27 January, 2011

ပြိုလဲကောင်းကင်... ဒဏ်ရာရ ချစ်ခြင်း


ကောင်းကင်ပြာပြာကို မမြင်နိုင်လောက်အောင် မြူနှင်းတွေ ကျဆင်းနေတာ...။ ပတ်ဝန်းကျင် တခွင်က ဝေဝေဝါးဝါး မှုန်မှုန်မှိုင်းမှိုင်း...။ မြူနှင်းစက်တွေက လမ်းတွေကို စိုစွတ်စေလို့...။ နေရောင်တောက်တဲ့ ကောင်းကင်အောက်မှာမှ ရှင်သန်နိုင်တဲ့ ပန်းကလေးတွေ ဘယ်လို နေကြမလဲလို့ ပိုး သိချင်လှသည်။ ကောင်းကင်ပျောက်သော ဘဝမှာ လဲကျ သေဆုံး သွားမှာလား...၊ အပြာရောင် သမ်းတဲ့ ကောင်းကင် ပေါ်လာတဲ့ အချိန်ထိ ကြံ့ကြံ့ခိုင်မှာလား...။ ရှေ့တလံလောက် ကိုပင် မမြင်နိုင်လောက်တဲ့ နှင်းမြူကြားကို ငေးကြည့်နေရင်း ပိုးဘဝ အနာဂါတ်ကို ကြည့်နေရသလို ထင်လာမိသည်။ ဘာမှ မတွေးတတ်နိုင်လောက်အောင် မရေမရာ အနာဂါတ်ထဲ ပိုးရဲ့ ကောင်းကင်လည်း ပြိုလဲ သွားခဲ့ပြီးမှ ကိုယ့်ကိုယ့်ကိုယ် အားတင်းထားနိုင်မလားတောင် စမ်းတဝါးဝါး မသေမချာ စိတ်နဲ့ ရှင်သန်နေရမည့် ဘဝမှာ ပိုး ဘယ်အချိန်ထိ တောင့်ခံ နိုင်မလဲ ဆိုတာ...။
#####

ပိုး အတွက် ကောင်းကင်ဟာ ကိုကို ပဲ ဖြစ်သည်။ ပိုး အသက်ရှင် နေခဲ့တာ မိုးကောင်းကင် အောက်မှာ မဟုတ်ပဲ ကိုကို့ အရိပ်အောက်မှာလို့လည်း ပြောလို့ရသည်။ ပိုး အရွယ်ရောက်ကာစ ကတည်းက ပထမဆုံး အချစ်ဦး ဟာ ကိုကို။ ကိုကို မျက်နှာကလွဲလို့ ဘာကိုမှ မကြည့်တတ်ခဲ့သူ။ ကိုကို နဲ့ အတူတူ အလုပ်လုပ်ဖို့ ရည်ရွယ်ပြီး တက္ကသိုလ်မှာ ဆရာမ ဝင်လုပ်ဖြစ်တာလည်း ကိုကို့ စကားတစ်ခွန်းကြောင့်သာ ဖြစ်ပြီး ဘာရည်ရွယ်ချက်မှ ကြီးကြီးမားမား ရှိခဲ့တာ မဟုတ်ပါ။ ကိုကို က တစ်ခါတရံမှာ ပိုး အပေါ် မကြင်နာတာမျိုး၊ ပစ်ပစ်ကာကာ ပြောတတ်တာမျိုး ရှိပေမယ့် ကိုကို ပိုး ကို တကယ် ချစ်တာကိုတော့ မျက်စိမှိတ်ပြီး ယုံကြည်ခဲ့မိသည်။

ပိုးက ကိုကို့ အပေါ် တကယ်ကို မျက်စိမှိတ် ယုံကြည်ထားခြင်း သက်သက်...။ ကိုကို ရဲ့ သစ္စာကို ယုံကြည်ခြင်းဟာ ကိုကို့ အတွက် ရယ်စရာ  ဟာသ တစ်ကွက် ဖြစ်ခဲ့မယ်လို့ သိခဲ့ရင်တောင် ပိုးမှာ ပြောင်းလဲဖို့ စိတ်ကူးလည်း မရှိခဲ့သူ ဖြစ်သည်။ သို့ပေမယ့် တကယ်ပဲ ပိုးရဲ့ ယုံကြည်မှုက အားလုံးအမြင်မှာ သနားစရာ ကောင်းသော ကောင်မလေး ဖြစ်စေဖို့သာ ဖြစ်နေခဲ့သည် ဆိုတာ...။

ကိုကိုသာ ပိုးအတွက် ယုံကြည်ကိုးကွယ်ရာ...။ ကိုကို တော်တာကို အားကျကာ ကိုကို့ စိတ်ဓါတ်ကို ကောင်းမြတ် လှချည့်ရဲ့ လို့ လေးစား ကြည်ညို နေမိသည်မှာ ပိုး ခပ်ငယ်ငယ် ဘဝ ကတည်းက။ အမှန်တော့ ကိုကိုက ပိုးထက် ၂ နှစ် ကျော်ကျော်လောက်သာ ကြီးတာ။ သို့ပေမယ့် ကိုကို့ ရှေ့မှာ ပိုးက ဘာမှ မသိ နားမလည်သော သိုးမငယ်လေး တစ်ကောင်သာ။ ကိုကို ပြောသမျှလည်း ခေါင်းညိတ်ခဲ့သည်။ ကိုကို မလုပ်ရဘူး ဆိုတာမျိုးကိုလည်း ဘယ်တော့မှ ခိုးလုပ်ဖို့ မကြိုးစား။ ကိုကို မကြိုက်တာ သိလို့ ပိုး ကို စိတ်ဝင်စားသော တစ်ခြားကောင်လေးများကို ငဲ့စောင်း၍မှ မကြည့်ခဲ့။ ပိုး အနား တိုးလာပြီး ရည်းစားစကား ပြောသော ကောင်လေးတွေကတော့ ပိုးရဲ့ ပစ်ပစ်ကာကာ ပြောခြင်းကို ခံကြရသည်။

ကိုကိုသာ ပိုးအတွက် ဘဝ တစ်သက်စာ လက်တွဲဖော်။ ဒါက ဘယ်လိုမှ ပြောင်းလဲမရသော အမှန်တရား တစ်ခုရယ်လို့ ပိုးက တွက်ဆထားရင်း စိတ်ချ ထားခဲ့မိတာ ပိုး ဦးနှောက်က တစ်ခုခု လွဲမှားနေခဲ့သလား။ ပိုးတင်မက နှစ်ဖက်မိဘကလည်း ပိုးတို့ နှစ်ယောက် ဟာ တွဲဖက်ညီသော အဖော်မွန်တွေ ရယ်လို့ အသိအမှတ်ပြု စိတ်ချ လက်ချနဲ့ အတူနေခွင့် ပြုထားခဲ့တာကလည်း သူတို့ ပဲ မှားယွင်းခဲ့တာလား။

ကိုကို့ အတွက်ဆို ပိုးက ဘာမဆို ပေးဝံ့ခဲ့တာ...။ အသည်းနှလုံးသာမက ကိုကို လိုချင်သမျှ အားလုံးလည်း ပေးဆပ်ခဲ့သည်။ ပိုး ဘဝ၊ ပိုး ဂုဏ်သိက္ခာ ထက် ကိုကိုကသာ ပိုအရေးကြီးခဲ့သည်။ ကိုကို ဖြစ်စေချင်သမျှ အားလုံးကို ဖြည့်ဆည်းပေးခဲ့သည်။ ကိုကိုကလည်း ပိုးကိုသာ တစ်သက်တာ ရည်ရွယ်သည်လို့ စကားချိုချိုများကို အမြဲတမ်း  ပြောတတ်ခဲ့သည် မဟုတ်လား။ သာယာသော ပိုးတို့ နှစ်ယောက် ကမ္ဘာကို ဘယ်လို အကြောင်းမျိုးက ပျက်စီးစေနိုင်မယ် ဆိုတာ တွေးကို မတွေးတတ်ခဲ့သော အရာသာ ဖြစ်ပါသည်။
#####

အသည်းနှလုံးမှာ ပထမဆုံး ဓါးဒဏ်ရာ တစ်ချက် အမွှန်းခံခဲ့ရတုန်းကလည်း အဲဒီ အချိန်အခါက အဆိုးဝါးဆုံးလို့ ထင်ခဲ့ဖူးသည်။ ကောင်မလေးက တစ်ခြားတက္ကသိုလ်က ဆရာမလေး တစ်ယောက်ပါပဲ။ အရိုးခံသက်သက် ယဉ်ကျေးသိမ်မွေ့သူကလေးပါ။ ယုံအောင်ပြုစားခဲ့သူက ကိုကိုသာ ဖြစ်ပါသည်။ ပိုးက ကောင်မလေးကိုသာ အပြစ်တင်ချင်မိသည်။ ကိုကို့ကိုတော့ မြူတစ်မှုန်စာအောင် အပြစ်မတင်ချင်သူက ပိုးရယ်ပါ။ သို့ပေမယ့် ဇာတ်လမ်းကို အတိအကျ သိအောင် လိုက်မိတော့ အပြစ်ဆိုချင်က ကိုကို့ကိုသာ အပြစ်ဆိုဖို့ အကြောင်းရှိကြောင်း သိလာရသည်။ ကောင်မလေးက ကိုကို့မှာ ပိုးရှိမှန်း တစ်စွန်းတစ်စမှတောင် သိခဲ့သူ မဟုတ်ပါ။ တက္ကသိုလ်ချင်းကလည်း ကွာခြားသည်မို့ ပိုးတို့ တက္ကသိုလ် အသိုင်းအဝိုင်းက ပိုးတို့နှစ်ယောက်အကြောင်း အူမချေးခါး မကျန် သိပေမယ့် ကောင်မလေးတို့ တက္ကသိုလ်ကတော့ မသိနိုင်လောက်ပါ။ ကိုကို နှင့် ကောင်မလေး ဘယ်လို စတွေ့ပြီး ဇာတ်လမ်းဖြစ်သွားသလဲတော့ ပိုးလည်း သေချာ စုံစမ်းမနေချင်တော့ပေမယ့် ကိုကို့ကို အလွယ်တကူ စွန့်လွှတ်လိုက်ဖို့ ဆိုတာ ပိုးအတွက် ဘယ်လိုမှ မဖြစ်နိုင်သော အရာ။

ကိုကို ပါးစပ်က ဝန်ခံစကားကို မကြားရသောအခါ ပိုးက ကောင်မလေးကို သွားတွေ့ပြီး ပိုးတို့ နှစ်ယောက် အကြောင်းကို စုံစုံစေ့စေ့ ပြောပြခဲ့ပါသည်။ ကောင်မလေးကလည်း သိက္ခာရှိသော မိန်းမကောင်း တစ်ယောက်မို့ အတွဲရှိလျက် ယောက်ျားတစ်ယောက်ကို မျက်စိစုံမှိတ်ပြီး ကပ်နေရလောက်အောင် မမိုက်မဲခဲ့ပါ။ ကောင်မလေး ဘက်က ကိုကို့ကို အပြီးအပြတ် ဖြတ်ခဲ့တော့လည်း ကိုကို တစ်ယောက်ကတော့ ဘာမှ ထူးထူးခြားခြား ခံစားရပုံလည်း မရပါ။ ကောင်မလေးဘက်ကသာ တစ်စုံတစ်ရာ အတိုင်းအတာ အထိ ခံစားရလိမ့်ကို ပိုးနားလည်ပါသည်။ အဲဒီနောက်ပိုင်းမှာ ကောင်မလေး နှင့် ပိုးပင် သူငယ်ချင်း ဖြစ်သွားသည်။ E-mail တွေ ဖုန်းနံပါတ်တွေ အချင်းချင်း ဖလှယ်ပြီး တစ်ခါတရံ ဆက်သွယ်ဖြစ်ကြသည်။ ကောင်မလေးနဲ့ ကိုကို ပြတ်ပြီး နောက်ပိုင်းမှာ ကိုကို့ရဲ့ မထင်မရှား ခပ်ဝါးဝါး ဇာတ်လမ်းတွေ အကြောင်း ပိုး သိလာရပေမယ့် ဘာမှ လိုက်ပြောမနေချင်တော့။ အပျော်တွေပါရယ်လို့ ကိုကို့ ပါးစပ်က ဝန်ခံထားတာလည်း အမှန်တရား ဖြစ်မှန်း သိသည်။ ပိုးသာ ကိုကို့ရဲ့ တစ်ဦးတည်းသော သခင်မ ပါလို့ ကိုကို့ အလိမ်အညာတွေကိုလည်း မယုံချင်ပဲ ယုံကြည်မိပြန်သည်။ ကောင်မလေးကတော့ Ph.D ဆက်တက်တော့မည်ဟု ပိုးကို ပြောသည်။
#####

ပိုးတို့နှစ်ယောက်လုံးလည်း ကျောင်းပြီးလို့ အလုပ်ဝင်နေတာတောင် အတော်ကြာနေခိုက်မှာ ဘာကြောင့် မင်္ဂလာပွဲ ကျင်းပဖို့ နှောင့်နှေး နေခဲ့သလဲ ဆိုတာတော့ ပြောမပြတတ်ပါ။ လက်ထပ်စာချုပ်ပေါ်က အချုပ်အနှောင်မျိုးလည်း မရှိပေမယ့် ပိုးအသည်းနှလုံးကိုတော့ ကိုကိုက ချုပ်ကိုင်ထားပြီး ဖြစ်နေခဲ့ပါပြီ။ မိဘတွေကလည်း အဝေးမှာမို့ ပိုးတို့ နှစ်ယောက် အကြောင်းကို သိပေမယ့် ဘာမှ ဝင်ရောက်စွက်ဖက်ခြင်း မလုပ်ခဲ့။ တစ်ချိန်မှာတော့ အိမ်ထောင်ဖက် ဖြစ်ကြမှာပဲ ဆိုတာ နှစ်ဖက်မိဘက ယုံကြည်နေပြီးသားမို့ ခုနေခါမှာ လက်မထပ်သေးလည်း အတူတူ နားလည်မှု ရနေပြီးသားမို့ ဘာမှ မလောပါ။ ကိုကို့ ဘက်က ဘယ်လိုရှိတယ် မသိပေမယ့် ပိုးကတော့ Ph.D လေး ဆက်တက်ပြီးမှ တရားဝင် လက်ထပ်ချင်သည်။ တရားဝင်တာ မဝင်တာထက် ကိုကိုနှင့် အတူရှိနေရတာကိုပင် ကျေနပ်နေသူမို့ ဒီကိစ္စနှင့် ပတ်သက်ပြီး ကိုကို့ကိုလည်း ဘာမှ နားပူနားဆာ မတိုက်ဖြစ်ပါ။

ခုနောက်ပိုင်းမှာ ပိုးလည်း ကိုကို့ရဲ့ အပျော်အပါး ဇာတ်လမ်းတွေကို မကြည့်ဖြစ်အောင် မျက်စိမှိတ်ထားခဲ့သည်။ အချိန်တန်လို့ အိမ်ပြန်လာတာကိုပဲ ကျေနပ်စွာ ကြိုဖြစ်ခဲ့သည်။ မျက်စိမှိတ်ထားတာတောင် နားထဲ တည့်တည့် တိုးဝင်လာသည့် သတင်း စကားတွေကြောင့် ပိုးတို့ ခဏခဏ စကားများကြသည်။ ကိုကို့ဘက်ကလည်း ပိုးအပေါ် မကျေနပ်မှုတွေ များသထက် များလာသလို ခံစားမိသည်။ ဘာမဟုတ်သည့် အကြောင်းလေးတွေကြောင့် ပိုးကို ရိုက်နှက် သည်အထိ ဖြစ်လာသည်။ ပိုး အသည်းနှလုံးမှာ ဒဏ်ရာ ဒဏ်ချက်တွေ သေးသေးမွှားမွှား ဆိုရင်တောင် မရေမတွက်နိုင်အောင် များလာသော်လည်း ပိုးဘက်ကတော့ ကိုကို့ကို ဘယ်သောအခါမှ စိတ်မကုန်နိုင်ခဲ့ပါ။ ကိုကိုက ပိုးအတွက် ကောင်းကင်တစ်ခု ဖြစ်နေသည့်အတွက် ကောင်းကင်ကပေးသည့် မိုးရွာခြင်း၊ နေပူခြင်းတွေကို လက်သင့်ခံရသလိုပင် ကိုကို့ဆီက ပေးလာသည့် ကောင်းခြင်း ဆိုးခြင်း အားလုံးကိုလည်း ပိုးက ခါးစည်း ခံဖို့ ဆုံးဖြတ်ထားပြီး ဖြစ်သည်။
#####

ကိုကို နယ်ပြောင်းရတော့ အပြီးတိုင် ဝေးတာ မဟုတ်ပဲနဲ့တောင် ပိုးမှာ ငိုခဲ့ရသေးသည်။ ပိုးမှာလည်း ကိုယ့်အလုပ်တာဝန်နဲ့ ကိုယ်မို့ ကိုကို့နောက်ကို လိုက်မသွားနိုင်ခဲ့သောကြောင့် ကိုကို့ကို စိတ်မချနိုင်ခြင်းတွေနှင့် ပိုးမှာ သောကတွေ ပင်လယ်ဝေရသည်။ ကိုကိုကတော့ အနှောင်အဖွဲ့မှ ခဏပဲဖြစ်ဖြစ် လွတ်လပ်သော ငှက်တစ်ကောင်လို တက်ကြွနေခဲ့သည်။ ပိုးကိုတော့ ကတိတွေ အထပ်ထပ်နှင့် နှစ်သိမ့်ခဲ့သည်။

ဝေးနေရသော အချိန်တွေမှာ ပိုးဘက်ကတော့ နေ့တိုင်း ဖုန်းဆက်လိုလှသည်။ သို့ပေမယ့် ကိုကိုက အလုပ်များတာ အကြောင်းပြ၍ နေ့တိုင်း မဆက်စေချင်။ Online ပေါ်မှာလည်း ကိုကို့ကို မတွေ့တာ များသည်။ ပိုးမှာ လွမ်းလှပေမယ့်လည်း ဘာမှမတတ်နိုင်။ ကိုကို က သူများလို ကျောင်းပိတ်ရက် တစ်ရက် နှစ်ရက် ရှိလျှင်တောင် ပြန်မလာခဲ့ပါ။ အဲဒီရက်တွေမှာ ကိုကို့ဘေးနား ပိုးကိုယ်စား နှစ်သိမ့်မည့်သူ တစ်ယောက် ခပ်မြန်မြန်ပင် ရောက်နေခဲ့လိမ့်မည် လို့တော့ မထင်မိ။

အဲဒီနယ်မှာ ခြောက်လလောက်ပဲ နေခဲ့ရပြီးနောက် ကိုကို ပိုးတို့ဌာနကိုပြန်ရောက်လာသည်။ သို့သော် အမျှင်တန်းလန်း သံယောဇဉ် ဇာတ်လမ်းကတော့ မပြတ်မသား ပါလာခဲ့တာ ပိုးက တော်တော်နှင့် မသိခဲ့ပါ။ ကိုကို ပြန်လာပြီး နောက်လ အတန်ငယ်ကြာမှ ပိုးသိခဲ့ရသည်။ သူမက ကိုကိုတို့ ဌာနရဲ့ ဌာနမှူး ဖြစ်သည်။ လောလောဆယ်မှာ နံပါတ် လုံးဝ မရှိသည့် အပျိုကြီးမမ ဆိုပါတော့...။

ပိုးက ကိုယ့်ကိုယ်ကို ကိုကိုနှင့်ပတ်သက်ပြီ သည်းခံနိုင်စွမ်း ကောင်းလှပြီလို့ ထင်ခဲ့သော်လည်း အမှန်တကယ်တော့ မဟုတ်သေးပါ။ ပိုးလည်း ပုထုဇဉ် လူသားတစ်ယောက်သာ မဟုတ်လား။ မိန်းမပီသသော မိန်းမတစ်ယောက်သာပဲ မဟုတ်လား။ မထင်မရှား ဇာတ်လမ်းတွေတုန်းကသာ ခွင့်လွှတ်နိုင်ခဲ့ပေမယ့် ထင်ထင်ရှားရှားကြီး ဖြစ်လာပြန်တော့လည်း မုန့်သာဝေစားရင်စားမယ်၊ အချစ်ကို ခွဲဝေ မခံစားချင်တဲ့ မိန်းမ တစ်ယောက်ပီပီ စိတ်ဆင်းရဲရပြန်သည်။

ကိုကိုက သူ့ Mail Address နဲ့ password ကို ပိုးကို ပေးထားတာ အတော်ကြာခဲ့ပြီ။ သူ့ဘာသာ တစ်ခြား mail နဲ့ တစ်ခြား ကောင်မလေးတွေကို ဆက်သွယ်ချင် ဆက်သွယ်လိမ့်မည် ဖြစ်သော်လည်း သူ အမြဲတမ်း သုံးသော ဒီ mail ကိုတော့ ဘယ်ကောင်မလေးကိုမှ မပေးခဲ့။ သူ့ သူငယ်ချင်း အရင်းအနှီးများနှင့် ပိုးသာ သိသည်။ ပိုးကလည်း တစ်ခါတလေ ကိုကို့ mail ထဲကို ဝင်ကြည့်တတ်မြဲမို့ ကိုကိုက ဒီထဲမှာတော့ ဘာမှမဟုတ်တာ မလုပ်။ တစ်ခါတလေ ကိုကို mail မစစ်ဖြစ်တဲ့ အခါမျိုးမှာ ဝင်လာတဲ့ နိုင်ငံခြားက သူ့သူငယ်ချင်းတွေဆီက mail တွေဆိုလျှင် ပိုးက ဖတ်ပြီး ပြောပြဖြစ်သည်။ ပိုးတို့က နှစ်ကိုယ့်တစ်စိတ်ရယ်လို့ နှစ်ယောက်သား ကြည်နူးစဉ်အချိန်တွေမှာ ပြောဖြစ်ကြမြဲ။ ပိုး mail နှင့် password ကိုလည်း ကိုကို သိတာပင်။

တစ်နေ့မှာ ပိုးလည်း စိတ်ကူးပေါက်ပြီး ကိုကို့ရဲ့ Chat History ကို ဖွင့်ကြည့်မိသည်။ မိန်းကလေးတစ်ယောက်နှင့် ပြောဆိုထားမှုက ပုံမှန်ထက် တအားပိုများနေသည်။ ကိုကိုက သူမကို မမ ဟုခေါ်ပုံထောက်တော့ ကိုကို့ထက် အသက်ကြီးပုံရသည်။ နှစ်ယောက်သားက ဘယ်လို ရိုးရိုးသာမန် မိတ်ဆွေ မဟုတ်တာ သေချာသလောက် ရှိနေသည်။ ပိုးက အစကတော့ သူတို့ နှစ်ယောက်၏ conversation များကို အသေးစိတ် ဖတ်ဖို့ စိတ်ကူးမရှိသေးပါ။ သို့သော် ပိုးစိတ်ထဲမှာ သံသယက ဖယ်မရအောင် ဖိစီးလာသည့်နောက် တစ်ခုချင်း ဖွင့်ဖတ်မိသည်။ အဲဒီ အချိန်ကျမှ ကိုကိုနှင့် သူ၏ မမ တို့အကြောင်းကို ပိုး အသေအချာ သိခဲ့ရခြင်း ဖြစ်သည်။
#####

ကိုကို့ဝန်ခံစကားကို ကြားရမှာ ကြောက်လျှက်နှင့်ပင် မမေးလို့ မဖြစ်တော့သဖြင့် ဖွင့်မေးခဲ့ရသည်။ ကိုကိုကလည်း ပိုးကို သိစေချင်နေပုံတောင် ရသည်။ မြန်မြန်ဆန်ဆန်ပင် ဝန်ခံလိုက်သည်။ ပိုးကို တမင်သက်သက် သိစေချင်လို့သာ ဒီ mail account ကို သုံးပြီး ဆက်သွယ်ခဲ့တာပဲ မဟုတ်လား။ ဒါပေမယ့်လည်း ပိုးသိပြီးသည့်နောက်မှာတော့ အရင်လူတွေလိုပဲ ဖြတ်လိုက်လိမ့်မည် လို့ ပိုးက ကိုယ့်ကိုယ်ကို အထင်တကြီး ထင်လိုက်မိသေးသည်။
“အခု ပိုးသိသွားပြီ ကိုကို၊ အဲလို ရှုပ်တာတွေ ပိုးမကြိုက်ဘူး ဆိုတာ ကိုကို သိတယ်နော်.. ဒီတစ်ယောက်ကိုလည်း ဖြတ်လိုက်တော့၊ ပိုးက အချစ်ကိုတော့ ခွဲမချစ်နိုင်ဘူး..”
“ဒီတစ်ခါတော့ မဖြစ်ဘူး ပိုးရဲ့ မမကို ကိုယ် မဖြတ်နိုင်ဘူး၊ မမက ကိုယ့်ကို သိပ်ချစ်ရှာတာ၊ ကိုယ့်ဘက်က စဖြတ်လိုက်ရင် မမ စိတ်ထိခိုက်သွားလိမ့်မယ်”
“ဘာ ပြောတယ်ကိုကို၊ မမ စိတ်ထိခိုက်သွားလိမ့်မယ် ဟုတ်လား၊ ပိုး စိတ်ထိခိုက်မှာတော့ မစိုးရိမ်ဘူးပေါ့ ဟုတ်လား၊ ကောင်းတယ် ကိုကို၊ ကိုကိုက ပြောင်းလဲချင်နေပြီပေါ့၊ အဲဒီ မမကို မဖြတ်နိုင်ဘူး ဆိုရင် ပိုးကိုပဲ ဖြတ်လိုက်တော့၊ ပိုးကို ပြတ်ပြီလို့ ကိုကို့ ပါးစပ်က ပြောလိုက်၊ ပိုး ချက်ချင်း ဒီအိမ်ပေါ်က ဆင်းသွားမယ်”
“ပိုးကလည်း ကွာ၊ ဘာတွေ ပြောနေတာလည်း၊ ကိုကိုက ပိုးကိုလည်း မဖြတ်နိုင်ပါဘူး၊ ပိုးက ကိုကို့ အချစ်ဆုံး ဆိုတာ သိသားနဲ့၊ ပြဿနာ မလုပ်ချင်ပါနဲ့ကွာ”
“ဒါဖြင့် ကိုကိုက ဘယ်လိုလုပ်ချင်တာလဲ၊ အဲဒီမမ ကို ချစ်မှာလား၊ ပိုးကို ချစ်မှာလား ပြော”
“ကိုကိုကတော့ နှစ်ယောက်လုံးကို ချစ်တာပဲ၊ နားငြီးတယ်ကွာ.. စိတ်ရှုပ်တယ်... အပြင်သွားတော့မယ်”

ကိုကိုက မပြတ်မသားနဲ့ ပြဿနာကို ပြီးစီးအောင် ရှင်းမသွား။ ကိုကိုက ဘယ်မိန်းကလေးကိုမှ သူ့ဘက်က ထားခဲ့တာမျိုး မရှိခဲ့တာလည်း ပိုး အသိသားနဲ့ ထားဖို့ ဖြတ်ဖို့ ပြောမိပြန်သည်။ တစ်ဖက် မိန်းကလေးတွေက ကိုကို့ အကြောင်းကို သိသွားလို့သာ ဖြတ်သွားတာချည်းပဲ မဟုတ်လား။ အခု တစ်ခါလည်း ပိုးဘက်ကပဲ လူကြမ်းမကြီး လုပ်ရပြန်ဦးတော့မည် ထင်သည်။ အမှန်တကယ်တော့ အဲလို ကိုယ်သာလျှင် မူပိုင်ရှင်ပါ ဆိုတာမျိုး တစ်ခြားမိန်းကလေး တစ်ယောက်ကို လိုက်ပြောရတာ ပိုးရှက်လှသည်။ သို့ပေမယ့် ပိုးက ကိုကို့ကို မဆုံးရှုံးနိုင်သူမို့ တတ်နိုင်သမျှတော့ ဒီသံယောဇဉ်တစ်ကြိုးကို ကိုယ့်ဘက်ပါအောင် ဆွဲဆောင်ထားရလိမ့်ဦးမည်။

ကိုကိုကတော့ ဘယ်သူ့ကိုမှ မဖြတ်နိုင်ပါ ဟု သူပြောထားသလိုပင် ပိုးကို အရေးကို မစိုက်တော့ပဲ ပိုးရှေ့မှာပင် သူ့မမ နှင့် ဖုန်းဆက်ကြသည်။ ပိုး ဘယ်လို ခံစားနေမလဲ ဆိုတာ လုံးဝ ထည့်မတွက်ပဲ နားရှက်စရာ စကားများကို ပြောင်ပြောင်တင်းတင်း ပင် ပြောကြသည်။

ထို မမ ကို ပိုးတွေ့ချင်လာသည်။ သူမ တကယ်ပဲ ပိုးနှင့် ကိုကို အကြောင်း မသိတာလား...။ သိသွားရင် ဘယ်လို ဆုံးဖြတ်မလဲ.. ဆိုတာ ပိုး သိချင်သည်။ သူမ ရှိသော မြို့ကို ပိုး လိုက်သွားရင် ကောင်းမလား တောင် စဉ်းစားမိသည်။ အခန့်သင့် ချင်တော့ သူမက ပိုးတို့ မြို့ကို အလုပ်နှင့် လာတုန်း သူငယ်ချင်း တစ်ယောက် အကူအညီနှင့် သွားတွေ့လို့ ရလိုက်သည်။ တွေ့ပြီးမှပင် မတွေ့တာ ပိုကောင်းသေးသည် လို့ ထင်လာသည်။ သူမက အရင်တစ်ခါ ကောင်မလေးလို မသိနားမလည် သူလေး မဟုတ်။ ခေါင်းမာတာလား၊ အစွဲအလမ်း ကြီးတာလား ဘာလား တော့ မသိပါ။ သူမ ဘက်ကတော့ အလျှော့ပေးဖို့ လုံးဝ မရှိတာကို တစ်ခွန်း နှစ်ခွန်း စပြောကြည့်ကတည်းကပင် သိလာသည်။

“မမ ဘက်ကတော့ မောင့်ကို ဘာအကြောင်းပြချက်နဲ့မှ ဖြတ်ဖို့ မရှိဘူးကွ၊ မင်းတောင် သူ့ချစ်သူ ဖြစ်နိုင်သေးရင် မမ လည်း သူ့ချစ်သူ ဘာဖြစ်လို့ မဖြစ်နိုင်ရမှာလဲ၊ မင်း နဲ့ တို့ နှစ်ယောက်ထဲက တစ်ယောက် ရွေးကြေးဆို မောင်ပဲ ရွေးပါစေ၊ မောင်က မမကို ဖြတ်လိုက်ပြီ ဆိုရင်တော့ မမ အေးအေး ဆေးဆေး ကျန်ခဲ့ပေးမယ်၊ မမ ဘက်ကတော့ ဘယ်တော့မှ စ မဖြတ်ဘူး ဆိုတာ မင်း သိထားလိုက်ပါ၊ မင်းဘက်က မောင့်ကို ပိုင်တယ် လို့ ထင်တယ်၊ မောင့်ကို မမ ဆီ မလာအောင် တားထားလိုက်လေ၊ အဲလို မင်းဘက်က မောင့်ကို မပိုင်ပဲနဲ့တော့ မမကို ဘာမှ လာမပြောပါနဲ့”

“မမ ပြောတာကို ပိုးနားလည်ပါတယ်၊ ဒါပေမယ့် ပိုးတို့က အတူတူ နေခဲ့တာ လေးနှစ်လောက် ရှိနေပြီ မမရဲ့၊ ပိုးဘက်ကတော့ ဘယ်လိုမှ နောက်ဆုတ်မပေးနိုင်တော့လို့ပါ၊ မမ ဘက်က ဘာမှ မလွန်သေးခင် နောက်ဆုတ်ပေးဖို့ ပိုးက တောင်းပန်ချင်တာပါ၊ ကိုကို့ကို ပိုးက ပြောပါတယ်၊ မမကိုပဲ ရွေးချင်တယ်ဆို ပိုးကို စွန့်လွှတ်လိုက်ပါ လို့...။ အဲလို ဆိုတော့လည်း ကိုကိုက ပိုးကို မစွန့်နိုင်ဘူး၊ မမကိုလည်း မဖြတ်နိုင်ဘူး၊ မမ အဲလို မပြတ်မသား ဘဝမှာ နေနိုင်သလား၊ တစ်ယောက် ဆို တစ်ယောက် ပြတ်ပြတ်သားသား ရှိသင့်တယ် မဟုတ်ဘူးလား၊ ပိုးကတော့ ရှင်းရှင်းပဲ ပြောမယ်၊ အဲလို အပြိုင်ဘဝမှာ လုံးဝ မနေနိုင်ဘူး”

“မင်း ဘက်က ဘယ်လို သဘောထားတယ် ဆိုတာ ငါ ဂရုမစိုက်ဘူး မိန်းကလေး၊ မောင်က ငါ့ကို ချစ်တယ်၊ ငါကလည်း မောင့်ကို ချစ်တယ်၊ မောင့်မှာ မင်း ရှိနေတယ် ဆိုရင်လည်း ငါကတော့ ခွင့်လွှတ်နိုင်တယ်၊ မင်းဘက်က အပြိုင် အနေနဲ့ မနေနိုင်ဘူး ဆိုရင် မင်း မောင့်ကို စွန့်လွှတ်လိုက်ဖို့ပဲ ရှိတာပဲ၊ ငါ့ဘက်ကတော့ မောင့်ကို စပြီး စွန့်လွှတ်ဖို့ လုံးဝ မမျှော်လင့်ပါနဲ့၊ ငါ့ သဘောထားကို ပြောပြီးပြီ၊ ဘာမှ ထပ်နားမထောင်နိုင်တော့ဘူး၊ ငါ့မှာလည်း အလုပ်တွေ ရှိသေးတယ်”

သူမက ပိုးကို စကားဆုံးအောင် ပင် ပြောခွင့်မပေးပဲ ယဉ်ယဉ်ကျေးကျေး နှင်ခြင်းကိုပင် ခံလိုက်ရသည်။ ပိုးမျှော်လင့်ခဲ့သည့် သူမ ဘက်က နားလည်စွာ ရှောင်သွားဖို့ ဆိုတာက ရေစုန်မှာ မျောသွားခဲ့ပြီ။
#####

“ကိုကို တစ်ယောက်ယောက်ကို အတည်တကျ လက်ထပ်ပြီး နေလိုက်ပါတော။့ ပိုးလား..၊ ကိုကို့ မမ လား..၊ ကိုကို ဆုံးဖြတ်ဖို့ ကောင်းပြီ၊ ပိုး ဒီအတိုင်း မနေနိုင်တော့ဘူး၊ နောက်ပြီး ကိုကို နောက်ထပ် တစ်ခြား မိန်းကလေးတွေ ကိုလည်း ဒုက္ခ မပေးပါနဲ့တော့”
“ကိုယ်က ဘယ်သူ့ကိုမှ ဒုက္ခ မပေးဘူး၊ အချစ် လိုချင်တဲ့ သူကို အချစ်ပေးတာပဲ၊ ကိုယ့်ဘက်ကတော့ ဒီလို နေတာလည်း အဆင်ပြေနေတာပဲ၊ ဘာဖြစ်လို့ တစ်ယောက်ယောက်ကို လက်ထပ်ပြီး အချည်အနှောင် ခံရမှာလဲ၊ ကိုယ့်မှာ လုံးဝ အစီအစဉ် မရှိသေးဘူး”
“အဲဒါ ကိုကို့ ဆုံးဖြတ်ချက်ပဲပေါ့၊ အတည်ပဲနော်”
ကိုကိုက ဘာမှ ပြန်မပြောပဲ ပခုံးတစ်ချက်သာ တွန့်ပြသည်။

ပိုးဘက်က ပြတ်ပြတ်သားသား ဆုံးဖြတ်ရတော့မည့် အချိန်ရောက်နေပြီ ဟု ထင်သည်။ ပိုး ဒီထက် ပိုပြီး ဒဏ်ရာ အနာတရ အဖြစ် မခံနိုင်တော့ပါ။ ပိုးအသည်းနှလုံးက ဒဏ်ရာ ခဏ ခဏ ရလွန်းသဖြင့် ခံနိုင်ရည် အားနည်းနေလေပြီ။ ပိုးက တစ်ချိန်မှာတော့ ကိုကို နှင့် လက်ထပ်ပြီး ပျော်ရွှင်သော ဘဝတစ်ခု ထူထောင်ဖို့ ယုံကြည်ချက် တစ်ခုနှင့် ရှင်သန်နေခဲ့ခြင်း ဖြစ်သည်။ အခုအချိန်မှာ... ကိုကိုက ပိုးကို လက်ထပ်ဖို့တောင် မသေချာတော့သော ဘဝမှာ ပိုးက ဘာကို ယုံကြည်ပြီး ဆက်နေရမလဲ...။

ကိုကို မရှိသည့် အချိန်မှာ ပိုး အိမ်က အပြီးအပိုင် ဆင်းလာခဲ့သည်။ ကိုကို့ ရှေ့မှာ ဆင်းဖို့ လုပ်လို့ ကိုကို က တစ်ခွန်းတားရင် ပိုး နှလုံးသားက ပျော့ညံနေမှာ စိုးရိမ်သည်။ အဲဒါကြောင့် ပိုး ဆုံးဖြတ်ချက် မပျက်အောင် ကိုကို မရှိချိန်မှာ ပစ္စည်းတွေ အကုန်ယူပြီး အိမ်က ဆင်းလာလိုက်သည်။ သူငယ်ချင်းတွေ နေသော ဆရာမ အဆောင်မှာပဲ သွားနေဖြစ်သည်။ အဆောင် ဆိုတော့ ကိုကိုလည်း အလိုက်မသိ လာသောင်းကျန်းလို့ မရနိုင်တော့ ပိုးအတွက် အကာအကွယ် ဖြစ်စေသည်။ ကိုကိုက ပိုးကို ဖုန်းဆက်သေးသော်လည်း ပိုးက မကိုင်။ အဆောင်ကိုလာသော်လည်း ပိုးက ထွက်မတွေ့။ နောက်တော့ ကိုကို လက်လျော့သွားသည်။

ကိုကို့အပေါ် သံယောဇဉ် မကုန်နိုင်သေးသော ပိုးက ကိုကို နှင့် သူမ အကြောင်း တစ်စွန်းတစ်စ စုံစမ်းကြည့်တော့ အဆင်ပြေလျှက်ပဲ ဆိုတာ သိရသည်။ တကယ်လို့များ ကိုကို့ဘက်က နောင်တ ရပြီး သူမကို ဖြတ်ကာ ပိုးကိုပဲ လက်ထပ်ပါတော့မည် ဟု ပြောလာမည့် အချိန်များ ရှိခဲ့လျှင် ပိုးဘက်က ခေါင်းညိတ်ဖို့ အဆင်သင့် ရှိနေခဲ့သေးသည်။ ကိုကို့ဘက်က အခြေအနေကို သေချာသိပြီးသည့် နောက်မှာတော့ ပိုးဘက်က မျှော်လင့်ချက် လက်ကျန်ကို အပြီးတိုင် စွန့်ပစ်ဖို့က လွဲလို့ မရှိတော့ပါ။

ပိုးဘက်ကလည်း ကိုကို့ကို လွယ်လွယ်ကူကူ နှင့်တော့ စွန့်လွှတ်နိုင်ခဲ့တာ မဟုတ်ပါ။ ဌာနမှာ ကိုကို့ကို မတွေ့အောင် ရှောင်ရတာကပင် ပိုးအတွက် ကြီးမားသော ဒုက္ခ တစ်ခု။ ကိုကို့ကို မေ့နိုင်ဖို့ဆိုတာ ဘယ်ကာလ အထိ ကြိုးစားရဦးမယ်လည်း မသိနိုင်။ ပိုး သေချာပေါက် ကြိုးစားနေပါသည်။ သို့ပေမယ့် နှလုံးသား ဆိုတာလည်း အချိန်ကိုက် ပြောင်းလဲနိုင်သည့် ပစ္စည်း တစ်ခု မဟုတ်တော့ ခက်သားပင်။ ကိုကို မရှိသည့် နေ့တွေ ညတွေကို ပိုး ရူးမတတ် ရင်ဆိုင်နေရသည်။ တစ်ခါတလေလည်း အနာဂါတ် ဆိုတာကို ထည့်မတွေးပဲ ကိုကို့ ဘေးမှာ အောက်ကျ နောက်ကျ ခံပြီးပဲ ဖြစ်ဖြစ် နေသွားချင်စိတ် ပေါ်မိသည်။ အဲလို ပြန်မလုပ်တော့ဘူး ဆိုတာလည်း ပိုး ကိုယ့်ဟာကိုယ် ဆုံးဖြတ်ချက် အသေအချာ ချထားပြီးသားမို့ ပြန်ပြင်ဖို့ စိတ်ကူးလည်း မရှိပါ။

တစ်နေ့ကတော့ ကိုကို့ တိုက်ခန်းမှာ ကျန်ခဲ့သည့် ပစ္စည်းတစ်ခု လာပို့ပေးဖို့ ကိုကို့ကို ဖုန်းဆက်တော့ လာပို့ပေးမည် ဟုပြောသည်။ တမင်ပင် တိုက်ခန်းကို မသွားချင်သည်နှင့် စားသောက်ဆိုင် တစ်ခုမှာ ချိန်းဖြစ်သည်။ တွေ့ကြတော့လည်း ခံစားချက်က ပြင်းပြလာဆဲ။ နှစ်ယောက်သား စားရင်း သောက်ရင်း .. ပိုးလည်း စိတ်ညစ်ညစ်နှင့် တော်တော် များများ သောက်မိသည်။ ပိုးကို ပြန်လိုက်ပို့ရင်း နှစ်ယောက်သား အဆောင်ရှေ့မှာ ရန်ဖြစ်ကြပြန်သည်။ ကိုကို့က ပြန်လာခဲ့ဖို့ ခေါ်သည်။ သို့သော် လက်ထပ်ဖို့နှင့် သူမကို ဖြတ်ဖို့တော့ ကတိမပေးနိုင် ဟု ဆိုသည်။
#####
 
ပတ်ဝန်းကျင် အသစ် ဆိုလျှင် ကိုကို့ မေ့နိုင်ဖို့ ပိုပြီး လွယ်ကူလေမလား... ထင်မိသောကြောင့် ဘွဲ့လွန် ဆက်တက်ဖို့ ဝင်ခွင့် ဖြေမိသည်။ ကိုကိုလည်း ဖြေတာကို သိတော့ ပတ်ဝန်းကျင် အသစ်မှာပင် ကိုကိုနှင့် ထပ်တွေ့နေလျှင် ပိုးဘက်က ဆက်လက် တင်းမာဖို့ ခက်နေတော့မှာကို ကြောက်မိသေးသည်။ ကံကောင်းချင်တော့ ဝင်ခွင့်မှာ ပိုးက ပါလာပြီး ကိုကိုက ကျန်ခဲ့သည်။ ကိုကို နှင့် ဘာမှ မဆိုင်သည့် ပတ်ဝန်းကျင် ဆိုသော်လည်း...၊ ဘာ အကြောင်းတိုက်ဆိုင်မှုမှ မရှိပါပဲနှင့်လည်း.. ရုတ်တရက် သတိရမိသည့် အချိန်ဆို ပိုးက လူရှေ့ သူရှေ့ မရှောင် မျက်ရည် ကျချင် ကျမိတတ်သေးသည်။ လူ တကာက ပိုးကို အချစ်ရူးမလေး၊ အချစ်ရှုံးသမားလေး ရယ်လို့ သိသွားမှာကိုလည်း ဂရုမစိုက်ချင်တော့။ အရင် အဆောင်မှာတော့ သူငယ်ချင်းများက ပိုးခံစားချက်ကို သိပြီးသား ပေမယ့် ဒီအဆောင်သစ်မှာတော့ ပိုး သူငယ်ချင်း ရင်ဖွင့်စရာ အဖော်က တစ်ယောက်တစ်လေသာ ပါလာသည်။

ဘာပဲဖြစ်ဖြစ် ပိုးရွေးချယ်တာ မှန်ကန်ခဲ့ပါသည်။ ပတ်ဝန်းကျင် အသစ်မှာ ပိုး ကိုကို့ကို အချိန်တိုင်း သတိမရနိုင်တော့ပါ။ ကိုကို သူမ နှင့် လက်မထပ်သေးတာ သိပေမယ့် အရူးအနှမ်း မျှော်လင့်ချက်မျိုးကို မမျှော်လင့်မိတော့ပါ။ ကိုကို့ စိတ်သဘောထားကို ခုနေခါမှာတော့ ပိုး ကောင်းကောင်း သိခဲ့ပါပြီ။ ကိုကို မရှိသော ဘဝဟာ ပိုးအတွက် ကောင်းကင်ပျောက်သော အချိန်များ ရယ်လို့ တမ်းတ လွမ်းဆွတ် ခွင့်ကိုပင် ပိုးကိုယ်ပိုး မပေးချင်တော့ပြီ။ ကိုကို ဟာ ပိုးရဲ့  ကောင်းကင် မဖြစ်ထိုက်လို့သာ မဖြစ်ရခြင်း ရယ်လို့ သဘောထားနိုင်ဖို့ ကြိုးစားနေပါသည်။ သို့ပေမယ့်လည်း ပိုးရဲ့ ချစ်ခြင်းဒဏ်ရာတွေ အကင်းသေဖို့ ဆိုတာတော့ အချိန်တစ်ခုက ကုစားပေးမှသာ ဖြစ်နိုင်လိမ့်မည်။ နှလုံးသား က ချစ်ခြင်း တစ်ခုကို အမုန်းပြောင်းဖို့ဆို ဘယ်လို အကြောင်းပြချက်တွေ ပြည့်ဝနေပေမယ့်လည်း သင်္ချာ အီကွေးရှင်း တွေလို အလွယ်တကူ ပြောင်းလဲလို့ ရတာမှ မဟုတ်ပဲလေ...။
#####

မြူနှင်းတွေ ပြယ်လွင့် သွားတော့ ကောင်းကင်ပြာကို အသစ်လို ပြန်မြင်လာရသည်။ လှိုင်းတွန့်လို လမ်းမကြီး ပေါ်က နှင်းစက်တွေလည်း နေရောင် ဖြိုးဖြအောက်မှာ ခြောက်သွေ့စပြုလို့ ...။ မြူငွေ့တွေ သမ်းနေတုန်းက ခေါင်းငုံနေတဲ့ ပန်းကလေးတွေလည်း အပြင်ကို မော့ကြည့်လာပြီ။ အရင် တစ်မိနစ် တုန်းက ပိန်းပိတ်အောင် မှောင်နေတဲ့ ဝန်းကျင်က ခုတော့ သူမဟုတ်သလိုပင်။ လောကမှာ ဘယ်အရာမှ အမြဲဖြစ်မနေနိုင်... အမြဲရှိမနေနိုင်တဲ့ အကြောင်း... ပိုးကို ပြလိုက်သလားတောင် ထင်မိရဲ့။ ပိုးမှာလည်း အနာဂါတ် တစ်ခု သေချာပေါက် ရှိနေမှာပါ။ အခု မမြင်နိုင်သေးရင်တောင် တစ်ချိန်မှာတော့ ထင်ရှားလာမှာကို ပိုး ယုံကြည်နေပါသည်။ မြူမှုန်ကင်းတဲ့ တစ်နေ့.. ပိုးရဲ့ ကောင်းကင်အသစ် အောက်မှာ လမ်းလျှောက်နိုင်ဖို့ အင်အားတွေ ပိုးမှာ ရှိနေပါလိမ့်ဦးမည်။

သိင်္ဂါကျော်

14 comments:

flowerpoem said...

ပိုးအတွက် မျှော်လင့်ချက် ကောင်းကင်အသစ်တွေ အမြန်ဆုံးရပါစေလို့ ဆုတောင်းပါတယ်..

ဝက်ဝံလေး said...

ဟင်းးးးး မောလိုက်တာ မ ရယ် ဖတ်ရတာ
ပိုးလေး သနားပါတယ်

ချော(အစိမ်းရောင်လွင်ပြင်) said...

ပိုးလိုမိန်းခလေး၊ ကိုကိုလိုယောက်ျားလေး မမလို မိန်းခလေး
အင်း အပြင်မှာလည်း တကယ်ဘဲ ရှိတတ်ပါတယ်..
ကိုကိုလို အချစ်ကို အလှူပေးချင်တဲ့ယောက်ျားတွေကြောင့် မိန်းခလေးတွေ အသည်းကွဲရတာလည်း မနည်းရှိမှာဘဲ။
ဘာလို့များ တစ်ယောက်တည်းရဲ့ အချစ်နဲ့ မတင်းတိမ်နိုင်တာလဲ မသိ။
မိန်းခလေးတွေကတော့ ဘယ်သူမှ အချစ်ကို မျှဝေပြီး ချစ်ချင်တဲ့သူ ရှိပါ့မလဲ။ မတတ်သာလို့ လွတ်ထားရတာဘဲ ရှိမယ် ဘယ်သူမှတော့ ကြည်ဖြူနိုင်မယ် မထင်ဘူး။
သစ္စာမရှိ၊ ကိုယ့်ကိုလည်း တန်ဖိုးမထားမှတော့ နောက်ဆုတ်လိုက်တာပိုးပိုးအတွက် ကောင်းပါတယ်လေ။

ဖိုးကြယ် said...

ကောင်းကင်ပျောက်သောဘဝမှာ လဲကျသေဆုံးသွားရမှာလား၊ အပြာရောင် သမ်းတဲ့ ကောင်းကင်ပေါ်လာချိန်ထိ ကြံ့ကြံ့ခိုင်မှာလား......
နှစ်သက်မိတယ်ဆိုတာထက် ရင်ထဲကိုထိခဲ့တဲ့ ဝတ္တုတိုလေး တစ်ပုဒ်ပါပဲဗျာ........

ခင်တဲ့ (ဖိုးကြယ်)

မြတ်ပုလဲဖြူ said...

တကယ်ချစ်တဲ့သူ ၊
တကယ်အစွဲအလမ်းကြီးတဲ့သူ ၊
တကယ်ခံစားတတ်တဲ့သူက
အရာရာမှာ ရူံးရတာကြီးပါပဲ။
အဲ့ဒါတွေကြောင့် ..
အနစ်နာရဆုံးကတော့
ကိုယ့်ရဲ့  အချိန်နဲ့နုပျိုမှု တွေပါ။

ahphyulay said...

အင်း...
ချစ်ခြင်းကနေ အမုန်းတစ်ခုကို ပြောင်းဖို့ ဆိုတာ
သင်္ချာအီကွေးရှင်းလို မလွယ်ဘူးဆိုတာတော့ 
လက်ခံပါတယ်။ မချစ်မိခင် ရပ်လို့ ရပေမဲ့  ချစ်ပြီး အဲ
ချစ်မိ သွားရင်တော့  ရပ်လို့ မရတော့ ဘူးလေ၊
အသံထက်မြန်တဲ့ ယဉ်တွေတောင်အဲ့ ဒီအချစ်ကို မှီမယ်မထင်ပါ။
မုန်းပါတယ်ဆိုတာအချေအနေတစ်ခုကြောင့်  ဖြစ်ပေမဲ့ 
မေ့ ဘို့ တောင်မလွယ်မှတော့  ဖြစ်နှိုင်ပါ့ မလား။
မုန်းလို့  မေ့ လို့ ရတယ်ဆိုတဲ့ သူတွေက တကယ်တော့ 
လိမ်နေကြတာပါပဲ။

ရွှေရတုမှတ်တမ်း said...

ရည်းစားတထောင် လင်ကောင်တယောက်တဲ့..
ကဲ..ဘာဖြစ်လဲ..သူလဲရည်းစားများ..ကိုယ်လဲရည်းစားများ..ပျော်စရာကြီး..
ဒါဆိုဒါပဲ ဆိုရင်တော့..ကိုယ်ပဲ စိတ်ညစ်နေရမှာ..
စိတ်ညစ်မခံနိုင်ပေါင်..လူ့ဘဝက ခနလေး..

မေဓာဝီ said...

ဘကျောက်ကတော့ မြှောက်ပေးနေပြီ။ :)
ဝတ္ထုလေး လာဖတ်သွားတယ် မသိင်္ဂါရေ ... ချစ်သူတိုင်း သစ္စာရှိကြရင် သိပ်ကောင်းမှာပဲနော် ....

ကိုအောင်(ပျူနိုင်ငံ) said...

ကိုကြီးကျောက် ပြောသလို ဇာတ်ကောင်ကို
ရည်စားတစ်ထောင်တော့ ပေးမတွေ့နဲ့နော် :P
ဇာတ်လမ်းထဲက ပိုးအဖြစ်က သနားစရာပါလား။

cupid said...

ပိုး အချစ်ကို လေးစားသည်။ ။

ခွန်မြလှိုင် said...

ဇာတ်လမ်းလေး ယုတ္တိဆန်ပြီး ပကတိ လူ့သဘာဝနဲ့ နီးစပ်သလို အရေးအသား နိုင်နင်းတယ်။ ရည်ရွယ်ချက် လဲ ကောင်းတယ်။ နူးညံ့သိမ်မွေ့မှုနဲ့ ပျော့ညံ့မှု၊ တဖက်သတ် ဆန်မှုနဲ့ ပြတ်သားမှု မတူကြောင်း ပါးပါး လေး ပြသွားတယ်... ကြိုက်တယ်။

စိုင်း said...

မောင်ရင် ရဲ့ပတ်ဝန်းကျင်မှာ လည်း ဒါမျိုးတွေ့ဖူးတယ်။ မောင်ရင် ခန့်မှန်းကြည့်မယ် နော်... ဒါတကယ့်အဖြစ်အပျက် ဖြစ်လိမ့်မယ် ...
အရသာရှိတဲ့ စာကောင်းတပုဒ်ပါပဲ ... ကျေးဇူး မသင်္ဂါကျော်...

ရွှေပြည်သူ said...

ဖတ်ရင်း မျက်မှောင်တွေကျုံ့လာတဲ့အထိ ပိုးအတွက် စိတ်မကောင်း ဖြစ်ရပါတယ်။ “ကိုကို”လို ယောက်ျားမျိုးတွေဟာ ဘယ်သူ့ကိုမှ ဘာအတွက်မှ ငဲ့ညှာလေ့မရှိတာကြောင့် သူနဲ့မြန်မြန်ဝေးလေ ပိုးရဲ့ဝဋ်ကြွေးကုန်ချိန် မြန်မြန်ရောက်လေလို့ပဲ ယုံကြည်မိပါတယ်။ ကိုကိုဟာ မမနဲ့ လက်ထပ်ဖြစ်ရင်တောင် မမ ကံဆိုးတာပဲ ဖြစ်မှာပါ။ ချောမွေ့ပြေပြစ်လွန်းတဲ့အစ်မရဲ့ အရေးအသားကြောင့် အစကနေအဆုံး မျက်တောင်တချက်မခတ်ဘဲ ဖတ်သွားမိပါတယ်။

အင်ကြင်းသန့် said...

မသိင်္ဂါရေ...ကိုကိုလိုယောကျာ်းမျိုးတွေအတွက် ပိုးလိုလုပ်ရပ်မျိုးနဲ့ပဲထိုက်တန်ပါတယ်။ ပိုးရဲ့အနာဂတ်တွေလှပလာမှာပါ။