အသည်းကွဲဆောင်းည

ညရဲ့အတွင်းမှာ
အိပ်မက်တွေတိတ်ဆိတ်
တထိတ်ထိတ်နဲ့။

ညရဲ့အပြင်မှာ
ကျအံ့ဆဲနှင်းတွေတောင်
ခြောက်သွေ့နေသလို။

ဘယ်အရာဟာ
ဖြေဆည်ရာဆိုရလေမလဲတောင်
မသိနိုင်အောင်
ဦးနှောက်လည်းဟင်းလင်းပွင့်။

ငါ့ရင်ဘတ်မှာ
အပြည့်အသိပ်ထည့်ခဲ့တာ
မင်းအတွက်
မြတ်နိုးခြင်းနှင်းတွေပေမယ့်
ခုနေခါတော့
ဆာဟာရကသဲပွင့်တွေလို
ငါ့တကိုယ်လုံးကိုမြေမြှုပ်ဖို့ကြံနေပေါ့။

 

သိင်္ဂါကျော်

နံနက်မိုး

မိုးဖွဲဖွဲလေး
အရုဏ်ကိုရေချိုးပေးနေတာ
ရေငွေ့မပျံခင်
ထိပ်ဖျားသစ်ရွက်တွေကြားက
ကျလာတာ ငါကြားရ
ရောက်ရှိလာတော့
မြေပြင်ကို တလက်လက်တောက်ပစေ
တိုက်ခတ်နေတဲ့လေက
တိမ်တွေနောက်ပြေးလိုက်သွားတော့
မိုးတွေသည်းလာ။

အဲဒီအခိုက်မှာ
အိမ်မိုးသက်ကယ်တွေလည်း အရောင်တောက်လာ
ငှက်အုပ်တွေ တောရိုင်းတိရိစ္ဆာန်အုပ်တွေလည်း
နည်းနည်း နည်းနည်းနဲ့ ရွှဲရွှဲကိုစိုသွားရော
အဲဒီနောက်တော့
ကတိုးရနံ့တွေ
တောင်တစ်ဝက်လောက်ဖြတ်ပြီးတော့တောင် မွှေးစေရဲ့
မနေ့နေလည်တည်းက
တောင်ကြားထဲ တရစ်ဝဲ၀ဲလုပ်နေတဲ့ ကောင်တွေပေါ့။

Morning Rain by Tu Fu

စိတ်ကူးသစ်အတွက် SCAMPER

စိတ်ကူးသစ်တစ်ခုရဖို့ အစဉ်အလာ အတွေးများကို ပြုပြင်မွန်းမံရန် အချက်(၇) ကို စကားလုံး (၇) လုံးနှင့် မှတ်သားထားနိုင်ပါသည်။

S C A M P E R

S - Substitute : အစားထိုးကြည့်

C - Combine : ပေါင်းစပ်ကြည့်

A - Adapt : မှီငြမ်းပြု

M - Modify, Magnify : ထူးကဲအောင်ပြု၊ ချဲ့ထွင်ကြည့်

P - Put to other uses : အခြားအသုံးပြုမှုထဲ ထည့်ကြည့်

E - Eliminate : မလိုတာတွေ ပယ်ဖျက်ပစ်

R - Rearrange, Reverse : ပြန်စီစဉ်၊ ပြောင်းပြန်လှန်ပစ်