မႏွစ္ျမိဳ႕ေသာ

သူမသည္
အေပၚယံသက္သက္ ျပံဳးျပေသာ ဟန္ေဆာင္အျပံဳးမ်ားကို မႏွစ္ျမိဳ႕ ။
စိတ္ထဲက မပါေသာ ခ်ီးက်ဴးစကားမ်ားကို မႏွစ္ျမိဳ႕ ။
အတြင္းစိတ္ႏွင့္ မကိုက္ညီေသာ ဟန္ေဆာင္ အျပဳအမူမ်ားကို မႏွစ္ျမိဳ႕ ။

သူမသည္
ကိုယ္စိတ္ႏွင့္ မတိုက္ဆိုင္တိုင္း သူတစ္ပါးကို အလြယ္တကူ အျပစ္တင္တတ္သူမ်ားကို မႏွစ္ျမိဳ႕ ။
ကိုယ္အၾကိဳက္ႏွင့္ မတူတိုင္း သူတစ္ပါးကို မေကာင္းထင္တတ္သူမ်ားကို မႏွစ္ျမိဳ႕ ။

သူမသည္
အခြင့္အေရးအတြက္ ကပ္ဖားရပ္ဖား လုပ္တတ္သူမ်ားကို မႏွစ္ျမိဳ႕ ။
ရလိုမႈအတြက္ အေပးအကမ္း ရက္ေရာတတ္သူမ်ားကို မႏွစ္ျမိဳ႕ ။

သူမသည္
အရည္အခ်င္းထက္ နီးစပ္ရာ ၾကည့္တတ္ေသာ ေရြးခ်ယ္မႈမ်ားကို မႏွစ္ျမိဳ႕ ။
မွ်တစြာ စိစစ္မႈထက္ လက္သိပ္ထိုး ထည့္တတ္ေသာ ေရြးခ်ယ္မႈမ်ားကို မႏွစ္ျမိဳ႕ ။
မွန္ကန္ေသာ ဆံုးျဖတ္မႈထက္ အားနာပါးနာ မ်က္ႏွာၾကည့္တတ္ေသာ ေရြးခ်ယ္မႈမ်ားကို မႏွစ္ျမိဳ႕ ။

သူမသည္
အလုပ္တာဝန္ အတြက္ ျငီးျငဴတတ္သူမ်ားကို မႏွစ္ျမိဳ႕ ။
တန္းတူညီမွ်မႈ မရွိေသာ တာဝန္ ခြဲေဝမႈမ်ားကို မႏွစ္ျမိဳ႕ ။
ကိုယ့္ေအာင္ျမင္မႈအတြက္ သူတစ္ပါးကို နင္းခ်တတ္ေသာ သူမ်ားကို မႏွစ္ျမိဳ႕ ။

သူမသည္
ဂုဏ္ ေငြ အလဲအထပ္ႏွင့္ အခ်စ္မပါေသာ အိမ္ေထာင္ေရးမ်ားကို မႏွစ္ျမိဳ႕ ။
အက္ကြဲေနသည့္ သစၥာတရားကို ဓေလ့ထံုးတမ္းႏွင့္ ပိတ္ဆို႕ထားရသည့္ အိမ္ေထာင္ေရးမ်ားကို မႏွစ္ျမိဳ႕ ။

သူမသည္
အခ်စ္တစ္ခုအတြက္ ဘဝပ်က္ခံတတ္သည္မ်ားကို မႏွစ္ျမိဳ႕ ။
အခ်စ္ျခင္းမညီ သစၥာမတည္သည့္ ႏွစ္ဦးႏွစ္ဖက္ မမွ်တေသာ အခ်စ္ေရးမ်ားကို မႏွစ္ျမိဳ႕ ။
ျဖစ္သင့္သည္ တစ္ခု၊ ဂုဏ္သိကၡာတစ္ခု အတြက္ စိတ္ခ်မ္းသာ ေပ်ာ္ရႊင္မႈကို နင္းေခ်ရျခင္းမ်ားကို မႏွစ္ျမိဳ႕ ။

သူမသည္
.......
....... ။

သိဂၤါေက်ာ္
14.9.2015

မဆုံဖြစ်တော့တဲ့အခါ

အမှတ်တမဲ့ ချစ်ခြင်းတစ်ခုကနေ

မင်းဘက်က ရှေ့တိုးမလာနိုင်တဲ့အခါ

ငါ့ဘက်ကလည်း ရှေ့တိုးမလာနိုင်ခဲ့။

အတုအယောင် ကမ္ဘာထဲမှာပဲ

စိတ်ကူးယဉ် ကျေနပ် နေတတ်အောင် ကြိုးစားခဲ့ရ။

မဖြစ်နိုင်ခြင်းကို သိသိနဲ့

ရေစီးကြောင်းလို သံယောဇဉ်က

ဖြတ်လို့ မပြတ်နိုင်ကြတဲ့အခါ

နောက်ဆုတ်ဖို့ ကြိုးစားရင်း နေမြဲတိုင်း ရပ်တန့် ဆဲမှာ

အချိန်တွေသာကြာပြီး

စိတ်ဖိစီးမှုတွေလည်း များလာခဲ့ရ။

အိပ်မက်ဆိုတာ တစ်ချိန်မှာ နိုးထရမှာ

သေချာခြင်း တစ်ခု ဆိုရင်

မင်းနဲ့ ငါရဲ့ ချစ်ခြင်းအိပ်မက် ကနေ

တစ်ချိန်ချိန်မှာ နိုးထလိုက်ရမှာ သိသိနဲ့

အဆုံးသတ်တစ်ခု ရှိမှာကို မတွေးချင်ခဲ့ကြ။

မင်းဘက်က ပဟေဠိဆန်တာတွေ

မသိယောင်ဆောင်ရင်း အိပ်မက် ဆက်မက်နေသူပါ

စတင်နိုးထသူဟာ ငါမဖြစ်လိုဘူး။

မင်းဘက်က အိပ်မက် ဆက်မမက်တော့ဖို့

ဆုံးဖြတ်နိုင်ခဲ့ရင်..

ငါလည်း

သံယောဇဉ်ကြိုးတွေ ဖြေလျှော့နိုင်လိမ့်မယ် ထင်ရဲ့။

ဒါပေမယ့်လေ

မင်း ဖုန်းပိတ်ထားတဲ့အခါ

ထင်နေကြအတိုင်း ငါ့ကို ထားခဲ့ပြီ ထင်ဆဲပဲ။

မင်းဘက်က ဇာတ်လမ်းဖြတ်လိုက်တဲ့အခါ

စိတ်သက်သာရာရတယ်လို့ ငါ့ကိုယ်ငါ ပြောတယ်။

ဒါပေမယ့်လေ

နောက်ဆုံးအနေနဲ့ ဆိုပြီး

ပိတ်ထားတဲ့ ဖုန်းကို ခေါ်ကြည့်မိဆဲ။

မင်း ဖုန်းပြန်ဆက်တဲ့အခါ

စိတ်ကောက်ဖို့ မေ့ပြီး ပြန်ပြေလည်မိလိမ့်မယ်။

တို့နှစ်ယောက် မဆုံဖြစ်တော့တဲ့အခါ

မင်း ချစ်ခြင်းကို အမြဲ အမှတ်ရနေလိမ့်မယ်။

မင်း အဆင်ပြေဖို့ကို မျှော်လင့်ရင်း

ငါလည်း အဆင်ပြေပါလိမ့်မယ်။

အဖြူထည် ချစ်ခြင်းတစ်ခုနဲ့

ငါ ကျေနပ်နိုင်တဲ့အခါ

ဘာမှလည်း မလိုအပ်တော့ပါ။

သိင်္ဂါကျော်

16.6.2015

9:25 PM

ချစ်ခြင်းဟာ ထူးဆန်းတယ်

ချစ်ခြင်းဟာ ထူးဆန်းတယ်

မရည်ရွယ်ပါပဲလည်း စတင်မိတတ်တယ်။

ချစ်ခြင်းဟာ ထူးဆန်းတယ်

မမြင်မတွေ့ မရင်းနှီးဖူးပေမယ့်လည်း ချစ်မိတတ်တယ်။

ချစ်ခြင်းဟာ ထူးဆန်းတယ်

မချစ်သင့်မှန်း သိရက်နဲ့လည်း ချစ်မိတတ်တယ်။

ချစ်ခြင်းဟာ ထူးဆန်းတယ်

မသင့်တော်မှန်း သိရက်နဲ့လည်း ဖြတ်ဖို့ ခက်တတ်တယ်။

ချစ်ခြင်းဟာ ထူးဆန်းတယ်

ချစ်ခြင်းဟာ အရာအားလုံး မဟုတ်ဘူး

ကိုယ့်စိတ်ကိုယ် အသိဉာဏ် ဆေးသွင်းလည်း

မိုက်မဲမြဲ မိုက်မဲ နေတတ်တယ်။

ချစ်ခြင်းဟာ ထူးဆန်းတယ်

ချစ်သူအတွက် ရည်ရွယ်တဲ့အခါ

တစ်သက်တာ မလုပ်ဖူးတဲ့ အလုပ်တွေလည်း လုပ်လာနိုင်တယ်။

တစ်သက်တာ မကြိုးစားဖူးသမျှလည်း ကြိုးစားဖြစ်သွားတယ်။

ချစ်ခြင်းဟာ ထူးဆန်းတယ်

သူ မရှိလို့ မဖြစ်တော့ဘူးလို့ ယုံကြည်လာတဲ့အခါ

အရာအားလုံး ရင်ဆိုင်ရဲလာတယ်။

ချစ်ခြင်းဟာ ထူးဆန်းတယ်

နှစ်ယောက်တစ်ဘဝအတွက် ပန်းတိုင်ထားလိုက်တဲ့အခါ

ဆုံးဖြတ်ချက် အဟောင်းတွေ စွန့်ပစ်လိုက်နိုင်တယ်။

ဆုံးဖြတ်ချက် အသစ်တွေ အကောင်အထည် ဖော်တတ်လာတယ်။

ချစ်ခြင်းဟာ ထူးဆန်းတယ်

တစ်သက်တာအတွက် ရည်ရွယ်ပြီ ဆိုတဲ့အခါ

မတူညီတာတွေ ညှိယူတတ်လာတယ်။

ကိုယ့် အတ္တတွေ လျှော့ချတတ်လာတယ်။

အနာဂါတ်ဘဝ လှဖို့ နှစ်ဦးအတူ ကြိုးစားတတ်လာတယ်။

ချစ်ခြင်းဟာ ထူးဆန်းတယ်

ကောင်းချီးပေးသူ မရှိပေမယ့်လည်း

နှစ်ယောက်တစ်ဘဝဟာ

အရာရာ အဆင်ပြေနေတတ်ပြန်တယ်။

သိင်္ဂါကျော်