မျှော်လင့်ခြင်းမဲ့ ချစ်ခြင်းသက်သက်

ပန်းကလေးတွေတောင် ခူးသူကို မျှော်လင့်ပြီး ပွင့်ကြတာမှ မဟုတ်ပဲလေ
ခူးယူပြီး နင်းချေခံရတာထက် စာရင်
မြတ်နိုးလို့ မခူးရက်ခြင်းက အပင်မှာ တင့်စေနိုင်သေးရဲ့။

Anniversary လည်း တိတိကျကျ မရှိ
ဘယ်အခါက စတင်ခဲ့ပြီး
ဘယ်အခါက သေချာသွားတယ် မသိသော
ချစ်ခြင်း တစ်ခုကို
ယုံယုံကြည်ကြည်လည်း ရှိဖူးပါရဲ့
မယုံမကြည်လည်း ရှိဖူးပါရဲ့
ပြတ်ပြတ်စဲစဲ ရှိကြဖို့လည်း မနေနိုင်တဲ့အခါ
ဒီတိုင်းလေးပဲ တဲ့
သူငယ်ချင်း မဟုတ် ချစ်သူ မဟုတ်
တစ်နေ့တစ်ခါ သတိရရုံလောက်နဲ့
ကျေနပ် နေတတ်ရင်း
ဒီလိုနဲ့ပဲ
ခန့်မှန်းခြေ Anniversary က
နှစ်ခါ မြောက် တော့မယ် ပေါ့။

နတ်ကောင်း ဆောင်မမှုမှ မရှိရင်
တစ်သက်စာအတွက် တွဲလက်တစ်စုံ ဆိုတာ
စိတ်ကူးယဉ်ခွင့် သက်သက်သာ။

ကမ်းမယ့်လက်က ဝံ့ဝံ့ရဲရဲ မရှိတဲ့အခါ
ရှေ့တိုးဖမ်းဆုပ်ရမယ့်သူက ပေါ်မလာနိုင်တာ
အပြစ်တင်ချင်စိတ်လည်း မရှိတော့ပါ။
ဝေးဝေးက လွမ်းစိတ်တစ်ခုနဲ့သာ နှစ်သိမ့်တတ်ခဲ့ ပေါ့။

ဘာကိုမျှ မမျှော်လင့်တတ်တဲ့သူက
နာကျင်ရတာ နည်းလိမ့်မယ် တဲ့။
မမျှော်လင့်ချင်တာတော့ မဟုတ်ရပါ။
မျှော်လင့်ချင်သောအရာက လာမယ် မသေချာသော အရာ။
မျှော်လင့်ချင်သောအရာက တစ်ရာခိုင်နှုန်းလောက်တောင် ဖြစ်နိုင်ချေ မရှိတဲ့အခါ
မျှော်လင့်ခြင်းကိုသာ ချောင်တစ်ချောင်မှာ ပစ်ထားရတော့တယ်။

သိင်္ဂါကျော်

မပြောင်းလဲသူ

အရာရာ ပြောင်းလဲဖို့ ပြင်နေချိန်မှာ
ဘာမှ မပြောင်းလဲသူက ငါပဲကွယ့်။

သာမန်ဘဝတွေက
အမြဲတမ်း လိုအပ်ချက်တွေ ပြည့်နေတတ်တယ်။
အမြဲတမ်း အိပ်ကပ် ပါးနေတတ်တယ်။

သာမန်ဘဝတွေက
ငြီးငွေ့စရာ အလုပ်တွေနဲ့ ပြည့်နေတတ်တယ်။
စိတ်အားထက်သန်ခြင်းတွေ ပါးရှား နေတတ်တယ်။

အသုံးမကျတာကို တဖွဖွ ရွတ်ရင်း
အသုံးကျအောင် ကြိုးစားဖို့လည်း
အားလပ်ချိန်တွေ ပေးဆပ်ရဖို့ နှောင့်နေးနေလေသူ။

မိုက်မဲ တွေဝေမှုက
ဘဝနဲ့ ရင်းပြီး မရှိနိုင်ခဲ့ရင်
တစ်ချို့ ရေစက်တွေက
တစ်သက်စာ ဖူးစာအထိ ရောက်ချင်မှ ရောက်လိမ့်မယ်။

ပြောင်းလဲခြင်း ဆိုတာ
လုပ်တိုင်းလည်း ကောင်းတာ မဟုတ်ဘူး။
မလုပ်တိုင်းလည်း ကောင်းတာ မဟုတ်ဘူး။

စာတစ်အုပ် ကော်ဖီတစ်ခွက်နဲ့
ရာသီသုံးပါး ရောင့်ရဲနိုင်ပါရဲ့
နောက်ဆုံးပေါ် smart phone နဲ့ laptop တွေ မလိုအပ်ပါ။
စိတ်ကူးတွေ ရေးစီဖို့ laptop အဟောင်းတစ်လုံး
မျက်နှာစာအုပ်နဲ့ ဆက်သွယ်ဖို့ phone အဟောင်းတစ်လုံးနဲ့ တင်
စကားပြောဖော် မရှိပဲ ကျေနပ်နိုင်ပါရဲ့
ကိုယ့်နေ့ရက်တွေလေ။
အရင်လိုပဲ ဟောင်းမြဲ ဟောင်းဆဲပေါ့။

(သိင်္ဂါကျော်)

ပျက်ချိန်တန်

ရေများတဲ့ နေရာတွေမှာ
ရေစီးဆင်းမှုက အမြဲမပြတ်ပေမယ့်
ရေခမ်းခြောက်တဲ့ နေရာတွေမှာတော့
ရေတစ်စက် တစ်စက် ရဖို့ မနည်းပါပဲ။
ကံအကြောင်းတရား မတူညီတာကို
ဘယ်နတ်ဖုရားကမှ ညှိယူလို့ မရတာပါ။

အခါမဲ့ မိုးတွေရွာတာက
အတွင်းစိတ်ထဲက လောဘတွေထက်
ပိုနိုင်ပါ့မလား။
မတော်တဆ မီးတွေက
အတွင်းစိတ်ထဲက ဣသာ မစ္ဆိရိယတွေထက်
ပိုပြီး လောင်မြိုက်နိုင်ပါ့မလား။
အပူလှိုင်း ဆိုတာတွေက
အတွင်းစိတ်ထဲက ဒေါသတွေထက်
ပိုပူနိုင်ပါ့မလား။

မသိနားမလည်ခြင်းတွေက
တစ်စစီပြန့်ကျဲနေတဲ့
လမ်းပေါ်က ပန်းတွေရဲ့ အစပါ။
ထိန်းမနိုင်သိမ်းမရခြင်းတွေက
စွန့်ပစ်ခံ ပန်းတွေရဲ့ အစပါ။
သန္ဓေမအောင်တဲ့ ပန်းတွေကို ပွင့်လန်းစေဖို့ရာ
အားလုံးမှာ တာဝန်ရှိပါရဲ့ ။

အတ္တဖုံးထားတဲ့ ဆန္ဒတွေကို မချိုးနှိမ်ပဲနဲ့
ငြိမ်းချမ်းနိုင်စရာ လမ်းစရှိပါ့မလား။

အသစ်အသစ်တွေဆီ လမ်းဖောက်ရင်းနဲ့
ယဉ်ကျေးမှု အဟောင်းတွေ ပျောက်ပျောက်လာတာရော
သတိထားမိကြရဲ့လား။

အကျိုးဆက်တိုင်းမှာ အကြောင်းတရားက ရှိပါတယ်
လက်မခံချင်တာပဲ ဖြစ်မှာပါ။

စိတ်ကူးယဉ် အထူးပြုလုပ်ချက်တွေလောက်
ခမ်းခမ်းနားနား မရှိပဲနဲ့
ကမ္ဘာကြီးက တစ်စစီ ပဲ့ကြွေတော့မှာပါ။
အဲဒီအချိန်လေး မရောက်ခင်တခဏ
အမုန်းတရားနဲ့ အတ္တတွေ လျှော့ချကြဖို့ရာ
အားလုံးပဲ ကြိုးစားသင့်ပါရဲ့။

သိင်္ဂါကျော်
25.2.2016