းလို မေးနေကြမေးခွန်းကို မေးပြန်သည်။
“သမီးတို့ တကယ်ပဲ အဘွားနဲ့ အတူတူ နေရတော့မှာလား ဟင်..”
“တိတ်စမ်း ဒေါ့၊ ငါ နင့်ကို ပြောထားတယ် မဟုတ်လား၊ ဒက်ဒီနဲ့ မာမီက အလုပ်သွားလုပ်နေကြတာ.. ရက်နည်းနည်းကြာရင် ပြန်လာကြမှာ…”
ညီမလေးကို လိမ်လိုက်မိပြီ ဆိုတာ အယ်လဇ်ဇာ ရိုစ်လင်း သိပါသည်။ သူမတို့ မိဘနှစ်ပါး ဘယ်နေရာမှာ ဆိုတာ သိသော်လည်း သူမ၏ ညီမငယ်လေးကို ပြောမပြချင်ပါ။  အယ်လဇ်ဇာ ရိုစ်လင်း နှင့် ဒေါ့ တို့၏ အမေနှင့် အဖေ က ကွာရှင်းပြတ်စဲ ခဲ့ကြပြီး အဆုံးမှာတော့ သူမတို့ နှစ်ယောက်က အဘွားနှင့် သွားနေရတော့မည်။ အယ်လဇ်ဇာ ရိုစ်လင်း က သူမ၏ ညီမငယ်လေးကို မိဘတွေ ကွဲကွာကြတာနှင့် ပတ်သက်ပြီး မနာကျင်စေချင်ပါ။
“အိပ်ကြစို့ ဒေါ့ မနက်ဖြန်ကျရင် လုပ်စရာတွေ ရှိတယ်လေ”
မနက်ဖြန် တနင်္ဂနွေနေ့.. အဘွားအိမ်မှာ အလုပ်ရှုပ်တတ်သည်။ သူမတို့ အဘွား၏ အိမ်မှာ ကြောက်စရာ ရုပ်ရှင်တွေ ထဲကလို ကြီးမားသော အိမ်ဟောင်းကြီး တစ်လုံး ဖြစ်သည်။

အယ်လဇ်ဇာ ရိုစ်လင်း နှင့် ဒေါ့ တို့၏ အခန်းကပင် အိမ်အသေးလေး တစ်လုံးစာလောက် ရှိသည်။ ဤအိမ်ကြီးသည် စစ်အတွင်းက ဒဏ်ရာရသူများ အတွက် ဆေးရုံ လုပ်ခဲ့သေးသည်။ ထိုအရိပ်များ ယခုတိုင် ကျန်နေသေးသည်ဟု အယ်လဇ်ဇာ ရိုစ်လင်းက အမြဲထင်နေပြီး အိပ်မပျော်နိုင် ဖြစ်နေခဲ့သည်။ ဒီညကတော့ ခါတိုင်းညတွေနှင့် မတူ၊ လုံးဝမတူ။ ဒေါ့ကို အိပ်ရာထဲ ပို့ခဲ့ပြီးနောက် အယ်လဇ်ဇာ ရိုစ်လင်းက အိမ်ကြီးကို လျှောက်ကြည့်ဖို့ ဆုံးဖြတ်ခဲ့သည်။ သူမသည် ကော်ရစ်ဒါ တလျှောက်လျှောက်လာခဲ့ပြီး ဖုန်တက်နေသော ပုံတူ ပန်းချီကားကို ကြည့်ရင်း မနက်ဖြန် သန့်ရှင်းရေး လုပ်ရမည်ဟု တွေးလိုက်သည်။ ထိုအချိန်မှာပင် စန္ဒယားသံ သဲ့သဲ့ ကို ကြားလိုက်ရသည်။ ပင်ကူအိမ်များကို ကြည့်ရင်း သူမက မနက်ဖြန်တော့ လုပ်စရာတွေ အများကြီးပဲ ဟု တွေးမိသည်။ သူမ စာကြည့်ခန်း နားသို့ ဆက်လျှောက်လာတော့ စန္ဒယားသံက ပိုကျယ်လာသည်။ သူမ ကိုင်လာသော ဖယောင်းတိုင်က ငြိမ်းကာနီး ဖြစ်နေပြန်သည်။

စာကြည့်ခန်းသို့ လာနေစဉ်မှာပင် တစ်စုံတစ်ရာက သူမ၏ အာရုံကို ဖမ်းစားထားသည်။ စန္ဒယားသံ ပင် ဖြစ်သည်။ ဂီတသံက ထိုအခန်းထဲမှ လာခြင်း ဖြစ်သည်။ သို့သော အခန်းထဲမှာ အရမ်းမှောင်နေပြီး ဘယ်သူ့ကိုမှ မမြင်ရပါ။ စာအုပ်တွေ ရာပေါင်းများစွာ ရှိနေသော စာကြည့်ခန်းထဲမှ သူမတို့ အခန်းဆီသို့ အမြန်ပြန်လာခဲ့သည်။ သူမ အိပ်မပျော်နိုင်တော့ပါ။ “ဘယ်သူ စန္ဒယားတီးနေတာလဲ” ဆိုသော မေးခွန်းက သူမ စိတ်ထဲမှာ တစ်ချိန်လုံး မေးနေခဲ့သည်။ သူမ မသိလိုက်ခင်မှာပင် နေရောင်က သစ်ပင်တွေ ထိပ်ဖျားကို ရောက်နေပါပြီ။ “မိုးတောင် လင်းနေပြီ” သူမက ပြောလိုက်သည်။ ဘယ်သူ စန္ဒယားတီးနေတာလဲ ဆိုတာ အဘွားကို မေးမည်ဟု တေးထားလိုက်သည်။ “ထကြတော့ အချစ်ကလေးတို့” အဘွားက ချိုသာသော အသံနှင့် လာနှိုးနေပြီ။
“ငါတို့မှာ ဒီနေ့ လုပ်စရာတွေ ရှိတယ်လေ”
“အဘွား”
“အင်း”
“မနေ့ညက ကော်ရစ်ဒါမှာ စန္ဒယားသံ ကြားမိလားဟင်”
“သမီးလေး၊ အဘွားကတော့ မင်းတို့ အဘိုး ဆုံးပြီးကတည်းက နားထဲမှာ စန္ဒယားသံ အမြဲကြားနေတာပဲကွယ့်”
“ဘာလို့လဲ ဟင်”
“မသိပါဘူးကွယ်.. အမှတ်ရစရာတွေ မို့လို့ပေါ့”
အဘွား အခန်းထဲမှ ထွက်သွားပြီးနောက် အယ်လဇ်ဇာ ရိုစ်လင်း စိတ်ထဲ ရှုပ်ထွေးနေဆဲ။ စန္ဒယား ဘယ်သူတီးတာလဲ ဆိုတဲ့ ငါ့မေးခွန်းကို ဖြေတာလဲ မဟုတ်ဘူး။ ဒေါ့ကို နှိုးပြီး အိပ်ရာက ထလိုက်သည်။ အယ်လဇ်ဇာ ရိုစ်လင်းသည် အသက် ၁၈ ရှိပြီ ဖြစ်သော ချစ်စရာ မိန်းကလေး ဖြစ်သည်။ ထိုနေ့က သန့်ရှင်းရေးတွေ လုပ်ရင်းနှင့် အချိန်က ကုန်သွားသည်။ သူမ စိတ်ထဲတွင် စန္ဒယားတီးသူကို တွေးနေဆဲ ဖြစ်သည်။ ထိုအချိန်မှာပင် ဒေါ့က အော်လိုက်သံကို ကြားသဖြင့် ပြေးသွားတော့ “ပင့်ကူ” တဲ့။ အဲလိုနှင့်ပင် နေ့လည်စာ စားချိန် ရောက်သွားသည်။ နောက်တော့ “အယ်လဇ်ဇာ ရိုစ်လင်း၊ ဖုန်းလာတယ်” ဆိုသဖြင့် သွားကိုင်လိုက်ရသည်။ သူမ စကားပြောချင်နေသော သူမ၏ မာမီ ဖြစ်သည်။

သူတို့ တစ်ယောက်နှင့် တစ်ယောက် မတွေ့တာ ကြာလှပြီ။ သူမတို့ အကြောင်းအရာတွေ အများကြီး ပြောဖြစ်ကြသည်။ သူမ မာမီက ဤအိမ်သို့ လာနေဖို့ လောလောဆယ် မဖြစ်နိုင်သေးကြောင်း ပြောသည်။ ထိုစကားမျိုးကတော့ အယ်လဇ်ဇာ ရိုစ်လင်း အတွက် ကြားနေကျပင်ဖြစ်သည်။ သူမ ဖုန်းချလိုက်ပြီးနောက် အခန်းကို ပြန်ခဲ့သည်။ သူမ စပြီး ငိုမိတော့သည်။ သူမ အချိန်ကြာမြင့်စွာ သိမ်းဆည်းထားခဲ့သော ခံစားချက်များကို ဖွင့်ထုတ်လိုက်ခြင်းပင် ဖြစ်သည်။ အယ်လဇ်ဇာ ရိုစ်လင်း က စိတ်ဓာတ် ခိုင်မာသော မိန်းကလေး ဖြစ်ပါသည်။ သူမ၏ နာကျင်မှုများကို ဘယ်သောအခါကမှ မပြသခဲ့ပါ။ သူမကို အားငယ်သူတစ်ယောက်အဖြစ် ဒေါ့ကို မမြင်စေချင်ပါ၊ ဒေါ့အတွက် သူမက စံပြဖြစ်အောင် နေခဲ့ပါသည်။ သူမ၏ ဒေါသများ၊ ဝမ်းနည်းမှုများကို ပြေလောက်အောင် ငိုနေဆဲမှာပင် စန္ဒယားသံကို ကြားခဲ့ရသည်။

မျက်ရည်များကို သုတ်လိုက်ပြီး စာကြည့်ခန်းဆီသို့ လျှောက်လာခဲ့သည်။ သူမက တံခါးကို ဖြည်းညှင်းစွာ ဖွင့်လိုက်သောအခါ သူမတစ်ခါမှ မမြင်ဖူးခဲ့သော အဘိုး၏ပုံကို ထိုနေရာမှာ တွေ့လိုက်ရသည်။ သူသည် စန္ဒယား ထိုင်တီးနေခြင်း ဖြစ်သည်။ သို့သော် စန္ဒယားသံက ရုတ်တရက် တိတ်သွားပါသည်။ သူမ မျက်လုံးကို ဖွင့်ကြည့်လိုက်သောအခါ မှောင်မဲနေသည်။ သူမ အိပ်ပျော်သွားခြင်း ဖြစ်သည်။ ထိုနေရာတွင် စန္ဒယားတီးနေခြင်း မရှိပါ။ အဲလိုနှင့်ပင် နေ့များ ကုန်ဆုံးသွားသည်။ ဘာမှ ထပ်မဖြစ်ခဲ့ပါ။ သို့သော် တစ်ညမှာတော့ ထပ်ဖြစ်ပြန်သည်။ အယ်လဇ်ဇာ ရိုစ်လင်း ထိုအခန်းသို့ ပြေးကြည့်လိုက်သောအခါ ထိုနေရာမှာ ထိုင်နေသူက သူမ၏ အဘွား။ လှပသော၊ နှင်းလို ဖွေးဖွေးဖြူနေသော ဆံပင်များနှင့် သူမ၏ အဘွားသည် စန္ဒယား တီးနေခြင်း ဖြစ်သည်။ အယ်လဇ်ဇာ ရိုစ်လင်းသည် ထိုနေရာမှာ ထိုင်၍ သူမ စန္ဒယားသံကို နားထောင်ခဲ့သည်။ “စန္ဒယား တီး တီးနေတာ သူမပါပဲလား..”။

Faith Thomas ၏ The Piano ကို ဆီလျော်အောင် ပြန်ဆိုပါသည်။
သိင်္ဂါကျော်

10 comments:

ကြည်ဖြူပိုင် said...

ဇာတ်လမ်းလေးကောင်းတယ်မသိင်္ဂါရေ


ကလေးတွေသနားစရာနော်

နန်း said...

ဘာသာပြန်လေးကောင်းတယ်

ညရဲ့ကောင်းကင် said...

ဘာသာပြန်လေးက ဖတ်လို့တော်တော်ကောင်းတယ်ဗျ...

kokomaung.uk said...

စိတ္တဇဆန်တယ်နော်။ တွေးရခက်ကြီး။ ဖတ်ရင်းနဲ့ အိပ်မက်ထဲရောက်သွားသလိုမျိုး ဖြစ်မိတယ်။

မြစ်ကျိုးအင်း said...

မြန်မာနာမည်တွေမဟုတ်လို့သာ ဖတ်ရင်းနဲ့ ဘာသာပြန်လို့ မှန်းလို့ရတာ တကယ်တော့ စာအရေးအသားက ပြေပြစ်လွန်းတယ်။
အားပေးပါတယ်။

အပြုံးပန်း said...

ဘာသာပြန်လေးက
စိတ်ဝင်စားအောင် ဆွဲခေါ်သွားတယ်၊
အရေးအသားလေး နှစ်သက်ပါတယ်။

လသာည said...

ဘာသာပြန်လေး တအားဖတ်ကောင်းတယ်။ အဲဒီအဖွားကို မြင်ယောင်လာတယ်.. အဖိုးကို လွမ်းဆွတ်စိတ်နဲ့ အဖွား စန္ဒယား တီးနေတာ အခုထိပေါ့နော်။ လေးစားဖို့ ကောင်းတဲ့ သဃောဇဉ်လေး တနွယ်ပါပဲ။

Angel Shaper said...

အယ်... ဒီစာအုပ် ကျောင်းကစာကြည့်တိုက်က ဖတ်ဖူးတယ်။ ကိုယ့်ဟာကိုယ်ဖတ်တုန်းက ဒီလောက်မကောင်းဘူး။ အဟီးးးးးးး
မကြီးရေးထားတာ တော်တော်ကောင်းတယ်။
အရမ်းကြိုက်တဲ့ စာလေးကို မြန်မာလို ကောင်းကောင်းလေးဖတ်ရလို့ ကျေးကျေးစ်မရေ...
ဘာသာပြန်လဲကောင်းတယ်နော် မကြီး။
နောက်ထပ်လုပ်ဦးလေ။ မျှော်နေမယ်။

မောင်ဘကြိုင် said...

အစ်မဇတ်လမ်းတွေ ကောင်းတယ်ဗျ
လက်ရာကောင်းတယ်

ကိုဇော် said...

ကောင်းပါတယ်ဗျာ..
အားပေးလျက်ပါ။

( သိင်္ဂါရေ...
zaw357@gmail.com ကို မေးလ်ပို့ပေးပါလား။ ကိစ္စတစ်ခု တိုင်ပင်စရာ ရှိလို့ပါ။
ကျနော် အမြဲတမ်းတတ်ထားမဲ့ မေးလ်နဲ့ ပြန်ပြီး အက်လိုက်ပါ့မယ်။ ကိစ္စက စာမူ ကိစ္စပါ။ )

ပျော်ရွှင်ပါစေ
ကိုဇော်