သူနဲ့ ကိုယ်

သူနဲ့ ကိုယ်နဲ့  မိုင်တွေ ရာချီပြီးဝေးတယ်။
သူနဲ့ ကိုယ်နဲ့ ဝါသနာချင်းလည်း မတူကြဘူး။
သူနဲ့ ကိုယ်နဲ့ အကြိုက်ချင်းလည်း မတူကြဘူး။
သူနဲ့ ကိုယ်နဲ့ အသက်မွေးဝမ်းကြောင်း ဘဝချင်းလည်း ခြားနားတယ်။

ဒါပေမယ့်
ကိုယ်က သူ့ တစ်ယောက်တည်း ချစ်တာ သူသိတယ်။
သူက ကိုယ့်တစ်ယောက်တည်း ချစ်တာ ကိုယ်လည်း သိတယ်။

ခုချိန်မှာ
သူက ကိုယ့်ကို ထားခဲ့ဖို့ မကြိုးစားတော့ဘူး ဆိုတာ ကိုယ်ယုံကြည်တယ်။
ကိုယ်က သူ့ကို ထားခဲ့မှာ မဟုတ်ဘူး ဆိုတာလည်း သူယုံကြည်တယ်။

အမြဲတမ်း တွေ့ နေရမှ ချစ်ခြင်းက ခိုင်မြဲတာ မဟုတ်ဘူး။
နေ့တိုင်း ချစ်ကြောင်း ကြိုက်ကြောင်းတွေ အများကြီး ပြောနေရမှ
ချစ်နေဆဲ ဖြစ်ကြောင်း သိနိုင်တာ မဟုတ်ဘူး။
Good Night လုပ်ရုံလေးနဲ့ မမေ့သေးတဲ့ အကြောင်း သက်သေပြလို့ ရတယ်။

ကိုယ့် အားလပ်ချိန်တိုင်းမှာ သူက ကိုယ့်အတွေးထဲ အမြဲရှိတယ်။
သူ့ အားလပ်ချိန်တွေမှာလည်း ကိုယ်က သူ့ အတွေးထဲ အမြဲရှိလိမ့်မယ်။

ခုချိန်မှာ
အကြောင်းမရှိ အကြောင်းရှာ ရစ်တာတွေ မရှိတော့ဘူး။
မချစ်တော့ဘူးလားလို့ အပြန်အလှန် စိတ်ခုနေတာတွေ မရှိတော့ဘူး။
ကိုယ့်ကို ဂရုမစိုက်နိုင်တဲ့အခါ သူမှာ အကြောင်းရှိလိမ့်မယ်ပဲ တွေးတယ်။

မနက်တိုင်း အပြန်အလှန် ပို့တဲ့ message တစ်ကြောင်းကြောင့်
သတိရနေတဲ့ အကြောင်း သိနိုင်တာ မဟုတ်ဘူး။
ချစ်ခြင်းက အရာရာကို နားလည်မှု ပေးနိုင်ခဲ့တယ်။
နားလည်မှုက သည်းမခံနိုင်ချင်စရာတွေကို သည်းခံနိုင်ခဲ့တယ်။

ဘယ်သူကမှ နားလည်မပေးနိုင်မယ့် ချစ်ခြင်းတစ်ခုကို
တစ်လောကလုံးသိအောင် ဖွင့်ဟမပြနိုင်ပေမယ့်
နှစ်ယောက်သား ရင်ဘတ်ချင်းနီးတဲ့အခါ
ဝေးသွားခွင့်က အနားကပ်နိုင်မှာ မဟုတ်ဘူးလို့
မျက်မှန်စိမ်းတပ်ပြီး ယုံကြည်ထားတယ်။

ဆုံနိုင်ခွင့် မရှိခဲ့ရင်တောင်
ချစ်ခြင်းတစ်ခုက အမှန်တကယ် တည်ရှိခဲ့တဲ့ အကြောင်း
နောင်အခါလည်း အမှတ်တရ ပြောနိုင်ပါလိမ့်မယ်။

သိင်္ဂါကျော်

မျှော်လင့်ခြင်းမဲ့ ချစ်ခြင်းသက်သက်

ပန်းကလေးတွေတောင် ခူးသူကို မျှော်လင့်ပြီး ပွင့်ကြတာမှ မဟုတ်ပဲလေ
ခူးယူပြီး နင်းချေခံရတာထက် စာရင်
မြတ်နိုးလို့ မခူးရက်ခြင်းက အပင်မှာ တင့်စေနိုင်သေးရဲ့။

Anniversary လည်း တိတိကျကျ မရှိ
ဘယ်အခါက စတင်ခဲ့ပြီး
ဘယ်အခါက သေချာသွားတယ် မသိသော
ချစ်ခြင်း တစ်ခုကို
ယုံယုံကြည်ကြည်လည်း ရှိဖူးပါရဲ့
မယုံမကြည်လည်း ရှိဖူးပါရဲ့
ပြတ်ပြတ်စဲစဲ ရှိကြဖို့လည်း မနေနိုင်တဲ့အခါ
ဒီတိုင်းလေးပဲ တဲ့
သူငယ်ချင်း မဟုတ် ချစ်သူ မဟုတ်
တစ်နေ့တစ်ခါ သတိရရုံလောက်နဲ့
ကျေနပ် နေတတ်ရင်း
ဒီလိုနဲ့ပဲ
ခန့်မှန်းခြေ Anniversary က
နှစ်ခါ မြောက် တော့မယ် ပေါ့။

နတ်ကောင်း ဆောင်မမှုမှ မရှိရင်
တစ်သက်စာအတွက် တွဲလက်တစ်စုံ ဆိုတာ
စိတ်ကူးယဉ်ခွင့် သက်သက်သာ။

ကမ်းမယ့်လက်က ဝံ့ဝံ့ရဲရဲ မရှိတဲ့အခါ
ရှေ့တိုးဖမ်းဆုပ်ရမယ့်သူက ပေါ်မလာနိုင်တာ
အပြစ်တင်ချင်စိတ်လည်း မရှိတော့ပါ။
ဝေးဝေးက လွမ်းစိတ်တစ်ခုနဲ့သာ နှစ်သိမ့်တတ်ခဲ့ ပေါ့။

ဘာကိုမျှ မမျှော်လင့်တတ်တဲ့သူက
နာကျင်ရတာ နည်းလိမ့်မယ် တဲ့။
မမျှော်လင့်ချင်တာတော့ မဟုတ်ရပါ။
မျှော်လင့်ချင်သောအရာက လာမယ် မသေချာသော အရာ။
မျှော်လင့်ချင်သောအရာက တစ်ရာခိုင်နှုန်းလောက်တောင် ဖြစ်နိုင်ချေ မရှိတဲ့အခါ
မျှော်လင့်ခြင်းကိုသာ ချောင်တစ်ချောင်မှာ ပစ်ထားရတော့တယ်။

သိင်္ဂါကျော်

မပြောင်းလဲသူ

အရာရာ ပြောင်းလဲဖို့ ပြင်နေချိန်မှာ
ဘာမှ မပြောင်းလဲသူက ငါပဲကွယ့်။

သာမန်ဘဝတွေက
အမြဲတမ်း လိုအပ်ချက်တွေ ပြည့်နေတတ်တယ်။
အမြဲတမ်း အိပ်ကပ် ပါးနေတတ်တယ်။

သာမန်ဘဝတွေက
ငြီးငွေ့စရာ အလုပ်တွေနဲ့ ပြည့်နေတတ်တယ်။
စိတ်အားထက်သန်ခြင်းတွေ ပါးရှား နေတတ်တယ်။

အသုံးမကျတာကို တဖွဖွ ရွတ်ရင်း
အသုံးကျအောင် ကြိုးစားဖို့လည်း
အားလပ်ချိန်တွေ ပေးဆပ်ရဖို့ နှောင့်နေးနေလေသူ။

မိုက်မဲ တွေဝေမှုက
ဘဝနဲ့ ရင်းပြီး မရှိနိုင်ခဲ့ရင်
တစ်ချို့ ရေစက်တွေက
တစ်သက်စာ ဖူးစာအထိ ရောက်ချင်မှ ရောက်လိမ့်မယ်။

ပြောင်းလဲခြင်း ဆိုတာ
လုပ်တိုင်းလည်း ကောင်းတာ မဟုတ်ဘူး။
မလုပ်တိုင်းလည်း ကောင်းတာ မဟုတ်ဘူး။

စာတစ်အုပ် ကော်ဖီတစ်ခွက်နဲ့
ရာသီသုံးပါး ရောင့်ရဲနိုင်ပါရဲ့
နောက်ဆုံးပေါ် smart phone နဲ့ laptop တွေ မလိုအပ်ပါ။
စိတ်ကူးတွေ ရေးစီဖို့ laptop အဟောင်းတစ်လုံး
မျက်နှာစာအုပ်နဲ့ ဆက်သွယ်ဖို့ phone အဟောင်းတစ်လုံးနဲ့ တင်
စကားပြောဖော် မရှိပဲ ကျေနပ်နိုင်ပါရဲ့
ကိုယ့်နေ့ရက်တွေလေ။
အရင်လိုပဲ ဟောင်းမြဲ ဟောင်းဆဲပေါ့။

(သိင်္ဂါကျော်)