ခရမ်းရင့်နှလုံးသား

မယုံကြည်တတ်ဘူးလို့ပြောတိုင်းလည်း
ခဲမှန်ဖူးတဲ့ စာသူငယ်လို့ မထင်စေချင်ဘူး။
ငါက လေ့လာသူ သက်သက်ပါ၊
Interview လုပ်ဖို့
ဝေးဝေးလံလံတောင် သွားရှာစရာ မလိုဘူး၊
အသည်းကွဲဖူးသူတွေ
လမ်းသွားရင်းတောင် ခလုတ်တိုက်မိလောက်တယ်။

အစစ်အမှန်အချစ်နဲ့ သစ္စာဘာသာစကားကို
လေ့လာချင်ပေမယ့်လည်း
ငါမသိနိုင်လောက်အောင်
ဝေးလို့နေဆဲပါပဲ...။

လောကကြီးကိုက အရောင်တွေစုံနေမှတော့
နှလုံးသားတစ်ခုတည်း တစ်သမတ်တည်းရှိကြေးဆို
မတရားရာများ ကျနေလေမလား...။
ငါကလည်း
အကောင်းမြင်ဝါဒကို အားပေးသူလေ။

ဧည့်သည်လာချင်လာပါ...
မတွေ့ဆုံလိုလို့ တံခါးပိတ်ထားတာလည်း မဟုတ်ဘူး၊
Welcome လုပ်ပြီး ဖွင့်ထားချင်တဲ့သူလည်း မဟုတ်ဘူး၊
ပုံမှန်ပါပဲ...
စေ့ရုံစေ့ထားတာပါ။
တံခါးလာခေါက်ရင်တော့
အလာပ သလာပ ပြောဖို့ အဆင်သင့်ရှိပါရဲ့။
နှလုံးသွေးတွေ ပူနွေး ဆူပွက်လောက်အောင် ဖြစ်ဖို့တော့
ခဲယဉ်းကောင်း ခဲယဉ်းလိမ့်မယ်။
ငါ့နှလုံးသားကိုက
ခရမ်းရင့်ရောင်သမ်းနေပြီးသားမို့ပဲ။

အဲဒါကြောင့်ပဲလားမသိ
ဆဌမအာရုံရှိသူတွေကလည်း
တံခါးလာမခေါက်ကြလေဘူး။

သိင်္ဂါကျော်

ငါဟာပန်းတစ်ပွင့်ပါ

ငါဟာ ပန်းတစ်ပွင့်လိုပဲ
ဘယ်အချိန် သေမလဲ မသေချာ၊
ဘယ်အချိန် ပြန်လည်ရှင်သန်လာမလဲ မသေချာ၊
ဘယ်အချိန်များ နာကျင်မှုနဲ့ ငိုကြွေးမှုတွေကြောင့်
ပြိုလဲပျက်စီးရလေမလဲ...။

သည်းမခံနိုင်လောက်တဲ့ နာကျင်မှုတွေ ကြုံရတဲ့အခါ
ငါ့ကိုယ်ငါ ထူထောင်နိုင်မလား မသေချာ၊
ငါ့ရဲ့ပွင့်ချပ်တွေ ကြွေသွားတဲ့အခါ ဘာလုပ်ရမလဲ၊
မိုးထဲမှာ ပြန်ရှာဖွေလို့ ရနိုင်ပါ့မလား။

တစ်နေ့တာလုံးမှာ ရေလုံလုံလောက်လောက် မရခဲ့ရင်
ငါဘာလုပ်ရမလဲ...၊
ကောင်းကင်ကို မော့ကြည့်တဲ့အချိန်မှာ 

ငါ ဘာလုပ်ရမလဲ၊
နေမင်းက အလင်းတန်းတွေ မလွှတ်ခဲ့ရင်လေ...။

ပန်းတစ်ပွင့်လို ငါရပ်တည်ပါတယ်
ဖြစ်နိုင်သလောက် ခပ်ကြာကြာပေါ့၊
ငါ့အရောင်အဆင်းကို ပြသရင်း ငါရပ်တည်..
ဒါ ငါ့ရဲ့ ရည်ရွယ်ရာပဲ။

ငါဟာ သီးကင်းတစ်ခုလည်း ဖြစ်နိုင်တယ်
ငါ့ပွင့်ချပ်တွေ ကြွေချင် ကြွေနိုင်ပေမယ့်
ငါ့ရဲ့ရှင်သန်ကြီးထွားမှုကိုတော့ မတားဆီးနိုင်။
ငါ့အချစ်၊ ရိုးသားမှု နဲ့ အလှအပတွေကို
ပြသနေဆဲပေါ့။

ငါဟာ ပန်းတစ်ပွင့်လိုပဲ
သန်မာတယ်၊ အဆုံးစွန် သတ္တိပြောင်မြောက်တယ်၊
ငါ့ကို နင်းခြေတာလည်း ခံရနိုင်တာပဲ..
ဒါပေမယ့် ငါ့အိပ်မက်တွေထဲက ယုံကြည်မှုကတော့
ဘယ်တော့မှ ဆုံးရှုံးမှာ မဟုတ်လေဘူး။

သိင်္ဂါကျော်
14.7.10
3:05 PM

The Flower in Me ကို ပြန်ဆိုပြီး ပုံကို google က ရှာယူထားပါတယ်။ 

ကြည့်ဖြစ်တဲ့ရုပ်ရှင်

ခုတလောမှာ လုပ်ရမယ့်အလုပ်တွေကလည်း များနေလို့ စာအသစ်ရေးဖို့ တွေးထားတာတွေ ရှိပေမယ့် မရေးဖြစ်သေးပါဘူး။ ဒါပေမယ့် ညဘက်တော့လည်း 5 series က ကိုရီးယားကားလေးတွေ 5 movie က လာသမျှတွေ ကြုံကြည့်တော့ ကြည့်ဖြစ်နေပါတယ်..။ ဒါတင်မက အခွေကလည်း ဝယ်ကြည့်လိုက်သေးတယ်။ ခုနောက်ဆုံး ကြည့်ပြီးသွားတဲ့ ကားက အမုန်းစာရင်း ဆိုတဲ့ ကိုရီးယား Drama ကားလေးပါ။ Jumong နဲ့ The Kingdom of the Winds ကားတွေနဲ့ နာမည်ကြီးတဲ့ မင်းသား Song Il Gook ပါဝင်ပြီး မူရင်းနာမည်ကတော့ Shinira Bulriwoon Sanai (or) A Man Called God ပါ။

မိုက်ကယ်ကင်း ခေါ် ချွဲကန်တာ (Song Il Gook) ဟာ သူ ငယ်စဉ်က သူ့ဖခင်ကို ဓါးနဲ့ ထိုးသတ်ပြီး သူ့မိခင်နဲ့ သူတို့မောင်နှမ နှစ်ယောက်ကို အိမ်မီးရှို့သတ်ခဲ့သူများကို ကိုယ်တိုင် မြင်ခဲ့သူဖြစ်ပါတယ်။ သူ့ကို မိဘမဲ့ဂေဟာကနေ မွေးစားပြီး အမေရိကန်နိုင်ငံကို ခေါ်သွားခံခဲ့ရပါတယ်။ သူကြီးပြင်းလာချိန်မှာတော့ သူ့မိဘများကို သတ်ခဲ့သူ အပေါင်းအပါ အားလုံးကို လိုက်လံရှာဖွေပြီး လက်စားချေဖို့ကြိုးပမ်းခဲ့ပါတယ်။  မြေအောက်လောကမှာတော့ သူ့ကို ပီတာပန် အဖြစ် လူသိများခဲ့ပါတယ်။ သူနဲ့အတူ သူ့ကို ပါရမီဖြည့်ပေးနေသူကတော့ တစ်ချိန်က သူကယ်တင်ခဲ့ဖူးတဲ့ သဌေးသမီးလေး ဗီဗီယန် (Han Go Eun) ဖြစ်ပါတယ်။ 

လက်စားချေဖို့ ရည်ရွယ်ချက်နဲ့ ကိုရီးယားကို ပြန်လာတဲ့ မိုက်ကယ်ကင်းဟာ သတင်းထောက်မလေး ဂျင်ဘိုဘေ(Han Chae Young) ကို မေတ္တာသက်ဝင်သွားခဲ့ပါတယ်။ ဂျင်ဘိုဘေရဲ့ စီနီယာ အချစ်ဟောင်း၊ ဟွမ်ဝူဟွန်း (Kim Min Jong) ဟာ CSI က ရဲစုံထောက် တစ်ယောက် ဖြစ်ပေမယ့် မိုက်ကယ်ရဲ့ ဖခင်ကို သတ်ခဲ့တဲ့ သူ လေးယောက်ထဲက တစ်ယောက်အပါအဝင်ဖြစ်တဲ့ သူ့ဖခင် ဗိုလ်မှုးကြီးဟောင်းရဲ့ အပြစ်တွေကို ကာကွယ်ပေးဖို့ ကြိုးစားရာက ရာဇဝတ်မှုတွေ တစ်ခုပြီးတစ်ခု ကျူးလွန်လာပါတော့တယ်။ 

မိုက်ကယ်အနေနဲ့ သေပြီလို့ထင်ထားခဲ့တဲ့ ညီမငယ်ဟာလည်း ရဲအရာရှိတစ်ယောက် ဖြစ်နေပြီး မိုက်ကယ်အပေါ် အထင်လွဲမှုတွေ ပြေလည်သွားပြီးနောက်မှာ သူ့ကို အစ်ကိုအနေနဲ့ လက်ခံခဲ့ပြီး လွန်ခဲ့တဲ့ ၂၅နှစ်က အမှုကို ပြန်လည်ဖော်ထုတ်ဖို့ ကြိုးစားပါတော့တယ်။ ဟွမ်ဝူဟွန်း တို့အဖွဲ့က မိုက်ကယ်အပေါ် အကွက်ဆင်စွပ်စွဲထားတဲ့ အမှုများကို အမှုမှန်ပေါ်အောင် ကြိုးစားခဲ့ပါတယ်။ 

အဆုံးသတ်မှာတော့ လွန်ခဲ့သော ၂၅နှစ်က အမှုကို ပြန်လည်ဖော်ထုတ်နိုင်ပြီး ကျူးလွန်ခဲ့သူများဟာလည်း သူတို့ကျူးလွန်ခဲ့သော အပြစ်အလျောက် ခံစားခဲ့ရပါတော့တယ်..။ မိုက်ကယ်ရဲ့ ညီမငယ်လေးခမျာတော့ တိုက်ခိုက်မှုများကြားမှာ ကံဆိုးခဲ့ရပါတယ်။ ဟွမ်ဝူဟွန်းလည်း သူ့အပြစ်များကို ရှောင်လွဲရန် မဖြစ်နိုင်တော့သောကြောင့် ကိုယ့်ကိုယ်သတ်သေခဲ့ပါတယ်။

သဘာဝမကျပဲ ရုပ်ရှင်ဆန်တဲ့ ပြကွက်တွေ ပါဝင်ပေမယ့်လည်း ကြည့်ပျော်ရှုပျော် ရှိတဲ့ ရုပ်ရှင်ကား တစ်ကား ဖြစ်ပါတယ်။ ဇာတ်လိုက်မင်းသားကို ဟီရိုးတစ်ယောက် အဖြစ် အသားပေးထားတဲ့ ကား ဖြစ်ပါတယ်။ မင်းသား Song Il Gook ကတော့ ရာဇဝင်ကားတွေထဲမှာလောက် ကြည့်မကောင်းပဲနဲ့ ဆံပင်ရှည်ရှည်နဲ့ ပုံစံတစ်မျိုး ဖြစ်အောင် လုပ်ထားပါတယ်။ James Bonds ကားများလို စောင့်ကြည့်တဲ့ ကိရိယာများ၊ ကျည်ကာကုတ်အင်္ကျီ၊ ရေထဲမှာ အသက်ရှုဖို့ ဗူးငယ်၊ စီဒီဗုံး၊ မီးခိုးဗုံး စတာတွေ ပါဝင်ပြီး အဆင့်အတန်း မြင့်မြင့် ရိုက်ကူးထားတဲ့ ကားဖြစ်ပါတယ်။ Episodes 24 ပိုင်း ပါဝင်ပါတယ်။

ကိုယ်က ငယ်ငယ်တည်းက လက်စားချေတဲ့ ဇာတ်လမ်းများကို သဘောကျတတ်သူမို့ ဒီကားကိုလည်း သဘောကျပါတယ်။ ငယ်ငယ်တည်းက လက်စားချေတဲ့ ဝတ္တုတစ်ပုဒ် ဖြစ်တဲ့ The Court of Monte Christo ဝတ္တုကို ရွှေဥဒေါင်း ဘာသာပြန်တဲ့ ရတနာသိုက်ကိုလည်း ကြိုက်လွန်းလို့ နှစ်ခါ သုံးခါ ပြန်ဖတ်ဖြစ်ခဲ့ပါတယ်။

ဘာရယ်မဟုတ် ရေးစရာမရှိလို့ drama review လေး ရေးလိုက်တာပါ။