အောက်ပါအချက်များဟာ
အမျိုးသမီးများအတွက် American Express က ပြုလုပ်တဲ့ CEO BootCamp မှာ အမျိုးသမီး စီးပွားရေး
စွမ်းဆောင်ရှင်များ ဖြစ်တဲ့ Tory Burch၊ Angie Hicks၊ Robin Chase၊ Jean Chatzky နဲ့
Melinda Emerson တို့က သူတို့ရဲ့ အောင်မြင်တဲ့ စီးပွားရေး လုပ်ငန်းရှင် ဖြစ်လာဖို့
အတွက် သူတို့ရဲ့ အမြင်တွေ၊ အကြံဥာဏ်တွေ၊ စိတ်ကူးစိတ်သန်းတွေနဲ့ သင်ခန်းစာတွေကို ဆွေးနွေးကြရာမှ ကောက်နုတ်ထားခြင်း
ဖြစ်ပါတယ်။
၁။
ယုံကြည်မှု
အောင်မြင်ဖို့ ဟောပြောသူတိုင်းက ထပ်ခါ ထပ်ခါ ပြောလေ့ ရှိတာကတော့
သင့်ရဲ့ အကြံဥာဏ်၊ သင့်ရဲ့ အမြင်နဲ့ သင့်ကိုယ်သင်
စီးပွားရေး လောကထဲကို ရောက်အောင် ဘယ်လို သွားရောက်မယ် ဆိုတဲ့ ယုံကြည်မှုက အရေးကြီးတဲ့
အကြောင်းပါပဲ။ အများစုကတော့ အဲဒီ ယုံကြည်ချက်ကို ရှိသည်ဖြစ်စေ၊ မရှိသည်ဖြစ်စေ တဖြည်းဖြည်း
ယိုစိမ့်ထွက်လာအောင် အထောက်အပံ့ ပေးကြပါတယ်။ Zipcar ကို တည်ထောင်တဲ့ Robin Chase က
ဆွေးနွေးခဲ့တာကတော့ “အကယ်၍ သင်ဟာ တစ်စုံတစ်ရာကို ဘယ်လိုလုပ်ရမှန်း မသိတဲ့အခါ အဲဒီအလုပ်အပေါ်
သင့်ရဲ့ လုပ်နိုင်စွမ်းနဲ့ ပတ်သက်ပြီး ယုံကြည်မှုကို ပြသပါ။ ပြီးတော့မှ ပြန်ပြီး သင်ယူပါ။”
တဲ့။ Mally Beauty ကို တည်ထောင်တဲ့ Mally
Roncal ပြောတဲ့ စကားတစ်ခွန်းကတော့ “သင် မလုပ်နိုင်ခင် အထိ အတုလုပ်ပါ”။ သင့်ရည်မှန်းချက်ကို
ဦးတည်တဲ့ လမ်းကြောင်းရှည်တစ်လျှောက် အောင်မြင်တဲ့အထိ သွားနိုင်ဖို့ မသေချာသေးတဲ့ အချိန်မှာတောင် ယုံကြည်ချက်ကို တိုးလာအောင်၊
ကိုယ့်ကိုယ်ထဲက ယိုစိမ့်ထွက်လာအောင် လုပ်ရမယ် လို့ Mally က ပြောပါသေးတယ်။
၂။ ကြံ့ကြံ့ခံနိုင်မှုက အောင်မြင်ဖို့
အတွက် အရေးကြီးတဲ့ အချက်ပါ။
အောင်မြင်တဲ့
ခေါင်းဆောင်တွေထဲက အားလုံးလိုလိုပဲ သူတို့
“No” လို့ ပြောတဲ့ အချိန်တစ်ခုကို ဝေမျှဖူးကြပါတယ်။ သို့ပေမယ့် သူတို့ အမြင်ကို
တစ်နည်းနည်း နဲ့တော့ ဆက်လက် အကောင်အထည်ဖော်တာပါပဲ။ အဓိက အရေးကြီးတာကို ပြန်ပြောရရင်တော့
ဇွဲလုံလ ရှိဖို့နဲ့ ကြံ့ကြံ့ခံနိုင်ဖို့ပါပဲ။
Angie’s List ကို တည်ထောင်တဲ့ Angie Hicks က အကြံပြုတာကတော့ “ရည်မှန်းချက်ကို အာရုံစူးစိုက်ပါ၊
အခက်အခဲကို ကြံ့ကြံ့ခံ သည်းခံပါ။ ရည်မှန်းချက်ကို ရအောင်လုပ်ဖို့ စိတ်ပိုင်းဖြတ်ပါ
တဲ့။ အဆိုးဆုံး အရာကတော့ “မဖြစ်နိုင်ဘူး မရနိုင်ဘူး No” လို့ ပြောတာပါပဲ။ ကိုယ်ပိုင်
Lifestyle brand ကို ဒီဇိုင်းထွင်သူ တည်ထောင်သူ Tory Burch က သူမရဲ့ တံဆိပ်၊ သူမရဲ့ ကုန်ပစ္စည်းနဲ့ ပတ်သက်ပြီး၊ သူမရဲ့
စီးပွားရေး အစီအမံ စတာတွေနဲ့ ပတ်သက်ပြီး မသေချာ
မရေရာဘူး ထင်တဲ့ သံသယ အများကြီး တက်လာတဲ့အခါ သူမ လုပ်ဆောင်ပုံနဲ့ ပတ်သက်ပြီး ဆွေးနွေးခဲ့တာကတော့
“ကိုယ်ချမှတ်ထားတဲ့ လမ်းကြောင်း ပေါ်မှာပဲ နေပါ၊ တစ်ခြားလူတွေရဲ့ ထင်မြင်ချက်တွေကို နားမထောင်ပါနဲ့” တဲ့။
၃။ သင့်မှာ အောင်မြင်ဖို့အတွက် ထူးခြားဆန်းသစ်တဲ့
အကြံဥာဏ် ရှိစရာမလိုပါဘူး။
Angie
Hicks နဲ့ Robin Chase အပါအဝင် အောင်မြင်နေတဲ့ အမျိုးသမီး လုပ်ငန်းရှင် အများစုက ထပ်ပြောတာကတော့
ဒီ အံသြဖွယ်ရာ လှုံဆော်ပေးတဲ့ အရာပါပဲ။ စီးပွားရေးလုပ်ငန်းရှင် ဖြစ်ဖို့ အလားအလာ ရှိတဲ့သူ
အများအပြားဟာ သူတို့ရဲ့ အကြံဥာဏ်ဟာ သူများနဲ့
မတူ တမူထူးခြားတယ် ဆိုတာ သူတို့ ကိုယ်တိုင် မယုံကြည်တဲ့အတွက် စီးပွားရေးတစ်ခု စတင်ဖို့
ရာ စိတ်အားထက်သန်မှု လျှော့နည်းသွားတတ်ပါတယ်။ Angie နဲ့ Robin နှစ်ယောက်လုံး ထောက်ခံ
ပြောကြားတာကတော့ သင့် အကြံဥာဏ်ရဲ့ ထူးခြား
ဆန်းသစ်မှု အားနည်းတယ် ဆိုရင် အဲဒါကို ဘယ်လို အကောင်အထည်ဖော်မလဲ ဆိုတဲ့ အပေါ်မှာ ပိုပြီး
အာရုံစိုက်ပါ လို့ ဆိုပါတယ်။ အောင်မြင်တဲ့ လုပ်ငန်းရှင်များဟာ သူတို့ရဲ့ ကုမ္ပဏီတွေကို
ဈေးကွက်မှာ တူညီတဲ့ လုပ်ငန်းတွေ ရှိတဲ့ကြားက ထိုးဖောက်ထွက်ခဲ့တာ ဖြစ်ပါတယ်။ တူညီတဲ့
အရာများကြားမှာ သူတို့ကို ထူးခြားစေခဲ့တာကတော့ သူတို့ရဲ့ အမြင်၊ အကောင်အထည်ဖော်တဲ့
နည်းဗျူဟာ နဲ့ ကြံ့ကြံ့ခံနိုင်စွမ်းတို့ ပဲ
ဖြစ်ပါတယ်။
၎။ သင့်လုပ်ငန်းကို မစတင်ခင်မှာ ပြန်လည်ထွက်ရမယ့်
နည်းလမ်းကို သိထားပါ။
ငွေကြေးဆိုင်ရာ
ကျွမ်းကျင်သူများဖြစ်တဲ့ Jean Chatzky နဲ့
Valerie Coleman တို့က သင့်ရဲ့ စီးပွားရေး လုပ်ငန်းကို စတင်နေတဲ့ အချိန် အစောပိုင်းမှာ
ပြန်နှုတ်ယူရမယ့် အစီအစဉ်ကို သိထားဖို့လည်း လိုတယ် ဆိုတဲ့ အကြောင်း ဆွေးနွေးခဲ့ပါတယ်။
ပြန်နှုတ်ထွက်ရမယ့် အစီအစဉ်တစ်ခု ရှိထားခြင်းဟာ သင့်ရဲ့ နှစ်တို၊ နှစ်ရှည် စီးပွားရေး
ဗျူဟာကိုသာမက သင့်ရဲ့ ဘဏ္ဍာရေး ဆုံးဖြတ်ချက်တွေကို လမ်းညွှန်ရာမှာလည်း အထောက်အပံ့ ဖြစ်စေပါလိမ့်မယ်။
၅။ မှန်ကန်သော အဆက်အသွယ်များ နှင့် ဆက်သွယ်ခြင်းကို
အာရုံစိုက်ပါ။
ဦးဆောင်သူတိုင်းဟာ
အဆက်အသွယ်ကောင်း တည်ဆောက်ခြင်းကို သေချာပေါက် လုပ်ဆောင်ခဲ့ပါတယ်။ အဲဒါကလည်း အောင်မြင်မှုရဲ့
လျှို့ဝှက်ချက် တစ်ခုပါ။ “အဲဒါက ကိုယ်ပိုင်သီးသန့်
ခရီးတစ်ခု မဟုတ်ပါဘူး၊ အဲဒါက အသင်းအဖွဲ့ တစ်ခုပဲလေ” လို့ Tory Burch က သူမရဲ့ အကြံပေးမှုကို နိဂုံးချုပ်ခဲ့ပါတယ်။ တစ်ခြား အမျိုးသမီးတွေ၊
စီးပွားရေးလုပ်ငန်း ဦးဆောင်သူတွေနဲ့ ကောင်းမွန်သော
ပေါင်းသင်းဆက်ဆံရေးကို တည်ဆောက်ခြင်းဟာ အရေးပါတဲ့အကြောင်း အများစုက ထောက်ခံပြောကြားကြပါတယ်။
Angie Hicks ကတော့ “ တစ်ခြားသူတွေကို ပြိုင်ဘက်တွေလို့ သဘောမထားပါနဲ့၊ တစ်ယောက်နဲ့
တစ်ယောက် အကျိုးတူ ပူးပေါင်းဆောင်ရွက်သူတွေလို့ သဘောထားပါ” လို့ ဆိုပါတယ်။
Anjali
Varma ၏ 5 Guiding Principles from Successful Women ကို သင့်လျော်သလို ပြန်ဆိုပါသည်။
သိင်္ဂါကျော်
