အသိခေါက်ခက် အဝင်နက်နေခဲ့တယ်
စိတ်အာဟာရလို့ ကိုယ့်ကိုယ်ကိုယ် ဆင်ခြေပေးပြီး
အချစ်ခံရအောင် ကြိုးစားနေခဲ့မိသလိုလို။
ပျော်ပျော်ပါးပါး သန့်သန့်ရှင်းရှင်းလေးပါ
ကျွန်မကို နွေးထွေးစေတဲ့ စာကြောင်းလေးတွေ လက်ခံပေးရုံ
သူတို့ကို နာကျင်စေရမှာ စိုးလို့ပါ
တမင်တကာ မပြတ်သားခဲ့မိရုံ။
မချစ်တတ်ဘူးလို့ ကိုယ့်ကိုယ်ကို အထင်ကြီးပြီး
အချစ်ကို သိမ်းထားရုံ သိမ်းထားခဲ့မိတယ်
ဘယ်သူ့ကိုမှ ထွက်မသွားခိုင်းရက်ဘူး။
ကျွန်မနှလုံးသားကိုသာ အနာကျင်ခံပြီး
ထွက်သွားချိန်ကို စောင့်ပါ့မယ်။
ကျွန်မကို မိုက်မဲတယ်လို့ ပြောချင်ကြသလား
အများကြီးစီစစ်ပြီးမှ သူငယ်ချင်းအနည်းငယ်လောက်သာ ရွေးချယ်ထားတာပါ၊
ချစ်ခြင်းရဲ့ ဖြစ်ပျက်သဘောတရားကို နားလည်နေပေမယ့်
ယုံကြည်လောက်အောင် ပြောကြတဲ့အခါ
လက်ရှိ ခံစားချက်လေးကို ယုံပေးလိုက်တယ်
တခဏလေးပဲဖြစ်ဖြစ် စိတ်ချမ်းသာရပါစေပေါ့။
ကျွန်မကို မျက်နှာများတယ်လို့ စွပ်စွဲချင်ကြသလား
message တစ်ကြောင်းစာမှ ကတိတွေ မပေးခဲ့ဖူးသူပါ
ချစ်ခြင်းတရားကို မျက်နှာလွဲခဲပစ် မပြုလိုရုံ သက်သက်သာ။
လူတိုင်းဟာ ချစ်ခြင်းတရားမှာ သာယာတတ်ရဲ့
အိပ်မက်ဆိုတာ နိုးလာတဲ့အချိန်မှာ ပျက်ပြယ်မယ်သိသိနဲ့ပဲ
မက်ခဲ့ဖူးကြသလိုမျိုး
အပြင်လောကမှာ ဘယ်သူ့ရဲ့ ဂရုစိုက်မှုကိုမှ မခံရဖူးတဲ့ ကျွန်မလိုလူက
စိတ်ရင်းမှန် ဟုတ်မဟုတ် မသိနိုင်တဲ့ နှစ်လိုစရာ message တွေအပေါ်မှာ ပျော်ဝင်ရင်း
ခေတ္တခဏလောက် အထီးကျန်မှုကနေ ရှောင်ထွက်လိုရုံ သက်သက်သာ။
သိင်္ဂါကျော်
5 comments:
အင္း.........
ကဗ်ာကို ဖတ္ျပီး စိတ္မေကာင္းျဖစ္မိတယ္ အစ္မ...
ဒီလိုပါဘဲ
ဥေပကၡာ မျပဳရက္တဲ့ ေမတၱာတရားေတြက
တခါတခါက်ေတာ့ ကိုယ့္ကိုျပန္မြန္းက်ပ္ေစတယ္။
ၾကိဳက္တယ္ မသိဂၤါေရ။ တခ်ိဳ႕ေသာခံစားခ်က္ေတြတိုက္ဆိုင္ေနလို႕!!!!!!
၀န္ခံ စကားေတြဖတ္သြားပါတယ္။
ခ်စ္ျခင္းေမတၱာအေၾကာင္းကေတာ့ ဘယ္ရွဳေထာင့္ကေန ဘယ္လိုပဲေရးေစေတာ့ ဖတ္လို႔ကို မ၀ႏိုင္တာကလား...အသက္နဲ႔လည္း မဆိုင္ေပါင္ဗ်ာ...ခံစားလို႔ ရေသးတာပါပဲ...
ဥေပကၡာဆိုတာ ကိုယ္ကျပဳလိုက္ရင္သာ ေနလို႕ေကာင္းတာ ..ကိုယ္အျပဳခံရတဲ႕အခ်ိန္က်ေတာ့ ေတာ္ေတာ္ေလး ခါးသက္မွန္း ကိုယ္ခ်င္းစာတတ္ခဲ႕ရတယ္....
Post a Comment