မြောက်လေ

(ဆောင်းရာသီအကြို ကဗျာလေးတစ်ပုဒ် တင်လိုက်ပါတယ်..)















အရိုးကွဲမတတ် ချမ်းနေတဲ့
ကမ္ဘာမြေကြီးကို သူကြိုဆိုပုံက
သင်းပါပေရဲ့။

သူ့အေးစက်စက်
လက်ကြီးနှစ်ဖက်နဲ့
ကမ္ဘာမြေကို
တအားပွေ့ဖက်ထားလိုက်ပုံများ
ငါတောင် ကြက်သီးတောင်ထချင်ရဲ့။

သစ်ပင်တွေကို ချစ်တယ်ဆိုပြီး
ပန်းကလေးတွေကို သူကြွေစေတာ
ဒါ သူ့ဝါသနာပဲဆိုပြီး
ငါခွင့်မလွှတ်ချင်ဘူး။

မြစ်ကလည်း
ငါ့ကိုတိုင်တည်ရှာပါတယ်
သူ့ကိုမချစ်ဘူးလို့။

အဲဒီလမ်းကလေးမှာ
သူရှိနေခဲ့ရင်
ငါ့မှာ
အိမ်ထဲပဲကုပ်နေခဲ့ရပေါ့
ဘာဖြစ်လို့လဲဆိုတော့
ဘယ်သူကမှငါ့ကို
ကုတ်အင်္ကျီတစ်ထည်
လက်ဆောင်မပေးခဲ့လို့ပဲ။

(သိင်္ဂါကျော်)

ဂျစ်ပစီအဘိုးကြီးအို…အချိန်

ဟို အပတ်တုန်းက

ဘေဘီလုံမှာ၊

ကုန်ဆုံးသွားတဲ့ညက

ရောမဆီမှာ၊

ဒီမနက်ကျတော့

တဒင်္ဂတပ်မက်ဇောနဲ့

ပေါလ် ရဲ့ အမိုးခုံးခုံးလုံးလုံးကြီးနဲ့

ပေါလ် ရဲ့ နာရီဒိုင်ခွက်ကြီးအောက်မှာ

ခဏလေးလောက်ပါ

အသာမြင်းဇက်ဆွဲသတ်လိုက်ပြီးနောက်…

မရပ်မနား သင်သွားပြန်လေတယ်။

မနားတမ်းမြို့တစ်မြို့ဆီကိုပေါ့နော်၊

သြော် မမြင်မစမ်းနဲ့

ဝမ်းဗိုက်တစ်ခုတည်းတွင်သာ

ရှိနေရှာသေးတဲ့မြို့…။

အဲဒီမြို့…

သချိုင်းဂူမို့မို့တွင်းမရောက်ခင်

သင်မနားတမ်း

နောက်ထပ်တစ်မြို့၊ တစ်စခန်းဆီ

ကြွလို့မြန်းပြန်ပေါ့။

အချိန်ဆိုတဲ့

အဘိုးအိုဂျစ်ပစီကြီးရယ်

သင့်ခရီးဖော်နောက်ပါများနဲ့

တစ်ထောက်ကလေး နားမနေနိုင်ဘူးလား

များများမဟုတ်ဘူးလေ တစ်ရက်၊

တစ်ရက်တည်းပါ။

ဟော့ဂျဆင် ရဲ့ Time: You Old Gypsy Man ကို တက္ကသိုလ်ဘုန်းနိုင် မြန်မာပြန်ထားတာပါ။ အလုပ်တွေ မပြီးသေးပဲ အချိန်တွေကုန်တာ မြန်တယ်ထင်လို့ ဒီကဗျာလေးကို သတိရမိတာနဲ့ တင်လိုက်တာပါ။

ဗုဒ္ဓ၏ဒဿန(၁)

* ပျော်ရွှင်ချမ်းမြေ့မှုသည် ဤလောကတွင် သံယောဇဉ် မရှိခြင်းပင်ဖြစ်ပါသည်။

* ငါဟူသော မာနကို ပယ်သတ်နိုင်ခြင်းသည် အမြင့်မြတ်ဆုံးသော ပျော်ရွှင်ချမ်းမြေ့မှု ဖြစ်ပါသည်။

* မိမိသာလျှင် ကံကောင်းအောင် လုပ်နိုင်သည်။

မိမိသာလျှင် ကံဆိုးအောင် ပြုလုပ်နိုင်ပါသည်။

* မိမိကိုယ်ကို ညစ်နွမ်းစေသည်မှာလည်း မိမိပင်ဖြစ်ပါသည်။

မိမိကိုယ်ကို သန့်ရှင်းဖြူစင်စေသည်မှာလည်း မိမိပင်ဖြစ်ပါသည်။

ညစ်နွမ်းမှု၊ သန့်ရှင်းဖြူစင်မှုတို့သည် မိမိ အပေါ်မှာသာ တည်ပါသည်။

* ဤ ကိုယ်ခန္ဓာကို ငါမပိုင်ပါ။ ငါလည်းမဟုတ်ပါ။ ငါ၏ ဝိညာဉ်လည်း မဟုတ်ပါ။

* မိမိကိုယ်ကို အောင်နိုင်ခြင်းသည် အကောင်းဆုံး အောင်နိုင်ခြင်းပင် ဖြစ်သည်။

Narada Thera ၏ Buddhism in a Nutshell မှ အကိုးအကားများ၊ Dr သိန်းလွင် မြန်မာပြန်၊ မြတ်မင်္ဂလာ၊ Aug 1997.