အိန္ဒိယ ၅ (ဒေလီ ၊ အဂါရာ)

ခုတလော စာရေးရမှာ ပျင်းနေပါတယ်..။ ပြီးခဲ့တဲ့ ပိတ်ရက်က ခရီးသွားနေလို့ မရေးဖြစ်တာလည်း ပါပါတယ်။

ပြီးခဲ့တဲ့ သောကြာနေ့က မနက်စောစော ၆ နာရီခွဲလောက် Express Bus နှစ်စီးနဲ့ Delhi ကိုထွက်ခဲ့ကြပါတယ်။ CDAC က စီစဉ်ပေးတဲ့ Trip ပါ။ ၁၀ နာရီ ခွဲလောက်ကျတော့ လမ်းမှာ တွေ့တဲ့ Macdonald ဆိုင်မှာ ရပ်ပေးပါတယ်။ ဆိုင်နေရာလေးက သာသာယာယာနဲ့ စားလို့လည်း မဆိုးပါဘူး။

အဲဒီနောက် ဆက်ထွက်လာတာ ဒေလီ ကို ရောက်ဖို့ တော်တော်ကြာပါတယ်။ ဒေလီ က အိန္ဒိယရဲ့ မြို့တော် ဖြစ်ပေမယ့် မြို့စွန်ဘက်မှာတော့ တော်တော်ကို သားသားနားနား မရှိပဲ ညစ်ပတ်နေတာကို တွေ့ရပါတယ်။ မြို့ထဲကို စဝင်လာတာနဲ့ လမ်းဘေးမှာ တဲထိုးနေတဲ့ လူတွေကို တွေ့ရတာပါပဲ။ လမ်းတွေ၊ ရေပိုက်လိုင်းတွေ.. တစ်မြို့လုံးမှာလည်း ပြင်နေတဲ့ နေရာတွေချည်းပါပဲ...။ ဆောက်နေတာတွေလည်း အများကြီးပါပဲ။ ကိုယ်တို့ အခုနေနေတဲ့ Chandigarh မှာတော့ အဲလိုမရှိပဲ နေရာတိုင်း သပ်ရပ် သန့်ရှင်းနေတာ ဆိုတော့ အားလုံးက ပြောကြတော့တာပေါ့...။ ဒေလီက ညစ်ပတ်တယ် လို့..။

Traffic ကလည်း ရှုပ်လိုက်တာ မပြောပါနဲ့တော့။ တချို့နေရာတွေများဆို တရွေ့ရွေ့ သွားနေရတာပါ။ အဲလို နဲ့ပဲ Indian Gate ကို ရောက်တော့ ၂ နာရီ ကျော်နေပါပြီ။ 

Indian Gate ဘေးက ရေကန်ထဲမှာ အပျော်စီး လှေလေးတွေလည်း စီးလို့ရပါတယ်။ နေပူကျဲကျဲ အချိန်မို့ ကိုယ်တို့ကတော့ လမ်းဘေး အရိပ်ထဲက ပလက်ဖောင်းမှာပဲ ထိုင်နေပြီး ပြောထားတဲ့ အချိန် ၃ နာရီ ခွဲကာနီးကျတော့ ကားဆီကို ပြန်ခဲ့ပါတယ်။ အားလုံး ဗိုက်တွေလည်း ဆာနေကြပါပြီ။ အနီးအနားမှာလည်း ဘာမှ ဝယ်စားစရာ မရှိပါဘူး။ အဲဒီမှာ လေ့လာရေးလာတဲ့ အိန္ဒိယ အဖွဲ့တစ်ဖွဲ့က ထမင်းတွေ စားနေကြတာကိုကြည့်ပြီး ပိုဆာလာပါတယ်။

Indian Gate က ထွက်လာပြီး တည်းမယ့် ဟိုတယ်ကို တော်တော် ရှာလိုက်ရပါတယ်။ Haryana Tourism ဟိုတယ် (Hermitage Surajkund) ကို ၇ နာရီလောက်မှ ရောက်ပါတယ်။ 

နောက်တစ်နေ့ကျတော့ Agra က Tajmahar ကို သွားပါတယ်။ လမ်းမှာတော့ ထုံးစံအတိုင်း Macdonald ဆိုင်တစ်ဆိုင်မှာ ရပ်ပါတယ်။ အောက်ကပုံကတော့ လမ်းမှာ ဖြတ်ခဲ့ရတဲ့ ယမုန်နာ မြစ်ပါ။

Tajmahar ကိုရောက်ဖို့အတွက် အပေါက်ဝမှာ စီးလာတဲ့ ကားကြီးတွေကို ရပ်ပြီး Battery သုံး ကားလတ် တွေနဲ့ ဆက်သွားရပါတယ်။ ကုလားအုတ်တွေ ဆွဲတဲ့ လှည်းတွေလည်း ရှိပါတယ်။ လက်ဆောင်ပစ္စည်း ရောင်းတဲ့ ဆိုင်တွေလည်း အများကြီးပဲမို့ အားလုံးလိုလိုပဲ အပြန်မှာ လက်ဆောင်ပေးဖို့ ပစ္စည်းလေးတွေ ဝယ်ခဲ့ကြပါတယ်။

Tajmahar အထဲကို ဝင်ဖို့အတွက် တန်းစီနေတဲ့ သူတွေပါ။ အပေါက်ဝမှာ အိတ်တွေကိုလည်း စစ်ပါသေးတယ်။ စားစရာတွေနဲ့ တစ်ချို့ လက်ဆောင်ပစ္စည်းတွေကို အတွင်းကို ယူလို့ မရပဲ Locker ထဲမှာ ထားခဲ့ရပါတယ်။

နောက်တစ်နေ့ကျတော့ Qutub Minar ကိုသွားပါတယ်။ အုတ်နဲ့ ဆောက်ထားတဲ့ အမြင့်ဆုံး အဆောက်အအုံ ဖြစ်ပါတယ်။ ၂၃၇.၈ ပေ မြင့်ပါတယ်။ လေယာဉ်တွေကလည်း ခဏ ခဏ ဖြတ်သွားနေတာနဲ့ ဓါတ်ပုံ ရိုက်ဖြစ်ခဲ့ပါတယ်။ ပတ်ဝန်းကျင်မှာတော့ အရမ်းကောင်းတဲ့ ရှေးဟောင်း လက်ရာအဆောက်အအုံ အပြိုအပျက်တွေ ရှိပါတယ်။

 

 

 

 

အဲဒီနောက်တော့ Lotus Temple ကို သွားကြပါတယ်။ ဘာသာတိုင်းအတွက် ဝတ်ပြုဖို့ လုပ်ထားတဲ့ အဆောက်အအုံပါ။

အချိန်ကလည်း သိပ်မရတာနဲ့ ကိုယ်တို့ကတော့ ဝတ်ပြုတဲ့ အခန်းထဲ မဝင်တော့ပဲ အောက်ဘက်က ရေကူးကန်နားမှာပဲ ဓါတ်ပုံသွားရိုက်ပြီး လျှောက်ကြည့်လို့ ပြန်ခဲ့ကြပါတယ်။

Lotus Temple ကပြန်တော့ Delhi ရဲ့ နာမည်ကြီးတဲ့ ဈေး Palika Bazaar ကို ဝင်ပါတယ်။ ဈေးက မြေအောက်ထပ်မှာ ဆောက်ထားတာပါ။ တနင်္ဂနွေနေ့လည်း ဖြစ်နေတော့ ဈေးထဲမှာတော့ တော်တော်ကို စည်ကားနေပါတယ်။ ဆိုင်ရှင်တွေ ဆိုတာလည်း တအားကို လက်ဆွဲ ခေါ်မတတ်ပါပဲ။ ပစ္စည်းတစ်ခုကို ကိုင်ကြည့်မိရင်ကိုပဲ မရောင်းရမချင်း အတင်း ပြောတော့တာပါပဲ။ တကယ်မလိုချင်တဲ့ ပစ္စည်းဆိုရင် မြန်မြန်ပဲ ထွက်လာရပါတယ်။ ဈေးကလည်း ထက်ဝက်လောက် ခွာစစ်မှ အဆင်ပြေတာပါ။ ပစ္စည်းတွေကတော့ တော်တော် ပေါပါတယ်။

 

 

ဈေးထဲကနေ ၃နာရီ၄၅ ပြန်ထွက်မယ်လို့ ပြောထားပေမယ့် ထုံးစံအတိုင်း တစ်ယောက်စောင့် တစ်ယောက်စောင့်နဲ့မို့ ၄နာရီခွဲလောက်မှပဲ ထွက်လာနိုင်ပါတယ်။  Chandigarh က ဟိုတယ်ကို တန်းပြန်တာတောင် ည ၉နာရီခွဲ ၁၀လောက်မှ ပြန်ရောက်ပါတယ်။ အားလုံးပဲ ကိုယ့်အိမ်ကိုယ့်ယာ ပြန်ရောက်သလို ပျော်သွားကြပါတယ်။ Delhi နဲ့ ယှဉ်တော့မှ Chandigarh က ဘယ်လောက် ငြိမ်းချမ်းပြီး သန့်ရှင်း သာယာတယ်ဆိုတာ သိလိုက်ရသလိုပါပဲ။

ဘယ်လိုပဲ ဖြစ်ဖြစ် ခရီးထွက်ရတယ် ဆိုရင်တော့ ဘယ်ကိုပဲ ဖြစ်ဖြစ် ဘယ်သူတွေနဲ့ပဲ ဖြစ်ဖြစ် ကိုယ်ကတော့ ပျော်တာပါပဲ...။ 

သိင်္ဂါကျော်

သုံးကြိုးတပ် တယော

                                                                                                                                                   

နိုဝင်ဘာ ၁၈ ရက် ၁၉၉၅။ တယောဆရာ Itzhak Perlman ဟာ နယူးရော့ခ်မြို့ လင်ကွန်း Center က Avery Fisher Hall က စတိတ်ခ်ျ ပေါ်ကို လာခဲ့ပါတယ်။

ခင်ဗျား ပါးလ်မန်း ရဲ့ ပွဲကို ကြည့်ဖူးရင် စတိတ်ခ်ျ ပေါ်ကို သူရောက်လာတာ သူ့အတွက် နည်းနည်းနောနော အောင်မြင်မှု မဟုတ်ဘူးဆိုတာ ခင်ဗျား သိမှာပါ။ သူဟာ ကလေးဘဝတုန်းက ပိုလီယို ဖြစ်ခဲ့ဖူးလို့ ခြေနှစ်ဖက် စလုံး မသန်စွမ်းပဲ ချိုင်းထောက်နဲ့ သွားလာရသူပါ။ သူ စင်မြင့် ပေါ်ကို တစ်ဆင့်ပြီးတစ်ဆင့် လျှောက်လာတာကို မြင်ရတာ နာနာကျင်ကျင် နှေးနှေးကွေးကွေးနဲ့ပါ။

သူ့ရဲ့ ထိုင်ခုံကို ရောက်တဲ့အထိ နာကျင်စွာနဲ့ လျှောက်လာပါတယ်။ အဲဒီနောက် ချိုင်းထောက်နှစ်ခုကို အောက်ချပြီး သူ ဖြည်းဖြည်းပဲ ထိုင်လိုက်ပါတယ်။ သူ့ခြေထောက်နှစ်ချောင်းကို အဆင်ပြေပြေဖြစ်အောင် နေရာချပါတယ်။ အဲဒီနောက် တယောကို ကောက်ကိုင်၊ ပခုံးပေါ်မှေးလို့ သူ့မေးအောက်နားမှာ ချလိုက်ပြီး တီးဝိုင်းခေါင်းဆောင်ကို ခေါင်းညိတ်ပြလို့ တီးခတ်ဖို့ ပြင်ပါတယ်။

အခုတော့ ပရိတ်သတ်တွေဟာ ဒီလို ပြင်ဆင်မှုမျိုးနဲ့ အသားကျသွားပါပြီ။ စင်မြင့်ပေါ်ကို သူ လျှောက်လာတုန်းကလည်း သူတို့ဟာ တိတ်တိတ်ဆိတ်ဆိတ် ထိုင်နေခဲ့ပါတယ်။ သူ့ခြေထောက်နှစ်ချောင်းကို အဆင်ပြေအောင် ထိုင်တုန်းကလည်း သူတို့ တိတ်ဆိတ်နေခဲ့ပါတယ်။ သူတို့ဟာ သူ တီးခတ်ဖို့ အဆင်သင့် ဖြစ်တဲ့ အထိ စောင့်နေကြပါတယ်။

ဒီအချိန်မှာတော့ တစ်ခုခု မှားယွင်းသွားပါပြီ။ သူ နည်းနည်းလောက် အသံစမ်းပြီးချိန်မှာ တယောကြိုးတစ်ချောင်းဟာ ပြတ်သွားပါတော့တယ်။ အခန်းထဲမှာ သေနတ်သံလို ကျယ်လောင်သွားတဲ့ အဲဒီ အသံကို ခင်ဗျား ကြားနိုင်မှာပါ။ ဒီ အသံရဲ့ အဓိပ္ပါယ်က အမှားတစ်ခု မဟုတ်ခဲ့ပါဘူး။ သူလုပ်ခဲ့တဲ့ အရာဟာ အမှားတစ်ခု မဟုတ်ခဲ့ပါဘူး။

သူထသွားပြီး  စင်မြင့်ပေါ်က ဆင်းမယ်၊ တစ်ခြား တယောတစ်ခု ဒါမှမဟုတ် ကြိုးတစ်ချောင်းရှာလိမ့်မယ် လို့ ကျွန်တော်တို့က ထင်ခဲ့ပါတယ်။ ဒါပေမယ့် သူ အဲဒီလို မလုပ်ခဲ့ပါဘူး။ သူ့မျက်လုံးတွေကို မှိတ်ပြီး ခဏလောက် စောင့်တယ်။  နောက် တီးဝိုင်းခေါင်းဆောင်ကို စဖို့ အချက်ပြလိုက်ပါတယ်။

တီးဝိုင်း စတင်ပါပြီ။ သူက သူ့မှာ ကျန်သလောက်နဲ့ပဲ တီးခတ်ခဲ့ပါတယ်။ အဲဒီနောက် သူတီးခဲ့သမျှဟာ သူတို့ အရင်က မကြားဖူးခဲ့တဲ့ စိတ်လှုပ်ရှားစရာကောင်းပြီး တန်ခိုးရှိတဲ့ သန့်စင်တဲ့ တေးသွားများ ဖြစ်ခဲ့ပါတယ်။

တယောကို ကြိုးသုံးချောင်းတည်းနဲ့ တီးခတ်ဖို့ မဖြစ်နိုင်ဘူးလို့ လူတွေ သိထားကြတာပါ။ ခင်ဗျားလည်း သိတယ်။ ကျွန်တော်လည်း သိတယ်။ ဒါပေမယ့် ဒီညတော့ ပါးလ်မန်း က ဒါကို မသိဘူးလို့ ငြင်းဆန်လိုက်ပါပြီ။

ခင်ဗျား သူ့ကို မြင်နိုင်ပါတယ်… ပြောင်းလဲနေတဲ့… အသစ်ဖွဲ့စည်း ပေါင်းစပ်ထားတဲ့… သူ့ခေါင်းထဲက အရာတွေကိုလေ။ ဒီအရာကတော့ သူတို့တစ်ခါမှ မကြားဖူးတဲ့ အသံအသစ်တွေ ရအောင် ကြိုးတွေကို ပြန်ညှိထားတဲ့ ပုံပါပဲ။

သူ ပြီးသွားတဲ့ အခါမှာ အခန်းထဲမှာ တိတ်ဆိတ်သွားတယ်။ အဲဒီနောက်တော့ လူတွေဆီက ချီးကျူးသံတွေ ညံသွားတယ်။ အခါတိုင်းနဲ့ မတူတဲ့ လက်ခုပ်သံတွေ သောင်းသောင်းဖြဖြ ထွက်လာတယ်။ ကျွန်တော်တို့ အားလုံး ထရပ်ကြပြီး သူလုပ်သွားတာကို သြဘာပေးဖို့ လုပ်လို့ ရတာ မှန်သမျှ လုပ်ကြတော့တယ်။

သူ ပြုံးလိုက်တယ်။ ကျွန်တော်တို့ကို ငြိမ်အောင် အချက်ပြတယ်၊ ပြီးတော့ သူက ပြောတယ်။ အကျယ်ကြီး မဟုတ်ပေမယ့် တည်ငြိမ်ပြီး ရင်ထဲက နက်နက်ရှိုင်းရှိုင်း လာတဲ့ အသံမျိုးနဲ့…။

“ခင်ဗျားတို့ သိလား၊ တစ်ခါတလေမှာ ဂီတပညာရှင် တစ်ယောက်ရဲ့ အလုပ်က ခင်ဗျားမှာ ကျန်သလောက်ကလေးနဲ့ တေးဂီတတွေ ဘယ်လောက်များများ ဖန်တီးနိုင်မလဲ ဆိုတာကို ရှာဖွေဖို့ပဲဗျ”

ဘယ်လောက်ကောင်းတဲ့ စကားပါလဲ။ အဲဒီလို ကြားရတဲ့ အချိန်ကစပြီးတော့ ကျွန်တော့်စိတ်ထဲမှာ အမြဲတမ်း ရှိနေခဲ့တယ်။ ဘယ်သူ သိနိုင်မှာလဲ။ အဲဒါ ဘဝရဲ့ အဓိပ္ပါယ်ပဲ။ ဂီတပညာရှင် တစ်ယောက် အတွက်မှ မဟုတ်ဘူး။ ကျွန်တော်တို့ အားလုံးအတွက်ပါပဲ။

ဒီလူဟာ သူ့ဘဝ တစ်လျှောက်လုံး ကြိုးလေးကြိုး ရှိတဲ့ တယောနဲ့ ဂီတတွေ ဖန်တီးခဲ့တယ်။ ခုတော့ ရုတ်တရက် ပွဲတစ်ပွဲရဲ့ အလယ်ကျမှ ကြိုးသုံးကြိုးတည်းနဲ့ ဘယ်လို ဂီတမျိုး ဖန်တီးရမလဲ ဆိုတာ သူ့ဟာသူ ရှာတွေ့ခဲ့တယ်။ ဒီည ကြိုးသုံးကြိုးတည်းနဲ့ သူဖန်တီးခဲ့တဲ့ ဂီတက ကြိုးလေးကြိုး နဲ့တုန်းက သူလုပ်ခဲ့ဖူးသမျှထက် ပိုပြီး လှပတယ်။ ပိုပြီး ကြောက်မက်ဖွယ်ကောင်းတယ်။ ပိုပြီး အမှတ်ရစရာ ဖြစ်စေတယ်။

အဲဒါကြောင့်.. ကျွန်တော်တို့ နေထိုင်တဲ့ ဒီလို မတည်ငြိမ်တဲ့ အပြောင်းအလဲမြန်လှတဲ့ ရှုပ်ထွေးတဲ့ လောကကြီးထဲမှာ ကျွန်တော်တို့ရဲ့ အလုပ်ကလည်း တေးဂီတ ဖန်တီးသလိုပါပဲ။ ပထမဆုံး ကျွန်တော်တို့မှာ ရှိသမျှနဲ့ တေးဂီတဖန်တီးကြတယ်…၊ အဲဒီနောက်.. ရှိတာတွေက ကြာကြာမတည်မြဲနိုင်တဲ့အခါ ကျွန်တော်တို့မှာ ကျန်သမျှနဲ့ပဲ တေးဂီတ ဖန်တီးကြဖို့ပဲပေါ့။

Three Stringed Violin by Author Unknown

Itzhak Perlman ရဲ့ ပုံတွေကိုတော့ Google ကနေ ရှာပြီး ထည့်ထားပါတယ်။

သိင်္ဂါကျော်

အိပ်မက်များ

အိပ်မက်တွေကို မြန်မြန် ဆုပ်ကိုင်လိုက်

အိပ်မက်တွေ သေဆုံးရင်

ဘဝဟာ အတောင်ကျိုးငှက်တစ်ကောင်လို

မပျံနိုင် ဖြစ်လိမ့်မယ်။

အိပ်မက်တွေကို မြန်မြန် ဆုပ်ကိုင်လိုက်

အိပ်မက်တွေသာ သွားပြီ ဆိုရင်

ဘဝဟာ စိုက်လို့ပျိုးလို့မရတဲ့ကွင်းပြင်လို

နှင်းတွေနဲ့ အေးခဲသွားလိမ့်မယ်။

Dreams by Langston Hughes